You Cannot Download this book untill you login but you can read it .

---

Login Register

Isa gaban Makeken Wardrope Ɗinta Take Faɗin "Mufeeda ce take Fama da Zazzaɓi Tun Jiya Shine mukaje da Ita Taga Likita."


Lokacin da Farida Ta Ambaci Mufeeda sai da gaban Tahir ya faɗi, Haka yake Fama Da Faɗuwar Gaba Kwanan nan Duk Sanda Zaiga Mufeeda Ko Kuma yaji Muryanta ko Wani ya Ambaci Sunanta, Toh Hakan sai ya faru yanzu ma Tunaninsa bai taɓa bashi Ciki Mufeeda ke dashi ba Shiyace yace "Tun Jiya kuma..? Shine sai yau zata ganin Likita..?" Ya faɗa Cike da Nuna Kulawa, Farida na Maida Hijabinta Cikin Durowarta Tace "Kasanta da Nuƙu Nuƙu bata Sanar ma Kowa ba Nima Ɗazu ne Iya ke Sanar Dani Ko Islamiya ta kasa Zuwa.."

Numfashi ya Sauke kafin yace "Naji yanzu me Likitan yace..? Ya jikin Nata..?" Kamar tayi Ihu Da Tambayoyin Tahir Amma Sai ta kanne Cikin Sanyin Murya tace "Taji Sauƙi Zazzaɓi ne ya Dubata ya bata magunguna.." Kai Tsaye yace mata "Wani Dr Kuka gani..?" Gabanta na Faɗi bata juyo ba Saboda Kada ya Fahimci Halin Datake Ciki Tace "Dr Salis ne..." Miƙewa yayi yana Faɗin "Ok yayi kyau Zan kirasa Zamu yi magana." Ya faɗa yana Ƙoƙarin Ficewa Daga Ɗakin.

Zuciyar Farida na Lugude Ta Waigo Da Sauri bakinta na Rawa Tace "A'ah...Ka..karka kirashi Bafa Komai Abban Basma Zazzaɓi ne Kuma ya bata magaunguna." Ta faɗa Zufa na Ketomata Saboda bata Shirya Tahir yaji maganar nan kai Tsaye ba, Tsam yayi yana Binta da Kallo Cikin Mamakinta yace "Shikenan.." Ya faɗa yana ƙara Karantar Yanayinta, ganin Haka yasa Ta saki Dariyan yaƙe Kamar Wata Sakarya bai ƙara magana ba Ya sakai ya fice yana Girgiza kai,Tana ganin ya Rufo mata Ƙofa ta Saki Ajiyar Zuciya haɗe da Sauke Numfashi Lokaci Ɗaya.

Bayan Fitarshi Falon Ƙasa ya sauko yaso ya Shiga Ɗakin Mufeeda, Yaga Jikinta Amma Sai ya samu Wayar Ishaq akan yana Haraban Gidanshi ya Fito Su Tattauna nan ya fice Suna magana kan Wasu Sabbin Motoci ne da zasu zo Daga Kwatono gobe Sun Ɗauki Lokaci mai Tsawo kafin Su Rabu Wanda yayi Ya Shiga Su gaisa da Farida Amma yaƙi yace Dare yayi Dole ya Ƙyaleshi Suka Rabu Akan Sai gobe in Sun Haɗu A office, koda ya Shigo Falon ba Kowa Su Basma da Bassam Har Sunyi Dinner ɗinsu Sun Shige Ɗakunansu, Kan Teburin ya Nufa yaja Kujera ya Zauna yana Murmushi Shi kaɗai ganin Tuwon Shinkafa miyar Kuɓewa Ce Ɗanya Yana Son Abincin Sosai bai Damu da Cin Abincin dasu Basma Sukayi ba Tunda Shi ya Saka Dokar Daga yanzu Adaina Jiransa Sai yazo Kana Ayi Dinner, nan ya Zauna yaci Tuwon Sosai bayan ya gama ganin Dare Yayi sai ya Haƙura da Shiga Wajen Mufeeda ya barshi Sai da Safe, alokacin Kuma Daya Shiga Zai Isketa ne Tana Kuka.

