You Cannot Download this book untill you login but you can read it .

---

Login Register

duk abubuwan dayasa a
gabansa.Sau bakwai Lahaman yana danawa
Aryan
Tarkon dazai Hallaka shi amma yana kasawa
kuma kiri kiri Aryan din ya gane cewa Lahaman
ne keson Hallaka shi.Bisa wannan dalili ne
Lahaman ya koma tsoron Aryan ya daina shiga
harkarsa saidai suyi kallon kallo.
Cikin dare su Sarki Hilairu na zaune a cikin
wannan kogon dutse sai kawai suka jiyo sukuwar
dawakai an tunkarosu.Nan take suka firgice suka
mimmike tsaye saboda fargabar kosu Yarima
Lahaman ne suka kawo mus hari,nan fa aka rasa
wanda ma zai leko wajen kogon dutsen domin
yaga masu zuwa.Kawai sai Sarki Hilairu ya mike
tsaye ya fito waje ya tsaya a kofar kogon,take ya
hango mahaya kimanin mutum dari ruke da
fitulun itatuwa kuma a cikin shigar fararen tufafi
kuma babu dayansu wanda ya boye
fuskarsa.Koda ganin haka sai sai hankalin Sarki
Hilairu ya kwanta ya cigaba da jiran isowar
mahayan.Ai kuwa suna isowa sai sukaja Linzami
sukai cirko cirko agaban sarki Hilairu.Take
shugaban mahayan ya haska fuskar sarki Hilairu
da fitilar dake hannunsa.Koda yaga kamanninsa
saiya sauko da sauri daga kan dokinsa ya zube
kasa ya gaishe shi,saboda dama tuni tsoho
Zarhus ya kwatanta masa kamanninsa dakuma
matsayinsa a wajen Gimbiya Malika.Sadauki
Aryan ya dago kai ya dubi Sarki Hilairu cikin
girmamawa yace,suna na Sadauki Aryan kuma na
kasance babban yaron Gimbiya Malika.Nazo
nanne bisa umarninta akan cewar na kaiku izuwa
can inda rayuwarku zata sami tsaro da
nutsuwa.Koda jin wannan batu sai farin ciki ya
lullube Sarki Hilairu.Nan take ya kirawo gaba
daya jama'ar tasa suka firfito daga cikin kogon
dutsen mazansu da matansu.Batare da wani bata
lokaci ba kowane mahayi ya goya mutum a
bayan dokinsa.Suka zura da gudu izuwa cikin daji
suka nufi hanyar dazata kaisu kauyen da gidan
gonar Gimbiya Malika take.
Al'amarin Yarima Lahaman kuwa a cikin wannan
daren yana can cikin wannan gida nasa na bayan
gari ya kishingida akan wata karaga yanata
dirkar giya.Wani makadi na buga ganga,wata
shaidaniyar mace a cikin shigar banza tanata
faman tikar rawa a gabansa.Shi kuma Yarima
Lahaman yanata kyalkyala dariyar murna.Kallo
daya zakayiwa Yarima Lahaman kagane cewa
yana cikin farin ciki.Kuma ba komai bane ya jefa
shi cikin farin cikin ba face ganin cewa ya tura
manyan dakarun sumamen da babu kamarsu a
nahiyar domin su kashe bayin da Gimbiya Malika
ta siya a gunsa tare da ita kanta.Kuma yanada
yakinin cewa sai sun samu nasarar cika wannan
aiki daya sasu domin ya yarda da
jarumtakarsu.Lahaman na cikin wannan
Sharholiya ne daya daga cikin dakarun sumamen
ya shigo cikin gidan da gudu a firgice ya zube
kasa a gaban Lahaman yana haki.Cikin kaduwa
da fusata Lahaman ya dubi badakaren
yace,menene ya faru na ganka a birkice haka!
Cikin rawar murya yace,ai Gimbiya ta kashe
shugabanmu dukmun tarwatse bamu samu
nasarar cika umarnin kaba.Kafin badakaren ya
gama rufe bakinsa tuni Lahaman ya zabga masa
wawan naushi a ciki.Take wani gudan jini ya
furzo waje daga bakinsa ya baje a kasa matacce
ko shurawa baiyiba.A sannanne Yarima Lahaman
ya takarkare ya kwarara wani uban ihu.Ihun nasa
ya cika gidan da wajen gidan gaba daya.Kuma
ya firgita duk wani abu mai rai dake kusa domin
kuwa tsuntsaye ma tashi suka rinkayi suna sauya
sheka babu shiri.Yana gama wannan ihu ne ya
fashe da kukan bakin ciki yana mai cewa saboda
mene na kasa cika buri na akan makiya na?Shin
nayiwa abin bautarmu wani laifi ne?Idan har
ubangijin namu yadaina jibantar lamari na nima
daga yau nadaina bauta masa.Haka dai Yarima
Lahaman ya kama sambatu da surutai irin
wadanda basu da ma'ana da kan gado har yagaji
likis ya fadi kasa ya kama barci.Sai dauke shi
akai aka shigar dashi cikin wani dakin
shakatawarsa aka kwantar dashi.
