You Cannot Download this book untill you login but you can read it .

---

Login Register

ga dayan su kato ne ka bashi wannan wasikar" sannan na fita daga gidan.

Ina fita da sauri, babu ababen hawa, dakyar na sami abin hawa. Ya kai ni tasha, ina zuwa na samu mota amma saura mutane biyu, haka na sha zama har karfe bakwai saura, kafin Allah ya taimaka muka tashi. Ajiyar zuciya na sauke lokacin da na Fahimci mun hau kan hanya.

   Na tsani kome na rayuwa, tun banyi nisa ba, kome ya lalace min. Tun ban yi dogon tafiya ba. Na rasa mutuncina, ina kuma da  na matsa kaina, rayuwata zan rasa ba mutuncina ba, tir da wannan soyayyar da bata da riba, daga lokacin da na hadu da Mohan fara fuskar yadda rayuwa take, nagodewa Allah, Innah tana raye. Amma ba zan iya gaya mata wannan mugun labarin ba, domin Mohan zata daurawa......
UZURI💓
*Bai zama dole gobe ku ga Posting da safe ba. Domin wallahi ina jin barci kuma yara sun sami hutu dan haka idan kun gani toh Madalla idan baku gani ba! Sai dare Insha Allah idan ban zama Busy ba kuma sai jibi Insha Allah domin ina da uzuri gobe Insha Allah*
#Mai_Dambu
[8/7, 10:04 AM] Sidrah❤️: https://www.wattpad.com/1110763041?utm_source=android&utm_medium=link&utm_content=share_published&wp_page=create_on_publish&wp_uname=Mai_Dambu&wp_originator=PYEroEpzcfPkMnsivXwBeeuxpzKGK0fkWNcFQtCIRTayJ6sMVuy4zCFcXax%2BjsXVmcWqYu7JpcasekmM2WVikzyWFlN%2FH2zr4nlW%2F5vRpIWR%2BVC4yv60%2F1T6BeQc23Yo
🐂🐂BOROROJI🫀🫀

~The Journey of Destiny💔~

Mai_Dambu

Sadaukarwa ga
Sajidah Nijar
Samirah Nijar
OumNass
Azizah Hamza....

BABI NA ARAB'IN DA HUƊU.

Ajiyar zuciya na sauke lokacin da na fahimci na bar Maradi naji burkina ya cika, hankali na ya kwanta. Taya zan fuskanci Innah da wannan abun. Share kwalla nayi tare da alkawarin ko wuta tace na fada sai na shiga saboda na kyautatta mata.

***
Karfe tara na safe.
Fitowa tayi tare da kallon falon a gyare, zama tayi tana kallon hanyar sama, tana nazarin yaushe zasu fito. Karar sautin takalmin Benazir ne ya sa ta, d'ago kai tana kallonta.
"Beenah ina Addah Munah?" Wannan shine tarbiyyar da tayiwa yaranta da ita kanta, indai Babba ne zata kira shi da sunan manyan tare da nuna musu cewa babba ne a bashi girman shi.
"Mommy bata dakin ki ne?"

Kallonta tayi sannan tace mata,
"Kamar ya bata dakina bayan ni nake tambayarki,"
"Toh ai bata dakina ne, dan ta shigo da asuba tana fita na farka"
Wani irin rawa Jikinta ya dauka bata san lokacin da ta nufi waje ba.
"Malam Idi bakuwar yarinyar nan tana iya?"
"Hajiya ai ta tafi, gashi wannan tace na bawa bakin jiya da suka shigo." Ya mika mata, fararra takardan, ganin har da tambarin Asibitin su yasa ta koma cikin gidan, ta duba jakarta. Samun nata tayi, jikinta a matukar sanyayye ta bude shi.

