You Cannot Download this book untill you login but you can read it .

---

Login Register

wajan na gane shine sabida mayen kamshin sa, tsaki naja tare dayin ƙwafa.........shikuwa tashin sa kenan daga bacci yay wanka kana ya fito dan yaga jikin nata tofa shine yaci karo da kiran rahina abu umar wadda tai ta faman doko masa shi wanda babu shiri ya ɗaga, koda ya ɗaga kuka ta saka masa akan mai yasa yay tafiya bai gaya mata ba, yana cikin mata masifane akan ina ruwanta da tafiyarsa, ya hango tawowar meema ɗan tsira mata ido yay kaɗan tare da kauda kansa gefe yana mamakin ƙibar data ƙara tare da murjewa.....yacigaba da wayarsa batare daya kuma gigin kallonta ba.


Adai dai sanda nazo saitin bayansa naji yana furta"Insha ALLAH tana samun sauƙi ay zamu tawo karki damu" wani irin spark naji adukkan jikina lallai namiji! cikin fushi na juyo tare da tsayawa gabansa na riƙe ƙuguna "Aikin banxa aikin wofi to ai seka kwantar da hankalinka ta sami sauki burinka bai cika ba, daman anje da itane dan abaiwa matsafa jini a karbo sa'a to ta ALLAH ba taka ba, kuma insha ALLAH indai har ka cutar min da ƙanwa ALLAH seya saka mata mugun kawai" mtsssss naja tsaki tare da barin wajan..........Wayar dake hannunsa ce ta faɗi baima sani ba"Innalillahi,Wa'inna ilaihirraju'un" kalmar dayake ta na'na tawa kenan a fili ilahirin tsigar jikinsa da jijiyar dake kansa ta miƙe,"Me wannan yarinyar take nufi?" cikin sauri yakaiwa bangon wajan naushi, seda yaji hannunsa ya fashe yana ɗigar jini sannan ya dawo nutsuwar sa bai kuma damu da jinin ba, illa dafe kansa dayay yana faman cije bakinsa"Tsafi nake?" yafaɗa yana tambayar kansa tamkar zararre, cikin sauri ya bar wajan ganin yadda jama,a ke wucewa ɗakinsa ya koma se yanxu ya raba maganganun nata gida biyu, tabbas meema tai masa muguwar fahimtar da wallahi inda ba ƴar ummi bace ba seyay shari'a da ita wadda ko ze rasa komai daya mallaka akan wannan mummunan zaton data masa, yanxu idan ita har tace haka mekenan mutane zasu faɗa? gumine ya ringa keto masa babu shiri ya faɗa gado yana zubda hawaye akan wannan furuncin nata, tabbas inda har ta tsaya a ɗaxu dase ya sumar da ita haka ya kulle kansa a ɗaki yana jin bakin ciki tare dajin tsanar furuncinta garesa.


Koda na dawo ban gansa ba haka zalika baya falon hajja, "Biri yay kama da mutum" nafaɗa a fili tare da nufar ɗakin da rahina ke wanka,tana zaune anty safiya tana goge mata jikinta na mika mata kayana waɗanda nasan zasu mata sabida naga tai ƙiba itama, koda ta gama shirinta kwanciya tai a saman gado a hankali nake tambayar ta yaya xaman nasu yake, kuma bata gayamin kowace matsala a tsakaninsu ba tadai cemin itadai tana ɗaki zata saka kaya taji kanta ya sara daga nan kuma bata kuma sanin a ina take ba seda aka kaita gidan wannan mai maganin sannan ta fuskanci komai amman bazata iya magana ba, amman tace tunda suka dawo da baba ya bata wannan ruwan addu'oin shikenan taji kamar an cire mata komai, ganin shurun tayi yawa su umma dasu adda zainab su ummi suka shigo ɗakin kowa yana mata sannu wanda nike amsawa.

Har zuwa dare mutane nata zuwa amman banga yaya Abdul ba haka zalika itama rahinar tun tana tambayarsa hartai shuru,nida hajja muna ɗakin muna hira aka kira sallar isha'i muna idarwa hajja ta takura mata akan taci koda wani abunne hartana tsokanarta akan ai ko gobe ma zata iya komawa ɗakinta tura bakinta tai gaba tana cewa ita wallahi seta huta dariya duka muka saka muna murnar samun saukinta tunda ita daman ummi tuni tai part ɗinta ganin komai yay normal.

