You Cannot Download this book untill you login but you can read it .

---

Login Register

lahadi."

Tana tafe tana cewa "abu ne ya taso mu director's ne kawai zamuyi meeting."

"Darastas??? Me kenan?"
Adam ya girgiza kai yai waje.

Tana fitowa waje shi kuma yana turo kofar gate din.

Kallansa tai sannan shima ya kalleta.

Adam da ya fito ne ya kalleshi shima.

Fuska dauke da mamaki tace "Who?"

Khalid zaiyi magana Adam ya dawo gabanta yace "Khalid ne." Khalid? Cikin mamaki ta kalli Adam, da sauri cikin magana mara sauti yace cinye duu... kwaro."

Key din hannunta ta cilla mai ya cafe tace "drive."

Khalid ya kalleta cikin rashin fahimta, wucewa tai cikin mota ta bude kawai ta shiga.

*Ayusher Muhd*
[10/27, 10:39 PM] Zuraiyah Zuzu 🌟: 🍀 *A GIDANA* 🍀

*Haske Writers Association*💡

*Shafi na biyar*

Wattpad/@AyusherMohd.

Khalid ya kalli Adam wanda ya gunste dariyarsa,daga cikin mota tai knocking din glass din motar, tana rike da tablet dinta tana duduba abubuwan da sukai discussing waccen meeting din, Adam ya kalli Khalid yace "sai kun dawo ma tattauna.

Ya shige ciki da sauri, Khalid ya nufi jikin motar sannan ya bude mazaunin gaba ya shiga tare da tada motar.

Bai mata magana ba itama haka batabi ta kanshi ba, mai gadi ne ya bude gate suka fita, suna fita daga gidan yaja gefen titi yai parking.

Sunyi minti biyar a haka saboda ita dube dubenta kawai takeyi, ganin shiru kamar ba'a tafiya yasa ta dago ta kalli waje, cikin mamaki ta kalleshi tace "ya naga ba'a tafiya?"

Bai juyo ba yace "bansan ina zamu ba."
"Ai sai ka tambaya, saboda sauri nakeyi."
Shiru yai baice komai ba wanda hakan yasata dan jin haushi tace " muje Gamji Tv station."

"Bansan inda yake ba."

Da sauri ta kalli agoggo taga tana bukatar hanzari.
kallansa tai sannan ta bude motar da sauri ta dawo inda yake a zaune.

Kallanta yai itama ta kalleshi tace "am sorry but sauri nake kwatance bazai yiwu ba, can you please go that side?" Ta fada tana nuna mai dayan gun.

Fitowa yai ya zagaya sannan ta zauna a gun, da gudu taja motar, tana kallan agoggo.

Juyawa yai ya maida kanshi waje yana kallan hanya, sai dai kasan ransa gaba daya tunani yakeyi, wani irin aiki ne wannan? Ba'ai bayani? Salman ne ya fado masa, dan tsaki yai wanda shikanshi baisan yayi ba.

Karaf a kunnenta, kallansa tai cikin mamaki gani tai hankalinsa ma bai kanta, tsakin na menene? Ta fada a cikin ranta, wanda abin ya dan mata zafi, dan bata fahimci me tai ba balle a mata tsaki haka.

Gaban Gamji tv tai parking, fitowa tai kawai ta bude baya ta dauko kayanta dake baya, kallansa tai tace " bansan ko zan dade ba, in nai 1hr ban fito ba ka koma gida in na gama zan kora Adam sai yama magana."

Ta juya kawai ta shige cikin building, mamaki ne ya kamashi ya kwantar da kansa akan kujera, idsnunsa ya rufe a hankali.

Wayarsa yaji tana kara ya zarota a cikin aljihunsa, ganin Abba ne yasa ya daga da sauri.

Bayan sun sake gaisawa Abba yace "munji baka kira ba ko baka isa bane?"

Yace "na isa dazu."
"Kaje gidan?"
Eh kawai yace tare da saurin cewa "ya jikin?"
Abba ya fahimci baisan maganar da alama ko ba shi kadai bane hakan yasa yace "da sauki, anjima mayi waya." Ya kashe wayar, Khalid yai shiru yana kallan wayar dan to baisan me zai cema Abba ba in ya tambayeshi ko ya ake ciki? Bayan shi kansa baisan ya ake cikin ba.

