You Cannot Download this book untill you login but you can read it .

---

Login Register

nasaba da daya daga cikinsu ta sameshi,jin amsarta ya kwantar masa da hankali,saiya sauke ajiyar zuciya yayu hamdala kana yace saiya dawo sukayi sallama,ta aje wayar tana lulawa cikin duniyar tunani da mamaki,daga bisani ta ture duk wasu guntattakin tunani taci gaba da lamuranta.


Hakanan taci gaba da kwanciyarta saman gadonta,batako motsa ba ballantana tafito,don ta riga data saba ko a gidan idan tahau online tasoma charting bata tashi saita kai intaha,kota cikinta batayi bare sauran lamura,tana baiwa wayarta da charting muhimmanci matuqa,koda qannenta suja dameta da hayaniya idan tana charting din takan iya makesu,shi yasa ba kasafai suke zama kusa da ita ba idan suka ganta ta sanya waya a gaba.


Har sha biyu da rabi na rana bata gyara dakinta ba bare gidan bare ayi batun girki,saida kamfanin wayar da take amfani dashi suka tura mata saqon data dinta yaqare sannan ta haqura tasauka,data duba balance dinta kuma na waya taga bazai isa ya siya mata data ba,anan taci karo da lambar wayar mardiyya(wadda suka hadu gidan lallen biki sukayi musayar number),rabonta da ita tun ranar dinner din mardiyyan dataje mata,sukaci dariyarsu ita da qawayen mardiyya na matar shamsudden din angon mardiyyan,kan taqi zuwa dinner din,suna ganin kawai tsorata tayi,tasan ba zata iya hada kanta da mardiyyan ba.


Yankewa tayi kafin tatashi bari takirata taji yaya ake ciki,don ita gata tana nan tana nata yaqin dasu mmn ummin,kuma tanajin a jikinta akwai nasara cikin abinda tasoma din,ba zata dauki wata wahala ko wani tsari ba,dole yadda takejin tafisu karatu,takuma fisu matsayi a gun miji to a harkar gidan ma tafita daban.


Bugu hudu ta mardiyyan ta daga wayar,cikin farinciki da walwala takama sunan rufaidan.


"Amarya,amarya" mardiyya ke fada cikin fara'a,dariya itama rufaidan tayi
"Amare dai,ya kike qawa,ya gida ya al'amura" cikin walwala tace
"Komai normal,al'amura suna tafiya yadda ya kamata,kefa?"
"To alhmdlhi" ta bata amsa a taqaice,duk da har yau ita abun bai mata ba,bata samu yadda take hasashe tasamu ba,kota samu sama da hakan ba.


Gyara zamanta mardiyya tayi sosai tana cewa
"Ai qawata duk matar da bata auri mai mace ba bata bata cika mace ba,ai ki shiga kawai inda za'a dinga takara,a goga dake kisam cewa eh yes kema macace kin isa,ke kinga yadda abubuwa ke tafiya kuwa?,fiye da yadda nake xato da tsammani?" Ta fada muryarta na cike da farinciki da kuma zumudi,gyara xama rufaida tayi cike dason jin lbarin
"Allah qawata?"
"Wallahi kuwa,ashe dai hasahenmu qawata haka yake,uwayen gidan nan idan banda gidadanci basu aje komai ba,sai uban haihuwa da tara yara,matar nan ban sake raina ajawalinta ba saida nashigo,kinsan wata biyu tabani?"
"Ke don Allah?" Rufaida ta fada cikin sigar tambaya da kuma mamaki,
"Wallahi nake gaya miki,tunda nazo gidan nan take bauta har nayi wata guda,bana komai kuma miji na wajena,yana hannuna sai yadda nayi dashi,ke ko bita kanshi ko kulashi ma bata fiya yi ba,kullum tana can tana dubgar aikin gida dana yaranta,idan zai kwana biyu bai leqa su ba bazata koda kira wayarshi ba bare ta nemeshi,idan yafito ma iyaka gaisuwa,ko zaman hira na minti goma batayi dashi,ni kuwa hakan yayimin na kame abuna tsaf,kullum muna qule a daka muna diban soyayya madararta" ta qarasa fada tana qyalqyalcewa da dariya,tayata rufaida tayi,tanajin lallai ashe ita tayi sake da yawa
"Waikinsan wani abu kuwa?"rufaida tasake fada
"Matar nan kamar babu zuciyar kishi a jikinta,kinga yadda take nan nan dani,saboda tasan saita hanyata zata samu fadar wajenshi,bari kiji wani rashin zuciya,randa nacika wata daya da sati biyu saura sati biyu ta amshi miji ko?" Kao rufaida ta gyada cikin zaquwa kamar mardiyya na kallonta
"Kawai shashashar saita tsiri tafiya garinsu,yanxu haka tana can,har kwanakinta sun shigo bata dawo ba,kota gajima tatafine gaba daya oho" ta sake sakin dariya,abun yaburge rufaida sosai,saita gyara zama itama ta bata nata labarin
"Tabdi,wallahi ki zage damtse,yaci ace matsayinki yafi haka,ki bude wuta kawai qawata" daga nan ta qara dora rufaida kan wasu shawarwarin irin nasu sannan sukayi sallama.


