You Cannot Download this book untill you login but you can read it .

---

Login Register

ya kasa nutsuwa dama ya Gama kallon hotuna duk sha'awar sa ta motsa gashi yaga abubuwa sun sake gigitashi da sauri ya Mike Yana nufar Meera hade da lashe baki yace,

"Kan uban Nan baby haka kike da Mai?"

Ya fada Yana lashe baki hade da tattare babbar rigar sa tamkar wani tsohon maye, ganin haka Meera ta Mike a tsorace tana binsa da kallo tace,

"Kai lpy kke kuwa?"

Alhji buba Yana washe baki yace,

"baby Ina lpy kuwa? Ai Wlh kin Gama gigitani bazan iya gabatar da Kaina ba batare Dana maida kwadayina ba billahillazi zakiyi mai"

ya fada Yana kokarin zare wandon sa,

"Innalillahi wa'inna ilaihin raji'un"

Meera ta furta da karfi Fadi take,

"Kai a gidan uban nawa zaka nemi lalata Dani?"

Alhji buba yace,

"ke yanzu ai kin zama matata tunda aurenmu ko sati bazaiyi ba za'a daura"


A guje Meera tayi bakin kofa zata fice cikin rashin sa'a kafarta tayi tuntube da kafar kujera sai Gata a kasa ta fadi, ganin haka murna ta Kama Alhaji buba ya samu damar kamo Meera da karfi, kokarin dage Mata rigarta yake meera tana kwacewa, sai turesa take Amma ta kasa sbd mugun nauyin sa be Kai ga fada Mata jiki ba Amma Yana dab da hakan sbd yaye Mata riga yakeson Yi, hankalin Meera ya tashi matuka sbd neman fin karfinta da yake, ihu ta fara tana fadin,

"Dan Allah ku taimaka min zai lalatani, Mommm..."

ta kwala Kira da karfi da sauri Alhji buba ya jawo gyalen daya Fadi na Meera ya daure Mata baki yace,

"dallah ni sharp-sharp Zan Dan zurzura Miki shikenan fa a wuce wajen"

takaici ne ya Kama Meera sai mutsu2 take ganin Yana kokarin cire wandon sa na ciki, Wasu irin zafafan hawaye ne suka sakko Mata tana rintse ido Babu Abinda take sai Addu'ar Allah ya kawo Mata agaji, Ji sukayi an bude kofa a razane Alhji buba ya maida wandon sa daya fara sakko dashi kasa,

"Innalillahi wa'inna ilaihin raji'un"

sukaji an furta Ana yowa Kan Alhji buba, wani irin kyakkyawan Mari aka kwashe Alhji buban dashi, Da sauri Meera ta kunce daurin dake bakinta murna fal ranta tace,

"Dad!"

Dad ya kalleta ya kalli Alhji buba ransa a bace yace,

"Ashe Kai baka da mutunci ban sani ba? Dama Kai bunsuru ne Banda lbri?"

Dad ya furta ransa a mugun bace, Alhji buba ya dauko babbar rigar sa a hammata Yana kallon Dad a kunyace yace,

"Dan Allah Alhji kayi hakuri sharrin shedan ne"

"Sharrin shedan din gidanku? Sbd Debewar Albarka a cikin gidana zakayi lalata? Wanne irin Zamani ne muke ciki a yanzu?"

Alhji buba ya zagaya ta Bayan kujera da sauri yace,

"ayi hakuri baza'a sake ba"

yyi mgnr Yana ficewa daga parlon d sauri,

"Mtwsss.."

Dad Yaja wani mugun tsaki yanajin ransa na Masa zafi, kallon Meera yyi bece komai ba shima ya fice a parlon, Dadi ne ya Kama Meera ta lumshe ido tana murmushi me ciwo, a hankali tace,

"Allah na gode maka daka kawo min taimako cikin gaggawa"

Gyalen dazu ta jawo ta daure kanta da sauri tabar parlon itama.


A parlo ta tarar da Dad Yana maidawa mom Abinda ya faru, Mom tana jinsa a ranta bataso Dad yaje wajen ba Ita da za'a lalata Meeran ma haka takeso, a fili kuwa tace,

"gsky mutumin Nan ya Bata wayon sa a fili kamar mutumin arziki Amma a boye baida Hali me kyau"

Dad yace,

"Zamani ne Allah ya kawo mu gaba1 komai ya lalace manya da Yara duk sun koma wasu saikace karnuka musamman da fyade ya zama tamkar ruwan dare"

mom ta danyi tsaki kasa2 ita duk ta gaji da zancen ma sbd hakarta Bata cimma ruwa ba Dan haka ta share shi kawai tana huci, Ganin haka shima dad ya kyaleta batare da yasan dalilin shirun nata ba.

