You Cannot Download this book untill you login but you can read it .

---

Login Register

sa'a idan mun shiga kotu".

Babu yadda Baffah ya iya haka ya bisu da addu'a kamar yadda suka ce yana musu fatan alkairi duk inda ka shiga a garin kuwa gulmar ake cewa ashe Tanko ne yaiwa Lami fayd'e shiyasa Habu ya d'ebo masa'yan sanda sai tsine masa ake saboda kowa yasan zai aikata halinsa ne.


Abun da ya baiwa su Habu mamaki a kotu 'kememe Tanko ya'ki kar'ban laifin da ake zargin sa yace baisan zancen ba sharri sukai masa iya 'kulewa ya 'kular da Habu ji yake badan a gaban alkali suke ba babu abinda zai hana sha'ke wuyan Tanko harsai yaga ya daina motsi ya mutu daya rabu dashi".

Anyi gwagwarmaya ansha matukar wahala saida akai da gaske sannan Tanko ya amshi laifin sa azaba tasa yai bayani aka sake tambayarsa da jiddadawa shine ya mata fayd'e shine ya mata fayd'e ya zamo silar mutuwarta ya kuwa amsa eh shine da taimakon abokinsa Mudi dan haka aka yanke masa hukuncin zaman gidan yari shekara ashirin da biyar Mudi shekara biyar tab a take Balah ya yanke jiki ya fad'i a sume saboda d'imuwa da tashin hankalin abinda yaji Tankon ya fad'a mugayen halaye marasa kyau wanda bai sani ba a gurin ya suma hawan jinin sa ya tashi sai asibiti aka kaishi haka su Habu suka dawo gida ransu fari tas ko yanzu sun cika burin su tunda an yanke masa hukunci mafi tsauri.

Satin Balah uku a asibiti ya rasu Tanko bai sani ba domin yana can kuma gurin da yake mafi tsananin horo ba'a zuwa koda a shekara sau d'aya ne balle yasa rai zaiga 'yan gida haka kullum yake fama da aikin wahala da horo me tsanani.


Lokacin da suka koma gida a kofar d'akin Ramatu sukaga Ilyah zaune ya karkace sai yanka loma yake kamar wanda yai shekara baici ba zama sukai Baffah na cewa "kai Ilyasu idan ka gama ina son magana dakai" bai d'ago balle yasan mutum ke masa magana duk da yasan irin kokarin da su Habu sukai akan case din Lami amma yai banza daya gama ma yana wanke hannu yai hanyar kofar gida da nufin ficewa tab kamar wanda ya watsawa Habu ruwan wuta haka ya mi'ke zunbur yana shan gaban ransa a had'e yace.

"Wai meye haka kakeyi Baffah nefa ke maka magana".

Kallon kallo suka fara kafin Ilyah ya kuma gegewa zai wuce fisgoshi Habu yai yana hankad'a shi sai gashi guruf ya kifa a gaban Baffah a fusace Ilyah ya juyo yana kallon Habu dake tsaye bayansa yace.

"Ni ka hankad'a haka? Habu aiko wallahi sai kayi Dana sani".

Wata uwar harara me zafi Habu yasakar masa yana cewa "wannan shine fad'arka sau ba adadi na saba jin haka a bakinka amma banga ranar da zata zo nayi nadama ba a rayuwa ta domin sani zan gama da duniya lafiya bani da bakin iyaye a jikina".

Cikin 'kunan rai Ilyah yace "kuma waye me bakin iyayen".

"Ina wani bayan kai, ko nayi karya"?.

Kafin Ilyah yai magana Baffah ya katse su "ku dakata magana nace zamuyi ba fad'a ba wannan shashancin bai kamata ba zauna habu" zama yai suna aikawa juna harara Baffah ya soma magana.

"Iliyasu nasan kasani cewa ga abinda yan uwanka suke na fafutikar gano wanda yai silar Lami har Allah ya basu sa'a asirin su ya tonu amma baka ta'ba zuwa ka tambaye mu me muke ciki ba gashi kaji an yanke musu hukunci duk da haka bakai hankalin da zaka tare ni da wata magana ba meyasa"?.

