You Cannot Download this book untill you login but you can read it .

---

Login Register

gidan su, shi yasa bai rena kuka. A hankali yake walking a cikin  harabar asibitin hannun shi zube cikin aljuhun rigar shi. Karar wayar shi yaji sannan ya dauka.

   "Ya?" Ya tambaya,
"Ya me jikin?"
"Am think da sauki"
"Mohan anya kana kula da lafiyar shi kuwa?" Inji dan Ba'are,
"A'a Alhaji ina ganin me zai hana ka kwashe min albarka tunda ka bani aiki na gaza" ya faɗa tare da shafa kanshi,

"Toh tunda haka ne ai gwara Ansar yazo gare shi" ya caka mishi bakar magana yadda shima zai ji zafi, tsaki yaja tare da katse kiran, yana me jin haushin Dan Ba'are kuma yadda yake ji da zai same shi dan Ubanshi sai ya kirb'a mishi naushi a fuskar shi. Da dan sassarfa ya nufi cikin asibitin.

Yana shiga ya same ni na cusa kaina a tsakanin cinyoyina ina kuka, banging kofar yayi da dan karfi wanda ya razana ni. Na d'ago kai ina kallon shi wani b'ata rai yayi sama da koyaushe.
"Oya dauki tea ko na zane ka" ya nuna min kofin, kallon shi nayi naga yana niman inda zai zauna. Bayan ya leka inda yake saka cajin shi. Wayar cajin ya dauko. Ban manta ranar da Malam Ansar ya zane ni ba, jikina yana rawa na dauki shayin. Na kafa kai na fara sha, yayi sanyi toh kuma  sai na fara jin zan yi amai.

   "Idan ka sake ka min amai sai na zane ka" ya zaro min idanun shi. Gyada mishi kai nayi tare da kurb'an ruwan tea din, ina sha ina shafa wuyana. Ina gamawa na je ajiye cup din kawai ya fadi kasa, ya tarwatse. Kafe ni yayi da ido.
"Kayi hakuri ba da gayya bane"
" A cikin albashin ka" ya faɗa min tare da dauke kan shi. Tunawa da nayi, ina aiki dashi ne dan na saya mana gidan da zamu zauna na budewa Babana shafi saura kadan na karasa kudin gidan ban san lokacin da na fashe da kuka ba. Domin nasan kawo ni asibitin ma da kudina ne.

       "Hammah Mohan" a masifance ya kalle ni, sunkuyar da kai nayi ina kallon kasa. Share ni yayi ya cigaba da duba wasu takardun shi, yana turawa a Laptop din shi, da na gaji kwanciya nayi ban san lokacin da barci yayi gaba dani ba.

             Jin ya daina sauraron kananun kukan shi ya sashi d'ago kai, sai ganin shi yayi yana barci.mikewa yayi tare da gyara mishi kwanciyar shi, ya lullube shi sannan ya koma ya cigaba da aikin shi. Wayar shi ce ta dauki kara, ya kurawa Number ido, wanda ya saka.
"Abbu" cikin sanyin jiki ya dauka tare da sallama.

"Babana ka kyauta? A ce tsawon lokaci bamu nime ka ba kai ma ba zaka nime mu ba? Toh duk inda kake ina son ganin ka cikin sati me zuwa kana jina?" Gyada kai yayi kamar yana gaban shi yace mishi.
"Afwa Abbu Insha Allah"
"Khalil ne ya bani Number ka da ba zaka tab'a niman mu ba, ina kewar ka."
"Nima haka" ya faɗa a sanyayye, kafin suka yi sallama,

   Har zai ajiye wayar yace mishi.
"Abbu don Allah karka gayawa kowa na sami lafiya kawai ka bari na zo da kaina."
"Insha Allah" ya faɗa a sanyayye kamar Mohan din, kashe wayar yayi tare da kura mishi ido, yana kewar shi sosai. A fisge ya kalli inda Almamoon yake kwance yanzun dai ganin likitan da yake son ya kai Almamoon ya fasu kenan.

