You Cannot Download this book untill you login but you can read it .

---

Login Register

ya sauka akan Baba jere daya tsatsareta da ido tamkar ze cinyeta d'anya. Bilal gaggaisawa yayi da mazan ta hanyar musabaha sannan yace

"Hajiya Barira ce tamun umarni akan in dawo da 'Yar shara gida, tace in sanar daku kuyi hak'uri da k'in zuwan datayi da kanta ta dawo da ita, tanajin kunyar kune ta kasa rik'eta kamar yanda tayi alk'awari, tace hakan ya biyo bayan cikin shegen dake jikin 'Yar shara ne harna tsawo wata biyu, bazata iya abun kunya ba ita kam, sabida haka na dawo da ita tushiyar ta" Tas wurin ya d'auki salati yayinda lokaci d'aya duniyar ta soma juyawa da 'yar shara tana shawagi da ita, wannan wane mummunan k'azafi ne Bilal yake shirin manna mata, sama sama tajiyo muryar Baba jere yana cewa

"Kayi tafiyar ka Bilal, zamu mata hukuncin daya dace da ita" Haka.ta ruk'unk'une wuri d'aya tana gunjin kuka amma sam ta kasa magana har Bilal ya juya sekuma ya dawo kusa da ita ya sunkuya ya ajiye mata wata leda, ga kati nan ajiki lambar wayana, idan azaba tayi azaba kika yanke hukuncin bani kanki seki nemeni a waya kud'ine acikin wannan biredin sekiyita tattalinsa dan nasan kwana bazaki k'ara agarin nan ba zasu koraki" Batace masa komai ba, babu kuma wanda yaji maganar dasuke se ita kad'ai sabida yanda yazo daf da ita yana magana k'asa k'asa...... Haka ya tafi banda kuka babu abinda 'Yar shara takeyi.Kallon tsana Baba jere yabita dashi sannan yace

"'Yar k'wai bani kayan wuta da alamar k'ira" Inna suwai ce tayi azamar kallon sa, murya yana rawa tace

"Jere me zakayi? kallon ta shima yayi

"Bakiji tayi shege ba, yanda nayi da ubanta haka itama zan mata" Idanta ne ya kawo ruwa babu musu ko gaddama a atsakanin su, babu wanda yake ja da hukuncin jere shine me garin garin gaba d'aya kuma biyayya agaresa batada hijabi awurin su dole sesunyi jikinta yana karkarwa ta zube akan gwiwowinta

"Jere ka dubi girman Allah ka sassauta mata, karka manta azabar k'irane yayi sanadin Djoro, kabar 'Yar shara itakam ita kad'ai ne a tsatson Djoro dazan kalla inji sanyi" Wani kallo ta wurga mata yanzu a hautsine

"Bana buk'atar tsatson Djoro a zuri'a ta, Yanda Allah ya kashe Djoro Allah ya kashe D'iyatai daya bari, Idan zan mata k'ira har a tafukan hannayenta zan manna mata sabida azaban wutan yajewa d'an shegen dake shikinta shima ya mutu atare da ita" Kuka ta saka da iyakacin k'arfin ta ruga ta rungume 'yar shara, zuwa lokacin da aka kawo kayan k'ira aka hura huta aka soma d'o'd'in k'arfen iyakacin gigicewa Hafsat ta gigice, batasan me ma'anar hakan ba, amma menene ya kashe mahaifinta ance rashin lafiya yayi, itama ciwon zasu zasu saka mata kome? k'aramar akwatinta ta janyo ta cura wayarta aciki sannan a hankali ta ware biredin nan ta zaro kudinta ta cura a rigar mamanta tanabin kowa da kallo, katin da lambar wayar Bilal yake aciki ma sanda ta d'auka ta adana ajikinta se zare ido take, batasan me za'a mata ba amma tabbas tasan akwai alamun zata dauki yar mitsitsiyar akwatinta ta kwasa aguje inhar ya kasance azabace! Lokacin da k'arfen yayi azabar zafi se wasu maza tagani datakeda yak'inin yan uwanta ne sukazo suka daddafeta tun a nan ta soma ihu mik'ar da k'afarta akayi aka dafe Jere ya daddage ya manna mata k'arfen a tsakiyar tafin k'afarta!!! Wata uwar k'ara data k'walla tsabar azaba seda ta saki fitsari a wando ba shiri, haka ya mata tambari biyu a kowace k'afa zuwa wannan lokacin ta suma batasan inda kanta yake ba, k'ara dafa k'arafan yake yana ik'irarin manna mata a hannu Inna suwai ta rungumeshi tana kuka akan yabar ta a haka, kallon ta yayi yana yamutsa fuska

