You Cannot Download this book untill you login but you can read it .

---

Login Register

xata tafi, mumy tace mata "Faty ki zauna ki huta mana" ta kalli mummy idonta taf da hawaye tace " me xan xauna nayi mumy Baffa na shirin kashemun yar uwa. Kuma wai mama tanaji tana gani baxatai magana ba" tasakai ta fice.



Mumy ma ta miqe, ta kalli mama kanta a sunkuye, ta miqa mata tulin kudi "gashi kudin kayan dakin Mimi ne dana siyar ki ajiye mata" mama tace to akwai na sadakinta ma a hannu sai inhada mata.


Mummy ta nisa ta fesar da iska cikin bacin rai tace "lokaci yayi da xan hada alh Buhari da human right akan abusing din maryam da yake yi (qungiyar kare haqqin Dan Adam)" mama ta xaro ido jin abunda da Adda halima tace. Cikin sanyin jiki tace "Adda kiyi haquri ku gyaleshi yarsa ce yana da iko akanta" mummy ta daka mata tsawa " daallah yimun shiru shashasha ki zauna ya kashe miki yaya da bakin ciki sukenan kike dasu, shi bashi da asara. Wlh fadima inbaki tashi kin kwatarwa yayanki yanci ba wlh saina hadashi da human right" itama ta juya ta fice.




Har inda maryam ke wanke wanke taje ta dafa bayanta, ta dago ganin mumy yasata yin murmushi, mumy tace "mamana kiyi haquri na ya qare akan lamarinki acikin gidannan na kusa in kwatar miki yanci kinji." tace " to mumy ai ba komai ma wata rana bazan ba, wata rana ko ganina saiya gagara sai dai aje kabarina ayimun addua" tace hakane Mamana Allah ya saka miki, Allah ya albarkaci rayiwarki amma kafin ki mutu in shaa Allah sai kinji dadin rayuwa.



Mrs 😊
[9/30, 1:03 PM] ‪+234 706 296 6299‬: 🙆🏼🙆🏼🙆🏼AL 'AMARIN MARYAM 🙆🏼🙆🏼🙆🏼


Writing & story by rahman Mohammed (hajia)

Editing by mmn khairat
📝FANTASTIC STARS WRITERS {F S W }

Page 2⃣9⃣

Dedicated to
Sahura Musa Mohd (ina cigiyarki)


A hankali aikin da Baffa ya dora mata ya fara xamar mata jiki, duk kuwa da farko tana ganin wahalar aikin. Gidansu babban gidane wanda shararsa kawai aikine, sannan ga uban wanke wanke saboda yini ake da fita da abinci daga gidan domin adadin mutanen dake karbar abinci a gidan suna da yawa. Ko dattijan da suke aiki a gidan (masu wanke wanke da shara) sau tari aikin yawa yake musu, sannan ga wanke toilets din dake tsakar gidan. Batun girki kuwa dama da coal suke yinsa bisa manyan tukwanen tasa, kuma me girki ita keyin girki sai dai masu aikin su tayata da wanke wannan yanka wancan. To lokaci daya Baffa ya dorawa Mimi duk wannan aiki. ( qalubalenku iyaye, miji ya wulaqanta yarinya ko kuma ya korota ku iyaye memakon ku karbi qaddara ku kwantarwa da yarinya hankali, a a sai a tsiri muzguna mata da sunan hukuncin ta naqin xaman aure. Wlh kuji tsoron Allah irin haka inba a samu me hangen nesa ba kome haquri sai ta gudu ta shiga duniya. Haba ai abun yayi yawa gidan miji ba dadi gidan iyayema ba dadi) Da yake tana da qarfin zuciya duk sai aikin yaxo mata da sauki. Takan tashi tun asubar fari ta fara shara, ana kira taje tai sallah da azkar sannan ta dora breakfast ta zauna wanke wanke. Bakwai da rabi na safe ta gama breakfast sannan ta rabawa yan makaranta ta wanke bandakuna, taje gaida Baffa wanda intaje baya amsawa sai dai cin mutunci da gorin zawarci da yake biyo baya. Kafin taje gyara dakin mama takan tarar Maman ta gyara ta wanke toilet a qoqarinta na ragewa Mimi aiki.


In mama ta tafi aiki takanji gidan yayi mata xafi bata samun sukuni sai 11 tayi lokacin da take dora abincin rana ko kuma in dady ya dawo daga skul ya zauna yayi tayi mata shirmen yara ko kuma tayi masa homework.


