You Cannot Download this book untill you login but you can read it .

---

Login Register

"Idan nayi dare sosai zaneni za ayi agida...!"

Ita abinma dariya yabata yanda yake yi mata wani shagwaba sai kace hudah,

"To yanzu ya za ayi?"

"Muje ciki amma nanda 10 minutes zan tafi"

"Ok babu damuwa muje..."

Sai da ya dan rausayar da kai sannan yawuce tabishi abaya, kai idan kaga yanda suka basar sai abin yabaka sha'awah tamkar wasu saurayi da budurwa,duk da hill din dake kafarta akafadarshi tsayinta ya tsaya ahaka suka kai tsakiyar hall din wanda tuni ya kancame kasancewar amaren sun fito suna takawa mc kuwa sai kiran sunan Bilkisu yake yana cewa yana son ganin babbar yaya wato adda bilkisu yayar amare.

Bilkisu ai jaka ta balle tashiga cikin kannen nata tana yimusu ruwan sabbin nairori suma suna yimata, su hudu gwanin sha,awa domin harda maama kamar abin hadin baki kuma sai hudah da mina suka soma kuka harda maama, ita kanta ji tayi kwalla tana taho mata shiri tabar cikin filin ta nufi hanyar fita, daga inda yake zaune yana ganin duk abinda ke faruwa abisa dukkan alamu akwai shakuwa mai girman gaske tsakaninta da kannen nata, tashi yayi yabi bayanta, kamar yadda yazata kafin ya cimmata har ta ida ficewa. Abakin kofar hall din yaganta kan baranda ta jingina da bango,

"Haba hajjaju da girmanki..."

Juyowa tayi suka hada ido idanuwanta har sun danyi ja,murmushin karfin hali tayi,

"Badai har zaka tafiba?"

"Ehh gaskiya wucewa zanyi kar gida su rufe min kofa"

Wannan yaron yanada abin dariya ta ayyana hakan acikin zuciyarta bayan ta sake murmusawa,

"To shikenan nagode, yanzu muje gaban waccan motar inbaka naka hasafin..."

Dan kada idanuwanshi yayi,

"Nidai gaskiya kibarshi, yanzu sai kowa yasan nazo biki? Bana son daukar kaya..."

Murmushi tayi tajuyo sosai tana kallonsa,

"To shikenan Allah ya kiyaye hanya nagode"

"Ba rakiya?"

Wani murmushin tayi har saida hakoranta suka bayyana tasauka tana nuna masa hanya alamar suje, jerawa sukayi har kusa da gate nan tajuya takoma ciki amma me tana zuwa gaban hall din taji yace,

"Saida safe atashi lafiya"

Juyowa tayi cikeda mamakin sake biyota din da yayi amma kafin tayi magana har yajuya yatafi, ciki takoma inda aka cigaba da hidima ba atashi daga wannan dinner ba sai karfe goma sha daya saura ahakanma dan abbansu ya iyo waya yace lallai lallai atashi haka ne nan aka rufe taro da addu'a aka tashi kowa yanufi gida. Fahad kuwa koda yakoma gida raba dare yayi yana sakawa da kuncewa kawai tunanin bilkisu ne ke azalzalar ruhinsa, harga Allah yakamu da mugun sonta to amma bashida tabbacin ko akwai wanda ta tsayar amatsayin mijin aure, yajima yana juyi har dai daga karshe yaji muryar yaya Abba yana cewa,

"Yau meke neman hana dan kanina bacci??"

"SO" yafada acikin zuciyarsa amma azahiri sai yajuya ya kalleshi ta cikin hasken kwan lantarkin da basu kasheba,

"Babu abinda zai hanani bacci kawai dai nagajine..."

"To idan kahuta sai ka kashe mana wutar muyi bacci ko?"

Murmushi fahad yayi bayan yatashi zaune,

"Gaskiya nifa bazan iya bacci aduhu ba harga Allah.."

"To nikuma bazan iya bacci da haskeba, Allah yakawo mu kuma..."

