You Cannot Download this book untill you login but you can read it .

---

Login Register

yace

"Ke waya gaya miki aure abun wasa ne? Kokuma mu sa'anninki ne dazaki gindaya mana wannan sharad'in e ? Turo baki taki tanajin azuciyarta iya abinda take so kenan, sannan tace

"Nidai abarni da zab'i na kawai, Uncle mutumin nan yanda yakecin zalina, ya tugemun gashin kaina, ya dinga marina kuma ba sona yake bafa, daga kawai na tausaya masa na rabashi da abinda bayaso, ni idan yanaso in tattare komai in bashi ya bani takardana, in bayaso kuma kowa ya rik'e abinda yakeda iko dashi" Sosai data yake kallonta ee lallai batada kunya yarinyar nan, shi zata gayawa magana, kallon Laure yayi yace

"Laurah jeki kawomun biro da takarda" Jiki a mace ta mik'e taje ta kawo karb'a yayi ya baiwa Mood yace yana kallon sa

"Kasan dai akan mace bazamu sadaukar da rayukan dukka wad'an nan mutanen bako, dan haka kq rubuta mata saki ukun datake buk'ata yanzu yanzu" Sororo yayi yana kallon Data shi kuwa ya d'auke kansa daga dubansa cikin basarwa yana furta

"Kai muke jira"


*Nagode da addu'oinku, yara sun samu sauki Alhamdulillah, na lek'okuna daba samu sararin yi hakan, nasan idan muka shiga week days aka soma maganar aikin yarona daya zakuji ni shiru nagode da son so.*
Mom Nu'aiym.

*TSINTAR AYA*  FREE BOOK

    *BILLY GALADANCHI*

*SHAFI NA ASHIRIN DA BAKWAI*

27.
  Be rubuta komai ba se kallon Data da yake, wanda shi kuma ya gama karantawa matarsa abinda yakeso tace akan maganar, gyaran murya tayi sannan tace

"Wannan ciwone na 'ya mace babu wanda ze fahimceshi semu mata, tabbas Hafsat kinada kaifin basira kin cika 'yar halak me adalci kuma sannan ni kinyi matuk'ar burgeni da wannan sadaukarwar taki,zamu baku wurin kuyi shawara amma mintuna goma kacal, muje ciki Hafsat" Tana zumb'ura  baki ta mik'e duk suka bisu da kallo, Data yana murmushi yace yana kallon Mood

"Yaro ka d'akko ruwan dafa kanka, wannan yarinyar dakake gani rigimammiya ce, tanada wayo sosai amma tanada wawta, idan muka mata uzuri muka duba maganarta tana kokari ne kawai ta zama me kirkin gaske, sedai kanta zata cutar keda bakida wani dangi tsayayye idan ka sake ta gidanwa zataje? Koda yake anyi adopting nata agidanku zata yita zama anan ko bayan kun rabu, yanzu kai me zakace game da wannan" Kallon Data yake sosai yana wani tunani kafin daga bisani yace

"Ni bawai son yarinyar nake ba, kawai dai ni son rabuwa da itane banayi, sabida wasu dalilai kaga ai kaima shaidane ta taimakemu da iyakacin k'arfinta, sannan batada wani jigo kuma batada gata semu se Allah" Gajeran murmushi Data yayi tunawa da yanda yayi akan soyayyar dayakewa Laure daya kasa ganewa seda ta kusa kashesa, bazece da Mood komai ba, ze barshi dan kanshi ya gane da kanshi

"Yanzu kaga bamuda lokaci, yaya zamuyi da ita? Kawar dakai Mood yayi gefe guda sannan yace

"Barni da ita, k'aryar rashin kunya takeyi, ni zata gayawa saki? Bari su dawo" Da ido kawai Data ya bishi ya barsa da dabarar sa yaga iya gudun ruwan sa a wannan lokacin, shin mezeyi? Haka sukayi shiru har zuwa lokacinda suka dawo palon se kumbura suke, yana ganinsu ya soma b'ata fuska tamkar akwai abinda yake damun sa lokaci d'aya yakai hannun sa saman kafad'arsa inda aka harbesa ya soma furta wai! Da azama ta k'araso cikin parlor sosai ta durk'usa kusa dashi hartana d'aura hannun ta akan kafad'ar sa

