You Cannot Download this book untill you login but you can read it .

---

Login Register

kallon yanayin da Hajiya Latifah ta shiga, ganin yadda Jikinta yake rawa yasata sake murmushin mugunta, sannan ta cigaba da cewa.
"Dama naga"
"Kije bana son jin sunan shi tashi ki bar min nan"
Ta daka mata wani irin tsawa, wanda yasata mikewar dole, domin babu karya ta razana. Bayan tabar gurin kan Hajiya Latifah ya shiga sara mata kamar zai rabe biyu.

        Tsaki tayi tare da mik'ewa, ta nufi cikin gidan, koda ta shiga har ta manta kome akan shi. Itama Hajiya Safiyar dadi ya sata bata kuma bin wani abu akan Mohan din, sai dai tana da kudirin jibi Insha Allah zata dira a Maradi ta cirewa dan Ba'are rashin mutuncin da yake kan shi.

       Kuma wallahi ta isa sai ta ganawa Mohan azaba, dan duk cikin Yaran Hajiya Latifah ta tsani Mohan sama da kowannen su,, shi yasa bata yi kasa a gwiwar gurin tsayawa sai da kome ya faru dashi kafin hankalinta ya kwanta. Shima dan Ba'are sabida ba haka kawai yake ba da ta jijjiga shi da karfin ta. Ta kuma nuna mishi Allah daya ne.

***
Washi gari
Kamar ba zan shirya ba, amma sabida irin yadda Malam Ansar yake bina da idanun yasa ni hada kayana, na raba biyu. Na saka rabi a cikin wata jaka, rabi kuma na barshi a dakin Baba Mari, sanan na tsaya tare da cewa.
"Baba idan aikin da sauki zan na zuwa duba ki, Insha Allah."

      "Allah yayi miki albarka, ya kuma kare ki daga sharrin shaidanun mutane da shaidanun Aljanu, karka yi wasa da ambaton Allah a duk inda kike, gurin da zaka shiga haka kawai nake ji a jikina akwai babban Al'amari a gurin. Dan haka a rike Allah babu wasa sallah nafilla, walaha da duk wani sallah bayan sallah farillah, ba ayi da La'asar da magarib, amma ana yin shafa'i da wutiri, karka manta Alhamis da Litinin kayi azumi ka nemi dacewar Ubangiji.."

     Rike hannu na tayi tana kallon fuskana tace min.
"Wallahi nayi mafarkin inda zaka  cike yake da ƙaya masu matukar hatsari, shi yasa na mike da nima maka kariya, Insha Allah zaka yi nasara amma karka manta gaskiya tafi kome tasiri kar manta da karatun Alqur'ani domin itama haske ce s duk inda mutum yaƙe."
Wato matar nan jinta nake kamar ita ta haifi Innata, zunzurutun kulawa. Sannan ta bani addu'o'in.
"Baba zamu tafi makara muke"

"Allah yayi muku albarka" ta faɗa tare da juya mana baya, mu kuma muka fita, ina lura da take taken shi magana yake son min, amma na wani b'ata rai, sai da muka fita daga gidan ya rufe Kofar gidan sannan ya tako har zuwa inda nake, ya bude motar ya shiga. Shiru ne ya gifta tsakanin mu. Kamar ba zai yi magana ba.

         "Ina rokonka don Allah don sonka da Annabi Muhammad Sallallahu alaihi Wasallama, ka kame kanka, tunda kasan yanayinka ba irin tamu bace, yanayi biyu ne a tare da kai don Allah karka yarda wani ya fahimci halin da kake cikin har yayi kokarin cutar da kai, Wallahi idan wani abu ya same ka, kashe kaina zanyi da bakin ciki,"

"Ai makabarta bata cika ba, dan haka Allah ya jikan musulmai wanda ya kashe kanshi kuma Ubangiji ya san yadda zai yi dashi" (hali a jikin rai yaƙe Bakar magana)  kallon shi Malam Ansar yayi tare da cewa.

