You Cannot Download this book untill you login but you can read it .

---

Login Register

kalle shi sai ya fashe da kuka, tun yana daukar abin wasa har ya shiga tashin hankali, shi yasa ya daina subul da baka, domin yana tsoron abinda zai sami iyayen shi.

Ranar Lahadi suka saka shi a mota har da kayan abincin shi, bayan an mishi fada. Kamar kullum. Basu bar tashar ba sai da motar ta bar gaban su, suka bar tashan.

Haka suka koma gida cike da kewar dan su, me cike da al'ajabi. Karfe hudu tayi musu a garin Maradi.

Daga nan makaranta ya wuce inda ya nufi can dakin kwanan dalibai, ya nufi dakin su. Ya samu dakin akwai matasa biyu shine na uku, bai musu magana ba, ya dauki kayan shi ya shiga cikin dakin, ya shirya tsaf, sannan ya bude yar robar da yazo da shi na Abinci yaci sannan ya koshi. Sannan ya wanke shi, ya fita bayan ya gyara kayan shi ya rufe ruf ya nufi kasuwa, ya sayo abubuwan da zai bukata, sannan ya dawo dakin su.

Babu ruwan shi da kowa haka suma babu ruwan su dashi, washi gari ya riga su tashi dan haka har yayi wanka bayan yayi idar da sallah, ya zauna ya dama garin kunu yasha da yar kulin da Innar shi tasa wata makociyata tayi mishi. Yana ci yana kewar Innar tashi, bayan ya gama zuwa karfe bakwai. Ya fita abin shi har ya kai bakin kofar daya daga cikin yan dakin yace Mishi.
"Malam Almamoon! Yana da kyau idan ka shigo guri kayiwa mutanen da ka samu magana koda ba zasu kula ka ba, suna na Mubarak Habib, wannan kuma Rabilu Adam, ga dan mukulin dakin guda uku ne ni daya kai ɗaya shi daya, idan muka kasance bamu na daya nan idan kuma tsautsayi yasa ya fadi toh sai ka rike wannan, haka dai dukkan mu zamu kasance, dan haka ina maka fatan Alkhairi, Allah ya bada sa'a."

Duk sai kunya ta kama shi, ya fita tare da cewa.
"Nagode"

...... Haka suka kasance, duk da babu wata mu'amalar arziki a tsakaninsu amma kuma dukda haka suna gaisawa da tambayar karatu.

Bayan wata hudu lokacin da aka yi jarabawar zangon farko na karatun su dan lauya ya zab'a, sai da ya kasance dalibi mafi yawan maki a tsangayyar su, domin sunan shi ne na farko da A1 da maki 4.8, sai gashi ana niman shi ido rufe, wanda bai san shi ba so yake ya ganshi.
(Abinda yasa na ke kokarin d'aga Darajar Almamoon ba kome bane dayawa yaran da suka kasance irin wannan a cikin al'umma zaka samu Allah yayi musu baiwar ilimin da daukaka na rayuwa, gasu nan dai basu da wata wata kyakyawan nasana, amma sai ka samu irin su Allah yana taimakawa rayuwar, idan kaga irin su sun lalace toh daga marikan sune, ko iyayen su. Ko uwa ko Uba, sun kashe musu sa ransu a gaban idanun su, irin wadannan Yaran idan ka tsaya musu da addu'a, ka basu ilimin addinin, ka nuna musu muhimmancin rayuwa da girman ƙaddara, sannan ka nuna musu ai suma mutane ne masu yanci wallahi sai su maka abinda dan Sunnah bai maka ba, su din kamar kowa ne, idan da zaka bincika su, zasu gaya maka suna jin kunyar amsa sunan suna na masu yanci, karka sarewa irin su gwiwa, show dem suma suna da Yancin irin na me Uba... Zasu rayu cikin farin ciki, amma idan society's suka fara kyamar su. Dayawa sai su fada halin banza da aikata abinda iyayen su suka aikata koda yake wannan hukuncin malam bahaushe ne, idan namiji ne za boye mishi asalin shi musamman idan yana da kudi idan kuma mace ce har karshen rayuwar ta, tana girban laifin da ba nata ba, don Allah al'ummar Hausawa mu sauya tsarin rayuwar mu, wallahi dayawa wasu nason fadan halin da suke ciki mune bamu basu kwarin gwiwa da fahimtar su. Abin tausayi...)

