You Cannot Download this book untill you login but you can read it .

---

Login Register

na..."

Tana jinsa bata tanka masa ba zuwa can yafara bin wakar,

"Idan zaki kije dani.... Idan nai fushi ki rarrasheni....!"

Nan dinma dai bata tanka ba har yayi yagama, ganin rana tayi express girki tayi musu bayan yaci abincin rana ya tattaro kayan sawarshi masu datti yace itama ta tattaro nata wanki zai kai musu, bayan yatafi itama ta wanke nata inner wears din masu datti, rasa inda zata shanya kayan tayi domin bata son fahad yagani shiyasa ko pant ta wanke boyeshi take inda bazai ganiba wani lokacin ma sai yafita take shanyawa kafin yadawo yabushe ta dauke kayanta amma bata taba wanke bra ba sai yau, babu yanda ta iya dole akan igiyar da ya daura ta baya ta shanya kayan. Kafin yadawo tayi wanka tashirya tana jiran yazo su tafi ziyarar da yace zasuje gidan yaya asabe da su anty kubra domin itama tana son fitar bata son zaman kadaicin nan musamman ma idan baya nan. Bai jima awurin kai wankin ba yadawo,wanka kawai shima yayi yasaka wani yadi mai laushi kalar ruwan toka amma bai saka hulaba yasha turare suka fita, drop din napep suka dauka yakaisu duk inda zasu je dama anty Kubra da anty juwairiyya makota ne domin katangarsu ma daya anty asabe ce dai awata unguwa ta daban, daga karshe gidansu yakaita wurinsu ayiyah ai kuwa ranar taga soyayya domin ayiyah kamar zata goyata dan kauna. Fita yayi yabarta tareda su ayiya yatafi majalissar su ta shan shayi wadda ke kusa da filin kwallonsu dama sunyi waya da salim yasanar dashi yana can.

Acan gida kuwa itama bilkisu tasake da su ayiyah sosai duk aikin da taga zasuyi sai ta karbe tayishi ahaka harsu Mariya suka dawo daga islamiyya suka sameta,Rungumeta sukayi suna tsalle dan tsananin murnar ganinta, itama murnar takeyi domin tana kaunar yaran duk da ba yan biyu bane amma kamarsu daya sannan a shekaru ma tsiran babu yawa, tana nan tareda su sunata bata labarin makarantarsu sai zuba mata surutu suke yi ita kuma tana cin tuwon da mamuh ta zubo mata tuwon biski miyar taushe wacce taji tantakwashi da man shanu ai kuwa taji dadin tuwon nan domin tazage ta ci babu fulako, tana daf da gama cin tuwon fahad yashigo ai su mariya na jin maganarshi atsakar gida kowacce takama bakinta, dariya abin yabawa bilkisu saboda daga jin motsinshi yara har sun daina kwarafniya,

"Meyasa kuka daina yimin hirar ne mariya?"

"Anty ya fahad ya hanamu surutu, duka yake yi sosai yafi ya Abba duka..." Inji Maryam,

"Ga dukanshi zafi..."

Dariya tayi saboda jin abinda mariya tace itama, sake nutsuwa sukayi lokacin da yashigo cikin falon, nan suka fara rige rigen gaisheshi,

"Mariya karbo min abinci awurin ayiyah..."

Tun kafin yarufe bakinshi ta tashi tafita, kallon Maryam yayi ya harareta,

"Ke kuma ina dan kwalinki? Bana hanaku zama babu dan kwali ba?"

Itama tashi tayi dasauri tashige daki domin dauko dan kwalin, sai lokacin ya maida kallonshi kan bilkisu,

"Nikuma akan me za ayi min nawa fadan?"

Dariya yayi ya zauna kusa da ita yana lumshe idanuwa sakamakon kamshinta da ya shaka wato matar nan karshe ce awurin kamshi yarasa wanne turare take shafawa take wannan kamshin shiyasa wani lokacin har kishin fitarta wurin aiki yake saboda baya son wani yaji kamshin nan sai shi kadai,

"Ni na isa hajjaju? Ai ke bakya laifi"

Dan murmushi kawai tayi batace komai ba har maryam ta kawo masa tuwon shima yafara ci ita kuma bilkisu ta dauke kwanikan da tagama ci zata fitar dashi,

"Ke mariya ita zata fitar da kwanikan...?"