         Tunda sun tattauna da Dr Hisham Hadid, ya haɗa shi da wani likita a China Dr Zenrog Chuo a garin Yunnan, amma babu kome insha Allah zai fara tuntubar iyayen yaron dai yana komawa dashi gida gaban iyayen shi zai kai shi kuma su saka idanu akan shi.

         Kaf idanun shi yayi akan hotunan da Dan Ba'are ya gama hada mishi kome, murmushi yayi sannan yace.
"Best friend like no other" yana gama abinda zai yi ya Laptop din ya fita tare da zaga garin.

Bayan fitar shi da awa daya na farka, tashi nayi sakamakon ciwon cikin da ya dame ni, sosai nake jin ciwon kamar zan yi hauka. Haka nayi ta fama har nurse biyu suka shigo. Ganin basu shawo kan matsalar ba suka fita, sai ga likitan sun zo dukkan su mata ne..

   Sun jima a kaina kafin suka shiga tambaya na.
"Al'adar ki dama haka yake miki da ciwon ciki?" Gyada masu kai nayi. Tambaya ma marasa kan gado sai dai abinda na Fahimta suna min kallon mace ce sai da Dr Hisham Hadid ya shigo ne suke gaya mishi.

Nan take gaya musu matsalar da nake fama dashi na jinsi biyu sai na zama abin al'ajabi a cikin asibitin domin sun gama tare da saka min ruwa da allura, na fara barci. Bai shigo ba zai karfe bakwai na dare.

Lokacin kuwa ina jin kamar na jika jikina baki daya, kuka nake sosai domin babu kowa a tare da ni, kuma bana son daurawa nurse din damuwa, shigowar shi ya same ni ina shashekar kuka. Takowa yayi a hankali yana kallon fuskana.

          "Ya ilahi sowie me kake bukata?" Ya tambaye ni,
"Ban daki zan shiga ina son na gyara jikina."
"Ok ok!" Ya shiga ban dakin ya gyara min ko ina, sannan yazo ya d'aga bargon tare da taimaka min zan sauka idanun shi ya sauka akan farin zanin gadon.

      "Me...me...me.. zan gan..." Kura mishi ido nayi domin bai san halin da nake ciki ba. Sai yau ban san yadda aka yi kunya ta kama Ni ba, na fashe da kuka tare da komawa zan zauna. Cak ya d'agani tare da nufar hanyar ban dakin ya ajiye Ni a bakin jacuzzi tub din da ya cika da ruwa me zafi, sannan ya fito cikin kyankyame ya tattara zanin gadon,  ya bude wardrob din dakin ya ciro wani ya shimfid'a min sannan ya kawo ban dakin bayan ya buga kofar, gyaran murya nayi. Na nutsa ruwan zafi ina jin wani irin dad'i kamar zan yi ihu domin jikina ciwo yake kamar an murkad'e ni.

     A hankali nake wanke jikina bayan na gama na daura babban towel, a hankali na bude kofar bayan na rufe kaina, ganin zanin gadon nayi tare da tsugunawa na dauka. Sannan na shiga ban dakin na fara ƙoƙarin wankewa. Hannun shi naji a saman nawa.
"Ba aikinka bane, ko nace ba aikinki bane aikina ne ko kina kokarin b'oye yanayin ki ne?"

