You Cannot Download this book untill you login but you can read it .

---

Login Register

alamar cikin fa. Maida kanshi yayi kirjina da ya cika. Murmushi yayi yana shafa kirjin, su kam ya yarda dan sun dauke kome, har wani kumbura suka yi, addu'o'in yayi mata tare da shafe ta, sannan ya fito ya sami Abie.

Mika mishi fura da nono yayi, a hankali yake sha. Shigowar Khalil shima Abie ya mika mishi.
"Abie zama haka babu dad'i fa? Kayi aure mana"
"Hmm"
"Ko Mommyn mu zamu maka bikonta."

   "A'a Nagode"
Duk yadda suka so amma fir yaki, haka suka gama suka bar gidan.
.... Karfe biyar na yammacin na farka sannan na nufi ban daki nayi wanka, sannan na fita na nayi sallah, ina sallah naji shigowar shi. Bayan na idar na kulle kofar,  haka nayi ta zaman daki ga yunwa ga zazzaɓin da ana magarib nake fara shi dai gari ya waye, nake samun sauki.

  Cikin dare na farka nayi ta buga kofar dakin, na kasa bude kofar, karshe balle kofar kayi, suka kai ni asibiti. Anan na kwana.

***
Washi gari.
Ya shiga gaishe da Hajiya Latifah, tana zaune. Abun duniya ya dame ta, sunkuyar da kai yayi sannan yace mata.
"Ammyn ki yafe min"
"Zan yafe maka amma sai ka min alƙawarin ba zaka tab'a dawo da Maimunari rayuwar ka ba, idan kayi min haka wallahi na yafe maka."

       Da sauri ya d'ago kai yana kallonta, kafin ya sunkuyar da kanshi.
"Naji"
"Alhamdulillahi! Allah yayi maka Albarka ka tafi Maiduguri akwai Yar Kawata ka nimo aurenta."
"Toh"
Ya fada mata, haka ya fita ya nufi shashin mahaifin shi ya gaya mishi, yadda suka yi.
"Toh Allah ya kyauta"
"Amin amma kafin nace ina son zuwa naga Nahnah naji ance min bata da lafiya."

"Karka sake ka gaya mata kome ka barta Allah ya bata lafiya."
"Toh insha Allah."

    Haka ya shirya ya tafi Agadaz babu shiri. Duk da ya samu jikinta da sauki, amma sai da ta mishi maganar Maimunari, yake yayi mata.
"Zata zo Insha Allah"
"Akwai labarin da zan baka, naji labarin abinda ya sami Mamman Nasir, gaskiya ce babu bincika karya ba. Amma kuma ai Nasir ya rike shi da Amana.

Shekaru saba'in da wani abu baya.
Duk wanda ya xaga Afrika yasan bayan wasu kabilun babu kabilar da ta kai Fulani yaɗuwa a nahiyar Afirka"

Ajiyar zuciya ta sauke nauyin kafin tace mishi.
"Karka damu, idan ka shirya kazo kai da iyayenka ka iyayen yarinya, zamu yi magana da kai. Akwai abinda na gani a tattare da Yarinyar. Kayi min fatar na samu lafiya zan gaya maka yadda kome yake har ita yarinyar ta san waye Mahaifinka, sannan itama uwarka ta san waye Mahaifinka."

Ba haka yaso ba, amma haka ya bar gidan bayan ya cika ta da Alkhairi, sannan tayi mishi addu'o'in ya tafi.

***
Bayan wata uku.
Cikina ya shiga na huɗu, ina kwance bana shiga harkan su, amma yau da ya kasance juma'a ina lura da yadda suka ki kallo har wayata dauketa Abie yayi,Ni kuwa ba magana nake mishi ba, Innah tayi fadar tayi rarrashin har ta gaji, shi kuwa zuba min ido yayi.

Kuma ban da sakarci naso na kuma guduwa, amma wallahi haka na gama shiryawa, nayi ta yawo a cikin gidan ban fita ba. Haka ya zuba min ido,domin idan yace zai yi magana tabbas zai dake ni, domin zaman da nayi da shi a yanzun wallahi yana da mugun zafin rai, gashi idan yayi magana kamar saukar aya. Bana mishi musu kuma bana mishi taurin kai.

