You Cannot Download this book untill you login but you can read it .

---

Login Register

gaba ba gida baya Dajin Allah Amma Abdallah yace shi Dole anan za a sauke shi,Anyi anyi ya hakura yace wlh shi sauka zaiyi Bai San inda za a kaishi ba,Khadija ta farka tana goge baki tace Nima ai wlh anan zan sauka Binka zanyi bazai yuwu a saceni ba,to ae a saukemu a Nan cewar Abdallah,Driver yace Kai ba Azo bafa an kusa Ina zakuje a daji idan ba so kuke ku hadu da yan taada ba?Mene Yan ta'adda? Khadija ta tambaya Abdallah ya Bata amsa criminals,Dole Driver shi zatonsa Raina Masa hankali sukeyi mutane Shar Shar dasu kalar kudi Yan masu kudi kawai ya tsaya a Dajin gefen titi yace ku sauka to,Khadija ta Fara Fita Abdallah ya fita,sun manta ma da Kayansu sai Conductor ne ya tuna ya dauko musu Suka ja motarsu sukayi gaba,Kayansu Suka dauka tare da shigewa cikin Dajin gaba daya sukayi ciki abinsu.

Yunwa kishurwa ta damesu ba abinci Allah yasa suka samu wata bishiyar mangoro ta nuna jajir dasu Khadija ta dauki dutse tana jifa ta kasa Abdallah ne ya dinga jifa sai da ya Fado da guda wajen goma,Suka zauna kasan bishiyar Suka shanye mangoron,sannan anan bacci ya sacesu,ko Sallah Basu tunawa da ita,Abdallah cikin Bacci ya Koma jikin Khadija ya manne ba tare da ya sani ba,suna bacci har wurin 10pm dare yayi sosai suna ta bacci a daji,wani sanyi akeyi sosai Wanda yasa suka dunkule wuri daya tare da manne juna,Abdallah kamshi kawai yakeyi ta ko ina sabo da shi Bai Dade Yana galantoyi ba irin Khadija.

Sai 11pm Khadija ta Fara farkawa gaba daya Abdallah ya danneta rabinsa a jikinta yake,sanyi taji me tsanani ga duhun daji ko Ina duhu tsoro ne ya kamata ta Kare makalewa a jikin Abdallah sanadin hakan ya farka shima,Zaune ya mike Khadija da sauri ta tashi itama tare da Rike Masa riga Kar ya Gudu ya barta.

Sai lokacin ya tuna tare suke da wata,Ba abinda yafi damunsu irin kishurwa,Mikewa Sukayi a Daren suna duba inda zasu samu ruwa ga duhu suna ratsa Dajin Abdallah Baya Jin tsoro Khadija ce ke Jin tsoro kawai hannunta cikin nasa suna tafiya wasu mutane suka Iske a Dajin sun balka wuta suna Jin dumi suna shaye shaye,Kafin su karaso Mutanen Suka mike da sandunansu tare da Adda da ganinsu kasan fulanin daji ne,Wurinsu Suka karasa,su kansu Sunyi mamakin ganin DanAdam da dare Haka a daji.
Tsawa Yan fulanin Dajin Suka daka musu kai daga Ina kuke mutane ne ku? Abdallah yace ruwa Muke nema kawai abinda yace kenan ,Torchlight yasa tare da dallewa Khadija idonta yace Kai Kai aradu Ja'e wannan tayi irin Tamu ce, Wanda aka Kira da Ja'e ya mike Yana washe Baki Haka sauran ma suke mike gaba daya suna dariyar mugunta,
Daya a ciki shi ya fisgo hannun Khadija kafin ya dauke hannunsa Abdallah ya warwareshi da Mari Wanda sai daya durku she a wajen, Mazan ne sun Kai su goma Suka taso kansu da niyyar dukansu tunda guda Daya yazo Abdallah ya shaki wuyansa ya Fadi sumamme sai ragowar Suka firgita da karfi irin na Abdallah ko Aljani ne sai suka kwashe da Gudu gaba dayansu,Wanda ya sume kadai aka Bari,sai da ya farfado Abdallah yace ruwa Muke bukata ba Shiri Dan fulanin yace rugar mu tana gaba da Dan nisa kuzo na rakaku zaku samu ruwa a can.
Khadija na hannun Abdallah ya riketa suna tafiya a hankali har Allah ya Kaisu katuwar rugar Fulani dake Dajin, ruga ce me kyan gaske Tasha korayen gayye da Kuma yayan itatuwa,sai koramu gasu Nan kyau ba a magana hade da Niima.