              A hankali na fara ƙoƙarin tashi a tsugunon, amma dake shi din Kamar bishiyar kuka ne sai wani kewaye juna muke. Da sauri na juya, kamar zamu shige jikin juna. Ya tsare min hanya, jikina ne ya shiga rawa,
"Relax!" Ya fada min yana niman kwayar idanuna, babban damuwar hannuna daya yana kan towel din kaina da na rufa daya kuma yana rungume na kirjina, domin har kwanjina yake.
         Lallubar hannu na yayi tare da daura min pant da audugar matan, yana ƙoƙarin na d'ago kai na yaga yanayin da nake ciki amma fir naki asalima kokarin rike towel din nayi tare da cewa.
"Hammah" ƙaran wayar shi ya sa shi juyawa zuwa waje, da sauri na jingina da kofar jikina yana wani irin rawa, tare da lumshe idanuna, na dauki Pant ɗin na daura audugar na saka, sannan na bude kofar da niyyar fita, ashe shima yana bakin kofar yana son ya buga kofar dai gashi ya buga goshina,  cikin wani irin tsoro naja da baya tsantsi ya kwashe ni.
       "Hammm!!!" Na fada da karfi tare da sake towel din kaina, na tafi da baya na kirjina kuwa na rike gam, wani irin riko ya kaiwa k'uguna,  a tsorace na fada kirjin shi tare da sauke wata irin ajiyar zuciya. Cak ya d'ago ni, wani irin rawa jikin shi yake karon farko da ya kusanci wani abu me sunan kusanci. Shima din na mata maza,  a sanyayye ya kai ni bakin gadon yana kallon yadda gashin kaina ya baza fuskana na da jikina baki daya naki yarda mu kalli juna ma balle naga katob'arar da muka yi, wucewa ban dakin yayi ya wanke kayan da na b'ata, kafin ya fito har na gama shiryawa kuma ina kyautatta zaton ya bani damar ba shirya ne, dan haka ina gamawa ya fito.

   Ya shanya kayan a ban dakin, ya zo ya zauna yana kallon yadda nake juya kafana, mik'ewa yayi yana me zama a bakin gadon ya shiga tausa min kafar, kwanciya nayi tare da lumshe idanuna, a hankali barci yayi gaba dani.

     ***
Niamey.
Yana wayar ta shigo bata san da wa yake ba, dan haka yana gamawa ya zuba mata ido.
"Mai gida dawa kake waya haka ka saukar da kanka kamar shine sama da kai?"

Bai yi mamakin maganar ta ba amma yayi al'ajabin yadda take Mantawa da halin da Yaron su yake ciki.
"Kina waya da su Haddir kuwa?" B'ata rai tayi tare da cewa.
"Idan ma sabida su ka tsayar dani sai an jima, Lateefah" cak ya tsaya.
"Kaga Ni zan tafi bikin yar gwamnar Jahar diffa wacce dan ministan ilimi ya aura sun turo min katin dinner zan tafi!"

     "Allah ya shirya ki" ya faɗa cike da mamaki, domin kuwa yasan halinta.

    "Assalamu alaikum! Sannun Yallabai, kai ɗaya ne?"
"Eh Safiya"
"Yallabai ga wasu takardu ko zaka Duba mana su na kwangila ce."
"Toh kin san dai na dauki hutun karshen shekara idan na sami lokacin xan duba."

"Yallabai yana da kyau ka duba, nasan da ace Hajiya Lateefah ce da ka duba amma dake Ni bani da arzikin ka duba shine ka ajiye min." Ta fada tare da mik'ewa tana me son fita.
"Idan Allah ya kai mu nan da wata me zuwa zanje duba Mohan" ta faɗa tare da kallon shi ko yanayin shi. Bata rai yayi tare da mik'ewa yana jan tsaki, murmushin jin dadi tayi tare da bin bayan shi da ido.
"Har yanzun tarkona yana kan kama kurciya."

Ta fita daga falon, tana me jin lallai tana da Sa'a shi yasa ta rike wuyar primer minister.

   ***
Damagaram.

"Malam yau watan Almamoon biyu bai zo ba bayi aike ba?" Inji Innar shi.
"Insha Allah duk inda yake zai dawo cikin amincin Allah"

Shiru suka yi sannan suka shiga wani zancen duniya,

   Sosai yake nuna mata fa'idar yarda da ƙaddara me kyau kalmar kyau, tare da labarta mata abinda yake faruwa.

   ****
Riyadh.

  Wasu kwanakin da suka tawo Alhamdulillahi naji sauki sosai asalima kokarin barin kasar muke,domin dai ina fita waje daga haka bana zuwa ko ina.  Ranar wata Alhamis aka sallame ni, sannan muka shiga cikin garin Makka nayi Umrah, bayan mun gama muka juyo.