Amma kuma bana magana dashi, Mohan shi yake zuwa ya kai ni asibiti, amma shima na lura wani dauke min kai yake,haka ya sani jin na tsane su baki daya.

     Ina ganin Abie ya shirya zai fita.
"Hammah Sama'ila ina zaka?"
"Zan tafi Maiduguri ne daurin auren MOHAN"
Dama na fito daga cikin kitchen kenan rike da bowl na y'ay'an itacce.  Ban san yadda aka yi na yanki jiki na zube ba, jini me mugun yawa ya shiga zuba min kamar an bude fanfo.

    Tashin hankali,daukata  yayi tare da nufar waje dani. Asibitin aka nufa dani, Allah da ikon shi Muka hadu da Khausar. Ita ta amshi ni, shi kuma Abie ya kira Mommy ya gaya mata.

.... Washi gari tazo, ita da su Benazir. Abun dariya bata kula Abie a gaban yaran su kuwa dake Abie yana zuwa duba su, Yaran suka makale mishi, ganin halin da nake ciki tacewa Innah.
"Ina ga ko zamu fita da ita ne, na gaji da Nijar din nan!"

Juyawa nayi tare da cewa.
"Babu inda xan bi ki, idan ma fitarwan ne sai dai Baba Mari da Innah su bini, amma ke wallahi ba zaki bini ba" marin cinyata Innah tayi.
"Barta Aminatu, shikenan za a kawo miki Baba Mari! Sai ku tafi Zurich."

      Kin amsa mishi nayi tare da dauke kaina ina kuka.
"Mommy Adda Munah sai kace baby. Ta bude baki tana kuka, sai na gayawa Hammah Mohan ya ga kukar ki"

   "Innah kin ga dake Ita yar Aure ce tana min ab..." Marin bakina tayi.
"Amma baki da hankali ko? Ciki ne a jikinki kike tozarta iyayen ki? Haba Maimunari Haba Maimunari" aikuwa na kuma buɗe baki na fashe da kuka. Shigowar Hammah Mohan, a hargitse. Abie yace mishi.
"Fita kar na kuma ganin ka, mara hankali kawai. Wallahi ka bani mamaki. Idan ka yi wasa WALLAHI sai na haramta maka Maimunari har abada, dan hauka ka sake yarinya ko gidanka bata shiga ba! Sannan nayiwa Mahaifinka magana yace ba zai maka dole ba"

   "Ai Abie na zame maka dole, domin dai Maimunari uwar dana ne kuma sau dari idan aka sani niman aure sai ka auro su ba sake su."
"Mahaukata kawai."

   Karasowa yai bakin gadon yana me rike hannuna,.na kuwa fashe da kuka.
"Dan ka cuce shi shine kawai zaka zo min jeka ta cinye ka." Takaici ya ishe Abie, dan dole ya kore Mohan, amma dan bakar jaraba yana kofar d'akin.

    Da yamma haka Hajiya Lateefah ta biyo ni har asibitin taci zarafin mu, babu wanda ya tanka mata, sai dai bayan tafiyarta ne, dake tace min Ni da Mohan sai a lahira idan ana zaman aure mayi. Shine na fara aman jini.

Dan haka Abie ya tafi Maradi ya dauko Baba Mari,  ya kaita gida dake Innah da Mommy suna kaina, itama kanta wannan karon Mommy tayi kokari, ta saka an daure mahaifar, ita tayi ta shige da ficce, har gurin Primer minister, wanda al'umma suka hana shi barin aiki. Ta nime ya saka hannun, sannan sun tattauna dashi, ya fahimce ta sosai ta koka mishi a matsayin ta na uwa da kuma halin da Yarta take ciki. Kuma ya gamsu.

    Dan haka tana dawowa lokacin, Abie ya kawo Baba Mari, suka haɗu da Mommy, ta gaishe ta a fisge kasancewar suna tattauwana da wasu likitocin, aka kuma amince da kome sannan ta dawo dakin, kallon juna suka yi, cikin wani irin ta shin hankali Mommy ta rungume Baba Mari.