Yana nan a zaune yana yan tunaninsa jefi jefi yana kallan agoggon wayarsa.

*******

Zainab tana shiga ta wuce office din meeting dinsu, suna zaune suna tattaunawa ta shiga.

Tana shiga ta samu guri ta zauna, dan daga director din sai ita a matsayi, tana zama ta amshi takardun proposal din da akai accepting tana dudubawa, nan ta shiga bayani tare da kawo yanda za'a cin ma manufar, gaba daya kowa yayi shiru yana sauraran jawabinta, har ta kammala sannan tace "ya suke gani?"

Nan kowa yai naam da abinda ta kawo dan dama indai agun harkar aikinta ne ko director din da ita ya dogara saboda tsabar sanin aikinta datai da kuma darajashi datai, nan suka gama taron akan abinda tace shi za'ai, ta mike zata fita ne director din ya mata magana.

Dawowa tai ta zauna tare da kallansa.
"Zainab naji Ramla tayi laifi ayi hakuri a sassauta mata."

Kallansa tai idanunta tsam tace "ni director kai ka kawota ne?"

Da sauri yace "ni kuma? Interview taci aka bata aiki."

Murmushi tai kafin tace "banajin ranar danai interview naganta a ciki, kafi kowa sanin inada rike mutum duk yanda naima interview zan ganeka balle wanda yaci."

Director yai dariya cikin zolaya yace " yo inbanda abinki dani fa akai interview din nan akai audition duk nasan wadanda sukaci sai dai kin manta ta ne."

Murmushi ta sakeyi dan ta fahimci neman karewa yake da alama shi ya kawo ta ko daga sama dashi ne.
Tace "Ah Alhamdulilah tunda dai ba yarinyar ka bace."

Ransa ya sosu da maganar me take nufi da yarinya? Sai dai ba yanda ya iya da Zainab saboda itace ta kawo cigaban da suke dashi yanzu, itace ta jajirce ta maida gidan tv dinsu ya zama abinda ya zama, inba ita yasan komai ya wargaje, amma da badan haka ba da.......
Kallansa tai tace "maganar Ramla ka cireta daga mai dauko rahoto dan inba haka ba zan koreta da kaina, ka maida ita wani bangaren."
Bata jira amsarsa ba tace "zan wuce inba wani abin."

"To shikenan zan duba inda ta dace." Abinda ya iya fada kenan, ta mike ta fito daga office din, tana rufe kofa tai dan ajiyar zuciya na takaici, haka kawai ga mutanen da sukaci ta bada list dinsu a kan su sukaci amma tazo ta tadda a cikin mutum goma da kana dauka mutum hudu ne kadai aka ba aikin ragowar shidan ba ci sukai ba aka basu, gwada su biyar din ma sunyi interviewe faduwa sukai amma ita wannan Ramlan ba wanda ta ganta sai ranar first day din sabon ma'aikatan."


Agoggon hannunta ta kalla, hawanta kusan biyu kenan ta san ya tafi, hakan yasa ta shiga office dinta tare da kiran number Adam.

Shikam Adam tana fita ya shiga yai wanka ya tafi majalisa, suna zaune suna hira wayarta ta shigo.

Mikewa yai ya matsa gefe, yana ji suna tsokanansa yaran Hajiya zata bada aike ne?

"Honey kin taho ne?"

Tace "a'a kayima Abokinka magana ya dawo ya daukeni."

Cikin rashin fahimta yace "ya dawo ne?"

"Kana ina?" Tambayar data jefeshi da ita kenan, sam batasan majalisa dan tasan gulma kawai akeyi, cewa yai "naje siyoma Goggo maganin zafi ne."

Ayya, to bari na kira Nabila.

Kashe wayar tai ta kira Nabila, mamaki ne ya kamata da Nabila tace mata ba'a bataji alamar shigowar mota ba, harta kara dubawa tace ba motarta a gidan.
Wayarta ta daga ta kara kiran Adam tace "baya gida fa."