Dariya fahad yayi yana jan pillow dinshi,

"Kuma ahakan kasan har kaguwa nake kazo weekend saboda mu cigaba da fada akan rufe kofar toilet da budewa duk da dai kana hanani bacci..."

Dariya shima yaya Abba yayi yagyara kwanciyarsa yana fuskantar fahad din,

"The same thing da yake faruwa dani kenan duk time din da nakoma school wallahi wani lokacin har dariya drama dinmu kebani abokaina suyita tambayata idan sunga ina dariya ni kadai daga karshe dai nasanar dasu kai natuno kullum sai munyi fada saboda ni bana son haske kai kuma baka son duhu sannan ni bana iya kwana har gari yawaye ban shiga toilet yakai sau uku ba gashi kaikuma k'ara kadance ke tada kai daga bacci gashi kofar k'ara take dashi..."

Dariya fahad yayi yana kokarin kwanciya,

"To ai idan baka nan alla alla nake kadawo kaci gaba da bude kofar"

Dariya sukayi gaba daya nan suka cigaba da hirarsu kamar abokai dama ko tsaye abban bawani fin fahad yayiba haka suka taso tare kamar twins, wannan hirarce ta daukewa fahad hankali dan kafin su farga har 12 da rabi takusa, tashi Abba yayi yanufi toilet nan fahad yasa pillow yatoshe kunnenshi lokacin da yaji kofar tafara kara kiiiiyyyyyyyy, Abba na fitowa yakashe wutar dakin duk da haka saida fahad yakunna light awayarshi sannan ya iya bacci.
***
Su Bilkisu yau zasu gama biki domin kuwa yau za a mika amare gidansu, tun safe Bilkisu take tattara musu sauran kayayyakinsu da ba akai ba kafin kace me gida yacika da yan kai amare ita kam Bilkisu batayi niyyar zuwaba amma khulsum ta matsa sai sunje domin saurayinta zaizo yakaisu, ana yin sallar isha'i akayi haramar kaisu saida aka gama zagawa dasu wurin iyaye sukayi musu fada sannan aka tafi kaisu gidajensu. Hudah aka fara rakawa unguwar jan bulo sannan aka raka Mina sharada, duk inda sukaje Bilkisu bata shiga domin tasan gidajen asalima kayan ciki sune suka jera. Misalin karfe goma suka dawo daga rakiyar amaren, yanzu kam yan biki saura kadan domin dama yau duk wasu suka tattafi sai najiki irinsu iyallo da yan uwan amma harda mahaifiyarta hajjo, ba karamin dadi tajiba ganin dakinta fayau babu kowa nan ta dauko hudah bayan tayi mata wanka itama tayi tabi lafiyar gado domin maama na can wurinsu amma acan zata kwana. Wani lafiyayyen bacci tayi domin tunda ta kwanta bata motsa ba saida 6 nasafe tayi nan tatashi tayi salla tasake komawa har 9 sama sama tajiyo muryar hajjo kakarta tana fadin,

"Ohh maigado ai sai asaceki dake da katifar da kike kai batare da kin saniba, kowa yatashi banda ke"

"Ai dole tayi bacci hajjo wallahi tagaji dayawa tasha zirga zirga" Inji maama wadanda suka shirya tsaf domin zuwa gidan amare suda su iyallo, sai bayan sun tafi da dadewa sannan bilkisu tatashi ganin babu hudah akusa da ita ya tabbatar mata da tabi tsohuwarta, wanka tayi ta caba kwalliya tasha gown ta atamfa dark blue, wurin ammah ta nufa wacce ke can dakinta ita da baki yan Allah sanya alkhairi, gaisawa dasu kawai sukayi tafito tawuce kitchen koko da kosai ne akayi na karin kumallo sai dankali da kwai wanda aka soyawa abba, dankali da kwan ta diba ta zauna tayi nak sannan tafito sai lokacin wayoyinta suka fado mata dan rabonta dasu tun ranar dinner da daddare, daki takoma ta daukosu gaba daya ta kunna su nan sakonni suka yita shigowa rututu kusan 10 amma aciki guda biyu na hamood ne wanda ke sanar da ita zai dawo Nigeria jiya idan yazo zai kirata dan Allah tazama mai rike masa alkawari domin itace matar aurenshi, dariya tayi tana jin farin ciki yana ratsata, sauran massages din kuwa duk na fahad ne wanda bata da masaniyar cewa shine, daga karshe ajiye wayoyin tayi ta dauko laptop dinta tayi downloading din wani Indian series mai suna Rangarasiya ita kam Allah yadora mata kaunar Indian film tana tsaka da kallo khulsum tayi sallama,