Aje wayar tayi tahau nazari,lallai saita sake bude wuta fiye da wadda tabude a baya,amma bari zata sake bude duk wani shafi nata,da wannan tunanin tasauko daga gadonta tasoma gyaran dakin tana duba agogo dake nuna mata qarfe daya harda rabi na rana.


_ina miqa fatan alkhairu a gareku,da kuma shuru da kukaji na tsahon wani lokaci,Allah ya zame mana jagora a duk lamuranmu amin_👁️‍🗨️👁️‍🗨️ *HANGEN DALA*👁️‍🗨️👁️‍🗨️
_Ba shiga birni ba_


©️®️ *Safiyya Abdullahi Musa Huguma*

Haske Writers asso 💡


*BABI NA SHA BIYU*



*ZAKU IYA SAURAREN LITATTAFAINA A TASHATA TA (SAUTIN HIKIMA) DAKE A YOUTUBE,SAUQI GA MUTANEN DA BASU SON KARATU DA KANSU SAIDAI SAURARE,LITATTAFAN NAWA SUNE KAMAR HAKA*


*ALKAWARIN ALLAH*

*DAURIN BOYE*

*KUNDIN KADDARATA*

*MUTUNCIN MACE*

*DANGANTAKAR ZUCI*

_DA WASU SABBIN DA ZASU ZO MUKU NAN GABA KADAN DA YARDAR ALLAH_




Sai data kammala gyaran dakin nata sannan tafito tsakar gidan,batako damu da yanayin data samu tsakar gidan ba na rashin shara ba,saima harara data gallawa tsakar gidanbda qofofin dakinsu mmn amir taja tsaki,cikin quna quni tace
"Lallaima,rainin wayi,sunafa nufin girkina ne,nizan gwaggwafe nayi musu shara,toko tsakar gidan tsohona baxan iya tuna lokaci na qarshe dana share musu shi ba,idan sunaso suga gidansu dakyau saidai momiyo ko hasana su share(qannenta kenan)" daga haka tayi gaba tahau sabgarta.


Sanda almajirinsu yazo tabashi yamata cefane,taja kayan miyan ta aje takoma daki abinta,tana lissafi gami da tunanin me zata dafa da daddare,wanda bazata kunyata ba,sannan bazai wahal da ita ba,don itadin bawai ta wani iya kalolin girki bane ba.


Bata sake fitowa ba saida ana gab da sallar la'asar,tazo taja kayan miyan tahau gyarawa,aka kai mata markade tadora shinkafa da miya,wanda bata kammala ta ba sai da aka kira sallar magariba,akayi sallahr aka gama sannan tasamu gamawa,ta samu fulasai tazuba nata dana bbn amir,sauran tabarshi cikin tukunya,ba tare data yiwa kowa magana kan ta kammala ba ko suxo su diba,tashige wanka abinta,tana jin uwar gajiyar datayi saboda girkin,ko a gida idan ka ganta a kitchen tota baci,ko mamarta ta matsa mata saita shiga,ko babu kowa a gidan sai ita kuma an tafi anbar girkin.