Tashi Ilyah yai yana karkad'e jikinsa yace "to Baffah ina ruwana me kuwa zance muku dama ni na sasu wannan matsalar suce gani sukai zasu iya Lami dai ta riga ta mutu ba dawowa zatai ba gashi kunzo kunata bata zaman ku da 'yan gari nikam babu abinda yai min zafi kada ku sake sani cikin safgarku".

Yana kaiwa nan yai waje shiru Baffah yai Sabi'u daya dafe kai yace "kayi hakuri Baffah dan Allah ka daina sa damuwar Ilyah a zuciyarka kada wata rana ya d'ora maka hawan jini".

"Umh to mezance Sabi'u Ilyasu ya fita daban a cikin 'ya'yana saidai Allah ya shirye shi" Amin Sabi'u yace Habu kam ba'kin ciki da takaici sun hana shi magana kawai mi'kewa yai ya shige d'aki ya kwanta barsu a waje suna ci gaba da tattaunawa.

Tun Baffah yana 'boye musu jinyar dake damunshi har tazo ta bayyana hankalinsu yayi matukar tashi cikin gangarawa suka daukeshi zuwa asibiti kamar bazai rai suna isa aka tura su emergency saboda ganin halin da yake ciki.

Haka suka wuni likitoci na kansa abun har tsoro ya basu sai bayan sallar magriba babban likita ya kira su zuwa office din sa bayan sun zauna ya fara yi musu bayani.

"Nayi mamaki lokacin da nake duba mahaifin ku yana da zaratan samari kamar taya kuka bari har jinya taci 'karfinsa baku kawo shi asibiti ba yanzu dai mun samu an ceto rayuwar sa insha Allahu zai samu lafiya amma dan Allah nan gaba ko ya kuka ga wata 'yar matsala ku taho asibiti".

Sauke ajiyar zuciya sukai cikin jin dad'i sukaiwa likita godiya anan suka kwana iya Salamatu ce ta biyosu ta kawo musu abinci amma banda Ramatu da Ilyah sai dare sosai ta tafi washe gari ma da wuri tayo abun karyawa tazo kasa hakuri Habu yace.

"Waini dan Allah su Ilyah basu san Baffah baida lafiya ko wulakancin nasu ne dan su nuna basu maida shi komai ba".

Cikin yanayin damuwa Salamatu tace "sun sani bansan me yasa basu zoba".

"Ai gaskiya mutanen nan lamarin su da gyara saidai Allah ya ganar dasu".

Mi'kewa Habu yai yana cewa "bari naje gidan" da sauri yasa takalmansa yana ficewa daga asibitin ya tari mashin har kofar gida cewa yai jiransa yanzu zai fito su koma.

Yana shiga yaga Ilyah gaban murhu yana babbakar kan rago wato dai shi wannan rai da rai yana cikin cin nama kamar jikan sarkin mayu karasawa yai yana cewa.

"Ilyah ka kyauta kenan"?.

Da sauri Ilyah ya juyo ganin Habu tsaye yasa batare dayai magana ba ya maida hankalin sa kan aikinsa dan yasan kwanan zance bazai wuce akan jinyar Baffah bane indai haka ne kuwa ko a jikinsa.

Ganin yai banza dashi yaci gaba "dakai fa nake Ilyah yanzu tsakani da Allah kayi daidai kenan Baffah mahaifin kane amma baida lafiya kana gani muka tafi bakace zaka bimu ba gashi da gari ya waye kaga bamu dawo ba mezai hana ka kaje kaga halin da yake ciki ko baza ka zauna ba sai kayi burus".

Idan dutsi ko bishiya na magana to Ilyah ma yayi kamar ba mutum haka ya dauke kai yaci gaba da aikinsa mamaki ne ya kama Habu kawai ya sake baki ya tsaya kallon iya gudun ruwan ilyah, harya gama ya 'bare kan babu wanda ya sake magana saida ya mi'ke zaije ya wanke yace.

"Kai fa Habubakar babu inda zanje garama kabar 'batawa kanka lokaci kaje ka tafi dan babu inda zanje kuma banga wanda ya isa yasa nayi abinda banyi niyya ba dama Baffan wani abu yake ban dazan damu da jinyarsa yaje can ya 'karata🙆😱😨".

