You Cannot Download this book untill you login but you can read it .

---

Login Register

sunan da suke fadawa Hajiya Kubra ta cigaba da cewa yaron da mahaifiyarsa da kakanninsa suka cusa masa kiyayyarmu a ransa,Hajiya Kubra tace yanzu dai komai yawuce wanda ake abun danshi yau ina yike bayanan,yanzu cigaba da maganar nan dawo da bara bana ne da jawo Bacin rai yanzu muji da mutuwar da akaimana babu ko daya daga cikinsu da tari ya sille masa saboda koba komai dai mutuwar su akayiwa amma zuciyar ko wannensu da tunanin da yake akan matakin da zasu dauka dan ita bangaren zuciyar Hajiya Jamila yadda zatayi ta fitarda su Rufaida daga rayuwarsu take dukda ga mai hadawa nan Yasir ya riga ya hadasu wanda ko ya mutu acewarta ya mutu ta rayayyun 'ya'yanta take a yanzu domin badan yadda taga gawar AbdulWahid ba to da hankalinta bazai tashi har yasa ta kasa maida raddi ba gurin Hajiya Kubra Hajiya Jamila macace mai matukar son duniya shiyasa ma mutuwar dan nata baisa ta rage kudure kuduren duniya ba da take yi kuma babu daya kwakkwara na gari da za'ace

Hannun Yasir Hajiya Kubra ta kama zuwa cikin gidan tana lallashinsa har dakin dasu Rufaida ke ciki ta kaisa inda yana zuwa ya fada jikin Rufaida uwa a garesa yana kuka itama Rufaida hawaye take sai dai bata bari ya gane ba ta cigaba da jijjigasa har barci ya daukesa,nan Hajiya Kubra ta cigaba da yimata nasiha a haka ta fice daga dakin tana goge kwallar tausayin yarinya karama Rufaida gashi ta zama bazawarar da yau Allah ya dauke mata mijinta da yabarta da da da yanzu yazama maraya dukda bazaman farin ciki tayi da mijin nata ba to ina sirikar tabarta tayi haka amma hakan baisa yarinyar korafi ba daidai da rana daya ba hakuri gareta mai yawa dukda wannan abun da yafaru wanda ake danshi baya duniyar baisa kiyayyar da Hajiya Jamila kewa su Rufaida raguwa ba batare da Hajiya Kubra tasan laifi 'daya kwakkwara ba dayaja hakan ba rayuwar dama haka ta gada wasu kome zakamusu bazasu kaunaceka ba

Abba Bukar da yake zaune gefen gado wajen karfe tara na dare da haske ya gauraye 'dakin na lantarki Hajiya Kubra ta shigo 'dakin dauke da sallama da Flask riqe a hannunta Abba Bukar ya 'dago fuskarsa da take cikin damuwa ya amsa mata kafin ya maida kansa ga inda yake kallo a kan lokar jikin gadon 'dakin Hajiya Kubra ta zauna ta fara magana cikin sanyin murya da cewa"Abba dukkan mai rai mamacine AbdulWahid ya tafi inda ba'a dawowa damuwar bazata dawo dashi ba Addu'a ce yakamata mudinga yi masa"
Kai Abba Bukar ya 'daga alamun ya gamsu da abinda Hajiya Kubra ta fa'da kafin yace" Kubra mutuwar yaron ce tazo shiba ciwo yayi ba rana tsaka yayi hatsarin motar nan ni koma a waya bai fadamin zaizo ba ashe ajali ne yakirasa,gashi kaf cikin yarana babu wanda kai tsaye zakace yabar abu ya bari kai tsaye inbashi ba gashi da kokarin kyautata mana dason yan uwansa"Abba Bukar ya karasa maganar yana zubda hawaye lalle duk abinda zaisa Abba Bukar koda hawayene babban abune tabbas duk abinda Abba Bukar yafada gaskiya ne saidai kuma ya za'ayi wanda yafimu sanshi a amshi abinsa,Hajiya Kubra ke wannan tunanin a cikin ranta Hakuri ta cigaba da basa kafin yace su Haulatu mungaisa sunyimin gaisuwa dazu kuma abin shirmen anan da mazajensu da suka kirani a waya yimin gaisuwa suka fadamin cewa sai anyi bakwai zasu koma saida ma na dinga fada tunda wanda ya mutu bazaidawo ba,amma ko wacce tabaro yaranta ta taho,kuma suda ba jin magana suke ba kafin su koma sai sun hargitsamin gida najima da halin yar uwartasu danike aure wannan ai shirmene da anyi uku duk kowa zai koma gidansa Hajiya Kubra hakuri ta shiga basa

