You Cannot Download this book untill you login but you can read it .

---

Login Register

ne.

Zeeyter bata ma san da zuwansa ba,tana can tana harkar gabanta.

Halliru ne yake zagawa da shi yana nuna masa ko wani bangare na compaynin.

Suna zuwa daidai Office dinsa ya ga abude.

Da mamaki ya ce, "Ya Aka yi nan abude waya bude?"


Halliru dai bai ce komai ba suka shiga.

Suna shiga zeeyter ce ta baje a office din dan jaraba akan table take gyaran wayar wutan soket.


Fita Halliru ya yi ya basu waje.

Haiydar ya karasa gabanta, "Kamar dai na ga nan ba office dinki bane ko? Me yasa ba za ki je can kiyi kayan haukan naki ba sai anan wato ga marainin wayo ko?"



Ta dago ta ce, "Eh anan na ga dama, in ka so kai ma ban hanaka shiga nawan ba ai,ni nan nake ra ayin zama."


Ta karasa maganar tana ci gaba da aikinta.


Tsaki ya yi, ya fara kokarin janta yana, "Ki fita mun anan tun kafin ranki ya ɓaci."


Maƙewa tayi tana, "wallahii na rantse ba inda zani,sai dai a zauna duka ayi aikin anan amman ni kam ba inda zan fita."


"Au ba za ki fita ba ? Ki ka ce haka? Ni kuma bazan je nakin ba nan din zan zauna."

Ya karasa maganar yana janye kujerar da take kai, ya zauna yana ciro files din da Halliru ya ba shi zai duba.


Tsaki tayi ta janyo dayar kujerar ta manna jikin na shi ita ma ta ci gaba da haɗa wayoyinta.

Kowa na aikinsa amman duk bayan mintuna suna dagowa sai su haɗa ido dukansu su saki tsaki a tare kafin kowa ya ci gaba da harkar gabansa.


Tusar bazata ce ta suɓucewa Haiydar, ya yi saurin dagowa a tunaninsa zeeyter ba ta ji ba.

Mai za ta yi ita kuwa ban da dariya tana, "Sannu da aiki Oga, wannan kamshi haka ai ko turare ma ya sara maka."


Makewa ya yi ya kawar da kai ya ci gaba da aikinsa.


Halliru ne ya shigo ya kawo masu abinci kowa na shi .

Da sauri Haiydar ya dauka zai fara ci don tun tuni yunwa ke dukan cikinsa abun ka da acici.

Har zai kai baki ta fiske.

"Miye haka ?" Ya fada cikin zafin rai.


"Ba ka yi Bismillah ba,ko ka manta da hakan ne?"zeeyter ta fada tana kallonsa.


Tsaki ya yi kafin ya ce, "Bismillahir-Rahmanir-Rahim."

Mika masa tayi tana dariya, "da ba ka yi ba kuwa da yau wani ya wuni da yunwa Yasin."

Shi dai cin abincinsa yake ko kulata bai yi ba.



Ko da suka gama aiki ranar a tare suka nufi hanyar gida,yana mota ita kuma tana kekenta, gashi ta masa ɗare-dare agaba,ba daman ya yi gudu.

Gabadaya takaici ya gama cikawa Haiydar ciki,duk inda ya yi don ya wuceta sai ta katange.

Da haka har suka isa gida tare kowa ya yi parking dinsa,yadda ya juya mota, haka ita ma ta juya kekenta.


Ganin komai ya kammala aka fara shirye shiryen shagalin da za ayi wanda ya hada da zuwan Elon Musk da ke America domin Duba yanayin yadda kasuwancin nasu zai kasance.

Babban tunanin Haiydar da damuwar sa shine zeeyter, ka da suje ta bashi kunya, Mussamman tun daga shigarta ma , da haukarta acewarsa.
Ga shi an gayyato manyan mutane sosai wasu har daga ƙasashen waje.


Yana kwance sai saƙe-saƙe yake aransa ko ya abunnan zai kasance ga shi ga mahaukaciyar yarinyar nan sai Allah, "ba don ya zama dole ba, Wallahii ba zan bari taje gunnan ba." Ya fada yana sakin tsakin takaici.

