You Cannot Download this book untill you login but you can read it .

---

Login Register

daina sukuni shekaru da dama ya 'bata yana tara bayanai akan ta har zuwa jiya domin a shekaran jiya sunyi waya Asad din ke fada masa ya gano sunan 'kungiyar da wasu bayaninnika amma yanzu ya masa tambaya game da haka yaga bai tanka masa ba.

Sake d'agowa Isham yai yana kallon Asad da mamaki yake "buddy what happened? Please tell me what your problem? Har lokacin Asad bai bud'e idonsa ba balle yace wani abu mamaki ne sosai ya kama Isham har yana tunanin to ko Asad din bayaso ya fad'a masa, saidai ya sanshi sani na ha'ki'ka bazai ta'ba boye masa wani abu ba balle da babu shi a cikin masu neman gano 'kungiyar shima da nashi bangaren da aka tura shi sojoji masu jarumtaka aka za'ba na dukka duniya su miliyon daya da dubu d'ari biyar da hamsim da biyar wada'nda aka basu dama suyi binkice akan 'kungiyar saidai mafi yawan sun halaka saura ne suka rage sakamakon cin wannan gasa duk wanda ya gano ta da inda asalin kafin tushen ta yake da mutanen da suka kafata da abubuwan da suke aikatawa a boye wanda yai nasarar sanin wannan kuma ya bada cikakken bayani da za'a gamsu dashi da 'kwararan hujjoji to zai samu babban matsayi zuwa matakin 'karshe na mu'kami a soja wato Bgs ya zama shine jagaban kowa duk ana bayansa shine mai fad'a aji.

Numfashi Isham ya sauke yana sake kallon Asad yace "buddy meya faru ne ka fad'a min dan Allah na sani tsakani na dakai babu boye komi" sai lokacin Asad yai magana "me zan fad'a maka Isham"? Mamakin tambayar Isham yaji amma sai yace "munyi waya dakai kace min ka fara gano wannan kungiyar ta mutanen banza ce masu dakushe 'kasa masu haifar da fitina da rusa rayuwa da farin ciki kuma sun kasance a wani kogo cikin daji ma'abota shan jini ko ba haka bane"? Kai Asad ya d'aga yana tashi zaune yace "but I've confirmed it haka ne abinda nace maka domin shi na gani saidai na makara Isham bana tunanin zankai wannan matakin duba da shekarun dana 'bata ina tattara bayanai rana daya shiri na ya wargaje na rasa komai" zaro ido Isham yai yana cewa "kamar ya I don't understand anything wani abu ne ya faru"? "Eh Isham a ranar dana fad'a maka washe gari na rasa komai before I find out kwana nayi a gaban na'urori kamar mahauci ina aiki ina tattara bayanai tun karfe bakwai da rabi na dare ban gano koda wata 'yar alama ba har karfe biyar na asuba sannan kamar a mafarki naga an watso min bayanai akan kungiyar da inda suke bayan nayi alwala naje masallaci da nufi idan na dawo na cigaba da neman information akan su amma kasan wani mamaki lokacin dana dawo zuwa nayi na tarar da Khimiyyah zaune a gaban laptop d'ina tana goge min komai abu biyu ne yazo min meyasa ta shigo part dina har cikin d'akin sirri na taya tasan abinda nake nema waye ya turo ta maye ala'kar ta da 'kungiyar dahar bata so a san asirin ta meyasa tamin haka wannan dalilin yasa tun daga d'akin na ri'ka dukan ta har zuwa harabar part d'ina banyi niyyar Khimiyyah ta sake rayuwa a duniya ba koda na sakan ne abu daya ne ya hana ni yunkuri na" shiru yai bai sake cigaba da cewa komai ba.