Kafin kace meye wannan lbrin mutuwar aurenta yayi fitar dango, ta hanyar Anty da Umma. Karma Anty taji lbr domin gida gida take aiken mutuwar auren Mimi, kamar me rabon katin biki. Inda kuma baxata iya xuwa ba ta buga waya ta fada. Har gara Umma takan boye farin cikinta akan mutuwar auren, amma Anty a fili take nuna murnarta.


A irin hakan lbr ya riski fauxa qawar Mimi wacce suke maqota na kusa, da farko bata yarda ba a ganinta in hakane Mimi xata fada mata. Dan haka taje gidan da kanta, ta iske mugun lbr kuwa domin ganin da taiwa Mimi tana tulluqar aiki ya tabbatar mata da ingancin maganar.


Can cikin dakin Mimi (dakinta na yan matanci) suka qule. Fauxa ta riqo hannunta Mimi ta bude baki xatayi magana fauxan ta tsaidata tace "basai kince komai ba qawata, nasan halin da kike ciki ni da ke qadadarar da Allah ya dora mana kenan. Allah ya sa muci jarrabawa" ta fada tana share hawaye, Mimi ta goge mata hawaye tace "kiyi haquri fauxa, bakiji daga bakina ba ganinayi kyakykyawan lbr ake fada" tace nagane Mimi kuma banyi fushi ba, Allah ya bamu haqurin jure halin da muke ciki" Mimi tana murmushi tace amin qawata.


Tun daga ranar Kullum sai fauxa da shigo debewa Mimi kewa, in ta dawo daga aiki (tana aiki a wata private skul). A duk sanda ta shigo Anty kan saki shewa tace " ayyuririri bazawara qawar bazawara 🤣 Allah ya sa a dade anayi zaurawan asali." babu wanda ya taba tanka mata. Kuma daya abun takaicin shine : Baffa yasan tana haka amma bai taba hanata ba ko ya tsawatar mata, wanda hakan yasa ta qara qaimi wajen cin fuskar Mimi. Ga kwanuka da ake batawa da gangan da kuma bata gida duk dan a qara mata aiki. A duk sanda fauxa ta shigo taga Mimi na aiki takan Sabe mayafinta ta taya Mimi aiki.



Bayan haka kuma, Anty Kullum cikin gayyato mutane take dan suxo suga Mimi, kuma takan yi musu jagora har dakin mama a cewarta wai suxo suga gyatumar da tai wata 5 a gidan miji auren ya mutu. Ko kunyar idon mama bataji, kuma abun sha awa daga mana har Mimi babu wanda ke tanka mata, ko ya nuna damuwa kan abunda tayi. Wanda hakan shike baqanta mata rai kwarai, domin ta fiso su tanka mata.


Abun na Anty sam babu shaawa, kamar ba mace ko kuma bata da yaya mata. Ko tayi alqawari da nata mijin bazai taba sakinta ba.



Daya matsalar itace : muguwar rashin kunyar da Mimi ke fuskanta daga qananan yaran gidan yan mata, dan sau tari sukan bangajeta su wuce sai dai ta kauda kanta tayi kamar bata ganiba. Domin suna yine fisa umarnin iyayensu, wadanda ke zaman shirin ta tanka su cimata mutunci. Dan tashaji Umma na cewa " mutum bazai kasa xaman gidan aure ba, sannan ya dawo gida ya takurawa qananan yayanmu."


Duk mai imani inyaga Mimi a wannan lokaci saiya tausaya mata, domin ta qare ta mole tayi wani yagwal da ita. Babu rashin ci babu rashin sha, amma duniya ta juya mata baya. A wannan lokacin sai ta kwammace xaman gidan Badaru akan mazan gida. Wai dama haka mutuwar aure take? Tambayar da take yawan yiwa kanta kenan. Kota ina babu sauqi, sai a gurin ubangiji. Ta haqiqance babu mai santa yanxu sai mama da fauxa da kuma uwa uba ya Faty.



Faty tun daga ranar da suka debo kayan Mimi bata kuma xuwa gidan ba, domin sam batasan ganin Mimi cikin halin da Baffa ya sakata.


Mama ce ta lura da soshe soshen da Mimi takeyi, ta turketa ta tambayeta babu kwana kwana ta fadawa mama infection ke damunta. Dan haka mama ta bugawa Faty waya tace gobe tazo ta tafi da Mimi asibiti, qaiqayin bandaki na damunta.