SA MAZA GUDU
Littafi na uku(3)
Part B
Kamar yadda Gimbiya Malika ta tsara haka
al'amarin ya kasance wato Sadauki Aryan ya
sami
nasarar kaisu sarki Hilairu can gidan gonarta
kuma sun isa,aka baiwa jama'ar sarki Hilairu
masauki mai kyau,gami da abinci mai
daraja.Dayake da yawansu suturunsu sun
yayyage
kuma sunyi bakin kirin kamar almajirai,sai aka
kaisu kewaye sukayii wanka,sannan aka kawo
musu sababbun suturu masu kyau aka basu,suka
sanya sai gashi sun tsinci kansu a cikin farin ciki
mara misaltuwa,sukaji tamkar a cikin tsohon
birninsu suke,bambancin kawai shine basa tare
da sauran 'yan'uwansu,wasunsu kuma sun rasa
iyayensu,wasu yan'uwa wasu mataye,yayye da
kanne,hakanne ya tuno musu da rashin da sukayi
suka kama kuka.Shi kuwa sarki Hilairu da aka kai
shi dakin da Gimbiya Malika ke hutawa yaga irin
daular da aka shirya a cikinsa kuma har da
kuyangi guda hudu kyawawa masu yi masa
hidima,sai ya fashe da kukan bakin ciki saboda
tunowa da yayi da daularsa da aka rushe da
kuma matarsa marigayiya.Bayan yayi wanka an
kawo masa abinci na alfarma ya kimtsa cikinsa
sai
yaje ya kwanta yana kallon wani kyakkyawan
tsuntsu dake cikin keji a rataye.Nan take zuciyar
Sarki Hilairu ta tafi izuwa duniyar soyayya ya
runtse idanuwansa.Take ya tsinci kansa acikin
wani kayataccen lambu cike da furannin
kyawawa
gami da kayan marmari iri iri,ya tsinki inibi kenan
zai kai bakinsa sai ya hango Gimbiya Malika ta
nufo gareshi a cikin ado na kasaita,fuskarta cike
da annuri tana tayi masa murmushi,wani haske
ya baibaye jikinta gaba daya.Koda ya hangota
saishi ma ya nufeta yanamai bude
hannayensa,itama sai ta bude hannayenta suna
shirin su rungume juna kenan sai yaji ana
kwankwasa masa kofar daki.Sarki Hilairu yayi
firgigit kamar wanda ya farka daga bacci ya dubi
bakin kofar shigowa a fusace saboda bai so aka
yanke masa wannan tunani ba mai kama da
mafarki,kawai sai yaga ashe sadauki Aryan ne ya
shigo.Cikin hanzari Sarki Hilairu ya sake fuskarsa
ya sauko daga kan gadon ya taho wajen
Aryan.Shi
kuwa Aryan sai ya sake dukawa a gabansa a
karo
na biyu yace,ya shugabana mun gama cika
umarnin Gimbiya don haka yanzu a cikin wannan
dare zamu koma gareta domin mu sanar da ita
halin da ake ciki.Koda jin wannan batu sai Sarki
Hilairu ya sunkuya ya kama kafadun Sadauki
Aryan ya tashe shi tsaye sannan ya dubeshi cikin
murmushi yace,idan ka isa wajen Gimbiya ka
gaya
mata cewa ina godiya a gareta mara adadi,domin
kuwa bani da abinda zan iya saka mata dashi ba
face fatan alheri ga rayuwarta da kuma fatan
Allah yasa ta zamo mai gadon mahaifinta.Ya kai
wannan jarumi ma'abocin adalci yanzu haka idan
ka tafi ka barmu a wannan kauyen cikin wannan
gidan gonar baka zaton cewa mutanen Yarima
Lahaman zasu iya sake kawo mana wani harin
ba?Koda jin wannan tambaya sai Sadauki Aryan
yayi murmushi yace,ya kai wannan sarki
ma'abocin kyawu da kwarjini ka kwantar da
hankalinka,ka sani cewa kazo tudun tsira domin
kuwa wannan kauye yana karkashin tsaron
amintattun dakarun sarki guda dubu dari
biyar.Komai yawan runduna ta mayaka kafin su
shigo garin nan su cishi da yaki tuni labari ya
iske
mu a can babban birni mun kawo muku
dauki.Kuma ko Yarima Lahaman yazo nan da
kansa baza a barshi ya shigo ba saboda fiye da
shekaru goma baya sarki ya haramta masa zuwa
wannan kauye bisa sharadi mai tsauri.Koda
sadauki Aryan yazo nan a jawabinsa sai hankalin
sarki Hilairu ya kwanta.Nan take dai ya sake yi
masa godiya sukayi sallama.Ba tare da bata wani
lokaci ba sadauki Aryan ya kwashi dakarunsa
suka
fice daga cikin gidan gonar suka tasamma birnin
Madinatul Zauwara.
