You Cannot Download this book untill you login but you can read it .

---

Login Register

dauki kusan awa hudu...tana krnt wasikar..
Sai ga Hanne ta shigo tace,ki fito ranki ya dade me gyaran jiki na jiran ki..
juwairiya ta turo baki,nifa wlh na gaji da wannan gyaran..
Hanne tayi dariya,amma ai baki ga yarda kika canza bane?
Taso muje dan Allah..
Da kyal hanne taja ta suka tafi...

""""Sarki abu-turab sashe guda ya gyara dan saukar manyan bakinsa..
(ni kuwa ina yan RUMFAR BAYI grp,ko BQ ne ma a tanadar musu😅)

An kira mawaka da masu ki'da daga kowane yanki na nigeria, ga yan busa algaita da masu hawan doki sunzo daga kasashe daban daban..

   Masarautar kano ta cika ta batse,gobe kawai suke jira...dan shafa fatiha..

Mai martaba sarkin zazzau ma ya shigo da mutanen sa,su khaleed da sauran yaransa...
An shirya babbar kilisa a filin hawa...
Sannan a cikin gidan kuma mata na can ta hada'hadar KAMUN amarya...

"Tunda ga kasar Sudan gimbiya amina tayi odar kayan da juwairiya zata saka a wannan ranar..

Wayyo Allah zanso kuga irin kyau da kwarjinin da juwairiya tayi,tasha gwalagwalai har ta gaji,ga jan lalle da akayi mata ya fito da ita shar...

    Wajen KAMU kansa jakadiya ce da kanta da sauran bayin dake masarautar suka gyara shi...gwanin ban sha'awa..

   Abinci kam da kayan kwalam ba'a mgn dan sai anci an ture..ga masu gashin nama a gefe an yanka shanu bila adadin,farfesu dai na kowane dabba a kwashi a nan wajen..

  A can na hango muku yan Team rumfar bayi groups anja layi wajen rabon abinci...
Yan pherty novels anci anko din lace sai baza ido akeyi..
Yan WATTPADIANS kuwa har da su gayyar Sodi irinsu 😅😅 deejaaat,ceecyblack,haliemahtou 530_khadeejat da sauran su..
,sai ga kuma jama'ar Taskar marubuta suma sun shigo..
Kai waje dai ya cika ya batse da mutane..

Ammi na hango rike da hannun amarya juwairiya,sai PHERTY a dayan gefen(su babbar kawa manya😉)manya..
Wajen da aka tanadar domin ta suka zaunar da ita..
Juwairiya kanta na kasa dan gani takeyi kamar mafarki ne takeyi,wai yau itace zata auri sarki jalal..?

Pherty ce ta kamo hannunta..
Juwairiya ta kalleta tace,anty faty se nake ganin kamar mafarki ne nakeyi wlh?

Pherty ta girgirza mata kai,ba mafarki kike ba juwairiya ,me yasa bazaki yarda da CANJIN kaddarar da Allah yayi miki bane?
Muna bayanki dari bisa dari kada ki damu kinji?
Juwairiya ta saki murmushin murna nagode anty faty,sannan ki tayani mika godiyata a wajen anty Afrah,wadan nan bakin da sukazo domin Ni Allah ya biyasu da gidan aljanna.......
  

*********

A masarautar daura.....
An kammala komai da komai..
Jakadiya ta tara su hansai da laure a cikin daki ta warware musu zari da abawa..

   Suma ne kawai basuyi ba sbd tsananin mamaki..
Hansai harda kwallar farin ciki..
Shiyasa naga babanta ya dawo da yancinsa?oh shine ko ya sanar min..
Laure tace,amma naji dadi wlh,kice diyarmu zata dawo garemu..
Jakadiya tace,kwarai kuwa zata dawo amma a matsayin matar Sarki jalal..
   Wani sabon farin cikine suka sake shiga..
Allah me iko....
Ai gaba daya wani karfi ne yazo musu suka ci gaba da shirye shiryen da aka saka su na tarbar bakin gobe...

