You Cannot Download this book untill you login but you can read it .

---

Login Register

haka dai su jarumi Damzur suka cigaba
da sa ido akan Aryala har cikinta ya tsufa ya cika
wata tara.A ranar da nakuda tazowa Aryala ne
akayi abin mamaki da baza'a taba mancewa
dashi ba domin a ranar ne kauyen gaba daya ya
sauya hadari ya gangamo alhalin lokacin
bazarane bana damina ba,aka rinka tsala ruwan
sama tamkar da bakin kwarya,kuma a ranar ne
dabbobin daji suka firgice suka shigo cikin gari
suka cudanya da mutane ba tare da son cutar
dasu ba.
A ranar ne jama'a sukayi ta hako zinare,lu'u lu'u
a ko ina cikin kauyen daga sauran kauyukan dake
makwabtaka dasu domin wannan bakon jaririn
dan baiwa da aka haifa.
Daga wannan rana Aryala taci gaba da rainon
jaririnta,jarumi damzur da barde husum kuwa sai
sukayi wata katuwar gona suka kama noma a
cikinta inda suka sami albarkar noman suka
zamo babu tamkarsu a harkar noma a kauyen
gaba daya.
Sannu a hankali jaririn Aryala yacigaba da girma
ai kuwa yana cika shekara shida a duniya sai
Damzur da Barde Husum suka fara koya masa
yaki.
Lallai barewa batayi gudu ba danta yayi
rarrafe,aikuwa shekara shidan ne wannan yaro
wanda ake kira da suna Goga ya rinka yin
gagarumar jarumtaka wacce ta ninka wadda
mahaifiyarsa tayi sau goma domin tun a sannan
yake iya fada da karti arba'in ya kaisu kas
saboda tsananin karfin damtsensa da iya
yakinsa.
Lokacin kuwa da ya cika shekara goma shi kadai
yake shiga daji yayi farautar yan fashi komai
yawansu sai yazo da kawunansu ya lodosu akan
dokinsa yazo dasu cikin kauyen,saidai kawai
mutane suyita al'ajabin wannan jarumtakar
tasa.A wannan lokaci ne aka samasa suna
Jarumi Sha Yaki ba don komai akasa masa
wannan suna ba sai saboda yana iya shafe
kwana uku yana yin yaki batare daya gaji ba.
Wata rana ya dawo daga yin farauta a daji sai
kawai yaji mahaifiyarsa dasu jarumi damzue suna
hirar abinda ya faru tun kan a haifeshi don haka
saiya labe
™AbbAs AbdUlkAdIr hAdA hAdA™
yana sauraransu a sannan ne yaji tarihin yadda
aka sami cikinsa da yadda bakin cikin hakan yasa
ta
hakura da kasarta da mulkinta.Koda jin wannan
labari sai hawaye ya zubowa Goga Sha Yaki yaji
ya
tsani sarki Uzaima da dukkanin sarakunan dake
waccen nahiyar ma,take ya dauki alwashin cewa
saiya kawar da dukkanin sarakunan ya kafa
sabuwar daula tasa da karfin tsiya......
Koda Yarima yazo daidai nan a labarinsa sai
kawai ya fahimci asuba tayi,al'amarin da yayi
matukar bashi mamaki kenan nan take ya katse
labarin dayake baiwa su Nauwara yace kowa ya
tashi ayi alwala domin gabatar da sallar asuba.
Koda jin haka sai kowa ya cika da mamakim
yadda akayi har asuba tayi basu sani ba saboda
dadin labarin da yake basu.
SHIN SU YARIMA YAZID ZASU ISA KOGON
HAJRUL ASWAD A RAYE SU DAUKO WASIKAR
JINI?
WANE IRIN MUGAYEN MASIFU ZASU HADU DASU
AKAN HANYA KAFIN SU ISA CAN?
TSAKANIN WAZIRI RIDWAN DA YARIMA ZAINUR
WAYE ZAI GAJI SARAUTAR?
INA LABARIN SARAUNIYA LAZWARA?
SHIN ITAMA ZA'AYI WANNAN TAFIYA TARE DA
ITA?
MENENE DALILIN DA YASA LOKACIN DA GIMBIYA
NAUWARA DA YARIMA YAZID SUNA GANIN JUNA
SAI ZUCIYOYINSU SUKA BUGA DA KARFI?
Godiya ta musamman Ga Allah (SWT)Madaukakin
Sarki,Mai Rahama Mai jin Kai daya bani ikon
Kammala "Wasikar Jini" 1-6.
kuma zamu cigaba da 7 insha Allahu
ina neman goyon bayan ku 100% kamar yadda
nake tare daku da fatan bazakuban kunyaba ta
wajen comment da like and share..