Haka aka yi ta niman shi, shi kuma yana can wajen makarantar yana zaune, yana kallon yadda dalibai ke shiga ke fita, musamman idan suka leka sakamakon su, bai yi kyau ba. Abinda ya hana shi zuwa gurin kenan duk da akwai cunkoso mutane.
"Kai ba kai bane Almamoon?"
D'ago kai yayi ya zubawa mutumin da yake tsaye ido, malamin sune, mik'ewa yayi sa sannan yace mishi.
"Eh nine"
"Toh ka shiga makarantar ina taya ka murnan ka cinye jarabawar ka baki daya."
Rufe bakin shi yayi yana murmushi, sannan tacewa malamin.
"Nagode sosai" kura mishi ido malamin yayi, tunda yake bai tab'a ganin abinda ya burge shi sama da wannan dalibi nashi ba, murmushi yayi tare da cewa.
"Toh a kara himma"
"Nagode Insha Allah" haka ta shiga makarantar, malamin ba bin shi da ido, wani irin bugu zuciyar shi yaƙe, har sai da ya dafe kirjin shi, yana bin Almamoon da idanun.

D'aga motar din shi yayi yabi bayan shi har inda ake kallon sakamakon, sannan ya juya. Bayan sunyi hutu.

Sai da yayi ta damuwa da yaron ya dawo. Domin kawai yana jin yayi ta kallon yaron burge shi yake.
Malam Ansar Yusuf Alhgabit, shine cikakken sunan shi, fari ne daidai ba me yawa ba, yana da matsanancin jiki me kyau, kyakyawa ne, kamar yadda ya kasance shi din Bazabarmen ne, daga garin Zinder. Dan kimanin shekaru talatin da shida, bai tab'a aure ba.

Yana da kane da Mahaifiyar su, tana can, duk karshen wata yana zuwa gida, ya yi kwana biyu. Wannan hutun ba karamin gajiya yayi ba da gida, dan Allah ya jarabce shi da son ganin Almamoon.

Hutun sati Uku suka yi, amma Almamoon bai dawo a satin farko ba, sai a na biyu. Ya dawo ya bar Baban shi babu lafiya, kamar na zai dawo ba. Haka suka sashi a gaba ya dawo. Bai da walwala duk da malam Ansar Yusuf yayi ta tambayar shi bai gaya mishi abinda yake damun shi ba. Ranar juma'a aka tafiya masallatai Jumma'a, ya nufi tasha sai Damagaram, Alhamdulillahi ya dawo ya sami jikin baban da sauki sosai.

Rike kunnen shi suka yi tare da cewa.
"Shi mutum mara jin magana Allah ya shirya mana shi, sai mun fara zane ka da girmanka"
Cikin shagwaɓa yace musu.
"Wallahi satin nan ban san meye na karanta ba, tab mahaifina bai da lafiya ina Ni ina karatu, wallahi gudowa nayi naga halin da Ubana yake ciki laifine?"
Wannan kulawar da yake nuna musu yana masifar musu dad'i, dan haka suka ce mishi.
"Babu laifi tunda kana shan nono ai shikenan." Dariya yayi ta musu Kawai. Ranar Asabar suka saka shi a mota ya dawo Makarantar.

**
Ranar Lahadi ya fito zai tafi kasuwa ya hadu da Malam ANSAR.
"Ina zaka Almamoon?"
"Kasuwa zani!" Ya bashi amsa,
"Shigo na kai ka"
"Laa Nagode" ya faɗa tare da wuce motar, kura mishi ido Ansar Yusuf yayi ya kuma bin shi da mota.
"Shigo nace" yadda yayi maganar a dake yasa shi shiga motar cikin jin babu dad'i, ya zauna suka nufi kasauwa duk da babu wanda yayiwa wani magana amma kuma haka yayi matukar sanya Malam Ansar farin ciki, koda suka isa yayi sayayya karshe Malam Ansar ya biya kuɗin. Lokaci guda abin ya daurewa Almamoon kai.
"Malam wannan abun kamar bai dace ba, kuma idan ba zaka damu ba don Allah kayi hakuri karka kuma wallahi iyayena zasu min faɗa."