Dasauri suka karbeta tana cewa ma subarshi amma suka ki, hannunta taje ta wanke sannan ta dawo tazauna,

"Gaskiya kana takurawa yaran nan"

"Basa jin magana ne..."

"Wallahi bawani rashin ji da sukeyi"

"Bazanyi musu dake ba"

Saida shima yagama cin tuwon sannan suka yiwa su ayiyah sallama suka tafi lokacin har baba yadawo daga kasuwa, yanzun ma kamar dazu a keke napep suka koma gida sun ko yi sa,a akwai wuta dayake side din ana samun wuta sosai, bedroom tawuce shi kuwa afalo yaja birki yacire rigar jikinshi yabar dogon wandonshi da singileti fara yana kallon kwallo, ita kam wanka tayi ta dauki laptop dinta tana kallo daga ita sai towel duk da yanzu tana dan taka tsantsan amma takasa sabawa da zama cikin hijab domin ita agida babu mai shigar mata daki shiyasa take cin karenta babu babbaka dan sai ta kwana da towel ko under wear dama da daddare daga pant har bra babu ruwanta dasu sai idan tana period ne take kwana da pant, bata san kirinkin da yakai fahad baya ba sai ganinshi tayi yafado mata daki dauke da braziers dinta data wanke dazu,

"Ji mana malam, wai meye hakane? Dan Allah karinka knocking before ka shigo"

"Yi hakuri, mantawa nayi"

Tana gyara hijab din datake kokarin sakawa tace,

"Waya saka dauko min shaya?"

Wartar kayan tayi cikeda jin haushi, shi kam yana dariya yawuce drewar domin itace bata saniba amma yafi minti biyar yana kallon braziers din duk saida yayi musu kallon kurulla sannan yakawo mata.

Kayan baccinshi ya dauka yawuce toilet har lokacin harararshi takeyi, sai da taga shigarshi sannan ta tashi taje ta boye kayan acan drewar dinta,dawowa tayi ta zauna taci gaba da aikinta har yafito daga wankan sanye da gajeren wando da riga armless duk farare sol masu santsi, kallonta yatsaya yi yana shafar keya,

"Hajjaju nace yau dinma a falon zan kwana...?"

"A'a akaina zaka kwana..." Tayi masa gatse dama bata gama hucewa daga fushin dauko mata braziers dinta da yayiba, dan tabe baki yayi yai gaba yana kunkuni,

"Da za ayi hakan aini so zanyi..."

Kayan shimfidarshi ya dauka yakara gaba domin yau bacci yake ji, tsabar takaici ko wutar yau bai kashe mata ba yaje yayi kwanciyarsa, itama bata kara bi ta kansa ba saida ta kammala aikinta sannan tafito zataje kitchen lokacin misalin karfe 12 saura nadare, awani baje ta ganshi ya harde hannuwa yadora kafa daya kan daya, murmushi tayi tace aranta,

"Lallai kuwa Prince... Irin wannan zuba mulki haka, baccin ma sai anyi masa sarauta"

Fridge tawuce ta dauko ruwa mai sanyi sannan tadawo takashe masa wutar falon tashige daki abinta. Da safe tanata kici kicin hada abin karyawa saboda tana so tafita office dawuri shi kuwa yanata baccinsa saman katifarsa domin tunda sukayi sallar asubah yasake komawa bacci, har tagama hada breakfast tayi wanka bai tashiba, bayan tagama shiryawa ne tazo tana karyawa yatashi, daga kwancen da yake ya daga ido yana kallonta, leshi ne ajikinta c green colour dinkin riga da skirt, batayi wata doguwar kwalliya ba amma fa akwai kamshi kamar anyi barin turare maida idonsa yayi ya lumshe yana turo baki shi bawai aikin da take fitane damuwarsa ba, damuwarshi shine yanzu duk namijin da ta gifta ta kusa dashi shima dole sai yaji irin wannan kamshin da yake jin tanayi? Kai impossible,

"Allah bazai yuyuba..." Yafada afili tare da tashi zaune,

"Hajjaju har kin shirya ne? Ina kwana?"