Basu ce gidan wani suke nema ba wata rijiya kawai suka gani Yan Mata suna Jan ruwa da guga a ciki,Direct wurin Suka nufa,Yan Matan ganin kyau da cikar halitta irin na Abdallah tunaninsu aljanu ne ma kawai sai suka jefar da gugan suka kwashe da Gudu zuwa gidajensu,Wanda ya rako su Abdallah ma tuni yayi tafiyarsa gida,Khadija tasan Rijiya suna Jan ruwa da, Abdallah kuwa Bai taba Jan ruwa ba,Gugan tasa ta jawo ruwa cikinsa sai da ta Fara Mika Masa ya tsaya Yana kallo kafin Daga bisani ya karba ya Sha da yawan gaske Itama Tasha suka koshi sannan suka koma can bayan rugar jikin wata bukka Suka Zauna a wurin.

Khadija ta kalli Abdallah tace ya sunanka? Abdallah ya tafi tunani sannan yace ban sani ba Nima,Khadija tayi dariya tace tab Kai wanne irin Mutum ne Ni kuwa sunana Abdallah,Yayi Murmushi yace Nice name,Khadija tace ka samu suna ka sawa kanka koma wanne iri ne,Abdallah ya fada tunanin ba Sunan daya zo Bakinsa sai Khadija yace Sunana Khadija sai ko Suka kwashe da dariya Khadija tace ka iya zaben suna wlh.

Akwatunansu Suka bude Babu bargo ba komai da kyar Khadija ta samo zanin atamfa guda biyu daya suka Shimfida a wajen Abdallah ya kwanta a Kai,Baki ta turo tare da cewa Kai Khadija ka matsa gefe Mana Ni Ina Zan kwanta,matsawa yayi kadan ta samu ta kwanta a gefe itama Suka lullube kansu da guda Daya zanin,Haka bacci ya kwashesu har rana ta fito Basu sani ba sai lokacin Suka farka suna manne da juna.

Zare Ido suka farayi ganin shanu da mutane a kansu Ana ta kallonsu kamar wani sabon watan Ramadan manya da Yara,Tsaki Abdallah yaja tare da Mikewa Yana Jan akwatinsa ya nufi wurin wani katon kogi me kyau ruwansa garai garai Yana wucewa,kamar nutsatse ya dakko brush da toothpaste yayi brush sosai Harda dakko sabulu ya wanke kansa fuskarsa da hannu da kafa ya shafa Mai sai da ya Gama duk abinda zaiyi,sai kallonsa akeyi Ana cewa turawa ne Suka zo,Khadija ma can ta nufa da Bata kayan itama tayi har brush,Fitsari zatayi ta rasa yanda zatayi ga mutane maza da Mata Yara da Manya,Abdallah ne ya tsaya a bayanta yace na kareki kiyi fitsarin,Tana tsugunawa ta saki faya shaaaaaa take tsula fitsari a gefen gogi,Abdallah ya saki dariya yace kiyi a hankali mana,banza tayi dashi kawai sai da ta Gama tayi tsarki komai Sunyi har Alwala Suka koma gefe tare da tayar da Sallah.

Basuyi ta jiya ba,Khadija raka'a daya tayi tal tayi sallama,Abdallah kuwa rakaa uku yayi abinsa ya idar, fulanin dake yankin ba musulmi bane Sam,ko Hausa ba wani ji Sukeyi ba sai kadan kadan,jahilai be a yankin gaba daya.

Wani saurayi Kyakyawa dashi shi yaga Khadija ta birgeshi yaji Yana sonta,da Gudu ya koma wurin shanunsa tare da tatso Mata madara cikin katon Koko ya kawo Mata,Ai kuwa ta Fara washe Baki Abdallah ya kalleta sai yaji haushi tana yiwa wani dariya duk da Bai santa ba sai yaji kishinta Wanda shi Baya iya gane Mene,Kokon madarar ya kwace tare da jifa dashi gaba Daya har Madarar Suka tarwatse.