Ya fada kamar zai yi kuka.yadda yake maganar yayi matuƙar burge malam Ansar,
"Kai dube ka sai kace mace, amma yayunka mata ne ko?" Bai san ya tura baki ba, sai da yace mishi.
"Kaga abinda nake fada ba, amma kai ne auta a gidanku ko? Da alamu kai mata na biyo"

Sake fuska yayi tare da nuna mishi ya gode amma don Allah kar ya kuma wallahi karatu yazo yi ba kananun magana na,, haka suka dawo makarantar.

-- a hankali kome yake tafiya. Farin jinin shi da nutsuwar shi yasa an kuma zaɓen shi mataimakin shugaban dalibai na makaranta, duk da ko shekara bai yi ba a makarantar, a bangaren addinin sun zo bashi wani matsayi aka hada musamman masu jin haushinsa suka ce ai dan daudu ne, hatta maganar shi ta mata ce, sannan akwai wata alaƙa tsakaninsu da malam Ansar, abin da yayi mugun b'ata mishi rai kenan, ya fita hanyar malam Ansar.

A haka har suka gama aji daya suka shiga na biyu, a lokacin ma makin shi ya dara na kowa, lokacin da suka tafi hutu suka dawo, shakuwar shi da Malam Ansar tayi yawa, duk da akwai malaman da suma suke tare da Almamoon, musamman a ta bangaren addini, har tsoron shi ake idan yana karatun Alqur'an ko idan aka tambaye shi akan hukunce hukuncen addini, idan yana bayani sai ka zata babban shehin malami ne. Nan kuwa dan shekara goma sha takwas ne da ƙwaƙwalwar gigaby.

A hankali malam Ansar ya wani gari ya mutu a kaunar Almamoon, dan sau dari idan ya saka shi a gaba, da idanun shi yake sauya mishi fasali daga Namiji zuwa mace, har gani yake idan Mamoon yasha kwalliya a matsayin mace ya maza zasu yi. Dan yana girma bakin fatar shi tana kara wani irin yanayi har wani Golden Golden yake idan ya shiga rana.

Haka kawai abokan Wani dalibi da yaso a bashi mataimakin shugaban dalibai, suka nufi dakin su Almamoon suka mishi mugun duka, tare da watsa mishi kayan shi a waje, haka ya sa. Aka sami wani dalibi ya kira Malam Ansar yazo, ya dauke shi da kayan shi bayan sun rubuta Report da kome akan ɗaliban. Sannan suka nufi gidajen malamai.
"Sannun ga dakin nan ka zauna kayi wanka an jima na kai ka asibiti a duba maka jiki ko kayi rauni."

"A'a ba sai mun je ba, da sauki sosai." Tunda ya shiga dakin ya rufe kofar zama yayi yaci kuka sosai. Idan kaga yadda yake kuka sai ka tausaya mishi, bayan yayi wanka ya kwanta dan jikin shi ciwo yake. Dake ya gaji yana kwanciya barci yayi gaba dashi.