     A hankali nake takawa shi kuma sai sauri yake, wani dan kasar Mali ne ya riko hannuna.
"Kai dan kasar Mali ne?"

    Juyawa nayi ina kallon Hammah Mohan yayi nisa.
"A'a Ni daga Nijar nake!" Na fada mishi ina ƙoƙarin kwace kaina,
"Toh me ka zo yi?" Ya tambaye ni, yana ja.

"Sake ni na tafi" ina kara bin hanyar da Hammah Mohan yabi, dake lokacin dare ya fara, domin bayan sallah isha ne.

"Hammah Mohan!!!" Na kwala mishi kira ina tsalle, haka mutumin ya cigaba da jana haka kawai ban san shi ba.

   Bai juya ba, amma haka kawai yake jin kamar akwai matsala dan haka ya juya tare da dubawa ko ina bin shi. Da sauri ya ware idanun shi babu Yaron shi. Baya ya dawo yana niman shi, can nesa yajiyo muryan shi. Da sassarfa ya isa gurin lokacin da mutumin yake kokarin shigar dani wani lungu, bayan ya daki kafana wanda naji karan shi har cikin ruhina.
"Wayyo Allah Hammah na ina kake" na fada da mugun ƙarfi,d'aga hannu mutumin yayi zai mare ni, aka rike hannun shi, tare da murɗa hannun sai da yayi kara, sake murɗe hannun yayi tare da cewa.

"Kafin ka zalinci mutum ka fara duba waye a tare da shi, ba iya shi ba!"

"Hammah kyale shi na yafe mishi." Sabida yadda naga zai cire mishi hannu, sake jijjiga shi nayi ina magana.
"Karka kashe mana" na fada ina zaro idanu, sabida yadda mutumin ya kai kasa baya motsi,
"So What! Idan wani ya tab'a hannun ka hukuncin shi a cire hannun shi, idan yayi kuskuren tab'a jikin ka wallahil azim mutuwa ya cancanta ba rayuwa ba." Ya fada min da karfi, a tsora ce naja baya, ina girgiza kai.

    "Ban yi deserved  haka ba matsayina mai maka aiki ne kuma na gama, don Allah karka janyowa ƙaddara ta, wata masifar."
Cikin fushi ya fisgo ni,
"Wayyo kafana" a rikice ya kuma durkusawa yana kallon kafar, musamman wuyar kafana da ya kumbura sosai, a hankali ya ciro min cambus din kafana, sannan ya mika min, ina shirin mik'ewa nayi yayi sama dani. A tsora ce na kalle shi. A raina ina faɗin.
*I do not know how you are destined to bring me into your world, but one thing I know is you are my life, I will continue to follow you like a slave I will stay by your side like a dog and my Lord, I will stay with you until you open for me the door of your heart to respect your cause*
(Ban san yadda aka yi ƙaddara ta kawo ni duniyar ka ba, sai dai abu daya na sani kai ne rayuwata, zan cigaba da binka kamar baiwa zan zauna a gefen ka kamar kare da Ubangida, zan ta zama da kai har lokacin da zaka bude min kofar zuciyar ka girmama al'amarin ka)

Tafiya yake hankalin shi kwance, bai damu da ina da nauyi ba, bai damu da ni din ina da tsayi ba, kawai abinda ya sani yana tafiya ne a tsakanin wasu abubuwan na musamman, sannan bai ji kome ba sai ma wani irin nutsuwa da yake samu, abu daya yake damun zuciyar shi baya iya hakuri idan yaga wani ya taba Yaron har cikin zuciyar shi yake jin abin, sabida shi yake dauke kai akan Ansar dan haka yana shiga masaukin abinda yayi ajiye shi yayi,

Ya koma cikin dakin ya dauko katin shi ya fita, can sai gashi da kayan dauri, a hankali ya tako har gabana ya zuba kayan sannan ya koma dakin shi yana me rage kayan jikin shi ta fito sanye da wandon Nike, sai farin Singlet ya fidda tarin muscle din shi, da sauri na sunkuyar da kai na, yana zuwa ya durkusa tare da janye kafar wandon jikina sama.