Gimbiya Malika ta farka daga barci sakamakon
tsamin jikinta datake fama dashi na gumurzun
yakin da tayi da dakarun sumame a jiya da
daddare.Koda ta bude idanunta taga yadda rana
ta kwalle sai ta kurma ihu saboda sanin cewa
tayi
laifin makara izuwa fada.Cikin hanzari ta
kwalawa
kuyanginta kira suka shigo cikin turakar da gudu
suka dauketa suka shigar da ita cikin kewaye
suka
tsala mata wanka.Kafin a gama wankan kuyanga
Lasmira ta kawo mata abincin kalacinta ta ajiye
akan tebur kusa da gadonta na barci.A tsaitsaye
Malika ta yiwa abincin loma uku sannan ta fice
da
gudu ta nufi fada.Kuyanginta sama dasu arba'in
suna take mata baya.Suna ruke da doguwar rigar
dake jikinta wacce ke fama sharar kasa,mai
siffar
bindin dawisu.Wasu daga cikin kuyangin kuwa
wucewa sukayi gaban Gimbiya suna watsa wani
irin fure mai kamshi kuma mai launin shudi kalar
rigar jikinta tana takesu da kafafunta.A haka
suka
iso cikon fadar,da shigar Gimbiya Malika sai sarki
Sharkuf ya mike tsaye cikin murna ya taryeta
cikin
murna,fuskarsa cike da annuri ya taryeta.A
wannan lokaci Yarima Lahaman na zaune a can
gefe daya cikin yan majalisa ya murtuke fuskarsa
tamkar wanda aka aiko wa da sakon
mutuwa.Koda sarki Sharkif ya rungume Gimbiya
Malika sai ta hada ido da Yarima
Lahaman,maimakon ita ma ta daure fuska sai
tayi
masa murmushin mugunta mai nuna alamun ta
sami nasara akansa.Al'amarin daya kara fusata
Yarima Lahaman kenan bai san sa'adda ya matse
hannun kujerar da yake zaune a kaiba,abinka da
al'amarin Sadauki take hannun kujerar ya
ruburbushe duk da cewa anyi tane da katako mai
kwari.Karar karyewar kujerarce ta janyo hankalin
yan majalisar dake zaune kusa dashi,suka kama
kallonsa suna kallon kujerar.Kuwa sai ya kama
yake yana nunawa kamar tsautsayine ya janyo
karyewar kujerar.Nan take fadar ya rude da
shewa bisa ganin shigowar Gimbiya Malika
maroka suka kama yi mata kirari a lokacin da
sarki Sharkuf ya kama hannunta ya jata izuwa
can
inda karagar mulkinsa take domin su zauna tare
a waje daya,yayin daya rage saura
baifi taku biyar ba su isa kan karagar sai Malika
ta
janye hannunta daga cikin na sarki ta dubeshi
tace,Ina mai neman alfarma ka barni naje na
zauna a kusa da yan uwana yayanka a yau rana
daya jal.Koda jin wannan batu sai mamaki da
farin ciki ya turnuke sarki Sharkuf domin bai taba
jin Malika ta ambaci kalmar yan uwanta ba,sai a
yau,hatta ragowar yayyanta maza su bakwai
babu
ruwanta da su kamar yadda suma babu ruwansu
da ita.Asalima dukkaninsu sun tsaneta kamar
yadda suka tsani mutuwarsu,saboda ganin yadda
uban nasu ya fifita ta akansu kuma yake nuna
mata tsananin SO DA KAUNA.Cikin fara'a Sarki
Sharkuf ya dubi Gimbiya Malika yace,nayi miki
alfarma jeki ki zauna a cikin yan uwanki kamar
yadda kika bukata.Koda jin haka sai Malika ta
nufi
inda su Yarima Lahaman ke zaune fuskarta cike
da murmushi.Al'amarin da ya baiwa kowa
mamaki kenan cikin fadar domin bata taba zuwa
cikin yan uwanta ta zauna ba.Kai tsaye Malika
taje
ta zauna akan kujerar dake daf data Yarima
Lahaman suka hada idanu a karo ba biyu sai ta
sake yi masa murmushi,sannan ta dubi ragowar
yan uwanta maza su bakwai dake zaune a
gefensu suma tayi musu murmushi a karo na
farko a rayuwar zamantakewarta dasu.Take su