Adam yace "inata kiran wayarsa kuma a kashe."

Fitowa harabar gun tai inda suke ajiye motoci amma bata ganshi ba, cikin bacin rai tacema Adam badai ya gudu da motar ba?

Shiru Adam yai yana nazari, bafa haka khalid yake ba ya tabbatar sai dai san rai irin na dan Adam sai cewa yai "ah haba?"

Zainab cikin dan zafin rai tace "badai bakasan halinshi ba?"

Shiru Adam yai duk da yasan ba halinshi bane amma sai cewa yai "na sani amma kinsan mutanen yanzu in aka rabu sai su can........"

Kashe wayarta tai saboda yanda taji ranta ya baci matuka, sam batasan in ranta ya baci ta cigaba da magana dan zata iya fadan abinda bai dace ba wanda daga baya zai iya sata dana sani.

Rai a bace ta fito wajen station din, ranta yakai matuka gun baci, tabbas sai tasa an nemo mutumin nan duk inda ya shiga kuwa.

  Tana fita taga motarta a gefen station din, tsaya tai cikin mamaki sannan ta karasa gun tana kallan motar.

Yana zaune a mazaunin driver yana dadana wayarsa.

Kai ta juya gefe tare da jin ba dadi na zargin datai ba tare da ta bincika ba.

Juyawa tai ta zagaya inda take zama sannan tai knocking din glass din, madannin bude motar ya danna ta bude ta shiga, baice komai ba tana zama ya tada mota suka hau kan hanya.

Shiru tai batace komai ba sai dadana tab dinta takeyi, shikam ko juyowa baiyi ba tukinsa kawai yakeyi.


**********

Adam kam tana kashe waya yai shiru cikin mamaki yace meke faruwa? Ba yanda za'ai khalid ya gudu, to ina ya shiga?

Da sauri ya musu sallama sannan ya ja motarsa ya nufi station dinsu.

Yana isa ya shiga ciki, yana shiga ya hadu da wani wanda yana ganinshi ya ganeshi matsowa yai ya gaisheshi, Adam yace "Zainab fa?"

"Ta tafi dazu."

Kai ya jinjina sannan ya juya tare da kiranta a waya.

Tana zaune cikin mota ya kirata.

"Honey Kina ina? Nazo bakyanan."

A hankali tace "ina hanya, kaje ina?"

Yace "nazo daukanki mana."

Da sauri tace " na sameshi a waje ai mun taho."

Sai data fada ta kalleshi kadan, karya gane zargin da sukamai.

Shikam baimasan metake yi ba, jitai yace "left or right?"

Kallan hanya tai sannan tace left, tace "Honey sry ka taho gida."

Kashe wayar yai yana cewa "nimadai kwai soko ko me nake anan?"

  Yana shiga mota ya tuna karyar dayai da sauri ya kira Goggo, itakam tana zaune tana kallo batamasan yana kira ba.

Haushi ya kamashi ya cilla wayar kujerar dake gefensa matsalar Goggo kenan, tana can tana tainannan kallanta batamasan yana kira ba.

******

Khalid left or right? Abinda kawai yake ce mata kenan in yaga ya kasa gane inda suka biyo dazu, suna shiga cikin harabar gidan ta fito tana kokarin shiga ciki.

Mamaki ya kamashi yace "Excuse me."

Tsayawa tai tare da juyowa sannan ta nuna kanta alamar ni?

Yeah.

Haka yace mata wanda yasa ta kara kallansa batace komai ba.

Kallanta yai yace "lokaci na wucewa inada abubuwan da zanyi sorting a yau din nan, and it seems like bakida niyyar yimin bayanin yanda aiki na yake da abubuwan da ya kamata nayi da sauransu.


  "Am sorry amma you have to told me saboda insan abinda ya kamata nai kafin dare yai, ba'a gari nake ba, inasan komawa."

Gaba daya jitai ma ta rasa bakin magana, yau take ganin ikon Allah, yana mata magana kamar itace take aiki a karkashinsa?

Sannan Excuse me?