Bayan kwana biyu
★★★★

Ranar Taro da sassafe Haiydar ya fita yana dawowa ya sameta a falo,wurga mata wata leda ya yi yana, "Wannan kayan za ki sa,don na san ba abun mamaki bane kije gun shagalin nan da kayan haukarki."


Kallon raini ta masa kafin ta ce, "ni nace ma ina da bukata? Ko nace ma ban da kudin siya? To bana so, kuma baza asa ba,inna sa kayan haukan na je a koreni kar abarni in shiga."


Ta fada tana wurga masa ledar.

, "In kin ga kin fita agidannan to wallahi kin sa kayan nan,ki tabbatar kin sa na fada miki."

Ya fada yana shigewa daki.

Cikin shigarsa

Na three pics suit tailor made ba karamin kyau ya yi ba, ban da kamshi ba abun da ke tashi.

Cike da takaici ya kalleta yana, "wai ba za ki sa kayan bane?"


Tashi tayi tana kokarin fita ta ce, "Eh baza asa ba, na ce bazan sa ba ai ba a dole ko."


Da sauri ya damkota yana kokarin cire mata kaya ya ce, "Ni ko zan sa miki da kaina, wannan ai iskanci ne,wawiyar yarinya kawai,ko ina sai kin nuna halinki."

Bangaje shi tayi ta fice da gudu tana, "A hakan dai za ni,nan gani nan bari."

Binta ya yi,amman ina ta riga ta tsere.

Takaici kamar zai kashe Haiydar haka ya hau motar shi ya nufi office.


An gama shirya komai kuma duk baƙi sun hallara amman ba Zeeyter ga lokaci na tafiya.


Farouk ne da ya yi connecting ta internet yana ganin komai domin ganin yadda shagalin zai kasance ya ce, "Oga wai ina ka boye mana Madam ne?"

Tsaki Haiydar ya yi azahiri ya ce, "To waya san mata ne."

A azuciyarsa kuma yana addu'ar Allah sa kar tazo.

Ganin lokacin zai ƙure suka fara yunƙurin fara shagalin.


Wani kamshi da ya daki ɗakin taron ne ya karkatar da hankulansu duka ga hanyar shigowa.

ZEEYTER ce cikin wata irin fitanniyar riga dogowa, dinner gown, tamkar ajikinta aka yi rigar,fuskarta kuwa tamkar an dasa mata Kwalliyar, ba karamin kyau tayi ba.

Gaɓadaya duka mutanen wajen suman zaune suka yi suna kallonta, musamman Haiydar, Farouk da ke screen da kuma Elon Musk.



BARA MU DANYI WAIWAYE
A lokacin da Deejerh ta cewa ZEEYTER tayi kwalliya ta ce baza ta yi ba,daga nan deejerh ta dunga bata shawarwari yadda za ta kara darajarta da kimarta wajen Haiydar da ma al'umma a wannan taron, hakan yasa deejerh ta turo mata mai gyarata yadda zata bawa Haiydar mamaki.


Ci gaba....

Tsayawa tayi ganin gaɓadaya sun zura mata ido, ga shi ba sabawa tayi ba sai duk jikinta ya yi sanyi.

Wani irin kishi ne ya damƙi Farouk ganin gaɓadaya sun zuba mata ido .

Cikin karfin hali ya yi gyaran murya wanda dukansu sai da suka juyo ga System din da yake kallo ta ciki.

"Barka da zuwa Gimbiyata."

Ya fada.

Haiydar ne ya tashi ya riko mata hannu tare da zaunar da ita.

Gabatar masu da ita ya yi a shugabar ZEEYTER Oil And Gas.
Sannan kuma ya tabbatar masu cewa wannan ne company na hudu da suka haɗa alaƙa da shi, dake reshen jahar Nijar,duk jawabin da ya yi bai ce ita matarsa bace a iya abokiyar Kasuwanci ta tsaya.


Dukansu Mamaki suke ganinta karamar yarinya kuma mai fasaha.