*_Assalamun Alaiki, Dr Zainab. Ina kara mika ta'aziya ta na rashin mijinki, na tausaya miki kamar yar da ta rasa mahaifinta Uwar da ta rasa mijinta. Allah yayi miki ni'imommin rayuwa ta ko ina, na gode da ƙaramcin ki a gare ni. Nagode sosai sai gashi ina tsaka da miki bayanin zan koma gida. Mohan Mamman Nasir ya zo min, don Allah ki taimaka min da rufe sirrina, kisan yadda tafiyar kaddara take, baka shirya mishi. Idan ya same ka haka zaka yi hakuri dashi, sannan kiyi hakuri na miki sata ban tab'a sata ba. WALLAHI ban tab'a zina ba. Kiyi hakuri ki rufa min asiri kodan rayuwar Yaranki nan Benazir da Yumnah. Suma mata ne idan kika boye nawa Allah zai boye naki da nasu, naso ace Mohan shi ya fara ta'adina amma sai gashi ƙaddara ta faɗa min. Ban sani ba ko iyayena dayan su ya tab'a wata ne ko yar wani ne ban sani ba, amma nasan zina Bashi ce. Idan kuma biya aka yi a kaina Ubangiji yasa haka ce mafi Alkhairi aka ina bashin ya tsaya haka kar ya cigaba da tab'a halina nagode sosai ina jinki kamar uwar da ta haife ni Maimunari I Umar Wodaadabe_

Kuka take kamar yanzun aka mata mutuwar mijinta. Wani irin kaunar yarinyar take ji har cikin ranta, ta kasa magana sai kuka kawai take tana karawa.

"Innalillahi wa'inna ilaihi rajioun, Ubangiji, me yasa? Allah na tuba"

"Assalamu alaikum" Mohan da Dan Ba'are suka yi sallama.
"Wa'alaikimun salam!" Benazir ta amsa musu itama tana share kwalla, yarinyar tana da hakuri kamar mahaifinta tun rasuwar mahaifinta sai ta nutsu sosai,

Tun ba a gaya mishi abinda yake ba, jikin shi ya bashi Moonah ce tayi wani abu. Shiru yayi yana jin sautin kukanta har cikin kanshi, ya tsani yaga mace tana kuka komi kankantar ta kuwa.
"Meke faruwa?" Dan Ba'are ya tambaya,
"Sai ka tambaya ne? Moonah ta tafi?" Ya fada kamar baya son maganar. Kallon wai haka ne dan Ba'are yayiwa Benazir. Mika mishi takardan da Dr Zainab ta amsa a hannun Malam Idi, shi kuma ya mikawa Mohan.
"Ka karanta mana" inji dan Ba'are,
"A'a kai ka karanta" kallon shi yayi sannan yace mishi.
"Na yarda da kai ne"
*_Amincin Allah ya tabbata a gare ka ma'abocin tausayi da taimako ban sani ba ko zamu sake haduwa, amma dan darajar iyyenka karka nime Ni! Idan ka Kuskura ka tawo nima na. Zan tafi zan tafi zan tafi garin nisan nisa! Mohammed Mamman Nasir Mohan Aghali! Nasan kai waye nasan kai dan manya ne! Mohan nasan kana Sona! Amma kuma a yadda kake son ba zai mana amfani ba! Son ba zai mana rana ba, son ba zai amfane mu ba! Mohan ka duba mana yanayin mu! Ni yar talakawa ne futtik kai kuma ɗan shugaban kasa! Gaskiya kayi hakuri bamu dace da juna ba! Nagode sosai daga me kaunarka Maimunari_*

Sunkuyar da kai yayi, yana wani irin haki tare da dafe saitin zuciyar shi.
"Damagaram"
Ya mike dakyar ya nufa hanyar fita daga gidan. Kurawa Benazir ido yayi, sannan yace mata.
"Kingan shi nan? Yana kaunarki kimanin shekaru biyu da suka wuce. Dr Khalil mutumin kirki ne. Dr nayi Imani idan ya wulakantatta zan iya saka bindiga na harbe shi, amma ki saka a miki bincike sojan Nijar ne, kuma wallhi zan zame mata Dan uwa, na zan tab'a bari tayi kuka da Khalil ba. Don Allah Karki bari soyayya ta bashi wahala. Bai san wahala ba sai a kaina. Don Allah ki taimaka mishi da Kaunar Benazir yake kwana yake tashi!."

Da gudu beenah ta haura sama, bata kuma dawowa kasa ba, Dr Zainab kan hawayen ta ne ya tsaya cak. Wani irin gata Allah yayi mata haka ne? Har gida ana niman soyayyar d'an babban gida, Family Ba'are da yake Agadaz. Masu rike da Wazircin garin. Kwalla ne ya zubo mata.
" Sai na yi nazari!" Daga haka ta mike tare da bin bayan beenah.