"Yaa Mood meya same ka? Kanne ido d'aya yayi yace

"Kawai senaji wannan raunin yanamun zafi har cikin zuciya ta, inaga mutuwa zanyi kidacen likita ya sanar dani da k'yar inzan rayu, idan na mutu ki yafemun duk abinda na miki kinji" kallon Data tayi cikin rud'u

"D'an sanda mukaishi asibiti mana" Sunan data kira Data dashi ga kuma k'aryar da hammood ya karkace kai yana laftawa yasanya Data jin wata uwar dariya tana shirin tasimai da k'yar ya danne yace

"Hammood tun d'azu naso kaje ka kwanta ka huta amma kak'i, ba yanda banso karkayi wasa da lafiyar kaba kabi ka dage" Yamutsa fuska ya kumayi

"Ba haka bane ba, inajin tsoron na mutu ne da hakk'in Hafsa akaina, likita ya gayamun harsashin nan har kusan zuciyata ya lek'a, hafsa ga wasiyya ko bayan raina ki daure ki gabatar da shaidun nan dankuwa an gayamun cewar tabbas niba me tsawon rai bane, kodan ki karewa yaron cikin dake jikin khairii martabar sa da sarautar sa tunda yar uwar kice" Hawaye ta farayi

"Likitan nan k'arya yake maka bazaka mutuba  tukunna mawai shine yake da rai a hannun sa? Wannan ma ai mugunta ne, ka kwantar da hankalin ka inshaa Allah bazaka mutu ba" Dafe wurin yayi yakai kwance

"Koda ban mutu akan harsashiba su Baba Usman bazasu barni in rayuba nida me martaba tunda yake banida shaidun dazan karyasu, da wannan bak'in cikin gwanda na mutu na huta" Kukanta ta k'arawa sauti, komai yna wurin masscom, ka kwanta ka huta anan, da sassafe zankai yaa d'an sanda gun Masscom ya bashi komai" Hannunta ya rik'o

"Nidai koda na mutu ki taimakeni, ki ceci yaro ko yarinyar da za'a haifamun kuma kimun takaba, idan bazaki iya yimun talaba ba kuma kawai kawo biro da paper" ya soma laluben k'asa, hannunsa ta rik'e

"Kaida kake fama, tukunna bari ka warke mayi wannan maganar" Lafewa yayi hadda rufe ido irin na karyar nan,Data ya kalli Laure ya kashe mata ido d'aya sannan yace bayan yayi gyaran murya

"Abinda nake gani d'ayan part d'incen zan kaiku, babu security ace ku fita waje kunsan ana farautar rayukan ku, ke Hafsa seki tayashi kwana tunda kinga bazamu bar mara lafiya shishi kad'ai ba ko kuwa? Sororo ta sake baki tana kallon sa

"Intayashi kwana kuma, sekace jinjiri kaidai ka tayashi kwana  nizan kwana tare da anty Laurah"

"Nida matata tunda mukayi aure bamu tab'a raba wurin kwanciya ba, akan me zakizo yanzu ki nemi rabamu, ina wannan mijin kine, kinga nifa banason zak'ewa idan be miki ba ki barshi kawai" Mood ne yace

"Ka k'yaleta ta kwana anan, nida zan mutu koda mutuwa nayi nasan banida wani gata a duniya, an barni na mutu ni kad'ai" kallon Mood hafsa tae bafa haka bane ba" Yana kanne dariyar sa yace

"Ka tayani in tashi inje masaukin"  Data ma d'agashi yayi ya mik'e da k'yar sannan ta tayashi suka wuce har d'ayan part tana jera masa sannu, a darare ta xauna asaman gadon bayan an kwantar dashi, yana yamutsa fuska yace

"Kinga xafi nakeji, tayani cire rigarnan zakiyi, ni bazan iya d'aga hannuna ba" kallon sa tayi wane zatayi kuka ta langwab'ar da kanta sannan tace

"Yaa Mood dan Allah ka xauna dashi, kaga AC dukda yanzu aka bud'eta amma tana sanyi sosai, nanda anjima kad'an zaka soma jin sanyi ma"  Yana meci gaba da yamutsa fuskar sa yace

"Idan tana goga wannan mikin nawa zafi nakeji sosai dukda a rufe yake" Rasa ma me zatace dashi tayi dole badan taso ba ta matsa kusa dashi tayashi mik'ewa zaune tayi sannan tana langwab'e kai tace