Ranar Allah bai kawo dawowar bbn amir dawuri ba,sunyi baqi a kasuwa sun dan tsaidashi,hakan yasa harta kammala shirinta bai shigo ba,cikin wata doguwar riga streetgown wadda taba daga cikin qananun kayan data dinga siya tana adanawa saboda irin wannan ranar,riga ce mai hannun vest,wadda talafe tafidda duk wani tudu da kwari na jiki ta,hakanan daga bayan rigar an tsagata tun daga wajen agara har zuwa ramin gwiwarta ta baya,ta gyara kanta tafeshe jikinta da turaruka,sannan tadawo falonta tazauna tana kunna tv,cikin sa'a tashar tauraruwa sun saka waqa,saita qure sauti abinta,wanda yakarade gidan,takoma takwanta saman doguwar kujera tajawo wayarta tahau chartinga tana jin gajiyar aikin datake gani tayi yana ratsa qasusuwanta.


A qagauce take duba duka hirarrrakin da akayi bata nan,haushi tadinga ji,saboda ada tana daya daga cikin wadanda akeji dasu cikin duka grps din da take ciki,saboda yadda take particpating,amma sai gashi yanzu tana neman komawa kurar baya,sai ayita hira bata kusa sabida aikin gidan ko wani sanga ta babbn amir,haka tadinga jan tsaki tana maida amsa daya bayan daya tana wucewa,ba tare data lura da macene konamiji ne yayi magana ba,don duka grps dinta babu wanda tafita a ciki koda kuwa akwai maza,bare tayi tunanin sauya layin waya,sabgarta taci gaba dayi kamar yadda takeyi a baya sanda bata da igiyar kowa a kanta.


Kasancewar unguwarsu irin anguwannin da basa rabo da wutar nepa ne,koda sun dauke mintina qalilan suke dawowa da ita,hakan yasanya mmn amir ke matuqar cinikin lemo da ruwa,banda yanzu data sanya qalula saboda yanayin ciki.



Yana sanya qafarsa a tsakar gidan yagashi wani iri ba yadda yasaba ganinsa ba,babu kintsi babu shara,mamaki ya kamashi,saboda abune mai wahala yadawo gidan yasameshi haka idan ba wani taro ko sha'ani akayi ba,duka daga mmn ummi har mmn amir suna da tsafta,kada ma mmn amir taji labari,donko ummi bata kama qafarta ba,don wani lokaci itake tashi ta gyare gidan har harabar,tasamu almajirai su gyareta tsaf idan iskancin mmn ummin yamotsa ta biyasu da kudi,batabi ta kanta ko kadan,to amma saiyau yaga sabanin hakan.


Dauke kanshi yayi daga wannan nazarin,sautuka biyu suka karade mishi kunne,na qarar kida dana kukan ummi,mamaki ya kamashi,don bazai iya tuna yaushe aka kunna kida kamar haka na qarshe ba cikin gidan,saidai duk da haka kukan yarinyar yafi jan hankalinsa,saboda haka yanufi dakin mmn ummi kai tsaye.


Goye yasameta da ummi tana fama jijjigata,gefe daya ga usman da mubarak saman kujera xaune a takure,fuskar mmn ummin kadai xaka kalla kasan cike take fal da bacin rai,yayin da yaran suma kana iya karantar akwai abinda ke damunsu.


Bata amsa sallamarshi ba,saiya jeho mata tambaya yana nufarta da zummar amsar yarinyar yana cewa
"Meya sameta haka taketa tsala kuka da daren nan?" Tofa,dama mai kuka ne aka jefeshi da kashin awaki,kamar dama jira take,kasancewarta mace wadda bata iya shanye ko danne bacin ranta ba,hakanan bata iya nuna abu na kara ko alkunya ba,idan batason abu ko bai mata ba kai tsaye take fadi kota nuna gaba gadi
"Eh,ai dole kasameta tana tsala kuka,tunda an hanata abincin gidan ubanta kuma wuni guda sur me yayi saura?,ai kawai abinda yarage kuma inaga shine rufaida tace mu tattara kayanmu mubar gidan shine inaga abu nagaba" ta fada cikin fada,hasala da haqiqancewa,kai kace shiyacewa rufaidan ta aikata,ko kuma yana da masaniya kan abinda ta aikata din.