"kona manna mata kokuma akaita kan hanya ta kama gabanta" Dama bata saka ran ze barta ta zauna ba dan haka da sauri ta amince akan a koretan tasan koba jima koba dad'e zata nemi gida, koda babu ransu kuwa. Kallon masu dafeta yayi yace

"Ko inuwar wannan karku barmun agidana, ku fita da ita daga garin nan kuje cen bakin titi ku ajiyeta itada kayan ta da komanta" Haka suka amsa masa suka kwasheta a some ita da kayan ta, akan hanyar su aka soma ruwan sama ga duhu ya soma sauka wannan ya sanya babu wata tazara da garin suka ajiyeta suka ajiye mata akwatinta suka juya inda anan dukan ruwan sama ya dawo da ita cikin hayyacin amma seme ta farka cikin tsananin azaba da radad'i sannan babu akwatin kayanta a ranta ta ayyana acen aka kwace mata, ta godewa Allah daya sanya bata saka kud'inta a jakar ba, amma me tana lalubar rigar mamanta seta ji wayam! bata sani wad'an nan yan uwan nata sunga sanda ta saka kud'i a wurin, sune suka zace wayarta da kud'in suka barta da akwati wanda kafin ta farfad'o wani mara imani ya kwace. Babu takalmi a k'afarta batasan ammata lahani ba seda ta mik'e nan take ta zube awurin sabida wata sabuwar azabar data ziyarce ta ga ruwa ana tsulawa ga dare yayi, kukan ma a wannan lokacin gagararta yayi, jefi jefi motoci suke wucewa gata a gurfane bazata iya taka k'afarta ba bare ta saka musu hannu su taimaketa!

**************
    *Washe gari*

Anan ta kwana cikin tsananin radad'i da fargaba me tsanani, ilahirin ruwan akanta ya kare a gindin wata bishiya, da asuba ma se taimama tayi tayi salla a zaune, har azahar ba yalwar mutane akan titin, tunanin abinyi takeyi ga azabar k'unar dake tafin k'afarta, haka ta mik'e tanaji tana gani ta soma tafiya akan duga duganta inda wutar bata kaiba, haka tayita tafiya se la'asar ta samu wata motar yaji ta d'auketa asama nanma da k'yar ta samu hawa sabida wuyar datake ciki,tare da alk'awarin zata bashi Naira hamsin idan sun isa gari.

     Yamma sosai ya dawo daga wurin motsa jiki ya tsaya yabi wurin da kallo, yau ina wannan yarinyar ne? idan baze manta ba ya ganta wurin yafi so bakwai, kota dena zama a k'asan bishiyar ne? meke damunsa na damuwa da ita sosai haka ya tambayi kansa? Bafa komai kawai tausayi take bashi ko ba'a fad'a ba yasan akwai abinda yake damun ta, besan fuskarta ba dan kuwa kullum kwanan duniya kanta a sunkuye yake amma ta masa tsaaye tsayin alif ajikin allo a zuci kome yasa oho! Nisawa yayi kawai  yaci gaba da gudunsa jikinsa yana nan a murd'e se gumi yake had'awa a sukwane ya isa gida amma kamar kullum a masallaci ya tsaya yayi sallah tukunna har isha sannan ya shiga ciki. A gaggauce yayi wanka ya shirya yauma kamar kullum, wurin Muhsin ze tafi suyi maganar abinda ya shafi kasuwan cinsu sabida harga Allah k'asar yake neman dalilin daze d'aga mata idan ba yabar k'asar ba D'an galadima ze sanya yazo ya aikata abinda bashi kenan ba, D'an galadima munafiki ne...