Lokacin da ta shiga dakin ta sami yarinyar a tsakiyar gado, ta cusa kanta a tsakanin cinyoyinta, tana kuka. Zafi biyu ko na ce uku ne ya hadu mata, zama tayi tare da janyo yarinyar a jikinta.
"Beenah! Baki son shi ne?"
"Mommy. Bi yarinya ce fa, kuma Daddy yace nayi karatu akan me zan yi aure? Ina tsoron shi kar yayi ta."
"Kinga kamar ba zai yi haka ba, yan uwan Daddyn ku, tun da na dawo suka watse babu wanda ya zauna min, Nanny ma ta tafi. Beenah bani da kowa sai ke da Yumnah. Bani da dangi, Beenah ki duba idan bai miki ba, ba zan tab'a miki dole ba, abinda kike so shi nake so."

"Nagode sosai Mommy"
Insha Allah zan duba." Ta fada tana share kwallarta, tun da suka haɗu a airport, ta manta shi ashe shi yana sane da ita, yana nan yana niman ta a ranshi, lumshe idanun ta yi.
"Mommy ba zan tab'a yin aure ba, bana son na tafi na barki kina kewar Daddy." Kwalla ce ta zubo mata, turo kofar dakin Yumnah tayi wacce tashinta kenan daga barci.
"Mommy ina Addah Munah!"
"Ta tafi"
"Mommy me yasa baki barta ba? Muna sonta muma tazo ta zauna."
"Gashi bani da number ta."
"Ina dashi, ranar da wayarta ya fadi a bayan gado ta samin Number na kirata, ina da shi."

Da sauri ta fara duba wayar, amma bata samu ba.
"Mommy ashe banyi saving ba"
"Kara dubawa da karfe nawa kika kira?"
"Kamar da dare ne"
"Toh duba mugani"
Can kuwa ta hango shi kasa can, kiran wayar tayi. Kamar ba za a dauka bata, sai kuma aka dauka.
"Addah Munah! Me yasa?"
Amsar wayar Mommy tayi.
"Na zata ina da iko dake ashe ke yar kanki ce? Me yasa ba zaki gaya min ba zaki tafi?"

"Kiyi hakuri."
Daga haka ta kashe wayar baki daya, sake kiran suka yi yaki shiga. Shiru suka yi. Haka kawai ta shiga kallon rubutun Maimunari, Wodaadabe? Gabanta ne ya fadi.
.
Bai tab'a shiga b'acin rai da bakin cikin rayuwa ba irin yau, daga shi har Khalil babu me iya magana, kowannen su da abinda yake damun shi. Har suka bar Maradi.

. Karfe biyu na rana muka shiga garin Damagaram, ban isa gida ba, sai da na shiga kasuwa na sayi kayan maza, na tsaya a gidan wanka na sauya sannan na nufi gidan mu da kayan, sallama nayi. Ina tana daki, a hankali na nufi dakin da jakata, ina shiga na zube akan gwiwata, kwalla na zuba min, bata da lafiya ta rame sosai, a hankali na rarrafa na isa gaban ta, ina zuwa na kwanta akan cinyarta, ajiyar zuciya ta sauke. Kafin tace min.
"Nayi laifi babba na boye ki, amma yau da kika dawo min kina kuka sai nake ganin kamar nice silar kukanki? " Komawa nayi jikinta na kwanta, ina shashekar kuka.
"Nayi ta ja miki jafa'i da masifa bayan wanda kike ciki, na ja miki tashin hankali da damuwa bayan wanda kike ciki, nayi fushi na gaya miki magana, wai dan karki juya. Toh ya za ayi kaddarar mu ce tazo a haka. Mun yi tunanin tunda Allah bai bamu Haihuwa ba, sai mu mayar dake namiji domin gudun ƙaddara, nayi tsammanin dan kina sufar maza ba zaki tab'a jin namiji ya burge ki ba! Ashe gudun ƙaddara."

"Innah ki yafe min, don Allah ki yafe min. Wallahi ko wuta kika ce na zauna Innah zan zauna, Innah idan irin rayuwar da kike so ne nayi zan yi don Allah karki kuma barina na tafi wani gurin na hakura da karatun ma."