Farida Kuwa Lokacin da Tahir ya Fita ta Daɗe Zaune Tana Tunanin Mafita, kafin Ta Janyo Waya Ta Kira Goggo Abu bayan Goggo Abu Ta Ɗauka Sun gaisa Kawai sai Farida ta Fashe Mata Da Kuka Nan Hankalin Goggo Abu ya Tashi nan da nan Ta Shiga Tambayanta A ruɗe Akan Abunda ke Faruwa, cikin Kuka Farida ke Zayyanama Goggo Abu komai game da Abunda Likita yace na Mufeeda Nada ciki, Wani Razana Goggo Abu Tayi Tana Kan Gadonta ne sai da ta Wuntsulo Ƙasa Saboda Razana da Maganar Farida Innalillahi Kawai Take Maimatawa kafin Ta samu Zarafin Magana Farida ta kwaso Rantsuwan basu san Wanda ya Aikatama Mufeedan Haka ba, Goggo Abu na Share Zufa tace "Farida Ita Mufeeda bata Faɗi Wanda ya yi mata Cikin ba? Na shiga Uku ni Zainabu Abu Mezan cema Uwar yarinyar nan..? Ta faɗa Tana Sharɓe Kwallah.

Farida tace "Ban Tambayeta ba Goggo Na shiga Ruɗani bana So Tahir ya Fahimci komai goggo laifina Zai gani.." Goggo Abu Tace "Wannan ba Hujja bane Farida Ya zama Dole Tahir ya sani, Babu yadda zamuyi Farida Dole maganar nan Zata Shiga Kunnan Waɗanda ya kamata, yanzu zan Shiga Wajen Hakimi mu Tattauna gobe in Allah ya Kawomu zan ma Tahir Waya ya Turo Direbansa ya Ɗauko mu Nida Hakimi da Ita Fulera ɗin sai Asan Abun yi..." Farida ta saka Kuka Tana Faɗin "Wayyo Goggo nasan Laifina za'a gani Amma ko Shegiyar yarinyar nan Ta Cucemu.." Goggo Abu Tace "Ba kaɗan ba Farida bar Kuka Gobe in Allah ya kaimu zatayi bayani Don Ubanta.." Daga Haka Suka Rabu bayan Goggo Ta Jaddada mata Gobe Suna Tafe.

Daga nan Zuciyarta taƙi NaTsuwa, Sai kawai ta Latso Nombar Umma Kano Ta Ɗauka Kenan Kafin Tayi magana Farida ta Sanya mata kuka Hankalinta Tashe Take Tambayanta lafiya...? Farida ta Buɗe baki Zatayi mgana sai Wayarta ta Ɗauke Ɗif ba Chaji Taji Haushi Sosai taso ta sanarma Umma Halin Da'ake Ciki, Da hanzari ta tashi ta Jona Chaji sai ta Sha'afa bata Kunna Wayar ba Ita Kuma Umma Daga chan ɓangaren Tayi Ta Neman Farida bata samu ba, Ta maida Akalan Kiranta kan Tahir Shima kamar Haɗin baki bata Sameshi ba Ashe ya sanya Wayarsa A Fligt mode bai sani ba, Hankalinta a tashe ta samu Abba Tana gaya mai Shima Ya shiga Ruɗu Amma sai ya lallashi Umma da cewa Gobe in Allah ya yarda sai Su Tafi Kadunan Tare Shima Dama Zai je Saboda Zuwan Sabbin Motocin nan, Da Haka Umma ta Ɗan Saki Amma Ranta ba Daɗi Jin Kukan Farida Tana Fatan Allah yasa Lafiya.

Shiko Tahir Daga nan Ɗakin Farida ya Nufa, Farida na Zaune gefen Gado Sanye da kayan Barci masu Taushi Tana Jin Motsin Tahir ta Sulale Bisa Gado Taja Bargo Ta Rufe Jikinta Lokaci Ɗaya Tana Kulle Idanuwanta, yana Shigowa ya Ƙaraso bakin gadon yana Kallonta ganin kamar Tana barci ne sai bai Tasheta ba Illah Ranƙwafawa Dayayi ya Sumbaci Goshinta Kafin ya ƙara gyara mata Blanket d'in Wutar Ɗakin ya Rage ya Kunna mata Dum light, Kafin ya Fice Daga Ɗakin ya Rufo mata Ƙofa ya Nufi Bedroom ɗinsa, yana Fita ta Buɗe Ido tana Sauke Numfashi kafin Taji Kwalla Ta Cika mata Ido, Farida Nadama ta Shigeta Alokacin da Komai ya Riga ya gama Kwaɓe mata.