Sannan ya cire min daya takalmin, ya zauna sosai bai kuma min magana ba, ya haɗa kankaran a cikin wani towel, ya koma gefe yana mai kallon tv, had'iye yawu nayi cikin tsoro, karar kofa muka ji ya mike, can sai gashi da kayan abincin, ajiye min yayi tare da cewa.
"Oya cinye min"

Kallon abincin nayi tare da kallon shi kamar zan yi kuka nace.
"Hammah ko jaki ne ni ai zaka tausaya min balle cikina ba zai iya dauke abincin nan baki daya ba,"

Da wutsiyar ido ya kalle ni, tab'e baki yayi sannan yace.
"Lokacin da kake min rashin daraja ka manta ai?" Da sauri na kalle shi.
"Amma ai ban tab'a dura maka abinci ba!" Na tambaye shi ina zare ido,
"Ci domin ina da abun yi" babu musu na kalli Chinese bomb din da yake gurin dakyar na had'iye yawun bakina, tun ba aja min kafar ba, na Fahimci akwai dirama.

Tab'a abincin nayi tare da turawa ina jin faduwar gaba.
"Meye alaƙar ku da wannan gayen?"
Da sauri na kalle shi tare da cewa.
"Wallahi ban tab'a ganin shi ba sai d'azun kuma na rantse maka da Allah ban san."
"Bashi ba wanda ya ce zai maka aikin ka dawo mace?"

Ji nayi wani abu ya tsaya min a wuya wallahi na manta dashi baki daya, sosa kai nayi tare da cewa.
"Malamina ne kuma kamar Dan uwana yake, bayan haka ina girmama shi."
"Me yasa ya dage sai yayi maka aiki?"
Sunkuyar da kai nayi, ina kallon yadda yake hada maganin shi. Har ya dawo gabana, tare da d'ago kai yana kallona, kafin yace.
"Ina jiranka?"
Ya fada bayan ya rike kafar da hannun shi. Ya manna min ƙanƙara har cikin tsakiyar kaina naji sanyin.
"Sabida yana sona" cak ya tsaya tare da kura min ido,
"Ya tab'a rungume ka?" Wani irin hautsinewa cikina yayi ina kallon shi. Fuskar shi tayi jajjur, ajiye kankaran yayi tare da kama kafar ya wani irin fisgar shi sai da na fasa kara, tare da hada hannuna biyu na dafe kafad'ar shi.
"Idan ina magana na tsani ayi banza dani, ya rungume ka?"

"Wayyo Allah na, eh sau sau ...sau.." na kasa fada ina jikin ilahirin jikina yana b'ari, ga hawayen da yake zuba min daga ina nuna.

"Kasan waye kai?" Ya kuma jan kafar baki daya na fado kanshi..... (Yo Ni a ganina ba a fara Chakwakiyya ba, amma kunce an fara wasan 🤔 🙄 Wallahi indai da gaske zanyi rubutun nan ban yanke shi ba, Billahi azim ba a fara kome ba, wasan ba a fara ba don Allah mu lallab'a juna domin ba ayi kome ba kuma ba a fara ba..... Keep comments And Vote ni kuma na muku typing gaba gad'i 🤫 domin an hanani ambaton Rashin daraja ba wai na daina bane kawai idan ya motsa🙄🤣 Alqur'an zan yi kuma zan kafta...
#Mai_Dambu....
[7/25, 9:01 PM] RamlatArManga: https://www.wattpad.com/1105333540?utm_source=android&utm_medium=com.gbwhatsapp&utm_content=share_published&wp_page=create_on_publish&wp_uname=Mai_Dambu&wp_originator=wFWlz0rB5vLnDHBBsgwmy16HrEu27aKV%2BLrvZEc4HZOQhPxrhzXfAzebs68cEFXa4%2BKxqKR8E%2F8iKJMh4QpPwlUHdawDA%2FOu0EVnwQVQ5hDmkOaB8%2Bq4IYKg9xcPDk7D

🐂🐂BOROROJI🫀🫀

~The Journey of Destiny💔~

Mai_Dambu

Sadaukarwa ga
Sajidah Nijar
Samirah Nijar
OumNass
Azizah Hamza....