Meera na zuwa daki ta fada wanka duk murna ta isheta tana Kuma kyautata zaton dad bazai taba yarda da Wannan mutumin ba saidai idan wani zasu Dada kawo Mata Kuma.


****
Su Anty Jamila Basu suka dawo gida ba sai wajen magrib duk a gajiye suka shigo parlon lkcn mom ce kadai a ciki tana kallo, Bayan sun zauna Anty shafa tace,

"mom ya mgnr Alhji buba fa?"

Ta fada tana dariya, Mom taja tsaki cikin takaici ta sanar musu Abinda ya faru, Anty Jamila tace,

"Kash Amma dad ya kwafsa Wlh gsky banso ta samu agaji ba"

mom tace,

"Kyaleni dasu saina Nemo Wanda yafi Alhji buba iskanci Kai sukayi Wasa saina sa a lalatata na gske"

Anty shafa tace,

"Nifa yau gaba1 mom na gaji abinka da bamu Saba ba duk wata wahala da kanmu muke"

Anty Jamila tace,

"kin manta me Mana wahalar tana gida? Naji ma fa Wai an fara Shiga lecture muna Nan muna shiririta bamu San wacce muke ciki ba"

Anty shafa tace,

"Abinda yafi mom a maida Meera sbd namu kr2n idan Bata tare damu Tabbas wahala zamu Sha sosai Kuma tafiya da Itan Yana Karo Mana class sbd nunata muke a Matsayin 'yar aiki"

mom ta kallesu da mmki tace,

"jiyan Nan fa kukace tana kashe muku kasuwa?"

Anty shafa tace,

"ai yanzu kawai raba hanya zamuyi driver zai dinga ajeta a bakin gate mu Kuma ya karasa damu cikin skul Kunga kenan bamu hada hanya ba kowa tafiyar sa daban sai idan muna bukatar Abu mu kirata shikenan"

Anty Jamila tayi saurin tsoma baki da fadin,

"Tabbas Wannan shawarar tayi Dan gsky yau daya Nima na gaji sabanin farko da komai muna zaune zamu sa tayi Mana kamar aike ko wani abun."

Mom ta sauke ajiyar zuciya ba haka taso ba Amma Dan farincikin yaran nata dole tabi shawarar su, Dan haka tace,

"Shikenan na amince"

Nan suka rungume ta suna murna.