Washe gari da wuri Kabir ya shirya zasu koma Abuja shida matarsa sai ana gobe addu'ar uku zasu dawo su kwana ayi addu'a su taho inda Luba zata tahowa Rufaida wasu daga cikin kayan sawarta Yasir ganin Kabir zai tafi yafara cewa Kawu akaini Dady na kukan da Kabir yake maqalewa yafarayi inda tun a falon da yaje musu sallama zuciyarsa ta karye da ya tuna cewa shida AbdulWahid suka saba zuwa muddin wani dalilin yakawosu Kaduna sai sun karaso Zariya kai kobama haka ba gidansu AbdulWahid kamar gidansu Kabir ne tun sanda suka hadu a jami'ar Ahmadu Bello University shiyasa yake tuno falon gidan dakoda yaushe zuri'ar gidan suke zaune a ciki bazaka rasa koda mutum daya ba a kowacce rana ta duniya ba barema zaman ake da yawa ana hira cikin so da kauna harda Abba Bukar uba garesu hakama idan sun biyo da Kaduna a wannan falon zasu zauna aita fira cikin raha da wasa da dariya da girmama juna yau ga yadda abun yakasance gasu a falon amma babu jigon da yayi sanadiyyar sanin wannan a halin da yayi yau yanacan a wani bigiren na daban da muma jiranta muke wannan bigiren na mutuwa da kowa jiran lokaci yake
Kabir da harya Shiva mota amma yanajin sautin kukan Yasir nan Abba Bukar da kansa yasa Yasir a mota su tafi tare da shi

Koda Labarin mutuwar yazowa gurin aikinsa sunji mutuwar sosai dan AbdulWahid mutumin kirkine yasamu shaida mota sukayi washe gari suka nufo Zariya suda wasu 'yan sandan da suke a cikin barraq din nasu buhun shinkafa katan din taliya couscous da kudi masu yawa suka kawo musu a riqa dafawa wani babba a cikin su nauyin karatun Yasir ya dauka da za'a bashi yaron da yafi kowa son hakan domin duk abinda zaiwa AbdulWahid bazai biyasa shi abinda ya masa ba sanda ya shiga matsala ya taimakamasa sosai sun nuna halalci sosai abokan aikin nasa sosai koda Kabir yakoma abokansa da suke aiki tare haka suka riqa yimasa ta'aziyya kwanansu daya su Kabir suka juyo saida aka lallashi Yasir cewa Abbansa yatafi wani aiki sai yayi girmaan za'a kaishi gurinsa da haka aka samu yafara hakura sai dai jefi jefi idan yana rigima ya riqa maganar mahaifin nas_JININMU DAYA_
(Labari mai dauke da son zuciya)
Na
Sadiya Ibrahim Khali

3
_A ranar da akayi ukun AbdulWahid ranar Abba Bukar yacewa su Haulatu kowacce tabi mjinta takoma saboda ya fahimci ganin cigaba da zaman nasu zai iya kawo hargitsi,koda Hajiya Jamila taji haka abinda Abba Bukar yace bata tada wata fitinar ba dan a yanzu ne mutuwar 'dan nata take dokarta don tafara zubar da makaman aiki saidai bata zubar dana 'kiyayyar da takewa Rufaida ba har yau kai bama ga ita ba harga jininta kiyayyar ta shafesa,wadda dama 'kiyayyar tadade da wanzuwa,_

_A ranar ukun ne yan uwa da abokan arziki suka zowa Hajiya Jamila gaisuwa daga mahaifarta Nasarawa Lafiya ciki ko harda Ruqayya da a ganinta tafi kowa jin mutuwar AbdulAhad sunzo da niyyar suyi kwana daya su juya dalili mai 'karfi da yakarasa su Kaltume da Haulatu jin haushin tafiyar tasu su da sukaso suyi fira da 'yan uwansu yau amma ga yadda Abba yace banda suna ganin girman Abba da bazasu tafi ba,sai dai matsayin da yake a gurinsu na mahaifi da tunda iyayensu suka rasu suka dawo hannunsa harya aurar dasu bazasu iya ja da maganarsa saboda koba wannan Abba Bukar ba kalar wanda za'ayiwa wargi bane da haka kowacce ta hada kayanta tabi mijinta nata_