Isham dake ta faman binsa da kallo yace "meye wannan abu d'ayan daya hana ka kashe ta" "Mami ce Isham kuma da nasan idan tazo zata hana ni tun fitar Ajeeb zan tashi kanta da bullet Isham ka fad'a min waye za'ai wa haka ya hakura"? Kai Isham ya girgiza yana cewa gaskiya babu Khimiyyah bata kyauta ba tayi kuskure abinda ta aikata maka amma nafi tunanin tana da ala'ka da wannan 'kungiyar" kallon sa yai cikin alamun tambaya yace "meyasa kace haka"? "Saboda babu ta yadda za'ai tasan kana binciken kungiyar ka duba mana a cikin su akwai wanda yasan da haka balle har yai maka wata tambaya akai sai ita ba kace wata rana ta ta'ba tambayar ka wai ance akwai wata kungiyar matsafa da kake nema ba har ka nuna mamakin a ina taya ta sani tace ji tayi kana fad'a kuma kai kace babu wanda ka ta'ba fad'awa, shakka babu Asad lallai Khimiyyah tasan wani abu akan wannan kungiyar da ala'ka tsakanin ta da ita akwai abun da baku sani ba idan ba haka ba baza ta gano cewa kana neman 'kungiyar ba kayi tunani mana" Isham ya karasa maganar yana dafa Asad wanda yai shiru cikin zurfafa da tunanin hujjojin da Isham din ya fad'a yanzu wanda yake da tabbacin duka gaskiya abinda ya fad'a Khimiyyah tasan wani abu akan kungiyar ya tuna wata rana da take ce masa.

"Prince Asad dan Allah na maka tambaya? wai meyasa kullum baka da sukuni kana gaban laptop duk muna hira amma banda kai sai nayi sati banji muryarka kayi magana ba ka daina wahalar da kanka da yawa lallai na sani aikin da kakeyi me girma ne saidai zaka dade baka fahimci komai akan aikin naka ba domin abunda kake nema babba ne mai had'ari mai tarwatsa rayuwa mai halakarwa".

Asad baiyi niyyar kula ta ko kadan saida tazo daidai nan a bayanin wanda cikin mamaki ya kalli idanuwan ta daya juye ya zama wata kalar kamar ba idon mutum ba yayi baki 'kirim kuma yanayin siffar fuskarta ma ta canza gashin kanta yayi launin ja jikin ta ya fara mummurd'ewa yatsunta sun 'kara tsayi bata da kyan gani dai.

Baiyi magana ba ya mayar da kansa ga aikin da yake murmushi tai wanda harshenta ya fito da wata iriyar wuta mai balbali ta nufi 'kone masa fuskar laptop din Wanda shi kuma ya ankare da ita da abin da take aikatawa duk yana kallon ta da sauri a sukwane cikin zafin nama da nuna kwarewa ta soja da iya ya'ki ya janye laptop din wutar ta sauka akan kujerar nan wuta ta kama fuuuu ta ko'ina kayan jikin Khimiyyah ya canza kala zuwa ja siffar ta ta 'bace kansa ta nufe gadan gadan da shar'beban takobi yana walwali gaba daya babu alamar falon sai wani ba'kin guri mai duhu Asad yake gani tun daga nesa tai wani irin tsalle tana dira a gabansa tare da kai masa sara da karfi rike takobin yai da hannu daya tare da fisgewa yai jifa dashi gefe ya sha'ki wuyanta ihu ta kurma tana fito da macizai ta baki da hanci nan gurin ya cika fal dasu harda masu kai goma kowanne kokarin kawo masa cizo yake duk sun kewaye shi d'aga ta yai da hannunsa daya wanda ya shake mata wuya dashi yai jifa da ita nan ta tarwatse kamar an watsa ruwa sama ganin haka yasa Asad daukar takobin ya soma saran macizan nan duk wanda ya sarewa kai sai yaga kan ya koma jiki kuma jinin daya zuba wasu macizan na sake fitowa ta gurin yana cikin faman kashe su wasu murd'a murd'an mutane su biyar masu fika fikai baka'ke wuluk abin tsoro marasa kyan gani suka bayayyana kowa da takobi a hannun sa suka kewaye shi.


