You Cannot Download this book untill you login but you can read it .

---

Login Register

musu ba balle yanzu da gaskiya ta bayyana a gaban kowa dan haka ina so amin adalci abi min kadin shiga min gida datai ba neman izni ta dakar min yara harda fasa baki ta ciwa mata ta mutunci ko na kaita gaba gurin yan sanda" "gun yan kokara zaka kaini wallahi baka isa ba sisi bazan bayar ba 'ya'yan kane idan kaga dama ka sai musu magani idan kaga hagu ka barsu da ciwon jiki ba matsala ta bace ba ruwa na da hakan" kai Mamman ya jinjina zaiyi magana me gari ya katse shi da cewa "kaga karka ce komai Mamman ka 'kyale zan biya kudin kaje ka sai musu maganin zuwa gobe zan kira azo a tafi da ita inda wuya zata sa tayi ladabi tunda taga nan kafad'a ta daidai take da tata zaku iya tafiya zan kira ka gobe da safe" godiya Mamman yai yana mikewa shida Jummai da yaransa sukai gida.

Me gari na kallon Ramatu data mi'ke yace "ke kuma gobe ki kwana cikin shiri da zuwan sammaci domin na gaji da kashe shari'arki gara na kaiki gaba inda za'a saita miki zama" shewa da gud'a ta saki tana cewa "ai kayi ta banza meyasa zaka bari sai gobe ka kaini a yau mana me gemun wofi" tana fadin haka ta karkad'e masa 'kura tai gaba tana yiwa Lami masifa "kema dan ubanki meyasa baki fad'a min wanda yace miki jahilar ba kika 'kyale gashi kin jawo min zuwa gurin yan sanda" muryar Lami da damuwa tace "kiyi hakuri dan Allah bada sona bane" "shikenan koma gurin tallar ki bari nabi ta gidan su Balkin itama naci uwarta ta fad'a tana kama hanyar anguwar da kallo Lami tabi bayanta tare da sauke ajiyar zuciya ta share hawayen daya zubo mata ko kadan bata farin ciki da kasancewar Ramatu uwa a gareta kowanne d'a zaiyi tunkaho ya nuna uwarsa a ko'ina amma banda ita juyawa tai ta nufi dandali tun daga nesa taga yadda ake nunata ana 'kus 'kus amma ba yadda ta iya haka ta daure ta karasa ta samu guri kawai ta zauna tare da sunkuyar dakai kasa ta rafka tagumi kunyar kowa take ji abinda Ramatu take aikatawa a garin indai yaro ya d'ago yakai shekara hud'u zuwa biyar to yasan Ramatu saboda bala'in ta.

✍️MRS AL'AMEEN AHMAD CE 😘😘.

Sai Allah ya kaimu gobe zamu d'ora maman little Zaran aunty.

Kai jama'a Ramatu mai zamani Ramatu Ramatu tuwaiye Ramatu Ramatu me kike dafawa kan awakai kiyi ki dafa ki bani nawa zani ba takai ba ko kano ne kije ki dawo ai na Sara miki Ramatu dole na wake ki tab muje zuwa readers yanzu aka fara.

IN ANA BATUN JIRGI ME AKE DA MOTA AHMAD BIN MUHAMMAD DA GA NANA BINTA A CIKIN WALIYYAI KAINE KAKE SARAUTA JIKAN MA'AIKI INA MI'KO GAISUWA TA.

Rayuwar da ba annabi ba rayuwa ba dakai naffake rasulullah ban fake da kowa ba na kirayi sunan Allah mamallaki mai mulkin dukkan halittu marashin mataimaki auwalu akiru zahiru badinu ya madaukaki ka karar dubun basira badan halina ba🌹💞.

YUSRAH 🌹 MUSA ABUBAKAR MAMAN LITTLE ZARAN AUNTY 💃.

TYPING 📲 💎ME KAMAR SARKI 💎🌃 EMPIRE DAULA.
🕊️🕊️🕊️🕊️🕊️🕊️🕊️🕊️🕊️🕊️🕊️

💫ANNURI WRITER'S ASSOCIATION 💫
🏘️ Home of 🤝 hospitality and 🌹💞💃🌄 harmony gidan karba hannu biyu da zaman lafiya.