_*Abangaren Rufaida*_

_Nasihar da Abbanta Aliyu yake mata sosai take shigarta hawaye take zubarwa daga idanunta dake cikin hijabi,inda shi bai lura ba,dukda shi a karan kansa nasihar yake amma tausayin 'yarsa yana mamaye a zuciyarsa haka ya mike daga 'daya daga cikin kujerun falon 'dakin dasu Rufaidan suke ciki tundaga mutuwar yana yi mata sallama da kyar batare da ta dago kaiba ta iya ma Abbannata addu'a wadda nasihar Abbannata jinta kawai take bata fahimtar komai dan yau mutuwar sabuwa tadawo mata fil gashi yanzu haka kowa watsewa zaiyi a barta cikin tsangwamar da tasan zata riska gurin surikarta akan abinda ba tada masaniya,Da haka Umminta Hauwa'u da Momynta Hajiya Maryam suka fito daga Bedroom din falon da jakunkunasu a hannu kowaccensu fuska babu walwala dasu ma tafiyar zasuyi nan Hajiya Maryam ta kama hannun Rufaida ta 'dago fuskarta ta fara kokarin share mata hawaye kafin tayi mata nasihar itama da haka suka fice suna yi mata Sallama saboda shi kansa Aliyu su yake jira su kama hanyar Kano kodan su isa koda da la'asar ne da haka su Luba da Gwaggo suka fito yi musu rakiya da itama Luba anjima zasu tafi itada Kabir bandama yaje gurin wani abokinsa inda ya tafi da Yasir da Yusuf toda tuni ma sunkusa Abuja Gwaggo kuwa da take a gari sai magriba Abdulmalik zai maida ita gida dukda yadda Abba Bukar yaso Gwaggo ta zauna har Rufaida tafita takaba amma kiri kiri taki amincewa sai dai ta rika zuwa akai akai duba ta_

_Karfe tara na dare gaba daya dakin yayi shiru daga ita Rufaida sai Yasir da yagama rigima yayi barci saiko karar sunnah TV da take sauraron wa'azi saiko wayarta dake gefe da sai yau Luba ta bata da ta kira su Umminta da Momynta Hajiya Maryam sun sauka lafiya nan ummin nata Hauwa'u ta dora da yimata nasiha Luba ma ta kira ta sunje gida lafiya sai kuma kiran kawaye da abokan arziki da 'yan uwa da sukaji mutuwar basu sami damar zuwa ba da take amsawa ganin Number 'din Samiha a screen 'din wayar da take ta gwada number 'din Rufaida tun bayan gaisuwar da tamata a wayar momynsu Maryam da bawani damar yi mata ta'aziyya tasamu ba,sai yau da number din ta kira ta samu ta shiga, ita kanta Samiha taji mutuwar kamar itace mijinta ya rasu dan yadda ta dauki Rufaida a zuciyarta ba abin akwatanta bane badan busu jima da komawaba da saita zo yi mata gaisuwa,da haka Rufaida ta 'daga wayar da muryarta me cike da rauni tayi sallama da kadan ya rage tayi kuka Samiharce ta amsa ta kuma kara yi mata ta'aziyya da cewa "Rufaida Wanda duk ya mutu baya dawowa yanzu Yaya Ahad addu'arki tafi bu'kata damuwa bata maye gurbin komai sai sawa zuciya ciwo domin duk abinda ka rasa bazai dawo ba addu'a itace mafita akan komai" da haka ta cigaba da bata hakuri sosai Rufaida taji da'din wayar tasu tana cewa"nagode Samiha kuma insha Allah zai dauki shawararki yasu Little din da Rufaida karama" cikin farin ciki Samiha tace"duk suna lafiya Ahmad yace yana miki gaisuwa da mundawo gida zamu zo gaisuwa shima yaji mutuwar yace gaisuwar waya ba zata wadatar ba sai anzo har gida"Rufaida ta har ranta taji dadi tace"koma ta hakane tayi ai ina Yaya Ahmad 'din"Samiha tace aiko ba tayi ba ,Yana gurin aikinsu yanacan yauma yana cuku cuku samun takaddar da za'a bashi yadawo gida"Rufaida tace"yanzu bazai hakura ba ai duk dayane nanda shekara biyun da suka cemasa"Samiha tace "wanne duk 'dayane bayan bama ganinku a kusa damu ai bawani cikakken farin ciki ba ahalinka a tare dakai anyi nisan daya wuce na ahau mota sai dai jirgi mai saukar ungulu" da haka suka cigaba da ta'ba hira wadda yasa Rufaida jin da'di dan har ranta matsayin data dau Samiha ya wuce tunanin mai tunani haka sukayi sallama kowannensu a cikin farin ciki_