Dubanta yake cikin mamakin abinda yafaru,dakuma mamakinta ita kanta,kamar tana magana da usman ummi ko mubarak,duk da kusan idan dasabo yariga yasaba,sam mmn ummi bata iya furta lafuzza mai taushi ba,sai lokaci lokaci idan taso hakan,ko kuma tana da wata buqata daga gareshi,bata iya controlling fushinta ko bacin ranta,duk sanda yazo mata saita amayar,har takan manta a gaban waye ma take wasu lokuttan sai bayan ta gama
"Abinci kuma?,wuni guda garin yaya?"
"Shina kiraka na gaya maka dazu,amma dayake nidin bani da muhimmanci,muma baka daukeni a bakin komai ba baka daga wayar tawa ba,kuma nasan billahillazi daga dazun zuwa yanzu dawowarka ko kaffara bazanyi ba kaga kirana,amma ka gaza biyoni saboda bani da muhimmanci,na rantse da girman Allah da halima ce ko rufaida saika bi kiransu,ba zaka iya shanyewa ba" ta qarasa fada kuka yana qwace mata,ranta na mata suya,kishi sosai yake cinta ga baqincikin abinda rufaidan tayi musu wunin yau din,tana tuna yadda ya tilastatata sai data amshi girki a sanda take cewa ba zata karba din ba,gani take kawai cikin duka matansa itace koma baya,hakanan yafi tsanarta fiye da kowa.


Shuru yayi ransa na masa suya shima,sai a sannan yadubi su mubarak da sukayi tsuru tsuru suna rarraba idanu a tsakaninsu
"Kuje dakin ummanku,daga nan kuce mata tazo yanzu ina kiranta" duka suka amsa dato suka sauka suka fice.


Yana jinta tanaci gaba da kukanta da qananun mitoci,saiya ciro wayarsa yakira rufaida
"Honeyy,baka shigo bane har yanzu?"
"Nashigo ina dakin mmn ummi"sosai ta bata rau,ta qanqance idanu kamar yana gabanta
"dakin mmn ummi kuma?"
"Eh,kizo yanzu inason magana dake" daga haka bai jira jin me zatace ba ya katse wayar.


Jin yakira rufaidan zuwa dakinta yasanya ta hanzarin goge fuskarta,kana tahau kalle kallen meye ba dai dai ba cikin dakin,saboda wunin yau sau daya tak tayi shara tun safe,bacin rai ya hanata,haka take,aduk sanda ranta ke a bace,haka yake mata tasiri ya hanata aiwatar da duk wani abun kirki,hakanan sai taji bacin rai yashafi kowa da kowama har yaranta,haka take fama dashi har zuwa sanda zai dusashe da kansa.


Balaifi dakin,saidai duk da haka ba neat yake sosai ba,lokaci yaqure ba abinda zata iya gyarawa,saboda haka tazauna tana ci gaba da kumbura,yayin dashi kuma yayi shuru saboda nazari daya fada,idanunsa sun dan sauya launi saboda bacin rai,ko almajirinsa baya yarda matan gidan su bari da yunwa,bare ace yau cikin gidansa aka wuni da yunwa?,harda yaran cikinsa?.


Mmn amir ce tasoma shigowa,tasamu waje tazauna bayan tayi masa sannu da zuwq,duba daya tayi masa tasan ranshi a bace yake,tasan dama hakan zai iya biyo naya,saitaja bakinta tayi shuru,idanunta kan tvn dake aiki volume can qasa,duk da itama rabin hankalinta yatafi ga tunani.


Tsayin mintina kafin rufaida tashigo dakin,hakanan tafito sanye da rigar,ba tare data nemi dan kwali mayafi ko hijab ta saya jikinta ba.


Tana shigowa mmn amir tadauke kai,ta sake maidawa ga tv kamarma bataga shigowarta ba,yayin da mmn ummi tazuba mata ido tacika tayi fam,ta dinga jifanta da harara,ji take kamar ta tashi ta rufeta da duka ko zataji sassauci cikin zuciyarta.


Kai tsaye ta isa inda bbn amir yake,niyyarta tayi hugging nashi duk da ummi dake hannunsa,amma kallo daya tayiwa idanunsa da fuskarsa ta fahimci cikin bacin rai yake,saboda haka ta gimtse,ta isa daura dashi sosao tazauna tana cewa
"Sannu da dawowa sweethert"
"Yauwa" ya amsa a gintse.