    'Yar shara kuwa a tasha da suka sauka anan dirama ta tashi akan kud'in motar da tace zata bayar idan sun iso, dan kuwa batada ko k'wandala banda uban zogin da k'afafunta ke mata na rad'ad'in k'una... wata iriyar kallon banza kwandastan motar ya wurga mata yana lashe leb'ensa sannan yace

"Idan kin yarda in bashi kud'insa in rufa miki asiri, kekuma ki biyani daga baya" jikinta yana rawa ta amince da hakan aganinta zata samu kud'insa seta biyasa daga bayan koma a inane, dan haka ta masa godiya shikuwa ya biya kud'in cas bisa ass. Godiya ta masa azuwan idan ta samu zata biyasa kud'insa shikuwa yace alambaran kwana zasuyi atare ya fanshe hamsin d'insa, tun suna magana a cikin rad'a har maganar ta tashi atasha aka zagayesu, atake ya murd'eta akan itace ta masa alk'awarin ze fanshe ajikinta, gashi ta gaji da tsayuwar sabida akan duga duganta take tsaye, wani mutum ne yace da kwandastan

"Shinkai Zubairu dakata, nawane kud'in nata" Seda ya kalleta sannan ya kawar da kansa yace "D'ari bakwai ne" Mutumin ne ya zaro d'ari bakwai ya mik'a masa sannan yace yana kallon sa

"Bata amince da kaiba, dan haka gankud'inka nan ta biyaka, wannan yarinyar yar luwai caras da ita bazatabi k'azami kuma karen mota irinka ba zubairu, kumama akan wannan gajeran farashi, yarinya muje nizan baki dubu biyu" Cikin kuka tace

"Niba karuwa bace dazaku rik'a cilli dani tamkar wata k'wallo, wannan salon wani wulak'ancine kuma, ni a k'auyen d'an biram suka d'akkoni akan idan munzo zan basu naira hamsin, yaya kuma zezo yace d'ari bakwai ne? banisa hamsin amma inada zoben azurfa na tabbatar zekai dubu biyun da kai kake ik'irarin zaka bani, sabida haka gashi kaje ka sayar kabiya karuwa irinka badai niba" Ta k'arashe maganar tana cilla masa zoben ya daki k'irjinsa ya fad'i a k'asa

"Abinda kukamun se anwa 'ya'ya ko matanku ko k'aninku wlh, na barku da Allah shine ze sakamu  mugwayen banza" Ta juya tana d'ingishi ta fita tabar cikin tashan yayinda su kuwa sukayi cirko cirko suna kallon ikon Allah.

     A bakin junction taje ta zauna ta sunkuyar da kanta, ga dare yayi koda babu waya a hannunta ta tabbatar cewar tara na dare yayi idan ma be gota ba, koda ganin yanayin yanda mutane suka rage kai kawo kasan cewar dare ya ruga sosai, Ganin zata b'atawa kanta lokaci ya sanya ta mik'e ta soma d'ingishin datake gidan momy zata koma, itace rufin asirinta gwanda zama wurin Bilal idan Allah yaso baze samu abinda yakeso awurin taba amma wadannan mutanen ba Allah a ransu ko dukkansu farmata zasuyi, tana wannan unguwar datasha yake da nisa sosai da gidan momy amma haka zata taka, bazata hau wani abin hawa batada kudiba dan batasan yanda za'a k'arb'eta ba agidan, da wannan shawarar taci gaba da d'ingishi tana takawa a hankali.........

  Hamood be bar wurin Muhseen ba se k'arfe sha d'aya da 'yan mintuna, babu yalwar abun hawa kazalika jefi jefi zakaga mutane suna yawo, kuma duk wanda ka gani zakaga alaman sauri a tattare dashi, yanayin yanda take tafiya ya shagaltar dashi, d'ingishi takeyi alama sun nuna cewar da dugaduganta take takun tome yasa? yasan wannan kalan hijabin da zanen jikin amma a inane ma? yaya take tafiya babu takalmi a k'afarta? da wad'an nan tunane tunanen yaje gida batare daya tsaya wurin yarinyar ba sedai tambayoyi marasa amsa fal a kansa.