Daga kan dining tajuyo ta kalleshi,

"Lafiya lau"

Murmushi yayi domin dama yasan gaisuwar bata wuce haka,

Bathroom yayi sauri yaje yayi brush yadawo ya isketa saman dining din amman takusa kammalawa, kujera yaja ya zauna wacce ke kallon tata,lumshe ido yayi,

"Hajjaju wannan kamshin fa.... Gaskiya...... Hmmm.....gaskiya"

Mikewa tayi tawuce abinta tana cewa,

"Kaga ni malam sauri nake aiki ne dani da sanyin safiyar nan"

"Adawo lafiya, Allah yatsare min ke hajjaju na"

Murmushi kadai tayi tawuce daki ta nado laffaya dinta bayan ta saka safar kafa baka ta dauko komai da take bukata tazo tawuceshi tafita, duk sai yaji gidan kuma babu dadi da baiyi niyyar fitaba amma dole tasa yayi wanka yazo yashirya ganin bata nan da komanta yayi amfani har turare nata yafesa, tsayawa yayi yana kallon turaren,

"Arabian night...uhmm su hajjaju manya"

Duka saida yashafa daga body spray din har performed spray sannan yadauko kayansa yasaka yafita shago. Wurin karfe biyu saura yana shago yagama yiwa wasu yan mata dinki husna na zaune gaban kekenshi sai ga kiran bilkisu yashigo wayarshi, zuba masa ido husna tayi lokacin da yadauki wayar,

"Ranki yadade ya akayi?"

"Kaga dama cewa nayi zan biya ta gidanmu da daddare sai na taho"

"A'a hajjaju ki bari ranar juma'a ko cikin weekend sai kije"

"Shikenan..."

"Adawo lafiya"

Katse wayar tayi tana kwafa wato danma yasamu ta tambayeshi shine harda wani hanawa, bata je dinba ta koma gida ta dan huta sannan ta tada shirin dafa alala domin yau shi take kwadayi, shi kuwa fahad ba karamin fasuwa kansa yayiba bilkisu ta kirashi tana neman izini yanzu sake jin kansa yake yi amatsayin boss, bai lura da fushin da husna keyiba tunda ta fahimci matarsa ce ta kira. La'asar sakaliya yakoma gida bilkisu na falo tana bacci dan kwanciya tayi kuma bacci yayi gaba da ita riga ce ajikinta body hug da yar skirt marar nauyi amma tasa karamin hijab, bai tasheta ba yawuce yazubo abinci alala yagani yasha kwai da vegetables sai kamshi yake guda hudu yazubo yazauna yatashi dasu sannan yashiga wanka agurguje yafito yasa kayan ball dinsa lokacin bilkisu tatashi karar wayarta ne yatadata meenah ce ta kirata,

Kallonsa tayi daga sama har kasa,

"Kai da islamiyya ma kashiga wallahi tafi maka wannan zuwa filin kwallon"

Murmushi yayi yazauna yana saka safa da combos dinshi,

"Hajjaju kenan, tunda kince inshiga to zan shiga din"

Bata kara cewa komai ba shima haka har yagama yatashi yafita.

Haka zaman nasu yaci gaba da kasancewa,watansu daya da aure taje gida tawuni cur har dare lokacin ana sa ran ganin watan Ramadan nanda kwanaki uku zuwa hudu ammah kuwa mahaifiyarta har yau bata taka taje gidan ba, duk wata siyayya da suke bukata fahad ya kokarta ya iyota dama ba wasu kaya masu yawa bane domin sunada kayan abinci enough kawai dai sai dan abinda ba arasa ba, ranar da aka tashi da azumi ranar bilkisu tatashi da period asanyaye take komai sakamakon ciwon da mararta ke danyi mata kadan, ruwan zafi ta dafa tasha lipton ko zataji dan dama dama shi dai gogan yana kwance abinsa yanata bacci shiyasa bata yarda ta dafa komai ba tabari har saida yatashi yayi wanka yafita duk yayi wani kalar tausayi kamar yauce ranar farko da yafara azumin, saida ta tabbatar yafita sannan tatashi ta dora indomie, ta juye indomie din tana soya kwai sai gashi yadawo yamanta key din drewar shagonsu wadda suke ajiye kayan mutane aciki idan ankawo musu dinki,

Jin kamshi ya cika gidan yasashi binta kitchen din bayan ya dauki key din,

"Ranki yadade ke bakya azuminne ko kema yar ganin watance?"

Banza tayi dashi taci gaba da abinda takeyi amma harga Allah bataso yasan bata azumi ba,

"Ko dai.....!"