"Wai meye nayi maka ne ka bi ka tsane ni haka?" Ya tambaye shi kamar zai yi kuka,
Wani banzan kallo na mishi, kafin nace mishi.
"Kawai naji a raina na yi ta kafta maka rashin arziki ne" ya bashi amsa.
"Indai akan dan rungumo ka da nayi jiya ne Allah ya baka hakuri." Dauke kai nayi kamar ba dani yake ba, gidan shugaban makaranta muka nufa, daga nan shima ya koro min jawabin shi da abinda zamu yi kallon shi nayi kafin nace mishi.
""Toh" sanan muka bar gidan, ina ji kamar na rufe su da dukka, kiran dan Ba'are yayi ya gaya mishi gamu nan mun iso amma akwai jami'an tsaro sosai.

Bayan kamar minti goma sai gashi ya zo da kanshi, suka yi magana kafin ya leko cikin motar ya kalle ni.
"Kai fito" ya faɗa babu wasa a fuskar shi. Ganin shi dirkeke, ga fuskar nan babu sassauci ya sani fitowa ina kamkame jakata.kallon na yayi sannan yace min.
"Koma cikin motar"
Komawa nayi, sai lokacin na lura da fuskar malam Ansar, ya b'ata rai ainun. Fuskarshi har wani ja yayi.
"Malam Ya naga yaron kamar mace?"
"Almamoon namiji ne, haka kowa yake gani kamar mace amma namiji ne"
"Toh ince bai da matsala, irin dauke dauke da sauran su?"
A wannan gaɓar kamar malam Ansar ya daka mishi mari, amma ya rarrashi kanshi yana kallon shugaban jami'ar.

"Yaron bai da matsala, kuma ban tab'a jin malam Ansar ya fadi wani abu akan shi ba, ko abokan karatun shi basu tab'a koraafin yayi musu ta'adi ba."

"Toh Shikenan, kuje dashi Insha Allah gobe idan ya taso makarantar yazo Insha Allah kafin lokacin an gama mishi kome nashi na gidan domin babu me tsallake wancan shingen babu alamar kai ɗaya ne daga cikin gidan."

"Mun gode" d'aga musu hannu yayi tare da juyawa ya bar gurin su.
"Gaskiya ban da dole da Almamoon ya hakura da wannan aikin kawai raina bai kwanta da wannan gida me cike da murɗa murɗan maza ba"
Inji malam Ansar, jin haka shugaban Jami'ar  ya lullube shi da faɗa, har suka isa makarantar. Kamar zai ajiye Almamoon sai ya dawo dashi gidan. Sannan ya nufi makaranta domin fushi yake sosai kuma ba kome ke damun shi ba sai kishin bala'i da ya daurawa kanshi akan Yaron. Dan shi har kwanan gobe kallon da Yakewa Almamoon ba na wasa bane.

     ....
Bayan tafiyar su, ya koma cikin gidan. Zama yayi yana hasashen fuskar Almamoon, haka kawai yaji yaron yayi mishi kuma ya kwanta mishi, bai da nutsuwa da wata shirme irin n yaran yanzun,

     Kallon Mohan yayi tare da cewa.
"Bana son barin ragamar rayuwarka a hannun mutane da suke kewaye da kai ne" shiru yayi sannan ya cigaba da shafa kanshi yana jin tsannanin tausayin halin da Aminin shi yake ciki. A hankali ya mike bayan ya nufi inda ya ajiye kome ya fara shirin shi da yasaka a ranshi, yayi ta aiki yana connect din na'ura a cikin gidan. Bayan nan ya fito.

Akwai wani yardadden Yaron Mohan mai Suna Malik, har yau bai tab'a jin Malik yace mishi ga wani abu na Mohan ba, dan haka lokacin da Mohan ya fara jinya da zai zuba jami'an tsaron Malik ya bawa rikon su. Dan haka ya fita tare da kiran shi suka nufi lambu. Zama Dan Ba'are yayi yana me kallon Malik da ya sara mishi.