"""Gimbiya kilishi da fulani ne tsohon sarki Abdul-Jabbar yayi kiran su.
Yace,ina son gobe zainaba,turaki da matarsa sannan da magaji suka bi mu zuwa daurin auren  can kanon..
Fulani tace hakan ma yayi..
Gimbiya kilishi tace,nafisa da hamza se su tsaya a nan dan tayamu tarar bakin kenan?.
Abba ya jinjina kai..
Eh haka za'ayi...

"Umayma ce ta kalli surayya,ranki ya dade ya jikin naki?
Surayya ta dake dafe da cikinta tace,anya kuwa wannan maganin na malam bazai kashe ni ba umayma?.
Kinji azabar da nake sha kuwa?cikina tun jiya ko barcin kirki ban samu ba..

Umayma ta girgiza kai,kici gaba da daurewa uwar dakina..
  Surayya zatayi mgn sai ji sukayi ana sanar da shigowar jalal....
Ai da sauri surayya ta lulluba bargo a kanta tana wani sakin lumfashi kamar wata me shan jiki sosai da sosai din na..

  Jalal ya shigo ciki umayma ta gaishe shi ta fice..
Ya zauna a gefen gado yana kurawa surayya ido..
Ya jikin naki?
Ta bude ido ta kalleshi cike da kissa tace,da sauki sarkina ya shirin bikin kuma?
Jalal ya jinjina kai,muna tayi,yanzu ma nazo ne nayi miki sallama dan gobe da sassafe zamu tafi can kanon..
Surayya kamar ta fasa ihu..
Amma ta daure..
Ai da ace lfy ta kalau da dani za'aje na dauko kanwata..
Jalal ya saki murmushi har cikin zuciyarsa yana tausayawa matansa,tunda aka fara mgnr aurensa duk suka kwanta ciwo....

Ya mike yana ajiye mata wani kulli..
Ga wannan sarka ce ta gwal da na siya muku keda khadija na cin biki..
Surayya ta washe baki,mun gode sarkina Allah ya dawo mana daku lfy..
Ya duka ya sumbaci goshinta,nagode sosai surayya....sannan ya fice tani bayan sa da kallon takaici..

*RANA BATA KARYA***

Masarautar kano ta cika ta batse da mutane daga kowane lungu da sa'ko na nigeria...
      Sarki abu-turab ba karamin farin ciki yake ciki ba zai aurar da diyarsa..

Karfe sha daya na safe sai ga yan DAURA..sun dira..
Tsohon sarki Abdul-Jabbar suka hade da mai martaba sarkin zazzau fira ta dinke a tsakanin su..

Su Jalal kuwa sarki abu-turab ya saka yarimaADO da shamaki su kaisu can masaukin su dan hutawa kafin lkcn daurin auren yayi..

Su zainaba kuwa samira ce taja su zuwa cikin gidan nan dan ita kam masarautar ba bakuwar ta bace ba...

Suna shiga sashen gimbiya amina samira ta fa'da jikinta cike da murna..
Amina ta dago ta,ashe har kun iso?
Samira tace,goggo wai ina su Ammi ne?
Amina tace suna can sashen yar uwar taki.
Zainaba ta duka ta gaishe da amina..
Amina tace,sannunki da zuwa yan mata ku karasa can din mana bari na saka a kaiku..

Ai kuwa gimbiya amina ta saka wata baiwa ta kaisu can sashen juwairiya..

   Suna shiga a falo suka iske yan biyu da firdausi suna ta hidimar su..
   Samira na yin sallama yan biyu suka mike cike da murnar ganinta suka rungume ta..
Zainaba kuwa da kallo take binsu,ita addu'ar ta daya Allah yasa ta hadu Mustapha taji dalilin da ya saka ya daina aiko mata da wasikun sa..

    Gabanta ne ya yanke ya fadi..
Ganin juwairiya ta fito tare da ammi daga wata kofa...
Ware ido tayi tana tsananin mamaki sosai..
Wuce su samira tayi da gudu taje ta rungume juwairiya tana kuka sosai..

