You Cannot Download this book untill you login but you can read it .

---

Login Register

saidai taci tasha tabi lafiyar gado gaskiya Nafisa fa ta taki sa'a ta iya za'be" ta fad'a tana juyowa ta kalli iya cike da salon munafirci tace.

"Amma dama Ina so na sameka kayi wa Salma magana ta canza saurayi gaskiya Adamu gidansu talakawa ne kanaji fa hatsin da suke nomawa baya kaisu shekara da awu suke karasawa amma duk garin nan ta rasa wa takeso sai shi haka ranar Nafisa tace ta gansu shida babansa sai sauri suke kamar zasu kifa 'kafarsu babu takalmi sun nannad'e wanduna kowa rataye da fartanya sun tafi noman kud'i gonar Mai gari hum'um idan baka hanata aurensa bama daga baya maimakon ta samu tana aikowa gida kamar yadda Nafisa zatai itadai saidai daga nan a d'auki gudun mawar abinci akai mata ka samu maimuna kayi mata magana amma ya ka gani"?.

Kai Ilyah ya girgiza yana cewa "ba ruwana tun farko saida nayi mata maganar gidansu yaron nan sanda ya fara zuwa kofar gidan nan yasa a Kira Salma amma sai tace ba komai idan da rabo Allah ya sanya alkairi wai zai iya ri'keta indai da rufin asiri shikenan shiyasa ni kuma nan gaba bayan anyi aure kome zai faru bazan tanka ba kuma bazan nuna na sani ba bazan taimaka mata da lomar abinci ba idan ita Maimunan data goyi da bayanta ne ta kawo min wani qorafin banza sai naci mutuncin ta dan saboda banason harka jeka ka dawo yasa nace su bari me kud'i yazo amma sun 'ki".

Ta'be baki Bara'atu tai tana cewa "ai shikenan mukam yan kallo yadda ba komai dai gidansu Adamu suke dashi kila ko akwati baza ayi mata ba a samu sadakin ma ya fito balle aje maganar daki ance da'kyar ya gina dakuna biyu na kasa ko suminti baiyi ba hatta rufin d'akin da 'kasa yai balle asa ran zaiyi mata 'yar barandar shan iska".

"To nikam Bara'atu tunda Salma ce ta za'bawa kanta ba ruwa na aikina nayi mata kayan d'aki da gara a kaita a ajiye ba shikenan ba nikam na gama fita dabara ta ragewa mai shiga rijiya ko ya kama igiya ya shiga koya dirga🤔.

Ha'ba Bara'atu ta ri'ke tana cewa "ai shikenan d'in Nima abinda zance kenan amma Salma bata more ba zatai rayuwa cikin 'kunci da talauci duk kud'in ubanta da gatan data taso zata je ta auri dangin talakawa😣 tana kallo Nafisa zata ri'ka zuwa a babbar mota a 'koshe dam ta ita tayi jawur abinta ita tana 'kai'kashe kamar 'kanzo'' Ilyah dai bai sake ko tari ba sai Bara'atu daketa mata ita kad'ai tana aiki tare da jin farin ciki a ranta ta wani gurin gara da Salma ta za'bi Adamun ma dan bata so su goga kafad'a da Nafisan kowa ta auri mai kud'i ina tayi zamanta a qauye ta haifi qauyawa Nafisa dake birni ta haifi wayayyu gogaggu🤨.

HUM BARA'ATU MUJE ZUWA DAI GAGGAWAR ME KIKE ME HANKALI YA HAU KURA🐆🐵.

Bikin Bahijjah da iluh ya kankama Asabe bata komai tace ita yanzu Bahijjah ba 'yarta bace komai Markah ake kaiwa take ajiyewa kafin bayan bikin idan Asaben ta sauko ta debo ta kawo mata domin tasan yanxun fushin da take yasa ta'ki kar'ba.