duka hankalinsu ya DUGUNZUMA,kuma tsoro ya
shigesu,suka fara tunanin ko wata mugunta
Gimbiya Malika take shirin yi musu shi yasa ta
kusancesu a wannan rana.Ba tare da bata lokaci
ba aka fara zartar da harkokin fada kamar yadda
aka saba.Fadawa daManyan yan majalisa suka
fara fitowa gaban sarki suna kwasar gaisuwa
dogarai na amsa musu.Ana cikin wannan hali ne
Malika ta dubi Lahaman ta budi baki cikin
karamar murya kamar mai rada tace dashi,na
sayi bayi a wajenka kuma na biyaka
kudinka,saboda me ka aiko a kashe su?Ka sani
cewa ka tsokano tsuliyar dodon daya shekara a
kwance yana barci,kuma ka haifar da yakin da
bashi da karshe face dayanmu yakai dan uwansa
kushewa.Jibi zan bar kasan nan domin gabatar
da
tafiyar dana sabayi a duk karshen shekara,idan
ka
isa ka debo dukkan dakarunka da kake takama
dasu ka tareni a daji muyi yakin karshe domin mu
warware kiyayyar dake tsakaninmu ta tsawon
shekaru.Idan kuma baza ka iyaba to ka bazama
a
cikin duniya domin kayi sabon shiri na nemo
makaman yakata,ka sani har abada tsakanina da
makiya babu gudu babu ja da baya,yau zan gaya
maka sirrin da ban taba gaya maka ba,ka waccan
karagar Mulkin da mahaifinmu ke zaune a
kanta,ko gawarka bazata hau kai ba ballan tana
kai,nice zan hau kan waccan karagar kuma kanaji
kana gani da ranka da lafiyarka.Tun kafin
Gimbiya
Malika ta gama wannan jawabi nata fuskar
Yarima
Lahaman ta kama gatsinewa saboda tsananin
fushi fa kiyayya kai har saida ma ya dunkule
hannayensa biyu da nufin ya gabza mata naushi
amma daya tuna cewa a cikin zuciyarsa kar yayi
haka,sai ya cigaba da kallonta kawai har ta
gama
suruntunta ta mike tsaye tabar wajen ta tafi
izuwa wajen sarki tayi masa rada a kunne sannan
ta fice daga cikin fadar gaba daya.
Da kwanaki biyu suka cika ranar tafiyar Malika
tazo lokacin da
tazo yin bankwana da iyayanta Sarki Sharkuf da
Sulaira sai suka rungumeta suka fashe da kuka.

SA MAZA GUDU
Littafi na uku(3)
Part C
Al'amarin daya karya zuciyar Malika kenan ta
janye jikinta daga cikin nasu ta dubesu a alokacin
da hawaye ke kwarara bisa kumatunta
tace,saboda me kuke yin kukan rabuwa
dani,alhalin ba wannan ne karo na farko dana
fara yin wannan tafiya ba,ban taba ganin kunyi
kuka ba idan nazo yi muk sallama sai a wannan
karon,shin ko zaku iya gaya mini dalili?Koda jin
wannan tambaya sai mahaifiyar Malika ta sunkui
da kanta kas,ta kasa cewa komai.Shi Kuwa sarki
Sharkuf sai ya kama kafadun Malika ya ruke a
lokacin da hawaye ya subuto masa ya dubeta
yace,yake yata ki sani cewa bokana wanda na
aminta dashi ainun wanda duk abinda ya fada
mini sai ya faru a gaske,shine ya sanar dani
cewa
wannan rabuwa da zamuyi dake a yanzu itace ta
karshe a gareni,ma'ana ba zaki dawo ki riskeni a
rayeba.Koda jin wannan batu sai Malika ta firgita
ainun idanunta suka zazzaro kuma hawaye ya
sake zubo mata sannan ta sake rungume sarki
Sharkuf ta kankameshi a jikinta tana mai
fashewa
da matsanancin kuka.Itama mahaifiyartata saita
rungumesu sannan Malika ta janye jikinta daga
nasu ta sake fuskantar sarki tace,ai kuwa in har
bazan dawo na riske ka raye ba banga amfanin
yin wannan tafiya tawaba,tunda kafin na dawo
Yarima Lahaman ya hau kan karagar ka,ka
sanicewa idan har ya hau kan wannan karaga