💻✍️ Yusrah yar Musa jikar Abubakar Muhammad ta kowa ce 😜 ku fito mu warwasa yau zamu shiga duniyar nishadi mu Debi nishadi yadda ya kamata🐧 ga ayu ma yazo taya mu.

17~AR-RAZZAK
The provider
18~AL-FATTAHU
The victory giver

9~Allahumma salli wa sallim ala sayyidina muhammadin sayyidil Salihina.

🌄 REMEMBER ND ABSENT MINDED🌄
Episode 17&18
Washe gari tun asuba Baffah vya tashi 'ya'yan sa sukai sallah zasu tafi gona kowa da fartanya a hannun sa suna shirin fita gani su biyu ne yace "ah kai Sabi'u ina Ilyah ba nace ka tashe shiba"? Amsa ya bashi "eh Baffah na tashe shi yaje masallaci sallah tare muka dawo yana d'aki" "au yana d'aki yai shiru? Kai Iliyasu kana ina"? Jin ba'a amsa ba yasa Baffah aje ledar buhun dake hannunsa ya je kofar d'akin su ya d'aga labule cikin mamaki yagan shi kwance idonsa tar cikin nashi.

Da fad'a Baffah yace "dama kana jina ina magana kayi shiru kaifa muke jira zamu tafi gona kaso ka sake sabon kwanciya" banza Ilyah yai kamar da dutse Baffah ke magana ba mutum ba, "dakai fa nake Iliyasu"? Tsaki Ilyah yai yana juyawa Baffah baya yace "bazanje ba ko dole ne"? "Baza kaje ba Ilyasu"? "Eh Baffah haka nace bazan je ba na gaji" "meke damunka Iliyasu yau ni kake cewa baza kaje ba kamar kana magana da abokin ka"? Maimakon ya tashi saiya kuma jan bargo yana rufe jikinsa.

Abu Baffah yaji ya tsirga masa har saida ya dafe saitin Zuciyar shi yana bin Ilyah dake lullu'be cikin bargo da kallo kafin muryarsa a sar'ke yace "Iliyasu ni mahaifin ka yau kake cewa wai baza kaje ba har abin nake yakai haka? Allah ya shirye ba bazan maka baki domin kai d'ana ne bana so ka shiga wani hali amma indai kaci gaba da fand'are min zamu raba hanya dakai".

Baffah na rufe baki yaji ance "to saime dan kun raba hanya dama wani abun arziki kake bashi saidai shi idan ya samu ka ri'ka zizzilla ido kamar 'bera a ragaya kana jiran a baka kullum hannun ka a bud'e kamar ganyen rogo bari kaji maganar gaskiya Iliyasu daga yau ya daina yi maka wahala wadannan din dai suje su karata inma kashe su zakai amma banda d'ana" sosai Baffah ke kallon Ramatu ya ma kasa magana ga juyawa da kansa keyi duhu ya fara gani da sauri ya dafe bango jin zai fad'i ya soma karanto addu'a zuwa wani lokaci daya ji sauki ya kalli sauran yaran nasa yana cewa "Sabi'u kuma ku zauna ku huta yau gobe sai kuje kaji" kai Sabi'u ya girgiza cikin damuwa da jin zafin abinda Ramatu tayi da rashin biyayyar Ilyah ga Baffah yana jin tsoron kada wata Rana a wayi gari sun kashe shi da ba'kin cikin da suke kunsa masa tunda a yanzu ma hawan jini ya kama shi ance ya daina yawan tunani da tuna abinda ya bata masa rai.

Yace "a'a Baffah zamuje nida Habubakar mu karasa noman ka zauna a gida basai kaje ba zamuji da komai" ya fad'a yana rike Baffan ya mayar shi d'aki ya dauki maganin shi ya bashi kafin ya fito suka wuce.