_koda ta sauke wayar tunani ta cigaba dayi irin yadda rayuwarta takasance kalubalen data riska har kawo yanzu da wannan tunanin barci ya dauke ta_

_'Bangaren Hajiya Jamila_
_Aunty Shema'u da take yaya ga Hajiya Jamila ta dubi Hajiya Jamilar da sauran mutanan 'dakin tana cewa"Wai ita yarinyar nan Rufaida bazata zo gaishemu bane har takwas ta gota komu take nufi zamu je gaisheta yarinya tasamu guru said wulakanci"Hajiya Jamila tace " naga alamar hakan take nufi" nan sauran 'yan uwan Hajiya Jamila suka samu kofar cigaba da magana Mara dadi akan Rufaida dukdai akan dalilinsu nacewa batazo gaishesu da safe ba Aunty Maimuna kanwar Hajiya Jamila ita tasa baki cikin maganar tace" Aunty ai kamata ayi mata uzuri amatsayinta name takaba bakuma asan dalilin nata nakin zuwa ba tunda tasaba zuwa koda banwai Sani ba"wa'danda da suka fara korafin cewa bata zo dinba sai duk suka fara cewa hakane yakamata suje dubata Idan sungama shirin tafiya da sukeyi Aunty Shema'u ta 'dan ta'be baki suka canza fira_

_Hajiya Kubra ta dubi Aunty Amina amaryar Abba Bukar da suke kitchen suna kacaniyar girki su da wata mai tayasu aikace aikace tace" Amarya niko yau banji motsin yarinyar nan Rufaida ba"tace " nifa kinsan bana shiga harkar da baruwana saboda ina tsoron najawa kaina rigima gurin Hajiya Jamila gwara ke manyan 'ya'ya gareki nifa"Murmushi Hajiya Kubra tayi tace"Amarya rufamin asiri yanzu Hassan ya sake Kodan yatsa ya 'daga wa Hajiya Jamila basai ankoremu nidashi a gidanba kinsan Abba bazai 'dau irin wannan ba,Kawai dai gani nayi 'dana kowa ne kuma mahaifiyar yarinyar nan tana ganin girmanmu kuma nidai tunda nike bazance ga abinda sukayi mana ba yakamata muma mukula da ita tunda yanzu ita abar tausayice"Aunty Amina tace " toda wannan amma dai ina tsoron wannan yare yaren" murmushi Hajiya Kubra tayi tace" ashe dama tsoro kawai kikeji ni kinga bari naje dubota" "to sai kindawo" kawai Amarya ta fa'da ta cigaba da aikinta"_