talaka sun shiga uku,kuma mulkin zalunci da
murdiya za'a ciga da gudanarwa a cikin wannan
kasa tamu mai albarka,duk kokarin dakayi na
ganin an sami zaman lafiya da yalwar arziki a
kasar nan tsawon shekaru ya zama na banza
kenan.Koda gimbiya Malika tazo nan a zancenta
sai Sarki Sharkuf ya tari numfashinta
yace,kwantar da hankalinki yake yata,kiyi sani
cewa kamar yadda zaki bar gari yanzu bayan
kwana biyu da tafiyarki shima Yarima Lahaman
zaiyi shiri ya tafi neman karin Horon yaki gami da
ilmin tsafi.Kuma ba zai dawo ba sai bayan cikar
watanni shida,kinga ke nan saima kin riga shi
dawowa da tazarar wata uku.Bokana bai sanar
dani anihin sauran kwanakina a duniya ba,zan iya
kaiwa wannan lokaci na dawowarki wata kila
kuma bazan kaiba.A cikin binciken da bokana
yayi
zaki sami gagarumar daukaka a cikin wannan tafi
taki,kuma zaki hadu da wani mutum mai darajar
gaske wanda shine sanadin daukakar taki,amma
kada ki kuskura kice zaki yaki wannan mutum
saboda zaku banbanta a addini da ra'ayi.Ki bishi
a hankali kuma ki lallaba shi ki sami karin Ilmin
yaki a wajensa,zaki kiyi yake yake tare dashi
kuma zaki shaku dashi ainun,amma kada ki
kuskura ki kamu da sonsa ko kuma ki karbi
addininsa.Sai kinyi hakanne kadai zaki iya
dawowa gida ki iya fuskantar dan'uwanki Yarima
Lahaman domin a sannan shima ya zamo
gagarumin sadauki kuma gawurtaccen matsafi
abin tsoro a duniya.A sannan ne zakuyi gasar
hawa karagata ta mulki a samin wanda zai
gadona a cikinku.Lallai saikin kiyaye wadannan
dokoki dana zaiyana miki a yanzu sannan zaki
iya
samun nasara akan dan'uwanki.Koda sarki
Sharkuf yazo nan a zancensa sai Gimbiya Malika
ta sake rungumeshi ta fashe da kuka.A cikin
zuciyarta kuma tana tunanin tayi masa maganar
Dan'uwan sarki Hilairu wato SA MAZA GUDU,tana
jin tsoro don kada ya tambayeta a inda ta san
wannan sunan har ta jawo ya gano abinda take
na sirri.Nan dai ta juya ta nufi dokinta da nufin
ta
hau su nausa sai taji muryar Mahaifinta yana mai
cewa,yake 'yata kiyi sani cewa a wannan fita da
zaki yi lallai kiyi kokarin kiyaye irin mayakan
dazakiyi yaki dasu.Domin a cikin wannan tafiya
taku zaki iya haduwa da GUGUWAR ANNOBA
wacce batada magani,Ruwa mai tafiya da duk
abinda yasha masa gaba,lallai ki kula sosai
domin SA MAZA GUDU yana bisa cikin wannan
nahiya
mai albarka.Koda jin haka sai ta waigo ta dubi
mahaifinta a nutse tace,ya Abbana shin waye
wannan wanda ban taba jin sunansa ba,alhalin
naga a cikin batunka kana kuranta
jarumtakarsa.Koda Sarki Sharkuf yaji wannan
tambaya sai yace,Labarin Sa Maza gudu yana da
tsayi,saidai kawai na sanar dake cewa babbar
masifa ce shi a cikin duniya MURUCIN KAN
DUTSE ne shi bai fito ba saida ya shirya.Asalinsa
an haife
shi a cikin wannan nahiyar saidai bai rayu a
wannan nahiya ba,yake 'yata kiyi sani cewa shi
wannan jarumi bai kasance azzalumi akan wanda
bai masa laifi ba,amma ya kasance azzalumu
akan duk wanda ya taboshi,baya ragawa kowa
face kaifin takobi ta shiga tsakaninsu.Don haka
ina mai miki gargadi akan ki kiyaye shiga sabgar
duk wanda bai shiga harkarkiba,kada kiyi yaki da
kowa sai in har shi ya neme ki da yaki.Wannan
kadai idan ki kiyaye zaki fita daga ukubar SA
MAZA GUDU,da wannan nake miki bankwana.