********

Washegari Tun Safe Tahir ya Fita Office, Saboda Bakin Da zasu zo yau ɗin Kuma Sunyi Waya da Abba Tun jiya Dama yasan Da Zuwanshi Bai Dade Da Isa Company ba Wayar Goggo Abu Ta Iskeshi Inda Tace ya Turo musu Direba Zasu Zo Ita da Hakimi da Fulera Mahaifiyar Mufeeda Abun ya bama Tahir mamaki Sosai ya Shiga Tambayan Goggo Abu Wani Abu ya Faru ne...? Amma Sai tace Kar ya Damu In Suka Zo Zaiji Komai, Abun ya bashi mamaki barin Ma Datace Harda Hakimi, wanda Hakimi baya Zuwa Kaduna sai da Ƙwaƙƙwaran Dalili Mai karfi Amma Ko Ɗaya Zuciyarsa da Tunaninsa basu kawo masa Wani Abu mara Daɗi ya Faru ba, Ya mafi karkata Alaƙan Zuwan nasu ƙila ko Farida ce Takai Ƙararshi Toh Amma Ai yanzu basu da Wata Matsala, Haka dai ya gama Duk Tunaninsa Bai Hango Dalili ba Duk da gabansa na Faɗi bai Ɗauki Abun Nada Nasaba da Haka ba.

Ita ko Goggo Abu Tun Adaren Jiya Ta Isa Turakar Hakimi ta Zayyana mai komai Salati da Sallallami Hakimi ya Shigayi Cikin Ruɗani da Tashin Hankali Sun Daɗe Suna Jajanta lamarin, har Innaro Tazo ta Samessu Itama Taji Ɗimuwa Dataji Wannan Lamarin Daya Faru Haka Suka Zauna Jugum Jugum Abun Duniya ya Ishesu, Hakimi Shi ya yanke Hukunci Kada Asanar da Fulera Abunda Ke Faruwa sai Sun Isa Kaduna Allah barshi Sai Lokacin Taji Komai, Da haka Suka Rabu Innaro Ta Koma Shashenta Ta Kwanta Cike da Mamakin Faruwar Wannan Al'amarin Hakimi da Goggo Abu Kuwa basu Runtsa ba Suna zullumi da Tunanin Yadda Mutane zasu Ɗora musu Laifin Duk Abunda ya Faru.


Garzali ya bama Umarnin ya tafi Ɗanbatta ya ɗauko su Goggo, Ya koma Office Kenan Sai ga Abba ya iso, nan yake Shaida ma Tahir Cewa Tare da Umma Suke sun ajiyeta Gidanshi Abun sai ya Ƙara Ɗaurema Tahir kai barin ma Da Abba ya Shiga Tambayanshi Duk Gidan Lafiya ba Abunda ya Faru..? Yace mai ba komai, jin Haka sai suka Watsar da Zencen Suka Cigaba da Tattauna Batun Motocin nasu da zasu iso yanzu ba da Daɗewa ba.

Umma kuwa Tana Isowa Farida na Cikin Ɗakinta bayan Su Basma Sun gama mata Oyoyo Suka gaisa da Iya, Ta Haura sama Wajen Farida Wacce Ke Kwance Tana Tunanin Mafita, Sai kawai Taji Sallamar Umma Lokaci Ɗaya Tana Kiranta Zumbur Ta Miƙe Ta Isa gareta ta Rungumeta Lokaci Ɗaya Ta Fashe da Kuka Umma Ta Fara Lallashinta Ta hanyar Bubbuga Bayanta Sai da Farida Tayi Kuka mai Isarta kana Ta Sanar da Umma Abunda Ke Faruwa.