A Daren ranar mom ta sake samun dad da mgnr Ameera, dad ya amince da wuri musamman datayi Masa zakin baki Dan cewa tayi Alhji tunda Alhji buba baida Hali a barta tayi karatun nata kafin Allah ya kawo Mata mutumin kirki sai ayi Mata warning kada ta sake kula samarin banza, Da wa'annan zantukan dad ya amince da zancen mom, Koda lbrn ya Isa gurin Meera kasa boye farincikin ta tayi sbd batayi tsammanin komawar ta da wuri haka ba, Lalle Allah baya bcci Ameera ta furta hakan a ranta tare dayiwa Allah godiya bisa ni'imar da yyi mata.



~~~~~~
Saratu na jera kula akan dining table Sageer ya fado parlon, lkcn Babu kowa Dan Hajia Aisha na sama, Dago kanta tayi tana washe baki tace,

"yaron Alhaji Ashe Kaine tafe toh sannu da zuwa"

Ta fada kamar bakinta zai yage,

"Mtwsss...."

Sageer yaja tsaki daidai lkcn Hajia Aisha ta sakko daga sama,

"Kai da waye Kuma Sageer?"

Sageer hannayen sa cikin Aljihu Rai bace yace,

"wacce tsohuwar Mana Mummy gaba1 Bata da zuciya tamkar Kare ya lashe"

Hajia Aisha tace,

"Kai Sageer ban hanaka irin Abubuwan Nan ba? Ina lefin Wanda ya damu dakai? Idan aka dauke mu iyayen ka da 'yan uwanka Banga me sonka kamar jininsa irin Saratu ba tun kana jaririnka take matukar kaunar ka ni na shaida hakan Kuma ba komai Yaja hakan ba nasan sbd mutunci da zaman tare ne haka zalika a wasu lokutan Ana samun haduwar jini kamar mahaifiyar kace ka girmamata Dan kaidin sa'an danta ne na fari"

"Kaiii...kaiii...Kai....haba..Haba...haba.. Mummy"

sageer ya furta hakan a jere Yana jijjiga hannayen sa irin kamar an isheka da mgnr Nan, yaci gaba da fadin,

"kullum...kullum mgn daya mummy at least Koda Zaki min fadan ki daina dangata ta a Matsayin Mahaifiya ta ki kalleta dakyau mummy 'yar aiki ce fa? Sbd Allah da matsayina da komai kina mannamin ita? Toh Koh gware mukai muka Fado duniya da danta karewar Rana daya aka haifemu so what? Sai akace ta haifeni? To be sincerely Mummy I hate irin maganganun nan da kike especially idan Kika manna min Wannan jemammiyar kika ce kamar mahaifiyata and......"

Karauuuuu.... yaji an dauke shi da wani irin gigitaccen Mari har wasu stars na yawo a fuskar sa, daidai lkcn Saratu ta saki plate din hannunta tana Kama kirji, Hajia Aisha ce me Wannan Marin Rai bace tace,

"Ashe baka da mutunci ban sani ba Sageer? Irin tarbiyar Dana baka kenan? Toh Wlh tun wuri ka sani bazan lamunci Wannan shedancin naka ba Sam, ni ban koya maka wulakanta Dan Adam ba, Dan haka kada na Kara Jin Kayi makamancin irin wa'inna munanan kalaman ga Saratu dama ko waye understand?"

Sageer daya dafe kumatu ya girgiza Kai bece komai ba, Mummy tace,

"Abeg get outttt..."

Ta fadi hakan cikin tsawa, Sageer ya maida hannun sa cikin Aljihun wandon sa Yana tafiya ransa a bace daidai zai fita ya bankowa Saratu Harara Yana Jan tsaki kasa2, Hajia Aisha Kam Kan kujera ta koma ta Kama kanta hade dayin shiru gaba1 Sageer Yana neman dagula Mata lissafi kullum Addu'arta Allah ya shiryar Mata shi.

A bangaren Saratu kuwa ji tayi kamar ruwa ya cinyeta lkcn da Sageer yake caccakar ta da mugayen kalamai, ji take kamar tace Sageer nice uwarka Amma ba halin hakan, sai dai kurum ta tsaya sauraron sa hankalin ta a mugun tashe ace Dan data Haifa shine yake nuna Mata tsana karara? Wanne wacce irin rayuwace? Har sai yaushe zata huce ta dangwali Arzikin da take buri tun shekaru talatin baya? Lkcn da Hajia Aisha ta dauke Sageer da Mari Saratu ji tayi kamar ita aka Mara har cikin zuciyarta taji Marin shiyasa yanzu haushin Hajia Aishan Ya mamaye Halin da Sageer din ya jefa ta dazu Dan jin son danta Sageer take har cikin ranta...