Littafi Na Bakwai (7)
Part Â.
.
Yauwa wa BAYAN SU YARIMA YAZID SUN IDAR
DA SALLAR ASUBA ANYI ADDU'A AN SHAFA A
CIKIN WANNAN
KOGON DUTSE.Sai Yarima Zainur ya dubi sarkin
yaki Haiman tace yakai Abbana yanzu zamuyi
bankwana daku anan ni da Yazid mu tafi izuwa
can kogon Harul Aswad in yaso kai da uwata da
gimbiya Naurawa da dakarunka sai ku cigaba da
zaman jiranmu har Allah ya dawo damu domin
kuwa rayuwarku zata zama a cikin mummunan
hadari idan har kuka fita daga cikin wannan
kogon
dutse saboda na tabbatar da cewa a yanzu haka
Waziri Ridwan da dakarunsa nan nan suna
farautarmu.
Kafin Zainur ya gama rufe bakinsa tuni Sarkin
yaki Haiman ya tari numfashinsa yana mai cewa
haba yakai dana saboda wane dalilin zaka hanani
yin wannan gagarumar tafiya wacce ko mutum
mutuwa yayi a sanadinta tamkar shahada ce yayi
tunda akan nufin daukaka KALMAR ALLAH muke.
Ka tuna cewa na sami lafiyar jikina tamkar ban
taba yin wani ciwo ba.Ka tuna da yakin da
mukayi da wadannan dakarun sumame yadda
Allah ya bamu sa'a akansu a cikin kankanin
lokaci.
Dan haka ni yanzu babu abinda nake shakka ko
nake tsoro face ubangijin musulunci.
Dani da matata da dukkan wadannan hadimai
nawa da kuma
gimbiya Nauwara duk sun sallama rayuwarsu
domin daukaka kalmar Allah saboda haka kawai
muyi
tafiya tare gaba dayanmu.
Wuya bata kisa kuma dole sai ansha wuyar
sannan akan sha
dadi,wannan tafiya da zamuyi itace kadai babbar
madogarar da zamuyi amfani da ita wajen
jaddada addinin gaskiya a wannan nahiya gaba
daya.
Koda sarkin yaki Haiman yazo nan a jawabinsa
sai gimbiya Nauwara taji wani irin gagarumin
farin ciki
ya lullubeta bisa jin cewa tare da ita za'ayi
wannan tafiya dik da cewa tasan halin data baro
mahaifinta a kan gangarar mutuwa.
Tuni itama a cikin zuciyarta ta yanke kaunar sake
saduwa da mahaifin nata tunda tasan cewa bashi
da niyar karbar addinin gaskiya bare ya sami
dace da samin
babban rabo a wajen Allah.
Ba tare da wata gardama ba shima Yarima Yazid
ya amince da suyi wannan tafiya tare gaba
dayansu.Nan da nan kowa ya kimtsa suka hau
dawakansu suka fita daga cikin wannan kogon
dutse suka nausa izuwa cikin daji.
Saida sukayi tafiya mai tsawo batare da sun hadu
da komai ba har rana tayi sosai.Yazid ya
shawarci Yarima Zainur dasu yada zango a
wannan wuri ayi sallar azahar kuma a ci abinci in
yaso a cigaba da tafiya.
Batare da wata gardama ba kuwa ya amince da
wannan shawara.Bayan an idar da sallah an fara
cin abinci ne kwatsam sai yarima
Yazid ya cire hannunsa daga cin abincin ya mike
tsaye zumbur ya kurawa gabas idanu.Al'amarin
daya razana kowa kenan a wurin kuma yasa
yarima Zainur ma ya tsaya ga barin cin abincin
ya mike
ya dubi Yazid cikin kaduwa da mamaki yace,yakai
Abokina lafiya kuwa naga ka daina cin abincin ka
mike tsaye zumbur haka?
Me yasa ka kura idanunka izuwa gabashin
wanann daji?
Sa'adda Yarima Yazid yaji wannan tambaya sai
yayi ajiyar zuciya yace inaji a jikina cewar a
koyaushe za'a iya kawo mana hari na MAMAYAR
BAZATO daga gabashin wannan dajin.
Zuciyata tana gaya min cewa akwai abokan gaba
a bayanmu masu farautarmu kuma nan da lokaci
kankani zasu riskemu anan.
Koda jin wannan batu sai Yarima
Zainur yayi dariya yace waishin a mafarki aka
nuna maka wannan al'amari ko kuwa hasashen
kawai
kakeyi?