Ƙirji Umma Ta kama Tana Salati Lokaci Ɗaya Idanuwanta Duk A Bude Tana Tsaye ne Sai Da Ta Zauna Hannunta Duka biyu Bisa kai Tana Tambayan Farida garin ya Haka ta Faru..? Farida na Kuka Take Faɗin bata sani ba Wallahi...? Nan Take Shaida mata Abunda goggo Abu Tace Suna Tafe Yau Tagumi Umma Ta Buga Ta fara ma Farida Faɗan Rashin Kula da Sakaci Metake Tunani in Itama Basma Ta faɗa irin Wannan Halin..? Tunda Da Mufeedan Da Basma duk Tare Suke Ita dai Farida Kuka Kawai Take Tana Jin Kunyar yadda Duka kowa zai Bata laifi Amma Maganar Gaskiya Mufeeda Ta Cuceta Wallahi.

Wajen 12pm na Rana Su Hakimi Suka Iso gidan Tahir Farida Ta karɓesu Hannu bibbiyu Amma Da Faɗuwar Gaba Nan Suka Iske Umma, basu yadda Sun Tada maganar ba saboda Inna Fulera Wacce Tana Zuwa 'yarta ta Fara Nema,Wacce ke Ɗaki Dunƙule Tana Kuka Lokacin Data Ci karo da Fuskar Inna Fulera sai Rauni da Kunya Suka Zomata ta ƙanƙame Innar ta ta Tana Kuka Ganin Haka sai Jikin Inna Yayi Sanyi ta Zaunar Da Ita gefen Gado Tana Tambayanta Lafiya meya ke Faruwa..?" Don Goggo Abu bata mata Wani bayani ba, ta dai ce Ta Shirya Suzo Kaduna Jin Haka Yasa Jikin Mufeeda ya fara Rawa Kamar Mazari Idonta ya fara Zubar da Kwalla, Tana Tunanin Ya Zatayi in Aka Turketa sai Ta faɗi Wanda yayi mata Cikin..? Uwa uba ga Innarta Wani Hali Zata Shiga Intaji labari..? Ƙanƙameta Innar Tayi Ita Kuma Mufeeda tana Faɗin "Inna Kiyafemin Ba Laifina bane, Jin Haka sai gaban Innar ya faɗi Ta fara Tunanin Allah yasa Ba Wani Laifi Mufeeda ta Aikata Musu mara Daɗi ba, Gashi Kuma Mufeedan Taƙi magana sam balle Taji Abunda ya Faru.


Motocin Sunzo ba Daɗewa sai ga Kiran Goggo Abu Tace maza maza Tahir yazo gida yanzu nan, Sun Iso sai Lokacin ya ƙara jin Mutuwar Jiki Sosai da Faɗuwar Gaba, jin Haka yasa Abba Shima Direba ya Wuce Dashi Shi Kuma Ishaq ya Ɗaukosa Zuwa gida Suna Tafe Suna Fatan Allah yasa Lafiya.

Lokacin da Suka iso gidan Ishaq yaso ya koma Company Sai Tahir ya Matsa mai ya Shiga Ya gaisa dasu Hakimi Suna Dumfaran Falon Suka Fara Jin Shessheƙan Kuka da Koke koke Da Hanzari Tahir ya Fara Shiga Falon Ishaq na Binsa Abaya Idanuwansa Sukayi Tozali da Mufeeda, Wacce ke Durƙushe Tsakiyar Falon Tana Gunjin Kuka ga Inna Fulera gefenta Itama Tana Kukan ga Farida Zaune A ƙasa Kusa da Goggo Abu sai Hakimi dake Zaune kan Ɗaya Daga Cikin Kujerun Falon Shida Abba, Sai iya Dake Zaune chan gefe Kowa ka kallah Fuskarsa ba Annuri.

Lokaci Ɗaya gaban Tahir ya yanke ya Faɗi Yaji Jiri na Neman Kadashi, sai da Ishaq dake bayansa ya Riƙonsa, Idanuwansa Sun Fito Waje yake bin Kowa da Kallo Kafin ya maida kallonsa kan Farida Cikin Sarkewar murya ya Furta.." Fa...Farida...Meya Ke Faruwa...?" Ya faɗa suna ƙarasowa Cikin Falon, Jin muryansa yasa Duka Ido ya koma kanshi Cikin Damuwa goggo Abu Tace "Yauwa Attahiru Dama kai muke Jira kazo ka Tambayi Mufeeda Wanda yayi mata Cikin Jikinta Tunda Dukkanmu Taƙi Sanar damu komai..."