Sai ma data fara jawabi, gaba-daya idanunsu da kunnuwan su suka miƙa gareta.

Dukkanin bayanan suke ina fitowa screen din projecter da Farouk ya hada.

Harda bayanin yadda suke hadda man fetur da kuma bayanan yadda Haiydar ke sarrafa motoci.

Cikin tsari suna jawabi rubutun na fitowa.

Sai da suka gama kafin Zeeyter ta fara binsu suna gaiswa dake kai tsaye taron aka fara ganin lokaci ya kure.
Ko da ta fara gaiswa da kowa tana zuwa gun Elon Musk, a hankali ya furta, "U Look So Beautiful Madame."

Murmurshi kawai tayi, daidai a idon Farouk da Haiydar.

Kawar da kai Haiydar ya yi, Farouk kuwa sai da ya yi tsakin da ya amsa dakin taron.


Suna gamawa aka fara cin abinci, table din da ZEEYTER take Elon Musk ya zauna, Haiydar kuma yana na kusa da su.


"Madame I want a very strong patnership between our companies, I'm overwhelmed that people like you do exist in this universe though you're still very young, but I'm impressed with you and your performace."

("Madame In ba matsala ina son mu hada harkallar kasuwanci tsakanina da naki companin ma,na yi mamaki ace akwai masu fasaha da tunani irin naki duk da kasancewar ki mai kananun shekaru, kin birgeni kuma dukkanin tsarin ki ya birgeni.")

Karaf Farouk ya katse masa magana da, "ba yanzu ba wannan sai munyi tunani."

Dukansu kallon screen din suka yi a tare , ZEEYTER ta ce, "Yes Sir Yadda Farouk din ya ce dai."

Wani irin dogon Numfashi Haiydar ya yi a zuciyarsa yana hamdala , "Alhamdu Lillah na gode Allah da Farouk bai bar wannan mahaukaciyar ta amsa ba."

Zeeyter ta na ji an sake sauti tuni ta tashi tafara rawa, Elon Musk yama ya bita suna yi tare.


"You're such a dazzling angel, you're damn cute, i love your beautiful eyes. Can you be my girl
Friend?"

("Kina da kyau, sosai fa,ke kyakkyawa ce,ina son idanun ki, zaki iya zama Budurwaata?.")

Ya fada yana kallonta.

Gaɓadaya gaban Farouk da Haiydar fara bugawa ya yi cikin sauri.


Murmurshi ZEEYTER tayi azahiri a ranta kuma tana fadin, "bai san cewa wancen sha-shan bane mijina."


Tsabar takaici ya Haiydar ya kasa dannewa zuwa ya yi ya janyo hannunta yana, "Ana son ganinki."


Shi ko Elon Musk yana, "Wait Baby your phone number Please."

Tuni Haiydar ya figeta suka yi waje ,mota yaje ya turata.

Ya kulle kofar shi ma ya shiga.

Ganin yanayinsa ya sauya ko magana bata iya masa ba sai bi da ido.

Ban da maganganun da Elon Musk ya yi ba abun da ke yawo a zuciyar Haiydar, "in ban da son Zuciya mutumin da yake kera motocin wuta ina ruwansa da petur." Bai san lokacin da ya furta hakan a zahiri ba.



Suna zuwa gida cancak ya dauketa bai dire ko ina ba sai akan gado, fara rabata da kayanta ya yi, kasancewar ita ma tana buƙata biye masa tayi nan take suka lula cikin wata duniyar.


Sai da suka yi mai isarsu.

Ta tashi zata tafi kenan ya janyota,ya kara kwanciyar da ita akan kirjinsa.

Duk mutsu-mutsunta sai da ta gaji ta bar shi.

A haka ta kwana suna jin ɗimin jikin juna.....

Da asuba ita ta fara farkawa a hankali ta sabule a jikinsa taje tayi wanka tayi sallah ta dawo bai tashi ba.

Ruwan sanyi ta dibo a fridge ta watsa masa tana, "Sai atashi ayi Sallah ko."


A firgice ya tashi yana kallonta ya yi tsaki .

Ita ma tsakin tayi ta harare shi.