Yazid ya dubi Zainur fuskarsa a murtuke babu
alamar raha ko wasa yace ba mafarki nake yi
ba kuma ba almara bace.Yau da gobe ce tasa na
kiyasta faruwar hakan.kuma ni Allah hore mini
baiwa irin wannan tahin abinda zai faru tun kafin
ya farun.
Koda jin haka sai sarkin yaki Haiman ya dubi
Yarima Zainur yace yakai dana ka sani cewa
nima nayi imani da abinda yarima Yazid ya fada
dan haka ya zama wajibi mu dauki matakin
gaggawa.
Yakai Yazid yanzu menene abinyi?Yazid yayi
ajiyar numfashi sannan ya dubi Haiman yace
maza kasa a kwashe komai namu daga nan
aboye acan gaba kadan amma abar tantuna
kamar guda uku.
Mu duka zamu ja da baya mu buya a cikin
duhuwoyi amma mu zagaye wannan sansani
muna masu dana KWARI DA BAKA.
Kafin nan zamu haka kasa mu binne tarkuna
kamar guda dubu kuma zamu daddaura mugayen
tarkuna a saman jikin bishiyoyi suma kamar guda
dubu.
Cikin kaduwa da mamaki Haiman ya dubi Yarima
Yazid yace ta yaya
kake zaton cewa zamu iya kammala wannan aiki
a cikin kankanin lokaci kuma a tunaninka makiyan
da suke biye damu suna da yawan da har sai
munyi musu wadannan mugayen tarkuna haka?
Yazid ya gyada kai yace kwarai kuwa makiyan
dake binmu sun ninkamu yawa sannan kuma sun
fitowa ne da gagarumin shiri domin su hallakamu
kuma su rabamu da wannan taswira ta zuwa
kogon Hajarul Aswad.Lallai idan mukai gaba da
gaba dasu sai sun karar damu gaba
dayanmu.Hakan ma da zamuyi yan dabaru ne mu
dana musu tarkuna
na bazato ba iya karar dasu zamuyi ba,amma
zamuyi matukar razana su har su karaya su ja da
baya,mu kuma sai musan wata sabuwar dabarar
da zamuyi musu.
Illa haka zamuyi ta fafatawa dasu har mu isa
kogin Hajarul Aswad.Abinda nasani kawai shine
yayi da tafiyar ta nutsa damu dasu duk
rayuwarmu tana cikin hadari sai mai yawan rai
zai kai labari.Abinda nake so daku shine musa
aranku
cewa ubangijin gaskiya na tare damu kuma shine
kadai zai kare mu daga dukkan abin ki.Ya bamu
nasara bisa abinda mukasa a gabanmu.Koda
gama fadin haka sai Yarima Yazid ya zabi mutum
ashirin daga cikin yaran sarkin yaki suka tafi
izuwa cikin daji da gudu sukaje suka saro rassan
bishiyoyi
akazo aka fikesu.Wasu aka binne su a karkashin
kasa wasu aka tabesu aka daddaure su a saman
bishiyoyi cikin duhuwar ganyaye.Saidai su Yarima
Yazid suka shafe kusan sa'a daya da rabi suna
wannan aiki,kuma duk sa'adda Yazid yake
™Abbas Abdulkadir hada hada™
kokarin hada tarko sai yaga Gimbiya Nauwara ma
tana kwaikwayon abinda yakeyi kuma sai gashi
tana yinsa mai kyau da inganci kamar tasan
yadda akeyi.
Al'amarin daya daure mai kai kenan ya bashi
mamaki.Da zarar Nauwara taga zata hada idanu
da Yarima Yazid sai tayi sauri ta kau da kanta
saboda ta tsare darajarta da kimarta ta 'ya mace
kuma yar
sarki.Ba komai ne yasa hakan ba face ta fahimci
cewa tabbas zuciyarta ta kamu da son wanann
kyakkyawan saurayi ma'abocin kyau da kwarjini
amma sai tayi alkawari da zuciyarta cewar ba
zata nuna masa sirirn zuciyarta ba face ya fara
tuna mata da kansa.
Tabbas rashin sani yafi dare duhu.Inda Nauwara
tasan waye Yazid a bangaren kunya da kuma
danne SIRRIN ZUCIYArsa da batayi gangancin
yanke wannan hukuncin ba.