Kwana biyu a tsakani Baffah na zaune a kofar d'akinsa yana rubutun allo yaji sallama yana d'aga kai yayi murmushi saboda ganin wanda ya shigo fuskarsa da fara'a yace "Musbahu sannu da zuwa yanzu kake tafe 'karaso shimfida maza ka zauna kee Salamatu munyi ba'ko kawo masa ruwa" zama Musbahu yai cikin farin cikin zuwansa da ganin Baffah domin rabonsu da juna harya manta gaida shi yayi daidai Salamatu ta aje kofin ruwa a gaban sa ya gaishe da ita amsawa tayi tana tambaya sa "Musbahu mutanen birni ya iyalin suke"? "Wallahi suna lafiya Innah ina Sabi'u habu da Ilyah"? "Ayya suna gona amma kila yanzu zaka sun dawo yau ne ma naga sun danyi jinkiri ko maye ya tsayar dasu"? Ta fad'a tana mikewa ta tafi d'ebo masa abinci daidai fitowar Lami daga d'aki zata fita talle ganin sa yasa ta karaso har kasa ta durkusa ta gaida shi amsawa yai cikin mamaki bayan ta fita ya dubi Baffah dake faman rubutu yace.

"Baffah wai wannan yarinyar naka ce har tayi girma haka? Lallai abun da mamaki gaskiya na dad'e rabona da wajajen nan haka tun batafi shekara biyar ba fa ko Baffah"? Murmushi Baffah yai "eh haka ne Musbahu yanzu kuma shekarar ta sha biyar kaga kai kuma shekara goma kenan baka zo ba" kai Musbahu ya jinjina yana cewa "amma Baffah badan talla al'adarku bace yarinyar nan da kun sata a makaranta ilimi shine gaba da komai" kai Baffah ya girgiza "Musbahu matsalar ba'a ni bane ko yarinyar a uwarta ne bazata barta tayi karatun ba amma da yanzu ta dau wani matsayi ni kaina abun na damu na dashi nake kwana nake tashi balle ita yarinyar duk komai nata da 'kwallafa ranta akan karatu amma har yau burinta bai cika ina ba'kin ciki matsayi na na uba gareta ace na kasa biya mata hakkinta da ina da gurin dazan kai Lami tayi karatu da yanzu na kaita na dauketa daga wannan damuwar".

Shiru Musbahu yayi yana tunani zuwa wani lokaci yace "to Baffah da zaka amince sai na tafi da ita ta zauna a hannun matata tayi karatu rayuwar ta tayi inganci" da sauri Baffah ya d'ago yana kallon Musbahu yace "da gaske zaka rike min ita tayi karatu ta cika burinta"? "Eh Baffah alkawari ne bazan ci amana ba duba da irin zaman arzikin da kukai da mahaifina gashi sai ala'kar ta zama alkairi nima har yanzu ban yada ba" "shikenan Musbahu na amince ku tafi da Lami wudil ta zauna a hannun ka tayi karatu mai zurfi kuma karka dawo da ita kwana kusa..................


Kamar anyi wani abu na firgici ko tashin hankali haka suka ji muryar Ramatu tana rafka salati "la'ilaha illallahu kaito na, na lalace ni za'a munafinta? To Allah ya tonu asirin ku naji komai kuma wallahi tallahi babu inda Lami zata je talla nai niyya tayi ba karatu ba" nuna Musbahu take da yatsa tace "kai kuma daka d'ebo gemu kamar bunsuru da gurma gurman ido baka isa raba ni da 'yata ba munafiki d'an mafiya hatsabibi kawai harda wani ya amince maka ku tafi tare sai naga idan kaine ka haifa min 'yar..........

"RAMATU"!!! Baffah ya fad'a cikin tsawa da nuna bacin rai rike kugu tayi tana kallon yadda Baffah ke huci tace "malam dallacan ka rufe min baki fad'i Ramatu ka kara da babbar murya suna na kenan Lami ce kuma nace babu inda zataje babu shegen da zata bi ko'ina idan lokacin auren nata yazo shi munafikin naka mai zugaka tayi karatu zai siya maka gado ne ko kana tunanin zai taimake ka to ba dani za'ai rakiyar asara ba kaji dai na fad'a maka sai abar maganar Lami ku kama wata tashar na yanke hukunci".

"Amma ke kam Ramatu bansan wacce irin mace bace ke sam kin girma amma baki da hankali ko bakisan Musbahu baza kimin haka a gabansa balle kinsan d'an gidan amini na ne munyi kyakkyawan zama da mahaifinsa".