Hatta taron bikin sai a can gidan marka akai ranar da aka d'aura aure Asabe ta gwangwaje da kuka kamar ta mutu tabar duniya haka taji ranar tsabar ba'kin ciki har saida hawan jininta ya tashi anyi biki an gwangwaje dan Bahijjah takanas taje har wani gari ta d'auko d'an DJ tana rawa a layi da yake garin ba'a saba ba haka aka taru fal harda yan sauran qauyukan sai kallonta ake ana gulma ga Asabe can kwance kamar gawa jinya ta tashi da aka zo aka fad'a Mata sai tasa mai DJ ya sake 'kure volume🔉 🔊 babu abinda yai tsalle ya d'od'a mata mari tace wallahi Asabe bazata tada jinyar qarya ta hanata shagali ranar bikinta guda ba dama ai bason auren take ba dan haka babu wata jinya baza'a kashe DJ ba saidai ba'kin ciki ya karta.

Maimakon ta bari tunda taga Asabe a yadda take sai juyata ake tsabar yadda jinin nata yahau batasan inda kanta yake ba amma kawai da dare daga garin su Iluh akazo da mota d'aukar ta ko sallama jiki na mazari zata fice taje su tafi Markah ta hata tace ta bari ga a yadda Asabe take nanda sati idan taji sau'ki sai ayi rakiyar amma haka Bahijjah ta 'ke'kasa qasa tace wallahi yau dai kwanan d'akin mijinta zatai bazata sake kwanan anan garin ba idan jinya Allah ya sauwake babu wanda ya isa ya hanata taji tunda Markah ma tayi iya kokarin ta bata saurare taba wa zai magana ta tsiyata shi ta fige masa gashin arziki.

Dole haka Markah ta wuce gaba dasu Mairo aka d'auki Bahijjah suka kaita qauyen su Iluh humm so hana ganin laifi gara garinsu sau d'ari akan qauyen baifi gidaje goma ba kuma ba had'e suke ba a warwatse can gida can gida haka suka gama abinda zasuyi suka taho jiki a sa'bule kamar ruwa ya cinyesu domin acan ko d'aki basayi kuma rugace sai bukkoki🏕️ masu rufin yayi😔.

Koda suka dawo jikinsu a sanyaye Markah da Mairo basu nunawa Asabe komai ba dan kada tashin hankalin yayi mata yawa kawai dai sun sake dubata tare da fad'a mata cewa sunkai Bahijjah d'akinta lafiya, jin haka yasa hawaye yayita ambaliya a idanuwan Asabe tana daga kwance ba'kin ciki ya danne mata harshe ta kasa magana sai kai kawai take girgizawa ha'kuri sosai da lallashinta su Mairo sukai tare da nuna Mata babu komai ta daina damuwa tunda kaddarar Bahijjah ce auren Iluh sannan suka tashi sukai mata saida safe suka tafi haka Asabe taita gurzar kuka kamar ta mutu tabar duniya Balarabe yana zaune a can gefe ya zuba mata ido kuma yana sauraren duk hirar da sukai dasu Markah amma tari dabai kamashi ba baiyi ba sai alhamdulillah kad'ai da yake furtawa a cikin zuciyarsa domin har tausayin Indo ya kamashi da da Asaben take 'kulaficin sai an baiwa Iluh gashi ita kuma yau tayi kukan bashi tata 'yar ashe dama tasan zaluntar Indon zatai sai kuma Allah ya tsallakar da ita daga tarkonta ya tabbata a yanxu Indo tana cikin kwanciyar hankali kuma abu daya dake damunsa shine ya dawo da Dalah d'akinta abinda ya rage masa kenan yanxu a rayuwa insha Allahu gobe zaije gidansu ya sameta akan komen tana mi'kewa yai yana kallon Asabe daketa faman tsinewa Iluh baice mata'kala ba ya nad'e tabarmarsa ya shige d'aki.

🥕OSUN🥕
Indo tana zaune a d'aki suna zancensu da angoriyenta Dauda shi yana kwance yayi matashin kai da cinyarta sai dariya suke abinsu cikin nishad'i sukaji anyi sallama da sauri Indo ta janye kansa tana tashi tsaye ta koma kan kujera ta zauna harda d'an zaro ido.

'Dan harararta Dauda yai yana cewa "bismilllah kasaso maman Niseh shigo ciki muna nan


Dariya Maman Niseh tai tana shigowa tace "aina dauka bacine kuna yi nace ina salama shiru ashe kana gida yau baka fita ba dama nace bari nazo naga amaryar ka ne".