Kuka suke baki daya, kafin suka nutsu. "Ikon Allah! Munyi gudun abin kunya, yau gani na rike abin kunya da hannuna. Gudun abin kunya bayan mun tafi Allah yayiwa Malam rasuwa, tare da fatan zaki nime mu, amma bayan na gama takaba, na dawo Nijar . Naje gidan su Khalid baya na karshe na samu labarin yayi aure sun koma kasar waje da matar, bayan wani lokaci na koma aka ce min sun zo sun. Koma Mahaifiyar shi ta rasu.

Ban kuma komawa ba, na barwa Allah duk inda kike zai dawo min dake, shine wata rana ina yawon niman mafaka, Malam Ansar ya buge ni, karshe da yaga bani da matsuguni ya bani matsuguni a gidan shi, har Allah ya kawo min Almamoon, lokacin tana mata maza!"

Sun sha kuka sannan suka zauna  suka tsara yadda tafiyar zata kasance, tunda su Yumnah sun samu hutu a tafi dasu. Ita kuma Mommy ta zauna a nan ita da Innah tayi tsalle tace bata zama, bakin aikin ta zata koma.

Haka kuwa akayi. Suka tattara suka tafi. Ko Mohan bai san inda suka tafi ba, karshe itama Mommy tafiya Saudiya tayi.

*
Kuka take kamar ranta zai fita idan ta ga yadda Hanan ta koma, sai ta ji zucuyarta yayi nauyi sai ta ga bayan Hajiya Lateefah, Mohan, Maimunari, sam Hanan ta koma kamar wacce ta shekara dari tana jinya,  duk inda suka shiga sai ace su koma wanda suka yi niyyar tab'awa ne ya dawo musu da kayan su.

Yau ma sun gama wahalar duba inda za a saka mata jini, yaki samuwa, can kuma ta kama amai kore shar, kafin tace.
"Aniyata ta zata koma kaina" daga haka bata kuma magana ba, sai warin da ya cika d'akin. Koda aka duba kayan cikinta ne ta kasaye shi, abin tausayi haka Yarinyar nan ta mutu, hauka tuburan uwarta tayi, tana cewa.
"Sai na kashe su, sai na kashe su"

Itama rufe ta aka yi a daki...
(Ramin karya kurarre ne inji bahaushe)
**
"Mohan wai ya zan maka ne? Sake ta kayi fa!" Inji Hajiya Latifah,
"Toh Ammyn ki kuma nima min wata"
"Anya yarinyar nan ba mayya bace? Ya daga kawai an gaya maka ta fadi zaka sake yar mutane..... *KAINA NA MUGUN CIWO A SAKA NI ADDU'A 😓🤮*
_KU FAHIMTA MANA SHUGABAN KASA FA AKA BINCIKO LABARIN SHI AKAN SHIMA KAMAR MAIMUNARI CE DAN HAKA A DAINA RUDEWA PLEASE IDAN KUKA YI HKURI ZAKU JI KOME🤭_

#Mai_Dambu
[8/14, 8:18 AM] +234 815 778 5691: 🐂🐂BOROROJI🫀🫀

~The Journey of Destiny💔~

Mai_Dambu

Sadaukarwa ga
Sajidah Nijar
Samirah Nijar
OumNass
Azizah Hamza....
_Don Allah ina niman wata baiwar Allah daga lafia takirani sati daya zuwa biyu da suka wuce idan ta ga sakona don Allah ta min magana 👏🏼_

BABI NA HAMSIN DA TARA

ALLAH KA RUFA MANA ASIRI RANAR JIN KUNYA! YA ALLAH KARKA KUNYATA MU RANAR DA BA ZAMU IYA KARE KAN MU BA! DUK WANDA YA NUFE MU DA SHARRI UBANGIJI MUNYI TAWWAKALI DA KYAWAWAN SUNAYEN KA KA KARE MU BA DAN MUN ISA KO MUN KAI BA! YA ALLAH KA JIKAN IYAYEN MU DA NA YAN'UWA MUSULMAI BAKI ƊAYA 👏🏼👏🏼👏🏼
ASSALAMUN ALAIKUM....

RANAR DA BA ZAN MANTA BA...

Na gani a jikin littafin farko da na dauka.
_Ba zan manta ba, kasancewar Tabbas ban san kuskuren da nayi a baya zai saka ni kuka a gaba ba, duk da ba laifina bane! Sai dai babu macen da za a keta alfarmarta bata yi abinda nayi ba! Duk inda aka kai aka kawo karshe dai nice mai daukar laifin.... Ya Allah karka kamani da laifin da zuciya ta kai ni! Ina kewar abinda na haifa_

Tsayawa nayi ina kallon kwanar wata da ranar da tayi rubutun, kafin ta cigaba da cewa.