'Yar shara tayi tafiya sosai har k'arfe d'aya na dare ya tadda ta babu alamun zata isa gidan Momy, hankalinta ya soma tashi sabida ta kula cewan daga ita se karnuka akan hanyoyin datakebi d'in, sannan idan ta kaucewa titunama bawai b'ullewa zatayi ba, kana ko yanzu a yanda take hange akwai nisa sosai da inda take hari..... Takun dataji a bayanta ne ya sanya tayi hanzarin waigowa mazane sunkai su bakwai, a yanayin yanda ta gansu kuwa babu alamar mutunci a tattare dasu, wannan ya bata damar k'ara mai a tafiyar datakeyi dukda bata iya taka k'afarta sedai d'ingishi, tun suna k'ara saurin dasuke har suka soma gudu kad'an, ganin haka itama ta k'arawa dokinta linzami ta soma gudun cikin azabar k'una da radad'in da k'afarta keyi,dama gashi tana lokacin al'adarta wannan ya sanya mararta ta murd'e mata wuri d'aya lokaci d'aya jini ya kuma b'alle mata ga dama matarin data saka tuni ya jik'e sharaf! gudun fanfalak'i suka somayi atare suna ihu suna sowa suna mata dariya tsuntsu daga sama gashashe shine abinda suketa fad'a!

Agogon dake ajiye agefen bed side drawer d'insa ya kalla, k'arfe d'aya saura kwata, mesa ya kasa bacci, yarinyar batayi kama da cewar tana cikin nutsuwa ba, mesa yakeji a ransa tamkar ya baro wani aiki me muhimmanci atiti beyiba gameda yarinyar, ya ganta a yanayi irin na rashin lafiya yakuma ganta tabbas tana neman taimako, ba wannan bama ya ganta lokacin da dara yaja k'afar mata sosai tayi k'aranci akan titi shin mesa be tsaya yaji meke damun taba? zabura yayi sannan ya zari key na motar sa, gajeran wando ne ajikinsa iya gwiwa sekuma riga mara hannu med'an fad'i, hanyar waje kawai ya nausa aguje yauma kamar kullum, hadiman dake hidima a b'abgarensa wanda basuyi bacci ba se gulmarsa suke.....

A hankali yake tafiya da motar sa haryakai inda yake tsammanin ganinta, direction datakebi anan yabi amma sam ko alamarta babu, beji ya karaya ba haka yaci gaba da zagayen titunan yana k'arewa wuraren kallo, cen ya hangota a kwance sedai wannan karon babu zani ajikinta babu hijabin duk gasunan agefen ta, da hanzari yayi parking motarsa yafito aguje ya k'araso inda take, bin yanayin ta yayi da kallo yana me haske ta da hasken fitilar wayar hannunsa, hannunta taja ta rufe fuskarta inda zata karewa musamman idanta, sannan taja hanninta d'aya tana k'ok'arin rufe jikinta dake a tsiraice ko pant d'inta yana gefe cen a yashe iya rigarta ne kawai ajikinta kuma itama duk an yaga ta, alamomi tas sun nuna fyad'e aka mata tunda gashi harda jini sosai ajikinta, zaninta yayi hanzarin zara ya rufa mata sannan ya juya bayansa kawai ya koma motarsa.


*Idan baku manta ba na gaya muku bazan samu daman yin posting kullum ba, bayan kwana d'add'aya zankeyi da izinin Allah.*