Bayan an kammala kafa tarkuna a cikin karkashin
kasa da saman bishiyoyi kuma dukkan
kayayyakinsu an kaisu can gaban sansanin an
boye sai aka bar
tantuna uku kawai kuma akayi mutum mutumi na
dakaru guda shida kacal aka tsaida su a
kusurwoyin sansanin hudu.
Kai har wuta aka kunna a tsakiyar sansanin aka
ajiye dakaru na mutum mutumi guda hudu a
zaune sun kewaye wutar alamar cewa dumi sukeji
saboda dama a na cikin
lokacin matsanancin sanyi ne.Gama yin hakan
keda wuya sai su Yarima Yazid suka bar wajen
gaba dayansu sukaje suka biye dawakansu kuma
suka hau saman bishiyoyi suka zazzauna bayan
kowannensu ya lullube jikinsa da ganyaye gaba
daya,idanunsu ne kadai a waje kuma tazarar dake
tsakaninsu da sansanin batafi kamu talatin ba ya
zamana cewa a saman sun yiwa sansanin
KAWANYA.
Haka dai su yarima Yazid suka cigaba da lampo
akan bishiyoyi kamar birirrika, abu kamar wasa
har saida rana ta fadi ko motsin wani abu basu ji
ba ko a cikin dajin kuma basu hango wata
runduna ba mai zuwa.
Al'amarin da yasa zuciyar kowa ta karaya kenan
kuma guiwarsu tayi
sanyi.Kuma duk suna rike da kwari da baka.Sai
Nauwara ta sauke bakanta kasa ta cire kibiyar ta
mayar da ita cikin kuttun kibiyoyin dake goye a
bayanta kuma ta shimfida bayanta akan reshen
bishiyar ta kishingida tana mai duban Zainur cikin
alamun karayar zuciya tace yakai dan uwana ina
ganin cewa wancan abokin naka tunanin banza
yayi kawai har da yake tunanin cewa makiya zasu
biyo bayanmu,banda abin sama shiga ba duba
yakeyi ba kuma ba tsafi ba,akan wane dalili
zuciyarsa zata raya masa cewa ana biye
damu.Koda jin wannan jawabi sai Yarima Zainur
ya bata rai ya dubeta cikin alamun fishi yace idan
kowa a sansanin nan namu bai yarda da abokina
ba ni na yarda dashi dari bisa dari tunda dai
nasan
cewa baiyi imani da komai ba face Allah to nima
na gasgasta duk maganarsa kuma duk irin
umarnin
daya bani zan bishi.Kada kiyi garaje a cikin
wannan al'amari ki zamo mai hakuri da zuba
idanu,lallai zaki sha mamaki.
Gama fadin hakan keda wuya kuwa sai suka jiyo
sukuwar dawakai
daga nesa a bangaren gabas,cikin hanzari kowa
ya dana kwari da bakansa ya tabe,dama Yarima
Yazid da sarkin yaki Haiman sun gayawa kowa
cewa kada kowa yayi wani yunkuri face sun bayar
da
inkiya.
Sannu a hankali sautin gudun dawakan ya rinka
karuwa wanda har yasa kasar dajin gaba daya ta
fara rawa sai kace miliyoyin kofatun dawakai ne
ke sukuwa.In badon zuciya irin ta musulunci ba
da tuni su Yarima Yazid sun firgita sun zubar da
makamansu sun falfala da gudu domin tsira da
rayukansu.
Ai kuwa koda rundunar ta matso kusa hatta
sarkin Yaki Haiman saida zuciyarsa ta buga da
karfi bisa hango sarki Marwatu da Waziri Ridwan
akan gaba cikin
gagarumar shigar yaki ga dubban daruruwan
miyagun dakaru a bayansu masu tsananin
kwarjini
da ban tsoro tamkar sa ci babu kuma dukkaninsu
suna dauke da muggan MAKAMAN YAKI sai ihu
suke gami da kururuwa suna karawa dawakansu
kaimi tamkar zasu tashi sama.
Koda ganin wannan BAKAR RUNDUNA sai Yarima
Yazid ya fara yiwa Allah kirari a cikin zuciyarsa
yana ambaton sunayensa tsarkaka bisa neman
taimakonsa.Kamar
sarkin yaki Haiman,Zainur da gimbiya Nauwara
sun san abinda yarima Yazid keyi sai suma suka
kama kiran sunan Allah a cikin zukatansu suna
masu neman tallafinsa.
Hakika duk wanda ya dogara da Allah to Allah zai
iya masa duk abinda ya gagareshi,nan take su
Sarkin Yaki Haiman sukaji dukkan tsoro ya kau
daga cikin zukatansu sannan kuma sai sukaji
wani irin gagarumin karfi ya shiga jikinsu.