Wucewa yai yana zuba ruwa ya fara wankewa a fusace Habu yaje yai bol da kwanan da Ilyah yake wanke kan ganin hakan ma bai huce ba dauka yai yana tumurmusa shi a kasa karshe ya jefa shi a cikin kwata kafin ya juyo yana cewa.

"badai akan wannan tsinannan kan bane gashi na jefa a kwata sai naga ta tsiya".

Da gudu Ilyah yazo ya kama Habu da kokawa nan fad'a ya kaure jin hayaniya yasa Ramatu fitowa tana cewa.

"Meye hakan Ilyasu ina kan ragon yake"?.

Ran Ilyah daya gama 'baci bai kalli Ramatu ba yace "gashi can wannan mitsiyacin ya jefa a kwata".

Zaro ido Ramatu tai tana kallon gurin tace "kwata? Aikam ganin yadda yai dumu dumu yasa Ramatu fasa 'karar takaici tana cewa "wayyo Allah na amma wallahi Habubakar anyi mugun mutum wato saboda ba'kin ciki shine ka jefa mana nama a cikin kwata aiko saika biya".

Kallonta Habu yai batare daya amsa mata wancan fad'an da take ba yace "yanzu tsakani da Allah babah Ramatu kin kyauta kenan kunsan Baffah baida lafiya keda Ilyah tun jiya mu tafi asibiti amma babu wanda ya bimu a cikin ku".

Jin abinda yace yasa Ramatu cewa "gwafar ubancan lallai ma Habu me kake nufi kenan yanzu zuwa kai kasa muje dole ko me kake nufi? Fad'a min naji wallahi Habu ka ishe ni ka fita ido na in rufe".

Tsaki Ilyah yaja yana cewa "to dan Baffah baida lafiya meye a ciki zai warke kazo ka wani damu mutune dole ne sai munje asibitin bayan ku kuna can wa za'a bari jiran gidan"?.

Wani kallon baka da hankali Habu yai masa wato sudai wadannan baza su ta'ba yin hankali ba a rayuwar su ace uban daya haifeka kake nuna halin ko in kula akansa lallai kam wannan ta'bewa tai yawa yana musu fatan su gane da wuri kafin lokaci ya'kure musu..........

Dawo da hankalin sa yai kansu jin Ramatu na cewa ",dauko mana kan mu wanke Ilyah".

Kaiya girgiza "waye zai ci wannan kan ko shi maye ne an riga an jefa a kwata saidai mu ha'kura".

"Mu ha'kura kuma shikenan munyi asara"?.

"Eh ya riga yai mana ba'kin ciki ya jefa a inda bazai gyaru ba".

Kallon kan Ramatu keyi cikin takaici gaci ga kwanan yunwa ta juya saitin habu tana cewa "saika biya idan kuma ba haka ba cikin ragunan ka na kewaye nasa mahauci ya yanka daya".

'Dakin Baffah Habu ya shiga batare dayai magana ba ya dauko kud'i a inda Baffah yai masa kwatance saida ya fito zai fita ya kalli Ramatu yana cewa "idan tsautsayi yasa kika ta'ba min dabbobi yau saikin gane Allah da girma yake wallahi saina balla miki kafa sannan ki biya ni kud'in abinda kika min" yana fadin haka yai waje da kallo Ramatu ta bishi tana cewa "Allah ya isa ban yafe ba".

Ganin Ilyah zai fita tace "so'ko'kon banza shashasha kana jina da wannan mara kunya har yana zancen 'balla min'kafa amma bakace masa komai ba" juyowa Ilyah yai yana cewa "to me zance kece kika tsokane shi tsuntsun daya ja ruwa shi ruwa ke duka" yana fad'in haka ya fice abinsa kallon kan ragon tai tana cewa "bazan ha'kura ba saina gyara ragon nan ai kwatar gidanmu ce bata gidan uban kowa ba😲🤣.

Habu na komawa asibitin yaga iya Salamatu ba Sabi'u zama yai yana kallon ta yace "ina yaya Sabi'un yaje"?.

Tana kallon hanyar da Sabi'u yabi tace "likita ya kira shi tun d'azu bai fito ba".

Mi'kewa Habu yai yana cewa "to bari nabi bayansa naji meyake faruwa" da yake yasan office din doctor din kusan karo sukai da Sabi'u shi yana shirin fitowa shi kuma yana shirin shiga da sauri yace.