Kamar wasa naga rahina tana shakuwa idanunta suna lumshewa,"Sis kodai bacci xaki na gajiya?" nafaɗa ina kallonta ganin hajja fulani tana sallah.
Murmushi taimin tare da cewa "Adda meema dan ALLAH ki aramin wayarki na kira yaya naji lafiya?" haɗe raina nai tare da kallonta"sedai na baki ta hajja amman nikam badani a wannan rashin imanin ba".miko mata wayar hajja nai tare da ficewa daga ɗakin baki ɗaya


Kwance yake a saman sopa daga shi se singlet da gajeran wando ko ruwa bai kai bakinsa ba duk damuwa tabi ta masa yawa na kalaman meema garesa yayi yayi ya yakice abin amman ya kasa, wannan dalilin yasa yaƙi fita ko ina sabida kana kallonsa zaka san baya cikin good mood, cikin haka wayarsa ta fara ringing dubawa yayi tare da ajeta gefe ganin hajja ke kiran nasa tashi yay ya zira black jallabiya ya fice zuwa falonta kansa tsaye ɗakinta ya nufa, bata can dan haka ya shiga na kusa dashi, rahina tana kwance ganin sa yasa hajja ta soma masa faɗa wai yaki fitowa bare ko abinci yaci ganin bai tankataba shi ta matarsa yake yasa ta fice a ɗakin ɗago rahina yay ya ɗorata akan cinyarsa suna hira shima kansa mamakin saukin data samu yake tare da godiya ga ALLAH lallai wanda ya kama ayoyin ALLAH tare da yarda da dukkan Abinda ALLAH yace yay gaskiya.
Sun jima suna hirarsu wanda ni bansan ma yana ciki ba bayan naje nai wanka na sauyo kaya na shigo ɗakin ganin rahina akan cinyarsa yasa na mayar da kofar ina tsaki"Shegiyar ƴar nan dole ki damu da mijinki" nafaɗa tare da komawa falon na xauna, har wajan 11 na dare yana ɗakin har na soma bacci akan kujera naji ƙarar bude kofarsa dan haka nai wuff na faɗa ɗakin ina kallonsa yana makomin harara nikuwa bai ishen kallo ba.

Koda na koma ɗakin kwanciya nai saman gado ganin itama tai bacci araina nace ko lallaɓa abarsa yay tai baccin oho, cikin dare misalin karfe biyu naji ta tashi tana salati abu kamar wasa, na ta shi nima ina tambayarta amman bata min magana ba wannan dalilin yasa, na mike na fita muka shigo da hajja, jikin rahina yanata rawa tana wasu irin surutai wanda bamu ji mi take faɗi ba

Kafin daga karshe muji ta soma salati hajja fulani tana karasawa, idanun rahina yay sama, hajja ta saka hannunta ta rufe mata su ruf tare da furta"ALLAH YASA CAN TAFI MAKI NAN RAHINTU, ALLAH YA JIƘANKI" wannan kalmar ita taimin dirar mikiya acikin kunnuwa na daga nan kuma nima ban kuma sanin inda kaina yake ba.............
7/5/21, 7:26 AM - Buhainat: *DA IZZATA*