Maman Niseh bayerabiya ce a mokoftansu take suna mutunci sosai da Dauda tunda dad'ewa ko gida idan zai tafi ita yake barwa ajiyar mashin d'insa.

Tashi zaune Dauda yai yana kallon yadda Indo ta kame guri d'aya kamar zaiyi dariya yace "wallahi maman Niseh kin ganta nan cousin d'ina ce".

Zaro ido maman Niseh tai da irin surprise d'in nan tace "to abun nan na irin gida kukayi dama da gaske ne kanayi da kace min kana son yar uwa naka zaka aureta"?.

Kallon Indo Dauda yayi daidai itama ta d'ago da mamakin dama yana sonta ne gira ya d'age mata yana kashe ido kafin yacewa maman Niseh.

"Eh itace tayi ko na iya za'be"?.

Kai maman Niseh ta d'aga tana murmushi tace "walay Doda ka iya zabe sosefa wannan beauty Ale bada zeman lafiya nima yanxu na samu makociya zaki rika shiga min muna hirako"?.

"Kai Indo ta d'aga "eh zan shigo miki insha Allah".

"Yewa ameryan Doda ashe wayeya ce ka iya zabe bari na tafi na baro yan makade a gidan kuma Niseh bata nen Ikki ma bata nen sun tafi school" ta fad'a tana mi'kewa.

"To maman Niseh ki gaida gida mun gode sosai saita shigo miki" Dauda ya fad'a yana kallon Indo data mi'ke tsaye yace.

"Wato shine dan kinji sallama harda ture min kai ko"?.

Shiru Indo tai tana turo baki tace "to ai nayi tunanin shigowa zatai kai tsaye.

"Haka kawai saita shigowa mutane d'aki kai tsaye kamar wata mara hankali kedai kice har yanzu qauyanci ne bai barki ba kamar baki dad'e a nan d'in ba".

Jin abinda yace yasa Indo ta had'e rai zatai magana yace "zo nan" gumm tai da bakinta tana d'an matsawa wajen kofar fita ganin guduwa take shirin yi yasa ya mi'ke wuf tayi zatai waje ya dam'kota yana dawowa da ita cikin d'akin ya rungumeta ta baya kenan suka ga an d'aga musu labule wata yarinya ta shigo a d'ayan d'akin suke haya da sauri ya saketa yana matsawa baya ya koma kan katifa ya zauna dariya Indo tai tana kallon sa ganin ya harareta yasa ta rufe baki cike da tsokana tayi masa magana da ido kai ya jinjina irin bari yarinyar ta fita zasu had'u ne zaro ido tayi tana masa gwalo kafin ta mayar da hankalinta kan yarinyar tana cewa.

"Amrat me ya faru"?.

Itakam yarinya da ba abinda suke ne a gabanta ba tace "wai gashi inji momyna mun dawo daga anguwa da daddy ya sayo min a hanya shine tace na kawo miki".

Kar'bar kwanon Indo tai kayan marmari ne a ciki a wankesu tas tace "yauwa Amrat kicewa mamanki na gode" ta tace har zata fita ganin kanta an fara tsefewa maybe a anguwar da sukaje ne ta'ki aka 'kyale ta dama da lallami Indon take mata tazar ko a gida dan haka tace.

"Amrat kukan taza kikai"?.

Kaita d'aga "eh wata ce acan wai saita yimin kitso ni kuwa inata kuka".

Ri'ko hannunta Indo tai tana cewa "oh ayya sannu Amrat d'ina yi ha'kuri ta ja miki kai ko rabu da ita zo zauna na karasa miki a hankali" ta fad'a tana zaunar da ita zaro ido Dauda yai dan ya fahimci inda Indo d'in ta dosa amma saiya shareta yana yin qwafa kafin ya mike yana d'aukar key d'in mashin ya fice yana cewa.

"Huyim yarinya gama zille zillenki zamu had'u ne".