Nan Gimbiya Malika ta juya cike da tunani a cikin
ranta
ta haye dokinta Sadauki Aryan ya jera tare da
ita,Dakaru dubu uku da kuyangi arba'in suka rufa
musu baya,suka fice daga cikin gidan
sarautar.Tun Sarki da Mahaifiyar Malika na
hangosu har suka bace musu da gani.Nan take
sarki ya kama hannun matarsa suka juya suka
koma cikin gidan sarautar rungume da juna suna
zubar da zazzafan hawaye na bakin cikin rabuwa
da gimbiya Malika.Da fitowar su Gimbiya Malika
daga cikin Birnin Madinatul Zauwara sai ta dubi
Sadauki Aryan tace,gidan gonata zamu fara zuwa
domin na gana da su sarki Hilairu sannan nasan
abinda ya kamata nayi dasu.Koda jin haka sai
Aryan ya baiwa sauran dakarun umarni,kowa ya
kada linzamin dokinsa aka nufi hanyar da zata je
wannan kauye inda gidan gonar gimbiya Malika
take.Tafiyar 'yan Sa'o'i kadan sukayi suka iso
kauyen,tun daga nesa masu gadin kofar garin
suka hango tutar mulki ta birnin Madinatul Zauwa
suka busa algaita alamar cewa gimbiya Malika ta
iso.Nan da na jama'ar kauyen suka rinka
tururuwa suna fitowa taryar gimbiya Malika cikin
mutukar farin ciki saboda kaunar dasu ke yi
mata.Dakarun kauyen kuwa sukayi sahu biyu
suna mika gaisuwa,maroka da mawaka suka
kama yiwa gimbiya Malika jinjina da kirari,kai
hatta kananan yara da tsofaffi,matasa samari da
'yan mata fitowa suke daga cikin gidajensu a
guje
suna zuwa bakin hanya suna mika
gaisuwarsu.Bawai a wannan kauye bane kadai
ake
yiwa gimbiya Malika irin wannan tarba ba,duk
garin da taje a cikin kasar haka ake bikin murnar
zuwanta,kuma ayita kawo mata kyaututtuka iri
iri.Ita kuwa Gimbiya Malika duk garin da taje sai
ta bincika taji matsalar data damesu tayi musu
maganinta,idan ta fara yiwa mutane kyautar kudi
kuwa har sai anga a bin ya wuce na hankali
sannan kuyangi suke janyeta daga wajen.Ko
kadan
Gimbiya Malika bata kyamar Talakawa kuma bata
gudunsu.Har ziyarar gidaje takeyi cikin dare a
sirrance tana ganin matsalolinsu tana magance
musu.Kananan yara kuwa da matsa kamar sa
hadiyeta saboda kaunar dasukeyi mata.Wannan
dalili ne yasa a cikin gaba dayan 'ya'yan sarki
Sharkuf a kasar Madinatul Zauwara Gimbiya
Malika tafi farin jini kuma kowa ita yake so tagaji
sarki saboda tana da irin adalcinsa da jin
kansa.Saida Gimbiya Malika ta batwa wajen Sa'a
uku a cikin garin tana karbar gaisuwar jama'a da
kyaututtuka kansu sami damar isa gonarta.Da
yake dama ansan da zuwanta tuni gaba dayan
ma'aikatan gidan gonar da dakaru masu tsaro da
kuma su sarki Hilairu da jama'arsa sun fito sun
jera layi a cikin harabar gidan gonar domin yi
mata barka da zuwa.Koda Gimbiya Malika ta
shigo cikin harabar gidan gonar jama'a suka fara
miko gaisuwa da jinjina sai ta hango sarki Hilairu
tare da jama'arsa sun zube kasa suna
gaisheta,cikin hanzali Malika ta tsaida dokinta ta
sauko kasa sannan taje wajen Hilairu ta kama
kafadunsa a karon farko kenan da ta taba jikin
wani 'da namiji inba mahaifinta ba da kuma "dan
uwanta Azzalumi Yarima Lahaman wanda shima
a
lokacin dasuke gumurzun yaki ta tabashi.Bayan
Malika ta tayar da Hilairu tsaye sai ta dubeshi
ciki
alamun damuwa tace,Haba yakai wannan sarki
mai daraja,shin ka manta ne cewa kai ma sarki
ne?Koda jin wannan tambaya sai Hilairu yayi
murmushi cikin yake yace,tabbas a da ni sarki
ne,amma a yanzu na kasance bawa na yar sarki
tunda siyo ni akayi daga hannun wani.Koda jin
wanna batu sai tausayin Hilairu ya kama kowa a
wajen musamman ita kanta
GimbiyaMalikan,kawai sai ta sake dubansa ta