Saboda tasan da xuwa asibitin tun qarfe hudun asuba ta tashi ta fara aikinta, bakwai dai dai ta gama Faty taxo suka dau hanya.


Likitan mata ta gani, ya basu kwaje kwaje, saboda Faty ya sa basubi layi ba suka gama da wuri suka kai masa result din. Ya duba yace "nikam banga ciki a jikin result dinta ba, amma ta iya yiwuwa akwaishi, matsalar magungunan da tayi ta amfani dasu suka cushe mata mahaifarta ya kuma haifar da rashin xuwan period dinta. Ya kalli Mimi yace ko anan gaba ki kiyayi cusa abu a gabanki, gurin yana da rauni kuma yana da saurin karbar kwayoyin cuta. Kinga dalilin cushe cushen da kikayi yasa ciwon qaiqaiyin tsanani a jikin ki. Amma yanxu ga magani nan da allura inkikayi amfani dasu yadda ya dace duk qarfin ciwon sanyi zai rabu dake, kuma suna da qarfi sosai kici abinci sosai kafin kisha" sannan ya rubuta wani abu a takadda ya bawa Faty yace " wannan maganin kinsan yadda ake amfani dashi, duk sanda jinin al adarta yaxo shedar ta warke daga ciwon kenan sai ki siya ki saka mata acan ciki ki tabbatar ya taba mahaifarta, tunda kince sister dinki ce xaki iya yi mata a gida basai kun dawo ba"



Suna kan hanyar xuwa gida daga asibitin Faty ta gallawa Mimi harara tace "Mimi har magani kike cusawa a jikin ki dan ki burge Badaru ko? Mutumin da baisan mutuncinki ba?" Mimi ta marairaice tace " wlh ya Faty ban taba shan komai ko cusa wani abu a jikina ba, kinaga kazar da kuka yimun ma kafin a kaini ko dandanata banyi ba. Kawai dai lalura ce Allah ya doramun" Faty ta sauke fushinta dajin abunda Mimi tace, kuma tasan tabbas hakan ne domin kazar ma itace ta cinyeta bayan Mimi taqi ci. Dan haka ta sauke murya tace "ko kuma Badaru ya debo ya goga miki ba."



Da xuwansu gida tayiwa Mimi alluran tasha maganin sannan Faty ta daura mata drip (qarin ruwa) domin a cewarta Mimi ta dashe da yawa jikinta na buqatar ruwa da gaggawa.



Kwana 8 da sakin Mimi aka tashi da azumin watan ramadan. Kuma suka tashi ta baquncin Baba Saude (wata yar uwa a gurin Baffa, wacce ke xuwa daga can garinsu Gombe duk azumi da kuma sallah ta karbi kayan azumi ko kuma kayan sallah da Baffa ke bawa yan uwansa nacan taje ta raba) Baba saude irin mutanenne masu fadar gaskiya, dan haka take da baqin jini gurin matan Baffa (Umma da Anty) bayan haka kuma suna baqin cikin abunda take karba a gurin Baffa ta kaiwa yan uwansa na qauye.


Mama dai babu ruwanta cikin wannan shaani, tsakaninta da Baba saude kyakykyawar muamala ce. Duk sanda tazo takan tsinci kwancen kayanta kona Mimi dana dady ta bayar akai qauye a rabar, sannan kuma takan bata yan kudi ta qara akan na Mota. Ko kunsan alheri kan saka qauna, dan haka tafi sauran matan Baffa daraja a gurin Baba saude.


Wannan xuwa da tayi ta tarar da baqin lbrin mutuwar auren Mimi, ta jimanta kwarai domin ta sauyawa halin da taga mimin aciki. Basai anfada ba kasan xaman gidan baya mata dadi, ga uwarta me haquri tasan duk cin kashin da xa aiwa Mimi mama bazatai magana ba.