Bangaje juna suka yi,ya nufi toilet ya yi wanka ya yi alwala kafin ya yi sallah.


Jin motsin mutum tayi agidan.

Ta fara duddubawa amman bata ga kowa ba.
Ji tayi kamar an fita, hakan yasata karasawa.
Tana zuwa daidai kofar shiga falon aka buga mata wani katon abu a goshi, nan take ta sume.


Haiydar na fitowa ganinta a kwace ya yi tsaki yana, "Yanzu haukar har da asuba ma tashi take?."

Ya ji shiru.

Kara gyaran Murya ya yi yana, "Ga Kadangare nan ai, Allah sa ya shige miki cikin riga."

Shiru har yanzu ba magana.

Matsowa wajen ya yi yana tunkurinta da kafa, "Kee,keee,dallah tashi."

Ganin ba alamar motsi sai numfashi ya yi saurin matsawa daf da ita.

Gani. Ya yi ta suma,ga kanta jini na fita.

Kallon wayarsa ya yi,karfe shida ne na safe.

Cikin hanzari ya duba number doctor ya kirasa.


Gabadaya ya firgice.

Dagata ya yi ya maida kan gado,kafin ya dauko wani kyalle ya daure mata goshin,amman duk da haka jinin bai daina zuba ba,idanu kawai ya zuba mata yana binta da kallo.

Shigowar likitan ne ya dakatar da shi,cikin sauri ya fara mata taimakon gaggawa jinin da ke fita ya tsaya.

Kafin ya mata allure

Kasa fita ya yi kawai ya zauna yana kallonta,ko kofar gida bai je ba bare office din.


Idonshi na kanta duk motsi gani yake zata farka.

A hankali ta fara bude idonta,wani irin radadine ya lullubeta ta dafe kan tana wash.


Da sauri Haiydar ya matso yana, "Lafiya? Sannu koma ki kwanta,me kikeso zaki ci?"


"Bakomai." Kawai ta furta tana kara dafe kanta.



"Aa ba ki ci komai ba tun safe ki fada abun da kikeso zan miki yanzu,me ki ke so? Za ki sha ko custard ne?"


Girgiza kai tayi tana, "Sai dai kamun tuwo."


Zaro ido Haiydar ya yi domin mai'aikin bata nan, shi kuma bai san yadda zaiyi ma ya yi tuwo ba.


Kuka ta fara tana, "Tuwo nake so ni,na ce tuwo nake so."

Babban tashin hankalin Haiydar shine ya ga mutum na kuka, musamman in bai da lafiya

Nan da nan ya kara birkicewa .

Kitchen din ya nufa kawai yana kare masa kallo, ya ma rasa ta ina zai fara can kuma tunanin zahra yaxo masa,nan take ya kirata.

"Madame tuwo nake so a mun hanyar da zanyi ko ince a koya mun inyi." Haiydar ya fada


Dariya Zahra ta yi tana, "Da alama mun samu karuwa kenan."

"Wani karuwa,kukam ai saidai raguwa indai kune, taimaka mun Don Allah."


Zahra tayi dariya ta ce, "Owk Mu shiga App in kiraka ina nunama kana yi."


Shiga sykpee app suka yi duka suna video call zahra na nuna masa komai yana yi


Tuwon semo ya yi, miyar vegetables.

Gabadaya ya yi wujiga-wujiga ban da dariya ba abun da Zahra ke yi, har suka gama .


Zuba mata ya yi a Plate.

Har ta fara barci ya tada ta.

"Dallah ta shi ki ci."ya fada.

Galla masa harara ta yi, tana kokarin tashi amman ta kasa.

Tsaki ya yi ya dafata ta tashi.

Ya ce, "Meya sameki garin ya kika buga kai?"


Kau da kai tayi tana, "Oho Waya sani,jin motsi nayi naje dubawa aka buga mun abu."


Tsaki ya kara yi, "Allah kara,yanzu haka ma garin neman jarabarki ne kika taro wanda yafi karfinki,maganinki, Allah sa gobe ma akuma." Ya fita yana mita.
"Mahaukaciyar Yarinya kawai."