"Mohan da?" Tambaye ni, tashi nayi ina kallonta, zuciyata ta na bugawa da sauri da sauri. Zare hular kaina nayi, taga kwandila tass na kwashe gashin. Cikin sanyin jiki tace min.
"Me yasa?"
"Bai dace dani ba, iyayen shi masu kudin gaske ne kuma manyan mutane ne, sun zab'a mishi wacce ta dace da shi, idan na cigaba da kula shi akwai matsala ne kawai na hakura."

Rike hannun tayi cikin kulawa.
" A soyayyar gaskiya ana samun fada da zage zage, amma ba a tab'a rabuwa ba, yayi miki wani abu ne?"
"A'a bai tab'a kallona da nufin zina ba!"
"Soyayyar gaskiya ce a kwayar idanun shi, kaunar gaskiya ce a jinin shi.yasan kin tawo?"
"Na bada sako a bashi."
"Tabbas zai zo! Tafiyar Ƙaddara ba a shirya mishi, zai zo domin zai biyo sawunki, zai zo yana biye dake kamar inuwarki."

"Innah Ni fa bana son shi" na fada mata kaina a sunkuye.
"D'ago ki kalle ni!" Kasa d'ago kai nayi ina wasa da hannuna.
"Har yau kina son Mohan"
"Nifa bana son shi "
"Hmm"
Tace min, da sauri na d'ago kai ina kuka nace mata.
"WALLAHI bana son shi"
"Toh Allah ya kyauta," tace min.

Sallah muka yi na kwanta a jikinta, ina jin wani sanyi, sai bani labarin irin taimakon da Ansar yake musu,kuma ba ga haka tun daga cimmar mu, fada tayi min akan askin da nayi, bayan la'asar ta kalle ni.
"Ki saka kayan matanki, kin fi kyau da shigar matanki kinji Uwata."

"Toh." Na sauya kayana na dauki katin bankina, na nufi bank naje na cire kudi, na yi mana sayayya kafin na dawo,ina sauka a napep na hango motar Hammah Mohan. Shiga cikin gidan nayi, tare da sallama yayi wani irin zama kamar Almajiri, abin tausayi. Dauke kai nayi tare da gaida Khalil sannan na wuce dakin Innah na zuba kayan abincin na dawo na wuce d'akina.
"Uwata kizo" inji Baba da yake zaune. a hankali na zauna ina kallon shi.
"Uwata ga Mohan, meye yayi miki da zafi?"
"Bana! Na gaya maka gaskiya!"
"Shi nakeson ji"
"WALLAHI bana son shi ne! Yayi hakuri bana son shi" a hankali ya d'ago kai yana kallonta, kafin ya sunkuyar da kai.
"Meye nayi miki? Meye nayi miki da zafi?"
"Ka gane mana kawai bana sonka ne, idan kuma ka matsa min zan bar garin nan na gaya maka ba zaka tab'a gane inda nake ba" dafe kan shi da yake sarawa yayi, tare da kura mata ido.
"Ki gaya min meye ya faru?"
"Kai dan Shugabanan kasa!"
"Naci kaniyar shugabancin kasar meye matsalar shugabancin kasar da soyayyar mu?ke kiga ya meye nayi miki da zafi?"

"Toh Malam an tab'a soyayya Dole ne? Tunda tace bata yi a sake mata mara tayi fitsari mana. Kazo ka saka yarinya karama a gaba da ido kamar cutar haukar ta motsa,." Rintsa idanuna nayi sabida naji ciwon maganar shi, amma ga Hammah Mohan bai kula shi ba, dawowa gabana yayi tare da riko hannuna, yace min.
"Gaya min don Allah, meye nayi miki?"
"Baka min kome ba, Ni da kai ne kamar bamu dace da juna ba, idan da zaka yi hakuri haka zai fi ace ana takura junan mu nan, Kayi hakuri kana da zafin kishi. Ni kuma mutum ce da Allah ya halicce ni da kaddarorrin mabanbanta,. Ban san yadda zaka dauki kowacce ƙaddara ta ba, soyayyar fatar baki zata iya gushewa daga zaran ka fahimci ƙaddara da yake yawo a kaina, don Allah kayi tafiyarka zan Nime mutum daidai dani."