"Toka d'aga hannun ka mana" Cije leb'ensa d'aya yayi kafin yace

"Bazan iya d'aga hannuna konan dacen ba, ki taimakamun" kamar yanda akewa majinyaci haka ta cire masa rigar jikinsa, lokaci d'aya faffad'an k'irjin sa ya bayyana, wanda yakeda yalwar kwantacciyar gargasa ko ina ajikinsa, yayiwa fatar sa me haske kyau ainun, kallo d'aya tayi masa ta kawar da kanta aranta tace dama maza suna k'aton nonuwa haka sekace mace, tab'e baki tayi kafin a sarari tace ko meye ruwana oho!! Kallonta yayi

"Meyene? Juyar da kanta tae

"Ba komai, zanje wancen d'akin inkana buk'atar wani abu ka k'wallamun kira, tunda ba waya a hannun na" Kallon ta yayi yana wara ido

"Nan nefa tushen gidan madubi  bakida labari? Kallon sa tayi kamar zatayi magana sekuma ta mik'e

"Kai kasan meye wannan" Tana juyawa hartakai k'ofa ya k'walla k'ara, da sauri ta dawo

"Menene kuma?  Dafe wurin yayi

"Kwnaciya nazoyi na kasa, hannun nan tamkar an watsomin barkono" Da sauri ta dawo kusa dashi

"Sannu, bara na kwantar dakai" Tayashi kwanciyar tayi sannan seta zauna kusa da dashi

"Menene agidan madubi? Kallonta yayi sannan yace

"In baki labari? Nima uncle Jay ne yaje har U.S ya sameni yake bani labari a wancen lokaci, yace abokin sa ne sosai shi wannan kuma yana daga cikin mutane mafi alkhairi daya sani, amma labarin zuri'arsa tamkar a littafi kokuma a film............(Meson jin labarin da Mood ya baiwa Hafsah akan Gidan madubi ya bemi wannan number domin mallakar littafin Gidan madubi, donjina shin menene acikin wannan gidan?07084161619.*)  Gabaki d'aya koda ya gama bata labarin tana jikin sa a mak'ale, banda gumi babu abinda take tana zare ido, kallon ta yayi yana me rik'o hannunta guda

"Ya naga duk kin firgita, ehm Hafsah? K'ara manne masa tayi

"Cewa fa kayi da gaske kake bawai labarin k'arya bane ba, kuma kace har a cikin gidan nan seda akazo da abin tsafin" Murmushi yayi

"Yanzu dai kiyi bacci  duka wasa ne" K'ank'ame shi tayi

"Me k'arya dai d'an wuta ne" Yana murmushi ya lumshe idansa batare da yayi magana ba, a yanda suke a gincire haka bacci ya d'auke dukkansu basu suka farka ba se bayan takwas na safiya ya gota inda shi d'inma Hammood ne ya farka jin k'arar wayar sa, yanayin yanda haske ya ratso kawai ya kalla ya tabbatar yau sun sab'awa Allah akan rashin yin sallah cikin lokaci, Data ne yake kiransa, be tsaya amsa kiran ba kawai mik'ewa yayi da zummar zuwa toilet sedai me gaba d'aya jikin sa inda Hafsat ta rab'esa jini ne, cikin tsoro yaja da baya yana k'are mata kallo ita har lokacin bacci take abinta, rabin k'asan jikinta hakane, gajeran tsaki yaja sannan ya bubbugi kafad'arta ta farka a d'an razane, hannayensa duka biyu akan kunkurun sa yace

"Meke damunki haka? Wannan jinin fa? Da sauri ta sauke idanta akan jikinsa sannan ta saukesu a saman shinfid'ar da jikinta, a sarari ta furta

"Innalillahi wa inna ilaihiraji'un! Gaba d'aya wata iriyar hatsabibiyar kunyace ta kama ta, batayi tsammanin hakan a daren yauba, se nanda kwana biyu meya kawo haka? Haka take fama da uban rushing indai tana period tamkar an yanka k'aramar dabba, kuma baze tashi zuwar mata ba se cikin dare sedai ta farka ta ganta a jik'e, kanta a k'asa tace

"Kayi hak'uri, ni bansan zezo yau ba, kuma banji alamun sa ba, bankuma san yanda akayi ya tab'a jikin kaba" cikin fad'a yace

"Wannan wane irin sakarci ne? Tayaya ma zakiyi sakacin da ranar dakike al'ada ze sub'uce miki, yanzu niba gidanaba banida kaya anan, ban yarda da kowa ba ya kikeso nayi" Batace masa komai ba, batama san me zatace masa ba tukunna, tsaki yaja sannan ya zari wayar sa ya kira d'an me ruwa, gaya masa abinda yake buk'ata yayi sannan ya kashe ya tura masa sakon address. Kiran wayarsa ya sauya akalar sa zuwa ga Data anan yake neman taimakon kayan sakawa dakuma aturo masa Laurah.