Saida ya rage saura baifi taku goma ba tsakanin
wannan runduna da sansanin nasu yarima Yazid
sai sarki Marwatu ya tuna cewa sunyi
ganganci da basu tsaya ba.
Sun tabbata da cewa babu wani tuggun da ake
shirya musu a farko
amma sai yayi tunanin cewa an shirya musu,nan
take sarki Marwatu ya wangame bakinsa ya bude
muryarsa da karfi yana mai bayar da umarnin a
tsayar da dawakai kada a fada cikin sansanin
amma ina BAKIN ALKALAMI YA BUSHE.Saboda
ihun dakarun nasu da karar kofatun dawakansu
dake kartar kasa ya danne sautin muryar tasa
kuma ga kura ta turnuke sama da kasa kowa
baya shaida kowa sosai.
Wohoho.
AJALI idan yayi kira dole ne a amsa,ai kuwa
wadannan dubbunan
daruruwan dakaru na fadawa cikin sansanin sai
ruwan kibiyoyi gami da fikakkun rassan bishiyoyi
suka rinka soke su har dawakansu ma suka rinka
zubewa kasa MATATTU.Koda na baya sukaga
yadda na gabansu ke ta zubewa kasa tamkar ana
sassabe a hona sai suka firgita ainun suka kada
linzamin dawakansu suka juyo da baya,amma sai
suka rinka jin ruwan kibiyoyi da fikokin rassa na
barar dasu kasa.Daga can kuma sai kasa ta rinka
riftawa dasu suka rinka fadawa cikin
ramuka,fikakkun rassa na tsire su suna
mutuwa.Nanfa dakarun suka dada dimaucewa
domin bala'i yakai bala'i saidai kaga jini na
tsartuwa da feshi dakaru na rusa ihu da kururuwa
suna zube kasa matattu
™Abbas Abdulkadir hada hada™ Sama da
kasa,gabas da yamma,kudu da arewa ruwan
kibiyoyi suke sha ba kakkautawa.Koda
mutum ya sami nasarar fita daga cikin sansanin
saidai kawai yaji kasa ta rufta dashi ya
hallaka.Saida aka shafe kusan sa'a daya da rabi
ana wannan ruwan kibiyoyi da fikakkun itatuwa
dakarun su sarki Marwatu nata mutuwa tamkar
ana karkado busasshen fure daga jikin bishiyoyi
ya zamana cewa kimanun kaso daya da rabi na
dakarun sun hallaka.Da kyar da sidin goshi Waziri
Ridwan da sarki Marwatu suka tsira da rayukansu
amma saida kowannensu ya sami mugun rauni a
jikinsa,shida waziri Ridwan a damtsen hannunsa
na dama kibiya ta soke shi ta hudashi ta faso
bayan hannun.Saboda tsananin zafi da zugin da
yaji sai ya kasa zare kibiyar,ga jini nata zuba
amma a haka ya rinka rarrafe da rub da ciki ya
samu ya ruga cikin daji ya buya a cikin duhuwar
bishiyoyi.Shima sarki Marwatu da sauran dakarun
nasa haka suka samu da kyar suka isa inda
waziri
Ridwan yake kowannensu dauke da mugun
rauni.Shi Sarki Marwatu ma a cinyar ta hagu
kibiya
ta soke shi ya fadi kasa sai janyoshi akayi a kasa
a wulakance aka tserar da rayuwarsa da kyar.
.Sai bayan su sarki Marwatu sun iso cikin
wannan duhuwar ciyayi ne suka sami nutsuwa
suka kafa sansani kuma suka zagaye
sansanin da dakaru don tabbatar da tsaro.A
sannan ne aka shiga yiwa masu rauni
magani,sarki
Marwatu da Waziri Ridwan kuwa saida likita ya
basu wani maganin bacci mai karfi suka bingire
sannan aka iya cire musu kibiyoyin dake jikinsu
aka sa musu magani.Duk su biyun babu wanda
ya
farfado sai bayan sa'a uku a firgice duk su biyun
suka farfado suka mike zaune a cikin tantin da
suke kwance.
Koda suka kalli junansu kuma suka
tuno da irin mummunar barnar da'akayiwa
dakarunsu acan sansanin su yarima Yazid kuma
suka dubi raunikan dake jikinsu sai suka kamu da
tsananin bakin ciki zukatansu suka kama
tafarfasa kamar zasu kone.