Sai daya tabbatar da kowa ya natsu sannan cikin dakakkiyar murya yajehowa rufaida tambaya
"Meya hana ayi girki yau duka a gidan nan?"duk da tasan wannan tambayar dama na iya biyo baya amma ba haka taso ba,taso ace yayi yadda tace ne ba tare daya titsiyeta a gabansu ba.


Ido ta zaro tana dubanshi
"waya gaya maka haka?,to nikam nayi girki don yanzu haka ma nasu yana kitchen,saidai idan basuje sun dauka ba kawai".


Wani abu ya tsayawa mmn ummi iya wuya,harta kasa magana,tazubawa rufaidab idanu tanajin kamar tatashi tayita jibgarta.


Waiwayawa yayi yadubi mmn amir
"Anyi girki yau a gidan nan?"kai ta kada sannan tace
" gaskiya yau gaba day....."bata qarasa ba rufaida ta tari numfashinta
"Banyi ba?,au hade kai xakuyi kuyimin sharri?,to aje a duba kitchen din agani idan banyi ba".
" ya isa"bbn amir ya dakatar da ita,sannan yacewa mmn amir taci gaba,sai data aje numfashi cikin nutsuwa sannan tace
"Daga safe zuwa rana dai babu abinda aka dafa,saidai ban sani ba koda daren nan".


Sake waiwayawa yayi ga rufaida ya kafeta da ido cikin bacin rai
"Kikace kuma kinyi girki" ciki ciki kamar mai guna guni tace
"Girkin dare ba,ai nayi"
"Meya hana ayi na safe da rana"
"Banajin dadine tunda kafita,hasalima ina kwance tunda kafita"
"Qarya take wallahi....dakaina nashiga namata magana ta gaggayamin magana yadda ranta yaso,shine dalilin daya tunzarani nakiraka kai kuma baka daga ba"
"Ha'an....ina ruwankine?,dake nake maganata?,ki bari a kasa dake saiki dauka ko?" Hayaniyace taso barkewa tsakaninsu ya tsawatar musu kafin kowa yakoma taitayinsa.


Fada sosai yarufe ido yayi musi gaba daya saboda barin yaran da yunwa,duk da mmn ummin ta gaya masa mmn amir tadafa musu wani abu,amma saiya hada duka,saboda dagashi har ita sunsan dasu su biyun yake,sai daya gama mai isarsa sannan yace yana duban rufaida
"Allaha yarufamin asiri saboda haka ban lamunci zama da yunwa ba a gidana,koda almajirin gidan nan banyarda a barsu da yunwa ba bare ku iyalina,qa'idane kowaccw mace ta gama abinci akan kari,daga na safe na rana zuwa na dare,idanma kinyi kan rashin sani to daga yau ki gyara kar in sake jin irin hakan takuma faruwa,koda baki da lafiya ki sanar musu,koki nemi daya daga cikinsu ta amsar miki girkin,kina jina ko?".


Tabdijan danqari kan uba?,yau ita jibril yarufe ido yake mata masifa sabida shirgin yaransa da kucakan matansa?,da idanu take kallon mmn amir zuwa mmn ummi,baqinciki fal yacika zuciyarta,matan da take ganin basu kaita komai da komai ba,amma yau yazaunar da ita yana neman daidaita matsayinta da nasu,har yana mata fada a gabansu?.


Sai kawai tamiqe tana cewa
"Naji" sannan tawucw tafice fuu,mazaunanta na juyawa cikin matsatstun kayan jikinta,wanda su kansu sun bata ran bbn amir din,donme zata dinga irin wannam shigar tafito da ita har waje?,bayan tasani yana da yara wadanda suka fara tasawa,kuma kowa yasan yadda yaro yake da saurin fahimta da tsinkaye,dukkaninsu da idanu suka bita harta fice,yayin da gefe guda farinciki yacika zuciyar mmn ummi,tunda ko banza yau rufaidan tasha fada a gabansu,an kuma bata rashin gaskiya.