  Juwairiya kanta sai data tsorata da ganin zainaba..
Amma jin zainaba a jikinta tana kuka sai ta shiga shafa mata baya..
Samira kuwa mutuwar tsaye tayi..
Ammi ce tazo ta riko hannun tana fadin saukar yaushe? ..

Juwairiya tasa hannu ta dago zainaba suna kallon junansu..
Tace,haba uwar dakina wannan kuka haka?
Zainaba takai mata duka,ai nayi fushi dake..
Ammi ta jawo hannun zainaba din itama ta shige dasu daki ta fayyace musu komai.
Murna sosai sukayi.
Da saurinsu suka fito falon suka sake rungume juwairiya suna taya ta murna..

Zainaba tace,ni dama na zargi ya jalal wlh,ace farat daya mutum ya canza?ta kalli samira.. sai fa kinga yarda ya tsane ta a baya ,amma lkc guda ya koma me taimakon ta ya dauke min ita daga sashena..

Hassana tayi dariya,ke baki san soyayya ake ta sha ba?
Zainaba tace ina kuwa zan sani?dan na lura ita juwairiyar ma bata dauke ni a matsayin kawar taba..
Juwairiya tayi murmushi tana sake rungume ta..
Haba kawalli ta,kinsan fa a duniyar bani da kamar ki..
Duk suka saka dariya...

"Magaji ne ya kalli jalal da bayi ke ta faman shiryasa..cikin kayan sa na alfarma..

AMALE ka fada min gsky mana?kasan dai baka da kamar ni ko?

Jalal ya juyo yana kallonsa..
Wace gaskiyar kika son ji ne Anaci?
Magaji ya zauna a kusa dashi..
Ni na san ranar hawan nan baka tsaya ganin diyar sarki abu-turab ba,toh a ina ka hadu da ita har kuka kulla soyayya haka?

Jalal ya kwashe da dariya..
Kai fa ka cika tambayar tsiya kamar wani alkali..
Toh bari kaji in fada maka.......
A nan jalal ya kwashe komai ya fadawa magaji..
Magaji ya dafe kirjinsa..
Kai amma kayiwa maza dayawa shigar sauri..
Wato a yarda nake ganin ka saida kaji saida kaji..
Jalal ya amshe..toh saida rakum'ma ne ni...fadi da kyau..!

Magaji yace,ahh lallai...wlh ni kaina naso wannan yarinyar a baya..
Jalal ya daure fuska,yace..
hattara dai magaji mallakin  AMALE ce..
Magaji ya daga hannu cikin surrender yace,ai na dade da janyewa ma...

Su Turaki ne ya shigo tare da khaleed..
Turaki Ya kallesu..
Wai har yanzu ango bai gama shirin nasa bane?jama'a na waje suna jira..

Magaji yace kasan fa yau AMALE jin sa yake kamar wanda akayi wa albishir da aljanna, gayunsa ma na daban ne Yau!
   Khaleed yayi dariya..yace
Kuma duk diyata ce sanadi ba..
Turaki yace ban gane ba?
Khaleed yace ai bazaka gane bane abokina muje na warware maka kan zaren..
Yaja turaki suka fice...

"Karfe biyu da zabi na ranar JUMA'A  ASHIRIN DA TARA GA WATAN DISAMBA..
Aka daura auren SARKI JALALLUDEEN ABDUL-JABBAR,da kuma amaryar sa SARAUNIYA JUWAIRIYYA ABU-TURAB..akan sadaki mai tsokar gaske............



@TEAM RUMFAR BAYI...
_Godiya ta musamman ga duk wacce ta samu halartar wannan bikin..
Kada ku damu akwai sauran event idan mun koma can masarautar Daura..
Dan haka ku ci gaba da kasancewa da ni AFRAH bhai.._


XOXO😘😘😘
*RUMFAR BAYI*
(A historical fiction)
Na Afrah bhai
Page 39
Wattpad @afreey101

**********************


""Bayan an gama daura aure sai kuma aka fara shirin daukar amarya zuwa can masarautar daura ..

Gimbiya amina ce ta kai juwairiya har sashen sarki abu-turab abbanta yayi mata nasiha mai ratsa jiki sosai..
Duk da ba wani shakuwa ce mai karfi ta shiga tsakanin su ba amma sai da juwairiya ta zubar da kwalla sbd tasan sai tayi kewar mahaifin nata sosai..