"kiyi hakuri kinji"

taji mgnr Hajia Aisha ta katse Mata tunanin ta, Dan kankaro murmushin dole saratun tayi tace,

"ba komai ai Hajia yaro ne wataran akace yyi bazaiyi ba"

Hajia Aisha tayi Mata alama da hannu tazo Saratu ta matsa ta zauna kasan carpet, Hajia Aisha tace,

"bansan meyasa Sageer yake Miki irin Abubuwan Nan ba dukda irin son da kike Masa shiyasa kullum bazan gaji da baki hakuri ba sbd kinsan ance uwa na son Wanda yakeson danta shiyasa har kunya nakeji bisa Kan Abinda yake Miki"

Saratu a ranta tace Dan ki ko nawa? Ai dole nayi gaggawar gyara komai Dan Dana ya fahimci nice mahaifiyar sa, a fili kuwa cewa take,

"ayya karkiji komai ni duk Abinda yaron Nan yake banajin komai sbd nasan yarinta ce watarana zai daina musamman da Allah ya kawo mu wani Zamani da Dole sai muna hakuri da wasu halin na yaran namu"

Hajia Aisha ta dubeta da tausayi irin Wannan hakurin na Saratu shike Kara Mata girmanta a idonta, a nutse tace,

"shiyasa nakeson nayi mgnin sa ai, yaron Nan Sam yaki tsaida Mata gashi kullum shekarun sa Kara gaba suke"

Dan washe baki Saratu tayi tace,

"kice Hajia zaku hadashi da 'yar manyan mutane kenan Dole kowa yasan da zaman ubanta sbd shigowa Wannan ahalin da zatayi"

Hajia Aisha ta danyi murmushi tace,

"meyasa sai 'yar manyan mutane?"

Saratu tana Sosa Kai tace,

"kinsan masu iya mgn kance kwarya tabi kwarya toh fa lalle Babu me karawa da Wannan gidan sai Wanda shima ya jika da abin tagomashi"

Hajia Aisha ta girgiza Kai tace,

"ba burina kenan ba, nafiso ya samu yarinya me nutsuwa sai a Aura Masa Koda basuda Hali idan sunada Hali na gari da mutunci ai shikenan"

Saratu ba haka taso ba Amma a fili tace,

"Kinyi gsky Kam"

Hajia Aisha taci gaba da mgn,

"shiyasa nakeson zumuncin mu dake yaci gaba zamu biyo Masa ta Bayan fage saidai yaji an daura aurensa da 'yar wajenki Sahabatu...."

"Kanwar tasa????"

Saratu ta furta a gigice Hankalin ta a matukar tashe, zuba Mata ido Hajia Aisha tayi batace komai ba, ganin haka yasa Saratu Tasha jinin jikinta Ashe fa subutar baki tayi? Da sauri ta wayance da fadin,

"Ina nufin ai kanwar tasa ai..da..toh..ai..anyi Mata Miji..ehh.."

ta karasa mgnr bakinta na rawa, Hajia Aisha ta girgiza Kai cikin fahimta tace,

"ai Dama Abinda nakeson karasawa kenan kika katse ni dama so nake naji ko ba'ayi Mata Miji ba sai a hadasu aure"

Tashin hankali Saratu ta fada a ranta, a fili ta washe bakin Dole Fadi take,

"ai Hajia tuni ma akai Mata Miji Wlh kuwa ehh ai yanzu haka zancen da nake Miki an kusa sa ranar Tata"

Saratu ta saki baki sai zuba take bakai ba gindi, Hajia Aisha tace,

"Toh Allah ya kaimu lkcn"

"Ameen Ameen"

Saratu ta furta tana goge zufar goshinta data feso Mata lkci guda sbd shiga rudani, Hajia Aisha tace,

"Toh ko a unguwar ku Koh Wanda Kika sansu na mutunci masu karamin karfi ki tayani nema Dan so nake na bashi mmki Dan tun wuri nake binsa ya fitar da Mata yaki shi Wai be girma ba shiyasa na yanke shawarar saidai yaga matar kawai"

ta karasa mgnr da murmushi, wani kululun takaicine ya makure a makoshin Saratu a ranta Fadi take kaji 'yar bakin ciki Dan nawa kikeso ki maida baya? Bayan Allah ya daga darajar sa? Billahillazi bazata Sabu ba haka kurum Zamani ya canja auren jari ake Yasin....,

"bakice komai ba"

Hajia Aisha ta katse Mata tunanin, Saratu na yaken Dole tace,

"gani nayi hajiya kar muyiwa yaron Nan Shigar sauri tana iya yiyuwa ko yanada matar Basu Gama daidaitawa bane bare ma da Matsayin ki Hajia 'yar da zata zama surukar ku ai sai 'yar babban mutum kamar ku."