Ta ce, "Eh din naji dai ,ina ruwanka dani,kuma wallahi koma waye sai na rama bara inji sauki."

Tuwon ta fara ci,ba karamin dadi ya mata,duk da cewar Haiydar bai iya tuwo ba,amman yinsa na yau tamkar wanda ya saba yi.


A falo ya zauna.

Tana gama ci taji dan karfi hakan yasata tashi ta fito falon.

Kokarin faduwa take da sauri ya tashi zai tareta ,bigesa tayi ta dafa bango hada ido suka yi tare da sakin tsaki a tare ya shige daki ita kuma tayi hanyar waje.

Zuwa tayi ta zauna a farfajiyar gidan ga goshi duk bandeji,kuma jiki ba kwari Amman hakan bai hanata zuwa ba, kamar ance ta juya bayanta wani katon kadangare sak wanda haiydar yasa mata a gado, bata san lokacin da ta zura aguje ba, daidai da fitowar Haiydar kyam ya kankamesa.


*MUN FARA BIKI ZA ANA MUN HAKURI DON ALLAH,WANNAN MA DUK A TSATTSAYE NA YI WALLAHI*


08103080717
[6/13, 1:23 PM] Xayyeesherthul-humaerath🥀: *YEL*🦅

*NOBLE WRITERS ASSOCIATION✍🏼*

°°°°°°°°°°°°°°°°°°°°°°°°°°°°°°°°°°°°°°°°°°°°
```Gidan karamci, rubutu don ci gaban al'umma, mu gudu tare mu tsira tare, alƙalaminmu ƴancinmu.```
°°°°°°°°°°°°°°°°°°°°°°°°°°°°°°°°°°°°°°°°°°°°

*https://www.facebook.com/106494781436168/*

*LABARI DA RUBUTAWA*
_Aisha Sani Abdullahi_
_*(Xayyeesherthul-humaerath)*_

_*TSOKACI:* Labarina Kirkirarrene ban yi shi don cin zarafin wani ba ko wata, sannan labarina yana dauke da yaruka uku ne zuwa huɗu:*Hausa, French, Turanci, Malay*, Haka Kuma ka/ki faɗi alkairi ko ka/ki yi shiru! Yadda ki/ka ga labarin haka tsarinsa yake kuma babu canji,Salon na Mussamman ne sannu a hankali komai zai bayyana🦅_

_R.I.J.F. Little Baba *(Suhaan)*😭_

*PAGE-26/27*
Bismillahir-Rahmanir-Rahim

*Na Dawo💃Na Fantso ku bani waje,masu kira, da masu magana a WhatsApp kan yaushe YEL zai sauka ne,ga shi nan ya sauko da zafinsa, ina godiya sosai cike da nuna jin dadin yadda kuka dauki littafin nan,kuma kuke fahimtarsa cikin aminci🥰*


★★★
Da Mamaki Ya Kalleta Yana , "Lafiya? Mene ne Ya Faru?"


Nuna masa kaɗangaren ta yi da hannu.

Yana kalla ya kyalkyale da dariya, sake shi tayi cikin sauri tana galla masa harara.

Ƙarasawa ya yi wajen ƙadangaren ya dauka yana kokarin binta, fallawa tayi aguje shi ma ya bita,kan ya karasa har ta kulle kofar fallon.


Kamar wasa taki budewa har dare ya kara yi sosai.

Nocking kofar ya fara yana, "ki bude mun mana, Wannan wani irin wulakanci ne?"


Zeeyter ta ce, "ka shirya kwanan waje shi yafi ma,nikam ma barci zan yi,waya sani ma ko kaine ka turo da asuba akashe ni,don mugunta kawai."


Ba yin da Haiydar baiyi ba,amman sam Zeeyter taki bude kofa,daga karshe ma kida ta sake, tana takar rawa,ta manta da batun rashin lafiya.

Ga ba Keyn dayan bangaren agunsa bare ya bude ya shiga,duk suna ciki, ganin dare ya yi sosai ga sanyi ne,ya sa shi shiga motar dole ya kwanta.


Ita kuwa tana leƙensa ta window tana dariya.


Ba yadda ya iya haka ya kwana a waje.

Asuba na yi ta fito ta bude kofar kan ta koma.

Sai da yaje massalaci ya dawo ya ga kofar abude.