_Iyayen mu Fulani suna da kunya da YAKANAH amma basu tsayawa ya'yan su, musamman idan ƙaddara ta faɗa musu! Da ace bai tafi dani ba da babu abinda zai faru! Yayi nasarar juya min duniya ta! Ban san cewa fad'a mishi ba sai da Khalid ya fahimtar dani! Duk da ya cutar dani a lokacin amma dan shi da shi kan shi sune maudu'i na_
Idan na fahimta tana son Abie ne? Idan na gane dama can ta fada kaunar shi!

Mutumin da ya cutar da kai, ban da mahaifina ne sai ka kai shi bango. A hankali na bude shafin gaba.
_Sai dai kuma zuciya tana son mai kyautatta mata. Khalid yayi nasarar samun matsuguni a raina, na kuma manta da duniyar shi wancan burkina Abinda na haifa na kuma saka shi a ido ko sau daya ne! Burina na daina kuka idan na kwanta, na daina mafarkai akan abinda na bari, ina zanga Iyayena?_

Tayi tambayar kamar tana bawa wani labarinta,a hankali nake bude shafi bayan shafi idan na gama wannan na bude wani, nayi kuka nayi bakin ciki, na tausaya mata. Ina son Mahaifiyata. Duk inda zata yi rubuce-rubuce zata ajiye har da kwanan wata da shekaru, littafin na karshen da na duba shine ya tsaya min a raina.

_A ranar da aka kawo ta asibitin akan matsalar fyade ban san ya aka yi zuciyata ya karkata akan ta ba, sai dai kawai na tsinci kaina da son binciken lafiyar ta, a nan na Fahimci tana da angurya, garin a shigeta ne ya fashe har bakin farjinta ya ji ciwo! Abin ya tsaya min a rai shi yasa na roki abokan aikinsa mika mata aiki! Sai dai kuma yarinyar ta kuma tafiya abinta! Ina son ta_

Tsayawa nayi tare da fashewa da kuka, ina rungume littafin. Sai da Yumnah ta shigo. Ta zauna a kusa dani.
"Adda Munah! Mommy tana sonki sosai, ki daina kin kulata tace zata zo!" Kallon yarinyar nayi domin ban san me zance mata ba,.banbancin mu da yarinyar ita fara ce kuma tana kama da baban ta, hatta gashin goshinta irin nawa ne, sajenta da (Kai Bororoji fansa musamman matar Sadeeq ko Matar Yau wai na gaya mata spirit din da alamun yake shafawa gashin baki yake tsirowa 🤣🤭 very funny 😂🤣 Wayyo Allah na, wato mutanen nan ba zaku kashe ni da dariya ba🤣😂)

"Didi Yumnah jeki wasa zan kiraki anjima" da sauri ta fita na dauki littafin na karshen da nake dubawa.
_Ranar da na ga daurin auren yarinyar a tv sai da nayi sallah nafilla ta tsaya min a rai, tausayin ta da Sonta sun cika min zuciya. Ban sani ba ko dan tana yanayi da nice oho! Sai dai kuma washi gari bikinta da kwana biyu aka kawo ya cikin rai kwai-kwai mutu kwai-kwai ya sani jin tashin hankali! Da naga Mutumin nan da ita sai naji kome ya dawo min sabo! Ban tsinke ba sai da ya gaya min ita din Rayuwata ce!_

Kifa kaina nayi a kan littafin ina kuka,
Sannan na bude shafi na karshe.
_Ta kai mu kotu! Wallahi ban ji tsoron kome ba! Da farko na razana amma dake nasan yanci take nima na bata goyan baya! Allah ka huci zuciyar Maimunari idan ta ga wannan sakon! Ga takardu da risitai na shigowata Nijar nimanki da Iyayena sun tafi sun bar ni! Ban kuma tsinkawa da ita ba sai da ta nime barin mu! Idan Maimunari ta ga sakona ta yafe mana!_

"Ni din banza Ni din wofi! Ni din wacece da ba zan kaunaci iyayena ba! Shi ma da uwar shi ta cutar dashi bai rabu da ita ba, bai tsane ta ba, sai ni Ya Allah ka yafe min" na fada ina kuka, mik'ewa nayi na fito falon, na same su, suna hira.