"Yaya Sabi'u lafiya me doctor yace maka fatan ba akan ciwon Baffah bane"?.

Sauke ajiyar zuciya Sabi'u yai yana cewa "eh yace tun jiya yayi batun za'ai masa gwajin jini ya bamu takarda kuma baiji ance komai ba har yanzu shine nace yayi hakuri kaje gida amso kud'i ne yace da ka dawo muji ayi masa".

Kai Habu ya d'aga "to yaya Sabi'u muje ga kud'in can na dauko mudai fatan mu Allah ya bashi lafiya".

Juyawa sukai suna komawa gurin Salamatu ganin yasa tace "meya faru kuma"?.

'Daukar kud'in Habu yai yana cewa "zamuje gurin gwajin jini da Baffah ne".

"To innalillahi Allah ka baiwa bawan nan naka lafiya" Salamatu ta fad'a cikin jimami tana rafka tagumi numfashi Habu ya sauke batare da yace komai ba ya d'an kalli Sabi'u yana masa alamar suje wucewa sukai yayin da suka bar Salamatu tana share hawaye.

Kusan awarsu gud'a kafin ta hangosu tafe suna rike shi girgiza kai tayi cikin tausayawa da takaici ta wani bangaren musamman halayen Ilyah da mahaifiyar sa Ramatu sam basa kyautawa...........................

"Babah ya kamata kije gida kinga rana tayi sosai" muryar Habu ya katseta.

D'agowa tayi cikin sauke ajiyar zuciya tace "bazan iya tafiya kamar jikin malam babu dad'i Habubakar anan zan tsaya na wuni" zama kusa da ita sukai Sabi'u na cewa "shikenan fatan mu dai Allah ya bashi lafiya koda Baffah ya rasu Ilyah ne sila ba sunan kowa a bakinsa sai shi ya matukar damuwa darashin biyayyar sa bansan meke damun Ilyah ba a iya sani na Baffah ya mana kokarin da ba kowanne ubane zai iya ba ya bamu kyakkyawar tarbiyya to matsalar daga ina take"?.

Habu da ransa ya sosu jin abinda Sabi'u yace akan Ilyah wanda ya tabbata gaskiya ne tsaki yaja yana cewa "matsalar tana gurin babah Ramatu duk tsiya data jajirce ta nuna masa matsayin Baffah tana ankarar dashi ai duk haka bazai faru to amma a gabansa zataiwa Baffah tas ba dole ya mayar dashi ba komai ba".

"To Habubakar ya muka d'iba muka iya da ranmu gidan Baffah ba haka yake ba ada idan kaxo gidan kafin ya auro Ramatu zakasha mamaki bata yabon kai ba har a waje sha'awar zamana dashi akeyi amma da yake 'kaddara tariga fata Saida Ramatu ta shigo cikin rayuwar sa ta gur'bata mana zama".

"Ai dama nasan haka zata faru badan karna kauce hanya ba da nace meyasa Baffah ya aureta" Habu ya fad'a yana kallon Salamatu.

"Kaita girgiza "to habu kaddarace rubutacciya matar mutum kabarin ba yadda ya iya shiyasa kuma rabon haihuwar Ilyah ne da yarinyar nan Lami, addu'ar mu dai Allah ya tashi kafad'unsa mu koma gida insha Allahu Baffah bazai sake shiga damuwa ko ba'kin ciki akan su Ilyah ba duk hanyar da zamu bi musashi farin ciki koda mu zamu shiga 'kunci to matukar hakan zai faranta ransa zamubi wannan hanyar".

"Gaskiya Habu gaskiya ne tabbas zamu kokarta" Sabi'u yai maganar kallon duka su biyun Salamatu keyi tana da ya'kinin da ace babu Ramatu da Ilyah a rayuwar Baffah bazai ta'ba shiga yanayi kamar wanda suka sashi ba.

Sai bayan sallar isha sosai Salamatu ta tafi gida tabarsu da niyyar gobe tadawo.

Kusan kwana goma sukai a asibitin suna fama kafin jikin Baffah ya warware aka basu sallama tsayawa sukai suka had'a masa kayan gina jiki dasa lafiya sannan suka dauki hayar mota har gida nan 'yan gari suka fara zuwa dubiya.