Meya dauketa?
Ko dan tana matar abokinsa yana tunanin wulakantata?
Harda tana tausayinsa tana ganin Adam yaci zarafinsa ashe shima dan rainin wayau ne?


"Excuse me, naji kinyi shiru."

Excuse me? Again?????


  Ranta ya baci, kallansa tai cikin bacin rai sai dai yanda yake kallanta da jiran tamai magana yasata juya kanta abokin Adam ne, cool down.....

Bude kofar da akai ne yasa ta kalli kofar, Nusaiba ce ta fito da gudu ta rungumeta, kallan Khalid wanda ke tsaye ta tsaya tana yi, Zainab ta zare ta sannan ta kalleshi tace " bari Adam ya karaso sai kuyi magana."

Haka kawai tace ta shige ciki.

*Ayusher Muhd*
[10/27, 10:39 PM] Zuraiyah Zuzu 🌟: 🍀*A GIDANA*🍀

*Haske Writers Association*💡

Shafi na shida

Wattpad/@AyusherMohd.

Duk yanda yaso karya nuna bacin ransa amma wannan lokacin ya kasa, mekenan? Dan yana neman abinyi shine zai zama wulakantace? Ai ta tsaya taji mezaice.

  Zainab kam tana shiga ta tsaya a jikin kofa sannan tace was i mean? To mezance? Yanata wani cemin excuse me, ko suna nane hakan ai sai haka, juyawa tai taga bataga Nusaiba ba.

Nusaiba kam tsayawa tai cak ta kasa dauke ido daga kansa, can ta hangota zaune kusa dashi ta sa kanta a kafadarsa tana bacci.

Sam baima kula da ita ba sai dayaji an bude kofar, Zainab ta kalleta tace “me kike anan?”
Gaba daya Nusaiba batama san tana yi ba, jin magana ne yasa ya kalli gun, sai yanzu ya kula da yarinyar dake tsaye agun.
Zainab ta kalleta sannan ta kalli inda take kallo, hada ido suke wanda Khalid yai saurin kauda kansa, Zainab tasa hannu ta juyo da ita saitinta tace “lafiya?”

Nusaiba tace “Aunty kamar mafarki nake ko?”

Kallanta tai sannan tace “mafarki anan?”

Nusaiba ta daga kai tana wani irin murmushi, Zainab ta ja hannunta suka shiga ciki.

Khalid waya ya dauko ya kira number Adam, Daga can Adam yana tafe yana shan kidansa, parking yai a gaban wani shago ya shiga ciki, shago ne dayake ta ganinsa satin nan da alama ba’a dade da budeshi ba.
Shiga yai yana kallan kayan dake cikin shagon, shago ne na kayan sawa, na mata dana maza.

Haryana kokarin fita yaga wani takalmi, wanda ya dau hankalinsa, dawowa yai da sauri ya daga takalmin, duba size din da yake sakawa yi ya nufo gun biya yana kokarin bada kudin ta nufo gun rike da wata riga ahannunta, abaya ce rigar, duk rigar jikinta tayi kacha kacha.

Mikama mai biyan kudin tai, kallanta yai sannan ya kalli Adam yace “dubu goma ne.”

Adam ya mikamai katinsa ya biya, hankalinsa a kwance.

Haryadanyi gaba yaji yana cemata “dubu biyu.”

Kallansa tai tace “malam dan Allah kabarmun dubu daya da dari biyar wlh jakata aka sacemin duk kayana dana taho dashi, dubu biyun nan dake jakata su kadai gareni.”

Kallanta yai yace “kiyi hakuri hajiya amma ba shagona bane.

Harzaj juya ya dawo ya mika katinsa, ba tare dayace komai ba, mai shagon ya kalleshi yace zaka biya?
Adam ya juya kai, nan ya sa pin dinsa ya biya ya juya yai gaba.

Da sauri ta biyoshi tana cewa “Malam! Malam!”

Adam sai dayaje gaban mota ya juyo matsowa tai da sauri tace “nagode, ka taimakeni, zuwa na kenan garin kano aka sacemin kayana gaba daya........”

Wayarshi datai kara ita ta katseta? Daukan wayar yai ya shiga mota ya ja yai gaba.