Ta'be baki Ramatu tai tana cewa "af daga baya kenan anyi sadaka da karuwa yo malam tsakani da Allah bazan fad'i gaskiya ina gani a cuce ni d'an yana d'an gidan amininka kawai saika dauki yarda ka bashi a wannan zamanin ba lallai mutumin arziki bane kana ganin idonsa kaga ri'kekken d'an tasha wanda yasan duniya yake jujjuyata".

"Ramatu ya isa haka ki iya bakin ki bana son shashancin banza ki barnan tun kafin ki fusata ni kisa na yanke miki danyen hukunci wanda zai miki zafi" wucewa Ramatu tai domin tasa saki Baffah yake nufi kuma dama saura igiya daya anyi biyu tana tafe tana maganganu 'kar 'kar da 'ku'kuni "eh 'yata ce nace babu inda zata kuma haka bazai ta'ba sauyawa ba ko ana so ko ba'a so ko maye zai faru ba matsala ta bace ta mutum ce" kasa magana Musbahu yai domin yasha mamaki tunda yake a rayuwa bai ta'ba haduwa da mace irin Ramatu ba kasa cewa komai yai sai binta da kallo kawai yake yana juya maganganunta...........

Katse shirun nasa Baffah yai da cewa "Musbahu kayi hakuri kada ka damu kaji kai ba'ko da taiwa haka kaine zakaji mamakin ta amma ba wanda ya saba ba dan Allah kazo da farin ciki ina fata ranka bai baci ba"? Murmushi Musbahu yai yana kallon Baffah yace "babu komai Baffah banji rashin dad'i ba abinda ta fad'a daidai domin yarta ce kowa sarki ne akan kayansa ina fatan kaima kayi hakuri da zuwa na domin ni na jawo hakan ta faru" .


"Kai haba Musbahu ba kai bane ka barshi a nine da bance maka komai akan Lami ba duk da baza'a zo ga haka ba" sauke numfashi Musbahu yai tare da sake kallon Ramatu dake faman hararar shi kafin ya mike yana ajewa Baffah kud'i yace "to Baffah sai wata rana ni zan koma gida Allah ya kaddara saduwarmu" mi'kewa Baffah yai zai masa rakiya yana cewa "Amin Musbahu Allah yai maka albarka ka gaishe min da amini na sosai kace in Allah ya yarda wata rana zai ganni nazo masa ziyara" har waje gurin motarsa ya raka shi sukai sallama ya tafi.

Tunani ne a ransa iri iri wato bai ta'ba karo da mace irin Ramatu ba a rayuwar sa sai yau amma yana daidai da ita zaiyi maganin ta idan bataja girman taba shima zai nuna mata iyakarta domin idan tanajin ita tantiriya ce shi zamani ma Saida ya sara masa.

Kai tsaye kasuwar garin ya nufa yana duba gabas da yamma ko zaiga Lami can ya hangota cikin samari sunata siyan gyada takaici ne ya kamashi karasawa gurin yai da mota yana sauke glass yace "mai gyada" da sauri Lami ta juyo duk da bata sanshi ba tasan daga gidansu yake ba'kon Baffah ne kuma akwai sanayya a tsakanin su.

Gurin tazo da fara'arta tane cewa "har ta fito tafiya zakai"? Kai ya d'aga mata "eh tafiya zanyi saidai tare dake" zaro ido tai "kamar ya ban gane ba ina zamuje"? "Garin mu wudil munyi magana da Baffan ki yace kina son karatu shine zan tafi dake na saki a makaranta kiyi ilimi ba haka kike so ba"? Kamar idonta zai fito waje dan mamaki tace "da gaske Baffah ya amince mu tafi daga nan ko saina koma gida"? Kai ya d'aga "eh daga nan basai kin koma ba" kashe motar yai yana fitowa ya kalli samarin dake gurin yana cewa "dan Allah idan akwai wanda yasan gidan su wannan yarinyar yakai mata farantin ya fad'awa babarta Ramatu cewa wannan d'an birnin daya zo dazu ya tafi da 'yarta zai sata a makaranta" yana fadin ya juya yana shiga mota ya bud'e mata dayar kofar itama da sauri kuwa ta shige ta zauna fuuuu yaja ya bar gurin.