Abun mamaki Ramatu dake gidan tari batai ba balle tace ya jiki haka Ilyah inya shigo saidai ya kauda kai ya wuce inzai fita ma haka ganin Baffah ya damu yasa habu kaiwa zuciyarsa nesa gudun 'bacin rai kawai ya 'kyale shi baiyi masa magana ba ya zuba masa ido yaga iya gudun ruwan sa.

Gadoji na zaune gefenta 'yarta ce da tsohon ciki Jamila matar Tanko suna d'an hira sukaji an rafka sallama wa zasu gani cikin mamaki suka ga Deluh ta shigo hade rai Jamila tai tana kawar dakai dan ta tsani ahlin su da tasan haka Tanko yake d'an iska Allah ya rufa asiri ta yarda har takai su ga aure gashi abin ba'kin ciki harda rabo tsakanin su.

Ba yabo babu fallasa Gadoji tace "maraba Delu karaso ga tabarma kece kike tafe yanzu"?.

Zama Delu tai tana kallon Jamila da da d'an ya'ke a fuskarta tace tace "wallhi nice ina kwana ya me jikin"?.

"Lafiya kalau gata nan jiki yayi sauki ya abinda ya faru"?.

Huuuuuuh Delu ta sauke ajiyar zuciya tana cewa "hummm sai godiya ya zamuyi kaddara ce".

"To Allah ya 'kara rufa asiri".

Cikin takaici Delu tace "um Amin dai ai yaron nan ya cuce ni Tanko bansan ba mutumin arziki bane".

Jin zancen da suka soko yasa Jamila tabe baki cikin halin ko in kula tana shirin barin gurin da'kyar tace "ina kwana"?.

Kallonta Delu tai "lafiya Jamilatu zauna dan Allah magana nazo muyi".

Jitai kamar ta fashe da kuka tsabar takaici ta koma tana zama tare dayin 'kasa da kanta.

Cikin lallahi Delu ta soma magana "Jamila dan Allah kiyi hakuri abinda ya faru ki koma d'akin mijinki ki haihu acan na sani Tanko bai kyauta ba kada ki dubi halinsa ki tausaya min ki bini mu tafi".

Ba arziki Jamila ta d'ago tana kallon Delu muryarta cikin kuka tace "wallahi bazan koma gidan Tanko ba ni dashi har abada bazan ta'ba yafe masa ba sai Allah ya saka min dama yasan haka halayensa suke ya cuceni ya aureni tsabar mugunta harda ciki babu ni babu Tanko idan kin samu dama zuwa gurin sa kice ya sakeni kuma ko haihuwa nai a ranar dana haihu zan kawo muku dan'ku ko 'yarku bazan raineta ba" ta karasa maganar da kuka sosai na tsantsan tsanar tanko.

Ita kanta Delun kukan take ta kasa cewa komai sai kallon Jamila da take ganin ta mi'ke tabar gurin yasa tace "Gadoji dan girman Allah kiba Jamila hakuri tazo mu tafi wanda tai yajin dominsa baya nan a shekarun da aka yanke masa ko daya bai dauka ba gashi ta silarsa yaja mutuwar malam Balah ubansa zan iya rantse miki a cikin mu babu wanda yasan me Tanko yake aikatawa Saida asirin sa ya tonu akan yarinyar nan ashe duk fayd'en da akewa yan matan garin nan dana kewaye shine da Mudi har ran malam ya fita bai daina tsinewa Tanko ba".

Shiru itakam Gadoji tai domin itama a tana bangaren ta kudura cewa Jamila ta baro gidan Tanko har abada kuma tana fatan kada Allah yasa yaron da zata haifa yazo darai dan kada su samu ba'kin iri cikin danginsu babu wanda zaiyi alfahari da d'a mai mummunar d'abi'a irin tanko........................

Maganar da Deluh tai ne ya dawo da Gadoji daga duniyar tunanin data fad'a jin tace "Gadoji bakice komai kisa baki cikin maganar mu".