     "Gobe Insha Allah yaron da zai kula da Mohan zai zo, kasan me ina son ka zuba ido akan Yaron! Daga yau zan mai da kula da gidan a hannun Fahad, kai kuma ka zauna a cikin gidan kana taimaka mishi da wasu abubuwan. Akwai abinda nake zargi a cikin gidan amma ban tabbatar ba, don haka zaka ajiye unifoam. Nasan kai ɗaya ne kasan kome akan Mohan har da abinda ya shafi dukiyar shi, naji dad'i da ka zama mutum mai Amana da gaskiya, Insha Allah zaka ga sakayya a gurin Ubangiji. Gashi nan wannan key motar da zai na kai shi makaranta ne, wannan kuma duk wata zana cire CF dubu dari bakwai kana bashi katin bankin shi na kamfanin shi da yake doso ce, babu abinda zai yi da izinin Ubangiji. Don Allah ka zama me amana da na san ka dashi, bayan ku duk mutumin da ya nemi shigowa gidan nan"

Jan hannun shi yayi kamar wanda ya ke jan bindiga ya dauke kamar yayi harbi, "ku gama dashi, idan ka fahimci Yaron yana da dauke dauke ka kira Ni ka gaya min zan zo na mai dashi, sannan duk bayan sati biyu kana ciwo mishi dubu hamsin kana bashi, sabida kashe wasu kannan bukatar shi. Idan kaga wani sauyi kai min magana, idan na samu lokaci Insha Allah zan zo na kai shi sokoto gurin kana na"

    Gyada kai yayi sannan yace.
"Insha Allah"
Daga nan ya bar gurin dan ya sallame shi, zuwa yayi inda motar da zai na kai Almamoon makaranta, yake ya duba yaga BMW ne, jinjina kai yayi sannan ya nufi sansanin su, ya saka sunan wani daga cikin su aka kira shi. Ko minti biyar ba ayi ba. Ya shigo tare da sara mishi.
"Gashi daga yau aikin ka shine kai yaron da zai na kula da lafiyar Yallabai Mohan makaranta da duk inda yake buƙata."

"Insha Allah" ya sara mishi, tare da juyawa ya fita..daga nan shima Malik ya haɗa kayan shi yayiwa Fahad magana, gyada kai yayi tare da rungume shi yana faɗin.
"Allah ya baka sa'a"
"Amin Abokina Nagode" suka tafa sannan suka bar gurin.

        ***
Sake shirya kayana nayi, sannan na kalli Malam Ansar da yayi ciki ciki da fuska.
"Wallahi karka sake abin duniya ya rinjaye ka"
"Toh ai kai ma da abin duniyar ka janyo ni" na fada tare da gimtse fuskana,

"Baba wannan Yaron ya rena ni, duk abinda nayi dan na kare shi nake amma ban da kwashe min albarka babu abin da yake." Ya gayawa Baba,
"Almamoon bana son rashin kunya mana, me yasa ka rena malamin ka? Dan ya taimaka maka sai yayi laifi? Toh kul bana son haka, idan ka sake na kuma jin haka sai na sab'a maka"
"Kiyi hakuri, kayi hakuri ba zan kuma ba" ya faɗa kamar zai fasa ihu, wuni ranar har dare suna manne a dakin baba.

   Washi gari da ya tafi makarantar, ya samu zasu fara jarabawa yayi rashin test da wasu abubuwan, dole zai maimaita wannan zangon da haka dake karatun a ranshi yake nan ya amince tare da yarda yayi duk abin da zai yi, yana tashi daga makaranta, ya nufi gida. Malam Ansar da kanshi yazo ya dauke shi suka nufi can gidan.