Ba Tahir kaɗai ba Hatta Ishaq Sai da Yaji Wani Abu ya Tsirga mai Daga Kwakwalwarsa, Shiko Tahir Kwalalo Ido yayi kamar Idonshi zai Fito Waje, Mufeeda Data Ɗago Kanta Tana Kuka Idanuwanta Suka Kumbura Suka Haɗa Ido da Tahir Wanda Jikinsa Ke Rawa Zuciyarsa na Gudu Naman Jikinsa na Cida Zufa na Keto mai Cikin Wani yanayi ya Saluɓe Hannunsa ana Ishaq ya Sulale A ƙasa yana Maimata kalmar "Innalillahi Wa'inna Ilaihirraju'un"un..." Sai ga Hawaye Suna Fitowa Daga Cikin Kwarmin Idanuwansa.

Ba Wanda yayi mamakin Halin Da Tahir ya Shiga Sanin Halinsa Mai Ƙoƙarin Kyautatama Kowa, Inna Fulera tana Kuka Take Faɗin "Mufeeda Meyasa Kika min Haka..? Zuciyata ta kasa yarda da Wannan maganar ki ƙaryata ko kuma ki sanar damu Wanda Kika bama kanki yayi miki ciki.." Ta faɗa Tana Kuka Girgiza kai Mufeeda Ta Hauyi Tana Kuka Take Faɗin "Kiyi Haƙuri Inna Ba Laifina bane, Amma bazan iya Faɗar Wanda yamin Wannan Cikin ba Ko zaku Kasheni.." Ta faɗa tana kallon Tahir Wanda Ya Ɗago yana kallonta, Jin Haka yasa Inna Fulera ta Taso da Hanzari ta Isa ga Mufeeda ta Fara Dukanta ta Ko'ina Tana Faɗin "Allah ya isa Tsakanina Dake Mufeeda zan ko kasheki kowa ya Huta da Na Dinga Kallonki kina sakani Baƙin ciki da Takaichi..."

Kuka Mufeeda Keyi Inna Fulera nayi Tana dukanta Farida ma Kukan Take Kafin Wani yayi magana Tahir ya Miƙe ya isa Ga Inna Fulera ya Duƙa agabanta bayan ya Shiga Tsakaninta da Mufeeda ya kalleta yana Zubar da Hawaye, Bakinsa na Rawa zai Fara Magana Ishaq yace "Don Allah Tahir kar kace Komai na Roƙeka..." Tahir ya Runtse ido kafin yace "Kabarni na Faɗa Ishaq Gwara Kunyar Duniya Data Kiyama..." Ya faɗa Hawaye na Kwararo mai.

Gaba ɗaya Falon kallo ya Koma kan Tahir Cike da Mamaki, barin ma Farida wacce Kukan Tahir ya fara Tsorata ta, Babu Zato kawai Sukaji Tahir na Faɗin "Bazata Taɓa Faɗa muku Wanda yayi mata...don Ba kowa bane Face Ni...ni...na mata Cikin Jikinta...." Ya faɗa yana Rushewa da Kuka Numfashisa na Sama Sama, Gaba ɗaya Falon Kowa ya Kwalolo Ido, Matan Gaba ɗaya Suka Miƙe Farida Wacce Ta Ɗora Hannu Akai ta Zaro Ido Tana Faɗin "What....? Kace kai kayi mata Cikin...?"



*Aisha Alto...*
*Shakira...*
*NANNY..!*
_(Mai Reno..)_

*Alkaluman:*✍️

*AISHA ALTO*💞
*JAMILA UMAR(Janafty)*💕


_Dont Forget to Follow us On Wattpad: Janafnancy13 or Aisha Alto Alto_


_*DEDICATED TO OUR SWEET UMMI💔KHADIJA SALISU YUSUF..LVUSM💘*_

       *BABI NA GOMA SHA UKU*

Gyaɗa kansa yayi hawaye masu zafi da raɗaɗi na zuba daga cikin idanunsa ya duƙar da kai ƙasa yace "Tabbas nine nayi mata ciki...cikin jikin Mufeeda nawa ne bana wani ba..." Yana faɗa ya sake rushewa da wani irin kuka mai taɓa zuciya da ban tausayi. Itama Mufeeda ƙara sautin kukanta tayi da ƙarfi zuciyarta cike da tausayin Daddy ta tsura masa ido tana ji a ranta dama wannan ranar bata zo musu ba.