51 - 52


"Innalillahi'wa'inna'ilaihirraju'un" maganganun dake tashi kenan daga bakin ɗaukacin jama'ar dake cikin masarautar daula.
Bayan hajja fulani ta kira bayinta na sashin da sauri ta umarcesu akan suje su shaidawa jama'ar gida cewar kowa ya halarta acikin ɓangarenta, wanda kafin wani lokaci yawanci ƴan gidan sun taru a part ɗin nata.
Cikin tsananin dauriya ummi ke taka ƙafafunta bayan saƙon kiran hajja ya sameta daman batai bacciba ita tana zaune bisa darduma tana lazimi.
Anty safiya ce tai saurin shiga cikin ɗakin da rahina take, cikin sauri kuma ta fito dukkan jikinta yana rawa, tare da shaida wa jama'ar falon halin da ake ciki.
Wanda yay dai-dai da lokacin da ummi ta kawo kanta cikin falon, jikinta yana faman rawa.
Muryar anty safiya ce ta karaɗe cikin falon"sefa haƙuri Rahinatu ALLAH ya amshi abarsa" cikin sauri zainab ɗiyar umma ta mike tana kuka! haka zalika duk dangi na falon suka ɗauki salati tare da koke koke irin na gidan makoki.
Ummi bata iya cewa komai ba ta nufi, cikin ɗakin da rahinar ke ciki, wanda shigarta yay dai-dai da lokacin da mai martaba da baba waziri dasu chiroma suke ƙoƙarin shigowa suma.
Dakatawa ummi tayi harta basu hanya suka shiga bakinsu ɗauke da salati domin zuwa wannan lokacin sakon kiran hajja tare dana rasuwar rahina ya cika ko ina na masarautar.
Ummi tana bin bayansu zuwa ciki shima Abdul-Naseer na take mata baya wanda ya sami saƙon kira daga wajan faisal, cikin hanzari yaja jallabiyarsa ya fito ganin mutane a zaune suna koke-koke a falon hajja yasan babu lafiya cikin sauri ya nufi cikin ɗakin batare daya tankawa na falon ba.
Wanda kusan atare suka shiga shida ummi, shinfiɗe rahina take samɓal babu abinda fuskarta take se sheƙi da ɗaukar hasken annuri, kallo ɗaya ummi tayi mata tare da sunkuyar da kanta ƙasa sam kukan ma yaƙi zuwar mata"ALLAH ya gafar tamiki rahina halin ki nagari ya biki, nayafe maki" cewar ummi kenan wadda alokacin ta ƙarasa gaban gadon ta xauna a gefen mai martaba, wanda yake sunkuye awajan shima yana tofa mata addu,a hajja fulani itama tana gefe ɗaya tana karanta duk addu'ar data zo mata bakinta, cikin dauriya ya ƙarasa gaban gadon tare da tsira mata idanu afili ya furta"Mace ta gari ALLAH ya miki rahama na yafe miki, ni daman baki taɓa ɓatamin ba" yakai hakan muryarsa tana rawa, amman idanunsa bai kai ga zubda hawaye ba sabida tsabar dauriya sedai kallo guda zaka masa kasan rasuwar ta bugesa, batare da ɓata lokaci ba, yayar ummi wadda take cikin nan masarautar da wata ƴar uwar hajja sukai wa rahina wanka bayan, su mai martaba sun bar ɗakin.
Lokacin kusan ƙarfe huɗun dare domin anyi kiran sallar farko, ɗakin ya rage, iya ummi da hajja da yayar ummi da ƴar uwar hajja ɗin, Kowa rike da carbi yana addu,arsa.Falo kuma jama'ane kowa yana jimanta abin duk da darene amman ka dubi wajan tamkar rana, se lokacin hajja ta tuna da sumar da meema tai wadda take yashe abayan ƙofar tunda aka ce mata ƴar uwarta ta rasu bata kuma sanin ina kanta yake ba.
Itakam ummi tsabar ruduwa yasa sam tama manta da wata meema a wannan lokacin.