"Maimunari kowacce irin ƙaddara take zagaye dake zan iya zama dake a haka kai koda kuwa ace a gidan karuwai na tsinto ki, toh wallahi zan zauna dake a haka, fatana ki yarda da Ansar Yusuf yana sonki"

"Hisham Waadi ANSAR!!!" Ya fada da mugun karfi, tare da mik'ewa tsaye, yana huci.
"Karka mana hauka dan kasa mu Ubanka ya wanke ka akan laifin juyin mulki shine zaka zo kana mana ihu, dalla can lusari kawai"

Mohan bai iya musayan yawu ba, amma kuma ya iya kirb'awa mutum rashin mutunci, dan haka bai bari Ansar ya kwace mishi ba ya buga mishi wani naushi sai da ya fadi, zai kuma na shiga tsakanin su.
"Ya isa haka! Kai Hammah Mohan ka cika saurin fushi wallahi da fatar baki yayi maka magana da shi zaka rama ba da duka ba, kai kuma bari na tuna maka. Ni ne gaya maka koda maza sun kare ba zan tab'a sonka ba, bawai bana son ka bane a'a soyayya ce da kai bana ra'ayi, dan haka ka ji daga yau karka kuma gaya min kana Sona"

"Amma. Munnah zan iya zama dake a duk yadda kike! Zan zauna dake a duk yadda kika zo min. Munnah ina sonki babu kishin ki a raina, sonki nake so mai inganci." Inji Ansar,

"Ina son shi, amma haka zan rabu dashi, bana jin ko a mafarki xan kuma so wani bayan shi, dan haka ku fita mana a gida kar ka kuma ganin kafarku" na fada da karfi, haka suka fita a zuciye, bin bayan su nayi da harara. Domin sun bani haushi taya ina fama da Matsalata zasu kara min wani, daga Innah har Baba babu wanda iya min magana sai ma shiru da suka yi alamar dai abin yafi karfin su.

*** A waje kuwa dokuwa suka yi, sosai sai da aka raba su. Ansar ya daki gefen idanun Hammah Mohan, shi kuma Hammah Mohan ya dake shi sai da ya watsar mishi da hakoran gefen hagun shi. Tare da gaya mishi sai ya karya mishi muƙamiƙi.

"Ni kuma ba zan rama ba, amma sai na cusa maka bakin cikin da sai ka kusan mutuwa. Sai na maida mai mara amfani a cikin al'umma Zan sami nutsuwa, ka cigaba da abinda ka gadama, ni nasan kome kai ne baka san yadda kome yake tafiya ba, wallahi ranar da na tashi fitar da kome duniyar ka da duniyar Munnah sai ya jijjiga, sai na maida kai mara amfani ta yadda zaka wayi gari kana fatar da mutuwa kayi da...... Wash...
🙄🤔 Nagode sosai Joindah ba dan ke ba, tabbas da yau bani da wayar charger. Nagode sosai🤝
#Mai_Damby
[8/7, 10:06 AM] Sidrah❤️: https://www.wattpad.com/1111755716?utm_medium=link&utm_source=android&utm_content=share_published
🐂🐂BOROROJI🫀🫀

~The Journey of Destiny💔~

Mai_Dambu

Sadaukarwa ga
Sajidah Nijar
Samirah Nijar
OumNass
Azizah Hamza....

BABI NA ARAB'IN DA BIYAR.

Kai Mishi duka Mohan yayi, Dan Ba'are ya rike shi. Ya kuwa fashe da dariya tare da kare kan shi kamar me tsoron duka, cikin fusata ya ce Mishi.
"Dake ni! Idan ka cika dan halal idan kai namiji ne ka tsaya muyi damben niman aurenta! Ka tsaya da kafarka bawai ka koma gefe kana ihu zaka dake ba, lusarin banza dan daudu kawai, mara lafiyar gaba."

   "Ban ce Karku kuma min fada ba?" Na fito waje sakamakon hayaniyar su da nake ji, ganin yadda dukkan su, suka samu rauni. Kallon su nayi kafin nace musu.
"Ina cewa kashe ni kuke son yi? Ina ce rayuwata tace kuke bukata?" 
"A'a Munnah babu haka, zan tafi zan tafi yanzun nan." Inji Ansar, ya shiga motar shi,.tare da d'aga min hannu. Kallon Mohan nayi yana kallona, juyawa nayi zan koma cikin gida yace min.
"Baki gaya min meye nayi miki ba, wallahi bani da nutsuwa ki gaya min meye na miki idan yaso idan rabuwar ce zan rabu dake wallahil billahi Azim,"

   Takowa nayi gaban shi, ina kallon shi.
"Sabida kai, na rasa kome nawa. Sabida kaina ƙaddara ta fada, sabida kai yau nake kuka. Kasan me? Saboda nasan da kanka zaka juya min baya, zaka kore ni a rayuwarka, me yasa zan damu da kaina a kanka? Me yasa ba zan rabu da kai ba? Don Allah ka tafi ka barni ina son sauran farin cikin da ya rage min na hada na rufawa kaina asiri."