Shiga Hajiya Kubra tayi dakin tana sallama sai dai bataji motsin mutum a falon ba yasata karasa shiga bedroom din a takure jikin gado ta iske Rufaida tana rawar sanyi gefe kuma Yasir ne dayaketa barcinsa babu abinda ke damunsa"Hajiya Kubra tace Subhanallah Rufaida meke damunki"cikin rawar murya tace"Mama zazza'bi nakeji da ciwan kai"Hajiya Kubra tace" amma baki fada ba" tace" yanzu nafara jin zazzabin" Hajiya Kubra tace "hala bakicin abinci haba Rufaida mutuwa fa dole ce Wanda mutu bazai dawoba kuma ke bakaramar yarinya bace da za'atasa ki kici abinci ko aduramiki,bari nakira Hassan idan mota tana hannunsa akaiki asibiti" waya ta 'daga da take hannunta ta lalubo Number Hassan ringing biyu ya 'daga tanbayarsa tayi kana inane yanzu nan yake shaidamata yana bangarensu ko abinci aka gama su fito ci tace a'a Rufaidah ce balafiya ta dauka mota tana hannunsa yace tana hannun Yaya Abdulmalik Abba ya aikesa nan yace Allah ya kara sauki Hajiya Kubra tace Amin ta katse wayar shima Hassan wayar ya aje yana kara tausayin 'yar uwarsa dama haka mace take komawa idan mijinta yarasu lokaci guda Rufaida ta rasa duk walwalarta shi dama za'a bashi ita ba abinda zai hanasa aurenta Koran su rike yaran nan cikin kulawa bazai fahimci yayi rashi ba"
Hajiya Kubra AbdulMalik ta kira ganin bai dagaba yasa ta fahimci tuki yake Abba Bukar takira tasanarmasa nan yace bari yashigo dakin ya gaisheta gefen Gado Hajiya Kubra ta zauna ba jimawa ya shigo ya dubata yace idan Abdulmalik yadawo zasu tafi asibiti Yakuma umarci Hajiya Kubra tadauki yasir ayi masa wanka da haka suka bar dakin suna karamata Allah ya kara sauki bayan mikawa yara Yasir ta nufi bangaren Abba Bukar da sallama Hajiya Kubra ta shiga Abba Bukar yadubeta bayan amsa sallama inda tanemi guru gefen gado ta zauna shida yake tsaye jikin Sib yana duba wata takadda da yake nema duk ma'adanar litattafansa yaduba batanan ya dubi Hajiya Kubra da mamaki ganin cewa sun gaisa kuma yanzu suka rabu baidai cemata komaiba yanaso yaji ta bakinta takunna shirun sakanni sukayi kafin Hajiya Kubra tace"Abba dama shawara nakeso na baka amma karkace na Shiga abinda baruwana koya batama rai"murrmushi Abba Bukar yayi yace"Haba Kubra kifadi koma menene bazai batamin rai ba kuma indai dayuyuwa zan dauki shawarar taki" nisawa tayi kafin tace" gani nake gwara yarinyar nan Rufaida takoma gidan Gwaggo zatafi kula da ita amma nan kasan akwai damuwa azamannata saboda kowannenmu bazai kula da ita kamar Gwaggo"Abba bukar ya nisa yace"hakane saidai zaman nata anan zaifi saboda nanne yakamata ta zauna bayan gidan mijinta tunda idan Abujar ne babu wanda tasani kuma nanma koba ta auri danmu ba ai gidansu ne,Kubra daga gareki bana tunanin wata baraka zata taso Dan Allah kirike ta amana har Allah yasa tagama takabar nan takoma gaban iyayenta tunda yar nan kema yar kice kuma da na kowane bakasan wazai taimakeka ba a gaba"Hakane cewar Hajiya Kubra da haka dai suka cigaba da fira Abba Bukar nakarajin kaunar matarsa saboda yadda tafita daban acikinsu badan wata alaqa tasu ba yasa yake kaunartasu ba a'a halayyarta itace dalilinsa babu Wanda cikin nasa zaice ga laifin ta bawai don tasu bace yasa hakanba kawaidai ita bamai son kai bace yana alfahari da matarsa.*JININMU 'DAYA*


By Sadiya Ibrahim Khali
(Sadiya Khali)