Daga wajen sarki sai kuma akayi da ita akayi sashen gimbiya jamila itama tayi mata nata fadan sannan ta bata kyautuka masu yawa.. daga nan gimbiya amina ta maida ita sashen ta don shirya ta kafin tafiyarsu..

Su zainaba ne akan gaba wajen zolayar ta..
Sun saka ta a gaba suna ta gulmar sarki jalal wai ance tunda aka daura aure bakinsa yaki rufuwa..

Ita dai amarya tunanin irin rayuwar da zatayi a can masarautar daura kawai takeyi...ya zasu dauke ta?bare surayya data nuna tsanarta karara..kila gara ma khadija,ooh ita dai ta shige su,wata zuciyar tace,kema fa idan kin koma a matsayin matar mijinsu kike ba baiwarsu ba...

"An shiryata tsab a cikin leshi me shegen tsada kalar light blue da peach,sannan aka rufa mata alkyabba ta ga'do wacce ake kai duk amaryar data fito daga cikin tsatson masarautar kano..
  
"Wayyo Zanso kuga gogan naku,wato sarki jalal..kenan..
Gaba daya murna da farin ciki sunyi masa yawa..
Yau dai Allah ya mallaka rabin ransa,ya basa farin cikin rayuwar sa...

Baki yaki rufuwa magaji na gefen sa sai zuba masa ruwan zolaya yakeyi amma ko a jikinsa..
Shidai hamdala kawai yakeyi wa Allah..

       "An kawo motocin daukar amarya a nan sarki abu-turab ya zabi mutanen da zasu tafi kai ta..
G-amina ce tare da jakadiya,se hanne baiwarta da kuma AMMI,da yan uwa da suka zo daga kasar zazzau..
Dan shi kam Baya son yawan jama'a kada ace can a samu wata matsalar.


"""""Kuka sosai juwairiya tasha ganin an fito da ita daga cikin masarautar su ga bayi nan a bayansu sai wakar al'ada sukeyi na daukar amarya..(suna mata bankwana kenan)

  Hanne kuwa murna kashe ta zata bi uwar dakin ta..
Zainaba dasu samira kuwa sunyi murna juwairiya zata koma garesu..

"Lkcn da suka fito dangin jalal na waje harma da abbansa..
A nan aka shiga motoci liman yayi musu addu'a aka dau hanyar DAURA...

**************
Lkcn da suka isa masarautar daura yamma tayi sosai..

     Hamza da nafisa tare dasu fulani da gimbiya kilishi ne suka tare su cikin girgimawa..
Juwairiya babu abunda gabanta yakeyi sai faduwa,tana kunshe acikin alkyabba gimbiya amina  da ammi na rike da ita..

  Nan aka hau gaishe gaishe gimbiya kilishi ta hada su da jakadiya tace ba sai an kai amarya sashen ta ba,kawai su huce can sashen amaryar dan su samu hutawa sosai kafin anjima..

"Kilishi na barin wajen ta jawo hansai dake ta leken ko zata ga fuskar diyarta..
Sashen khadija sukaje dan kuwa kilishi ta fara jin haushin rainin hankalin da suke son suyi musu..

   A hakimce ta tarar da ita tiren kayan kwalam a gabanta..
Rabi na gefe tana ji kamar tayi tsuntsuwa taje wajen tarar su amaryar da akeyi,dan tasan zata kwashi kallo bare ance diyar sarkin kano ce...wai!yanzu se de taji lbr a RUMFAR BAYI kenan?

     Kilishi ta kalli khadija rai a bace..
Khadija ta mike da sauri tana fadin..
Umma sannu da shigowa..
Kilishi tace,rike sannunki..haka ake rashin lfyr dama?ni dama na zargi wani abu wlh..

