You Cannot Download this book untill you login but you can read it .

---

Login Register

shiga toilet.

Alwalar magrib ta dauro sannan tai sallah, kan sallayar ta kwanta tana tunanin abubuwan da suka sameta, tunowa tai farkon fara aikinta, duk uban wahalar datasha?? Mikewa tai zaune zuciyar ta na tafasa da bakin cikin cin mutuncin da aka mata, mijinta ta kamashi a gidanta yana lalata yanzu gun aikin data sadaukar da komai saboda shi gashi abinda suka mata.

Mikewa tai ta fito daga dakin? Saukowa kasa tai gida shiru kamar ba mutane?

Tunda su Nabila suka tafi skul gidan ya koma kamar ba mutane a cikinsa.

Falan Dady ta nufa, yana shan magani tai sallama, kallanta yai tare da amsawa.
Basma ta kwashe maganin daga gun tana kallan Zainab.

Haka ta karasa cikin falan ta xauna daga dan gefensa, bin bayan Basma tai da kallo idanta ma kanta tace "Dady maganin me kake sha kullum?"

Tv din dake kunne na saudiyya ya kalla sannan yace "Diabetic ne kinsan in ya hadu da hawan jini sai ana kula sosai."

Idanunta ne suka fito tace "sosai ne?" Tai maganar a raunane.

Kallanta yai yana murmushi yace "ba sosai bane, shiyasa da kika tambayen kwanaki ban fada miki ba, a ido kamar mai dauriya amma azahiri akwai iya raki."

Dariya tadanyi, Basma ce ta dawo ta zauna akan kujera tana kallan tv itama.

Dady ya kalli Zainab yace "karki damu ba wani abin bane, kedai ki kula da kanki."

Shiru tai batace komai ba, yace "maganar yaran yazo?"

Kallan Dady tai tace "a'a, ni Dady gaba daya ba aure a harkar rayuwata yanzu, kana ganin abinda ya faru dani.....”

Juya kai yai bai tanka mata ba, tace "Dady in har bazaka budemin tv station ba sai na yi aure to dan Allah ka barni na nemi aiki a wani gun, dan Allah dady."

Juyowa yai ya kalleta, Basma tsam ta mike dan ta fahimci maganar ba tata bace.

Kallan Zainab yai yace "haryanzu baki fahimci me nake ce miki ba?"

"Na fahimta Dady amma ni gaba daya Dady banasan kara hada rayuwata da wani namijin ne."

Shikenan sai ki karasa rayuwarki a cikin gidan nan.

Kallansa tai tace "Dady?"

Kallanta yai yace "in kinga kin bar gidan nan da sunan aiki to tare da mijinki ne, dan haka ki koma ki zauna in dai wannan ne ya kawoki."

Hawaye ne suka zubo mata ta sharesu sannan ta mike tabar gun, yaza'ai Dady ya mata haka?

Da kallo ya bita tare da kallan tv yana tunani, dazu gaisuwar wani abokinsa suka je, shima irin ciwonsa ne ya kasheshi.

Taya zai barta ta fara aiki bayan yasan daga sanda ta fara aiki bazata taba sake tunanin aure ba? In ajalinsa yaxo fa? Ya zatai da rayuwarta? Yan uwansa tun can ba zumunci suke ba saboda yan ubane, yan uwan mahaifiyarta kuwa maza ne su kuma taya zasu kai ta babba da ita cikin iyalansu? Sai dai kanwar Ummy wacce ita kuma matsalolin gidanta sun mata yawa, gaba daya kwanan nan da wannan tunani yake yini yake kwana in ba ta ita ba Nabila fa? Gwara ita da girmanta amma Nabila fa? Haka zasu xauna su biyu a gida kamar 'ya'yan da basuda gata ko me? yasan Basma duk da tana nuna nadamarta a fili ya tabbatar daga sanda ya rasu Nusaiba kawai zata dauka suyi gaba.

Dole me ya matsa mata tai aure ya bude mata gidan tv inyai hakan ne kadai hankalinsa zai kwanta, yasan Nabila tana da gun zama ko bayan ransa, sannan Zainab a darajarta ya barta.

Idanunsa ya dan rufe ya bude sannan ya fara hailala a ransa.