Ana haka Anty ta fito tana kumfar baki cewar Mimi bata dora abincin shan ruwa da wuri ba. Baba saude ta cafe maganar da cewa "ke yanxu jamila dan yaya buhari ya dorawa maryam aiki sai ku sakar mata har abincin azumi? Ai aikin azumi yafi qarfin hannu daya "

Umma ta shiga cikin maganar da cewa " ai bamu muka sakata ba, ubanta ne ya sakata kuma dole tayi, sannan bamu mukaje taje tai rashin mutunci a saketa ba" Anty ta qara da cewa "kemadai Hajara kike bata bakinki, ai abunda uwa tayi shi yar take maimaitawa, inbaki manta ba ai haka uwar ta dunga yawan aure aure kafin Allah ya hadata da Aminu ta maqale masa sannan daga baya aka dawo kan mijinmu. Waya sanima ko garin yawan asiri akan korarmu abun ya koma kan yarta? Ai maryam gadan aure aure tayi da mugun abu a gurin uwarta, Alhmdl Allah ya mayar mata da mugun abunta kanta kuma in shaa Allahu mutuwar aure yanxu kika fara, da yardar Allah sai kin auri maza goma"


Mimi najin haka ta fashe da kuka me cin rai, mama ta fito daga daki taja hannun Mimi. Baba saude ta harxuqa ta tofa Anty yawu tare da cewa " aniyarki ta biki, kuma ki tuna kina da yaya mata, fata nagari kuma lamiri. Saboda haka wlh ki kiyayi Allah, harshenki zai jawo miki bala in da yafi qarfinki, ba a yiwa Allah ixgili" Anty tace kema taki aniyar ta biki. Baba saude tai saurin cewa "amin, ai duk wanda kikaji ance aniyarsa ta bishi yaji haushi wlh aniyar ba me kyau bace. Kuma indai ana gadon mugun abu ke hana zaman aure da naki yayan basu xauna ba."


Taci gaba da mita ita kadai a tsakar gida, haka al amuran gidannan suka dame? Lallai yaya Buhari inbewa tufkar hanci ba tabbas jamila xata watsa masa gida. Taja tsaki mtsewww. Inbanda abunsa ma meye na damuwa da mutuwar auren maryam? Sama da yaya goma suna gidan miji a xaune dan Allah ya dora masa qaddara akan daya ya kasa dauka. Bare inda mutuwar aure ta zama gama gari, aimu ko acan qauye ba a tsangwamar mace dan aurenta ya mutu.


Umma ta leqo ta taga tace da Baba saude "karki kuma cewa yarsa ce, domin shi duk nasa yayan na gidan miji a zaune basu taba zawarci ba saboda basu ga munayiba" Baba saude ta katseta da cewa "to saiki zuqe jinin maryam daga jikin Buhari domin sharia ta riga ta bashi ya" Umma tace ai shi da kansa yace ba jininsa bace, shi jininsa basa mutuwar aure. Taje can ta nemi inda tayo gadan aure aure.



Baba saude bata kuma cewa komai ba, sai daga murya tayi yanda Mimi xata jiyota tace "ke maryamu kiyi shiru kinji, Allah ya na tare dake, shi dora miki kuma in shaa Allah xai baki mafita"


Mrs 😊
[9/30, 1:03 PM] ‪+234 706 296 6299‬: 🙆🏼🙆🏼🙆🏼AL 'AMARIN MARYAM 🙆🏼🙆🏼🙆🏼


Writing & story by rahman Mohammed (hajia)

Editing by mmn khairat
📝FANTASTIC STARS WRITERS {F S W }

Page 3⃣0⃣

Dedicated to
Sahura Musa Mohd (ina cigiyarki)


A haka ta fara axumi wanda ya qarasa ramarta ta qazanta, domin sam abinci baya ciyuwa a gurinta. Ta dage da adduar neman sauki gurin ubangiji, kuma duk wani masoyinta na tayata. Kullum in ansha ruwa Mimi ke xuwa gidansu fauxa su tafi masallaci yin sallar tarawih domin gidansu fauxa yafi kusa da masallacin. Sau tari a masallacin ma bata rasa masu yin zundenta da qusqus din mutuwar aurenta.


A al adar gidan Baffa duk goma ga watan Ramadan yayansa kaf maza da mata, masu aure da marasa aure har na wani garin ana haduwa asha ruwa agida saboda sada xumunci. Kuma uku ga kowacce sallah (sallah babba da sallah qarama) suna kuma taruwa shima aci abinci a sada xumunci ayi hotuna.


To wannan karon ba ai shan ruwan goma ga azumin ba kamar yadda aka saba, saboda ya jafar bezo daga kaduna ba inda yake aiki. Sai da azumi yayi rabi (15) sannan yaxo kuma a ranar aka fara shirin shan ruwan. Yawanci duk yayan gidan mata sukanxo tun azahar a hadu ayi aikin abincin shan ruwa. To yau dinma hakance ta kasance, wadanda ke farin ciki da mutuwar auren Mimi da wuri sukazo sukaga dahir sannan suka dunga shewa suna sakin habaici. Masu hankalin ciki kuwa, abun bai musu dadi ba saboda haka Anty Adawiyya ta jagorancesu sukaje dakin mama suka jajanta mata mutuwar auren sannan suka taushi Mimi tare da bata haquri akan abunda yan uwansu ke mata. Mama taji dadin wannan karamci da sukayi mata ta dunga godia kamar sun bata wani abun.