Gaba ɗaya falon salati suka ɗauka kowa faɗi yake "Innalillahi wa'inna ilaihirraji'un...." Yayinda ita ko Farida ta ƙara gigicewa ta ruɗe da jin kalaman da Tahir yake faɗa, lokaci ɗaya komai ya tsaya mata cak, sai aikin nunashi take da yatsa tana girgiza kai ta kasa magana, kafin ta koma da baya ta faɗa saman kujera daɓas ta zauna a ruɗe tana faɗin "A'a Abban Basma don Allah kar kace haka...wannan nasan ba gaskiya kake faɗa ba...nasan ba halinka bane a ko'ina kuma zan iya yin shaidarka akan haka...kuma nasan kowa ma zai yi shaidarka indai akan haka ne, nasan ko akan wata bazaka taɓa iya aikata haka ba, balle akan Mufeeda 'yar damuka raina muka ɗauketa tamkar 'yar da muka haifa da cikinmu...plz Abban Basma karka sakamu cikin wani yanayi plz kace ƙarya ne abinda ka faɗa ba gaskiya bane...don Allah kace ƙarya ne Abban Basma.." Ta faɗa tana ji a zuciyarta dama a tasheta ace mafarki take ba gaskiya bane abinda kunnuwanta suke jiye mata ba.

Yana kallonta da idanuwansa da suka rine sukayi jajir suna tsiyayar ruwan hawaye yace "Tabbas Farida abinda na faɗa gaskiya ne, kunnuwanki sun jiye miki dai-dai...cikin dake jikin Mufeeda nawa ne...nine na yiwa Mufeeda ciki..cikina ne...amma a bisa ƙaddara data faɗa min ba'a son raina ba..." Salati duka falon suka ƙara ɗauka, kafin Inna Fulera ta fashe da kuka mai sauti ta miƙe ta cakumi Mufeeda ta fizgota ta rufeta da duka baji ba gani tana yi tana kuka take faɗin "Kin cuceni kin cuci kanki Mufeeda, kin wulaƙanta rayuwarki kin tozarta kanki...Allah ya isa tsakanina dake..ki rasa sakayyar da zakiyi min sai ta abun kunya...kina marainiya kin zubarwa kanki kima da mutunci...Allah ya gani iya tarbiyya na baki ita dai-dai gwargwado ban san kuma meya shiga kanki ba har kika iya watsar da mutuncinki a titi ba..." Ta faɗa tana ƙara shurinta da ƙafa tana kuka, Mufeeda ma kukan take tana jujjuya kanta amma ta kasa tashi ta ƙwaci kanta, da sauri Tahir ya matso ganin Inna Fulera ta ɗaga ƙafa zata taka cikin Mufeeda tana faɗin gwara na kasheki da inci gaba da ganinki ina jin baƙin cikinki a raina, da hanzari ya riƙeta yana girgiza kai a hankali yace "Laifina ne Inna, ita da niyyar taimakona tazo, dukkanmu bada niyya mukayi ba...ƙaddara ce ta afka mana..." A fusace Farida ta miƙe tana faɗin "Babu ruwan ƙaddara Malam, dama can kana da niyyar aikatawa shine zaka fake da ƙaddara..." Ta faɗa tana fashewa da kukan takaici da baƙin ciki tana faɗin "Amma Tahir ka cuce ni ka cuci zuri'arka ka wulaƙantamu, yanzu da wani irin idanu kakeso a kalli 'ya'yanka? Ka ɓata mana sunan zuri'a, ka haikewa 'yar da take ɗaukarka a matsayin uba...tirr da kai da irin halinka, wallahi bazan iya ci gaba da zama da kai ba, ni ba fasiƙa bace don haka bazan zauna da fasiƙi ba...sai dai ka zauna da ita da shegen cikinku..." Ta faɗa tana ƙara fashewa da kukan baƙin ciki da takaici tana kallon Mufeeda dake kukan itama tana ji kamar ta tashi ta shaƙeta har sai taga bata numfashi.