    Bayan sunyi knocking yaje ya bud'e musu k'ofar ya tsaya yana kallon su, cikin takaici yace

"Waccen abar har yau bata wayau, ki dubata please tayimun shirme a banza" kallon sa Data yayi bayan ya janye jikinsa Laura ta shiga yace

"Meke faruwa kuma? Yamutsa fuska yayi

"Sha'anine irin na mata, ka sauyamun d'aki please zanyi wanka" Janyo hannun sa yayi suka bar wurin sannan yace

"Yallab'ai likitan ka ya tabbatar mun raunin jikinka yana damunka, ance baze warke ba inhar muddin bakashan magungunan ka, mesa bakayin ta lafiyar kane wai, sannan wannan yarinyar a hankali zakake mata, daga kallon yanayinka na tabbatar fad'a ka mata, kakeyin komai a hankali a kanta, sadaukar war datakeso tayi tabbas idan tayishi tayi abinda ake cewa halacci sedai kawai muce aure ba wasan yara bane ba, dan haka zamuyi wasa da hankalin ta acikin ruwan sanyi" Jinjina kansa yayi sannan yace

"Uncle waikasan wawiyar gaskece yarinyar nan, ita khairiyyan datake mawa batada wacce ta tsana sama da ita" Murmushi Data yayi "Ba wawanci bane ba kawai irin nata tunanin  ne haka, bakaga yanxu tayi hikima wurin nemo suwaye mugwayen dake binku da sharri, amma ta sanya wawtar daya fallasa ta, ai tanada wayau ne amma batada dabara abinda yake cutar da ita kenan" Sanda suka isa d'aya d'akin ya mik'a masa biro da takarda

"Ka rubuta mata sakinta anan, zata bamu abinda muke buk'ata, tayiwa kanta" kallon tuhuma yayiwa Data kafin yace

"Uncle are you sure?  Zama yayi akan gadon

"Sure mana ba abinda take buk'ata ba kenan? Nisawa Hammood yayi sannan ya zauna ya karb'i biro da takardan ya zauna ya soma rubutawa...

*****************
    Hannu ya sanya ya share zufar data tsatsafo masa sannan yace "Menene amfanin wannan aikin dana sakakaku, ina amfanin kud'ad'en dana baku idan har bazakuyi amfani dashiba yanda ya dace, kun d'auki hayar makasa wanda bazasu iyaba basu k'ware ba, asirin mu yana nema ya tonu, k'aramar yarinya ace itama kasheta ya gagareku, gaba d'aya a binciki wa dawa take huld'ar sirri dasu a kashesu ma abun ya gagara,sannan ku zauna anan kuna gayamun maganar banza da cewar wai in kwantar da hankalina, inama naga hankalin bare na kwantar dashi, wlh kunji na rantse na baku awa ashirin da hud'u ku nemo mun prince da matarsa wannan hafsatun ku kashesu, banaso su wuce wannan lokacin a duniya, sarautar wannan garin ko anaso ko ba'aso tawace, wannan daula ce data kafa tarihin ruwan daham, ruwan d'anyen gwal daulace me arziki da tun kahuwar tarihin k'asar hausa ba'ayi daula me arzikin taba, yaya zan rayu jinina yana yawo dana wannan daular in mutu ban mulke taba, ko Masarautar Daular Dahamiyya wacce tafi dukkan masarautun dasuka gabaci wadannan arziki bazata kara da wannan ba ko'a duniyar da, dukda yake sunci kakan kakanmu da yak'i, wlh summa tallahi billahi bazan saurara ba senaga bayan wad'an nan abokan hamayyar nawa kamar yanda Marwan na masarautar Daular dahamiyya yaga bayan nasa abokan hamayyar kamar yanda yazo a tarihi!!!( Meson jin labarin Daulatul Dahamiyya, ya neki littafina na gaba inshaa Allah domin jin wannan labarin me cikeda abubuwan ban mamaki tsoro da kuma al'ajabi, bazan sauke saba seya zama complete yanda zakufijin dadin siyensa, don haka a shirya a bude bakin aljihu a kwashi garab'asa.).