      Karfe biyu da rabi yayi mana. Kofar get din farko, dan haka ya kira mutumin , ko minti goma ba ayi ba sai gashi sun fito tare, da wani mutum, suna zuwa shi mutumin jiya yana sanye da kayan sojoji, sai jar hular da yake kanshi, yana zuwa ya mikawa malam Ansar hannu suka gaisa, sannan ya leka Ni.
"Ban rike sunan shi ba"
"Almamoon Isma'il Wodaadabe"
"Ai kace Bororo ne?"
"Eh haka nake tsammanin" inji malam Ansar,
Bude min kofar suka yi na fito a hankali, ina kallon su.
"Don Allah ku saka ido akan shi yaro ne, dan har yanzun bai cika sha tara ba, don Allah kar wani abu mara dadi ya same shi. Sannan Insha Allah zan ina zuwa duba shi"
"Malik bashi Number ka, idan kazo ka kira shi, Insha Allah har cikin zai kai ka, Mamoon kai kuma mu wuce."
.kasa tafiya nayi na tsaya a gaban shi, kwalla na cika daga idanuna.
Riko hannuna yayi tare da kallon yadda nake kuka.
"Baka son rabuwa da ni ne?"
Gyada mishi kai nayi.
"Me yasa?"
"Babu" na fada ina jan dogon hancina.
"Maza wuce Allah ya bada sa'a" ya faɗa min, kuka ne ya zo min na toshe bakina, haka suka sani a tsakiyar su, muka nufi inda wata mota take, wanda aka kira Malik ya bude min baya, juyawa nayi ina kallon Malam Ansar har. Na shiga motar, leken shi nake ta bayan motar, kwalla na zuba min. Kawai sabon da nayi dashi ne yasa haka, a hankali muka bar gurin ina kallon jami'an tsaron da aka girka a kofar gidan kafin ka shiga gidan ma tukun, Ashe ba karamin tafiya bace idan da kafa ne, kallon gidan nake me dauke da aljannar duniya duk inda muka wuce sake baki nake har muka isa cikin gidan sosai.

   Tun ban shiga gidan ba gabana yake faduwa, har muka shiga cikin gidan, a hankali suka shiga gaba. Ina bin su a baya har muka fada wata babban falo. Hoton wani soja ne yayi mana mara ba da zuwa gidan, ina d'aga ido na kalli hoton. Kamar wanda aka daki kahon zuciyata, wani irin bugu yake duk wani dakika jin shi nake kamar zai fasa kirjina, dafe kirjin nayi tare da saurin dauke idanuna akan hoton ba mamaki kodan kwarjinin da hoton yayi min me yasa na ji wannan yanayin a raina. Har muka fara haurawa sama, sake juyowa nayi na kalli hoton naga ya kura min ido, da sauri na bi bayan su da gudu, har suna juyowa.
"Lafiya Mamoon?"
Dakyar numfashina ya dai-dai ta, na girgiza musu kai.
"Toh muje" haka suka kai Ni falon sama, sannan suka ce na tsaya. Suna shiga can sai gasu tare da mutumin hoton nan ne,

Zuba mishi ido nayi, abu biyu naji a lokaci guda, wani mugun tsoron shi da kwarjin da yaji min, sai wani abu da na hango a tattare dashi, yadda ya kafe ni da ido ya sani sunkuyar da kai na kasa, jikin yana kerma sakamakon hango shi da nayi cikin fararren kayan barci.

    Zama yayi sannan ya kalle su, bai ma san me ke faruwa ba.
"Yawwa Almamoon ga shi nan mara lafiyar mu, shi yake bukatar kulawa, wannan shine Malik zai taimaka maka a duk lokacin haka." Gyada musu kai nayi, domin ban san me zanyi musu bayan haka ba.

         "Kayi hakuri nasan kai dalibi ne ka iya abinci, sabida zan amshi kula da abincin shi a hannun masu yi na dawo dashi hannun ka ne?"
"Na iya"na fada ina kallon kasa,
"Shi kenan, and ka kula da lafiyar shi don Allah duk sauran bayanin yana gurin Malik. Shi zai taimaka maka"

     Haka ya mike tare da mika min hannu, kasa karb'a nayi sau da ya kuma min alama na mika mishi a karon farko a rayuwata da nayi haka dan ko da nake makarantar ban tab'a yarda ba, amma yau nayi. Sai naji kunya ya addabi ni, har ya fita sannan Malik yayi mishi rakiya.