Asad na tsakiyar su da takobi shima a hannunsa wanda ya kwace a hannun Khimiyyah dukkan su biyar din wata irin kara suka saki mai firgitarwa suma suna ambaliyar wuta nan macizan suka fara had'iyar juna sai gashi sun had'e gu daya sun zama wata bakar katuwar macijiya mai koran ido jikinta duk gashi saiga mutum ya bayyana yana kanta a tsaye fuskarsa a rufe da'kyar kake iya hango jajayen idanuwan sa masu yanayi da garwashi.

Mutanen biyar na farkon dake zagaye da Asad tuni suka sha jinin jikin su suna risnawa bisa gwiwoyinsu wanda Asad yai amfani da wannan damar a zafafe cikin tafasa ya d'aga takobi ya fiffille musu kayuwa sai gasu kwance a kasa jini yana kwarara kamar ruwan kogi cikin mamaki Asad yaga mutumin dake kan macijiyar ya diro tare da kifa kansa ya soma shan jinin kafin wani lokaci babu komai a gurin sai iya gawarwakin su umarni yaiwa macijiyar ta debe su ta hadiye sannan muryarsa kamar tsawa ya soma magana.

"ASAD kayi kokarin da baza a samu wanda zai iya koda kwatan kwacin saba na jinjina maka kaidin jarumi ne sadaukin da ba tamkarsa lallai zaka iya fad'a da koma waye kaine mutum na farko daya shigo tarkon mu akai kokarin bada jininsa amma ya tsira ya haye ya tsallake rijiya da baya saidai ka sani cewa bazaka iya gano kungiyar mu ba har abada kaiwa sauran yan uwanka sojoji masu son gano mu albishir cewa sunyi kadan ba wanda ya isa jada mu a halin yanzu da nake maganar nan dakai mun hallakar da sojoji d'ari biyar masu neman wannan kungiya tamu ciki harda babban abokinka wanda kayi matukar damuwa dashi kuma baza ku kara haduwa ba har abada kaima na barka ne kawai dan ka bada labari ka fad'awa masu neman wannan kungiyar irin ka cewa su dakata kafin su rasa ransu domin kungiya ce ta matune masu had'ari zan barka kaje kayi nazari hhhhhhhhhhh ya karasa maganar yana shekewa da wata mahaukaciyar dariya.

A fusace Asad yai tsalle yana hawa kan macijiyar ya damko mutumin suka yo kasa nan dambe ya kaure tsakanin su kowa naji da 'kuwwa da karfi duk gurin ya rude kamar mutum dubu ke fad'a so mutumin yake ya kwace sakamakon da fari ya dauka yafi karfin Asad zaiyi nasara a kansa sai daga baya yaji Asad din na neman halaka shi ya samu da'kyar ya kwace daga rikon dayai masa yana tsalle ya koma saman macijiyar da matukar gudu macijiyar ta tashi sama a hanzarce Asad ya harbo macijiyar da bindiga tayo kasa kara harbinta yai itama saita zama ruwa kafin ya saitin mutumin a satin Zuciyar shi ya harbeshi shi shima kara yai sai kuma ya kama da wuta faaaa kamar an zuba masa fetur wanda yaji falon ya kaure suna cewa "Asad lafiya me kakeyi haka"?.