girgiza kai tace,ai ni ban fanso ka ba domin ka
zama bawana ba,sai domin na 'yantaka tare da
dukkan jama'rka,yanzu mu karasa cikin dakin
shakatawa ta saboda ina da magana mai
muhimmanci dakai.Koda jin wannan batu sai
Farin ciki ya lullube gaba dayan mutane sarki
Hilairu bisa jin cewa an 'yanta su,nan fa suka
kama tsalle da murna suna yiwa gimbiya Malika
Godiya.Bayan Malika ta zauna ta huta tareda da
Sadauki Aryan a cikin dakinta na hutun.An kawo
musu abinci da abin sha na alfarma sun ci sun
gyatse,sai ta tura aka kirawo Hilairu.Da
shigowarsa cikin dakin sai Malika ta dubi Aryan
tayi masa inkiya ya tashi ya basu wuri.Nan take
Aryan ya mike ya fice daga cikin dakin zuciyarsa
cike da kishi domin a rayuwarsa babu abinda ya
tsana sama da yaga wani 'da namiji ya kusanci
Gimbiya Malika.Fitar Aryan ke da wuya sai
Malika
ta dubi Sarki Hilairu cikin murna tayi masa izinin
ya zauna akan kujerar da take fuskantar tata
sannan ta dubeshi tace,yakai wanna sarki,kayi
sani cewa tun daga ranar danaji labarinka bisa
mugun abinda dan'uwana Yarima Lahaman yayi
maka a birninka naji na kamu da tsananin
tausayinka,babu wani abu dazaisa zuciyarka tayi
sanyi face na mayar da kai da jama'arka izuwa
kasarku ka koma kan kragarka ta mulki.Kuma na
taimaka maka da kudi a sake gina birnin a
kawata
shi ainun tunda an kone gidajenku,kayi sani cewa
na dauki alkawarin yin hakan acikin zuciyata
tuntuni,amma a halin yanzu bani da ikon cika
wannan alkawari saboda ina kan hanyata ne ta
zuwa manyan kasashen duniya guda uku domin
gabar da harkokina na kasuwanci kamar yadda
na
saba a duk karshen shekara.Shin zaku bini ne
izuwa wannan tafiya kuyi min rakiya idan na
gama sabgata na dawo gida sai mu sake shiri mu
tafi?Lokacin da Gimbiya Malika tazo nan a
zancenta sai Sarki Hilairu yayi ajiyar numfashi
yayi
shiru yana tunani har izuwa tsawon yan dakiki
daga can sai ya dago kai ya dubeta yace,yake
wannan yar sarki kiyi sani cewa zamana a nan ko
a can birnina acikin daula da kwanciyar hankali
bazasu taba dawo min da abinda na rasa ba,na
sani cewa kina da labarin matata wacce
dan'uwanki yayi mata fyade kuma ya kasheta a
gaban idanuna wacce take tsananin kama dake
tamkar an tsaga kara.To kiyi sani cewa dawowar
wannan masoyita tawa shine kadai zai yaye mini
damuwata da bakin cikin zuciyata.Koda sarki
Hilairu yazo nan a zancensa sai hawaye ya zubo
masa ya fashe da kuka,nan take Malika taji da
kamu da tsananin tausayinsa fiye da koyaushe
har ta budi baki zatace dashi a shirye take ta
maye masa gurbin matarsa sai ta kasa,Ta sunkui
da kanta kasa tayi sauri ta goge hawayenta don
kada ya gani.Saida taga ya nutsuwa ya daina
kuka
sannan ta dubeshi tace,yanzu mene zabinka?
zaka
bini ne ko zaka zauna anan din?Koda jin wannan
tambaya sai Sarki Hilairu ya dago kai ya dubi
Malika yace,na zabi na biki tare da jama'ta.Dajin
Haka sai farin ciki ya lullubeta,Gimbiya Malika
nan
take ta sallame shi ya tafi izuwa can wajen
mutanensa.Ita kuma sai ta shiga can cikin kuryar
dakin ta kwanta akan gado domin tayi barci
amma sai barcin ya gagara sakamakon tunanin
al'amura biyu da suka fado mata.Al'amari na
farko shine tunowa da abubuwan da mahaifinta
Sarki Sharkuf ya gaya mata dangane da bakon
jarumin daya bata labarin cewa zata hadu dashi a
wannan fitowa da tayi.Take ta tambayi kanta a
cikin zuciyarta tace,wai shin yaya kamanin
wannan jarumi zai kasance bare da zarar ta hadu
dashi ta gane shi,kuma aina ma zata hadu dashi?