Khalid ya?

Daga can Khalid yace “Adam dan Allah kana ina?”

“Ganinan a hanya yanzu zan karaso.”

Khalid yai ajiyar zuciya baice komai ba.

“Wani abin ya faru ne?”
Ya fada a ransa yana cewa yasa ai Khalid bazai taba jurar halin Zainab ba wannan aikin nasu ya basu wata daya in anyi nisa.

“No sai kazo.”
Adam yace okay, ya kashe wayarsa, yana tafe yana shan kidansa, hankalinsa a kwance, tunowa dayai da Goggo ne yasashi kara sauri, yasan kila ma ta fada, mai yakaishi tsayawa a shagon can? Sam yama manta abinda ke gabansa.

*******

Zainab kam suna shiga ciki ta makama Nusaiba harara tace “kin gama mafarkin?”

Nusaiba ta kalleta ta matso kusa da ita kamar zata shige cikinta tace “Aunty wanene dan Allah?”

Zainab ta kalleta tace “wa?”

Nusaiba ta kalli window tana nuna mata Khalid dake tsaye yana waya.

Zainab tace “menene damuwarki dashi?”

Kara rike ta tai tace “Aunty dan Allah ina gama secondary ku aurar dani, ku bani shi.”

Kallan mamaki Zainab ta mata kafin ta girgiza kai tace “Nusaiba da alama kin samu matsala.”

Tai ciki tana cewa “ina Nabila?”

Tana daki, Zainab ta wuce cikin dakin nasu.

Nabila na zaune akan gado tanajin an bude kofar ta boye abinda ke hannunta da sauri.

Zainab ta maida kofar ta rufe sannan ta nufo inda take, Nabila ta kalleta tace “Aunty kin dawo?”

Zainab ta matso bayanta tasa hannu ta zaro abinda ta boye, littafi ne na makaranta ta bude cikin litaffin tare da girgizashi.

Hoto ne ya fadi daga cikin littafi, Zainab zata dauka Nabila tai saurin daukewa ta boye.

Mika mata hannu Zainab tai tace “Bani.”

Nabila ta kalleta idanunta suka ciciko, Zainab ta hade rai tace “bakiji ba?”

Jiki a sanyaye Nabila ta mika mata hoton, tana amsa ta juya baya hoton, sai dai me? Gaba daya yanayin fuskarta ne ya canza, idanunta suka canza, a hankali ta dago ta kalli Nabila wacce hawaye suka zubo mata.

Zainab ta zauna kusa da ita, ta zuba mata ido cikin tausayawa.
Nabila ta share hawayenta tace “Aunty.”

Zainab ta sa hannu ta karasa goge mata hawayen sannan ta kalleta tace “badai haka kikeyia makarantar ba?”

Kai ta girgiza da sauri alamar a’a sannan tace “na dade Allah banyi ba.”
Zainab tai murmushin yake tace “kafin mutanen gidan wu gane, ki tashi ki ware, ina mai bakin tsiwar tawa take ne? Ina mara hakurin nan da neman fada yakene?”

Nabila tasa dariya tace “kai Aunty.”

Zainab tace ba haka bane?

Nabila tana dariya ta mike tai waje.

Shiru Zainab tai a dakin, tare da kara kallan hoton hannunta, raunin datake boyewa nata kar a sani shine ya nemi tasowa, hannunta ne ya fara rawa da sauri ta mike tare da bude windown dakin dan tasha iska saboda zuciyarta tayi nauyi.

Wani nannauyan ajiyar zuciya ta saki tare da kallan waje, Daga can gefe ta hangoshi tsaye yana waya, Excuse me! Excuse me!

Abinda ta tuno kenan, ko baka san sunana ba ai sai kawai kai maganar da kakesan yi Excuse me din na menene? Taja dan gajeran tsaki tana neman zuge window din taga ya kalli gefe, sai kuma taga ya dan daga hannu kadan ba wani alamar sakin fuska hannun dai yadan daga.

Da sauri ta fito daga dakin ta nugi falo, Nusaiba!

Abinda ta fada kenan, Nusaiba ta kalleta da sauri, sannan ta zuge labulen windown.