Ita dai Indo dariya tai bayan fitarsa tace "oho dai kafin mu had'un aina huta ko haba wallahi ya Dauda akwai cuta ni bari ya dawo ma naga mangoro ya nuna a gidan maman Niseh d'in nan muje ya tsinko min raina ya biya🤔" ta karasa maganar tana fara gyarawa yarinyar gashinta daidai maman Amrat tazo bakin kofar tana cewa.

"Assalamu alaikum ke kad'ai dan Naga takalma biyu"?.

"Eh ni kad'ai ce maman Amrat shigo da d'ayan ya fita" shigowa tai ganin yadda Amrat ta zauna ake mata taza hankali kwance tace.

"Lallai yarinyar wato mukaje dake Ummi tana so ta miki kitson three babies kika 'ki amma da yake mun dawo gida har falli ana miki tazar kina zance ai shikenan zan Kira ummin na fad'a Mata nace duk ranar da kuka had'u kikai mata kaud'i ta zane ki" ita dai Amrat batai magana ba sai Indo datai dariya tana cewa.

"Ai babu inda zata koma balle ta daketa ranar da zaku tafi a gurina zata zauna kuje ku dawo ko Amrat"?.

Kai Amrat ta d'aga "eh Aunty Indo bazan koma gurin Aunty Ummi ba tunda ta zageni".

"Kaikaikai lalala harda zagi ah gaskiya bazaki koma mata ba ehe kinyi fushi sai tazo biko har gida sannan zaki sauko" murmushi maman Amrat tai suna gaisawa da Indo domin yau wuni guda basa gidan sai yanxu suka dawo haka suke idan mazajen su basa nan saisu had'u a d'akin mutum d'aya suyita hira abinsu kamar yan uwan juna.

👑EMIRATE👑
______Zaune Khimiyyah take a d'aki ita kad'ai tana waya da Hudayyah tana fad'a Mata wasu abubuwan da akai bata nan sannan tana tambayarta Ina ta shige tsawon lokaci anan take fada mata wani bros d'inta ne ya mata dukan mutuwa domin ta shigar masa d'akin sirri ta goge sa'kon da Prof Jibril ya turawa Danual Chai kuma aka samu akasi bayanan da sunan 'kungiyar network ya hankad'osu cikin laptop d'in Asad baro baro ya gani ita kuma lokacin karfe hud'u na asuba idonta biyu da waya a hannunta ta fahimci komai kuma taga komai a tata wayar shine Mr Famous ya kirata yace Lallai tasan yadda zatai ta shiga ta goge komai idan ta bari asirin su ya tonu sakacin tane shine ta bari ya tafi masallaci ta shiga tana gama gogewa yazo ya ritsata yai mata mummunan duka.

Tana rufe baki Hudayyah ta she'ke da dariya tana cewa "kuturun ubancan amma wallahi yayi min daidai kai har naji ya burgeni tabd'ijan irinsu nake so jarumai masu tsantsan karfi kinsan wannan gayen dalilin da yasa na barshi kenan ban bari su Daddy sun kashe shiba sabida shima jarumi ne amma yana da taurin kan tsiya har yanxu maganar da nake miki ya'ki ya amince ya kar'bi soyayya ta".

Zaro ido Khimiyyan tai "ke wai da gaske kenan yaya zakiyi idan ya'ki kar'ba dan banga alamar zai kar'ba ba tunda har aka zo yanxu"?.

Ta'be baki Hudayyah tai "sai nasa a kasheshi duk da sonsa ya riga ya shige min 'bargo da jijiya gara na kashe shi maybe idan na bud'e ido na daina ganinsa zan ha'kura dashi".

Kai Khimiyyah ta girgiza "a'a Hudayyah kar kiyi haka da ki kashe shi alhalin kina sonsa gara a d'aura muku aure dashi tilas ko yana so ko baya so Ina ganin zaifi akan abinda zuciyarki ta baki shawara ko"?.

Kai Hudayyah ta d'aga "eh kuma fa haka wallahi Khimiyyah kin iya kawo shawara shiyasa wallahi nayi ba'kin cikin rashin ki lokaci mai tsawo abubuwa da yawa sun 'bace min kila da kina nan da yanzu na aureshi amma na gagara bakiga irin azabar da nasa ake d'an'dana masa ba amma a banza yanzu yaushe zaki zo mu had'u"?.