Khadija tayi saurin sadda kai kasa tace,sauki na samu ne yau umma..
Kilishi tace,shine baki fito tarar bakin ba?
Ko duk haukan kishin naku ne haka?
Kuke son ku jawo mana wani sabon raini daga wajen mutanen nan..
Khadija tace,kiyi hakuri umma zanje yanzu nayi musu sannu..
Kilishi taja tsaki tayi gaba a fusace...

Sashen surayya ta sake nufa..
Surayya tasha gayunta ta cancare dan tunda ta tashi yau ciwon cikin da take faman ya ragu..

Ita kam ta riga tayi wa kanta fada..
Sam ba zata taba bari jalal ya gano halinta ba.
zata nuna masa har cikin ranta tana son wannan auren nashi da yayi..
tayi murmushin mugunta  (ni kuwa nace manipulator kawai😂)

     Umayma ce ta shigo dakin a rikice tace,ki fito ranki ya dade gimbiya kilishi ta shigo..
Surayya taja tsaki,ai nasan sai anyi haka tunda wannan yarinyar  (khadija) tayi irin nata rashin yawon nakin zuwa tarar su..
Ai gashi nan ta jawo mana..

   Fitowa tayi kawai da masifa kamar gaske..tana fadin..
Umayma ba sai dana ce miki idan sun iso kizo ki sanar min na fito bane?

Kilishi ta kalleta,ke yanzu har kin shirya amma fitowar ta gagare ki?
Surayya tayi fuskar tausayi..
Allah umma se da nace a sanar min ba gashi har shiri nayi ba,Ashe ma har sun iso?..
Kilishi taja dogon tsaki ban sani ba... ta juya cike da takaici ta fice hansai ma girgiza kai tayi itama dan sun san duk karya ta shirya indai surayya ce (fake)

Suna fita surayya taja tsaki,dan ma rainin wayo ni suke tsanmanin na je na taro kishiya ta mtsww...ai bazai sa'bo bane...!

********************
An gabatar musu abinci me rai da lafiya..
G-amina ta saka hanne ta diba wani a cikin dan kwano sannan ta amsa ta shiga uwar da'ka inda su juwairiya suke..

Gaba daya hankalinta baya wajen,ko firar dasu yan biyu suke tayi ba jinsu takeyi ba..
Ita dai a yanzu abubuwa dayawa ne acikin zuciyarta..
Ya zatayi rayuwa tare da jalal a matsayin matarsa?
Ya zatayi rayuwa da matansa..?
Ya kuma gimbiya kilishi zata dauke ta?

Sannan ga son ganin su ummata da takeyi..
  Dafa ta da gimbiya amina tayi ne yasa tayi firgigit ta dago ta kalleta..
Zama tayi a kusa da ita tace..
Ki rage wannan tunanin juwairiya, addu'a da dogaro da Allah shine kawai ya kamata ki saka a gaba..
Zan baki wasu addu’o'i da zaki ringa yi sbd tsari,nasan rayuwa acikin GIDAN SARAUTA ba karamin hadari bane idan baka tashi tsaye wajen rokon Allah ba..balle ke mai kishiyoyi da har suka ki zuwa tarbar ki..

Juwairiya ta gyada kai tace nagode sosai..umma sai dai inaso dan Allah ki saka a kira min su ummana na nan,inaso na gansu...
Gimbiya amina tace toh shikenan dama mahaifinki ya bada sako a basu sbd nuna godiya ga rikon da sukayi miki...

Gimbiya amina na fita daga dakin ta samu jakadiya ta wajensu knan tace taje ta samu jakadiya ta masarautar daura ta fada mata suna son ganin iyayen juwairiya..
    Ba'ayi minti sha biyar ba sai gasu sun shigo sashen...

   Juwairiya dake cikin daki ta fito da gudunta..
Sumewa ne kawai hansai,da laure basuyi ba..
Baki bude suke kallonta cike da mamakin canzawarta..
Juwairiya ta fada jikinsu tana kuka sosai..
Hansai ta shiga lallashinta hakama laure..

Ammi da gimbiya amina sukayi musu godiya sosai..
Sannan suka basu dukiya me tarin yawa daga sarki abu-turab..
Da kyal juwairiya ta saka suka amsa..
Gimbiya amina ta sake yi musu albishir akan gobe mai martaba tsohon sarki Abdul-Jabbar yace zai yantar dasu sbd dai mai martaba na zazzau ya fada masa komai akan juwairiya...