Khadija tace zanfa Sha Ina so yunwa nake ji,Fuska Ba Rahma Abdallah yace baza a Sha ba ya fisgi hannunta Suka tafi cikin rugar,Mutanen suna binsu a Baya har cikin rugar,Shugaban yankin ne ya tare su a Hanya yace Kai Ina zakuje? Ku su waye ya sunanku? Zaku shugo Mana gari? Abdallah cikin mutanen Nan yace Sunana Khadija,Khadija Kuma tace Ni Kuma suna na Abdallah,Ba Shiri Sarkin garin ya bude Baki tare da cewa kai yaro Khadija Sunan mace ne na musulmi karfa ku Raina mana hankali,Gaku Yan gayu kalar kudi sannan Yan birni Amma zaku Raina mana hankali ko cirani kuka zo? Khadija tace na rantse sunana Abdallah shi Kuma Khadija,mu ba ruwanku damu mu a daji zamu zauna bamuce kowa ya rike mu ba.
Dariya mutanen Suka kece da ita,wani yace ai yanzu ba a yarda da bako ko mahaukacine sabo da rayuwa bare ku gaku masu kudi ku zauna a daji Muka sani ko wani mummunan Abu ya kawoku Nan,harda wani cewa Wai sunanka Khadija sabo da rainin hankali.

Khadija dake tsaye tace to karku yarda din ance neman taimakonku mukeyi a daji zamu zauna ai Daji na Allah ne,Sarkin yace Ke Daga ji ma yaren kudu ce ke,sabon Musulunta ce ke ko? Tubabbiya ce ke? Tsaki Khadija taja Suka yi tafiyarsu tare da barin mutanen a Nan tsaye kikam.

Mami suna murnar bacewar Khadija tare da Humaira dasu Afrah harma da Dangin Mami,duk tunanin Mami Abdallah fushi yakeyi da Humaira shine yaki zuwa family House ya gaida Mami,Suna zaune a Palo Mami tace zaizo ya sameni ki kwantar da hankalinki Humaira Abdallah Dole sai kin koma gidansa a matsayin Mata,Ana zaune ganin Abdallah gidansa daban babu Wanda yayi zaton bacewa yayi,wayoyinsa duk suna gida a cikin motarsa,Ana Haka har aka kwashe sati daya daga Nan Baba ya Fara zargin akwai Matsala Don Abdallah Baya kwana biyu Bai zo gida ya gaisa da dangi Yan uwa ba,ko a waya sai ya nemi Baba,Amma gashi yanzu Baba yau kwana Uku Yana kiransa tana shiga ba a dagawa,Har charge ya Kare wayoyin suka kashe kansu a mota.
Har Gidan Abdallah Baba yazo bincike,Masu Gadi Suka bashi labarin tun fitar Abdallah exactly irin yanda Khadija tayi.
Baba Bai sanarwa kowa ba sai da ya Gama iya bincikensa ko Ina daya kamata Babu labarin Abdallah sannan ya wuce ya sanarwa Mami da frnds na Abdallah sabo da a tsananta bincike, Report sukayi wurin Yan sanda da komai Ana bincike Mami sai da tayi jinyar kwana Uku sannan ta farfado ta je wurin Yan sanda ta turo a Kama Baba Wai shine ya kashe Mata yaro ko ya sace Mata yaro,Baba harda kuka,Mama da su Merry ma Haka suna ji suna gani aka tasa keyar Baba za a kulleshi sannan aci gaba da bincike.
Humaira dasu Afrah harda kuka ita Kam Humaira ganin irin dukiyar Mami yasa ta gyara wurin Zama a wajen Mami tana so ta San ya zatayi ta yashe dukiyar ta Zama mallakinta.









AsmaBaffa
[12/31/2019, 3:00 PM] AsmaBaffa: 🏵TUBABBIYA🏵








31-35








Official






By
AsmaBaffa








TUBABBIYA AND ASMABAFFA FANS CLUB PAGE DINKUNE.