BABI NA ASHIRIN DA BIYAR.

Kifa kaina nayi a kafadar shi ina kuka Sosai, kafar yana hannun shi. Kasa aikata kome yayi ya d'ago kaina.
"Kai ba irin sauran yara bane, kome kashin kuskure ya faru da kai babban tashin hankali ne, rayuwarka abar dubawa ce, ina bukatar ganin ka zama wani abu, dan haka duk dan iskan da ya kusanci inda kake sai na kashe shi." Ya kuma murɗa kafar sai da yayi kara nima na sauke ajiyar zuciya tare da kifa kai na a kafadar shi, dif na dauke wuta.

       A hankali ya d'ago kai na yana kallon yadda kwalla yake sauka ta gefen idanuna,  mik'ewa yayi ya kwantar da ni, sannan ya koma hada sauran maganin ya shafa min, tare da gyara min kwanciya na, a kujeran ya shiga dakin ya dauko duvet ya lullube ni sannan ya rage hasken dakin ya zauna tare da mai da hankalinsa kan aikin da yake yana waya da Dan ba'arensa wanda kusan rabin wayar bakar magana sukewa juna.
"Ina Mamoon?"
Juyawa yayi ya kalli yadda yayi wani lufff a cikin duvet, sai sauke ajiyar zuciya yaƙe.

    "Yana barci"
"Ok amma kana kula dashi kuwa? Kuma idan ya tashi ka bashi wayar mu gaisa mana" 
Datse wayar yayi tare da kashewa baki daya, yana jan tsaki,

        Kasa aikin da yake yi, yayi ya cigaba da kallon Laptop din shi, yana ma rasa me zai yi, mik'ewa yayi tare da mika, sannan ya koma saman kujeran da yake fuskar Mamoon ya kwanta.
..
Mafarkin mutumin nan nake, da ya kamani d'azun sai kuka nake ina kiran "Hammah na zo tafi dani" na fada ina kuka, dake barcin shi bayi nauyi ba, bude idanun shi yayi tare da tashi yana kallon shi, a hankali ya mike tare da zuwa gaban shi ya zauna a ƙasa, a hankali bakin shi yake karato ayatul kursiyu, yana tofa mishi a fuska, tare da shafa gashin kanshi, har yaji ya fara ajiyar zuciya.

          A hankali ya mike bayan ya koma barcin, rike hannun shi yayi tare da gyara kwanciyar shi, ya cusa hannun kasan kanshi. Tsayawa yayi yana kallon yadda yake marairaice fuska yake. Saukar numfashin sa yake ji tare da jin wani irin yanayi yana kara tab'a gangan jikin shi.  Da sauri ya zame hannun shi yana kallon shi.
   Kasa komawa kwanciya yayi ya nufi ban daki ya sakarwa kanshi ruwa, yana me dafa bangon ban ɗakin.
*Anya Yaron nan namiji ne? Anya mata maza ne? Mata maza ne mana baka ga akwai gashin baki ba? Mtseew!*  Yaja tsaki tare da kallon hannun shi, a hankali ruwan yake ratsa shi har ya samu nutsuwa sannan ya fito daure da towel, ya kwanta a gadon tare da rub da ciki, sabida yadda yake jin babu dad'i.

   A yanzun ya kai matakin da ya dace ya ajiye matar auren shi da iyalinsa tunda shi ba yaro bane, tunda ya haura talatin da bakwai, ya wuce a kira shi da saurayi sai dai tuzuru. Toh wacece zata dace dashi? Wacce mace ce zata iya jure bakin halin shi ba Sannun ba Nagode.

      Dakyar barci yayi gaba dashi.
***
Washi gari.