"Au ke baki tafi gidan amaren ba?"

Murmushi tayi,

"Me zanje inyi musu kuma"

"Ai shikenan, bani ruwa insha"

Kawar da laptop din tayi daga gabanta ta mike ta dauko mata ruwan ta miko mata,

"Ya labarin mutumin ne?"

"Yataho ai may be ma yanzu ma yasauka"

"Ahh lallai abun yazo amarya"

Shiru bilkisu tayi saboda tasan kawai neman magana ne irin na khulsum.

Dasu iyallo sukaje gidajen amaren kowacce aciki babu wacce batayi cikiyar bilkisu ba amma babu ita sai maama itace ma ke cemusu kila da yamma bilkisun zataje musu nan ta gyaggyara musu abubuwan da yadace sannan suka tarkato suka dawo iyallo dai sai sakawa danta albarka take kan irin rawar daya taka wurin zubawa yayansa kayan daki nagani na fada. Har suka dawo gida bilkisu natare da khulsum suna kallo saida rana tafara yi sannan tatafi domin tanada karanta labaran rana.

Da yamma dukkan baki suka tafi amma banda iyallo ita kam tana nan Allah kadai yasan ranar tafiyarta, haduwa sukayi maama da bilkisu suka gyare gidan tsaf yadawo yanda yake da, suna kammalawa Abba na dawowa daga garko dama duk karshen wata yake zuwa ya duba garin nasa a matsayinsa na hakimin garin manya manyan kaji da zabbi aka shigo dasu sai kwan zabbi cikin bokitin roba dama duk ranar da yaje haka yake dawowa da kaya niki niki domin jama'ar kauye akwai kara banda su yalo, gwaiba da sauransu, nan dai su bilkisu suka shiga aiki baji ba gani ita dai iyallo tana zaune tsakar gida kan tabarma ta kishingida tana ganin mai shiga da mai fita domin mutane sunata zuwama amma Allah yasanya alkhairi. Sai dare maama ta tattara tatafi bayan mijinta yazo daukarta, bilkisu rufe kofarta tayi tai kwanciyarta nan taga text din minah da na Hindu kamar hadin baki duk suna yimata korafin rashin zuwanta murmushi kawai tayi ta ajiye wayar tafada kogin tunani.

Washe gari bata tashi dawuri ba sanin acikin hutu take ba aiki zata fita ba, koda tafito tuni har anhada abin karyawa kowa yaci sai nata kadai dauka tayi takoma dakinta taci tana kammalawa kiran abba yashigo wayarta cikeda ladabi ta daga nan yace taje yana kiranta, hijab ta dauka tafita jikinta na bata lallai akwai abinda ke faruwa bare iyallo trouble maker tana nan.....



*_Ummi Shatu_*

© _HASKE WRITERS ASSO._


*KAMAR DA WASA...!*



*_NA_*

*_UMMI A'ISHA_*



*Dan girman Allah na rokeku kudaina fitar min da book, ku kuma wadanda aka turowa kuji tsoron Allah idan baki siyaba karki karanta.*



*9*


***Falon tsit sai fadan iyallo dake tashi duk tabi ta cikashi da hayagaga,

"Haba yarinya tadade da kawowa misali amma kun zuba mata ido sai dai garin Allah idan yawaye tayi wanka ta saba jaka tatafi wani wai aikin gwamnati, to wallahi ya isa haka sam bazan lamunta ba kannenta duk gasu can adaki amma ita tana gida, wannan ai ba dabara bace karatunnan tayi ta dada tayi ta dada wai shin karshen biro da takarda zata gani? To wallahi wata biyu kacal na bata ta fito da miji idan ba hakaba ga dan uwanta nan mudan ai tushensu daya sai a aura mata shi...."