Wani murmushin dayafi kuka ciwo Tahir yayi yana kallon Goggo yace "Komai da ya faru bada son raina bane kawai na ɗauki hakan ne a matsayin ƙaddarata kuma na karɓeta hannu biyu, Allah ya bani ikon cin jarabawata... Nan take ya shiga bada labarin duk abubuwan da suka faru, kafin yana kuka ya ɗago yana faɗin "Duk da wannan abun daya faru dani ba kowa bane sanadin shigata wannan halin sai Farida dake Goggo, domin ke kika hanani na sanarwa Baba Hakimi wannan matsalar dake faruwa dani kuma kika hanani maganar ƙara aure, alhalin baki taɓa tambayata dalilin da yasa na nace inaso na ƙara auren ba, sai dai a kullum idan naje miki da maganar irin abubuwan da Farida take yi min sai kice inyi haƙuri zaki mata magana, zata gyara, baki taɓa nuna damuwarki akan halin da nake ciki ko ki tambayeni abinda yake faruwa ba, sai dai dana fara sai ki katseni kice bakyason ayi abunda zumunci zai lalace...Goggo ni ɗanki ne amma baki taɓa damuwa da matsalata ba, domin baki taɓa bani damar nuna miki damuwata ba, sai dai ma kiyi ƙoƙarin hanani faɗawa mahaifina halin da nake ciki, to yau ga abinda kika jawo min nan..." Ya faɗa tare da juyawa yana kallon Farida data daskare a zaune ta kasa ko ƙwaƙƙwaran motsi hawaye sai zubowa suke a idanunta, Girgiza kansa kawai yayi yana faɗin "Kuka ai yanzu kika fara yinshi Farida, domin tun asali abunda na dinga gujewa faruwarsa kenan a tsakanina dake...Nayi haƙuri har na kai maƙura amma Farida baki canza halinki ba, nayi ƙoƙarin gyaraki amma baki gyaru ba...kin ɗauke ni tamkar ba mijinki ba, baki maidani a bakin komai ba, baki san ki sauke hakkina dake kanki ba, baki san ki kula da 'ya'yan da Allah ya baki ba...sai dai kullum kina yawon bin gidan bikin ƙawaye, baki san ki tambayeni fita ba, sai dai duk lokacin da kikaso kiyi fitarki kuma ki dawo duk lokacin da kika so ba abunda ya dameki, na nuna miki nima fa mai lafiya ne ba dutse bane kuma dole ne in nemi hakkina a gurinki, amma yawon zuwa gurin biki ya hana ki zauna ki kula dani da 'ya'yanki...kullum baki nan baki nan, kuma kinsan ban ajiye wacce zata kula dani bayan ke ba, tunda ke kaɗai gareni baki damu da wane irin hali zan shiga ba, kedai kawai abunda ya shafeki kuma ya dameki shi kikeyi, 'ya'yan da kika haifa kin barwa masu raino baki damu da tarbiyyarsu ba, baki damu da halin da zasu shiga ba, kedai kawai ki tafi biki..sai kibar gidanki da mijinki da 'ya'yanki babu abunda ya dameki, babu ruwanki da duk irin halin da zamu shiga, Saboda Haka Dukkan abunda ya Faru Tsakanina da Mufeeda Keda Goggo kuna da Alhaki akai..."