Juyowa tayi ta antaya masa harara hakan tasa yayi shiru,

"Allah yabaki hakuri mantawa nayi ashe suhur zakiyi, ayi suhur lafiya"

Bai jira tajiyo ba yagudu yabar gidan yana dariya, shi dai yasha jin malamai suna cewa mata masu al'ada basa azumi wato itama hajjaju yau hakan take kenan, tunda yabar gidan bai dawoba sai da aka kusa shan ruwa, a kitchen ya jiyota tana aiki shikam yau duk yayi laushi ga uban dinkunan da ya yanyanka shiyasa can ma yabarosu sai bayan ansha ruwa zai koma yafara hadawa. Yajima akwance ga kayan da yazo dasu amma yakasa tashi yakai mata ita kuma bata san yadawo ba, saida ta dora kosai kafin man yayi zafi tafito daukar wayarta zata kirashi tace yataho mata da mayonnaise taganshi kwance, yau kam an zuba rana ga zafi shiyasa azumin ke wahalar da mutane, kamar zatayi dariya amma ta danne ta wuce tana yimasa sannu, bayan tadawo ta dauki ledar da yashigo da ita tawuce kitchen wanda fruits ne aciki yasiyo, dakyar ya iya tashi yayi wanka lokacin yaji karfin jikinsa, yana gaban mirror zaune yaji wayarshi na kara, ganin salim ne yasashi dauka bayan yayi tagumin dole,

"Abokina gani nan zanzo asha ruwa dani fa..."

"Sai kazo to"

Daga haka yakatse wayar duk atunaninshi da wasa salim yake bayan yagama shiryawa yasa three quarter da t shirt yafito falo yasake kwanciya babu jimawa yaji ana knocking akasalance yaje yabude salim din kuwa yagani dagaske, cikin murmushi ya mika masa hannu sukayi musabaha yashigo dashi har falo,bedroom yashiga yadauko hijab din bilkisu yabita kitchen, ya dora mata saman kafadarta, juyowa tayi ta kalleshi yau baya magana saboda azumi na dukanshi,

"Salim ne yazo" abinda ya iya fada kenan yajuya yafita, saida tagama komai sannan aka kira salla, fruit salad ne bata jima da gamawa ba lokacin kayan ta tattaro gaba daya ta kawo musu falo har lokacin gogan akwance yake yakasa tashi shiyasa salim ya kalleta yana dariya bayan sun gaisa yace,

"Hajjaju wannan fa yau sai kinzo kin dagashi dan yakasa tashi"

Dariya tayi takoma kitchen takawo sauran kayan ta ajiye musu sannan ta kalli fahad wanda ke kwance rub da ciki,

"Tashi kasha ruwan mana...."

Hannu yamika mata saboda ganin idon salim bata kiba takama nashi yatashi zaune azuciyarsa yana cewa,

"Wannan badan ansha ruwaba ai sunan azumina karyayye irin wannan laushi haka"

Kunu ta zuba masa ta mika masa sannan tace,

"Karka sha abu mai sanyi yanzu sai an dan jima, kafara shan mai zafi tukunna"

Kai yadaga mata shi dai salim tuni yahada tea dinsa yana sha da kosai, juyawa tayi tawuce daki tabasu wuri tana zuwa tashiga wanka. Su fahad kuwa bayan ciki ya dan dauka fanfon waje sukaje sukayi alwala sannan sukazo sukayi salla bayan sun idar suka dora da ciye ciyensu sai lokacin bakin fahad yabude sunata hira da salim, bilkisu na fitowa sanye da hijab har kasa tanata zuba kamshi fahad ya kalleta ya dage girarshi guda daya cikeda tsokana yace,

"Hajjaju sannu da shan ruwa, ansha ruwa lafiya?"

Ita dashi sun san meyake nufi amma shi salim bai saniba shiyasa shima yayi mata sannu da shan ruwan, iya na salim din kawai ta amsa tawuce kitchen tazubo dankali da kosai tafito,

"Ranki yadade sannu da shan ruwa fa naketa yimiki amma kin shareni laifin me nayi?"

"Yawwa sannu"

Murmushi yayi ya saci kallonta ta zabga masa harara, tana jinsu sai surutu sukeyi kasancewar sun koshi, suna gamawa suka mike zasu fita, kaya fahad yaje yasauya sannan suka fice yana sake tsokanarta,

"Hajjaju yau mun kai daya ko?"