Da sauri Asad ya dawo cikin nutsuwar yana kallon su cikin alamar tambaya yace "me nayi"? Hararar sa Ajeeb yai yana cewa "ban sani ba tsabar rashin mutunci kagani fa yadda ka harbi TV gashi nan ta fashe me kake kallo kodan kaiba ma'abocin son wasan kwallo bane maimakon kace mu canza channel shine ka lalata TV gabadaya wato mu daina kallon kenan"? Kasa cewa komai Asad yai sai Khimiyyah daya zubawa ido gira ta dage masa tana murmushi ba tare datai magana ba Ajeeb yaci gaba "wai Asad meke damunka ne sai anyi magana kai banza da mutum ko ka kure shi da kallo kamar Wanda ya warke daga ciwon makaranta" shidai Asad rasa ta cewa yai sai kallon Khimiyyah kadai yana mamakin abubuwan daya gani yanzu kenan Khimiyyah me take nufi wannan abun da ya gani hakan na nufin tana da ala'ka da kungiyar da yake nema? Jiyai tace "prince Asad kada ka damu da abinda ka gani wannan mafari ne ba'a nuna maka komai ba saidai ana farkar dakai ana maka gargadin cewa ka fita daga sahun masu son gano wannan abar kayi shawara" harararta Ameer yai yana cewa "ke kuma me kike cewa sai wani magana kike a juye me kike nufi"? Dariya tai tana mikewa tace "babu komai prince Ameer kawai dai na fad'a ne shi yasan me nake nufi" tana fadin haka ta mike tana fita a parlon "wai ita wannan meke damunta ne? Yawancin lokuta zakaji tana magana wata kala da batai kama data masu hankali" Annur ya fad'a shima yana mikewa ya cigaba "Khimiyyah a kaf cikin mu na fahimta itace ta fita daban take wasu irin abubuwa masu wuyar fassara yarinyar nan tana da matsala a kwakwalwarta".

"Ai Annur ba kai kadai ne ka fahimci hakan ba nima na gani sau tarin wasu abubuwan ta akwai abun duba da tambaya amma koma maye mu sa mata ido matsayin mu na yan uwanta muna da hakkin kula da duk wani motsin ta mu dawo da ita kan hanya" Ajeeb yai maganar yana mikewa shima zai fita har yakai kofar palon ya juyo yana kallon Asad yace "Asad kai kasan me Khimiyyah take nufi tunda dakai take sai ka fara tunani kayi nazarin ta mu hada gwiwa muna kula da komai nata" yana gama fadin haka yai waje tsaki Ameer yai yana cewa "waye zai tsaya bata lokacin sa akanta Khimiyyah ta fara zarce inda ake zaton ta a iya sani na banda makaranta daya zama dole babu inda ake barinsu su fita amma idan tayi wani abu zaka rantse irin wadannan tantiran yan matan club din nan ne" "eh kaima kace wani abu anan amma ai ni banga hujjar da zamu zauna muna binciken ta da sa mata ido ba kawai su Abba zamu sanarwa" kai Ameer ya girgiza "a'a Annur idan su Abba suka sani akwai matsala zamu lalata zaman jin dad'i na wani lokaci kawai ka 'kyale mu samo hujjoji da kanmu kafin mu sanar musu" "ok shikenan hakan ya kamata muyi" Asad ya kalla yana cewa "Babyn Mami muje lokacin sallah yayi" mikewa Asad yai yana rufe laptop din da sauri Makiyyah tace "prince Asad kawo na aje kuje masallacin" "no thanks I don't want" ya fad'a yana ficewa dariya Shaukiyyah tai tana cewa "kai gaskiya iska tana wahalar da mai kayan kara ina son shi yana zamewa" a fusace Makiyyah tace "ki dakata malama fatan ba dani kike ba"? Zaro ido Shaukiyyah tai tana shirin sakin wata dariyar tace "da nace miki me? Yau nake ganin isa da mallaka sharri zaki min Makiyyah"? Hararar ta Makiyyah tai cikin takaici tace "jarrabawa ce kema baki fi karfin a jarrabe kiba so haka yake fad'i da babbar murya ki 'kara ina matukar son Asad so mai tsanani ma kuwa" cikin tsokana Shaukiyyah tace "au haba so fa mai tsanani kika ce? Tab lallai kina da aiki wallahi prince Asad babu yan mata a gaban shi balle soyayya karma ki nemi dorawa kanki hawan jini" caraf Khaldiyyah tace "haka kike gani amma tunda taji tana son sa zata iya daukar duk wata damuwa mukan namu ido ne tunda mutum ya fad'a ruwa sai muga da yadda zai fito" nuna ta Makiyyah tai da yatsa tana cewa "ki dakata haka ki daina yi dani tun farko soyayya Asad a jini na take ta riga da ta zama kwalliya ta kuma bazan daina ba ko ku taya ni son abinda nake so ko ku zuba min ido nai gwagwarmaya ta da kaina na nemi soyayya ta" "to shikenan Mrs prince Asad Allah ya baki shi musha biki" Shaukiyyah tai maganar tana kau dakai dan kada Makiyyah taga dariya take mata mikewa Makiyyah tai tana cewa "amin inda gaske kike" fuuuu ta fice ta bar iya su biyu sauke ajiyar zuciya Khaldiyyah tai tana cewa "wallahi ina tausaya mana nida Makiyyah dukka hankalin zaratan namu ba'a kan mu yake ba" tabe baki Shaukiyyah tai tace "nikam shiyasa tun farko ban dorawa kaina wahala ba farko na harbu dason Ameer da naga kawai zan bata lokaci na kawai na share abun kuma da haka kukai ina tunanin zaifi domin ni gashi na zauna lafiya" kai Khaldiyyah tai girgiza cikin damuwa tace "bazan iya Shaukeey kawai zanci gaba da hakuri har ranar da prince Annur zai ce yana sona" kai Shaukiyyah ta kad'a "shikenan Allah ya kaimu wannan ranar" "Amin ya kamata muje muyi sallah kinga har lokaci ya fita" mikewa sukai Shaukiyyah na cewa "oh haka ne fa to sai muyi sauri".