Bai farka ba sai da asuba, yayi Sallah sannan ya kwanta, karfe bakwai ya tashi domin yana jin ana shara a falon, yana fitowa ya samu wata dattijuwar bafulatana ce. Kallon juna suka yi sannan tace mishi.
"Akwai abinci a cikin dakin girki inji malam idan ka tashi kaci ga magani na baka," murmushi yayi mata sannan yace Mata.
"Nagode" kara kallon shi tayi a karo na biyu, yaron ya shiga ranta"
"Meye sunaka?" Murmushi yayi mata sannan yace mata.
"Mamoon" ya zauna yana cin abinci shi a nutse, kallon shi tayi sannan ta nufi kitchen ta dibo mishi ruwan zafin da maganin ta ajiye mishi, shigowar malam Ansar ya sashi mik'ewa yana faɗin..
"Ina kwana malam?"
"Lafiya ya jikin naka?"
"Da sauki sosai"
"Idan ka gama kazo ka wuce makarantar ana niman ka"
"Toh" ya faɗa bayan ya sha maganin ya nufi dakin ya saka kayan shi. Sannan ya fito. Suka nufi Makaranta,. Duk wanda yaga yadda Malam Ansar ya damu da Mamoon sai da suka yi magana domin kuwa wata mahaukaciyar soyayya yakewa dalibin shi, har ta kai sai da aka yi maganar a gurin ai kuwa nan Almamoon ya gaya musu cewa babu wannan tunanin a ranshi, yasan malamin shine, bai taɓa mishi wannan abu na rashin ɗa'a ba, dan haka sune suke tunanin haka.

Kuma batu na gaskiya Almamoon bai tab'a jin wani abu na burgewa....
[7/14, 1:06 PM] RamlatArManga: *🐂🐂BOROROJI🫀🫀*
                   
~The Journey of Destiny💔~
  Mai_Dambu
BOOK ONE

Sadaukarwa ga
  Sajidah Nijar
Samirah Nijar
OumNass
Azizah Idris
I'm on Instagram as @s.square_fashion_and_more. Install the app to follow my photos and videos. https://www.instagram.com/invites/contact/?i=gorfmwut2x22&utm_content=cgl6gfx

_Alhamdulillahi books dina baki daya wanda nayi su na kuɗi suna Okada akwai masu cewa suna bukata basu da Whatsp toh ga dama ta samu ku garzaya Okada na akwai su baki daya a can da sunan RamlatArManga_

_🙄🙆🏾‍♂️ Yanzun batun mata maza ya kare an koma Malam Ansar daga Taimako 😭 sai ya zama Shayyi 🙄😏_

*Assalamun Alaikum Jama'a, Ina iyayen da suke nimawa Yaransu malaman Lesson a cikin garin Kano! Dayawa basu da lokacin da zasu zauna sunyiwa yaran su extra lesson a gida toh shakurumin ku! Akwai dalibai mata shin ke Uwa ce? Indai har haka ne toh kin tab'a tunanin akan yaranki ko? Toh indai haka ne Mommy akwai Yan matan da suka kware a fanin computer, Islamic Studies! English da sauran darusa. Karki manta Yan matan nan dalibai ne, dan haka suke niman hanyar tsayawa da kafar su. Idan kika basu karki yi tunanin kome kisaka Allah a cikin lamarin zai tsaya mana Save our ladies please ku Basu damar koyar da Yaranku insha Allah zaki ji dadin haka, hausawa sunce a rashin tayi akan bar araha! Za a samu wannan damar ce idan kana garin kano a tuntube wannan Number 08147787720 mun gode only Kano sai an gwada akan san na kwarai,*

Sirrin Zuciya...
BABI NA BAKWAI.
Sai da Almamoon yayi musu bayani da irin taimakon da Malam Ansar yayi mishi, sannan ya daura da cewa.
"Bana tunanin kome akan malamina, sannan idan ma za ayi magana ne sai dai ace shi din Kamar Yaya yaƙe min, don Allah ku daina Yaɗa labarin karya akan mu.

   Wallahi Billahi azim, malam bai tab'a min kome ba, asalima Alkhairi ne a tsakanin mu, idan nace zan fadi Alkhairin shi yawa ne dashi, dan haka kuyi hakuri. Shima Malam Ansar yayi hakuri. Da bai shiga lamarina ba, haka ba zai faru ba, su kuma masu jin ba dad'i a kaina suyi hakuri." Ya fada tare da sunkuyar da kanshi.

          Hannun shi ya had'a a fuskar shi yana kallon yaron, idan ya nutsu yana magana a yangance wallahi sai ka dauka irin yan matan nan ne, Yayi imani da Allah da zai samu hutu fatarshi sai tafi haka kyau da haduwa. Balle kuma ya haɗa sabulai da mayukan shafawa.