Hajia Aisha ta maida bayanta jikin kujera tace,

"Zanyi tunani akai Amma fa auran 'yar me karamin Hali Babu fashi matukar be canja halinsa ba"

Saratu tace,

"sai hakuri, hakuri ake hajiya"

Ta furta tana kokarin tashi, Hajia Aisha tayi murmushi kawai tanajin zafin yadda Sageer yake neman maida Rayuwar sa. Anan dai Saratu tayi Mata sallama tabar parlon cike da bakin cikin Abinda Hajia Aisha ke Shirin Yi.



••••�?
Da sauri suka fito daga harabar hospital din cikin mota, Sadeeq Yana kallon Dr. Omar yace,

"kamar fa mun makara"

Dr. Omar Yaja tsaki yace,

"I don't know why sukace sai ni zanyi Bayan Nima akwai aiki a gabana"

Sadeeq yace,

"ai ba wani dadewa zamuyi ba just one hour kawai"

Dr. Omar ya duba agogon hannun sa 10am akwai littafin da yakeson dubawa sbd dab suke da zana final year exam dinsu ta barin makarantar, Amma tun jiya 'yan faculty dinsu suke son yyi musu tutorial, Bece komai ba Kawai ya maida kansa jikin window,

"karbi Wannan"

Sadeeq ya Miko Masa envelope Dr. Omar ya kalleshi Yaja tsaki sannan ya sake kauda kansa, Sadeeq ya danyi dariya yace,

"Kai nifa na gaji da ajiyar su Duk Zan tattaro maka na kawo maka message din da ake turo maka duk lkcn daka bushi iska dan niyyar kanka saika karanta, Dr. Omar ya Harare shi yace,

"Wannan Kuma matsalar ka ce"

Sadeeq Yana dukan steering cikin dariya yace,

"kodai taka matsalar ba? Nidai nawa ajiya toh takardun sun fara cikamin daki gara na tattaro maka saika karanta daga masoyan ka ne na sani."

Tabe baki Dr. Omar yyi daidai lkcn suka iso cikin makarantar. A gurguje suka wuce faculty dinsu lkcn har an taru a hall kuwa ba Bata lkci ya fara gudanar musu Abinda ya kaishi.


Tunda ta sako kafarta skul din ta hade fuska sosai Addu'a take a ranta Allah yyi Mata tsari ga duk wani me mugun nufi a kanta, haka kuwa ta samu damar yin signing dinta successfully, befi daya ya rage Mata ba Lkcn taje gun Wanda zaiyi ance baya Nan Amma bazai Dade ba zai dawo Dan haka take sauri yanzu ta koma karya tafi, so take gaba1 ta Gama ta huta especially da taji har an fara lecture su har yanzu suna shiririta.


Form din nata ta nema ta rasa Dan haka ta fara binciken files din, Bata tsaya gefe ta duba ba Kawai taci gaba da tafiya a hakan tana dubansa shiyasa Sam batasan meye a gabanta ba,

Garaaam....., Taji tayi Karo da mutum take files din hannun nata suka watse kasa, batare da Bata lokaci ba Kawai taji an dauketa da wani irin gigitaccen Mari, Haba Meera itama batayi wata-wata ba ta sharara mari ga Wanda ya maretan yanzu, Dan Wannan Alwashi ta daukarma kanta duk Wanda ya sake kawo Mata raini bazata barshi ba Dan a dalilin haka akaso Yi Mata auren dole gwara ta Tabbatar wa su Anty shafa sabgar samari basa gabanta, take aka Shiga kallon kallo Tsakanin *DR. OMAR SALEES da HAFSAT IBRAHIM (AMEERA).*
8/15/20, 8:01 PM - Ummi Tandama: *ZAKARAN DA ALLAH YA NUFA DA CARA...🐓*
( _ko Ana Muzuru Ana Shaho Sai yayi_)





Na
*Nuceeyluv😘*





13....



Gaba1 mutanen dake harabar wajen shock ne ya Kama su Kai hatta Sageer dake nesa dasu tare da mutanen sa Saida ya Shiga shock, take Meera Tasha jinin jikinta sbd tunowa da aika aikar da tayi, Amma sbd yadda aka zuba musu Ido yasa ta maze kawai ta sunkuya tana tattare files dinta, tsananin mmki me cike da dunbin takaici ne ya makure Omar da har yanzu be daina Mata kallon mmki ba, Ji yake kamar ya harbeta da kafa Dan haushi, bacin Raine ya sake Kama shi dayaga ko a jikinta tana Shirin kwashe files dinta, Cikin zafin Nama ya fisgo hannun ta, Meera dake sunkuye ta dago da sauri tana kokarin kwace hannun ta cike da Rashin kunya tace,