"Ranka ya dad'e Allah yaja zamanin ka, wannan sarautar takace, kai d'an na gada ne ba taka haye ba, nasara a hannun ka take ka kwantar da hankalin ka, yau bazan rufe idonaba, ruhina bazeje rangaji ba harsena tabbatar Yarima Hammood da wannan tsintacciyar magen basa numfashi, zan kashesu zan lalata gawarsu yanda bazasu samu damar a gane suba, zan tabbatar inshaa Allahu jama'ar musulmi bazasu sallace su ba, sena tabbatar ayau basu runtsa ba, majita me tushe ta tabbatar mana agidan detective Sufyan suka kwana na intelligence agency, idan tak'ama yake yana aiki da kwamputa zan nuna masa yanda ake aiki da k'walwa, yana cikin gidan sa zan had'a harshi tunda ya nemi shiga hakk'in mu" Mik'ewa yae

"Kowa yana murna na zuwansa duniya a zamanin wayewa, nayi matuk'ar bak'in cikin daban ziyarci daulata a duniyar data gabaci wannan ba, na tabbatar da hakan ta kasance bazan tab'a shan wahala akan neman mulki ba"

"Hakane sarkin sarakuna, ko yanzu kaine da sarautar bazamu sauraraba semunga bayan wannan azzalumin gawa k'ink'i ramun, dama ya gama komad'ewa" Shidai a fusace yabar wurin su kuwa suka zauna meeting na musamman akan yanda zasuyi dasu hafsah.

**************
      Sanda suka shigo itada Laurah gaba d'aya hankalin Hammood ya karkata ne akan Hafsat, zuba mata ido yayi bayako k'iftawa har sanda suka zauna, dafe kansa yayi sannan ya sake ya d'ago ya kalli Laura adaidai sanda suka zauna yace

"Anty Laurah kindaiga abinda Hafsa tamun ko, ta tilastani na rabu da ita akan abinda ni bawai ya shafeni bane, ga Uncle ya kafe akan dole haka zanyi, hankalina ya tashi sosai, ba yanda na iya amma inaso na ceci al'umma ta da mahaifina, dole na mata yanda takeso ga takardar nan hannun Uncle sufyan Allah ya kyauta" Kallon sa tayi dukda tasan basonta yake ba amma ta tausaya masa yanda yayi maganar

"Hak'uri zakayi Hakan shine tsarin Allah" Gyaran murya Data yayi ya warware takardar dake hannun sa sannan ya soma karatun takardar kamar haka

-Assalamu Alaikum-

-Ni Hammood na saki matata Hafsa saki uku bisaga wani babban dalilin damuka barwa kanmu sani, idan ta gama idda inta samu miji tayi aure.- ya k'arashe yana nannad'e takardar ya kalli Hafsa yace

"To kindai ji kamar yanda kika buk'ata an sakeki d'in, seki bamu abinda muke buk'ata" Tunda dama ya soma karanta wannan takardar take kallon Hammood as easy as that ya saketa, shi bayako tausayin rayuwar ta, koda ita ta nema aida seyayi koda d'ayane ko biyu haka zatafi ganin ya kwatanta mata adalci amma har uku, hawayen datake k'ok'arin tarewa ne ya silalo mata tana sharewa tace