"Kai Gadoji ta girgiza "a'a bazan shiga ba Deluh bari na fad'a miki gaskiya Jamila nice nace bazata sake zaman aure da Tanko ba domin ni 'yata me tarbiyyace bazai bata min halayenta ba babu sauran ala'ka tsakanin Tanko da Jamila saki ne ya rage dan haka duk ranar da kikaje gano shi kice ya baki sakinta tunda ba mutumin arziki bane wa zaiso hada zuri'a dashi ya gama gur'bata rayuwar sa da banzayen d'abi'u marasa kyau gaskiya kawai kiyi hakuri".

Kuka sosai Delu keyi tana wa Gadoji magiya "dan Allah Gadoji ki taimaka kada ki duba halin Tanko ya dubeni ki bari mu tafi da Jamila".

Sauke ajiyar zuciya Gadoji tana cewa "gaskiya bazan iya ba taimako d'aya zan miki shine kawai kiyi hakuri ki dauki danga dan bazan bar Jamila taje ko'ina ba magiyar ya isa dan Allah ki fahimta".

Gadoji dan Allah kiyi hakur.................

Katse ta Gadoji "kinga Deluwa dan Allah karki sake ro'ko na na riga na fad'a miki gaskiyar lamari".

Goge hawaye Delu tai da gefen mayafinta tana mi'kewa zuciyarta na tafasa tace "shikenan nagode sai anjima".

Kai Gadoji ta d'aga "to Allah ya bamu alkairi".

Haka Delu ta koma gida hajijiya na dibanta ko gabanta bata gani haka zazzabi ya rufe harda amai gabadaya Tanko yasa rayuwarta a tsaka me wuya.


Baffah na zaune a kofar d'akinsa Sabi'u ya fito daga d'akin hatsi hankali tashe yana cewa "Baffah babu hatsi fa a d'akin nan".

Cikin mamaki Baffah ya dube shi "kamar ya ba hatsi kuma Sabi'u"?.

A rud'e Sabi'u yace "babu kusan rabi an sace".

"An sace kuma Sabi'u? Sake dubawa dai".

Shiru Sabi'u yai yana kallon Baffah cikin tausayawa kafin ya wuce yana duba sauran rumbunan amma dai labarin daya ne babu hatsi babu alamar sa fitowa yai ya had'a gumi da'kyar cikin jin nauyi yace.

"Baffah wallhi babu komai an debe duka".

Cika da tsananin mamaki Baffah yace "an d'ebe dai Sabi'u? Ikon Allah shikenan Allah ya rufa asiri".

"Dan Allah kayi hakuri Baffah".

"Babu komai Sabi'u karka damu Allah ya maka albarka".

"Amin Sabi'u yace yana cizon yatsa cikin takaici dan wallahi ya sani ko ba'a fad'a masa Ilyah da Ramatu ne suka d'ebe hatsin nan amma me sukai dashi ina suka kaishi d'an kwanakin da bai wuce 'kirge ba har sukai ta'addanci da 'barna haka....,.................


Dawo dashi daga duniyar tunani Baffah yai da cewa "Sabi'u bakomai jeka kaji kuma dan Allah kada ka fad'awa Habu kasanshi da zafin rai yanzu sai yazo hankali ya tashi tunda kowa yasan ba mai diban hatsin nan sai Ramatu da Ilyasu wadannan mutane suna 'bata min rai a rayuwa suna ba'kanta min bansan yadda zanyi da lamarinsu ba amma shikenan duniya ce gata nan suna ciki" Baffah ya karasa maganar yana dafe kirjinshi tare da runtse ido.

Sabi'u na tsaye yayi shiru yana kallon sa Zuciyar sa na tafasa ransa ya gama kai 'kololuwa wajen 'baci share hawaye yai yana ficewa daga gidan.

Kusan karo sukai da Habu zai shigo ganin yanayin sa kamar hankalin sa a tashe yasa Habu cewa "yaya lafiya na ganka haka"?.

Sauke ajiyar zuciya Sabi'u yai cikin sanyaya nazari da kuma tunanin me zaice masa wacce amsa ya kamata ya bashi tunda Baffah ya gargad'e shi kada ya fad'a mas....................................

Katse masa tunani Habu yai da cewa "yaya Sabi'u ya kayi shiru dan Allah ka fad'a min meyake faruwa?.

Kallonsa Sabi'u yai yana girgiza kai yace "bakomai muje gurin Baffah yana ciki".

Hankali tashe Habu yace "meya same shi ko ciwon ne"?.