Zama bilkisu tayi tana sauraron fadan iyallo har saida tayi shiru sannan Abba yayi magana yabata hakuri yace insha Allah za ayi yadda tace, ita kam amma shiru tayi batace komai ba har akayi aka gama. Juyawa Abba yayi ga bilkisu yace,

"Uwata kinji abinda hajiya tafada lallai lallai kifito da miji cikin wata biyu ayi miki aure"

Daga kai tayi yayinda iyallo ta bude murya,

"Yawwa gaya mata da kyau, wannan yawon karatu ya isa haka"

Sallamarta abba yayi tatashi tatafi takoma dakinta ta zauna, sam bata sa abin aranta ba domin karma ya dameta taci gaba da harkarta. Kwana biyu da faruwar hakan iyallo ta tattara takoma garko kuma aranar maama tazo nan bilkisu take bata labarin abinda yafaru,

"Iyallo jaraba, ai wallahi adda labour da kin wanketa tas kafin tatafi"

"Ke maama kar nakara jin haka, ba mahaifiyar babanku bace? Itama fa tana da iko daku infada muku gaskiya, kedai mai gado kawai kiyi abinda tace ki fidda miji kiyi auren nan kihuta muma mu huta da maganganunsu"

Bilkisu dai batace komai ba domin har yau bata samu hamood ba shima kuma bai kirata ba, sai yanzu hankalinta yasoma tashi ganin ankusa wata daya domin har hutunta yakare takoma aiki, agefe daya kuma iyallo kullum cikin bugowa abba waya take tana kara jaddada masa maganar auren mudan da bilkisu, ita kuwa bilkisu ji take akan ta auri ya mudan gara ta auri koma waye.

Wasa wasa lokaci sai tafiya yake amma shiru babu labarin hamood duk ta inda take tunanin zata sameshi tarasa domin daga Facebook dinshi har Twitter da instagram duk shiru, yanzu kam tashiga mutukar damuwa gashi wanda ke damunta batare da tasan ko wayeba bai fasaba kullum yake kiranta kuma yaturo mata text ganin wankin hula na shirin kaita dare yasata nemarwa kanta mafita. Daren ranar kwana tayi batayi bacciba tanata sakawa da kwancewa daga karshe shawarar khulsum ta fado mata inda take cemata,

"Ni kawai ina ganin ki baiwa bawan Allahn nan dama wallahi yafito ya bayyana miki kansa idan yayi miki kawai ki aureshi ki manta da wani hamood tunda har yanzu babu wani labari game dashi...."

Lumshe idanuwanta tayi bayan ta dafe kanta dake sara mata, tabbas yazama dole ta dauki shawarar khulsum mutukar tana son hakanta ya cimma ruwa,wayarta ta jawo ta duba agogo karfe 2 da yan mintuna na dare, text ta soma rubutawa wannan guy din da har yau bata san ko wayeba, bayan yanuna mata yatafi ne ta kashe wayar gaba daya tana jiran zuwa gobe sai ayita takare.