******

Zainab na shiga daki ta zauna a bakin gado zuciyarta na kuna, ina zata iya rayuwa a haka?

Laptop dinta ta dauko ta bude, me zatayi?

A zuciye ta rufeta da karfi sannan ta dafa kanta.

*********


"Yasin bazaka saidamin wannan lace din ba"

Goggo to wai ya kikeso muyi? Duk kinsa na saida nawa kayan ki kawo naki dan Allah.

A tamfa ta cila mai tace "sai dai wannan."

Kallanta yai yana dariya yace "yanzu ke Goggo wani matsiyacin ne zai sai wannan atamfar?"

Matsiyaci?
Bani abata ni ina san kayana.

Mikamata yi yace "Karki damu in muka saida wannan lace din na samo sana'ar da zan fara."

Wani banzan kallo tamai tace "Fadawa wanda baisanka ba amma bani uwarka ba, a gidan ubanwa zaka iya wata sana'a banda ka halaka mana kudi?"

Fuska ya tsuke yace "Ki bari ki gani wannan karan a shirye nake."

Wani kallan banza tamai tace "ya ni sai yaushe zaka amso kudin ne? Ko bacci nake na tuno tsinaniyar nan sai naji na tashi."

Shiru yai shima ransa a bace yace " wai uban me ya kawota bank din ma?"

Ni kake tambaya?

Shiru yai cikin kuluwa.

Goggo tace "yaushe zaka amso mana kudin ne?"

Zan sake kiranta yau dan ko shekaran jiya na kira tana aiki tace inta fito zata kirani kuma naji shiru."

Kirata yanzu.
Ta fada tana mikamai wayarta dake gefen gado.

Amsa yai ya danna number Afreey, harta katse bata dauka ba.

Goggo tace sake.

Nan ya sake kira, yanzun ma kamar zata katse sai kuma ta dauka.

Mikewa tsaye yai fa sauri yace "Afreey, najiki shiru."

Tace "zanzo gidanku in an tashi dan ina san tambayarka abu."

Da sauri yace "to sai kinzo." Jiyai harta kashe ba tare da ta kara magana ba.

Cikin jin dadi ya kalli Goggo yace "tace zatazo anjima."

Cikin wani jin dadi Goggo tasa dariya tace "kai masha Allah, ashe yau shiyasa nai mafarki inacin kaza."

Dariya yai yce "da alama kazar zamuci da daddare."

********

Khalid ne ya kalli Kabir cikin mamaki, yau tun safe yake shiri saboda yau ne zai fara dauko rahoto.

Me kunnensa suke jiye mai?

Kabir ne ya kalleshi rai a bace yace "kana san cemin baka san Giss ba?"

Khalid ya kalli mutanen dake gun sannan ya kalleshi yace ban sanshi ba wallahi, waye shi?

Kabir rai a bace yace "Adam fa? Mijin Zainab? Ka sanshi?"

Yace "Eh, friend dina ne."

Wata banzar dariya yai yace "sannan kacemin ba kai ka sanar da Giss gidansu Adam ba? Ka fadamai abinda ke faruwa tare da neman yaje yai hira dashi?"

Idanu Khalid ya zaro cikin tsananin mamaki yace "nace me?"

Ran Kabir ne ya baci matuka yace "duk cikin mu waye yasan mijinta bayan kai? Kenan sirrin gidan tv din nan kake dauka kana ba abokinka dake aiki a wani gidan tv din, takaicina duk abinda ya faru ashe kaine ka shirya shi.”


Shiru Khalid yai dan yanzu ya fahimci trap ake neman jefashi.

Kabir yace "programs da mukai meeting jiya akan zamu fara ya akai Giss yasan dasu? In ba kai ka bashi ba?"

Khalid ya kalleshi yace "Giss din yace?"

Nazifi ne yace "Director ba halin Khalid bane duk da bansan alakarsu ba amma bazai taba yin haka ba.”

Wani kallo yamai wanda yasashi yin shiru.

Ramatu ce tace "in har sunada alaka a gwada kiran numbersa a wayar sa a gani mana?"

Kallanta yai a lokacin ya tuno dazun nan ta ari wayarshi, wai ta rasa tata tana san kiran wayarta.

Kenan???

Kabir ne yace "ina wayarka?"