"dallah mlm sakar min hannu ko an Gaya maka ni irin sakarkarun matan Nan ne da kuka Saba bigewa akan layi? Toh ku sani kunyi na farko na share yanzu Kam a shirye nake da naci mutuncin duk Wanda yake neman Shiga harkata"

Tayi mgnr cikin bacin Rai itama sbd tunanin ta irin wa'annan mazan da suka bangaje ta ne da gangan ranar da Sageer ya rungume ta, Wani kyakkyawan marin Omar ya sake kafta Mata take Meera ta duka kasa a gigice tana sakin wani marayan kuka, Sadeeq dake gefensa tun dazu yyi saurin matsowa wajen sa, riko hannun sa yyi Yana fadin,

"frnd ka barta haka Nan baka lura ita din new comer bace?"

Wani mugun kallo Omar ya bishi dashi, shi gaba daya ma ji yake Kamar ya buge duk mutanen da suke wajen sbd tsananin takaicin da yake ciki, ba'a taba wulakanta shi ba sama da Abinda akai Masa yau, Mari? Kuma Mace?

"Kaiiii...."

Ya furta hakan a fili Yana dunkule hannun sa tare da kaiwa dayan hannun naushi jikinsa sai tsuma yake ransa na suya, Sadeeq ya dafa goshin sa tabbas yau an tabo 'yan maza Dole ya sake kamo hannun Omar din Dan idan ya barshi ya sake zuciyowa zaiyiwa 'yar mutanen lahani cikin rarrashi da lumana Sadeeq ya samu nasarar janye Omar daga wajen especially daya ga mutane sun fara taruwa a wajen sosai. Tafiyar su keda wuya Sageer ya matso wajen ransa fari Tass Abinda ya Dade Yana buri kenan kullum idan ya kalli fuskar Dr. Omar ji yake kamar ya kafta Masa Mari Amma Babu damar hakan, Dan haka yyi murna kwarai da irin Marin da Meera ta sharara Masa,

"Weldon baby"

Sageer ya furta cikin tsananin farinciki Yana tafa hannu,

"kinyi babban aiki"

ya furta Yana sunkuyawa kusa da ita, Dagowa Meera tayi ganin Sageer ne ta Banka Masa Harara cikin takaici, kwashe files din tayi tana jifansa da mugun kallo tabar wajen,

"Zamu hadune"

ya furta Yana binta da kallo, ganin yanzu shi ake kallo Ana dariya kasa2 sbd yarfa shi da tayi ya Mike fuskar sa a hade yabar wajen, can jikin wata bishiya suka zauna tare da mutanen sa, Faisal yace,

"oga yauma fa yarinyar Nan tazo da rainin hankali"

Sageer yace,

"Marin da tayiwa Dan rainin hankali Nan yasa na kyaleta badan na fasa Abinda nayi niyya ba Dole ma na kwashi ni'imar jikinta."

Nan sauran mutanen suka fara zugashi,

"ai karkaji komai umarni kawai zaka bamu mu cafko maka ita"

Sageer ya girgiza Kai Yana hango yadda za'a tafi da abin.



*****
A zuciye Dr. Omar ya bude office din da suke zama Babu kowa a ciki Dan haka ya samu kujerar sa ya zauna, sai tsaki yake ja shi kadai a Jima ya buga table din gabansa tamkar shi yyi Masa lefin, Sadeeq bebi bayansa ba sbd yasan ransa a bace yake dan haka shima ya nemi wani wajen kawai ya zauna. Dr. Omar daya kwantar da bayansa jikin kujera sai juyawa yake Yana Dan cije lips dinsa a hankali yaji an bude kofa, Dr. Amina ce ta shigo da Dan murmushin ta tace,

"Weldon Dr. Ashe kana ciki"

kamar da dutse tayi mgn ko kallon ta beyi ba, Dr. Amina Bata hakura ba sbd tasan dama halinsa ne na share mutane tadan matso kusa dashi murya can kasan makoshi tace,

"dear"

Wani irin mugun kallo ya bita dashi, Dr. Amina Bata daddara ba cikin dakiya tace,

"For how long zakayi ta wahalar da Wanda yake son......"

"Get outtt...."

Dr. Omar ya furta da karfi Yana nuna Mata kofa, Dr. Amina tace,

"haba Mana Dr. Wlh Ina...."

"I said get outtt....."

Ya furta hakan cikin fada-fada Yana nuna Mata kofa, daidai lkcn Sadeeq ya shigo office din sbd tsawar da yake jiyowa a waje, ganin Dr. Amina yasa yyi saurin cewa,

"Amina fito"

Dr. Amina tace,