Abdallah da Khadija zaune suke jikin bishiya Sunyi Shuru kowa Babu tunanin da Sukeyi sabo da Basu San ma su waye ba bare su tuna wani Abu,Khadija ce ta kalli Abdallah tace Khadija yunwa nake ji Ni dai Allah,an bani Madara ka zubar da ita yanzu me zamu ci? Cikina har ciwo yakeyi,kudi Abdallah ya fito dasu a aljihunsa kamar dubu Biyar ya jawo Hannun Khadija ya Mika Mata yace gashi ba sai a siya ba a wajen mutanen Ina da kudi,Murmushi Khadija tayi sannan ta nufi inda taga mutanen yankin na siye da siyarwa,Wani Namiji ne matashi ya tare Khadija yace me zaku siya,Ai ko zumbur Abdallah ya mike ya fisgi hannun Khadija tare da janta Yana masifa wannan mutumin Zaki kula? Keda Zaki siyi Abinci ba kince yunwa kike ji ba? Ae to ai shine yace na tsaya? Hannunta yaja Suka tafi wurin mutanen Koko da kosai suke siyarwa,sai Awara da Bread,Awarar a wajen suke soyata sai ta birge Abdallah ya Mika kudi yace a bamu wannan abin,Me Awara Yar Fulani ta washe Baki tare da cewa ta nawa,Murmushi Abdallah Yayi Wanda sai da ya tafi da imanin kowa Harda Khadija,Me Awara ta Kara washe Bakin daya tunzura Khadija sabo da Kishin Abdallah, Nan take Khadija ta Zubawa me Awara rankwashi tace an fasa siyan Awarar Taki baza a ci ba.

Baki Khadija ta turo masa cike da Shagwaba tace Bazan ci ba na fasa siya, Abdallah yace haba dai kefa Kika ce yunwa,To me yasa kayi Mata dariya?dazu Ni ai hanani kayi nayi wa wannan mutumin dariya,Ok to na daina Bari a siya,da kyar Khadija ta hakura suka ce a Basu ta dubu Biyar, Me Awara ta bude baki sai tayi dabara ta Basu ta Dar biyu harda Bread ta Mika musu canji ba tare da tace komai ba,karba sukayi tare da komawa wurin zamansu sannan Suka bude da zafinta ta Fara cin abinta hankali kwance Yana ta kallonta kamar zai hadiyeta,Juyowa tayi Suka hada Ido ta sakar Masa Murmushi lafiyayye sannan ta dauko Awarar da hannunta tasa Masa a Baki,ya bude bakin yaci,a Haka take bashi da hannunta tana ci itama har suka cinye har Bread din,ruwan Tuka tuka Suka Sha sukayi tatil sannan Abdallah yace wanka nake so nayi,Khadija tace Nima Haka Wai mu bamu da iyaye ne da Yan uwa? Baki Abdallah ya tabe Baya iya tuna kowa nasa,itama Khadija Shuru tayi iya tunaninta Bata gano dangi ko daya nata ba,Yar wanne state ce Oho.

Me Awarar Suka tambaya a Ina zasu samu suyi wanka?me Awara tace sai dai ku jirani na Gama soya Awara sai muje gidan mu wurin kakata na tabbata zata Bari kuyi wanka a bayinta sai ku shirya ba damuwa,Khadija tace ok sai da ta siyar da Awarar sannan ta jasu gidansu Daga ita sai Kakarta a gidan.

Kakar me Awara wacce ake kira da Iya tace Bingel wannan bakin fa Daga Amurka suke? Me Awara wacce aka Kira da Bingel tace Wai Iya wanka suke so suyi Baki ne Basu da ko wajen Zama Dan Allah ki Basu dakin can da babu kowa su zauna tare damu kafin su tafi tunda Suma musulmi ne irinmu, ,Iya ta kalli su Abdallah tace bayin Allah duk garin Nan gida biyu ne na musulmi Daga Nan gidan sai gidan Yar Uwata Kuma muma Hausa Fulani ne,zan Baku dakin kwana da abinci kullum a matsayinkun na musulmai Yan uwanmu.
Mun gode Abdallah yace kawai,Iya tace Mata da miji ne ku? Abdallah Bai sani ba yace ae,Farin ciki ya Kama iya tace to shikenan daki guda za a baku,aiki kuka zo Yi garin ko Gomnati ce ta turoku? Nan ma Basu sani ba Khadija tace ae.