   Kawai hango Almamoon yake cikin riga doguwa, kamar wanda aka buge kanshi ya girgiza kai yana kallon yaron da kyau. Malamai da sauran mutanen cikin dakin taron suka bashi hakuri, da kuma tambayar shi idan bai yafe ba a dauki mataki.
"A'a ni kam na yafe"
Ya fada tare da niman izinin zai fita, babu wanda ya hana shi, anan malam Ansar yayi magana me kama hankali, tare da nuna musu muhimmancin Almamoon a cikin makarantar idan har suka sake wani abu ya same shi tabbas za ayi ta.

     A kasar bishiyar lim ya same shi yayi nisa cikin tunani, dafa kafad'ar shi yayi da sauri ta cire hannun, yana karamin murmushi.
"Yallabai"
"Kaine Yallabai, me yasa ka yafe musu?" 
Murmushi yayi sannan yace mishi.
"Suna jin babu dadi ne sabida ni ba kowa bane, kuma ina zuwa aka bani Matsayin da suka jima suna so, ko ni aka yiwa haka zan ji babu dad'i balle kuma su da suke tsofin dalibai na makaranta."

"Na zata kayi hakuri ne dan kawai an baka"  dariya ce ya subuce mishi a dan karamin bakin shi. Yace,
"Wai ni din banza? Ni din wofi akwai mutane dai da su din wasu ne, na hakura ne dan bana son tashin hankali, kome ya wuce A bar zancen" ya faɗa bayan ya mike daga kujeran, yace.
"Na gode da taimako, zan koma dakin kwanan mu"
"A'a ban yi niyyar ka koma dakin ku ba, idan kuma kana zargina da abinda aka fada ne toh shi kenan ka bar gidan."

   Duk sai yaji babu dad'i, tare kawai baya son takura kanshi kuma baya son takura wani, dan haka kai a kasa yace.
"Nagode"
"Toh ka jirani na kai ka gida tunda nima  na gama" ya faɗa tare da tsare shi da idanu, diriricewa yayi ya rasa inda zai saka kanshi tunda yake babu namijin da ya tab'a mishi haka, sai ya saka Mishi jin nauyin Malam Ansar sosai.
"A'a yallabai zan biya ta dakin karatu na."
"Bana son gardama" kasa yayi da ido, baki daya ya rasa me ke Mishi dad'i.
"Toh shi kenan" ya faɗa tare da komawa gefe ya zauna, kanshi a sunkuye. Juyawa Malam Ansar yayi zuwa cikin ofishin su na malamai yaji gulmar shi da ake yi.
"Ni nafi zargin yana bin yaron nan kawai sabida ilmin shi ba wai yadda ake tsammani ba, bayan haka bana da wata manufa akan alakar su."

"Tab! A yadda duniya ta lalace nan ne zaka yi tsammanin haka? Shima munafikin yaro yasan abinda suke kulluwa, ban da haka meye zai dauki yaron jiya ya maida shi gidan shi da babu kowa sai su? Idan mai magana wawa ne majiyin shi ba wawa bane" inji wani malami,

"Zato zunubi! Kuma tunda kuka fara wannan maganar ban saka muku baki ba, amma yana da kyau duk inda kuka ga musulmai ku kyautatta musu zato, domin babu wanda yasan daidai sai Allah, tayi mu da muke fada akan abinda bamu da tabbas mune akan b'ata basu ba, wallahi mu daina kashe wutar gaban mu muna hura na wasu sam Ansar bai da mugun nufi akan Yaron, da yana da shi da tuni ya gwada akan yaran makarantar, kuma duk  idan hazikin dalibi yake kowa zai so mu'amala da shi, musamman wannan yaron da muke mishi kallon dan baiwa, don Allah mu wanke zuciyar mu kafin mu fadi Sharrin wasu mu."