Cikin bada umarni hajja take cewa ummi gafa meema can ta suma, iya tashin hankali ummi ta shigeshi domin duk ruwan da aketa faman zuba mata abanza ko numfashin ta bai dawo ba.
Cike da sauri tana hawaye ta fita falo ta wuce zuwa bakin kofar falon wanda yawanci mazan gidan suke zazzaune tare da Abdul.
Ganin ummi ta tawo kamar bata hayyacinsa yasa tsam ya taso "Ummi lafiya?" yafaɗa agigice sabida yadda take zubda hawaye.
"Zo muje Naseer kaganemin wannan yarinyar kada itama ta mutu su barni" tafaɗa tana kuka!
"Ummi wacece haka ya faɗa cikin sauri" bata basa amsa ba illah damƙar hannunsa datayi zuwa cikin falon inda suka wuce ƴan falon xazzaune kowa yay jigum musamman anty safiya da fulani umma dasuketa kaiwa da komowa wajan ganin komai na shirin haɗa likkafanin ya kammala.
Turus yay ganin meema kwance itama kamar babu alamun rai atare da ita.
"Abdul ka ɗauketa zuwa asibiti seku tafi da bayi ko biyune kafin hankali ya kwanta nama rasa yadda zanyi"cewar ummi tana share hawayenta.
Tausayin ummin yasa shi sunkuyawa ya ɗagata kamar yarinya ƙarama"Ummi bara dai na kaita ɗaki ai dogon sumane ko faisal ze bata first aix,", yafaɗa tare da nufar hanyar kofa da ita cikin sauri.
Duk ƴan falon da sauri suka bisa da idanu ganin meema ɗauke a hannunsa kamar gawa anan ɗinma seda anty safiya ta ayyana ALLAH yasa daga shi har meeman suyi hatsari a hanya domin tasan asibiti ze kaita.
Gudun idanun jama'a yasa kawai yabi shawarar zuciyarsa, ɗakinsa ya kaita tare da shinfiɗeta akan gadonsa, cikin sauri ya ɗibo ruwa a cup ya shafa mata a fuskarta amman shuru, ya jima yana abu guda amman babu alamun numfashinta ze dawo.
Tashin hankali tare da tsoron halin da ummi zata shiga yasan muddin ta rasa meema a karo na biyu tofa yana zaton itama mutuwar zatai.
Mataki guda ya rage masa wanda yasan hakan bai dace dashi ba amman son ceton rai yasa yabi shawarar xuciyarsa.
Jallabiyar jikinsa ya cire, tare da rintsa idanunsa yana danne bakin cikin rasuwar matarsa tare da baƙin cikin abin da ta masa ɗazu.
Taci darajar mahaifiyarta, hayewa saman gadon yay tare da dira gwiwarsa akan gadon.
Hijabin jikinta ya cire ya yada a ƙasa wanda ya baiwa doguwar rigar atamfar jikinta damar bayyana, bai wani damu da yadda yaganta ba fatansa ta sami numfashinta.
Cikin mugunta irin tasa ya haye saman ruwan cikinta wanda yake lafe kamar bata cin abinci.
Hannunsa ya zaga ya riƙe ƙugunta ta baya tare da ɗan hura mata iskar cikin bakinsa kaɗan.
Ganin har yanzu dai tsit! se kawai ya ɗora bakinsa saman nata inda ya lalubi cikin bakin nata da harshen sa ya buɗe kana ya jefa nasa aciki tare da gamesu waje ɗaya.
Hannunsa guda ya saka ya toshe hancinta batare daya zare bakinsa anataba yana ta hura mata iskar dake cikin bakinsa kamar wasa taja wani irin numfashi tare da fara kakari ma,ana tana kokwa war numfashinta ya dawo.
Cikin wani irin zafin nama ya mike daga samanta wanda da ƙyar ya saita kansa, jin wasu irin tattausan lip's malam rigarsa ya maida tare da tsayawa akanta yana ƙare mata kallon sa na ƙasan idanu.
Cikin sauri na som kokawar dawo da numfashina kafin ALLAH ya taimaken na gama dawowa dai dai idanuna na bude tare da warasu duka karaf..............