Kai Khimiyyah ta girgiza "babu rana Hudayyah domin kinsan yanzu ba irin da bane na riga nasa likita ya nuna cewa ciwona zai ri'ka tashi lokaci zuwa lokaci kinga baza'a barni na ri'ka fita ni kad'ai ba hatta school fa saida guard nake zuwa suna ankare dani ana tashi zan shigo mota mu dawo masarauta nikam nata banji dad'i ba amma zansan yadda zanyi yanxu idan kin koma gida ki had'ani da Daddyn ki".

"Ok Ina kusa dashi ma bari na bashi sai kuyi magana" mi'ka masa Hudayyah tai kar'ba yayi da murmushin banza a fuskarsa ya kara a kunne yana cewa "hello ours ya ake ciki miye labari kwana da yawa".

Kai Khimiyyah ta d'aga "eh Daddy na dawo bayan lokaci mai tsawo amma fa yanxu an samu matsala an zuba min tsaro sosai Daddy kuma abun tsafi yanxu babu ko d'aya a hannuna haka nake hatta sar'kar wuyana wacce da ita nake da damar zuwa dajin siddabaru yanxu ta 'bata ban ganta bansan ta yadda zan ri'ka zuwa ana komai dani ba Daddy ya zanyi"?.

Dariya Prof yai yana cewa "ok kada ki damu Hudayyah zata kawo miki komai a yau amma ki tabbata ba'a gane ba kicewa mahaifanki zakiyi bakuwa su bari ki fito ki tareta da kanki Dan kada a hanata shiga a garin bincike suga wani abu yau zaki dawo duniyar shan jini idan kin fito kin tareta".

Da sauri Khimiyyah tace "to shikenan Daddy zanyi zan fito na tareta bari naje yanzu na fad'awa ummana domin nasan itace xata fahimce ni saina samu na fito na tareta" ok Prof yace yana sau'ke wayar kafin ya kalli Hudayyah dake ri'ke da photon Muheed tana kallon yace.

"Daughter ki rage yawan tunani a kansa tunda Khimiyyah ta dawo komai yazo karshe yarinya mai hikida da basira ta farfad'o yanxu aka fara wasan kada ki damu kin sameshi muje" yana rufe baki ya murza wani zoben💍 tsafi dake hannunsa suka 'bace daidai Halima ta fito taga sunyi 'bat a idonta a firgice ta fasa qara tana zubewa a gurin ta suma tsabar razani domin batai tunanin masifar da suka debowa kansu har takai haka su ri'ka 'bacewa ba.

MALAM HABU
____Yanzu alhamdulillah malam Habu an fara yi masa d'ayan maganin shed'anun kuma da akai sa'a sai abun yaso a bazata wato dai duk taurin kansu malamin ya gagaresu tun yana tambayarsu suna masa fitsara har takaiga sun fara ihu da 'ka'kaji suna neman ya kyalesu dan Allah zasu fice shikam Malam yai banza dasu saida ya babbaka musu jiki sosai sannan yayi musu gargad'in basu su ba malam Habu ba xuriyarsa koda wasa suka dawo saiya dau mummunan mataki a kansu kuma sun amince sun fita daga jikin Malam Habu kamar yadda sukace har abada shikenaannnn💃 tun daga lokacin Malam Habu ya bud'e babin sabuwar rayuwa Mai cike da farin ciki babu matsalar komai babu damuwar komai daidai yake tafiya bayan abun sadaka daya baiwa malamin duk sati saiya sayi d'an abun arziki yaje ya gaida malamin kuma yayi masa godiya saboda jin dad'i.

🌐KAUYEN ILUH🌐
Bahijjah tana d'aki a kwance tayi d'ai d'ai tana hutawa Iluh yana kusa da ita suna hira Inna tazo bakin kofar d'akin tana 'kwala mata kiran cewata fito suyi sissika za'ai abincin rana.

Zaro ido Bahijjah tai tana tashi zaune tace "mee sissika kuma"?.