"Allahu Akbar, yanzun dama ka iya wannan nasihar kake zaune anan? Baka tafi masalaci ko kasuwa ba? Toh bari na gaya maka ba zan daina yiwa Ansar kallon mutumin banza ba, akan me zai dauke hankalin yaro karami yana jan shi a jiki, yaron nan ko magana kake mishi bai tab'a baka hankalin shi sai idan Ansar yayi mishi magana zaka ga jikin shi na rawa, dan haka akwai abinda suke kullawa wanda babu wanda ya sani sai Allah."

      Shigowar Malam Ansar yasa duk suka yi tsuru tsuru, murmushi yayi sannan ya nufi inda ya ajiye kayansa ya dauka, sannan ya juya abinci.
"Ansar Yusuf"
"La karka damu ban ji kome ba" ya faɗa yana lashe bakin shi, sannan ya saka kai ya fita daga ofishin, abin yayi masa zafi, kirjin sa sai zafi take kamar an cinna mata wuta,haka ya nufi gurin Almamoon. Tare da mishi alama ya taso su tafi, kura mishi ido yayi yaga yadda yake tafiya a hankali tare da dafe gefen cikin shi, lura yayi da yadda fuskar shi yake hade kamar baya jin dadi ne. A dame yace mishi..
"Meke damunka?"
Murmushi yayi sannan yace mishi.
"Kasan jiya sun dake ni a cikina, idan na zauna sosai yana mugun min ciwo, nafi son kwanciya"
Ya fada bayan ya bude bayan motar ya kwanta. Malam Ansar ya rufe motar.
"Toh mu wuce asibiti mana"
"Da wa?" Ya tambaye shi a birkice yana zare fararren idanun shi nan,
"Akwai wani bayan kai ne? Ko akwai wani a nan ne ban sani ba?"
Ya tambaye shi yana tsuke fuska, "a'a wallahi bani zuwa su min allura, kawai ka kaini gida idan na kwanta rub da ciki zai dai na min ciwo"
"Bana son shashancin,. asibiti zamu tafi"
"Toh wallahi" yadda ya zuba mishi ido ne yasa shi kasa da kai, kamar wani yaro karami ya fashe da kuka,  yana mita.
"Ni nace ba zanje ba ka matsa min lallai naje uwar me zasu min? Ni wallahi ma barin gidanka zanyi na dawo makaranta."
"Toh Allah ya baka hakuri, sai kayi ta zama da ciwo tunda baka son kulawar da za a baka." Shiru yayi yana jin shi amma yaki magana, har suka isa gida. Babu wanda ya kuma magana da d'an uwan shi, yana shiga dakin shi ya saka key tare da kwanciya a saman katifar shi da ya dawo dashi gidan, yayi rub da ciki, kwance. Har dare babu wanda ya kuma jin duriyar dan uwanshi.
Sai washi gari. Ya fito tare da kallon Malam Ansar da yake zaune ya gama shiryawa yace mishi.
"Ina kwana? Ina da test dan haka zan fita yanzun sai an jima" ya faɗa da sauri yana barin gidan.
"Wannan yaron ko aljanu ne suke damun shi, baki daya ya kasa nutsuwa, kana mishi magana zai fita da sauri." Murmushi Baba Mari tayi sannan tace mishi.
"Yaron kuwa bai da matsala idan ka cire rashin maganar shi, amma babu wani abu na aibu a tare dashi,yanayin shi da maganar shi yana min ɗibi da na wata wacce na sani wallahi."

"Ayya! Yawwa Baba Mari kika ce min wata kika zo nima a cikin Maradi, shin kin gane inda take?". Shiru tayi sannan tace mishi.
"Har yau ban same ta ba, sai dai na kasa cire rai da ita, domin ina Ni a jikina zamu hadu, kawai abinda na sani naje inda nake tsammanin tana nan sunce min basu nan, kimanin shekaru goma sha kenan da rasuwar matar, yaron matar ma baya nan shi da matar shi. Ina cikin halin kewa da Kaɗaitaka, amma ganin wannan yaron ya sani jin kamar ina Da sauran dangi a duniya."