'Bayan an gama hutawa ne sai kuma aka shiga shiryawa dan gabatar da babbar liyafa dasu gimbiya kilishi suka hada musu...

     Juwairiya ta sha gayu kamar ba gobe,ta haska iya haskuwa..
Kayane Ammi da kanta ta saka ayi mata na musamman..

   Samira,zainaba da yan biyu sune a kan gaba wajen shigowa da amarya...
Ango jalal yasha gayunsa shima sai daukar ido yakeyi...cikin manyan kala na alfarma ga fuskar nan tayi shar sai sakin murmushi yakeyi,su turaki na zolayarsa..

Ga kuma khadija da surayya a can kusa da gefensa kowacce sai cika take tana batsewa..abun duniya ya taru yayi musu yawa amma babu halin nunawa..

    Gimbiya amina ce ta karaso wajen rike da hannun juwairiya fuskarta na rufe acikin babban mayafi me kyan gaske..
A kusa da jalal gimbiya amina ta zaunar da ita tana rada mata wani abu a kunnne..
Kamshinta ne ya daki hancinsa ya lumshe ido yana jin wani farin na mamaye shi..
Juwairiya kam addu'a kawai takeyi acikin ranta..tasan idan har fuskar ta bayyana mutane dayawa zasu girgiza..
Sai jin dumin hannun jalal tayi a cikin nata..
Taja lumfashi..
Yadan kai kansa kusa da ita kadan..
Yace..
Ki kwantar da hankalinki GIWAR AMALE sarki jalal na tare dake..
Ji tayi wani karfi yazo mata..
Ta sauke lumfashi mai nauyi..
A tare duk suka saki murmushi..

      Fulani ce ta mike tace,a bude mana fuskar sabowar diyarmu mu kanta..
  Zainaba tayi saurin fadin..
Ah ah umma se kun bamu kudin budar kai ko ya kukace?ta kalli nafisa da samira...
Samira tace,hakane kam se an biya mu zamu bude fuskar amaryarmu.
Yan biyu suka dawo kusa da juwairiya da jalal sukace..
Sarki muna jiran kyauta me tsoka daga gareka..

   Surayya ta tabe baki,umayma tayi mata rada a kunne,uwar dakina naji fa ana ta yaba kyawun wannan amaryar..
Surayya taja tsaki,toh sai me?nima ai kyakkyawar ce..
Ta banka mata harara..
Khadija dake gefe ta tabe baki..
Ita dai ta yanke shawarar duk wata kisisina se tayi ta dan samun soyyayar mijinta baza ta zauna wata amarya ta kwace mata shi ba,duk irin shekarun da tayi tana kaunarsa..

"Gimbiya kilishi cikin kasaita ta kalli jakadiya tace,a basu duk iya adadin azurfar da suke so..
Shewa suka hau yi..
Ammi ta karasa ta ya yaye lullubin dake kan juwairiya....

Faduwar gaba ce ya ziyarci gaba daya mutanen dake wajen...
Menene haka suke gani?
Ya akayi BAIWAR RUMFAR BAYI juwairiya ta koma diyar sarkin kano kuma matar sarkin su JALAL..
Ina TABON nata yake..
Ya akayi fuskarta babu wannan konewar...????????? (So many questions in different minds)

   Umayma ta ware ido cikin mugun mamaki tace..
Ranki ya dade ta nuna mata gefen da juwairiya take..
Surayya tayi saurin mikewa tana jin zuciyarta kamar zata tsaga kirjinta ta fito waje..

     Meye haka take gani?
Dama wannan baiwar ce jalal ya auro.?
Ya akayi hakan ta faru..?
Ina tabon fuskarta yake?inaaaaaaaa

Taji lumfashin ta na niyyar daukewa..
Taya akayi kaskantacciyar baiwar can ta zama diyar wani sarki?
    Zufa ta shiga keto mata...
Umayma ce tayi saurin zuwa ta kamo hannunta..
ta fakaici idon mutane ta fice da ita da sauri daga wajen dan kada tayi musu(creating scene)a wajen....