Khalid ya kalli Ramatu wacce ta dauke kai gefe, jiki a sanyaye ya mika mai wayar nan ya dauko number Giss wanda suka sa aka turo musu sannan ya sa number a wayar Khalid.

Kallansu yai sannan ya nuna wayar, AGis sunan daya fito kenan a wayar.

Ran Director ya kara harzuka yace "daga can gidan suka turo ka nan?"

Khalid yai shiru, yi magana, me da me ka sanar musu?
Kamar yace agwada a gani ko mun taba waya dashi, sai kuma kawai ya samu kansa da kasa magana.


Shiru Khalid yai kafin Kabir yace "biyoni office."

Ya juya rai a bace.

Nazifi ne ya kalli Agoggo ganin lokacin shirinsu yayi yasa ya juya jiki a sanyaye yana tausayin Khalid, meya kaishi?

Afreey dake zaune ne ta saki wani murmushi a ranta tace Hauka ko? Zan nuna maka babban hauka, idan ka rasa abinyi ka rasa komai naka dole ka dawo gareni.

Suna shiga Director Kabir ya kalli Khalid yace "kanasan ka tafi salin alin ko kana san mu koreka? Kasan bazamu taba barin spy a gun aikin mu ba, a lokacin da ma bazan baka zabi ba sai dai na koreka."

Khalid ne ya kalleshi sannan yace "Nagode da hakan, sannan duk wanda yaci hakkin wani ya zamanto cikin shiri."

Me kace?

Khalid ya mai sallama ya fita.

Hannunsa ya dunkule zuciyarsa na tafasa, bayan abinda ya faru da Zainab ransa ya baci da sam aikin ma ya fita kansa, sai dai ganin yanda Abba da Umma ke alfahari da aikin yasa ya jure komai.

Haka ya shiga ciki ya rubata resignation letter ya kawo mai sannan ya shiga hada kayansa, idanunsa sunyi jaaa.

Nazifi kam yanata fatan ya gama yaji abinda ke faruwa sai dai yana fitowa yaga ba Khalid.

Khalid na fita waje yaji ance "Khalid!"

Juyowa yai ya kalli Afreey, ta karaso inda yake cikin rangwadar ta.

Kallansa tai tace "ya akai haka? Meya faru?"

Kallanta yai yace “Weldone, har na kosa naga inda abinki zai kai."

Tace "au kasan nice?"

Yace "na sani yanzu, saboda bakya iya boye abu."

Kallansa tai tace "ka amince dani yanzu na sa amaidaka gun aikinka.”

Wani murmushin takaici yai kamar zaiyi magana kawai ya juya yai gaba.

Shiru tai tana kallansa, ji take kamar ta ruga ta rungumeshi saboda tsananin san da takemai.


*******

Yamma tanayi ta nufi gun Adam.

Cikin zumudi ya bude motar ya shiga yace "Afreey ina wuni?"

Wani kallo tamai sannan tace "Adam ya akai Khalid yasan matarka?"

Kallanta yai yace "Ni na hadasu ba na fada miki ba?"

Haushi ya kamata tace "Kai wani haukar ne yasa ka ba saurayi tukin matarka?"

Kallanta yai yace "wai menene matsalar ne? Na fada miki ba komai a tsakaninsu."

"Ba komai? Bansan dai matarka ba amma wlh Khalid nasan Zainab."

A zabure ya kalleta wani rikitacen kishi ne ya bayyana a fuskarsa karara yace "mene?"

Tace "haka dai yake kamar yanda na fadama, in har bakasan matarka ta shiga wani hali kaje kuyi sulhu ka maidata in kuma ka hakura da ita ni zan dau nawa matakin."

Ransa a matukar bace yake maimaita sunan Khalid.

Kallan gidan daya fito tai sannan tace "Me kake tunanin yi?"

Kallanta yai yace "Zainab na sona kuma nasan haryanzu tana sona, nasan yanda zanyi na shawo kanta, taya Khalid zai min haka."

Wani kallo tamai tace "kai da wace haukar ce tasa ka kaishi gunta? Sannan kila itama tana sansa."

Da sauri yace "bata sansa, ina halin Zainab ina na Khalid? Halinsu bazai taba zuwa daya ba kema kin sani da Khalid bashida tsatsauran ra'ayi da tuni kunyi aure."