***
Ga fahad kuwa abun ba sauki domin har gobe bilkisu ce zabinsa duk da yasan tayi masa nisa kokuma tafi karfinshi amma dayake ita zuciya babu ruwanta da duk wadannan abubuwan haka ta nace da soyayyarta, kullum aikin kenan tura mata love massages gashi tun bayan bikin kannenta bai sake ganinta ba dan program dinma da takeyi yanzu shiru sai wata bakuwar murya ce keyi gaba daya yarasa gane abinda ke faruwa. Bayan yadawo daga sallar asubah kamar yadda yasaba yazauna saman katifa yajawo wayarshi da niyyar yakirata ya tadata tayi salla yana kunna wayar yaga massage dinta jikinshi na rawa yabude domin wannan shine karo nafarko da ta taba turo masa sakon karta kwana, da sauri da sauri yafara karanta sakon nata kamar haka;

_Amincin Allah ya tabbata agareka, dan Allah idan har bazaka damuba ina son ganinka gobe agidanmu akwai muhimmiyar maganar da nake so mu tattauna, nagode._

Ajiyar zuciya yasauke yana jin tsoro yana shigarsa, tambayar zuciyarsa yafara yi to yanzu idan taganshi tace baiyi mata ba kokuma tace kar yasake kulata fa? Yajima zaune cikin rashin sanin abinyi daga karshe yabarwa Allah ya kwanta ya tura mata da reply,

_Sarauniyar mata ina fata kin tashi cikin aminci da koshin lafiya, insha Allah yau zan amsa kiranki batare da jinkiri ba amma inaso kibani time da kanki kuma kibani address din saboda ban san gidan nakuba, masoyinki ahar kullum....!_

Daga haka yatura mata ya ajiye wayar yana addu'ar samun nasara acikin wannan al'amari.

Lokacin da taga text din nashi murmushi tayi tana yabawa iya kalamansa acikin zuciyarta, babu bata lokaci tatura masa address din da time din da zaizo, koba komai tana jinta da dan dama dama yau sabanin kwanakin baya da taketa fama da kunci da bacin rai, hatta amma yau ta fuskanci walwala atattare da ita amma batace da ita komai ba.

K'arfe uku na yamma kiranshi yashigo wayarta lokacin tana shiryawa bayan tafito daga wanka, tana dauka yace mata gashi yazo nan tace tana zuwa, karasa shiryawa tayi tafita ta zira flat din takalmi,fararen kujeru guda biyu na roba ta daukar musu tafita zuwa gaban part din Abba wanda ke makotaka da gate ta ajiye ta zauna, waya tayi masa tace yashigo, har yashigo bata dago ta kalleshi ba hankalinta na kan wayarta tana turawa da khulsum text sai dai kamshinsa da ya ziyarceta.

Da sallama ya isa wurinta ta amsa batare da ta dago ba, zama yayi yana yimata kallon kurulla, ashe ita din yar babbar koface bai saniba sai yau domin mahaifinta yarike mukamai daban daban domin yanzu haka shine commissioner na ruwa ajihar sannan kuma mai baiwa governor shawara ta musamman akan harkar ciyar da makarantun kasa da secondary,

Dagowa tayi ta kalleshi idonta yashiga cikin nashi nan mamaki ya cika ta domin ganin wanda ke gabanta,

Murmushi tayi,

"Sannunka da zuwa musa..."

Murmushin shima yayi,

"Yawwa barkanki dai hajjaju amma muhammadu nake ba musa ba"

"Ayya sorry namanta ne, ya aiki?"

"Alhamdulillah"

"Allah yataimaka"

"Amin"

Shiru sukayi dukkaninsu, kafin daga bisani ta danja numfashi tace,

"Dama kaine wanda ke kirana sannan yake turo min wannan massages din?"

Babu fargaba ko tsoro ya daga mata kai,

"Eh nine..."

Murmushi tayi ta maida kanta gefe,

"Haba Muhammad to ai ni ba sa'ar aurenka bace.."

"Ko menene dalili?"