4

Abdulmalik ne ya Shiga dakin Hajiya Jamila cikin saurinsa dako sallama baiba duk ya rude jin rashin lafiyar Rufaida yar uwa a garesa, inda Aunty shema'u da Aunty Maimuna sakonta data ya aje mata ganinsa cikin saurin bako sallama yasa ta tanbayar ko lafiya zai shigo mata daki haka yace "Kiya hakuri Umma Rufaida ce yanzu Abba yake fadamin batajin da'di zamu tafi asibiti"Hajiya Jamila da ranta ya gama baci tace tunda gani uwarka banda lafiya aika rude kakasa yimin sallama wallahi Abdulmalik kashiga hankalinka babban kwabo kawai ko Abdussalam da AbdulJabbar bazasuyi haka ba" AbdulMalik yace "kiya hakuri Umma"Aunty Shema'u da sai yanzu tasa baki tace" toma banda iskanci da raini akanta aka fara cuta"Aunty Maimuna da tasa baki itama tace" Haba dan Allah tunda ya amsa laifinsa ai saiku hakura ku kyalesa"kafin Aunty Maimuna ta fada tana karasa zancen da cewa muje Abdulmalik na dubo jikinta dan balallai kuje asibiti kudawo kusamemu bamu tafi ba"Aunty Shema'u tace"lallai Maimuna wannan dakece babbarmu bamusan ikon da zaki nuna akanmu ba"Maimuna da bata saurari yayartata ba dan tasan rai zai iya baci idan takulata dan ita bata goyan bayan rashin gaskiya suka fice itada AbdulMalik Hajiya Jamila ta kalli Shema'un tace" gaskiya Yaya ,Maimuna bansan ina tasamo wannan halinba bare ace yafi 'dan uwa dama da masu asali ake abin tashiga toda da sauki"Aunty Sha'awa tace "ni bama wannan yafi damuna ba kidubafa kiga yadda Abdulmalik ke rudewa akanta karfa yace shima yarinyar nan yakeso wallahi tun wuri kiyi maganinta kar wannan bakar kayar tasake kutso kai zuriyarki tazo ta sake miki shigar sauri"Hajiya Jamila da sai yanzu hankalinta yakai nan tace hakane Yaya amma daraina bazan amince ba in anyi nafarko anyimin fin karfi wannan bazan bari ba kodan duba da banbancin dake tsakaninmu mai dunbin yawa" da wannan firar tasu ta cigaba da wanzuwa har Rukayya ta shigo dakin da za'a barta anan

Aunty Maimuna data kalli Rufaida da take rawar Sanyi tace subhanallah Rufaida zazzabin ne har haka kafin ta bude Sib din jikin bango ta samo mata hijabi tana cewa"anshi maza kisa AbdulMalik yana falo yana jiranki"tare suka fito falon da Rufaida ba wanda take ma iya yiwa magana AbdulMalik cikin nuna tausayi ga matar yayannasu da kasa ta rufesa da take masa takaba yace"Aunty kinga ashe har haka jikin Rufaida yayi zafi"Aunty Maimuna tace"AbdulMalik rasa miji ba abine mai sauki ba dole akwai ciwo da zafi na rabuwa da abokin rayuwarka yanzu dai kayi maza ku tafi asibiti Allah ya bata lafiya idan kun taddamu shikenan"AbdulMalik ya amsa da to Aunty Allah ya saukeku lafiya"duk tare suka fito shida Rufaida sukayi hanyar harabar gidan ya tada mota suka nufi asibitin

Da murmushi matashin likitan mai suna Zahraddin ya dago kai daga rubutun da yake zaune a daya daga cikin kujerun office din yana cewa"Malam AbdulMalik lafiya kuwa Zahraddin ya fada yana bawa AbdulMalik hannu da likitan bayan sunyi musabihar ne ,suka zauna a kujerun dake gefen na Zahraddin din kafin AbdulMalik yace"Eh Wallahi zahraddeen nine Matar Yayana da yarasu kwana 4 nakawo bata jin dadi ya nuna masa Rufaida "Zahraddin yace" Allah sarki Mama ta fadamin rasuwar to Jiya nadawo daga Kano shine banzo gaisuwa ba banma ko a waya ba tunda naje ban huta ba wani aiki ne aka turamu Allah ya jikansa ita kuma Allah ya bata lafiya ya fada yana kallen fuskar Rufaida da yaji lokaci guda tausayinta ya kama shi "AbdulMalik yace "Amin abokina babu komai nagode amma ban yarda ba saikazo yimin har gida" Zahraddeen yace" to shikenan zanzo yau din nan ma in Allah ya amince amma waima tsaya kasan da abotar kaki shigowa koka kirani a waya nazo har gida koka fadamin kuna nan a waje nasa a shigo daku yanzu da yadda nace nagama duba kowa da saina fito naganku naji kunya"AbdulMalik yayi murmushi yace"abokina kenan yanzu muka zo badadewa mutane kadan na tarar idan kuma na shigo kaga zan shiga hakkinsu ,idan nayi haka kuma kaga bankyautaba bansan uzurin kowa ba ,kuma bawai alfarmace ko matsayi ace dan kasan wani a guri kai tsaye bawani dalili kazo ka wuce wasu guri kuma bayan sun rigaka zuwa kaga akwai hakkinsu akanmu da munyi hakan"murmushi Zahraddin yayi yace"Uztaz AbdulMalik kenan"AbdulMalik yayi murmushi yace"gaskiya ce ba wani uztaz ni duba min mara lafiyata mu tafi na biyema hirarmu bazata kare ba bare muyi abinda zai anfanemu"Murmushi Zahraddin kawai yayi ya juya ga Rufaida ya mata tanbayoyi ya gwada Blood pressure dinta ya rubuta mata magunguna yace ta rage damuwa sannan ya mata nasihohi kafin su mike su fito Zahraddin yana cewa sai ya karaso zuwa anjima koda yamma ne