Shiru ti kafin tace "yanzu zaka je ku shirya?"

Shiru yai yana tunanin uku fa yai, ji yai tace "menene?"

Da sauri yace "zanje, ai komenene sai dai ya faru taya ma Khalid zaice yana san Zainab?"

Kallansa tai tace "muje Atm na baka kudi, ka tabbatar ka shawo kan matarka."

Da sauri yace "ai dole ne ma."

*******


Khalid kam ya kasa sanar dasu Umma yabar aikin kullum da safe zau fita ya nufi aikace aikacensa yayi sai yamma likis ya dawo gida wannan ne yasa Umma da Abba basu kawo komai ba.


*****
Yau tunda Zainab ta tashi take jinta kamar mara lafiya, watanta daya kenan a gidan nan daga zama sai kallo, sai dan cin abinci, in taji ta gaji taje kasa ta dan amshi girki, sai ko dan hira kadan shima in Dady na nan.

Sam zaman nan ya isheta daren yau sai juyi take a kan gado, ta ina zata cigaba da wannan zaman?

Agoggo ta kalla wai haryanzu karfe 8 na dare, wayarta ce tai kara a hankali ta sa hannu gefen gado ta daukota.

Ganin sunan Nazifi yasa ta daga, gaisheta yai bayan ta amsa ne yace “Hajiya dan Allah number Khalid nake nema tun lastweek bansamu ba, shine nai tunanin tambayarki.”

Khalid? Ta maimaita.

Yace “eh.”

Tace “wato ba kirana kai kace kayi rashin takurar aiki danake sa ka ba?”

Dariya yai yace “Hajiya bazaki gane aiki yanzu ba ke yanda yake bane, bana san daga miki hankali ne shiya sa ma banyi wannan maganar ba.”

Tace “Taya zaka nemi number Khalid a guna bayan kullum kuna tare?”

Shiru yai kafin yace “ashe bakida labari?”

Labari?

Dan shiru ya kara kadan kafin yace “ai tun sati uku daya wuce zuwa hudu aka koreshi.”

Mikewa tai zaune tace “aka me?”

Nan ya kwashe abinda ya faru ya fada mata, ranta yayi matuka sosai gun baci tace “Director Kabir da alama ya fara zaucewa.”

Nazifi yace “shine nake nemanshi akwai wani yayana dake aiki gidan radio nake san fadamai ko zai gwada.”

Ranta yayi mugun bace tace “bashi basai ka fada mai ba.”

Kashe wayar tai a zuciye ta kira number Khalid.

Yana zaune yna karatun riyadulSalihin, yaga wayarsa na ringing, sunan dake yawo akan allan wayar ya kurawa ido yana kara tabbatar da abinda yake gani, bai taba tunanin ganin kira daga wannan number ba.

Gani yai kiran ya tsinke, sai dai a take ya sake gani wani kiran, hannu yasa a hankali ya daga wayar zuciyarsa na kokonto abinda yake gani dan gani yake shine yake san kira daga number shi yasa yake ganin haka.

Yana dagawa yaji ance “Taya zaka bari su koreka?”

Wani lalausan murmushi ne ya bayyana a fuskarsa yace “taya zaki bari su koreki?”

A kufule tace “ni ai ninaga damar bari.”

Yace “nima ninaga damar bari.”

“Wasa ma ka dau abin?”

Jingina yai da jikin dan gadansa yace “ke zan tambaya”

Tace “wai kai bakin ka baya taba mutuwa?”

“Taya zai mutu bayan mai tambayar nata baya mutuwa?”


Tace “uban waye yace kasan Giss?”

I don’t........
Know? Ta karasa mai, tace “kana tunanin zan yadda da hakan?”

Shiru yai baice komai ba, tace “Umma fa? Sun sani? Naga ko kwana biyu da mukai waya tace kana aiki.”

Yace “na kasa fada musu, bansan yanda zasu dau abin ba.”

Shiru tai zuciyarta na kara tabbatar da abinda take shirin yankewa.
Shiru tadan yi kafin tace “Kana da time?”

“Wani iri?”

“Na zuwa nan garin.”

Shiru yai yana tunani yayi me?