Iya akwai Tsafta sosai ruwan zafi ta daura musu tare da Hadawa Abdallah ruwan wanka a bayi,Haka ya lallaba ya shiga a tsorace yayi wanka ya fito Yana yatsina fuska shi Bai San bayi irin wannan ba,Khadija ma shiga tayi tayi wanka da sabulun Abdallah daya saka a kayansa ta fito itama.

Dakin da aka Basu Suka shiga da kayansu, Khadija doguwar rigar atamfa tasa Amma ba kwalliya ba ko shafa Mai,shima Abdallah Haka ya shirya cikin kananan kayansa farar Riga da Jean Baki,kyau kuwa ba a magana,Bingel ce ta shigo dakin nasu da kowannensu ya rufe jikinsa Yana shiryawa,Bingel ta tattara Kayan da Suka cire har zanen da Suka lullube jiya ta wanke musu karkar tare da shanyasu.

Kunu da Nonon shanu Iya ta kawo musu ai kuwa sunsha da yawa sannan Abdallah ya hau Dan gadon Karan ya kwanta bacci ya kwashe shi,Khadija kuwa nata tsafin bana Zama a gidan wasu bane,guduwa tayi Daga gidan aka nemeta aka rasa tana can ta shige gonakin mutanen Kauyen.

Baba Yana kulle inda Allah ya taimakeshi Yan sandan Basu taba lafiyarsa ba sabo da girmansa da suke gani,sannan basa zarginsa Sam.
Hafsatu da kanta tazo gidan su Mami sabo da suyi tashin hankali an kulle Mata miji,Hafsatu ta kalli inda Mami ke zaune ta furta anji kunya wlh bakiyi ba,ban taba sanin jahila bace ke sai yau,Ke idan ba dabba ba Wai Dan Iskan danki ya bace shine Zaki sa a Kama kanin mijinki uwa daya uba daya,ai ko baici darajar komai ba yaci darajar Mijinki dake kabari a kwance,Sabo da shi bashi da abinda zai muku bashi da amfani,wa ya sani ma ko Dan naki halin tsiyarki da jarabarki ce tasa ya Gudu wlh a sannu sai kinyi Dana sanin rayuwarki,shegiya asararriyar uwa marar tunani, Kai Mami ta jinjina sannan tace kome Zaki ce kice Dana kuma sai mijinki tsohon munafuki ya fito min dashi.

Mijin naki azzalumi ya cinye Mana dukiya gidan da kuke ciki na tabbata bashi da kudin siyen wannan gidan harda wani komawa ciki ya sace Mana dukiyar magada,Idan kin Isa ki kwace cewar Hafsatu,Sauran Matan ne Suka shigo Suma Part din Mami Jin fadan yaki karewa,Rahmatu Uwar gida tace a gaskiya Bai Dace a Kama Baba ba,ai gwara ki Kama Hafsatu a rufeta,Bilkisu tace Sam yaro kamar Abdallah Kato Ubanwa zai saceshi kawai dai ya gaji da bakin halin uwarsa ya Gudu,Haule Amarya tace yo Ni a ganina gaskiya Mami ce ta boye danta Dan taga bayan Baba shine za a bullo da munafuncin banza,Afrah dake kwance kusa da Mami ta mike tace a gaskiya ya isheku Kuma wlh Zan dura muku ashariya akan uwata.