Tanko da iya ganin tashin motar yai da lokacin da Lami ta shiga da sauri ya karaso yana cewa "kai wa na gani kamar Lami budurwa ta 'yar gidan Baffah ta shiga mota a nan"? Dariya duk gurin suka sa wani daga cikin matasan yace "wai kama ji da Allah ba kama bane itace watakila kaida ita har abada domin ta tafi birni zatai karatu kuma kaga idan ta dawo tafi karfin auren ka yaro"? Zaro ido yai "meeeh kenan kuna nufin...........

Duk hada baki sukai cikin tsokana sukace "eh muna nufin ta tafi baza ta dawo kwana kusa ba kuma ko ta dawo tafi karfin auren d'an kauye kasami irinka" jin sun kaure kowa da abinda yake cewa yasa a hargitse Tanko ya bar gurin da sauri yana tafi kamar zai kifa tsabar hankali ya fita daga jikin sa yana tsananin son Lami duk da iyayensa basa so domin ba wanda zaibar d'ansa ya auri jahila saboda gaba mai zata haifo masa 'ya'ya jahilai.

A kofar gida ya samu Baffah ya fito da tabarma yana zaune har lokacin rubutu yake guruff Baffah yaji an zube a gabansa ana haki yana d'agowa cikin mamaki yaga yadda Tanko ya birkice "meya faru Tanko na ganka a haka"? Muryar Tanko na rawa yace "Baffah wani mutum yaje da mota dandali ya dauke Lami ya tafi da ita" kallonsa sosai Baffah keyi yace "yanzu sun tafi kenan"? Kai Tanko ya d'aga "eh Baffah ya tafi da ita" murmushi Baffah yai yana sauke ajiyar zuciya da farin ciki a bayyane kan fuskarsa yace "alhamdulillah ba matsala Tankoo karka damu na san shi jeka abinka" jin abinda Baffah yace yasa Tanko fashewa da kuka kamar d'an karamin yaro ya mike da sauri yabar gurin da kallo Baffah ya bishi yana d'an girgiza kai.

Tanko na shiga gida mahaifiyar sa Delu dake daka a turmi tuni ta yada ta'barya tayo wajensa tana cewa "Adamu lafiya da girman ka kake irin wannan kukan meya faru haka fada min"? Kasa magana yayi sai shashsheka yake "waikai bazaka fad'a min ba"? Daidai baban Tanko ya fito daga bayi da buta a hannun shi yana wanke baki yace "subahanallahi Tanko kukan me kake haka"? Ya karasa maganar yana aje butar ya karaso inda suke tsaye cikin fad'a ya sake cewa "wannan iskancin banzan fa kana ji ina tambayar ka" ran Delu a bace tace "ai malam ya nuna mana bamu kai matsayin da zai fad'a mana matsalar saba sai kaje kayi tayi" komawa kan aikin ta taci gaba kawai ta share sa.

Da yake tun asali malam Balah ya 'bata Tanko da shagwaba sakamakon shi kadai ne gaba da baya shiyasa sau da yawa a lokuta yakan tsula tsiyarsa son ransa duk abin maye babu wanda baya sha ya firnaci kowa duk 'yan matan garin tsoron sa suke ji don ba abin kunya bane ya wulakanta mace kuma babu wanda ya isa hana shi koda me gari ne jan hannun sa Balah yayi yana cewa "kaga kai shiru haka fada min abinda akai maka"? Tanko na karya kai mara lafiya yace "baba Lami ta cuce ni" "wacce Lamin"? Har had'a suke wajen fad'ar sunan cigaba Tanko yai "Lami yar gidan Baffah yau ta tafi binni wai karatu zatai ba yanzu zata dawo ba".