Zainab ta kalleta, da sauri ta boye a bayan labule tace “Aunty gaisheshi kawai nai.”

Nabila wacce tana fitowa kitchen tai ta zubo abinci tace “karyane kafeshi tai da ido wanda inaji daga nan sai daya kware.”

Zainab duk yanda taso ta hade rai sai datai dariya tace “ruwa yakesha kenan?”

Nabila tace “eh mana.”

Nusaiba ta sa dariya harda faduwa tace “Kanwa uwar hadi, wlh andaiji jiki.”

Nabila ta kalli Zainab tace “Aunty wanene?”

Zainab tace “oh bakimasan me ake cewa ba kike shiga abinda bai shafeki ba, ni ina Goggo ne?”

Nabila tace “ta tafi siyo anko wai ita da kawayenta........” ta karasa maganar tana dariya.

Nusaiba ma dariya tasa tace “wai anko, ina Goggo ina anko?”

“Meye naku a ciki? Kunga ku kiyayeni da wannan bakin naku.”

Jin karar gate ne yasa Nusaiba ta bude labule, Oh Uncle, ko ina yaje?

Hala majalisa, Nabila ta fada tare da zama.

Shiru Zainab tai tana tunanin abinda yace mata, ciki ta wuce kawai ta shiga daki, alwala tai kawai ta sa hijab ta tada sallah.

*****
Adam na parking ya matso gun Khalid dake jiransa, hannu ya mikamai suka gaisa yace “Kwaro ya?”

Khalid yace “Adam please ka daina kirana da haka.”

Dariya Adam yai yace “To Kwaran danbatta shikenan?”

Khalid ya fahimci rainin wayau ne shiyasa bai tankashi ba yace “so nake naji me da me zandinga yi saboda in san yanda zan tsara komai.”

Tsara komai? Kaida kazo aiki? Abinda Adam y fara kenan a ransa amma a fili yai dariya yace “da farko dai sai kayi hakuri dan Hajiyar akwai fada kamar.....” yamai rada a kunne, wanda nima banjisu ba.

Sannan ya dago yace “ abu na biyu gaskiya aiki ne ya ganka saboda journalists ce babba wacce kuma take uwar aiki wato agoggo kenan, dan ko na kasa da ita sun kawo report na abinda suka dauko wani abin bata yarda dashi harsai taje da kanta ta gani, ta tantance, sannan sau da dama takan je gurin da kanta dan rashin yarda da aikinsu, tafisan ayi a gabanta.

To kaga duk wannan lamari kaine zaka dinga jelar kaiwa da dawowa, sannan sukan tafi wani garin dan dauko rahoto ko kuma meeting nasu na yan gidan tv da sauransu.

Abu na karshe tana fita karfe bakwai da rabi na safe ta dawo karfe shida na yamma, sannan daga gun aikin tana yawo sosai.”

Khalid ya kalleshi sannan yace “ nagane, weekend fa kamar yau?”
Adam yai dariya yace ai kai bakada hutu dan wannan bansan kai na nawa bane a wadanda ta kora wani da kanshi ma yake gudu saboda wahala.

Khalid ya kalleshi yace “ni ba wannan bane damuwata, abu daya nakeso in fada, zan fara aikin nan ina naiman nawa aikin, da zarar na samu aiki zanyi resigning.”

Adam yana dariya yace “bakimai sai dai fa karka manta neman aiki yanzu a kasarnan sai da hanya, waya sani ko in ka daure Hajiya ta nemar ma.”

Ba karamin sosa mai zuciya wannan kalaman sukai ba, murmushi yai yace “ni Adam wani aiki kake ne? Naga har weekend kamar kaima kana aiki?”

Ran Adam ya baci wanda ya bayyana a fuskarsa, kallansa yai yace “menene?”

Khalid yace “bakomai kawai dai tambaya nai naji kamar rannan kacemin kai matarkace mai kudin ko? Ita take baka, haka dai kamar naji, amma sai nake tantama dan nasan yanda kake da san kai abu da kanka kamar bazaka yarda ka zama mijin Hajiya ba.”