To yaya zan ribaci wannan jarumi har na karo
horon yaki daga wajensa,alhalin mun banbanta a
addini da ra'ayi?Koda Malika tazo na a tunaninta
sai ta kasa baiwa kanta amsa,a sannan ne kuma
tunanin dan uwanta Yarima Lahaman dana SA
MAZA GUDU suka fado mata a rai.Ta shiga
Tunanin yadda za'ayi Lahaman ya zama
gawurtaceen jarumi kuma matsafi a cikin
watannin shida kacal.Nan hankalin Malika ya
DUGUNZUMA ta gane cewa lallai aikin dake
gabanta ba karami bane,kuma Allah ne kadai
yasan irin gwagwarmayar da zata sha da bakar
wahalar daza ta fuskanta kafin ta sami nasarar
zama sarauniyar birnin Madinatul Zauwara.Haka
dai Malika taci gaba da wannan tunani tana so ta
huta sosai domin idan sun ci gaba da tafiyar
Sarki
Hilairu ya bata Labarin Jarumtakar SA MAZA
GUDU,da haka har barci ya saceta bata saniba.A
wannan rana Sadauki Aryan ne yayi gadin
Gimbiya Malika kuma bai bari sarki Hilairu ya
sake
shiga wajenta ba har gari ya waye.Tun da duku
dukun safiya Gimbiya Malika tare da jama'arta da
jama'ar sarki Hilairu sukayi shirin aka kawo mata
dokinta aka dunguma gaba daya aka fice daga
cikin yankin kasar Madinatul Zauwara.Koda aka
iso wani wuri inda hanya ta rabu gida uku,sai aka
tsaitsaya.Kawai sai Sadauki Aryan ya dubi
Gimbiya
Malika yace,ya shugabata yanzu wace kasa
zamu
fara zuwa Tsakanin Misra,Yemen da kuma
Kisra.Koda jin wanna tambya sai Malika tayi
shiru
tana tunani kamar bazatace komai ba,daga can
kuma sai ta dubi Sadauki Aryan tace,mu tunkari
birnin Misra domin shine birnin da muka dade
rabonmu dashi.Koda jin haka sai Aryan ya kada
dokinsa ya nufi gabas take Malika da sauran
jama'ar gaba daya suka rufa masa baya.Haka dai
su Gimbiya Malika sukayi ta tafiya suna ratsa
dazuzzuka,birane da kauyuka har tsawon
kwanaki
goma sha shida sannan suka iso birnin Misra.
Part D
Haka dai su Malika sukayi ta tafiya suna masu
ratsa dazuzzuka,birane da kauyuka har tsawon
kwana goma sha shida sannan suka iso Birnin
Misra.A cikin wannan tafiya sun sha haduwa da
'yan fashi mugayen aljanu da mugayen dabbobin
daji amma dukansu farat daya suke yi
musu,sannan gimbiya Malika ta rike wasiyar
mahaifinta bata taba kulasu wasu yan fashi ba
sai
sai in sun kula su,suna kula su kuwa saidai su
gama dasu su bar gawarwakin a yashe a wajen
su
kara gaba.Da shigowar su Gimbiya Malika cikin
birnin Misra sai suka iske garin ya cika makil fiye
da koyaushe a duk lokutan da suke zuwa a
baya.Fatake,bokaye da yan kasuwa iri iri da kuma
masu fataucin bayi sun cika garin.Al'amarin daya
baiwa su Gimbiya Malika Mamaki kenan har suka
kasa hakuri.nan take sadauki Aryan yaga wani
almajiri a zaune a gefen hanya rike da dan
'ko'kon yana bara.Shidai wannan almajiri ya
kasance saurayi mai kirar sadaukai,amma kuma
kafarsa guda ta hagu da hannunsa na hagu duk a
shanye suke ko sarrafasu baya iyawa.Aryan ya
zura hannu a cikin aljihunsa ya dauko dinare
guda
daya a lokacin daya tsaida dokinsa daf da
almajirin ya jefo masa wannan dinare a cikin
kokon sannan ya dubeshi yace,ba sadaka na
baka
ba,labari nake nema,mene dalilin wannan cikowa
mai yawa a cikin wannan birni?Koda jin wannan
tambya sai almajirin yayi murmushi yace,da
wannan dan kudin kake son kaji babban labari ai
sunyi kadan.Koda jin haka sai Aryan yayi
murmushi ya sake zura hannu cikin aljihunsa ya
dauko dinare guda ya jefa cikin kokon
yace,yanzu
fah?Almajirin yace da saura domin kuwa labarin
da zan baka zai amfaneku a matsayinku na
manyan jarumai daga babbar kasa.Koda jin
wannan batu sai mamaki ya turnuke sadauki
Aryan yace,A cikin ransa anya kuwa wannan
almajiri ba boka bane,yaya akayi yasan cewa mu
jarumai ne daga babbar kasa,kuma menene zai
amfane mu akan labarin da zai bamu.Koda gama
wannan zancen zucin sai Aryan ya sake fidda
dinare uku ya sauko daga kan dokinsa yazo ya
tsuguna a gaban almajirin ya zuba masa dinaren
a cikin kokonsa ya zama guda biyar sannan ya
dafa kafadarsa