Ta'baryar hannun ta Delu ta saki tana cewa "kan uba mu zasu munafirta, ai dama tun farko kafin maganar ku tai karfi na hana ka saboda da halin uwarta wanda ko kare bazai kalla ba amma kayi kunnen uwar shegu ga irinta nan wa zaiso hada zuri'a da jinin Ramatu dangin tsiya kaf kauyen nan kowa yasan ta da fitina ni gara da hakan ta faru ma wallahi naji dad'i kuma nayi farin ciki kaga yanzu saika nemi budurwa mai hankali mai salahar uwa haba yaro kamar wanda akaiwa asiri duk idonka ya rufe naji dad'in hakan da akai kaima yanzu zaka sake kai 'kiba duk ka 'kanjame kamar wanda mayu suka rike masa kurwa" ta karasa maganar bakinta har kumfa yake.

Shidai Tanko shiru yai ya kasa magana ganin haka yasa Balah tashi tsam yaje har kofar gidan Baffah ya same shi dan yaji dashir da gaskiyar magana bayan sun gaisa yake ce masa "dama nazo ne akan wata magana da naji ta sa'banin hankali a bakin Tanko wai 'yarka Lami ta tafi makaranta haka ne"?.

Shiru Baffah yai zuwa d'an lokaci yai numfasa yana cewa "eh haka abinda kaji Malam Balah ai Tankon yazo nan shine ma yake fad'a min sun tafi Musbahu ne dan gidan wani mutum alhaji Saboh daya ta'ba zuwa garin yai rabon shinkafa da zannuwa shekarun baya" kai Balah ya d'aga "eh na tuno shi mutumin kirki yana nan a raye kuwa"? "Eh yana nan sai aiki daya hana shi zuwa" mi'kewa Balah yayi yana cewa "ai shikenan bari na tafi to Allah ya dawo da ita lafiya" "Amin na gode Malam Balah".

Malam Balah yana komawa gida ya tarar har lokacin Tanko yana zaune inda ya barshi Delu tana tsaye a kansa tana balbale shi da fad'a ya karasa "malam ka dawo me yace maka" "yace min eh ya san da tafiyar karatu zatai to nidai shawara ta anan shine kai Tanko kayi hakuri ka sawa zuciyarka salama ka cire yarinyar nan a ranka ina ganin hakan zaifi zaman lafiya ka 'kyale batun Lami ka manta ka nemi wata ka aura in kuma rabonka ce duk ranar data dawo saika aureta" shidai Tanko tari dabai kamashi ba baiyi ba karshe ma tashi yai ya shiga d'aki kawai ya kwanta yana tunani lallai bazai yarda ba saiya dau fansa bari ta dawo wannan abinda Lami ta masa ta za'bi zaman birni sai tayi danasani.

Baffah bai shiga gida ba sai bayan sallar isha da tabarmar sa a hannu ya aje buta a kofar d'akin Salamatu yana shirin wucewa Ramatu tace "Malam nifa ban gane ba har yanzu Lami bata dawo gida ba" Baffah na shirin wucewa yace "eh abinda dai da bakya so ya faru kuma ya zama dole na fad'a Musbahu yaje dandali dazu bayan fitar shi daga nan bai duba irin cin mutuncin da kikai masa ba haka ya tura miki aniyarki yaje ya dauki Lami ya tafi wudil da ita zai sata makaranta" a zabure Ramatu tace "meeeh ya tafi da ita aiko ya debowa kansa masifa da bala'i saina tabbatar ya gane ba'a ta'ba Ramatu a zauna lafiya dama hada baki kukai dashi malam badan haka ba ina zaisan inda ta tafi harya bita ya dauketa" kamar Baffah bazai magana ba sai kuma yace "Ramatu kina da abun mamaki duk wanda zai kyautata miki shine tsinannan ki amma ba matsala Musbahu dan Allah yai haka badan keba sannan bugu da 'kari yace idan kina bukatar ganin 'yarki duk lokacin da kika shirya kije ki ganota".

Cikin masifa Ramatu tace "bazan jeba dan malafar ubansa wallahi babu inda zanje hauka ma kenan yadda ya dauka min 'ya har gida haka zai dawo min da ita mara mutunci maye kawai ana gudun ka kai kana li'kewa aikin banza nasan malam da hadin bakin ya tafi da ita to sanka 'kanin 'kafarka kaje koma ina ne ka kar'bo min 'yata ehe wannan muguntar har ina"?.