Lokacin da Asad ya dawo daga tunanin kallon Isham yai tare da jinjina kai yace "Isham I believe what you said tabbas Khimiyyah tasan wani abu akan kungiyar nan domin ta ta'ba nuna min alama a bayyane" "oho ka gani ko dama na fad'a maka sai ka tsaya kayi nazari zaka sake gano komai, yanzu wanne irin mataki zaka dauka"? Shiru Asad yai zuwa lokaci mai tsawo kafin yace "sai nayi nazari" kai Isham ya d'aga "ok shikenan buddy amma ka taso muje ka kwanta dan Allah ka samu nutsuwa ka saba zama ka kwana ido biyu kana tunani da ayyuka bakai komai ba please let go" mi'kewa yai batare daya sake magana suka shiga bedroom.


Mrs al'ameen Ahmad ce 😘.

Yau ba dogon bayani kawai Allah ya tashe mu lafiya mu d'ora inda muka tsaya yau kaina na min ciwo😒.

11~AL-KHALIQU
The creator
12~AL-BARI
The Designer

6~Allahumma salli wa sallim ala sayyidina muhammadin sayyidil Taibina.

🎉🎉🎉🎉🎉🎉🎉
🎉🎉🎉🎉🎉
🎉🎉🎉
🎉🎉
🎉
🌄 REVENGE ND WREAK🌄
Episode 11&12
*'KAUYE*
Asubar fari tun ba'a shiga masallaci ba Asabe ta fito daga d'akin ta jin yadda ake kad'a iska mai sanyi yasa ta koma d'aki tana dauko hijab sannan ta fito ta bud'e randa ta soma kamfatar ruwa tana zubawa a bokati Saida ta cika ta kinkima ta shiga d'akin su Indo kwance ta ganta tana bacci can dayan 'bangaren Bahijjah ce itama a tata shimfidar cike da mugunta Asabe ta d'aga bokitin ruwan sanyin ta kwarewa Indo a kanta a firgice Indo ta farka tare da fasa 'kara jikin ta na ma'kyarkyata tsawa Asabe ta daka mata tana cewa.