   Sannan na juya zan tafi, riko hannuna yayi, ya saka a kirjin shi.
"Ji yadda yake bugawa! Ko kallon ki nake bugawar shi na daban ne, balle kuma idan ina jin saukar kalaman ki, ba zaki kashe ni ba. Ba zaki lalata min rayuwa ba, Moonah idan laifi naki ki gaya min wallahi zan baki hakuri kamar haka."

Ya zuba gwiwar shi dukka biyu a kasa.
"Haba Maimunari! Idan yayi laifi ki gaya mishi ke ba abin kunya bane mutum kamar Mohan yana zuba gwiwar shi a gaban ki, meye yayi miki da zafi haka? Idan baki kaunar shi."

"Khalil Ibrahim, kyale ta rokonta nake."  Ya fada bayan ya mike, kukan da nake yaci karfina. Kwace hannuna nayi cikin tsiwa da masifar yadda zan rabu dashi na kama fada.

"Toh dole ne! An tab'a soyayya Dol..." Bakin shi na ji akan goshina. Bayan ya rungume ni.
"Ba'a tab'a soyayya Dole ba, kuma akanki ba za ayi ba, Nagode sosai idan na mutu karki min kuka don Allah, kiyi min addu'a."

  Daga haka ya bude motar su ya shiga, tare da rufewa bai kuma kallon inda nake ba, bai kuma d'aga kai ya kalle ni ba, asalima kamar bana gurin haka sukayi tafiyar su. Durkusawa nayi a gurin ina kuka tare da shasheka, d'aga ni Innah tayi tana faɗin.
"Indai laifin shi bai girmama har haka ba baki yi hakuri mana ya a sonki yana kaunarki"

   "So da kaunar ba zai min rana ba, zai iya gudu na." Kallona tayi tare da rike hannuna.
"Me aka miki Maimunari na?" Ta tambaye ni tana min wani irin kallon tsoro, bakina yana rawa na rufe tare da rike hannun ta daya.
"Innah!!" Jan hannuna tayi har cikin d'akinta, ta kuma zaunar dani, tare da durkusawa a gabana,ita kuka ni kuka. An rasa me magana a cikin mu. Sai gyada kai yake tana kara kallona hawaye na zuba a idanun ta.
"Meye ya faru dake?"
"Fy..de.." na fada a tsora ce. Domin nasanta da zafin rai, wani irin riko tayi min tana kuka ina kuka.
"Waye ne haka yayi miki wannan wulakancin? Waye ne ya tozartaki? Waye ne ya cutar dake haka? Me kika musu da zafi? Innalillahi wa'inna ilaihi rajioun,Ya Allah ka tsayar mana haka. Ya Allah ka rufa mana asiri haka."

    Da sauri ta ja kasan gadon ta, ta shiga niman wasu tarkace, fita tayi domin Baba yana ban daki bata zauna ba, can bayan minti arba'in sai gata, daura tunkuya tayi bayan ta wanke saiwowin da tazo dasu, ta saka a tukunyar ta haɗa mishi wuta. Ya cigaba da nuna. Ni kuma ta shigo d'akin. Tace min.
"Bude naga gurin domin nasan ai baki da lafiya."

   A hankali na kwanta bayan na cire pant dina,  dubawa tayi sannan tace min.
"Kinje asibiti ne?"
"Eh ban san wanda ya kai ni ba, ma dai farka ne na ganni kwance a gadon."

   Murmushi tayi, sannan tace min.
"Da sauki sosai. Babu wani matsala zaki iya aure kuma zaki iya alfahari da kanki da darajar ki" kallonta nayi sannan na cigaba da lumshe idanuna hawaye na zuba, sannan ra gyaran min zanina. Tafita,

Tun daga ranar zance ban kuma zaman kasa ba, bana tafiya ba takalmi, gashi ta sani yin azumi uku. Sabida askin da nayi, da kanta tayi ta tattalina, tare da bani. Kulawa na musamman. Haka na share kwana sha biyar.