A cikin hadin baki kowannensu ya wangame baki
ya kwarara uban ihu na bakin ciki mai tsananin
firgitarwa take sautin ihun nasu
ya cika dajin gaba daya da amsa kuwa,daga cam
sai sarki Marwatu ya dubi Waziri Ridwan cikin
tsananin fishi da takaici da bakin ciki yace,yaya
akayi wadannan abokan gaba sukayi mana irin
wannan muguwar mamaya?Menene dalilin da
yasa basirarmu ta toshe har muka afka musu
cikin
gaggawa haka ba tare da munyi tunani da nazari
ba?
Waishin menene dalilin da yasa sihirinmu na tsafi
yaki tasiri akansu.
Lokacin da waziri Ridwan yaji wadannan
tambayoyo daga bakin sarki Marwatu saiya kawo
gwauron numfashi ya ajiye
sannan ya dubi Marwatu cikin alamun nutsuwa
yace yakai abokina kayi sani cewa ahalin yanzu
yarima Zainur ya hadu da wani takadirin aboki
wanda ya kasance ma'abocin ADDININ
MUSULUNCI waishi Yarima Yazid.Karfin sihirin
tsafin Yarima Yazid ne yasa muka kasa samun
nasara akansu.Idan har muna son mu mallaki
wannan taswirar ta zuwa dajin Hajarul Aswad
dole ne mu
kashe wannan bakon jarumi kafin su riga mu
zuwa can kogon na Hajarul Aswad,karfin
damtse,iya yaki ko sihirin tsafi ba zasu sa mu
sami nasara ba akan wannan takadirin bakon
jarumi amma
kowannen dan adam yana da lago kuma yana da
rauni dole ne muyi amfani da rauninsu da
lagonsu
kafin mu sami nasara akansu.
Koda jin wannan batu sai Sarki Marwatu yayi
ajiyar zuciya yace ta yaya zamu gano rauninsu
da lagonsu,kayi sani cewa nayi mummunan bakin
ciki bisa ganin yadda su Yarima Zainur suka
kashe mini dubunnan daruruwan dakaruna da
kuma yadda muka sha
bakar wahala a wannan YAKIN SUNKURU da
sukayi mana,ni yanzu babban burina shine mu
rama abinda sukayi mana naga jinin jama'arsu
ya zuba da yawa akan kasa su kuma mu kamasu
a raye
muyi ta gana musu azaba mafi radadi a doron
kasa har ta zamo sanadin ajalinsu.
Ta yaya kake ganin wannan bukata zata biya?
Koda jin wannan tambaya sai Waziri Ridwan ya
bushe da dariya mugunta lokaci guda kuma ya
murtuke fuskarsa yace ka bani kwana uku rak
zanyi tunani a kan
hakan.
Tab kuji Mugayen azzalumai wanda zuciyarsu ta
kekeshe da zalunci.Bayan defeat din da akayi
musu duk sun manta da yadda suka tsira da kyar
har Sarki Marwatu ana jansa da a kasa domin a
tsirar da rayuwarsa.
Lallai sun cika azzalumai.Bari in dakata anan:
Dafatan littafin yayi so karku bani kunya.
Like, comment and share necessarily
WASIKAR JINI!!!
Littafi Na Bakwai (7)
Part B.
.
ZANYI TUNANI AKAN HAKAN.
KODA JIN HAKA SAI MARWATU YA ZAZZARO
IDANU YACE YANZU KANA NUFIN KACE BA ZAMU
CIGABA DA BINSU BA HAR SAI BAYAN KWANA
UKU?
Ai kuwa zasu iya bamu tazarar da ba zamu iya
cimmu su ba.Waziri Ridwan yayi dan guntun
murmushi yace kwantar da hankalinka abokina ai
ba daina binsu zamuyi
ba kuma duk tazarar da zasu bamu zamu iya
riskarsu a cikin kankanin lokaci.
Abu mai mahimmanci shine mu karbe wannan
taswirar dake
hannunsu kafin su isa can kogon Na Hajarul
Aswad,ina mai tabbatar maka da cewa su kansu
yanzu basu san inda suka dosa ba daman basu
fara amfani da taswirar ba amma tabbas tunda
sunga sun sami wannan gagarumar nasara
akanmu zasu iya fara amfani da ita a gobe.
Ai dama taswirar zata fara aikine a karkashin
wancan daji da sukayi mana wannan mummunar
barna,ina mai yi maka alkawari cewa kafin su isa
karshen wannan daji zamu kashe dukkanin
dakarunsu su kuma zamu kama su a hannu muyi
yadda muka so dasu.
Koda jin wannan batu sai farinciki ya lullube sarki
Marwatu yace na yarda da kai abokina domin
nasan halinka tun muna yara babu abinda zaka
sa a gabanka ya gagareka,lallai kana da mutukar
sa'a da rabo.