"Ke dallacan munafika mitsiyaciya ki rufe min baki dama yanzu lokacin hutu ne tashi ki fito ki tafi debo min ruwa me nace miki jiya ban ce kika bari na sake zuwa tashin ki saina fasa miki baki ba"? Shiru ido tai ta kasa magana sakamakon kakkarwa da bakinta yake wani irin duka Asabe ta sauke mata tana finciko ta kiiiii ta wurga ta waje tana daukar ice ta soma jinka mata tana cewa "ke dan uwarki nice zanyi miki magana ki tsaya kina kallo na da idonki kamar na mayu tsinanniya makira mai halin mujiya zaki tashi ki debo min ko saina farfasa miki jiki"?.

Da'kyar Indo ta mike tana jan kafa ta dau bokiti hawaye masu zafi suna zuba a idonta tai hanyar fita Bahijjah dake tsaye a kofar d'akinsu tasa kuka tana cewa "gaskiya ni kun cuce ni gashi nan kun tada ni a bacci na kawai kin ji'ka min jiki" juyawa Asabe tai tana kallon Bahijjah zatai kiyi hakuri Bahijjah jeki ci gaba da baccin ki" tura baki tai tana juyawa ta koma cikin d'aki daidai Balarabe ya fito zaiyi alwala Asabe tace "gaskiya malam bakai sa'ar haihuwa ba ehe dole na fad'a wannan Indo ba yar mutunci bace tasha a nono wai ni zata zaga"? "Zagi dai"? Balarabe ya tambaya yana zaro ido hararar sa Asabe tai "oh nayi karya kenan naga ka zaro ido waje kamar wanda ka hadiyi 'kayar kifi to wallahi ta dawo kaja mata kunne karya kuskure ta sake zubawa Bahijjah ruwan sanyi a jikin ta wannan mugun halin har ina bazai yiwu ba bazan dauka ba" cikin lallami Balarabe yace "dan Allah Asabe kiyi hakuri ki shiru kinga fa ma'kota naji gari bai waye ba" "au gari bai waye ba shine abinda zaka ce? To bari na jira garin ya waye saina sauke maka buhun bala'in zakai bayani" tana kai nan ta shige d'aki gasa'ke Balarabe yai yana kallon kofar d'akin nata kafin ya dauki buta ya daura alwala ya tafi masallaci.

Misalin 'karfe sha biyu da rabi na rana su Amatu na zaune a tsakar gida suka ji an rafka sallama mace ta shigo A'i ce tayo wuf ta bakad'o labule ta fito tana cewa "a'a Kande kece shigo man kika tsaya anan ga kujera" "ba zama ya kawo niba ina Saude"? Dariya A'i tai "tofa yau ake yinta kema garin nema neman bashin ta taje ta yaudare ki da maganganu kin bata kaya tayo gwarama ko? Tab aiko baza ki samu ko nera biyar ba Saude bata biyan bashi tafi son na lahira................

"Allah ya tsinewa munafiki Allah ya d'ed'eta shi ya hana shi jin dad'in zaman duniya" Saude tai maganar cikin 'bacin rai ta karaso gurin ta'be baki A'i tai tana cewa "oh ji borin kunya harda tsine tsine dad'in abun ma ba karya naiba kowa yasan kina da taurin bashi" a fusace Saude tace "ai shiyasa nace Allah ya tsinewa munafiki Allah ya talauta shi" juyawa A'i tai zata bar gurin tace "ba Amin ba dan kina jin haushi na fiki kud'i da hanyar samu shine kike neman arziki na yai kasa to bakin ki ya fad'i a kasa".

Cikin takaici Amatu tace "Aisha ku tashi mu koma d'aki" mi'kewa sukai suna shiga Saude dake mamakin zuwan Kande tace "Kande lafiya dai na ganki a haka ki karaso ciki man".

Kai Kande ta girgiza "a'a ba wannan nazo yiba kuma ba zama ya kawo ni ba nazo ne nayi miki gargadi keda 'yarki Saude ki jawa Asma'u kunne ta fita hanyar d'ana Buba yafi karfin ta yafi karfin auren ta bakin rijiya ba wajen wasan makaho bane me zaiyi da ita na riga nayi masa mace acan kauyen mu ki fad'a mata kada ta kuskura ta sake zuwa inda yake idan kuma ba haka ba sai kinga matakin dazan dauka a kanku sai nasa an wulakanta 'yar taki" tana kaiwa nan tai waje" tsaye tabar Saude ta rasa meyake mata dad'i cikin duniya babu wanda ya ta'ba zuwa ya tsaya yace a kira masa wace ba sai Buba sun fara murna kuma yanzu ga uwansa tazo ta yi musu diban albarka.