*****
Ayusher🏌🏻‍♀
[12/20, 9:21 PM] Zuraiyah Zuzu 🌟: 🍀A GIDANA🍀
.........................

*H̝a̝s̝k̝e̝ W̝r̝i̝t̝e̝r̝s̝ A̝s̝s̝o̝c̝i̝a̝t̝i̝o̝n̝*

*Wattpad :-AyusherMohd*

   Wattpad link👉🏻  https://my.w.tt/FKRWfhajS1

*ŋą Ä̤ʏʊֆɦɛʀ ʍʊɦɖ🏌🏻‍♀*

#OneLove❣

{48}

Bin wayar yai da kallo bayan ya kashe, mikewa yai ya hau kan gado ya dauko littafi daya daga cikin wanda ta bashi yake karantawa, daga nan bacci yai gaba dashi.

Yau kasancewar Asabar ne yana zaune a gun Abba bayan ya taimaka mai yayi wanka yasa kaya, yana zaune suna dan tattaunawa, Abba ke fadamai labaran dayaji a tashar radio na yanda rayuwar yara kanana ke halaka.

Shiru yai da farko ya fara fahimta sai kuma ya tafi tunani, har Umma ta ajiye abinci bai san ta zo ba.

Sai da Abba yace "Khalid?Khalid?"

Kallan Abba yai da sauri yace "Naam."

Umma ta zauna tace "lafiya?"

Kallan Umma yai sannan ya kalli Abba yai murmushi yace "bakomai, ina tunanin abinda ka fadane, sannan na gano kuskurena na kin daidaita mai laifi irin haka."

Abba yace "wacece?"

Kai Khalid ya dan juya kadan yace "watace."
Kauda zancen yai yace "Asiya su Amir sun fice?"

Tace "wlh dazu ina aiki suka gudu."

Suna gama cin abinci ya shiga wanka, yana zaune a daki yai shiru yana tunani, me Zainab zatace mai?

Mikewa yao ganin ba wannan bane yanxu a gabansa dole ya kawar da babban abinda ya kamata yai.

Kai tsaye yawa su Umma sallama ya wuce ya hau bus zuwa kano, a Naibawa ya sauka, gidansu Raziyya ya nema kai tsaye ya nufi gidan yana fatan dacewa da abida yake shirin yi.

A bakin kofar ya tadda dan dattijon dake ta alwala, tsugunawa yai sai daya idar da alwalarsa sannan ya gaisheshi.

Dattijon ya kalleshi tare da ajiye butar a gefe cikin sakin fuska ya amsa ya daura da cewa "Daga ina??"

Khalid yace "Raziyya nazo nema."

Kallansa yai yace "Raziyya? Ai tun sati uku da suka wuce bata dawo gida ba, kasan ba a garin nan take aiki ba."

Kallan tausayi yamai sannan ya jinjina kai alamar gasmuwa yace "in ba damuwa ina san ka dan bani number dazan sameta."

Kallansa yai cikin yabawa da nustuwarsa yace "to."

Wayarsa yasa hannu ya dauko aljuhunsa sannan ya dan kanne ido yana neman number, can ya mikamai wayar yana cewa "gatanan."

Khalid ya amsa da hannu biyu sannany dau number sannan ya mikamai.

Kallansa yai cikin tausayawa yace "ya mai jikin?"

Da sauki yanayin jikin nata ne sai dai hamdalla, da alama kasan Raziyya sosai, yauce rana ta farko da wani ya tambayi abin cikin gida.

Khalid yai kasa dakai kafin ya dago cikin wani yanayi, kallansa yai yace "da wani abin ne?"

Khalid yace "Ina tunanin in ba damuwa ka kira Raziyya ta dawo gida."

Kallansa yai cikin mamaki yace "ta dawo gida kamar ya?"

Shiru Khalid yai kafin yace "an samu matsala a gun aikinta, sai dai rashin san saku a damuwa yasa ta kasa fada, sai dai ina ganin hakan ba karamin matsala bane ga 'ya mace."

Shiru Dattijon yai duk da yaji rashin dadi sosai dayai na rashin aikin daywace sai dai Khalid gani yai wata yar kwalla ta gangaromai, kallansa yai jiki a sanyaye.