Azahar kowa ya hallara inka cire ya Faty da bata taso daga aiki ba, duk suna baje a tsakar gidan suna aiki, masu gyara kaji nayi, masu hada zobo nayi masu gyara ayar kunun aya sunayi da masu gere dankali. Baby tai sallama ta shigo jikinta sanye da uniform da alama daga skul take. Baby itace ya ta tara a dakin Anty, shekarunta bazasu wuce 15 ba, tana aji 1 a babbar sakandire (senior secondry).


Tana shigowa wani almajiri ya biyota, "wai ana kiran wacce ta shigo yanxu" inji almajirin. Baby ta murguda baki cikin tsabar fitsara da tashen balaga tace " wlh na tsani naci, tundaga makaranta yake bina maye."


Anty tai saurin fitowa daga kitchen tace "je kace yarinya ce bata tsaiwa da samari" yaron ya fita fadar abunda aka aikeshi.


Anty ta ruqe haba cikin sigar al ajabi tace "kai wadannan yara da farin jini suke, babu dama su fita sai an biyosu. Wlh bari Baffa ya dawo mu xauna ayi magana, gara tanayin candy a aurar da ita inyaso jamiar tayi a gidan mijinta. Aini nadau darasi da barin da ya dade a gabanka, qarshe kwantai yakeyi. Wlh tana candy xan aurar da ita" (kunji fa kamar auren a hannunta yake, mudai munsan koda miji a hannu aure sai Allah yayi tunda aure lokaci ne.)


Rashida ta kalli shashin da Baby take tsaye tana murmushi saboda jin abunda uwarta tace na cewar tana da farin jini, tace "aike Baby ki godewa Allah tun yanxu anfara kawo miki hari, alamar cewa ba zaki Bandaro ba. Saboda wlh in mutum yayi kwantai ko yaje gidan mijin ba iya xama yake ba" ragowar yan jam iyar Rashida (masu qin Mimi) suka saki dariya tare da cewa "wlh kuwa 🤣🤣🤣"


Anty Adawiyya dake gefe ta cije lebe saboda duk wanda ke gurin ya fuskanci inda maganar Anty da Rashida ta nufa, Anty Halima ta kalli Adawiyya cikin takaicin abunda uwarta da yar uwarta sukai (halima yar Anty ce) tace Anty wai haka zamu zuba ido abubuwannan suci gaba a gidannan, infa akaci gaba da haka nan gaba kadan xumunci xai watse mune manya ya dace mu gyara abun. Anty Adawiyya tace " Halima mexance? Ai baka canja mutum kina ganin kwanaki da nai hukunci akan abunda Rashida kewa Mimi qarshe abun fada ya xama tsakanin Umma da Anty. Saboda haka duk wanda aka fada masa yaqiji sai a kyaleshi duniya tai masa nata karatun"



Suna zaune akan qatuwar tabarma da aka malala a tsakar gidan, kayan abinci ne jibgi a gabansu kowa na diban abunda yake so yana ci. Duk zuriar gidan sun hallara tundaga kan Baffa, matansa, yayansa da surukarsa (matar yaya Ali) da kuma jikokinsa. Anata hira ana jin abinci cikin raha, ya jafar ya kalli Baby yace "ke jeki kice Mimi ta fito, inna kuma aiko ta fito bata fito ba sai ranta ya baci." wannan shine karo na 3 da yake aikawa kiran Mimi amma taqi fitowa, kuma ba wani abu ke hanata fitowar ba sai gudun abunda ka iya faruwa inta zauna a cikinsu.


Umma tai tsaki ta dan harari jafar, tace "to kai ina ruwanka da rashin fitowarta, ai dan ta nuna muku mugun halinta ne yasa bata fito ba, tayi abu yazo ya dameta ya hanata shiga cikin mutane."



Wannan karon Mimi tare suka fito da Baby, sanye take da hijab me hannu. Faty bataso tilastawar da ya jafar yayi Mimi ta fito ba saboda tasan dole sai anyi abunda xa aci xarafin Mimi.