Kai Sabi'u ya girgiza "a'a ba ciwon sane ya tashi ba kawai dai muje gurin sa yana kofar d'akinsa".

Tafiya Sabi'u ya fara jin shiru ya sashi waigowa ganin Habun na tsaye yasa ya dawo da baya yana rike hannunsa ya fara tafiya dashi yana cewa.

"Haba Habubakar ka taho man na fad'a maka ba komai bane Baffah na lafiya yanzu muka gama magana dash.....................................


Kasa 'karasa maganar Sabi'u yai ganin Baffah kwance akan tabarma yana ri'ke da kirji sai kiran sunan Allah yake a guje suka karasa suna kiran BAFFAH BAFFAH innalillahi wa inna ilaihi raji'un sannu Baffah".

Muryar Baffah da'kyar take fita cikin wahala da ciwo yace "ku kaini asibiti ku kaini gurin likita 'kirjina zai tsage zuciya ta ciwo take".

Tab jin furucin da Baffah yake yasa a rud'e suka cicci'be shi suna yin hanyar waje yayin da Salamatu ta biyo bayansu hannunta aka tana kuka ko takalmi babu a 'kafarta gashi babu mota a 'kauyen sai mashin haka suka d'ora shi akai Sabi'u ya hau bayan sa sukai gaba habu da Salamatu kowa yahau daya suma suka bisu.

Ko parking me mashin din baiyi ba Habu ya diro da gudu yana yin hanyar emergency dam ya samu guri cike da majinyata masu nemen taimako cikin gaggawa furmutsawa yai ya shige har gaba likita hawaye na zuba a idanun sa yace.

"Likita mun dawo da Baffah yana wani hali dan Allah ka saurare ni".

'Dagowa likata yai ganin sa yasa da sauri shima ya mi'ke yana cewa "Abbakar kaine subahanallahi ina Baffan yake"?.

"Yana tare da yaya Sabi'u likita Baffah mu jikinsa babu dad'i".

Da sauri likita yai gaba Habu na biye dashi daidai zasu sha kwana sukaga an turo Baffan sun shigo karasawa sukai likitan yai yana cewa.

"Sannu Baffah sannu" kallon wani doctor daya fito daga wani room yai yana cewa "Dr Usman 'karo mana kayan aiki yanzu".

"Kai Usman ya d'aga yana wucewa su kuma suka karasa shiga dashi sannan suka fito a zaune suka samu Salamatu tayi tagumi naban tausayi zama sukai kusa da ita ba wanda yace wani abu kowa zuciyarsa na bugawa suna wa Baffah addu'a da fatan alkairi.

Haka suka wuni a gurin babu alamar likita balle su samu wani d'an labari ko hankalin su ya kwanta sai kusan karfe tara na dare sannan suka ganshi ya fito bai bukaci suje office dinsa ba anan ya musu bayanin komai wanda abinda ya fad'a musu ya razana su ya burkita kwakwalwar su babu wanda baiyi kuka ba a cikin su haka suka kwana currr basuyi barci ba saida akai sallar asuba Salamatu ta tafi gida dan ta had'o musu abun karyawa.


Bata samu kowa a gidan ba daga Ramatu har Ilyan aikin ta fara cikin gaggawa tayi musu ta d'auraye jikinta ta sake kaya saida ta dau abincin zata tafi taga Ilyah ya shigo kamar dai baya hayyacinsa kila yasha 'kwaya ne da kallo ta bishi tana cewa.

"Iliyasu Baffan ku fa bashi da lafiya tun jiya yana asibiti acan muka kwana ko baka sani bane".

"Bai saurareta ba saida yaje ya samu guri ya zauna kafin ya d'ago idonsa jajur yana cewa.

"Na sani mana to mezanje nayo"?.

"Me zakaje kayo kuma Ilyah mahaifin kane fa"🙄.

"Oh dan mahaifi nane dole sai naje gurin sa me zanyi masa zan bashi lafiya ne zuwa na bazai 'kareshi da komai ba sannan rashin zuwana bazai sa ya warke ba".

Cikin mamaki Salamatu ta kuma bud'e ido a kansa tana cewa "haba Iliyasu me kake cewa n................


Katse ta yai da cewa "kinga da Allah ware bana son jin wata magana" shiru Salamatu tai tana kallon