Jalal kuwa da juwairiya kallon juna sukayi..suna aikawa junansu sakon soyayya..

Gimbiya kilishi da fulani suka kalli juna cikin al'ajabi sosai..
Ammi na ganin halin da suka shiga sai ta nemi yin mgn dasu..
Gefe suka koma da gimbiya amina.. sannan cikin nutsuwa suka sanar dasu duk abunda ya faru..
Gaba dayansu sunyi mamaki sosai.
Wai jinin sarauta ce tayi bauta a karkashinsu..
Gimbiya kilishi ta jinjina mgnr sosai amma tunda dai har juwairiya jinin SARAUTA ce da sauki sosai...

"Ansha liyafa an gama lafiya, su magaji an gwangwaje hakama hamza da su zainaba abun dai ba'a magana...
Taro ya tashi lafiya kowa ya koma makwancinsa dan sauke gajiya...
 
************
Umayma ta dauko ruwa ta bawa surayya da sauri ganin yarda take fitar da lumfashi da kyar kyar

uwar dakina ki kwantar da hankalinki..kada mutane su ga'no me muke ciki har asirinmu ya tuno..

Surayya ta zube kasa tana rusa kuka..tana fadin..
Ni jalal zai yiwa haka?
Ace ya auro baiwar da nafi tsana a duk rayuwata a matsayin kishiyata?
Umayma bazan taba yarda ba ta mike da sauri tayi waje..
Umayma tabi bayanta da gudu tana fadin innalillahi...

"Jalal a gajiye yake sosai,yana shiga sashensa yayi wanka ya haye kan gadonsa..
Ba karamin kagara yake yi ba gobe tayi..
ya ganshi tare da amaryarsa juwairiya..ya jawo filo ya rungume..

Ji yayi kawai an banko kofar dakinsa an shigo..
Yayi saurin mikewa yana kallonta da mamaki..
Kamar wata zararriya..

Tayi kansa tana kukan bakin ciki..
Ta rirrike rigar dake jikinsa..
Yanzu ni zaka wulakanta jalal!

Ka auro wannan baiwar a matsayin kishiyata bacin kasan yarda na tsane ta..
Kasan BANA SONTA bana son ganinta!!!!..
Jalal ya ture ta daga jikinsa..
Bakya sonta?ya fada cike da takaici..
toh ni INASON TA KUMA INASON kasancewa da ita a tare dani..!!!!

Surayya ta mike cikin mugun fusata tace..
   Sbd wata baiwar banza ka ture ni haka jalal?
Jalal ya dawo inda take zaune a kasa ya nuna ta da yatsansa..

Kada ki kara kiran matata da sunan BAIWA..daga yau sunanta..GIWAR AMALE...gara ma ki koyi fadar hakan daga yau...Gimbiya surayya..

Sannan Ko baki lbrn diyar wacece ita ne?
Yayi murmushin gefen lebe..
Diyar sarki take jikanyar sarki..
Ya koma kan gado ya zauna..kuma matar sarki daga yau din nan...
Ya daura kafarsa daya kan daya..
Sannan ya fayyace mata asalin juwairiya..dalla dalla..

Surayya taji kamar ta nutsea wajen..
Zuciyarta tayi wani irin zafi...
Diyar sarkin kano ce dama wannan yarinyar?
Yau ta shiga uku ta lalace,yanzu miye abunyi?ya zatayi?
Muryar jalal ce ta katse mata tunanin da takeyi..
Jitai yace da kakkausar murya..
"zaki iya tafiya............

Jiki a sanyaye surayya ta fice daga dakin...tana tafiya kamar zata fadi dan gaba daya bata ganin gabanta..



_Sorry kunji shiru yau.
Bana dan jin dadi ne.._

_😘to my big fan data aiko min da credit(katin waya),I LOV U so much..
Afrah na godiya sosai..Allah yabar zumunci da kauna..._


Team RUMFAR BAYI
  *RUMFAR BAYI*
(A historical fiction)
Na Afrah bhai
Page 40
Wattpad @afreey101


*******************


"Washe gari.."