Waiwayowa yayi yana dubansu su biyun,duk da yadda ranshi ke masa suya tare da sake shiga mamaki kan sabbin halayen da rufaidan ta tsiro dashi,idanunshi akansu yace..👁️‍🗨️👁️‍🗨️ *HANGEN DALA*👁️‍🗨️👁️‍🗨️
_Ba shiga birni ba_


©️®️ *Safiyya Abdullahi Musa Huguma*

Haske Writers asso 💡


*BABI NA SHA UKU*



*ZAKU IYA SAURAREN LITATTAFAINA A TASHATA TA (SAUTIN HIKIMA) DAKE A YOUTUBE,SAUQI GA MUTANEN DA BASU SON KARATU DA KANSU SAIDAI SAURARE,LITATTAFAN NAWA SUNE KAMAR HAKA*


*ALKAWARIN ALLAH*

*DAURIN BOYE*

*KUNDIN KADDARATA*

*MUTUNCIN MACE*

*DANGANTAKAR ZUCI*

_DA WASU SABBIN DA ZASU ZO MUKU NAN GABA KADAN DA YARDAR ALLAH_

13



"Idan ita batasan tsarina ba,batasan qa'idar gidan ba aiku kun sani,saboda haka daga yau koda wata cikinku keda lalura ban yarda abarmin yara da yunwa ba,kada irin hakan tasake faruwa kunajina?" Mmn amir ce tasoma magana,cikin qanqan dakai da tausa murya
"In sha Allah irin hakan ba zata sake faruwa ba", mmn ummi bakinta taja ta tsuke,duk da ranta ya mata dadi na fadan da yayi ma rufaidan,kuma wala'alla yaudin suyi kwanan takaici,daga haka mmn amir ta miqe tafice,mmn ummi ma tarufa mata baya saboda shiga kitchen tadebo abincin.


Shima miqewa yayi yafice da ummi a hannunshi wadda taqi yarda ya ajeta,yunwa yakeji sosai don yau yajima akasuwa,abinci yake da buqatar ci,don haka yawuce dakin rufaidan kai tsaye.


Zaune yasameta a falo,qafarta daya kan daya,kallo daya ta daga kai tayi masa ta watsar dashi taci gaba da kada qafarta.


Falon cike da sautin waqa,baice da ita komai ba yasoma wucewa ya rage waqar sosai ta yadda ko tashinta bakaji kwata kwata sannan yadawo yazauna kan daya daga cikin kujerun falon yana dubanta.


Qwarai take bashi mamaki,batasan idan tayi laifi ta nuna tayi laifi ba bare ta bada haquri,kullum ita keda gaskiya,saita dauki fushi da kumbure kumbure,tsahon zamansu bazai iya tuna sau nawa tace kayi haquri ba,saiya kauda wannan tunanin yace
"Bani abinci" kai ta tada ta dubeshi kana ta dubi yarinyar hannunshi wadda tuni ya direta saman kujera ta kama kujerar tamiqe abinta tana ta tsalle,saikace shi yafi kowa yara a duniya,motsi kadan yaranshi bini bini yadebo mata yara yashigo mata dasu,ba shakka sai tayi maganinsu,ba zata dauki wannan abun ba wlh,a rubar mata da carfet da katifar kujeru tun bata haifi nata ba ina dalili?
"Saikamaida yarinyar tukunna sannan kaxo kaci abincin" ta fada taba gyara xamanta,yabita da kallo mamakinta yana sake kamashi,yana ganin abun kamar almara amma yaga yana neman wuce gona da iri
"Ki bani abinci kawai ba ruwanki da ita" yafada adan kausashe,saita sauko tanufi inda abincin yake tana qunquni qasa qasa,sarai yajita amma saiya danne kamar baiji ba.


Tun a idanun yaga abincin bai masa ba,uban mai saman miya,ga qamshin attaruhu tun baikai gaci ba,abinda sam baicikin tsarinsa,saboda basir da kuma yara da kowa yasan ba kasafai sukeson abincin mai yaji ba,matan gidan sun riga da sun saba ma,kuma itadinma yasan ta jima da sani din tun kafin suyi aure,har sukayi auren ma bai fasa gaya mata ba idan hira tashigo,to amma sai bai tanka ba,harta gama zubawar ta tashi,ya sanya cokali yasoma ci.