"Goma aka kai" Tafada cikin gatse,

Dariya yayi yaja hannun salim suka fita, itama wurinda suka ci abincin ta zauna ta kintsa sannan ta kwashe kayan takai kitchen tawuce daki,takardar hutunta take son turawa ta mail domin daga gobe ko jibi take son farawa.....


*Dan Allah idan har baki biya kudin littafin nanba karki karanta hakkin wasu domin na siyarwa ne.*



*_Ummi Shatu_*

© *HASKE WRITERS ASSO*


*KAMAR DA WASA....!*


*_NA_*

*_UMMI A'ISHA_*



*23*



***Bai samu yadawo gidanba sai wurin karfe 10 bilkisu duk tsoro ya isheta domin bata taba zama agidan ita kadai da daddare ba,tana daki tarufe da key yashigo kwankwasa mata kofa yayi dakyar ta tashi ta bude dan tsoro tana ganin shine ta harareshi,cikin alamun atsorace take tafurta,

"Ina kaje kakai dare haka?"

"Ranki yadade daga shago nake wallahi, bayan mun fita daga nan salla mukaje mukayi daga can kuma shine naje gida nayiwa su ayiyah barka da shan ruwa shine nawuce shago"

Bashi hanya tayi yawuce ciki tana cewa

"To gaskiya kar ka kara kaiwa haka awaje"

"To ranki yadade"

Falo yasake fitowa yawuce kitchen yazubo abinci yaci sannan yayi shirin bacci, da asuba itace ta tasheshi ya tashi yayi suhur, kallonta yayi tana kwance kan gado tana shirin yin wani baccin bayan yayi brush yafito,

"Nima anya gobe zanyi azumin nan kuwa? To naga wadanda suka fini ma basayi"

Tana jinsa tayi biris dashi daga karshe yafice yaje yayi suhur din saida yayi sallar asubah sannan ya kwanta. Washe gari tafara hutunta kamar yadda ta nema, kullum tare suke shan ruwa da salim ranar da akayi azumi na biyar sukaje gidansu fahad suka yimusu sannu da shan ruwa bayan Bilkisu ta siya musu kayan tea, shi kuwa fahad kayan marmari yasiya musu suka kai musu washe gari kuma suka je gidansu Bilkisu can dinma kayan marmarin fahad yasiya cikin manyan ledoji suka kai ita surukuntar fahad da ammah dariya take bata domin basa sakewa da juna, har karfe 9 nadare suna gidan wurin goma suka dawo gida. Bilkisu sai da tasha azumi bakwai ana takwas ta dauka danma ranar ansamu ni'ima agari dan har ruwa aka sheka shiyasa bata wani jishi ba sosai, bayan ansha ruwa fahad ya fara halin nasa na tsokana, har bedroom yabita yabar salim afalo,

"Hajjaju yau wasu takwas suka kaifa wasu kuma bakwai wasu shida ke kuma first ramadan yau"

Harararshi tayi ta gyara zamanta,

"Kafita daga idona..."

Ficewa yayi daga dakin gaba daya yana dariya, akwana atashi haka azumin yafara tafiya domin har anfara lissafin salla, duk kannenta babu wadda batazo ba ita da mijinta sunyi mata barka da shan ruwa ba, azumi yaraba tsakiya abba ya aiko musu da kaya kaca kaca kayan tea ne, kayan abinci da sauransu ba ita kadaiba harsu mamaa kowa ya aika masa dashi. Tunda salla ta taho fahad yazama busy domin aiki yayi musu yawa dama duk karshen azumi ashago suke kwana su kwana suna aiki amma wannan karon saboda bilkisu yahakura sai dai yataho da kayan gida yayita yankawa da safe idan yafita sai ya dinka, ana saura kwana biyar salla yake tambayarta wai ita bazata yi dinkin salla ba ehh tace masa kawai, har ana igobe salla bai samu kansa ba cefane ma sai yaro yatura yace yaje tafada masa duk abinda take bukata sai yazo yabashi kudin yaje yasiyo yakai mata, zamansa agidan yanzu kalilan ne, dawowarta daga kunshi kenan itada khulsum dan aiken yazo list tayi tabashi na abubuwan da take bukata domin shinkafa ma ita zata dafa ranar sallar ba tuwoba. Fahad bai dawo gidanba sai 11 nadare domin acanma yasha ruwa yau, ido biyu yasamu bilkisu batayi bacciba domin itama duk vegetables din da zata bukata ta zauna ta gyara gamawarta kenan yashigo amutukar gajiye,atamfa yar ubansu ya dinko mata dark pink mai zanen agogo ajiki, karba tayi tana kallon dinkin da yayi mata riga da skirt fitted, daga atamfar har dinkin sunyi mata kyau,

"Thank you..." Tafada cikin nuna alamun jin dadi, bai amsaba ya kalleta,

"Duk wannan kwalliyar ni aka yiwa?"