Koda jin haka sai suka bushe da dariya a tare
suna masu rungume junansu.
Wannan shine abinda ya faru a tsakanin sarki
Marwatu da Waziri
Ridwan bayan sun kaiwa su yarima Zainur harin
bazato domin suyi musu kisan farat daya amma
sai akayi KAIKAYI KOMA KAN MASHEKIYA.
*
A Can sansanin su yarima Yazid kuwa bayan kura
ta lafa abokan gaba sun gudu sai kowa ya fito
daga cikin maboyarsa aka kama yin kabbara
saboda farin cikin nasarar da akayi a wannan
yaki.Nan take yarima Zainur ya rungume yar
uwarsa Gimbiya Nauwara shi kuma sarkin yaki
Haiman saiya rungume yarima Yazid yana mai yi
masa godiya dasa masa albarka.
Haiman ya janye jikinsa daga cikin na Yazid ya
kama hannunsa ya
jashi izuwa kan wani dutse suka zauna a lokacin
da Zainur da Nauwara suka juyo suka zuba musu
ido.Koda Yazid ya hada ido da Nauwara sai yayi
sauri ya sunkui da kansa kas don kada ta
fuskanci cewa akwai wani abu a ransa game da
ita.Tabbas yarima Yazid yaji son Nauwara a cikin
zuciyarsa
kawai tsananin dauriya ce da kawaici tasa ya
danne zuciyarta sa kuma ya kasa furtawa ko
nuna abinda ke cikin ran nasa.
Sarkin yaki Haiman ya dubi Yazid a cikin nutsuwa
yace yakai wannan gwarzon jarumi mai dumbin
hikima da basira kayi sani cewa yau shekara
ashirin da biyar kenan ina ruke da mukamin
sarkin yaki,kuma na halacci yakoki a kalla guda
talatin da uku amma ban taba
ganin yakin da ya bani tsananin mamaki da
al'ajabi irin wannan da mukayi yau ba.
Ka tuna cewa gaba dayanmu bamu kai mutum
dari uku ba amma sai gashi mun sami nasara
akan mutane sama da dubu dari biyar.Ban tava
ganin tugu da dabarar yaki ba irin wannan dakayi
mana,in badon kai musulmi bane nima haka da
sai nace ba mu bane mukayi yaki su Waziri
Ridwan ba Aljanu ne suka yake su.
Koda jin wannan batu sai yarima
Yazid yayi yar guntuwar dariya sannan yace ai
dama shi aikin Allah haka yake kada kayi
mamakin
cewa akwai sa hannun mala'ikun Allah a cikin
wannan gumurzu da mukayi musamman idan kayi
la'akari da tsananin yawan wadannan abokan
gaba,ya kamata a ce tun a farkon fara yakin duk
makaman da muka tanada sun kare amma sai
gashi ana cigaba dayi musu ruwan kibiyoyi da
fikokin itatuwa duk yawan nasu sai gashi ya
zama na banza,ina mai tabbatar maka da cewa
idan har bawa zai tsare dokokin Allah kuma ya
sallama komai nasa a gareshi to inda duniyar nan
kaf zata taru tofa baza'a iya cutar dashi ba,amma
yayin da mutum daya jal a cikin miliyoyin
musulmai ya aikata wani zunubi to fishin Allah
zai iya sauka
akan gaba daya al'umma,bisa wannan dalili ne
nake son ka dada tara jama'ar nan taku kaja
musu
kunne ka shaida musu cewa su kiyaye duk irin
dokokin dake cikin addinin musulunci kamar
yadda
a kullum nake zaiyana musu kuma mu ruke
gaskiya dasu,kada su rude su sabi ubangiji.
Koda yarima Yazid yazo nan sai sarkin yaki
Haiman yace tabbas zan shaida musu kamar
yadda ka umarceni.
Ina da tambaya guda daya a wajenka yanzu
menene abinyi a garemu?
Zamu kwana ne anan wurin sai gobe mu cigaba
da tafiya ko kuwa
yanzun nan zamu cigaba da tafiyar.Lokacin da
yarima Yazid yaji wannan tambaya sai yayi shiru
ya sunkui da kansa kasa yana tunanin har izuwa
tsawon yan dakiku,daga can kuma saiya daga kai
ya dubi Haiman yace masu iya magana sunce
zama waje daya tsautsayi ne inji kifi tunda a
koyaushe za'a iya kawo farmaki.