"Ka ciro kudi ka kai shi ya zab'i kayan da ya dace da shi, wancan kayan da ya saka sai kace wani Bugaje,. Ka nima mishi kananun kaya masu kyau da tsada, sauran kuma a hada mishi da takalmi da duk wani abun da zai fito dashi gari. Zaka iya tambayar shi dai ka sayo mishi.

         Haka suka tafi suna tattaunawar...
Baya bata da kaɗan.
Wato suna barin gurin, kaina  a sunkuye, ba zan iya fahimtar yadda abin ya faru ba, amma tabbas sai dai nake kamar ba a duniyar mutane nake ba, domin wata irin shaƙa da Mutumin yayi min, ya sani fara ganin wata duniya na daban.
Gashi ya  danne ni akan kujeran, kamar zai kashe ni. Wutsul wutsul nake, kafin Allah ya bani nasarar buga mushi kararrawan sadarwan shi, zuɓewa yayi a kaina tare da dauke wuta. A lokaci guda muke kallon idanun juna, lumshe idanun shi yayi tare sake jikin shi alamar ya suma a jikina, wallahi gashi kaman gumgumemmen dutse, kasa motsi nayi.. a hankali na kuma kallon fuskar shi, naga yana lumshe sai kwalla da take bin fuskar a hankali yana diga a daidai saitin zuciyata. Kasa jan numfashi nayi, tare da jin wani abu ya cika min wuyana.

      A hankali na shiga janye jikina, amma kamar bana kome, gaskiya mutumin nan kato ne, dakyar na iya d'aga hannun shi da kanshi, shigowar Malik yaga yadda nake kiciniya sai da ya tintsire dariya, har yana nuna ni.
"Sannun Kaji, da fatan bai maka kome ba?"
"Da yanzun sai dai wani ba ni ba domin shake ni yayi zai kashe ni." Na fada kwalla na zubo min,
"Kayi hakuri"
Yazo ya had'a karfin shi guri guda ya dauke shi tare da sab'a shi a kafada,"biyo Ni" da sauri na ji bayan shi. Muka shiga cikin ɗakin.. haka kawai naji kaina ya sara, ina jin wani irin kauri kamar an gasa wani abu, kallon dakin kake naga yana fidda wani irin hayaki, me dauke da bakin duhuwa, lumshe idanuna nayi ina kallon yadda dakin yake fidda wannan yanayin. Hatta shi ma hakan ce,.da sauri na fita ina dafe kai na.

          "Mamoon" zuɓewa nayi akan kujera kamar danyen nama, ina sauke wata irin ajiyar zuciya, kafin wani lokaci zazzaɓi ya sauko min,
"Mamoon" ya kuma kwala min kira.
"Na'am" sai ga amai, sosai nayi ta kwarawa a falon, kafin na iya rarrafawa zuwa d'akin.
"Ina ka tsaya? Baka da lafiya ne?"
"Eh.." sai ga Amai, wani irin wari da dauyi yasani kwara amai. Kafin kace kwabo, zazzaɓi da wani irin firgita ya kamani,  haka nayi ya dungure a dakin shi kam Malik komawa yayi gefe yana kallon ikon Allah. Sai da na kai minti talatin kafin na bude idanuna.
"Ciwon shi nan ba daga Allah bane, ciwo ne na mutane." Na fada muryana yana rawa,
Kura mishi ido muka yi, a hankali ya tako inda nake yace min.
"Kamar Ya? Ban gane ba?"
"Nima abinda ban gama fahimta ba kenan, amma don Allah karka bari a sani, Allah ya bashi lafiya"

Ni kaina ban san me ya kai ni irin wannan katob'arar ba, sai dai na tsinci kaina da yarda da Malik din ne zuciya daya, shi yasa na gaya mishi. A hankali na gyara saman tsaf sannan na share ko ina, na saka wasu turaren zamani na gwangwani..