"harda kai?"

"He's not in d mood pls come out"

Sadeeq ya furta hakan, Dr. Amina tace,

"okay"

Nan suka rufo Masa kofar, Bayan sun zauna kan kujera Dr. Amina tace,

"meya faru dashi?"

Sadeeq ya sanar Mata Abinda ake ciki, Dr. Amina ta zaro ido tace,

"yau anyi shegiyar yarinya ni gaba1 ta wargaza min plan Dina"

Sadeeq ya kalleta da mmki yace,

"wanne plan?"

Dr. Amina tace,

"Nasan yau bamu da wani aiki sosai shiyasa na zabi na sanar masa Abinda ke Raina gashi ta dagula lissafin"

'yar dariya Sadeeq yyi yace,

"dadai kin nemi izinin ganawa dashi ne sai ace da sauki toh ko ba'ayi Masa komai ba kina nufin zai saurareki ne?"

Dr. Amina tace,

"haba Sadeeq ya kke karyar min da zuciya ne?"

Sadeeq yace,

"No ba nufina kenan ba but kisan hanyar da Zaki bi ya so ki ba irin Wannan ba mgnr gsky fa ya tsani macen da take Saida mutuncin ta wajen neman soyayyar ta gun maza, ya fison me kamun Kai wacce tasan darajar kanta wacce duk rintsi bazata dauki rainin hankalin samarin Shaho ba"

Dr. Amina tayi shiru kafin tace,

"shikenan zanyi tunani akai"

Sadeeq yace,

"that's good"

Nan tayi Masa sallama ta tafi.



****
A Wannan Rana Dr. Omar kusan raba dare yyi Yana fama da huci kamar Zaki, daya rintse ido Saiya hango sanda ake kafta Masa Mari cikin bainar jama'a haba abin na kona Masa Rai idan ya tuno jaririyar yarinyar data Masa Wulakancin Nan, tsaki kuwa kamar tsaka haka ya kasance a cikin Wannan dare, Dakyar da sidin goshi bcci barawo yyi awun gaba dashi.



•••••�?
Yauce ranar da zata fara Shiga lecture sai farinciki take tamkar anyi Mata Albishir, su Anty shafa har yanzu Basu samu Kai a wajen Sageer ba Amma Ayau suke son cire kunyar su ta 'ya'ya Mata su sanar masa suna son zama frnds dinsa idan aka dace maybe sai yaso daya daga cikinsu Akan Wannan shawarar suka tsaya shiyasa yau suka Sha kwalliya sosai kamar
ba gobe.


Meera Kam doguwar rigarta ta saka Dan sunfi yawa a kayanta, rigar roba ce sai tabi jikinta ta lafe luf anan shape dinta ya sake fitowa karara, wani hijab ta dauko wanda ya kawo har mazaunan ta ta saka sannan ta dauki jakar da aka Bata kunce tasa kayan amfanin ta a ciki, dukkansu fuskar su a washe take sbd yadda kowa yake Jin dadin yanayin domin kuwa garin lufluf yake Babu zafi sannan ruwa be sauko ba. Kamar koyaushe dai a bakin gate suka sauke Ameera. Ita hakan din ma yyi Mata Dan haka ta fara takunta a hankali har izuwa cikin department dinsu,

zamanta keda wuya cikin hall din su mlmin da zai karantar dasu ya shigo, yau lecture din nasu Biyu ne Dan haka tun suna ciki Wanda zaiyi na biyun yake bakin kofa Yana jiran na waje sbd hadari daya sake hade Kan garin Kai kace yanzu ruwan zai sakko shiyasa yakeso yyi da wuri ya tafi, hakan kuwa akayi na farkon na fita shima na biyun ya Shiga sai a lkcn su Anty shafa suka samu damar Shiga hall din Dan sun Gama gararin su basu ga Sageer din ba.


LOKACIN da suka Gama lecture din har an fara iska sosai ga garin ya danyi duhu iska da kura sai tashi suke, hakan yasa sauran daliban Basu fita ba sai masu abin Hawa ne suke fita Dan tafiya da sauri, Meera na zaune tana duba jotting din da tayi taga wasu 'yan Mata sun matso wajen ta, Dagowa tayi daidai lkcn daya daga cikinsu tace,

"Wallahi itace haba ai bazan manta fuskar ba"

Dayar tace,

"Ke zulai Wannan mitsitsiyar ce ta zabgawa Dr. Omar Mari?"

Zulai tace,

"karya Zan Miki? Wlh itace"

"Bur* uba Amman ban taba ganin me Jan wuya sama da ke ba"

yarinyar me mgnr ta karasa mgn tana nuna Ameera, Nan Attention din sauran 'yan ajin ya dawo kansu, su Anty shafa dake