*Mom Nu'aiym.*

*TSINTAR AYA* FREE BOOK

*BILLY GALADANCHI*

*SHAFI NA UKU*

Sumar kansa ya shafa zuwa k'eya cikin tsananin damuwa da fad'uwar gaba mara misaltuwa, mekenan ya faru wa 'yar mutane? yaya zeyi da ita a yanzu? wannan laifin sane ko me? mesa dacen datake tafiya acikin dare tana d'ingishi be tsaya yaji inda zataje ba? menene amfanin zuwansa yanzu? ina ze kaita? Asibiti? they will surely ask of police report ta ina ze fara? besan komai ba, acikin dare yaganta akan ttii anyi raping nata sai kuma me? shi daga ina yake? iska me zafi ya furzar daga cikin bakin sa sannan ya juya ya kuma kallon ta. Wayarsa ya janyo ya kira Muhseen be d'aukaba dama baze d'auka d'inka ba dan yasan baze masa magana ba, dan haka ya masa txt na wurin daze sameshi yanzu amma shiru shiru babu alamun dawowar sako har zuwa mintuna goma,yanada yak'inin cewar tabbas Muhseen bacci yake. k'ara mayarda dubanshi yayi zuwa ga yarinyar k'ok'arin d'aura zaninta take daga kwancen, sanan kuma seja baya take dashi, ganin yana nufota ya tilasta mata mik'ewa da k'yar tana kuka tare da motsa labb'anta sedai sam baya jin metake cewa, gyaran zaman zanin take kokarin yi amma ina se jiri ya d'ebeta ta tafi luuu zata fad'i a sume, da hanzari yayi azamar rik'ota sannan ya zube akan gwaiwowinsa d'auke da ita, kallon fuskarta yake tabbas suma tayi, lallai abun yafi k'arfin tunanin sa, be b'atawa kansa lokaci ba ya zurata a mota ya finciki motar se gida, nanma kwasarta yayi hannu bibbiyu zuwa b'angaren sa yanzu ma aguje kamar kullum, sedai wannan karon kana gani kasan a uzurcen gaske yake, be had'u da kowa ba se mutanen dayake da tabbacin idansu biyu wato munafukan fada, ya tabbatar munafukan fada idansu yanzu yake bude ma, be wani damuba ya haura samansa da ita.

Yafi minti 30 yana tunanin abinda zeyi da yarinyar har lokacin idanshi be kaishi akan tafukan k'afarta, daga bisani sai ya mik'e ya debo ruwan sanyi ya soma kokarin dawo sa ita hayyacin ta ta farka amma ga alama she's unconcious dafe kanshi yayi ya kalli lokaci k'arfe hud'u saura yan mintuna, yaya zeyi? Family Dr. nasu yawa message akan by 6 ya kasance a b'angaren sa akwai patient daze duba masa sannan ya koma yaci gaba da aikin kallon ta har zuwa sanda yaji ana kiran sallan asubah wannan ne ya tilasta masa mik'ewa ya d'auro alwala ya fita masallaci!

Bayan idar da sallan yajima sosai yana lazimi bayan yayi azkhar d'insa da komai sannan ya mik'e tsaye yana duba message d'in likitan dake tabbatar masa da cewar baya k'asar gaba d'aya, k'aramin tsaki yaja ya fito sekuma yayi karo da Muhseen dake jiransa a k'ofar masallacin dakuwa ko ba'a gaya masa ba ya tabbatar cewar yana masallacin a irin wannan lokacin musabaha sukayi sannan yabi bayanshi zuwa ciki danya tabbatar baze samu amsar komai ba se'a rubuce. Turus Suka tsaya suka kalli jama'ar dake wurin motar Mood ciki kuwa hadda me martaba, k'arasawa yayi shida Muhseen atake muhseen ya zube ya gayar da Me martaba, shikuwa yayi tsaye tamkar an dasashi a wurin ya kafe Me martaba da ido yana jira yaji mezaice wanne kalan labari zezo dashi yau kuma da sanyin safiyar nan, shid'inma shi yake kallo cikeda takaici

"Munaso musan wannan jinin daya fito daga motarka daga ina yake? menene asalin abinda ya faru? munyi tsammanin cewar ai rauni kaji sekaga fess dakai, amma wannan layin jinin dayayita d'iga har zuwa k'ofar d'akinka yake tun daga mota, gashi ana iya hangowa daga motar daka hau jiya aciki akwai jini a sit d'in baya dukda bame yawa bane ba, meke faruwa?" Har wannan lokacin be motsa ba ya daddage ya kafeshi da ido bayako k'iftawa, Muhseen ne ya rik'o hannunsa suka kalli juna yamai magana irinta kurame ma'ana sighn Language yace dashi

"Bro mana meke faruwa? karka bari wani mugun abu ya faru dakai a wannan safiyar, bannason kafiyar nan kakuma sani please talk" Nan d'inma kallon Muhseen kawai yake seda ya gama k'arewa Muhseen kallo sannan yayi amfani da sighn language(Yaren kurame) yace dashi

"Duk Munafukai ne fa! bakaga suna kallona ba, sunsai komai kome zanyi konace bazan wanke kaina ba sun gama shirya komai tsaf so i will not say a word" Dafe kai Muhseen yayi, Me martaba yace da Muhseen