Sannan na kalli Malik nace mishi.
"Kar mu kuma barin shi babu alola, ya zama jikin shi kullum da  alola"

      "Amma kasan me? Wallahi nima tun farkon ciwon na fara zargin ciwon kamar ba ta Allah bace"

Nan muka yi ta hira akan matsala duk da kasancewar shi ba me yawan magana ba.

     Bayan mun gama mishi alola, kallon shi nayi, ina kallon fuskarshi naji kamar an dake ni, sai da na kusan faduwa, sabida kwarjininsa, ga wani uban kyan da yake cika min idanuna.

  Fuskar shi nan kamar madubi, har hango shi nayi yana kyalkyali, da sauri na fice a d'akin. Ina hararan shi, ko yaushe na fara jin wannan shirin oho, haushi ma ya bani Dan ta cika kyau dayawa, na tsani namiji kyawawa. Tab'e baki nayi ina me jin haushin kaina, daga yanzun ba zan kuma yarda zuciyata ta buga akan wannan katon basamuden ba, mutum sai kace wani katon bishiyar kuka.

             ***
Malam Ansar.

Ya kai minti talatin a cikin motar shi bai tadda ita ba, dan ji yaƙe kamar zai tafi ya bar zuciyar shi a gurin, ya zaune ya kifa kanshi  da sitiyerin motar, yana ji kamar ya shiga ya dauko Almamoon, yace ya fasa aikin. Ji yaƙe kamar ya kira Shugaban jami'ar yace sun fasa, amma baki daya bashi da confidence din yin haka. Bai san waye din shugaban kasa ba. Amma daga nan ya fahimci wanda yake cikin gidan ba karamin mutum bane.

    Ya kwana da sanin cewa sojoji basu da mutunci, yanzun kana musu wata shirme zasu sake maka wuta, shi yasa ba zai iya daukar kasadar komawa gidan ba, balle su bude mishi wuta, har Dan Ba'are ya wuce yana nan a gurin.

   Murmushi yayi a karo na farko da ya tuna yadda Almamoon yake tura mishi bakin shi alamar dai yaji haushin abinda yayi mishi. 
"Ina son Yarona".ya faɗa yana tadda motar. Ya bar kofar gidan cike da kewar Mutumin nashi....  Kusan weekend sai a hankali... Ayi maneji
[7/14, 1:06 PM] RamlatArManga: 🐂🐂BOROROJI🫀🫀 
                   
~The Journey of Destiny💔~
  Mai_Dambu
BOOK ONE...

Sadaukarwa ga
  Sajidah Nijar
Samirah Nijar
OumNass
Azizah Hamza

BABI NA SHA HUƊU.

Kura mishi ido nayi ina mamakin zafaffawar shi a gare ni, ai ko babu kome ban cancanci ya jagorancin zuciyar shi a kaina ba,  amma baki daya ya kasa fahimtar kome akai na.

       "Wai tsaya ni d'anka ne da zaka na sani abinda ban yi niyya ba? Ko kuma ajiyata aka baka ban sani ba? Inda kuma babu kome a tsakanin haka toh ka tsaya a malamina, bana son"
   Shanye da toka na harare shi,.domin ya fara wuce gona da iri.
"Meye kake nufi? Wato ban isa nayi magana akan ka ba? Dan ka shigo inda baka saba gani ba? Kwaɗayi y kawo ka mata maza? Ai kowa yasan kai mata maza ne"

   "Idan rai ya b'aci bai dace hankali ya b'ata ba, Almamoon tashi ka bar gurin" inji Malik,
Juyawa yayi ya kalle,

   Mikewa nayi ina kallon Malam Ansar, idanuna cike da kwalla. Sannan na wuce ban ce mishi cikanka ba, har zan haura step yace min.
"Almamoon karka manta waye kai?"
"Na sani! Na sani!! Ni din ruwa biyu ne shi kenan? Na san waye ni ba sai ka gayawa duniya waye ni ba, nasan matsayina da Matsala ta, don Allah ka daina cutar dani akan matsalar da kasan ba ni na halicci kaina da shi ba."

Tura Ni Malik yayi na wafce kafadana, tare da kallon Malam Ansar Idanuna yana cika da kwalla, kamar wanda aka rike min baki.