Fuskar Adam ta murtuke sosai yace “me kakesan cewa ?”

Khalid yai dariya yace “me zance kawai cewa zanyi ko dayake mijin Hajiyar ma matsayi ne.”

Adam ya washe baki yana dariya yace “sosai ma dan banaji irinku zasu samu.”

Khalid yace “sosai, bare kuma ni kasan bansan a bani, bari na wuce zanje Cafe ne.”

Adam sam bai fahimci magana ya fadamai ba yace “a ina zaka dinga kwana? Muna da dan daki, ya fada yana nuna wani daki can dake gefe, da sauri Khalid yace “Saida safe.”

Ya mika mai key, haryayi gaba ya dawo yace “Sorry Adam me nene salary dina sannan yaushe za’a dinga bani?
“Am sorry but inasan sani ne dan na san yanda komai yake tafiya.

Adam yace “gobe in kazo zata baka contract din sai ka sa hannu, dan nima bansan yaushe take biyansu ba.”

Khalid ya mika mai hannu sukai sallama ya tafi.

Yana fita yabi kofar gidan da kallo, tabbas dole ya kara zake dantse ya nemi aiki dan bazai iya jurar wannan aikin ba.


*************

Wajen karfe 9 na dare ta shigo dakin yana zaune yana latsa waya ta shigo, kwanciya tai tare da rufe idanunta, kallanta yai yace “tun dazu nakeso kizo muyi magana kiji yanda mukai da Khalid.

Kallansa tai sannan tace “Dazu kaje majalisa ne?”

Da sauri yace “a’a takalmi naje siyowa.”

“Meyasa kamin karya to kace kaje siyoma Goggo magani?”

Yace “Sorry honey lokacin ina bank ne banasan yin doguwar magana.”

Ido ta kuramai, sumbatarta yai yace “banace miki na daina zuwa ba? Ko baki yarda dani ba?”

Murmushi tai ta rungume shi tace “kaima kasan duk duniya kai kadai ne namijin dana yarda dashi.”

Kanta ya shafa yana fada mata yanda sukai da Khalid, kallansa tai tace “Honey are u sure wannan mutumin zai yi? Nifa sam hankalina bai kwanta dashi na, sai naga kamar ma fada yakemin.”


Dariya sosai Adam yai kafin yace “Yau wacece wannan anya Zainab ce?”

Tace “Allah ni yau saura kadan ma na koreshi.”

Adam yace “ba fada yake miki ba haka maganarsa take, kinsan a skul sam bashida friends na kudakud? Duk wanda kika gani dashi to fa morarsa yake, saboda iliminsa ne yasa muke juremai, sai daga baya kowa ya gane haka yanayin maganarsa yake.”

Zainab tadan tabe baki tace “sai kace shi kadai ne bashida friends.”

Adam yace “ke da shi akwai banbanci, ke kece bakyasan friends din, shi kuma mutane ne bazasu iya jurar halinsa ba, kinsan daga farko kowa ya dauka dan mai kudi ne?”

Murmushi tai tace “why?”

Nan ya fara bata labari hartai bacci.


Wajen karfe uku ta farka a zabure, addu’a ta shiga yi ta kalli Adam wanda ke kwance yana bacci, mikewa tai ta fito falo, kofar dakin su Nabila ta bude, suna kwance suna barcinsu wanda hakan ya sata murmushi.

Dauko hoton dazu tai ta zauna a falo tana kallanta? A hankali tai murmushin dayafi kuka ciwo tace “Mamana.....”

Nabila wacce taji sanda aka rufe kofa itace ta bude kofa, kallan Zainab tai da sauri ta taho gunta ta rungumeta.

Zainab ta kalleta tana hawaye ta rike hannun Nabila tace “Nabila ba abinda ake miki?”

Nabila tana kuka tana cewa “kema Aunty kinsan bazan bari ba.”

Zainab ta daga kai tana murmushi tace “na manta My boss ce.”

Nabila tai shiru cikin yanayin damuwa, Zainab ta kalleta tace “Maman Nusaiba na takura miki ne?”

Tace kema kinsan ni, Aunty karki bari Uncle ya miki abinda Dady yama Mama,