Ina zuwa gurin Abie na zauna tare da kwantar da kaina a jikin shi.
"Abie kace ta tashi min gurina ne?"
"A'a didi Yumnah! Ki bar Addah Munah ta kwanta kinji!" Inji Benazir.
Tura baki tayi tare da cewa.
"Abie kace Addah Munah ta tashi a jikinka"
"Toh tashi bata so!" Kwalla ne ya cika min idanuna,
"Shikenan" na fada tare da mik'ewa zan bar gurin.
"Addah Munah!" Kallonta nayi.
"Kiyi hakuri, zoki zauna"
Haka na koma jikin shi na kwantar da kaina ina kuka.
"Abie ina son kane na!"
"Toh suma suna sonki"
"Abie kayi hakuri"
"Ya wuce"
"Abie nasan nayi laifi. Shi da yake na miji bai bijirewa mahaifiyar shi ba sai ni, Abie ka yafe min"
Murmushi yayi yana dafa kaina.
"Babu kome"
Haka na sha kuka sosai. Jikin shi sai da barci ya dauke ni, sannan ya gyara min kwanciya, a kujeran.
*
Auna jininta Khausar tayi cikin tausayawa ta kalli mahaifiyar tatta,
"Sannun Ammyn ya jikin naki?"
"Da sauki! Khausar kicewa Mohan, yaje Agadaz akwai yar kawu Shagari ya aurota!"
"Ammyn ki kyale Hammah Mohan,matukar kika nace zai auro ta amma zai sake ta."

"A'a ba zai sake ta ba" ta faɗa tana sauke numfashi.
"Assalamu alaikum" suka yi sallama shi da Khalil. Zubur ta mike tare da kallon su.
"Yawwa Khalil, gobe Insha Allah ku tafi Agadaz ku nimo auren Yar Kawu Shagari."
"Toh Allah ya kai mu"
"Mohan kayi ƙoƙari ka ga yarinyar tana da nutsuwa sosai."
"Toh" ya faɗa mishi.
"Khalil kaina ba yarinyar nan zaka auro ba ko?"
Shiru yayi sannan ya sunkuyar da kai.
"Me zaka yi da Zuri'ar su! Suna da mummunar nasaba."
"Ammyn ita yake so, kuma mahaifiyar shi da mahaifin shi sun amince ina ruwanki da bashi shawara? Iyayen shi sun san abinda ya dace da don Allah ki kashe matsalar mu da kika Kunno mana shi." Inji Radiyah da tafito daga cikin dakin su,
"Toh Allah ya baku hakuri, bani na hana Safwan aurenki ba, Allah ne ya nufa ba zai aure ki ba "
"A'a Ammyn kece sanadi da baki tozarta sirrin Maimunari ba da babu mamaki babu wanda zai ki auren mu, gashi ko makaranta ban isa na shiga ba, nuna Ni ake da yatsu."

"Toh dan an nuna ki laifi ne? Dama can kin fi karfin matsiyaci ke ba sa'ar shi bace!" Cikin jin haushi ta bar falon, domin zata iya yin abinda bai dace ba, baki daya yayunta sun zubawa Ammyn idanun, sai bakin mulki take da rayuwar su, tun ranar da taje aka kafta mata tijara a gidan su mijin Khausar take kwance ba lafiya.
"Ammyn zan tafi aiki domin yau aikin dare gare ni" ta shiga hada kayan aikinta ta saka a jaka.
"Toh ayi ta kwalliya dai domin ba zaki koma gidan da a san darajar ki ba! Gwara ki samo mijin kera sa'a, wanda zai nunawa Abdullahi yafi karfin shi"

"Ammyn nifa ina son mijina, kuma ban ga laifin mahaifiyar shi da tasa shi ya sake ni ba, dan haka babu namijin da zan kula wallahi mijina nake so, ni ba Hammah Mohan bane yaga zai iya, yanzun Salman da Haddir da basu tare damu ai hankalin su kwance domin zasu iya fuskar rayuwar da muke, shima Abbu naji yana niman aure, kuma ya ce min yarinya ce karama yar Sarkin Maradi"