Dattijon yai murmushi yana share kwallarsa yace "nagode dan nan, nagode sosai."

Khalid yai shiru, cigaba yai "yauce rana ta farko kuma da wani yaxo yamin nuni cikin hikima akan abinda ke faruwa, maganar gaskiya na dade nima ina zargin aikinta saboda gulma da zaginmu da ake a unguwa, sai dai ganin ita Raziyya ta nuna min ba hakan bane yasa nake kokarin sawa zuciyata ba hakan bane, yau zan kirata ta dawo insha Allah."

Yadanyi shiru kafin yace "Nagode d'an nan Allah ubangiji yasa ka gama da duniya lafiya, ya daukaka ka ya baka zuri'a ta gari."

Khalid jiyai idanunsa sun ciko a hankali yace "Ameen Baba nagode."

Dattijon ya sake kallansa cikin jin dadi, Khalid yamai sallama ya taso gaba daya jikinsa a sanyaye.


Wayarsa ya kalla, yana tunanin kalaman Zainab, wani dan karamin murmushi ne ya bayyana a fuskarsa, ya daga waya ya kira Salmanu.

Suna gama waya ya kashe, ya hau mota ya koma danbatta.

********

Yau tun safe take duba wayarta sai dai haryanzu bataga sako daga Khalid ba, bata minti biyar sai ta taba wayarta, kara volume na ringing din wayar tai wai incase ko sako ko kora zai shiga bata ji ba.

Ganin har dare yayi ba sako ba waya yasa ranta ya baci, ajiye wayar tai ta kwanta cikin rashin jin dadi.

Bayan tayi sallar asuba tana kokarin kwanciya ta dau wayarta.
Sakon data gani ne yasa murmushi bayyana a fuskarsa.

"Send me the address, zanzo Wednesday."

Nima sai anjima zanyi reply, ta fada tare da kwanciya.

A daren ranar ta nufi falan Dady, yana zaune yana waya ta shiga, Basma na zaune daga gefe tanata kara yanka mai cucumber din da yake ci.

Mika mata tai, Zainab tace "Alhamdulila."

Dady ne ya gama waya sannan ya kalleta, Zainab yanxu nake san kiranki ma ashe kinji dawowata."

Tace "an dawo lafiya?"

Yace Lafiya kalau, ya kalli Basma yace "ya isheni haka Hajiya."

Murmushi tai tace "shi yasa nake yankawa a lokacin yanda in yayi sai a ajiye."

Ruwa yasha yana kallan Zainab yace "tunani nake ke ko yar fita bazaki dinga yi ba haka zakiyi ta zama a gida? Ai ko bin Basma kyayi zuwa siyayya haka."

To kawai tace, kallanta yai yace "ya akai?"

Kallansa tai sannan tace "Dama bako zanyi ranar laraba."

Da sauri ya kalleta tare da gyara zama yace "bako?"

Basma cikin jin dadi tace "masha Allah."

Kallanta Dady yai yace "wanene? Ya akai kika hadu dashi ke da kike gida a kunshe?"

Murmushi tai tace "in yazo zaka ganshi, kaima ka sanshi."

Ni?

Ta daga kai alamar eh, gani Dady ya shiga tunanin waye yasa ta mike ta bar falan, tana hawa sama tai shiru a ranta tace "Sorry Dady wannan ita kadai ce hanyar data rage min."

***********

Mabalan botiran rigarsa ya shiga maidawa, agoggo ya kalla karfe 7 na safe, dole ya fita da wuri.

Fitowa yai, ya nufi hanyar Abuja.

Dady kam yana gun aiki yana kiran Basma akan yazo? Tace "a'a"

Itama tana kitchen ana shirya abinci kala kala dan sai da Dady ya sake sanarwa ayi abinci sosai.

Itakam Zainab batama san hidima suke tayi ba daga cewa zatai bako, tana daki tana tunanin yanda haduwarsu da maganar da zasuyi da Khalid, dan zaman datai dashi ta san halinsa sai dai tana ganin shi kadai ne zai taimaketa a wannan lokacin.

Karfe 2 daidai ya sauka garin Abuja, bai kirata ba duk da tace mai in ya iso zata turo a daukeshi, shi kuma gani yake a wani dalilin akuma wani matsayin za’a zo har a daukeshi?