"Saboda nayi maka girma ai,inada kanne twins kamarka el'ameen da elmustapha suna Sudan suna karatu"

"A'a mutukar kin amince zaki aureni toni wallahi bakiyi min wani girma ba"

Murmushi tasake yi tana kallon Rabi mai aikin amma wadda aka kawo mata kwana biyu da suka gabata domin tayata aikace aikace, ruwan roba da lemon kwali tazo ta ajiye agaban fahad sannan tatafi hakan yabaiwa bilkisu damar cigaba da fadin abinda ke ranta,

"Muhammad wallahi ni ba mate din aurenka bace, saboda ko ahaifi na girmeka sosai, ai zakaji kunyar nuna ni agidanku da wurin abokanka amatsayin mata"

"Mutukar kin amince wallahi ni babu maganar kunya, kece dai kawai zakiji kunyar nuna ni amatsayin mijinki saboda nayi miki kankanta"

Fuskarta babu yabo babu fallasa ta kalleshi babu alamun wasa tace,

"Kasan me nake so dakai? Daga yanzun nan kar ka kuskura ka kuma zuwarmun da magana makamanciyar wannan, ada banma yi niyyar sauraronka ba amma dole tasaka na saurareka sakamakon mutuncin da kayi min abaya"

Shiru yayi yana faman aikin goge screen din wayarshi da handkerchief din dake hannunshi sai zuwa can yanisa ya kalleta kadan ta kuwa sha kunu kamar bata taba dariya ba,

"Shikenan tunda haka kikace amma ni anawa rashin hankalin idan akazo kan batu na aure wasu muhimman abubuwa ake dubawa bawai maganar ka girmi mutum ko shi ya girmeka ba dan haka nidai har gobe ina nan akan bakana dan wallahi ina sonki..."

"Naji kana sona amma ni nagama fada maka ra'ayina idan kaji fine idanma bakaji ba duk daya, sai anjima"

Daga haka tamike ta wuce cikin gida cikeda takaici wannan wacce irin lalacewa ce ace yaro karami wai yazo mata da maganar aure babu ko kunya bare tsoro lallai zamani mai yayi, dakinta tashiga ta watsar da komai dake hannunta ta kwanta kan gado idonta akan tv, gaba daya ranta abace yake meyasa hamood yayi mata haka? Duk da zuciyarta na bata yakinin tayuyu akwai gagurumin abin da yafaru dashi wanda ita bata saniba....




*_Ummi Shatu_*

© *HASKE WRITERS ASSO.*


*KAMAR DA WASA...!*


*_NA_*

*_UMMI A'ISHA_*



*10*


*Dan Allah idan baki siyaba karki karanta....*



***Ji take kamar tafashe da kuka ko zata samu saukin damuwar dake addabarta,

"Lallai yaron nan yama raina min wayo wallahi..."

Haka tayita fada tana yin kwafa daga karshe kasa jurewa tayi har saida ta kira khulsum, khulsum na dagawa bilkisu tafara jaraba kamar khulsum din nada masaniyar abinda ke faruwa,

"Gaskiya tailor nan baida kunya wallahi saina saita masa zama"

"Wanne tailor kuma? Inji khulsum,

"Wanda yayi mana dinkunan bikinsu Hindu mana"

"Me yayi miki wai?"

"Zuwa yayi har gida wai sona yake da aure dama kuma yadade yana turo min text harda kirana awaya duk ban san shi bane dan banza,yaron da baifi su el'mustapha ba"

Khulsum najin haka me zatayi idan ba dariyaba nan tashiga kyakyatawa ita kuma bilkisu na masifa daga karshe dai kashe wayarta tayi sai lokacin taga ashe tun tuni tanada ajiyayyen sako da yashigo, cikin hanzari ta budeshi dan tana zaton ko hamood ne amma abin takaici fahad ne,

_Gimbiya kiyi hakuri na bata miki rai wanda bana farin ciki da hakan, kiyi min afuwa kuma ki gafarce ni akan abinda nayi, ni nayi zaton aure ana ginashi ne bisa yarda da amana da kuma gaskiya da kaunar juna baya ga wannan basai an hada da wani abu can waishi fin shekaru ba, ki taimaka min kiyi nazari da tunani akan maganata sannan ki sanyata a mizani na adalci kafin ki yanke hukunci, nabarki lafiya...._

Tsaki tayi ahankali marar sauti itafa yaron nan yafara takura mata kuma gaskiya, bata yi yunkurin tura masa reply ba ta shareshi taci gaba da hadiyar bacin ranta.