Duk da cewa mun kashe da yawan wadannan
abokan gaba kuma mun raunana da yawansu
zasu iya fusata su sake kawo mana wani harin
na bazato domin daukar fansa.
Kai koda ma basu kawo mana harin ba zasu iya
turo yan leken asirinsu domin suga halin da
muke ciki sanann su san irin harin daya dace su
kawo mana.
Shi yaki dan zamba ne da yaudara don haka
yanzu ma dole me sake yaudararsu zamu bar
sansaninmu kamar yadda yake ba zamu cire
tantuna ba zamu kara yawan dakarun tsaro na
mutum mutumi kuma mu kunna fitilu da daddare
tamkar muna nan a cikin sansanin hakanne zai
bamu damar mu sake nausawa cikin daji har mu
isa karshen wannan daji da muke ciki inda
taswirar Dajin Hajarul Aswad zata fara aiki.
Idan Allah ya taimake mu har daren ya shude
abokan gaba basu gano cewa bama cikin
sansanin nan ba to tabbas zamu basu tazarar da
ba zasu iya riskarmu ba har mu isa can kogon
Hajarul Aswad mu dauko
wasikar jini.
Koda jin wannan hikima sai murna ta kama
sarkin yaki Haiman nan take kuwa ya kira
dakarunsa ya sasu suka sake hada mutum
mutumi kimanin guda ashirin aka sake zubasu a
cikin sansanin,daga nan kuma aka...
*Abbas Abdulkadir Hada Hada*
kunna fitilun wuta tsirarru suka kewaye sansanin
saboda kada fitilun su yawa su haska mutum
mutumin tun daga nesa a gane cewa ba dakaru
bane na gaske,gama wannan shirin keda wuya
sai
su yarima Yazid suka hada nasu inasu suka bar
wannan wuri suka nausa cikin daji.
Saida suka shafe sa'a bakwai suna tafiya basu
riske dajin ba har ya zamana cewa kowa ya kosa
a sannan ne yarima Yazid ya dubi sarkin yaki
Haiman yace ya kamatu mu yada zango anan
saboda na fuskanci cewar jama'a sun gaji kuma
gashi yamma tayi magriba zata iya riskarmu nan
da cikar sa'a guda,zaifi kyau muyi sallah muci
abinci in yaso mu yanke shawarar abinda ya
kamata muyi walau
cigaba da tafiya ko kwana anan.Koda jin wannan
batu sai sarkin yaki Haiman yayi murmushi yace
yakai Yazid ai duk abinda kazo dashi dashi za'ayi
aiki saboda kaine jagoran wannan tafiya a
yanzu.Yazid yayi murmushi yace yaza ayi kace
nine jagoran wannan tafiya alhalin a cikin
nahiyarku muke kun fini sanin duk inda muka
dosa
kuma kun fini sanin sirrikan wadannan dazuzzuka
naku.
Haiman ya numfasa yace gaskiya ne abinda ka
fada amma ai ni ba dan kai ba yanzu tuni gaba
dayanmu nan mun hallaka don dayanmu bazai
tsira ba daga sharrin abokan gaba.
Nan take aka shiga kafa tantuna ana shirya musu
shimfidu domin a zauna a huta.
A wannan lokaci ne wasu daga cikin dakarun
suka sami damar cin abinci.
Nanfa kowa ma ya shiga kimtsa cikinsa ita kuwa
gimbiya Nauwara sai ta koma gefe daya tayi
tagumi ta fada tunani mai zurfi.
Ba komai take tunani ba face halin data baro
mahaifinta wanda
tasan cewa abune mayuwaci su sake ganin
fuskokin juna,nan ta aiyana a ranta cewa tuni ma
waziri Ridwan da sarki Marwatu sun riske su har
cikin fada sun kashe su.
Koda gama aiyana hakan sai nan take idanunta
suka ciko da kwalla suka fara zubar da hawaye.A
daidai wannan lokaci ne yarima Zainur yazo
gareta rike da wani akushi cike da abinci,Zainur
ya zauna daf da Nauwara ya dubeta
yace ga abinci nan kici don na tabbatar da cewa
akwai yunwa a jikinki?
Koda jin haka sai Nauwara ta
dago kai ta dubeshi idanunta sharkaf da hawaye
tace bana sha'awar naci abinci saboda ina cikin
mugun bakin ciki,nan take hankalin Zainur ya
dugunzuma ainu ya dubeta cikin tsananin alamun
damuwa yace haba ya yar uwata ke kuwa
menene ya jefaki cikin bakin ciki haka alhalin
kowa anan
yana farin ciki da wannan nasara da