A hankali na mike tare da nufar ban daki nayi wanka da alola na fito na shirya, ina gamawa  yana buga kofar dakin. Fitowa nayi tare da kallon shi.
"Ina kwana Hammah"  share ni yayi tare da juya min baya na nufi falon. Rufe kofar nayi tare da gabatar da sallah, sannan na fito.
"Ka shirya?" Gyada mishi kai nayi, sannan kuma mai da hankali kamar bai da abin fada kafin yace min.
"Ga abinci" wuce shi nayi na zauna na fara cin abincin bayan ya kalli kafar. Ban tab'a kawo zai jifo min tambayar da ta sani kusan kwarewa ba, sai da na furza da shayin bakina.
"Kana son Cigaba da zama da jinsi biyu ne ko kana son tsayuwa akan jinsi daya?"
    Had'iye yawu nayi ina goge bakina. Ganin naki bashi amsa ya sashi mik'ewa, tare da nufar dakin shi ya fito da kayan shi. Yana kallon agogo kou bai gaya min ba nasan ya shirya.

   Nima da sauri na tashi ina tafiya ina dingishi. Kallon agogon yayi sannan ya ajiye kan shi ya nufi dakin ya dauko min kome sannan ya fita da shi, kallon shi nake kawai, can sai gashi sun kuma dawowa da wani mutum ya kwashi kayana shi kuma ya kalle ni kad'an yana me takowa gaba na, a tsuguna ya saka min takalmina, sannan ya dauke ni can, ta mike hana na lumshe idanuna. Shi kan shi wani abu yake ji a ranshi, idan yana tare da Yaron shi kuma ba wai dan Iskanci ba a'a kawai yana yin su kawai kamar sunyi raja'a akan abu daya ne, shi yasa yake ririta al'amarin yaron yake kuma kokarin tsayawa yaron, Har waje haka muka yi ta ratsa mutane. Har gurin motar da zata kai mu jidda, lokacin da zai sauke ni ne wani karamin abu me matuƙar tasiri. Domin a hankali yake sauke,  yana isowa daidai fuskar shi ee shiga niman nawa, cikin wani irin yanayi, ya zuba min idanun shi cikin nawa, ina iya hango wasu sirrika na shi amma babu damar fadar su, ina ganin wani abu na musamman a cikin ƙwayar idanun shi, amma karfin dakiya irinta zaratan maza ya sashi boye min haka, hancina ne ya gogi nashi, bakin shi ya sauka akan goshina. Wani irin yarrr naji kamar tsutsa na tafiya a jikina, shi kan sa wani abu yaji suna mishi yawo,bai san lokacin da ya sauke ni ba, tare da bude min kofar motar na shiga, ya koma gaban motar ya zauna.

    Tunda muka nufi Jidda da motar, yana waya da wani har muka isa garin kusan tafiya me dan tsawo, airport muka nufa, anan muka hadu da Abeed, kallona yayi musamman yadda Mohan yake kaf kaf dani.
"Yaushe ka fara bin maza?" Kallon juna suka yi kafin yace mishi.
"Shine yaron da na gaya maka na kawo shi."
"Kai haba na zata lover kane." Daure fuska yayi sakamakon ganin Abeed yana mikomin hannu, yasan larabawa da fitina yanzun sai ya iya makale mishi akan Yaron shi. Dan hka ya buge mishi hannu yana faɗin.
"Hannun shi yana ciwo" ya faɗa tare da ɗaukata zuwa cikin airport din, shi kuma Abeed yana dauke da kayan mu, sai zuba yake, shi kuwa yana jin shi dan har ya gundura da halin shi.

      Haka suka zauna yayi ta mana surutu yana haɗawa dani, nan kuwa Hammah Mohan harara na yake tare da dauke kai, har lokacin tashin mu yayi.

"Mohan gaskiya ina son Yaron nan naka" ya faɗa lokacin da yaga Hammah ya dauke ni zuwa inda ake duba kome har kayan mu, ana gama dubawa muka wuce, ya kai ni ya ajiye ni