Lomar farko yasoma jin matsaloli game da abincin kala kala,na farko miyar tacika gishiri,sannan bata gama soyuwa ba,baya ga uban mai da yayi mata yawa,na biyu kuma ita ka ta shinkafar batayi laushi na,gatanan dai tayi tsage tsage,a haka yadaure yatafi loma ta biyu wanda anan yaji ya kaure kan harshensa,tilas ya dakata ya dubeta
"Bani ruwa" ya buqaceta da hakan,tunda tsurar abinci ta dire babu mahadi,dan qaramin tsaki taja bayan ta aje wayarta data koma charting dinta ta dora daga inda ta tsaya dazun,don a rayuwarta ta tsani adinga tashinta ana aikenta,ta isa qaramin fridge dinta taciro ruwan babu cup ta aje masa takoma tazauna abinta,baice mata komai ba yadauki kofin yabude yasoma sha.


Daga can dakin mmn ummi kuwa usman ne ya wurgar da cokalin hannunsa yana yarfar da hannun gamida dalilen yawu saboda azabar yaji,mubarak kuwa tuni idanunsa sun hada qwalla donshi yafi usman ma qin abinci mai yaji,dai dai sanda mmn ummi tafito ashirye bayan tayi wankan da masifa ta hanatayi daxu ta dubesu
"A'ah,wannan wanne irin iskancine wannan?,me haka?"
"Yaji umma" usman yafada yana shirin fashewa da kuma,saboda yunwar da yakeji yaso yaci abincin sosai amma babu hali
"Wanne irin yaji?" Ta fada tana zama gefansu,gamida daukar cokalin tayi loma daya ta dandana
"Um,um_um,umum" ta fada tana gyada kai
"Tabdi" ta sake furtawa,ita abun ya mata dai dai,domin kuwa tasamu hanyar cin zarafin rufaida a daren nan,zata qarasa huce takaicinta,saita dauki kwanon abincin tace
"Ina zuwa" fuuu tayi dakin rufaida.


"Garin yaya rufaida abincin nan yayi yaji haka?" Ya jefa mata tambayar yana kallonta,sauke wayar tayi ta dubeshi
"Yafi dadi ai,abinci babu yaji kamar na 'yan ruwa?"
"Amma dai nasha gaya miki ba'amin girki mai yaji ko?,saboda ulcer da basir,ga kuma yara"
"To nidai gsky haka na iya girki na" kafin yace komai mmn ummi ta bankado labulen tashigo riqe da kwano a hannu
"Wannan wanne irin abincine haka?,bbn amir kaga muguntar da matarnan tashirya ashe ko?,to gashinan dai yara sun kasa ci,babu abinda suke sai kuka,wannan ai mugunta ce da rashin mutunci".


Da sauri rufaida tamiqe rana aje wayar hannunta
"Ke maryam ki iya bakinki ki kama kanki,kibar ganin ina daga miki qafa wallahi tausayinki nakeji,banason hauka banason dabbanci kinji ko?,banson jahilci da qananun maganganu....."
Sakin farantin mmn ummi tayi ya tarwatsewa rufaida a daki,ta daki qirjinta tana cewa
"Waye jahilin waye dabba?,wallahi yau saikin gayamin...."
Tsawa bbn amir ya daka musu wadda ta tsaidasu daga yunqurin da kowacce takeyi.


"Waiku wadanne irin mutanene da basu qaunar zaman lafiya sai tashin hankali" cikin raunin murya mmn ummi tace
"Nice bana qaunar zaman lafiya ko ita?,kana gani yautun safe da kalar wulaqancin da takeyi cikin gidan nan amma banga wata cikakkiyar tsawatar mata da kayi ba,yanzu wannan zancan danazo dashi shine rashin qaunar zaman lafiyar?"
"Da kika shigo baki ganni ba zaune?,me yasa baki mutuntani ba kin kawomin qara kigani mezanyi akai?"
"Meko zaka iyayi tariga tashanye ka tamallake ka,sai abunda taga dama takeyi"
"Ya isheni maryam,wuce ki koma dakinki" yafada cikin bacin rai yana nuna mata hanya da yatsa,ta fuskanci yana dab da kaiwa maqura,saboda haka ta juya tana cewa
"Ni duk wanda ya cuceni Allah ya isa wlh,kuma kuyi lokacinku ne,akwai ranar qin dillanci ranar da hajar mai gari ta bata" da wadannan qananun maganganun tajuya ta fice.