Iyye...? Sai ki fadawa Wanda Bai Haifa ba wlh kina zaginmu sai na tsinka Miki Mari cewar Rahmatu,Afrah taja tsaki sannan tace aikin banza ai kuwa Hafsatu ta fisgota Suka rufe Afrah da duka ta ko ina Tim tim sai ko Mami ma ta shiga suna ta dukan juna,sarkin yawa yafi sarkin karfi sai ga Mami da Afrah an musu jina jina,Usman da Sagir ne Suka raba fadan da kyar sannan Mami tace sai Naga bayanku wlh a kasar nan.
Hafsatu gida ta koma,Mama kuwa tana can gida part dinta Babu abinda takeyi ita da yaranta Daga kuka sai Addua ba Yarta Khadija an daure musu miji,kullum tana police station Allah yasa Usman yaje Suka karbi bailing Baba akan za a ci gaba da bincike, Mama tafi kowa Murna,Hafsatu ma taji Dadi da yaransu.

Humaira ba abinda ya dameta sai dai taci ta koshi tayi wanka tasa kayan da takeso ta tafi yawo gari,iyayenta duk Basu San an saketa ba,Mami ta Hana a fada musu,itama Humaira sabo da Mami tana Mata abinda take so Bata so ma a fadawa iyayenta an saketa bare suce ta koma gida,Mami ce tace Abdallah ya bace Humaira zata zauna tare dasu,Afrah sun Zama kawaye da Humaira yawonsu kawai Sukeyi na shakatawa kullum,Mami ce kullum cikin kuka da damuwar rashin danta Yana mace ko Yana Raye Amma taki gane gaskiya ta saduda.

Bayan Khadija ta fita ta bar Abdallah Yana baccinsa har yamma likis sannan ya farka Alwala yayi tare da Sallar Azahar da laasar sai yayi rakaa goma yayi Sallama,Ya duba baiga Khadija ba,Fitowa yayi Daga dakin ya tambayi iya Ina Abdallah take? Iya tace wa? Yace Abdallah wacce muke tare? Iya dai mamakin Sunan ya rufeta,tace Kai Kuma ya sunanka? Yace Khadija,ba shiri Iya ta saki dariya Bata ce komai ba tace ai tunda ta fita Bata dawo ba,da sauri ya fita ya dinga zaga gari Bai ga Khadija ba, sai daya shiga daji sosai sannan ya hangota gindin bishiya tana kwance tana bacci a kasa.

Yana Murna ya Karasa wurinta Abdallah ya Kira sunanta a hankali ta bude Idonta tare da mikewa zaune tana Sosa Ido,Hannu ya Mika Mata Wai ta mike ya taimaka Mata,Sai da ta kalleshi suka hada Ido sai ta Kama hannunsa tana murmushi ya mikar da ita tsaye tasa takalmanta Suka nufi Gidan Iya,Lokacin Iya har ta Kai musu fura da Nono Tasha sugar,gaskiya sunji dadin furar sai da Suka shanye tas sannan Khadija ta mike zata sake komawa daji,da sauri Abdallah ya mike tare da riketa yace Ina zakije Kuma? Khadija ta kalleshi kawai tace Ni bana son Zama a gida wlh kamar zuciyata zata fashe bazan iya ba,Riketa yayi Kam Wai Dole sai ta zauna,Kokawa suka farayi da ita ta fashe da kuka tana yakushin sa shi Kuma ya riketa Kam,Ganin irin ihun da takeyi yasa ya saketa ta fice da gudu ta koma can Daji ta zauna a jikin bishiya tana sheshekar Kuka.

Abdallah ya fito yabi bayan Khadija ya isketa shima ya zauna kusa da ita tana ta kuka saman Kirjinsa ya kwantar da kanta yace to kiyi Shuru mana tunda bakya son gidan ai shike Nan,Amma Zaki dinga zuwa kiyi wanka ko? Murmushi ta saki Wanda ke Kara Mata kyau tace ae da abinci zanzo Iya ta bamu muci, Murmushi yayi tare da zame Dankwalinta gashinta ya bayyana me kyau da tsayi,Ya shafa shi yace Ke Yar India ce? Khadija tace a'a Yar America ce Ni,Hmm Ni kuwa Dan Agadas ne cewar Abdallah sai hirar Shirme sukeyi,Khadija ta Kura Masa Ido kamar ta ganoshi ta shafa gemunsa tace Kai Ina son wannan Sumar taka,tunda ta furta haka take ta shafawa Abdallah fuska da gemunsa tana kwance a Kirjinsa,Shi kuwa gogan tuni abinda yake ji yasa shi ya lumshe Ido tare da tallefe Khadija a jikinsa,Mutanen kauyen Suka taru a kansu Yara suna kallo, wasu cewa suke Yan iska kuzo ku gani,wasu Kuma Suka ce ai Mata da miji ne Yan birni shi yasa Basu da kunya,Khadija ganin Mutane yasa ta cire kanta a Kirjinsa ta kwanta gefe Amma Mayen Abdallah yace Ina ruwanki da wannan Aljanun ya Kara jawota jikinsa,sukayi Shuru suna kwanciyarsu mutane suna kallo har suka gaji Suka bar wurin.