BANI DA CAJI MANAGE🙏
7/5/21, 7:26 AM - Buhainat: *DZ*


52 - 53

Karaf muka haɗa idanu da yaya Abdul-Naseer wanda na gansa tsaye a bakin ƙofa idanunsa akaina, ganinsa nayi ya ƙaro wani mugun kyau mai tafiyar da zuciyar ma'abocin kallonsa kwantacciyar sumar kansa ta ƙarayin wani irin baƙi tare da curewa waje ɗaya tamkar ta larabawa, sajensa ya ƙara yawa yasha gyara malam, kana ganinsa kaga kalar hutu da jin daɗin rayuwa atare dashi, kauda wannan nazarin nayi wanda zuciyata take haskomin tare da miƙewa, tsaye akan gadon na dire zuwa ƙasa ganin danai ina cikin ɗakinsa yasani tuno abinda naji hajja fulani na faɗa ɗazu cikin sauri nai hanyar bakin kofar dayake a tsaye ina kokarin turesa na wuce cak ya rikemin tsintsiyar hannuna batare daya tankamin ba amman kallo ɗaya nai masa nagane rannan nashi a ɓace ike.
"Ni kasakarmin hannuna naje naji da gaske ka kashemin Rahinata kasan ALLAH senai shari'a dakai"nafaɗi maganar ina ƙoƙarin ƙwatar hannuna daga cikin nasa, amman irin shegen riƙon dayama hannun nawa yasa bana iya ba.
Ganin babu wani makama sabida ya rikemin hannuna kuma shi bai matsaminba kuma shi baimin maganaba yasa na dage na zunduma uban ihu! wanda ya amsa dukkannin cikin ɗakin.
Yadda kasan ƙaramar yarinya haka na ja hannuna na cikin nasa na baje a ƙasan carpet harda birgimata tamkar yarinyar da aka ƙwacewa sweet ahannu tana son ta karɓi abarta.
"Ni wallahi ka cikani na tafi wajan ummi na wallahi bazamu yarda ba burinka akaina bai cika ba da tuni,ni zaka kashe shine kaje aka zuƙewa rahina jini ko, wayyo ya kashemin ƴar uwata ALLAH ka kawo mana ɗauki' nakai maganar cikin wani irin kuka tare da zafin zuciya.
Cikamin hannuna yayi ya koma saman sopar ɗakin ya zauna ya dafe kansa da hannayensa biyu, yana jin ina ze tsoma kansa ayau yaji sanyi, idanunsa ya kaɗa yay wani irin mugun ja haka zalika jijiyar kansa ta miƙe tai ruɗu-ruɗu, sabida tsabar tashin hankalin daya shiga ciki.jin zuciyarsa yake kamar xata faso ta fito waje sabida tsabar zafi.
Cak ya mike tare da tsallaketa ganin kamar bata ma hayyacinta kokarin barin ɗakin yake sabida tabbas ya zauna za,ai gawa biyu domin yadda yakeji wallahi ze iya yimata muguwar illar da ko bata rasa rantaba tofa ze nakasata.
Ganin yana ƙoƙarin fita yasa nai wani irin tsallen albarka, nabi bayansa kaina ko ɗankwali babu ina faɗin dukkan maganar datazo bakina wadda babu komai cikin kalamin nawa se tsabar rashin kunya tare da faɗin baƙaƙen maganganu akansa.
Wani irin harɗoni yayi tare da saka hannunsa ɗaya a ƙuguna ya wurgoni cikin ɗakin ban dire a ko inaba se a tsakar ɗakin a saman tiles wanda akai masa ado tamkar grass carpet, ƙuguna da kwankwasona suka bada wani irin sauti wanda babu tamtama nasan naji ciwo, ƙara na saka tare da bajewa awajan ina kuka, ɗagoni yayi zaune tare da bani manyan maruka masu shiga jiki har guda biyu, kallo ɗaya nai masa nai ƙasa da idanuna sabida yadda idanunsa yay kamar gaushin wuta, "Ke wace irin wawiyace dan ubanki angaya maki kowa wawane kamarki to nabaki dama kije duk inda zaki ki kaini ƙarar na kasheta ɗin!", yafaɗa a zafafe "Wallahi bantaɓa sanin ke mahaukaciya bace ba seyau, dame zanji da rashin kamila nitsatstsiyar mata ko da wannan haukan naki", ya bugamin wani shegen ranƙwashi a saman kaina, sam bana ganin soyayyata a zuciyarsa a yanzu se tsabar tsanata tare dajin zafina mai yawa, kuka nasaka ina shure shure, tsam ya miƙe cikin fushi yanajin wani irin haushin yarinyar tamkar ya sumarta yakejinsa, gaban close set ɗinsa yaje waɗanda yabarsu agida, belt ya ɗauko tare da nufo inda take yafison tai kukan mai dalili tunda yaga wannan kukan nata kamar marar daliline.
Ban aune ba naji saukar bugu kota ina ajikina, da sauri na mike ina tsalle ina rikosa shi kansa yasan tun ina yarinya bana son bugu, wannan dalilin yasa bama shiri da yaya jabir ɗan gidan, yakumbo hadiza yayar ummina wadda take auren, wombai, kuma suma suna cikin gidannan sedai ya jabir ɗinne yake ƙasar indiya shida anty Ma! matarsa, kuma daman aminin yaya Abdul-Naseer ɗinne barinsa kasar nan yasa suke abota dasu ya faisal.
"Ni wallahi kadaina dukana niba jaka bace ba" nafaɗa ina sake rikosa amman ina wata bangaza dayamin ya tureni zuwa kasa ya saka ƙafafunsa ya taken nawa,tare da ɗaga belt ɗin babu wani sassauci akan fuskarsa haka ya dinga zulamin ita ya manta da niɗin asmin sa ce ada, amman jibi muguntar dayamin wallahi bai sararamin ba seda yaga ko hannuna ban iya ɗagawa sannan ya wurgar da belt ɗin gefe ya tureni ya fice daga ɗakin,tare da zira key ta baya.