    Cikin jimami da tausayawa yace mata.
"Kiyi hakuri, Insha Allah zasu bayyana. Na tausaya miki wallahi. Kuma Yar uwanki ce ko?"
Share kwalla tayi tare da kallon kasa.
"A'a Ƴata ce karamar Ƴata ce, kamar wannan Yaron, har da tsayin da yanayin su, kawai shi bakin fata ne ya rabasu kamar yadda kagannin haka take jajjur da ita..wancan tsinannen dabi'ar tasu yasa na rasa ta har abada, nayi kokarin komawa inda suke amma shima aka ce basu nan, na yarda da Allah kuma na yarda da ƙaddara shi yasa na amshi abin hannu bibbiyu, ina kuma mata fatan Alkhairi Allah ya bayyana min ita, dangina kan sunyi min nisa sai dai nasan akwai wasu a iyakar kasar nan."
Ta faɗa tare da zubda kwalla, kamar ba yanzun take murmushi ba.
"Insha Allah, Ubangiji zai kawo miki mafita, shin wacce irin dabi'a ce haka?" Kallon shi tayi kafin ta zauna tayi mishi bayani, jinjina kai yayi tare da hango tsagoron rashin imani domin ban da rashin imani akan me zaka aikata haka. Hakuri ya bata sannan yayi mata sallama. Tare da barin gidan.

Yana isa makaranta, ya hango mutumin nashi dalibai sun zagaye shi, yana musu bayani. Zama yayi a cikin motar, yana kallon yadda dan karamin bakin yake motsi hannun yana bayani da ita, fuskar me dauke da dan karamin gashin baki yayi mishi cass, wani irin farin ciki ne ya kama shi, ya kara zuba mishi ido, lokacin da daliban suka shiga mishi tafi, yana murmushi.
"Ya Allah! Kai ka sanya min kaunar Yaron nan Ubangiji ka sauya min da wata ban da wannan namijin dan haukacewa zanyi." Ya fada a zauce. Kai ina ba zai iya boye sirrin zuciyar shi ba , zai gaya mishi koma yayya ne.

Daga nesa yayi mishi horn. D'ago darara daran idanun shi yayi ya zuba a kan malam Ansar, a hankali ya mikawa wata abokiyar karatun shi littafan shi. Ya nufi motar, yana zuwa ya isa inda Malam Ansar yake zaune ya kalle shi.
"Baka da aji ne Malam?" Murmushi yayi sannan yace mishi.
"Ina da shi mana, kawai ina son nayi maka magana ne, sai kuma nake ganin kamar na haukace."
"Ka haukace? Kamar ya? Bayan gaka a zaune anan din? Toh meke damun ka?"

"Shigo sai na gaya maka"
Shiga yayi yana kallon malam Ansar.
"Ka tab'a ganin mahaukaci ido da ido?"
"Eh mana, na sha ganin su,"
"Toh amma baka tab'a ganin wanda ya kai ni hauka ba?" Kallon mamaki yayi mishi sannan yace.
"Subhanallahi, me yasa kake jifan kanka da miyagun kalamai?"
"Sabida na zare?"
"Kamar Ya?"
"Sirrin Zuciya tace, zan ajiye shi har karshen rayuwata, Don Allah kar ka manta da kayi ta saka zararren malamin ka a cikin addu'ar ka, ba mamaki ko nasani saukin haukar da nake shirin farawa."

   "Toh amma ai naga lafiyar ka lau, sannan kuma babu abinda yake damunka" inji Almamoon,
"Eh mana akan idanun ka nake lafiyayye, amma a zahirin gaskiya zararre nake, idan kana jin ana zararre ni ne lamba daya. Don Allah ka sanya ni cikin addu'a ba mamaki nayi katarin samun lafiya amma na haukace sosai."

Dariya Abin ya bawa Almamoon, yayi dariya yayi dariya, shima shagala yayi da kallon yadda yake kyalkyalewa da dariya bai san lokacin da da ya tsinci kanshi da dariya ba, suka tabbata mahaukatan a cikin motar, domin daga Almamoon har Malam Ansar an rasa