Amsa Inna dake bakin kofar d'aki tsaye tai "eh sissikar geron za'ai kunu kiyi sauri ki fito ke kad'ai ake jira Yawuro da Bulgah duk suna can bayan gida'' tana fad'in haka tabar kofar d'akin.

Kai Bahijjah ta jinjina tana kallon Iluh daya maye inda ta tashi ya kwanta ya mimmi'ke baida niyyar cewa komai alhali yasan ita amarya ce kwata-kwata kwanan ta nawa a garin har zata fara wani aikin gida kuma sissika ma abinda bata ta'ba yiba heyyy tabdijan wallahi da sakal.............

Katse mata tunani yai da cewa "Bahijjah ba Inna ce tayi miki maganar aiki ba suna jiranki fa"?.

Had'e rai tayi tana kallon sa tace "Hum'um yanzu tsakani da Allah abinda zakace min kenan"?.

"Kamar ya abinda zance miki kenan ban gane ba"?.

Bahijjah kamar zata rufeshi da duka dan haushi tace "kani jin abinda Innarka tace wai na fita nayi sissika bayan ko wata banyi a gidan nan ba ni wallahi ko dakan yaji ban ta'ba yiba tunda nake balle aikin qarfi irin wannan gaskiya kaje ka fad'a Mata ban iya ba".

Da mamaki yake kallonta jin abinda tace kafin yace "baki ta'ba ko dakan yaji ba kikace? To waye yake muku aikin gidanku ko kina zaune mahaifiyar ki take komai bakya taya ta"?.

"Ni bana aiki kuma itama ba ita takeyi ba Indo ce".

"Oh wacce da zata aura min 'yar gidan kishiyarta abin bai yuwu ba humm saiya fad'o kanki to nikam bani da bakin magana kawai ki tashi kije ki kama musu aiki ke kin taki sa'a ma tunda aka barki kikai kusan sati uku baki komai ba mu garin nan a al'adar mu tun washe garin da aka kawoki dakinki zaki fara aikin gida uwar miji ta daina komai intai surika saidai tana zaune ayi komai akai mata Kinga lokacin da yayana Sado ya auro Bulgah hum gabadaya girman gidan nan saita share tayi wanke wanke tayi girki ta kai shanun Baffah kiwo tayowa awakai ciyawa ke hatta wankin kayan Inna Dana Baffah ita kad'ai takeyi saida ta samu d'ayan yayan nawa Shima ya aure ya auri Yawuro sannan ta samu sassauci suke komai su biyu yanxu sun sake samun sau'ki suma zuwanki dan haka ha'kuri zakiyi mu haka al'adarmu take ki tashi kije".

Kai Bahijjah ta jinjina tana ta'be baki tace "na tashi naje ina? Gaskiya fa bari na fito fili na fad'a maka indai haka ne bazan iya ba taya zan zama baiwa karfi da yaji aure nazo ba bautar tsakar gida ba ka gane dan haka kaje kaiwa Innarka bayani mu garin mu ba haka ake ba bamusan da wannan ba jikina ba jikin aiki bane".

Tashi zaune Iluh yai yana kallonta yace "me kike nufi nine zanje nacewa inna bazaki iya aiki ba tsabar bani da kunya mufa fulani ne kin gane muna data ido dan haka idan ba so kike na nuna miki 6acin Raina ba ki tashi yanxun nan kije kuyi aiki dan garin ku ba'ayi kin baro garin ku dole da al'adar nan zaki amfani".

Mi'kewa Bahijjah tai ranta a 'bace tace "amma................,...

Katseta yai "amma me? Kinga Bahijjah karki sa raina ya 'baci domin Inna zataga kamar nine nake goyon bayan ki idan Inna ta had'ani da Baffah zansha fad'a ne dan haka kawai kije".

Jin abinda yace yasa Bahijjah ko tsayawa ta dau hijab batai ba tsabar 'bacin rai kawai ta tafi haka a karkashin wata 'katuwar bishiyar d'orawa ta gansu kowacce da sanduna sai bugun dami damin gero suke kamar maza ko sallama batai ba tsabar takaici taje kawai ta tsaya domin gaskiya itafa bazata iya wannan aikin ba akan haka saidai aurenta ya mutu ta za'bi zama karamar bazawara akan masifar da taga tana tunkarota.........................