Ya faɗa yana Matse Ƙwallah, gaba ɗaya Falon ya Ɗauki Shuru banda Kukan Mufeeda dana Farida sai Inna Fulera sai na Goggo Abu Dake Tashi ƙasa ƙasa, wani mugun kallo Baba Hakimi ke Jifan Goggo Abu Dashi Lokaci Ɗaya Zuciyarsa na Lulluɓewa da Ɓacin Rai kukan Tahir Tamkar Saukar Dalma ne Cikin Ranshi Cikin Tsawa yace "Kukan me kike Zainabu...? Ai bai kamata kiyi Kuka ba Tashi zakiyi ki Taka Rawa kiyi Murna Kin Yi Sanadiyar Lalata Rayuwar Ɗanki Wanda Kika Haifa da Cikinki. Tir Dake Abu Wallahi Yawonki Da Girmanki Amatsayinki na Uwa bai amfaneki da Komai ba sai Sakarci Yanzu ace Ɗanki yazo ya Sameki da Irin Wannan maganar ki kasa gayamin Abun baƙin ciki kuma kin Hanashi ya Sanar dani..? Ke Har Kin isa ki gyara Abunda Allah bai gyara ba Wato kin Hanashi ƙara Aure Amma baki Taɓa Tunanin ina zai kai Lalurarsa ba kanki kaɗai kika sani Sai Wani Dalilinki mara Tushe Ballantana Makama, Wallahi Tallahi ina so ki Sani Duk Zunubin dake Kan Tahir Akan laifin Zina Dake da Farida za'a Rabawa Domin kune kuke da alhakin Duka Abunda ya Faru..Babu Abunda Zance miki sai godiya kin kuma kyauta.." Ya ƙarashe Faɗa yana Share ƙaramar kwallarsa Data Zubo mai Cikin Tashin Hankali.

Su Basma da Bassam da Muda da Laila Dake laɓe A koridon Ɗakin Basma Kuwa kuka Suke Ka Shirɓan na Tausayin Kukan da Daddynsu yake Duk Abunda aka faɗa kaf Acikin kunnuwansu Lokaci Ɗaya Sukaji Sun Tsane Farida da Komai nata ganin Itace Silan Shigan Daddynsu Wani Hali Hartana Sanyashi kuka dama ba Tun yanzu ba Rashin Kula Dasu da batayi yana Tsaye Acikin Ransu kuma Suna jin Haushin hakan gashi Dalilin Sakacinta Ta saka Daddynsu Cikin wani Hali, Basma Da Laila Suka haɗa kai Suna kuka yayinda Muda da Bassam Suma Suka Ɗora kai Agwiwa suma Suna ta kukan Tausayin Daddynsu.

Goggo Abu ko Kuka Take ba Bakin magana Maganganun Hakimi Sun Shigeta Sosai Tahir Kaɗai Take kallo Tana Jin Ta zama Sakaryar Uwa Mara Damuwa da damuwar ɗanta Data Haifa da Cikinta Innaro ko Tana gefe Itama tana Sharan Ƙwallah Tausayin Tahir na Jarabawar da Allah ya masa, Domin Wanna Jarabawa ce Domin Ajaraba Imaninsa Abba ko Wani Kallo yake Wurgama Farida Dake Jikin Umma Tana Kuka Ita kanta Umma Kukan Take Sharewa Lokaci Ɗaya Tana Faɗin "Muma muna da laifi ba Goggo  Abu da Farida bane keda alhaki Akan Wannan Abun ba Harda mu kanmu iyayen Farida bamu Taɓa Lura da Irin Ƙararta da Tahir yake kawo mana ba, ko yazo ya Faɗama bama Nuna mata batayi Dai dai ba sai ma Mu kama lallashinta Cikin Soyayya musamman ni dana kasance Uwa agareta Wacce Nafi kusanci da Ita, Gatan da Muka Nunawa Farida Shiya Sangarta ta bata iya zama Gidan Mijinta ta bashi Dukkan kulawa, Muma muna da Laifi Muna Dashi muma.." Ta ƙarashe Faɗa Tana Sharɓan Kuka.

Abba yace "Haƙiƙa maganarki gaskiya ne Aliya muna da laifi Wajen Rashin Nuna ma Farida Muhimmancin Mijinta Hakika bamu kyauta ba..kuma bamu kyautama Tahir ba Domin Yayi Haƙuri da Ita Tun bayan Auresu, Dukkanmu bamu Taru mu Duba Halin da Tahir zai Shiga ba..Duka laifin namu Ne sai dai muyi fatan Allah ya ya yafe mana Gaba ɗaya..." Baba Hakimi ya amsa da Ameen Ishaq na gefen Tahir yana Ɗagoshi Amma yaƙi ɗago kansa Saboda Hawayensa Sun kasa Daina zubo mata Baba Hakimi ya Kalli Inna Fulera yana Faɗin "Fulera ki Daina Ma Mufeeda mugun baki kinji da Kunnenki Duka ba laifinsu bane, Ki saka mata albarka ki kuma kalleta kice kin yafe mata Babu kyau bawa ya Nuna