    Ranar na sha shida Mohan ya kuma zuwa, ya samu tarba'n arziki a gurin su, Innah amma a gurina ko kallo bai ishe ni ba,. Haka duk inda na wuce idanun shi ne kaina kai karshe sai da na koma daki da zama.

  Shigowa d'akina yayi ina zaune da Laptop, ina duba wasu takarduna. Jan Laptop din yayi yana kallona.
"Na kuma dawowa." Shiru nayi mishi.
"Nazo ki gaya min laifina ne? Ina miki son da babu wanda ya isa yace ga karshen shi! Ina kaunarki ainun, me yasa kike bani wahala"

   Kallon shi nayi ya zabge ya lalace, gyada kai nayi sannan nace mishi.
"Yanzun nake karanta wani case wai wata ne suna cikin soyayyar su, ita yar manyan mutane ne shi iyayen saurayin talakawa ne, shine suka fara soyayya, karshe dai anyiwa Yarinyar Fyade kuma tana can kwance saurayin taki zuwa sabida yana kishinta. Na baka labarin ne?"

          Kura min ido yayi sannan yace min.
"Da zafi sosai, amma kuma gaskiya ina da zafin kishi, zan kuma bincika sosai idan ba ita ta bada kanta ba, zan zauna da ita amma har abada ba zan daina kallonta da wannan abin ba, sabida babu namijin da zai so yana tare da mace a keta mata haddinta, duk lokacin da ka kalle ta xaka na tuno da abin da ya faru, shin zata iya zama da kai ko zata na bin saurayin da yayi mata fyaden a karshe ma zaman ba zai yi dadi ba, sabida zargi ya shiga."

    Kafe shi nayi da ido, tabbas Mohan iya gaskiyar ya gaya min, dan haka bakina a laikum na rabu dashi.

"Ni kuwa idan ina son mutum gani nake ko a gidan karuwai yake zan zauna da shi, idan dan ta'adda ne ma zan zauna da shi sabida kaunar da nake mishi. Mohan Mamman Nasir Aghali,kayi hakuri baka tab'a min laifi ba, sai dai ba zan tab'a aurenka bane, kayi hakuri da ban gaya maka akan lokaci ba, akwai abokina na Yaranta shi nake son aura."

  Juyawa yayi ina ganin kamar ma tangadi yake, oho mishi can ya kare kalau. Haka na cigaba da zaman d'akina, na bashi labarin abinda ya faru dani ya gaya min ba zai iya zama dani ba, toh me zan mishi. Dan haka ya tafi yayi rayuwar shi nayi nawa.

    ***
Allah ne ya maida shi gida lafiya, amma yana fita a motar ya fadi, domin kirjin shi tayi mishi nauyi, haka aka dauke shi zuwa Asibiti. Yana faɗin.
"Maimunari! Maimunari!! Maimunari!!!" Kira yake yana kara kira.
"Khalil wacece Haka?"
"Yarinyar da tayi jinyar shi ce, ban san karfin abinda ya haɗa su ba, sai dai ya bukaci rabuwa da shi."

      "Tana ina yanzun?"
"Tana Damagaram"
"Muje" ya kalli Khausar yace mata.
"Mahaifiyar ku tana Dubai,.akan baikon shi, ki kula dashi. Insha Allah zan tawo da yarinyar."

       Haka ya fita  Dan Ba'are.

Su kuma likitocin suka rufa a kanshi, kallon juna suka yi.
"Dr MG zuciyar shi kumbura tayi fa"
"Toh meye abin yi? Idan akwai wani abu ku mishi mana," ta faɗa bayan tana kallon su. Haka suka dukufa akan shi, har sai da ya fara barci suka saka mishi ruwa da allurai, sannan suka fita dashi zuwa VIP 012.

**
Tunda ya tafi sai bani da nutsuwa kuma, kallon Innah nayi tare da ce mata.
"Zan koma gurin aikina."
"Toh ai nima bana son na miki dole ne yasa ni shiru, amma zaman gidan kara miki damuwa yake."

Innah ta koma Innah da na sani a baya, haka muka yi ta hira. Har bayan isha muna tsakar gida, muna cin tuwo miyar danyen kubaiwa,.Khalil yayi sallama, kallon juna