Sunji Ana cewa Mata da miji ne shike Nan duk Wanda ya tambayesu sai suce su Mata da miji ne da aurensu,sai dare Abdallah yace shi tafiya zaiyi gidan Iya yaci abinci sannan yayi bacci abinsa,Khadija tace itama zataje taci abincin Amma baza ta zauna a gidan ba,Tare suka ci Abinci tuwon Iya ko Dadi Babu da kyar suka iya cin kadan,Khadija ta fice can cikin gonaki a Nan ta kwanta ta kwana sai da Safe Abdallah ya nemota tayi wanka da brush Suka karya sannan Suka fice tare abinsu suna yawo fes dasu ka rantse da hankalinsu,sai kallonsu akeyi sai kishin tsiya,Khadija mace Bata Isa ta kalli Abdallah ba sai an kwashi masifa,shima Abdallah Babu Wanda zai kula Masa Khadijansa, Haka suke kullum a garin har suka kwashe sati Uku,duk an Saba dasu a garin daga bacci sai su cinyewa Iya Abinci sai Kuma su shiga gari yawo da gonaki da Daji.

Humaira ta Gama shigewa Jikin Mami ita da kawarta Zuly,a hankali take sace takardun Mami masu muhimmanci na kadarorinsu na gado,sai su sace Original su sawa Mami na bogi,Suna sacewa zasu je su siyar da gida ko fili ko gidan Mai su tattara kudin kaf su Kai kasar waje Ajiya,abinda suke tayi kenan Mami Bata sani ba,Sai dai taga Humaira na famtamawa da kudade tana Hawa kantama kantaman motoci duk tunanin Mami kudin iyayen Humaira ne suke Bata,ganin Irin kudi na Humaira sai Mami ta Kara Jin son Humaira,sai lallabata takeyi tana ji da ita,tana Kara bude Mata sirrinta.

Sauran Yaran Kuwa kaf dinsu Babu me Hankalin da yayi tunani tattala kadararsa ya juyata ta Zama wata kadara wacce tafi wannan tunaninsu baza ta Kare ba kafin ta Kare sun samu Mafita,sai kawai Suka bude jin Dadi suna wadaka da dukiyarsu,sabo da kudi ya ratsa su ko a junansu ba Wanda yake kula Dan uwansa bare har suyi Hira,kowa takama yake da kansa shi wani ne, Babu abinda wani ke Masa to me zai saurareshi ya Masa,me yake nema a wajen wani shi yasa Daga manyan har yaran kowa abinda yaga dama yakeyi,waccan tana wannan kasa gobe wannan ya tafi kasa kaza,sai gasar siyen motoci da phone sukeyi yau idan wannan ta dankaro sabuwa sai wancan ya siyo wacce tafi ta wance,Haka sutura ma kusan yanzu basa maimaita Kaya dinkasu kawai akeyi na masifa masu tsada.

Usman da Omar ma wani sabon Machine byke Suka siyo masu tsadar gaske sunfi wasu motocin tsada,Sagir kuwa Keke ya siyo na million uku guda Daya tal zai dinga motsa jiki,ta Haka suke ta Karar da kudaden nasu,Wasu mazan ma sun koma shaye shaye da bariki sabo da kudi,Baba abin yafi karfinsa Babu Wanda ya Isa yayiwa fada,Yana kallo suna ta abinda suka ga dama,sai zaginsu akeyi a gari sabo da wulakanta alumma da sukeyi.

Lokaci Kankani kudade