"Sunan sa Ayatullahi amma mutane suna kiransa da suna Masscom 2, akwai Masscom 1 amma dashi nayi basaja, naje wurin Ayatullahi yakemun aiki sabida ogansa ne, duka lambobin wayar shi Ayatullahi suna kaina, a hannun sa akwai dik wani record na meeting da ake gudanarwa na idan fada me taken aci duhu, bansan fuskokin suba amma tabbas muryoyin su sunyi nuni da fuskokin su wannan shine kuskurensu na farko, aciki akwai kawunka Uncle Jay wanda yana daga cikin planners dasuke tsara yanda za'a kasheka akowace safiya, nasha bashi k'afa ma, hatta me keke napep daya d'aukeni a ranar da aka saceni Uncle Jay ne yayi hayar sa, kuma akwai muryar sa acikin bayanai na na sirri masu yawa, abinda ya faru harya fallasa shine...A ranar danaje hotel bani kad'ai nake ba, kafin na shiga keke napep spyies dina sun d'auki plate number sa, kafin nayi komai ina zama ajikin keke napep ba d'ana tracker sabida ban yarda da kowa ba wacce Ayatullahi yake bibiyarta koda bakaje shi dama zeje lokation harma yaje ya gama tsara yanda ze fito dani seka rigashi, ina zama sanda wani ya rufamun k'yalle na gama afka masa tracker a zoben hannunsa sanda nake k'ok'arin kare kaina daga gareshi na rike hannun sa, UncleJay yana yawan murd'eni baibai, bansan dalilin sa na aikata abubuwa da yawa ba, acikin fada zan iya yarda kowa ze cutar da Mood amma Jay, amma me bansan mesa duk inda zan buga seya bayyana ba. A hannun Ayatullahi akwai recording na umarnin da aka bayar akasheku, wanda Uncle Jay ne ya baiwa makasan wannan umarnin cewar suyi harbi! Kullum tunani na shin wanene Incle Jay wai? Menene ainahin zuwansa duniyar ka? Anya antab'a masoyi kuma b'oyayyen mak'iyi? Ina zanbi na harbo bakin zaren? Bazan iya ci gaba da magana ba amma ku nemi Ayatullahi kubi komai a sannu, ku saurari komai, komai yanzu na kirawo shi nan yazo da komai" Nisawa Mood yayi zufa tana tsatsafo masa tin yaushe ake gargad'in sa akan Jay! Tun yaushe Muhseen yake yawan son ankarar dashi akan Jay! Menene wannan yarinyar take magana akan sa akan Jay? Yaya ze rayu idan wannan tambarin ya daki k'irji ya tabbatar cewar Jay ne matsalar sa!!!!

"Ki gayyato mana Ayatullahi anan, bazamu iya fita waje ba a wannan yanayin ko medications na prince daga waje aka siyo za'a kawo mun, nan shine tsaronmu ko ina camera ne, suspicious person ma yana tinkarar bangon gidan nan zanji alert na tinkarowar sa ta hanyar waya ko agogon hannuna koma duka gidan xe d'auki sauti me ratsi. Runtse ido Hammood yayi sannan yace yana kallon Hafsa

"Banaji Jay zemun haka Hafsa mecece hujjarki ta kafewa akan hakan? Murmushin takaici tayi

"Ka rigada ka sayi duk wani information dake bakina ta hanyar manna mun saki har uku sabida haka anan ko Bahar ce batada gaskia zan tona ta bare duk wanda yayi saura, ku bani waya zan kira masscom" kallon ta yake ya gaza gane inda akalar zancen ta yake dosa, komenene dalilin dayasa gaba d'aya wannan take a baud'e? Bece mata komai ba ya zaro wayar sa alamun number yake jira, kai tsaye ta zube masa lambar ya kira ya mik'a mata anan tace da Masscome

"Bansan yanda za'ayi dattijan taka ya bayyana a jikinka ba, ban saniba ko zaka iya zuwarmun a siffa irinta dattijo me neman gadi a layin gada biyu ba, layin dake bayan shiyar fada a zaurawa road gida me bugun lamba sha bakwai harafin dake bin bayan A a rubutu acikin sa'a d'aya ko k'asa ga hakan ba" Wata magana akayi a d'ayan b'angaren daya sakata yin murmushi tace

"Kaine kakeda basirar baniba Ayatullahi, idanda baka fahimta gaba d'aya da banga amfanin sauyawa rawar kid'aba" Godiya tayi kafin ta ajiye wayar inda Data ya kafeta da ido yana mamakin irin baiwar dake kanta, komai itace take tsarashi gaskia tana k'ok'ari sosai.


Mom Nu'aiym.