Mikewa tayi zubur kamar zata tashi sama,
"Yarinya karama? Ya rasa abinda zai sai auren yarinya karama, ai budurwan zuciya ce!"
"Allah! Kina iya tozarta matar d'anki ma, balle matar da zan aura ranar juma'a daurin aure, ga katin nan"

Ya mika musu yana kallon su.
"Mohan naji ance kayanka zasu shigo ta kwatano, Allah ya taimaka."
"Amin Ya Allah"
"Yallabai don Allah ka saka baki yayi aure"
"A'a keda dan gwal dinki! Ai duk abinda kika zab'a mishi zai bi, yaro mai biyayya haka"

"Wallahi baya jin magana nace yaje Agadaz yaki min"
"Toh kai dan gwal kaji Maman ka"
"Insha Allah zan je"
Haka ya fita ya barsu, itama khausar ta tafi aikinta, suma suka wuce shashin Mohan, tunda ya kwanta, ya kurawa sama ido bai kuma magana ba.
"Khalil nasan kana sane da inda Maimunari take, amma kaki gaya min meye nayi da zafi ne?"

"Wallahi ban sani ba, muna chat da kome da Beenah amma bata gaya min ba, sai dai idan na tambaye ta zata ce min da sauki."
Tashi yayi zaune, tare da kallon shi sannan yace mishi.
"Don Allah ka mata magana ta turo min hoton Matana mana"
"Toh bari na dubata."

Yana bude data ya fara duba ko tana online, aikuwa ya hango ta, ta daura hoton Maimunari,

Mika mishi wayar yayi yana kallon ta, sanye take da doguwar riga, ta yane kanta da farin mayafi.
"Ya Allah! Kai kasan dalilin cusa min kaunarta a raina! Ubangiji ka tabbatar da zama na har abada a rayuwar mu"

"Amin Ya Allah Mohan" inji dan Ba'are, kwanciya yayi yana kallon fuskarta, cikin sabon kaunar matar shi.
"Yar budurburdu dina"
"Toh toh ya hakuri bani wayar na yi magana da yar kwailata"

"Dan iska"
Ya cilla mishi wayar ya cigaba da kwanciyar shi, idanun shi a rufe, yayi tare da tuno daren da ya tsaya mishi a rai, yarinyar ta bashi hadin kai sama da kome a rayuwar shi, ta yi hakuri da shi a daren kuma ta dauke laluran shi, tun daga ranar bai kuma jin wani sha'awa na mace ba, bai kuma kallon mace da sunan bukata ba, mace daya ya so a rayuwar shi bayan ita kuma Allah na tuba ba zai kuma jin dadin wata ba.

***
Haka Ammyn ta sashi dole ya tafi niman auren Farisa, cikin girmamawa aka yi bikin, ranar da aka kawo mishi amarya Mohan ya mika mata takardan sakinta cikin mutuntaka, sannan ya shure kama yayi tafiyar shi Dubai, sai da yayi sati Uku me kyau sanan ya dawo. Ya sha masifa babu iyaka, nan ma yace mata.
"Idan akwai wata yarinyar ki hadani da ita zan aureta."
"Ni na haɗaka da wata ka je ka sake ta, ai na yafewa Maimunari kai ka jira dai duk ranar da ta bayyana sai ka je ka zauna da ita."

***
Zuwan Mommy ya rage min damuwa, abinka da likita babba, ita tayi ta daura ni akan magani. Matsowar bikin Benazir da Khalil ne yasa, hankalin su yaso rabuwa biyu, dan haka Abie da dan uwan Baban su, suka tsayar da magana akan ayi hakuri na sauka lafiya, lokacin Itama Beenah din zuwa lokacin ta gama karatun ta.

Sosai Iyayen shi suka amince, Kum basu wani d'aga hankalin su ba, haka aka Cigaba da shirya jiran haihuwata.