Yafada cikeda tsokana,

"Kai kasani..."

Dariya yayi yawuce bathroom domin watsa ruwa. Bayan yafito ya dauki shirgin shimfidarsa yafita,

"Ni wai ko tausayina ma ba ayi kullum akoroni falo hmmm"

Washe gari akayi salla, tun da aka sauko taketa samun baki,fahad ya hade cikin dark blue din shadda harda hula yayi kyau sosai, saida yaci abincin sallar da tayi sannan yafita, su mariyane sukayi mata rabon abinci, aranar da yamma sukaje gidansu fahad din ita dashi barka da salla da gidan yayyenshi washe gari kuma sukaje gidansu Bilkisu, bayan salla da kwana biyu kuma suka tafi garko gaida hajiya iyallo.

Bayan salla da kwana biyar saiga fahad da sabon roba roba dama tun safe taga yafice ranar bai zauna yayi baccin safen nanba,tana tsakar gida tana karatun littafin hausa yashigo gidan da babur din,dakatawa tayi da abinda takeyi ta tsaya tana kallonsa daga shi sai three quarter da bakar t shirt,sam bata san cewar ahaka yafita ba sai yanzu,

"Wannan roba robar fa...?"

"Ranki yadade nawane,dan kudina da na samu da sallar nan ne duk na tattare naje nasiyo machine dinnan"

"Allah yasanya alkhairi, kuma shine kafita har wata uwar duniya ahaka?"

Kallon jikinsa yayi bayan yakafe Babur din,

"Meya faru da bazan fita ahaka ba?"

Girgiza kai tayi taci gaba da abinda takeyi,

"Yadai kamata idan angirma asan angirma..."

Murmushi yayi yana shafa sumar kanshi,

"Hakane, bari nayi wanka naje nayi aski sumata tafara yawa..."

Bata tanka masaba yawuce ciki, saida tagama abinda takeyi sannan tatashi tana kallon babur din nashi, farine tass sabo fill sai kyalli yake yi abayan machine din wurin daura lamba andaura wani kyakkyawan abu mai kamada madubi wanda ajiki aka rubuta _prince_ adan karkace, girgiza kai tayi azuciyarta tana cewa,

"Wannan yaron kana fama da kuruciya.."

Falo tashiga baya ciki da alama yashiga wankan da yace zaiyi, bedroom tawuce domin ajiye nail cutter din da tagama amfani da ita, maganarshi tajiyo daga cikin bathroom,

"Hajjaju dan Allah kifita zan fito.... Wallahi babu kaya ajikina"

"Ni nasa kashiga wankan ahaka?"

Bakin kofar ya matso sosai,

"Gaskiya kifita, kemafa boye min kikeyi ba dole nima inboye jikina ba"

Bata kara bi takansa ba ta ficewarta dama ba zama tazo yiba saida ya tabbatar tafita sannan yafito daga shi sai towel, agurguje yashirya wai dan kar tashigo ta sameshi ahaka, kananan kaya yasaka sannan yafita falo, abincin shi da yafita baici ba ya dauko yaci sannan yafice, su ayiyah yaje yakaiwa Babur din suka gani da sauran yan uwa dake kusa ranar ko filin ball baijeba dan bashi yadawo gidanba sai bayan sallar ishah kasancewar babu wuta agari yasa bilkisu bata samu zarafin ganin askin kanshi ba da yayi, yana dining yana cin tuwon da tayi na semo miyar busasshiyar kubewa wacce taji busasshen kifi tashiga daki abinta tayi shirin bacci. Kudurtawa yayi aransa cewa nan bada jimawa ba zai kawo canji awannan zaman nasu, gaskiya yazama dole suyi rayuwa irin wacce kowanne miji da matarsa keyi, kamar kullum shimfidarsa yayi afalo ya kwanta bacci, washe gari tatashi da farin ciki domin su maama sunce mata zasu zo su wunar mata duk da itama ayau bata tashi da wuriba makara tayi, saida tafara yin wanka sannan ta fito domin shiga kitchen, yana kwance saman doguwar kujera husnah nata damunshi da kira ganin tayi masa miss called har guda uku yasashi dagawa a na hudun hakan yayi daidai da fitowar bilkisu bata ko kalleshi ba tawuce kitchen abinta, saida yagama wayar da yakeyi sannan yashiga wanka batare da ya debe shimfidarshi ba, yana gaban mirror yana taje sumarshi bilkisu tashigo binshi tayi da kallo musamman ma sumar kanshi domin wani irin aski ne akayi masa duk an saisaye gefe da gefe amma tsakiyar ba ako taba ba,