"Ni banna gane wannan yaren na kurame kai Muhseen meyace maka? Wasu yawun takaici ya had'iya sannan yace

"Ni d'inma be bani amsa ba" Gyaran tsayuwa Me martaba yayi sannan yace

"Idon Masarauta sun tabbatar mana da cewar da mace ya shigo rai a hannun Allah tana d'akin sa, mukasan wacece? yau bazan lamuntaba wlh, muje d'akin nasa" Matse hannunsa Muhseen yayi amma seya warce hannun ransa a tsananin b'ace ya juya zuwa d'akin duk suka rufa masa baya ciki kuwa hadda sarki....... Tun a parlor k'asa ya tarar ma'aikata sunyi cirko cirko suna tsegumin jiya ya shigo da mace a hannu kuma maybe rauni taji jini duk a k'asan tile basuma goge wurinba tsabar sonjin mezaije yazo, ganin me martaba ya tilasta musu zubewa a k'asa dukkansu suna kwasar gaisuwa shikuwa cikeda sassarfa ya haura saman inda duk jama'ar suka rufa masa baya. Be b'ata lokaci ba wuri bud'e k'ofar d'akin dayake mallakin sa, duk kuwa suka rutsa aciki ciki kuwa hadda Muhseen dake fatan abunda suke son gani karsu gani d'in sedai kuma turus suka tsaya kallon 'Yarsha dake zube akan gadon zaninta a yafe kawai rigarta ata gaba a yage sumar kanta a hautsine sannan yanayin fuskarta kad'ai ya isa bayyanar maka cewar bata cikin hayyacinta, Me martaba cikin k'araji yace

"Hamood!!! meka aikatawa 'yar mutane wai? wacece wannan kwance a haka, Hammod neman matan naka haryakai kawa 'yar mutane fyad'e ka kawota cikin fada!" Babu alamun tsoro ko fargaba a tattare da Hammod girarsa ta sama ta had'e tas data k'asa fuskarsa babu annuri, beko motsaba amma ya tabbatar wannan shirine, baze tab'a iya kare kansa ba anyi amfani da tsananin tausayin dayake dashi akan al'umma an had'a kai da yarinyar dabe saniba an cutar dashi, anyi destroying rayuwar sa acikin sa'o'i dabasufi 12 biyu, da wanne bakin ze kare kansa koda yanadashi tunda wanda suka aikata masa sun shirya abunsu tunkafin yasani, ya afka acikin muguwar ramin su, ya tsunduma sosai acikin bak'in kogin da aka k'irk'ira domin sa kawai!! Muryar yarinyar ne ya dawo dashi daga duniyar tunanin dayaje na wuccin gadi!

"Karka k'onamun k'afata, ban maka komai ba, kayi hak'uri, dan Allah kaikuma karka mun fyad'e, karka zo kusa dani, ku rabu dani karku ketamun haddi na, niba 'yar iska bace dan Allah kayi hak'uri" Wani uban ihu ta saka sekuma ta farka a zabure, ganin mutane a kanta kuma duk maza ya sanya tayi azamar soma rufe k'irjinta dake a bayyane, sannan ta soma gyaran zaninta tana kuka sosai! kalaman datake furtawa sune suka tabbatar da zargin dake zuciyar Hammood akan cewar had'a baki akayi da ita ake shirin cutar dashi, sannan tsawon dare yana tare da ita amma bata farkaba seda suka shigo wannan duk shiri ne. Salati wurin ya d'auka Manyan Fada suka dinga tsinewa Hamood, seda surutu ya lafa sannan Me martaba ya taka har wurin da yarinyar take yace yana kallon ta

"Ki kwantar da hankalinki yarinya, nan wurin kina wurin dazamu k'watar miki hakk'inki da tsare mutuncinki, kina hannun iyayen wanda basuda iyaye" Cikin kuka tace

"Hijabina zaku bani intafi dan Allah" Idan D'an Galadima ne ya sauka a kan tafukan k'afanta yahau salati