Daki kawai Rufaida ta shiga bayan fitowarta mota da ledojin magungunan da yoghurt da AbdulMalik ya siya mata da zata sha maganin dashi da tuni lokacin su Aunty Maimuna sun dau hanyar Nasarawa tana shan magungunan gado kawai ta haye ta kwanta AbdulMalik ya da'de a motar kafin ya fito a ranshi yana matukar jin tausauyin Rufaida tunanin da zuciyarsa ta fara shiyashi sakin murmushi ya fito daga motar ya wuce bangaren mahaifinshi don alokacin ya tabbatar su Aunty Maimuna sun tafi don yaga message din data turamasa har ran AbdulMalik yakeso Auntynsu Maimuna saboda tafita daban a cikin yan uwan mahaifiyartashi gwarama Haulatu ba laifi da nata kirkin saidai zugata da yan uwanta keyi shine yake sauya ta dandanan gata da daukar zafi lokaci guda ita ko Aunty Maimuna tana da kafiya akan gaskiya.*JININMU 'DAYA*

By Sadiya Ibrahim Khali(Sadiya Khali)

5
AHajiya Jamila ta dan dubi Aunty Amina da Duke zaune Suna karyawa a falo tace Amarya Ruqayya zaki mikawa abincinta kibawa Rufaida ta mika mata"Abba Bukar da baice komai ba sai da yaji karashen maganar Hajiya Jamila yace "kamar ya a mikawa Ruqayya abincinta?ita bazata iya fitowa ta ciba"Hajiya Jamila ta 'dan yatsina kafin tace masa" kasan tunda akayi rasuwar nan yarinyarnan Ruqayya bata cikin nutsuwarta gani take data fito falon na ganin wancen yaron zatayi"Ganin ya gane AbdulAhad take nufi yace mata"dakata Jamila ita Ruqayya AbdulAhad din mijintane ita matartasa daya mutu ya bari take masa takaba ita ta fito take cin abincin da ita yaushe ta warware ince Jiya har asibiti aka kaita"ganin kowa na falon jin amsar zata bayar yake yasata cewa"Ba haka bane Abba kaima kasan akwai banbanci tsakaninta da Rufaida mai tazara saboda ita Rufaida ta auresa tana zaune dashi ita kuma Ruqayya yarasu tana son aurensa"shiru Abba Bukar yayi yana tunanin halayyar matarsa kiri-kiri take fito da komai yace" Wasila jeki kira min Ruqayyan danni tun fil azal iyalina guri 'daya sukecin abinci bakuma za'a ware ba saboda zuwanta ya fada"Wasila datake cin dankali ta ajiye ta mike tana cewa "to Abba "sai da yaga shigowar Rukayyan falo da take ta sissinke kai ya mike yabar dakin da Ruqayyan take gaisheshi ya bita da lafiya lau ya fice daga gidan yaran suna binsa da adawo lafiya Aunty Amina ta bisa yi masa Rakiya Aunty Amina ta dubesa tace"amma Abba abinda Ummansu Abdussalam take sainaga kamar bata kyautawa akan yarinyar nan kuma a gabanta take komu inzamuyi mata kamata yayi ta hanamu tunda koma menene matsayin surikarta take dukda mai rabawa ta raba" nisawa yayi yace "hakane Amina zanyiwa tufkar hanci da wuri kuma kema karki sa baki dukdai kulawar da kukaga yakamata a matsayinku na iyaye gareta Ku bata tunda koba komai Aliyu da Hauwa'u na wane" tace masa hakane Insha Allah zamu kara datse damtse fiye da yanzu"yana murmushin jin da'di yace yawwa Amina"Allah yayi miki Albarka" tace "Amin" da haka yaja motarsa ya fice ya nufi gurin aikinshi.

Rufaida da take zaune a gurin tanaji yadda Hajiya Jamila suke fira itada Ruqayya ko daya batasa baki ba dan ko tasama gwaleta zatayi