"Hajjaju na ina kwana?"

Saida tasake kallon kanshi sannan ta amsa da,

"Lafiya lau, yanzu dama wannan shine askin da kake cewa zakayi? Gaskiya yakamata kasan kagirma wallahi"

Wani dan malalacin murmushi yayi ya kalleta ta cikin mirror din yana cigaba da taje kanshi,

"Wai hajjaju sai kiyita cewa nagirma bayan har yanzu ban girmaba tunda babu wani abu da ya canja.... Ina dai saka ran zan girman very soon wallahi kuma no marcy"

"Ni ba dogon bayani na tambayeka ba, waccan shimfidar da ka kwana akai wa kabarwa ya dauke maka?"

"Matata mana..."

Kallonshi tayi sosai sannan tajuya tafita batace dashi komai ba, koda yagama yafito yanata tutturo baki ya harhada kayan ya kwashe yakai ciki sannan yasake fitowa lokacin tagama hada komai na karyawa saida yayi breakfast sannan yamike yana kallonta,

"Ranki yadade mu mun tafi shago zamu karasa dinka kayan da basu samu shiga da salla ba"

"Allah yabada sa'a"

"Amin godiya nake"

Gidan tagyara bayan fitarsa tana gamawa takoma kitchen tahada wanke wanke tafara bayan tagama tashiga bedroom tana gyarawa taji sallamar su maama nan gida ya rude da farin cikin ganin junansu da sukayi su ukune sukazo har huda ta hudu bajewa sukayi afalo suna shagali.

A lissafin bilkisu yau zata koma aiki shiyasa tatashi da wuri tayi komai nata na aikin gida sannan tayi shirin fita nan fahad yace zai kaita a machine dinsa dama bata taba hawaba ba wai dan tasoba tayarda, tana gama shiryawa shima yafito da three quarter da body hug,

"Kasan me? Nifa bazaka kaini ahaka ba gaskiya, meyasa kake hakane?"

"Gaskiya hajjaju kina yawa..."

Ciki yasake komawa yasako jallabiya ruwan kasa yadawo yadauketa suka tafi yau kam jinsa yake acikin wani yanayi wanda bai taba tsintar kansa ba, kusancinsu da bilkisu ya haifar mata da wani lamari mai girman gaske kun san yanda lifan yake wurin zaman baida wani girma, abakin gate din office dinsu ya ajiyeta bai bari taga idonshi ba yayi wani kasa da ido, saida yaga shigarta ciki sannan yajuya yatafi. Da tatashi ma shi yaje ya daukota yasamu khulsum nata yimata tsiya itama tana ramawa, koda ya kawota gida baiko shigaba yakoma shago. Da daddare kuwa har tafara bacci taji shigowarsa dakin yana kokarin yin shimfida agaban gadonta, kallonshi tayi bayan tasa hijab tatashi zaune,

"Ji mana malam, me zakayi?"

"Bacci, yau anan zan kwana"

"Saboda wanne dalili?"

"Wallahi yau tsoron kwana ni daya nakeyi, dan Allah karki koreni"

Komawa tayi takwanta tana cewa,

"Tun da lokacin da kake kwana afalon bakaji tsoronba sai yanzu?"

"To ai ban taba tsorata ba sai yau shiyasa"

Juya masa baya tayi taja bargo tarufe gaba daya jikinta tana cewa,

"Nidai idan kagama ka kashe min wuta pls"

Duk da baya son duhu amma babu yadda ya iya haka yakashe wutar tunda yanaso ya kwana adakin atunaninsa tahakanne kadai zai sa yakara samun