Najima ina kuka duk ya jimin ciwo ajikina bazan iya tashiba haka na kwanta awajan tun ina kuka da hawaye harna zo na daina mai hawayen sena zuci.

Duk zuciyar A-NASS babu daɗi ya koma cikinsu faisal suka wuce masallaci bayan sallar asubahi tuni gidan ma ya fara cika da jama'a da ƙyar ya xame kansa ya kira mameey wadda bakaramin firgita tai da wannan maganar tasaba wai rahina ta rasu? babu shiri suma suka biyo mota zuwa kano.

Tabbas rahina ta sami ɗan adam ba kaɗan ba waɗanda yawanci jama'ar mijinta ne wanda labarin rasuwar yagama baza faɗin social media wanda yakai hatta ga waɗanda basa ƙasar sunji labarin rasuwar matar prince A,A. ƙarfe 9:00am, dai dai aka sallaci gawar rahina wadda akai jana'izarta a bakin masarautar daula wanda kai gawar ya sami halattar manyan mutane, sosai ya zauna a bakin kabarinta ya mata addu,a se lokacin zuciyarsa ta kuma karyewa, idanunsa sukai wani irin jajur, jiyake inda ze iya kuka dayayi kodan ya sami salamar zuciyarsa amman babu damar hakan su faisal ne suka riko hannunsa zuwa mota.
Ko acikin masarautar ma bai sami kansa ba seda akai azahar sabida yawan jama'ar dake zuwar masa gaisuwa waɗansu ma sabida shine wasu kuma sabida su gansa, yasa suke tururuwar zuwar masa, wanda zuwa yamma masarautar ta sami halattar manyan mutane masoyan Abdul-Naseer daga cikinsu kuwa harda Rahina abu umar wadda tai tattaki tundaga kasar england tazo domin taya masoyinta jimami dakuma shigar da kokon bararta akan ai madadi da ita.
Awani hotel ta sauka se zuwa gobe takeson taxo wajansa duk da yadda zuciyarta ke maitar son ganinsa amman gajiya ta hanata.

Daga cikin gidan ma haka ta kasance sabida falon ummi dana hajja harma dana fulani umma tamkar ze tsage da jama'a wasu ƴan uwa wasu kuma dalili ya kawosu, su mameey se wajan yamma suka sauka, sosai mameey ta jimantawa ummi wannan rashin da akai, kana ta taka har fadar sarki abubakar ta masa ta'aziya, haka xaman makokin ya kasance har dare, se lokacin ummi ta lura bata ga meema ba sabida ɗazu jama'a sunyi yawa sam bata luraba, sabida idan ma asibitin Abdul-Naseer yakaita ai yanzu yaci ace sun dawo tunda suma tai.


Waya ta janyo ta shiga niman layinsa cikin sauri ya ɗaga duk da yana cikin mutane waɗanda wasu ma, se yanzu suke kan shigo masa.
Ganin layin ummi yasa, ya matsa gefe domin yaji mi xata ce masa, shi kansa ya gaji ko mameey bai ganiba har yanzu sabida jama,a.
Tambayarsa tai shin itafa bataga meema ba, dafe kansa yayi wallahi yama manta daya kulleta sam sabida busyn daya shiga.
"Tana part ɗin hajja fulani, ay" yabata wannan amsar sabida ya kwantar mata da hankali.
"Ƙila ko itama tana tare da mutane ne kasan ta itama akwai jama,a shiyasa inaga take nata zaman acan" ummi tafaɗa cikin gasgasata abin da ya faɗa, da eh ya amsa mata tare da kashe wayar.
Masallaci yaje yay sallah sannan ya nufi ɗakinsa, dan ya buɗeta ta fitar masa a ɗaki dan shikam yama manta da ita a ɗakin...........
7/5/21, 7:26 AM - Buhainat: *DZ*