*TSINTAR AYA*  FREE BOOK

    *BILLY GALADANCHI*

*Sak'on gaisuwa zuwa gareku mutanen Daraja kuma nagartattu, Lallai na aminta ita darajar gaskia ta Allah ce, Allah ya saka muku da alkhairi masu alk'alamin daraja, Nu'aiym yana matuk'ar godiya da addu'o'inku da kulawarku da kuma jajircewa, bazamu manta dakuba Sister Batul Mamman, Ant Mejidda musa, antyna Zuwaira maman ja'afar, Ayusher muh'd, Maman khady da sauran wanda ban ambata ba, Allah ya karrama darajar ku ya d'aukaka darajar alk'alumanku, ya saka da alkhairi.*

*Sak'on gaisuwa na musamman zuwaga d'aukacin mutanen duniyar kafar sadarwa ta whatsapp, ubangiji yanda kuka hana wayata sakat da kira domin jin labarin lafiyar Nu'aiym ya hanaku bak'in ciki duniyar sa da lahirar sa,Allah ya saka da alkhairi yabar zumunci, tabbas kun nunamun halacci kun tabbatar mun da cewar ina zagaye ne cikin nagartattun mutane, Allah ya biyaku da aljanna mad'aukakiya.*

*Anty Ramla @ mai dambu, inji Nu'aiym yace a gaisheki da k'ok'ari.*

*SHAFI NA ASHIRIN DA TAKWAS*

    28.

Yanayin shigar sa irinta mutanen Niger, yanayin sa gaba d'aya tamkar wani bak'in buzu, gaba d'aya kayan tarkacen sanduna ne ajikin sa, d'auke da kaya tare da matar sa d'aya wacce itama kallo d'aya zaka mata ka tabbatar cewar wannan wata yankice daga cikin bak'ak'en buzayen Niger,adaidai k'ofar gidan ya zauna saman wani banci inda matar sama ta zauna, Detective ne yazo yana fara'a ya tarbesa da cewar ya hanya, dama shi yake jira yau me gadinsa zebar gari yayi tafiya inda me gadin ya fito da kayansa shi kuwa har yana musu sallama iya securities kawai ya bari dama basa zama seda me gadi dayake buzu! Kai tsaye ciki Data ya shiga dashi har zuwa cikin parlor, daga waje kuwa yana d'aga murya akan cewa Maharazu me gadin sazeyi tafiya

"Kayi rana a wannan tafiyar, nizan nuna masa komai karka damu ka tafi abunka kawai,maharazu me gadi se godiya yake kafin yabar wurin.

  Gaba d'aya Hafsa bata cikin walwala amma hakan be hanata shek'ewa da dariya ba ganin Ayatullahi a yanayin sa, zama tayi kusa da Laura sannan tace

"Gaba d'aya Ayatullah duk yanda nake tunanin hikimar ka ka wuce nan, ko a ina ka samo wannan attire d'in acikin sa'a d'aya? Murmushi yayi

"Ranki ya dad'e ai irin wannan ai ajiye suke,dama kawai muke jira" Murmushi Detective yayi danya gane Ayatullahi mutumin amana kenan, yana aiki dashi sosai bedai furta bane ba

"Kana k'ok'ari sannunka da fama, akwai babban abinda yake gabana ayanzu bayan wannan, yanzu taimakon dazaka mana shine ka bamu dukkanin bayanan damuke buk'ata, menene labarin yallab'ai Jay bayan da suka kamani" Zaman sa ya gare sannan ya d'akko burgamen sa ya janyo Laptop yayi jone jonen sa kana ya zaro wani gajeran memo ya kalleta yace

"Zamu fara da b'angaren dakika bani aiki a kansa kafin faruwar komai sabisa kisan irin bayanin da zakiyi, magana ce akan Bilal, tunda wannan abun ya faru ban rage komai ba na dangane da bibiyar sa harna samo wasu daga cikin muhimman abubuwan danake buk'ata game dashi, da farko dai gobe zeje gidan Momynki acikin dare shida wasu 'yan fashi, ya sanar dasu mahaifin sa yanada garkuwa amma wacce mahaifin sa yasanya aka masa tafi ta mahaifin k'arfi, dan haka ze masa rauni tunda yafishi k'arfi abinda yace zasuyi acen shine. "Da farko yace idan sun shiga gidan Momy zasu tutsiye ta acikin matasan 'yan fashin nan dazasu ziyarci gidan ko wannen su seyayi amfani da ita susu bakwai ne, yace shima zeyi shine ma farko" Da sauri ta kallesa jikinta ya soma b'ari

"Meke kan Bilal ne wai, bashida hankali ne kokuma d'an iska ne? Tayaya zeyi wannan tunanin, to shikam akan Momyna k'addara irin wannan ta fara afkuwa ne dabaze k'yale taba? Yana cikin