... Matsa min kafa take, a hankali. Tana bin karatun Alqur'ani karatun Shaikh Jafar Mahmud Adam Marigayi, a hankali take bin shi a cikin suratul Rahama, lokacin da tazo akan wata ta goma, inda Allah yace shin mai dan adam yake bukata wanda Allah bai bashi ba.
"Ya bani Uwa ya bani Uba, ya bani kane, ya bani rai da lafiya.....
🤭Kuyi hakuri kunji.... Raina ne ya sosu, Insha Allah ba zan kuma ba🌚🌝 saura Page daya na tafi hutu 👏🏼 Don Allah ina bawa mutanen grp din Kishi INSHA Allah ina gama wannan zaku ji ni 😏🤸 kwana biyu ban kafta rashin daraja ba, wallahi har kaikayi nake ji😂🤣
#Mai_Dambu.
[8/14, 8:18 AM] +234 815 778 5691: 🐂🐂BOROROJI🫀🫀

~The Journey of Destiny💔~

Mai_Dambu

Sadaukarwa ga
Sajidah Nijar
Samirah Nijar
OumNass
Azizah Hamza....

BABI NA HAMSIN DA TAKWAS.

Kura mata ido yayi yana mamakin yadda Allah ya daura mata son kanta, sunkuyar da kai yayi yana kallon shaddar jikin shi.
"Zan nima maka maganin ko kurwanka ta kama  ta sake maka shi, Insha Allah wannan masifar da me yayi kama."

     Bai ce mata kome ba, haka dai ta gama masifar ta, yayi mata sallama ya bar gurin. A cikin kwanakin bai da lokacin kanshi domin tun da ya rabu da Maimunari ya ajiye aikin soja, sai ya koma kasuwanci, kuma dama yana kasuwancin bai mai da hankali bane. Amma yanzun da ya mai da hankali yana ganin Cigaba sosai.

     Yau da la'asar ya shirya zuwa duba Maimunari, yana isa da kayan marmari da ya kawo mata,ya samu basu asibitin. Ya tambaya aka ce ba. A  san inda suka tafi ba,bai kuma tabbatar da ya rasa Maimunari ba sai da yake gidan Abie ya samu a rufe nan ya gane cewa sun tafi da ita wani gurin ne, haka ya kira Khalil ya gaya Mishi. Amma babu wani labari, da ya sami Abbu da zancen cewa yayi.

"Ban san inda suka tafi ba, amma koma yayya ne ai Mahaifiyarka ta bukaci haka, dan haka idan na isa kuma na haife ka ka kyale musu yar su ta huta, ita ba matar ka bace Yanzun sannan kuma ba zai yiwu uwarka tana tozarta su ba, dan haka na gargade ka da ka fita hanyar ta, ko kuma na sab'a maka."

  "Amma Abbu!" D'aga Mishi hannu yayi tare da cewa.
"Itama iyayenta suna SONTA, kuma babu wanda zai yarda ayi ta wulakanta Mishi d'a. Dan haka ka tafi ka zauna da uwarka ita ka barta da nata iyayen, saboda kai ta saka su a kotu, saboda kai ta wulakanta su, duk sabida soyayyar ka. Indai har zata aikata haka saboda tana son ta dawo rayuwarka amma uwarka taki meye yasa ba zaka kyale ta ba? Me yasa ba zaka hakura da ita ba? Tayi kokari tayi kokari. Don Allah ka kyale ta ta huta Ubangiji ya bata wanda ya Fika kai ma Ubangiji ya baka wacce ta fita."

       Jikinsa ne yayi mugun sanyi, sannan ya mike a hankali tare da nufar hanyar waje.
"Insha Allah na hakura da ita, Nagode sosai Abie"

    Tun daga ranar yayi wani irin sanyi, magana ma bata dame shi ba, baya harka da kowa sai Khalil shima sai yana gari,.ana cikin wannan yanayin me niman auren Radiyah, suka turo har an gama magana, amma mahaifiyar yaron ta tawo da kanta, har gurin Hajiya Latifah.

   Bayan sun gaisa tace mata.
"Hajiya Lateefah nice Mahaifiyar Safwan kawai jiya Mahaifin shi yace min sun zo nima Mishi auren yarinyar da yake nima bai gaya min ba sai da suka gama magana. Toh gani nan nazo na gaya miki gaskiya. Bana son had'a zuri'a dake! Ba dan kome ba sai dan mijinki shege ne bai da asali"

"Keke!"
"Ke yi kasa da muryanki! Indai har uwa irinki zata kashe auren danta ranar da ya kwanta da matar shi, meye laifina dan nazo akan a fasa auren dana da Yarki a? Dan haka ita