'Daki Baffah ya shiga yana cewa "nidai na fad'a miki kada ki kuskura na sake jin wani batu" kuka Ramatu ta kama bayan wucewar Baffah d'aki "wai a dake ka a hanaka kuka nida 'yata a cuce ni amin mulkin mallaka na rantse da Allah sainaje har wudil din na dauko ta" ta karasa maganar tana face hanci da hucinta ta shige d'aki.

Sun isa wudil lafiya yayin da Musbahu ya kaita gidansa tare da dan'ka amanarta a hannun matarsa Halima tana yara guda biyu Naja'atu da Yusuf sunyi mamakin ganin Lami lokacin da suka dawo daga makaranta cikin alamun tambaya Yusuf yace "maman mu wannan daga ina tazo"? "Oh Yusuf kwai tambaya daga shigowa ko hutawa bakai ba"? "To ai maman mu naga ban santa ba ban ta'ba ganin taba"? "Eh haka ne Abban kune yazo da ita 'yar uwarku ce a makaranta zai sata zatai karatu saura naji wani yaro ance ya nuna mata wani bambanci kunsan Allah ko saina ma d'a shegen duka kuna jina"? Hada baki sukai "eh mama" "yauwa ku wuce maza ku shirya saiku dawo muci abinci" to suka ce suna wucewa.

Mrs Al'ameen Ahmad ce 😘 😘.

ZAMU KWANA ANAN SAI ALLAH YA KAIMU GOBE DA RAI ZAMU D'ORA.

Ina godiya 💖💕👏🤝 sosai reader's da addu'ar ku gare ni Allah ya barmu tare amin.

Wannan page din naka ne dan uwa rabain jiki CPT. SALISU KOLI ABDULLAHI mai tambarin no going back⚔️🗡️👊💣🔫💥🦁.

#VOTE
#SHARE
#COMMENTS
#FALLOW.

[email protected] MAMAN LITTLE ZARAN AUNTY 💃👌👍.


*Writer*
1👉Yarima Abdul-maleek
2👉 Rayuwa biyu
3👉 Safreeyyah
4👉 d'an millionaire
5👉 Royalty
6👉 Husnah ko Badiyat
7👉Haskena sauban
8👉 Minah-Umer
9👉 Kowacce'kwarya
10👉 Zuciyar Aliyu
11👉 Dama kece
12👉 Me kamar sarki
Loading A GIDAN TALAKA

Ga wanda yake bukata wadannan litattafan kofa a bud'e take kai tsaye ayi min magana tanan👇.
08160983083
Chat with me 💻📱🖥️.

19~ AL-ALIM
The all knowing
20~AL-QABID
The Restrainer.

10~Allahumma salli wa sallim ala sayyidina muhammadin sayyidil Raki'inah.

🌄TENSITY ND QUARREL🌄
Episode 19&20
Kwana uku da tafiyar Lami misalin 'karfe sha biyu rana akaji jiniyar motar yan sanda 🚔 ta danno kai garin batai fakin a ko'ina ba sai a kofar gidan Baffah Mamman na gaban motar yace "yalla'bai ga gidan nan" akwai mace yar sanda a cikin su saboda an fad'a musu mace ce za'a kama dan haka itace ta shiga gidan wanda Ramatu najin jiniya ta 'barka danga ko takalmi babu balle hijab ta fita da gudu sallama yar sandar tayi Salamatu dake shara ta amsa mata "akwai Ramatu a gidan nan"? Kai Salamatu ta d'aga "eh akwai amma ta 'barka danga ta fita tanan yanzu" "ok shikenan" ta fad'a tana fita da sauri tace "sir tada mota matar bata gidan wai ta fita da gudu ta bayan gida" tab 360 suka koma cikin motar da mugun gudu suka bi bayanta da yake damuna ce tuni ta 'bace musu sauka sukai a motar suna barbazuwa ko'ina dan binciko ta da wani yaro suka had'u yace "wata mata kuke nema? Gata can tabi wannan 'karamar hanyar tana gudu babu kwali a kanta" basu tsaya jin karashen zancen yaron ba suka bi hanyar tuni sukai