Baisha wahalar ganewa ba saboda gidan mahaifinta sanane ne a unguwar.

A bakin wani tafkeken gida ya tsaya yana kallan gidan kafin ya nufi gate, knocking yai daga ciki mai gadin ya bude kofar.
Gaisawa sukai da Khalid, ya kalleshi yace “Ammm gun Zainab.....”

Jin abin yai banbarakwai hakan yasa yai shiru, da sauri yace “oh ko kaine bakon da za’ai?”

Kai ya daga, budemai kofa yai ya shigo harabar gidan sannan yace “bari na shiga na tabbatar kaine.”

Khalid yace “bari na kirata.”

Cikin jin dadi yace “yauwa to hakan yayi.”

Kiranta Khalid yai, kallan wayar tai, tunda take zata iya cewa gabanta bai taba faduwa dajin ringing ba sai yau, dauka tai cikin dauriya.

“Ina waje.”

“Okay bari na sauko.”

Jiki a sanyaye ya kashe wayar yana kara kallan gidan, tabbas wutsiyar rakumi tayi nesa da kasa.

Bata wani dade sosai ba sai gata ta bude kofar waje.

Daga nesa ta kalleshi, haka kawai ta samu kanta da zuba mai ido tana tunanin yaushe rabo?

Dayake dama can ita macece da batada lokacin wahalar dakai da bata lokaci gun kwalliya.
Tadai sa tsadaden lace dinta ta yafa mayafi light purple kalar lace din ta yafa.

Shikam shadda ce a jikinsa kalar madara an mata aiki da kalar ruwan kasa mai turuwa.

A hankali ya fara takawa, zuwa inda take har ya karaso bakin kofar, nan ta koma ciki ya bi bayanta suka shiga ciki.

Bangaren hagu tai dashi inda falan baki yake, shiga yai ya zauna.

Daga dan nesa dashi ta zauna, kallan juna sukai kawai a tare sukai murmushi.

Kallansa tai tace “murmushin na meye?”

Yace “yanda naga kina yi ne yasani.”

Tace “ban taba kawo wani gidan mu bane bawai namiji ko mace ba wannan ne karo na farko shiyasa nakejin abin daban.”

Kallanta yai yana san cewa Adam fa?

Kamar tasan me yake cewa tace “Adam?Dady ne ya kirashi a waya yazo, so karka min dariya.”

Shiru yai bai ce komai ba.

Bari na kira matar gidan ku gaisa.

Ta mike tai ciki, a kitchen ta taddata sun hama hade kayan abincin da Zainab yasata kallanta cikin mamaki, tace “duk wannan na meye?”

Basma tai dariya tace “Na bakon ne, naso tambayarki ko da abinda yake so Dadynki ya hana yace in kika sani cewa zaki sunyi yawa.”

Baki ta bude tana kara kallan jerin abinci da snacks su fruit da juices.

Basma tai dan dariya tace “inje mu gaisa, dadynki yace a kirashi kafin ya tafi shima.”

Sam mamaki ya hanata magana sai gani tai tasa mai aikinsu ta shiga da dishes din.

Kainta girgiza sannan tai ajiyar zuciya ta juya.

Basma ce ta fito cikin fara’a ta kalla Zainab tana dariya.

Ta sani yanzu zata ta kira Dady ta fesa mai, wucewa ciki tai, Khalid na zaune yana kallan ikon Allah ganin sai shigo da abubuwa ake ana jera wa.

Kunya duk ta kama Zainab, har aka gama, kallansa tai shima kallanta yai, idanunta tadan dauke hakan yasashi dauke nashi shima.

Sun danyi shiru kafin ta kalleshi tace “Yanzu ya zakai dasu Umma?”

Tafin hanayensa ya dan hade akan cinyarsa yace “ina tunanin sanar musu amma sai na samu wani aiki, dan na sake applying a gurare dayawa.”

Kallansa tai tace “I doubt it won’t be easy.”

Kallanta yai yace “it wasn’t easy dama.”

Kai ta dan jinjina alamar eh, shiru suka dan sakeyi kafin ya kalleta yace “Yarinyar nan”

“Wacce?”

Ta tambaya kafin ta hade rai tace “meya faru?”

Shiru ydan