     "Nagode sosai" na fada tare da barin gurin ina me jin wani irin kuka, amma haka na hadiye, ina shiga dakin da Hamma Mohan yake na nime b'acin rai din na rasa, yana tsaye a jikin window. Ya zuba hannun shi dukka biyu cikin aljuhun wando shi, yana kallon movement na tsuntsaye, sanye yake da riga da wando masu bala'in kyau grey color, sai hadaddiyar gashin kanshi da ya sauka a dokin wuyar shi,he look gorgeous, gashi yayi wata irin tsayuwar da ba zaka tab'a dauka bayi  da lafiya ba. Motsin da yaji ne ya sashi juyawa, kafin ya koma kan abinda yaƙe.

            Daukar ruwan addu'o'in da yake sha nayi na mika mishi.
Sau daya ya kalle ni sannan ya kuma dauke kanshi yana kallon yadda tsuntsaye suke shawagi.
"Karb'a Hamma Mohan"

Dake babu lafiyan bai ko motsa ba, haka ya cigaba da tsayuwa har zuwa lokacin da na isa gabansa, sai na ganni kamar irin a saka dan tsako a gaban giwa, duk sai na kasa tabuka kome, ina me mika mishi magani, ina kuma fatan ya sha, amsar maganin yayi sannan ya kalle ni, irin kallon nan na marasa lafiya.

           Kai hannuna nayi tare da tura mishi maganin bakin shi, gumtsa yayi sannan ya furza min a fuskana, sannan ya kwashe da kakkarfa dariya, yana kallona. Kamar na fashe da kuka, haka nake kallon shi.

       "Zaka gani ba zan kuma wasa da kai ba" na fada mishi ina jin kwalla na taruwa a idanuna,
Hankad'a ni yayi na fadi can sai da bayana ya amsa,kallonshi nake kamar zanyi kuka. Wato shi ko a jikin shi sai dariya yaƙe kamar zai shiɗe, haka na bar mishi gurin na fita na koma dakina, sauya kayana nayi tare da kallon kayan da ya zuba min maganin. Duk abinda zai min bai tab'a min ciwo ba, duk abinda zai min baya min zafi, asalima Uzuri na zab'i na mishi a rayuwar shi, domin kuwa ai bai da lafiya. Murmushi nayi tare da kallon kofar.

    --- A fusace ya bar gidan, zuciyar shi tana zafi, a bakin kofar fita Malik yayi mishi magana.
"Tsaya malam" cak ya tsaya,
"Meye matsalar ka da Yaron nan ne?"
"Tambaya kake nima sani?" Cikin isa da sanin waye shi yace mishi.
"Gidan nan cike yake da sojoji, tabbas akwai matsala idan ka kuskura kayi wani shirme mara fa'ida, tambaya na da kai na karshe meye matsalar ka da yaron ?"

Cikin karfin hali ya kalli idanun Malik yace mishi.
"Ka je ka tambaye shi" ya juya tare da barin gidan, sam Malik bai wani damu can ba, amma kuma kalmar Almamoon ya tsaya mishi a rai.
_Na sani na sani na sani, Ni ruwa biyu ne?_ shafa kanshi yayi yana jan iska a bakin shi tabbas akwai abinda yake faruwa a tsakanin su.

    ***
Aiki yake bayan ya cire hular shi, duk da ya maida hankali akan abinda yake haka bai hana shi kara hango gizon Mamoon ba, ajiyar zuciya ya sauke tare da kallon abin da yake a Laptop din shi, amma ba fahimta yake ba tura na'urar yayi tare da dafe kanshi.

   Idan ya fahimci yanayin da yake ciki, lumshe idanun shi yayi na wasu few seconds, kafin ya bude akan na'urar wanda yake ganin kamar hoton Almamoon ne shimfid'e a kai. Murmushin sa  yanayin Yaron kamar ba namiji ba, dafe kanshi yayi tare da mik'ewa yana me bude firjin din kusa dashi ya dauki goran ruwa,