Ganin babu guri a inda Baby ta xauna yasa Mimi tayi nufin tsallakewa can kusa da Anty safiyya (matar ya Ali) . Ganin da Rashida tayi Mimi na shirin tsallaketa yasa ta miqe qasa tare turo qatan cikinta, Mimi ta daga qafa xata tsallaka a hankalce saboda kar ace tayi wani abun ko ta buge mai ciki Rashida tasa daya qafar ta tade Mimin. Ai kuwa ta yanke jiki ta fada kan Sumayya take zaune da jaririnta dan 4 month akan cinya, sannan ga kofin shayi sai tururi yake a gabanta. Cikin axama Sumayya ta ture Mimi daga kan jaririnta ta tura mimin kan ruwan shayin tare da cewa "bakya ganine zaki kashemun da?"

Zafin ruwan shayin bai gama ratsa Mimi ba taji saukar mari a kuncinta. Tai dafe kunci tare da dagowa taga wanda ya mareta tai arba da Baffa sai huci yake yana kallonta cike da tsana yace "dan bakisan ciwon haihuwa ba shine xaki fado mata akan jariri? Ke dan kin gaza xama a naki gidan ki haifi naki dan zakixo ki fado musu ka? Ke wace irin muguwar yarinya ce".


Umma tace ai dama tunda aka tilasa mata fitowa batai niyya ba nasan saitayi abunda xata sosa mana rai kuma shine muguntar taki xata qare akan jikana? Rashida na gefe sai murmushin jin dadi take.


Duk wanda ke gurin ya lura da abunda ya faru saboda hasken nefa tanyar a tsakar gidan. Mimi abun yayi mata yawa ga zafin qonewa ga zafin maganganun Baffa, ta fashe da kuka tace " Dan Allah kuyi haquri, inwani laifin nai muku kuka tsaneni dan Allah ku fadamun in gyara" tana kaiwa nan ta shige daki.


Ya jafar da tausayin Mimi ya hanashi daurewa ya kalli Baffa yace "Baffa wannan wane irin hukunci ne? Wlh ina kallon abunda ya faru, Rashida ce ta turota dan me xaka goyi bayansu qonata fa sukayi" Anty tai saurin kare Rashida da cewa karkai mata sharri, kawai dai ta shirya mugutar fadawa kan Rashida tasa ta naqudar dole ita kuma Allah ya bata sa a ta tureta. Baffa ya hau borin kunya da "yimun shiru jafar, kaine ka haifeni? Ko kai xakaimun hukunci a gidana"



Faty tabi bayan Mimi itama tana kuka. Jafar ya kalli shashin da mama ke zaune yaga tananan inda take ko motsawa batai ba sai dai ta kasa cin abincin sai juya tea take da spoon. Anty Adawiyya ta dakko qaramin try ta xuba duk nau in abincin dake gurin ta bawa Anty safiyya tace "kaiwa su Faty daki" Faty na zaune kan kujera tana kuka tana shafawa Mimi jelly a dantsen hannunta inda ruwan shayin ya xaba. Anty safiyya ta bata abincin tace ki tabbatar Mimi taci. Kuyi haquri Allah baya zalunci kuma ya haramtashi garemu in shaa Allah xakuga sakamako.



Faty ta dunga diban abincin da hannu tana bawa Mimi, ita kuwa ba musu ta dunga karba tanaci.



Tun jiya da abun ya faru har ixuwa yanxu da gari ya waye tunani take. Wai shin meyasa indai aure ya mutu a Society dinmu laifin kan zama na ya mace ita kadai? Wai yaushe YA MACE xata samu yanci a Society namu? Wadannan sune tambayoyin da ta rasa me amsa mata.


Kanta ke mugun ciwo, wanda tasan tunani ne ya haddasa matashi. Ga kuma yanxu mararta ta daure, alamu kamar period pain. Tananan kwance, taji ciwon marar ya fara tsananta kuma taji danshi a qasanta. A fili tace "babu ciki a jikina kenan kamar yadda Dr yace" gudun kar ciwon mara ya galabaitar da ita gashi mama ta tafi aiki yasa ta tashi taje parlour ta dakko gwangwanin maltina a fridge tazo ta balli maganin ciwon mara tasha. Lokacin ko ganin gabanta bata iyayi saboda tsananin ciwon kai.


Tana kwance tana murqususun ciwon mara da ciwon abunda Baffa Yayi mata, itadai tun