"Me martaba kalli k'afafun yarinyar nan, wai anya akwai imani akan Mood kuwa, haba mana se maganar karya k'ona mata k'afa takeyi" Ita dai se kuka take su kuwa mutane se lek'en tafukan k'afarta suke suna k'arawa da salati, sallamar kowa me Martaba yayi ya tura akan akira masa Jakadiya, yarage a d'akin iya shine dakuma Hammod se kuwa 'Yar Shara, kallon sosai Me martaba yayi masa sannan yace

"Ka sauk'ak'a abubuwa sosai agareni Hammood, nagode daka bari mukazo wannan lokacin acikin sauk'i kajiko" Har lokacin kallon sa yake bayako k'iftawa idan nan ya kad'a yayi jajir jijiyoyin dasuke a murd'e se walk'iya suke gaba d'aya sun k'ara fitowa sunyi rud'u rud'u, zuwa wannan lokacin zuciyarsa tafarfasa takeyi k'irjinsa se ciccira yake alamun abubuwan na shirin taso masa, suna haka Jakadiya ta iso, janye fuska me martaba yayi daga ta Hamood koda wane lokaci karonsu baya kwashewa lafiya besan dalili ba shikam

"Jakadiya a suturta yarinyar nan fyad'e aka mata, a duba idan akwai rauni a jikinta, a k'asan k'afarta duka biyu akwai rauni me alamun k'una ce, zan tura akawo likita kokuma akaiku asibiti, na baki izinin ajiye duk abinda kike ki kula da ita sosai dan kuwa Matar da Hammood ze aura ce, daga yanzu zuwa lokacin dazata samu sauk'i" Zubewa k'asa tayi tana me.jadda da masa bin umarnin sa shikuwa Hammod siririya dariya yayi yanzukam wacce harta bayyanar da sautin muryarsa da babu wanda ya tab'ajinsa a duk fad'in duniya! shi kanshi bazece ga amon sautin dariyar saba sabida bayi yake ba, Aransa yace here we are @ last! Dama nasan da manufa akayi dukkan wannan shirin, girar sa d'aya kawai ya d'age har lokacin murmushi bebar fuskar saba, Me martaba yace yana kallon Jakadiya

"D'akin dake kusa da nasa zaki gyara mata, ai b'arnar sace, idan mun gama gyarata sesu tare" Har lokacin bece komai ba se murmushi haka me martab'a ya fice yabarshi a tsaye, Jakadiya ta hau gyaran 'Yar shara da har lokacin kuka takeyi, tanayi tana mata sannu sabida yanayin tausayin datake bata a ranta tanata tsinewa Hammood akan b'akar halayyarsa mara kyau.....Yajima sosai tsaye yana k'arewa 'yar shara kallo, tunda yake tsanar mutane be tab'a tsanar wata halitta sama da wannan halittar daya zata abar tausayi bace ada, dajin sautin kukan nan nata gwanda jiyo sautin kukan mutuwar sa, ya tsani munafuki, bayason munafuki konan dacen, meya mata wacece ita? zata d'and'ani kud'arta a hannunsa tabbas! Muhseen ne yazo yaja hannunsa suka bar d'akin kai tsaye ma gidan yajashi suka bari sukaje gidansu muhseen d'in, atake ya rubuce masa tun farkon ganinsa da ita dakuma abinda ayake zargi zuwa yanzu, nisawa Muhseen yayi sannan ya fara magana a hankali

"Ban saniba ko abinda kake tunani hakanne amma banaso ka yankewa yarinyar hukuncin abinda bashikenan ba, wannan zargi kawai kake amma bamuda tabbacin cewar had'in baki ne, abu d'aya na sani, acikin biyu kodai hakan take had'in bakine kamar yanda kace kokuma inaga an sarane akan gab'a" Cikin fusata ya soma magana irin ta kurame ransa a b'ace

"Muhseen niba yaro bane ba, nasan sarai me suke nufi dani, tayaya wannan yarinyar duk inda nabi acen itama takebi? mesa ze zamana seni kad'ai, sunyi amfani da halina da suka sani na tausayi suka cutar dani, kaima kayi tunani mana ina iyayen yarinyar? daga faruwar abu se zancen aure? kaji sun tambayeta danginta ne? kokuma kaji sun tambayeta wani abu daya faru a tsakanina da ita, they used me suka kuma cutar dani, gayamun