"Ahayye nanaye yau take gobe sai labari nisa tazo kusa wato dama Buba ne yazo gurin Asma'u kuna ta farin ciki sai gashi uwar tazo tayi muku wankin babban bargo murna ta koma ciki cabdijan gaskiya Kande ta iya wulakanci" A'i tai maganar tana sakin dariya Saude na tsaye shiru duk zufa ta rike mata jiki ta rasa meke mata dad'i ba maganganun A'i ne damuwar taba na Kande ne suka sosa mata rai.

Bata kula A'i dake ta magana ba ta shareta ta tura mata aniyarta da'kyar ta d'aga kafafunta ta koma d'aki suma su Amatu dake d'aki sunji komai kuka Asma'u keyi ba 'kakkautawa harda shid'ewa cikin jin zafin kukan nata da tausayawa Amatu tace.

"Dan Allah Asma'u kiyi hakuri ki daina kukan nan haka kada ki dorawa kanki zazzabi ki dauka hakan da tayi shine mafificin alkairi kiyi adduar Allah ya kawo miki miji na gari wanda yafi Buba nagarta" cikin kuka Asma'u tace "amma Amatu ina son Buba meyasa zatai min haka ta raba ni dashi kowa ya tsane mu a kauyen nan wai me muka yiwa mutane ne da basa so su gam mu cikin walwala"?.

Kai Amatu ta girgiza "babu abinda mukai musu kuma ba tsanar mu sukai ba a haka rayuwar tazo mana da 'kalubale ni nasan meye matsalar rashin wadatuwa da mahaifin mu baida shi ne yasa kowa baya damuwa damu amma dan Allah kiyi hakuri insha Allahu zaki samu miji na gari wanda ya take Buba nagarta kinji" kai Asma'u ta d'aga tana goge hawayen fuskarta tare da yin murmushi tace "Amatu na gode gaskiya ke 'yar uwa ce ta gari mai kawar da damuwa da kwantarwa mutum hankali ya dawo cikin nutsuwar sa Allah ya biya ki" dariya Amatu tai tana cewa "kai wallahi kema dai Asma'u ji kamar wanda na baki wani abu" sauke ajiyar zuciya Asma'u tai tana kallon Jamila da kawai ta zuba musu ido tace "wani abu ne mana ai Asma'u a rayuwa d'an uwanka yafi komai shiyasa koda yaushe nake son na ganku cikin farin ciki" kai ta jinjina "mun gode sosai Amatu Allah ya barmu tare" "Amin kawai Amatu tace tana mayar da hankalin ta kan littafin dake hannunta Aisha data kasa hakuri tace "wai nikam Amatu littafin nan na meye ne kullum yana hannunki" d'agowa Amatu "oh littafin karatu ne" "wanne irin karatu"? Jamila tai tambaya tana le'ka littafin amsa Amatu ta bata "karatu dai wanda kika sani akwai wani bambanci ne"? "Eh akwai man watakila littafin soyayya akwai na ya'ki akwai na karatu 'karin ilimi wannene daga ciki"? Dariya Amatu tai "to ba daya kodan kin canka littafin karatun karin ilimi ne daga Dutse na taho dashi lokacin da naje gurin baba Bashir" "a karanta mana a fili muji" Asma'u tai maganar tana kwanciya akan shimfidar su kallon ta Aisha tai "ai dama na sani ko fara karatun baza ai ba zaki bacci dan nasan d'an halin" hararar ta Asma'u tai "ke kuma wa yasako dake to ba baccin zanyi ba