"A babban falon tsohon sarki Abdul-Jabbar duk aka hallara dan damka musu amanar amarya juwairiya..

   Tsohon sarki yayi godiya sosai sannan ya saka ayi masa kiran hansai da laure ...
   Suna shigowa falon a take ya cika alkawarin da ya daukarwa mai martaba sarkin zazzau...wato ya YANTAR dasu kenan..

Zo kuga murna a wajen juwairiya da ma sauran bayi...jakadiya sai taya su murna takeyi...hansai da laure kam ji suke tamkar mafarkine sukeyi...

    Fulani da gimbiya kilishi sunyi murna suma sosai saidai ba karamin rashin bayin nasu zasuyi ba sbd dai an dade tare..

  Lkcn da akazo rakiyar su Ammi..
Hansai ta tabbatar musu da cewa ba zata bar juwairiya ita kadai a masarautar nan ba,zata zauna tare da ita dan ta kula da diyarta..
Laure ma tace itama bazata bar juwairiya ba zasu kula da diyar su sannan zasu fara kasuwanci dan tallafawa rayuwarsu..
  Sosai ammi da gimbiya amina sukaji dadin kalamansu dan dama suma damuwarsu yarda juwairiya zatayi rayuwa acikin masarautar sukeyi
Sukayi masu godiya sosai kafin suka hau hanya..

"A sashen sarauniya JUWAIRIYA kuwa,hanne ce da zainaba zaune suna ta shan firarsu..
Hansai da laure suka shigo suna gu'da sosai suna rawa cike da farin ciki..
Juwairiya tayi dariya dan ta san yarda sukeji yau sun samu YAN'CINSU..

   Rabi ce shiga lekowa tana komawa..
Tunda taji lbrn juwairiyya ce matar da jalal ya aura take ta son tazo ta ganta....
zabba'u dake zaune a bakin kofar ta hangota ta mike tana fadin..
Ki shigo mana rabi..
Rabi ta shigo ta zube gaban juwairiya tana kwasar gaisuwa..
  Juwairiya tayi murmushi tace..
haba rabi nifa ce juwairiyar da kika sani a baya kawarki..
Rabi tace kai amma na tayaki murna sosai ranki ya dade, kingan ki kuwa?kamar ba juwairiyar mu ta RUMFAR BAYI ba..
Gaba dauansu suka kwashe da dariya.......

"Da yamma kuwa sai ga jakadiya ta shigo da sakon kilishi akan a shirya juwairiya dan yau kwanan sashen AMALE zatayi..

Jiki na rawa su hansai suka shiga shiryata..
Wanka sukayi mata cikin madara kamar yarda al'adar su take..
Aka turare ta ga mayuka kamsu sanyin kamshi an shafe ta dasu..
Samira da zainaba suka gyare mata gashinta sai santsi da kamshi yake..
laure kuwa murna takeyi sosai yau zata tsantsara wa diyarta kwalliya ba wannan TABOn a fuskata ..

"Sosai suka gyara juwairiya ta fito amaryar ta kyau kam ba'a mgn..
Dan har daukar ido takeyi😉..

Zainaba,samira da nafisa tare da jakadiya ne suka kai ta har sashen jalal..

Har cikin makeken dakinsa suka shiga.
Mamaki ne ya rufe juwairiya ganin da tayi kamar ba dakin data sani bane,..

Yasha gyara sosai da furenni (flowers) masu kamshi ga fitilu an kunna ko ina ya dau haske..
   Zainaba tace yadai Giwar Amale munyi kokari ko kuwa?

juwairiya ta juyo tana musu kallon mamaki..
Samira da nafisa suka tafa suna dariya..
  Jakadiya ta zaunar da ita kan gadon sannan ta kalli su zainaba tace..
Toh Ku Muje dan nasan duk inda mai martaba yake yana gab da shigowa..

   Zainaba ta rungume juwairiya tana rada mata wani abu a kunne..
Juwairiya ta waro ido tana kai mata dukan wasa...
Da gudu duk suka fice daga dakin