***
Dama fahad yasan za ayi haka yasan sai bilkisu ta raina girmansa gashi kuwa hakance tafaru amma hakan ko kadan bai karyar masa da gwiwa ba, yajima zaune a inda tatafi tabarshi yana faman zaman jiran gawon shanu daga karshe yatashi yatafi batare da yasha koda ruwan da Rabi ta ajiye masa ba. Bai sanar da kowa abinda yafaru ba domin hatta salim bai fadawa ba ubangijinsa kadai ya fadawa wanda yake da tabbacin yafishi sanin komai kuma shine zaiyi masa magani sai da yakoma gida sannan yatura mata da text daga nan yaci gaba da harkarsa shima ya shareta duk da yana son yaji daga gareta ga yar naci husna da ta sakoshi agaba kwana biyu kullum ashagon take wuni wai lallai sai ta koyi dinki awurinsa, ko ya shareta bata zuciya bare tatafi haka yake hakura suke hira.


Yau Satinta uku da komawa aiki bayan hutunta da ta cinye wanda ta dauka bayan tadawo daga aiki da yamma ammah ke yimata maganar data dan razana ta wai iyallo tace tana nan zuwa acikin satin nan gara tazo da kanta ayi maganar mudan da ita agama, kadan ta iya cin abincin da ta zubo dambun zogale da wainar shinkafa, daki ta koma ta zauna, yanzu kam yazama dole ta nemo fahad ko dan su shirya deal inyaso daga baya sai su warware, wayarta ta dauka ta tura masa text,daga nan ta wurgar da wayar saman gado tawuce bathroom.

Yana shago yana hutawa bayan yagama wasu dinkunan biki husna ta kawo masa tuwon semo miyar shuwaka amma dayake ba cin girkinta yakeba ko dandanawa baiyi ba sai su hamza ne keta kwasa yana kwance gefe yana kallonsu, wayar yazaro daga aljihunsa yaduba saboda jin sako yashigo shi duk atunaninsa ma kudinsa aka turo masa na dinkunan da yayi saboda yabawa mutanen account number dinshi amma sai yaga sako daga bilkisu tana cewa,

_Salam, yakake, kazo anjima ina son ganinka._

Murmushi yayi yamike yana tattara komatsansa domin amsa kiran gimbiya.

Saida yakoma gida yayi wanka yashirya tsaf sannan yanufi gidansu bilkisu yau kam daga waje ya tsaya ya kirata, ta kwashe kimanin mintuna goma kafin ta fito ta leko bakin gate din,yana tsaye ya jingina kafarsa da bango yana danna wayarshi,

"Bismilllah..." Tafada atakaice, bin bayanta yayi suka shiga cikin gidan inda ta tanadar musu fararen kujerun roba guda biyu. Zama sukayi ta daga kai ta kalleshi, sanye yake da blue din shadda mai kyau harda hula wacce ta saku da blue din zare amma hakan bai hana sumar kanshi bayyana ba,

Shine yakatse shirun ta hanyar cewa,

"Ina yini hajjaju?"

"Lafiya lau, kasan meyasa na kiraka?

"A'a" yafada yana girgiza kai,

"Kace kana sona zaka aureni ko?"

"Uhmm" yabata amsa,

"To nima zan aureka amma bisa wasu sharruda, kaga nafarko akwai wanda mukayi alkawarin aure dashi wanda mu duka muna son junanmu amma aka samu wata yar tangarda bama jin juna nikuma kakata ta matsawa babana akan lallai sai nayi aure acikin watanni uku kacal idan ba hakaba ta aura min wani cousin dina wanda nikuma bazan iya zaman aure dashiba,that's why nake neman taimakonka..."

"Taimakona kamar yaya?" Ya bukata yana kallonta,

"Yawwa, so nake muyi aure kamar gaske daga baya idan hamood yadawo sai mu rabu naje na auri saurayina wanda nakeso"