Tsahon mintina falon yadauki shuru,saiya dauki ummi yafice,ya direta a qofar dakinsu ba tare daya shiga ba yajuya yafice daga gidan.


Da sauri rufaidan ta qarasa gaban kwanon abincin daya tashi akai tadauki cokalin tayi loma daya,saita hau zaro idanuwa saboda yaji da gishiri,itakanta batasan yajin da gishirin sunkai har haka ba,yaron daya kai mata markden dai yace tarage attaruhun tace haka takeso,yakai mata haka,saita koma tazauna tana jin yadda shinkafar ta tsaitsaya mata a maqogaro tana raba idanu,tare da da tunanin yadda zata nade tabarmar kunyarta.


Can bayan layinsu ya zagaya wajen wani maisaida fura da noni,gefansa kawai mai balangu,ya siya leda daya mmn ummin da yaranta,leda daya mmn amir don yasan bazata iyaci ba itama don bata qaunar yaji,leda daya tashi,yadawo gidan yashiga dakin mmn ummin,tana zaune ita daya,yana iya jiyo motsin yaran cikin dakinta,ya aje ledar yana dubanta
"Maryam,ki fita daga idanuna,banason fitina banason tashin hankali,ki kiyaye tun baki kaini bango ba" daga haka bai saurareta ba yafice yashiga dakin mmn amir.



Fuskarta ba yabo ba fallasa ta amsa sallamarshi,itama yamiqa mata ledar idanunshi nakan farantin dake aje gefanta tarufeshi da wani farantin,da alama itama tadebone ta kasa ci,ya tsammaci zatace wani abu,saidai batace komai ba har ya mata sallama yafito.


Cikin ranshi yadinga ganin qima da martabarta,har kullum kunya sake kamashi take idan yatuna abinda ya aikata mata a baya,sanda yana kan ganiyar neman aure da aurenshi da maryam,yakanji kamar yajawo baya yagoge duk abinda yafarun a baya,saidai babu damar haka,saidai danasani da hausawa ke cewa qeyace.


A baya idan tayi kawaici irin wannan yace munafuncine dason goga masa baqinjini wajen mutane,idan tayi magana yace tacika qorafi duk da ba maganar takeyi ba,duk wanda tayi bata tsira ba,sai a yanxu martabarta take sake fitowa muraran,darajarta take sake yauqaqa a idanunsa.


Wannan karon dakinsa yakoma,yayi shirin kwanciya abinsa kana ybude gurasa balangu da furar yasoma ci.


Baiyi nisa ba taturo qofar dakin cikin kayan barcinta tashigo dauke dai da kwanukan abincin,donta tsara abinda zatayi,dubanta kawai yake takaici yasauko masa,rigar barci ce transparent ana iya ganin pant da bressier dinta,amma ace haka ta ratso cikin gidan zuwa dakunanshi?,yanzu idan wani cikin yaran yaganta fa?.


Sai data aje abincin sannan ta bata rai sosai tana dubanshi,baqinciki biyu,yasiyo abinsa yanaci ba tare daya bata nata ba,sannan ga girkin datasha wahala akanshi baici ba
"Yanzu haka xakamin dear,wallahi na fuskanci an riga da an gama shiga tsakaninmu,randa nasoma girkina na farko ace kaqici ka bige dacin abincin kan titi?"saita fashe da kukan kissa wanda yadinga jinsa har saman kanshi,wannan matsaloli da yawa suke,daga ka toshe matsalar waccar saita waccar ta danno kai?,daga wannan sai wancan?.


Ganin kukan nata nayin yawa yasa dole bayan ya kammala cin abincin yakira sunanta,tadago da hawayen qarya tana dubanshi.


"Gaba daya rufaida kin bani mamaki,yadda na tsammata gaba daya ban tadda haka daga gareki ba,na zaci cewa zan sake samun wani nutsuwar da kwanciyar hankaline daga gareki,sai gashi kina neman bani