_SE BABBAN UZURI ZE SAKA KUJINI SHURU MASOYANA KUYI HAƘURI DA JINA SHURU JIYA INA MUKU ONE LOVE FATAN ALKAIRI GAREKU_





54 - 55


Key ɗin daya bari a jikin ƙofar ta baya ya murɗa ya buɗe ƙofar kana ya maida ya rufe.
Shiga cikin tsakiyar ɗakin yay tare da saka hannu ya kunna hasken ɗakin "Subuhanallahi".
Ya faɗa a bayyane, Yadda ya barta haka yazo ya sameta, babu inda yake motsawa ajikinta, cikin sauri ya tattare hannun rigarsa tare da ƙarasawa gabanta, tsugunne yay irin na ƴan ball, tare da ɗan kara kunnensa adai-dai saitin, hancinta, tana numfashi amman sama-sama na wahala kenan, ɗan tsaki yaja kaɗan tare da saka hannunsa guda, biyun duka ya ɗagata tare da mayar da ita saman katafaren gadonsa, cikin zafin nama ya nufi cikin bathroom ɗinshi ya taro ruwa a ɗan wani bolt, tare da fitowa, agafen gadon ya zauna tare da saka hannunsa acikin ruwan, kana ya ɗebo sa ya shafa mata akan fuskarta, still batai ko motsi ba, sake ɗibowa yay mai ɗan dama, ya kuma shafa mata, wani irin dogon numfashi taja mai tafe da ajiyar zuciyata, sannan taɗanja bakinta kaɗan kamar jaririya tasoma mamula kamar zatasha mama, tura bakinta tai gaba, hawaye yana biyo gefen idanunta amman bata buɗe idanunta ba, ta juya tana yatsine fuskata tacigaba da baccin wahalar datake wanda shiyay tunanin suma tai, gyara mata gashinta yay wanda ya zubo mata ta gefen fuskarta tare da saka hannunsa ya ɗauke mata hawayen, tattausan blanket mai kalar pink ya ɗauko ya rufa mata a rabin jikinta sannan ya mike ya nufi bathroom, ruwa mai ɗumi ya tara tare da shiga cikinsa sabida yadda yakejin ko ina na jikin nasa nai masa tsuko, ya jima yana wanka sannan ya fito karamin tawul ya saka ya goge jikinsa, tare da janyo farar singlet ya saka bayan ya saka boxer irin na maza daga ciki daga sama kuma ya saka baƙin, 3quater,Fitowa yay sabida daman a bathroom ya shirya sabida tana cikin ɗakin, ɓarin turare yayma jikinsa tare da komawa saman sopa ya zauna tare da tallafe kansa da hannunsa guda, yafaɗa duniyar tunanin zamansa da rahina a iya zaman dayay da yarinyar bata taɓa masa abin ƙiba tana da haƙuri juriya kawaici yaso ace ALLAH ya azurtashi da samun ɗa ko ƴa daga tsatsonta amman sedai ALLAH bai tsara hakan ba dan haka yana mata fatan alkairi tare da addu,ar ALLAH yasa tana cikin ƴan aljanna, tabbas rasuwar rahina ta girgiza shi ba kaɗanba, haka zalika ko salimat matar habu bakaramin rudewa taiba dataji rasuwar haka yasha zamansa yana ta tunaninsa wanda ko tunanin yaci wani abun baiyiba
Wayarsa ya jawo tare da neman layin mameey, ringing! ɗaya ta ɗaga tana cewa"Ɗan halak yanzu addanka ke cigiyarka yau bamu ganka ba?" tafaɗa cikin soyayya irinta ɗa da mahaifi lumshe idanunsa yay tare da buɗesu"Mameey wallahi nima ina son shigowar jama'ane suka tsaidani kuma dai naga cikin ma da mutane shiyasa" yakai maganar yana hammar baccin gajiya"To yanxu mai zakaci se akawo maka nan ɗin danna san baka ci komi ba" wani daɗine ya kamasa lallai uwa uwace"Mameey nifa a koshe nike xansha coffee idan anjima tayi"yafaɗa yana dariya dan yasan bazata yardaba"A,a nikam ban yardaba dole adafa maka wani abun, ai", "Karki damufa zanci awajan hajja nasan yanzu haka nimana take" yafaɗa yana lumshe idanunsa, sun jima suna magana da ita harya gaisa da kannen ta dakuma ƴan uwanta kafin ya shigo da safe, sannan ya katse wayar, agogon bango ya kalla karfe tara da rabi, tunanin yaya ze da meema ya faɗa sabida shifa koyasha giyar wake baze kwana da itaba, tunanin bar mata ɗakin yake idan yaso seya shiga ɗayan ɗakin ya kwana shi.
Wayarsa