"Hijjah bismilllah mana ga naki sandan nan yanzu aka 'ballo miki kar rana tayi" Inna ta fad'a tana nuna mata.

Kallon sandan Bahijjah tai d'anye sharaf yake da alama zaiyi nauyi kamar zata ce ita bazatai ba domin bata iya ba sai kuma ta fasa ta d'auki sandan a bisa dole cikin rashin iyawa da rashin sabo ta fara bugawa numfashin ta yana sama yana qasa haka suka gama aka koma kan bakacewa Bahijjah dai ba'kin ciki kamar zai kasheta suka wuni suna aiki jikinta yayi butu butu duk qaiqayi gashi data koma zatai wanka Iluh bayanan ya fice babu sabulu ga yunwa da takeji balle ita kunu ba masoyinta bane haka ta zauna a kofar d'aki zaman jiran dawowarsa kamar ta d'ora hannu aka ta fashe da kuka haka takeji itadai zata fad'a masa bazata iya zaman wannan rugar tasu ba gara ya tattara su koma can garin su ko a shagon da yake kwana ne ta yarda zata zauna akan nan domin inta yarda taci gaba da zama anan zuciyarta ce zata buga a banza da ciwon ran aiki.


🏙️KANO🏙️
Humm Saleem fa ya yazo ganin gida Alhaji Musa sai ji dashi yake kamar wani jaririn goye yace wannan yace wancan tsabar shagwa'ba wani San idan yana magana saikai tunanin mace ce idan ba ka ganshi ba.

Yauma kamar kullum suna zaune a falo shida Hajiya Aisha tanace masa ya tashi yaje ya gano yan gidansu yace mata sai an jima zaije sai lallai take kamar kwai akan yaje yanzu amma ya'ki sam sai girgiza yake yana kad'a kai yana cewa.

"Allah Allah nifa nace miki sai anjima zanje ba yanzu ba".

Ri'ke baki Hajiya Aisha tao tana kallon sa tace "oh nikam Saleem anya zaka girma kuwa wai har yanzu baza daina shagwa'ba ba yaushe zaka daina kenan"?.

Dariya yayi har dimple dinsa yana lotsawa kafin yace "saina fara ganin 'ya'yana Mom".

Zaro ido Hajiya Aisha tai tana cewa "to 'ya'yanka dai aure zakai ka samu matar ne"?.

Kaiya d'aga mata "eh gaskiya ni na samu kuma dama inaso na fad'a miki keda Dad fa".

"Wacece a ina take"?.

Hajiya Aisha ta tambaya cikin zumud'i tana sake kallon sa d'an juyar da fuska yai yana murmushi kamar mai jin kunya yace "ban san sunanta ba".

"Baka san sunanta ba? To a ina take ko acan kuka had'u karatu taje"?.

"A'a Mom bafa acan muka had'u ba anan gidan na ganta".

Cike da mamaki Hajiya Aisha tace "anan gidan kuma da yaushe nayi ba'kin 'yan mata kwana kusa ne"?.

Kaiya girgiza "no ba ba'ki bane wacce take miki aiki".

"Eye Asma'u kake nufi ko Jamila"?.

"Nifa Mom bansan sunan suba amma dai karamar domin babbar ai zamuyi sa'anni Mom idan ma nafita da kadan ne" ya fad'a yana kallon ta.

"Ok Jamila kenan kake nufi indai ba Asma'u ba domin su biyu suke zuwa kullum".

"Eh ita nake nufi sunanta Jamila? Nice name amma Mom za'a bani ita zaku bari na auri 'yar aiki ko a'a saina samo wata"?.

Kai Hajiya Aisha ta d'aga "eh mezai hana ka aureta shalele ita ba mutum bace kodan tana yar aiki? humm babu wanda yafi karfin jarrabawa saboda haka karka damu baby Daddynka ya dawo zan sameshi akan maganar kaji".

"Ok Mom much appreciated Ina godiya".

Da dare bayan Alhaji Musa ya dawo daga office ya yayi wanka da sallah