Cikin Ɓacin rai ya shiga yana, "Mahaukaciya kawai."

Ko kulasa ba tayi ba,ta shige daki tana dariya.


Tana shiga ta dau wayarta tana duba sakonni kasancewar ta kwan biyu ba ta hau online.


Sakon Deejerh ta fara gani, "Hi Mrs Haiydar,Ina fatan komai ya tafi daidai wannan kuma dinner gown din tayi miki?"


Murmurshi Zeeyter ta yi sai da ta gyara zama kafin ta fara yi mata reply, "Yes Thank you so much Madame, Kalamai ko furucina sunyi kaɗan wajen yadda zan nuna miki farincikina tare da godiyata, na fahimci abu guda,ko ince na karu da wani abu sanadin,ban damu da ado na kaya ba, bare kuma kwaliya,suturta jiki da Ado ba karamin kankaro daraja gami da ƙima yake ba ga rayuwar 'Ya mace, In kin gyara cikin Kasancewa mai tsaftace wajen ma ko da kuwa ba ko yaushe hakan zai samu ba,shigar kece raini,ta alfarma ba ruwanta da kyawun fuska, godewa Allah da yadda ya yi ki,ki gyara kanki duk muninki in mutane ɗari na kusheki watarana za asamu ɗayan da zai miki yabon da sai ya kore dukkanin masu kushiyar,ba wai na ce hakan da nufin zan dau yabo insa araina wai an yabeni bane aa,amman tabbas ni kaina na ji canji a jikina,kuma na ji dadin hakan,sannan daga yanzu zan fara shiga Mai kyau gami da tsari,ba sai mai tsada ba,iya kudinka iya shagalinka,na yarda da cewa indai zaki Kasance cikin shiga mai kyau babu wanda zai miki kallon wulakanci a duk inda zaki kasance ko da kuwa kin kasance karama cikinsu,ina godiya sosai da kulawar ki gare ni,kin zarce kawa sai dai ince Yaya,Ina sonki da dukkanin numfashi na."


Deejerh ta ce, "Ma sha Allah, Hakan nake fata kuma nake son ji, daga yanzu zanyi kokarin ganin duk na tsara miki irin yanayin kayan da zakina sawa, na wajen taro,dinner har ma da zaman gida."


"Woooo can't love you less, Allah ya bar zumunci na ji dadi Sosai."


Sakon Farouk ta nufa da ya ce, "Hello Friend kwana biyu ko an samu karuwa ne an manta damu?"

. Sai da tayi tsakin nan dai na fama kafin ta ce, "Aa Karni aka samu ba karuwa ba ka ji ko, Taya ma zan haihu da Wannan banzan taɓ."


Dariya ya yi yana, "Adai juri zuwa rafi wataran tulu zai fashe, yanzu dai ince lafiya kwana biyu."


"Ba Lafiya fa in fadama har gida aka zo aka mauje mun goshi sai da na suma,amman wallahi nayi kudirin nemo koma wane ne kuma sai na rama, koma wane ne, Mussamman ina zargin wannan Dpon dana fada ma mai katon ciki."


Dariya sosai Farouk ya yi kafin ya ce, "Ke fa Mazan naki ma da yawa,ga shegen neman jaraba."

Hira suka sha Sosai.

Zahra kuwa sakon barka da jiki ta mata,tare da bata shawarwarin kalan abincin da ya kamata tana ci domin lafiyarta.

Group din su ne Farouk ya yi messeges da.

"Hi Guys ku fito, ina da magana fa, na ce ina da magana a marmatso."


Sai da ya tabbatar dukansu sun fito kafin ya ce, "Eheen ganin cewa Haiydar ya yi aure,mun karu sannan nasan cewa dukkaninmu gaba kowa zai iya yi, hakan yasa na yanke shawarar yi mana zanen gidajen da zamu tsara kowanne yadda duk inda zamu kasance muna da wadataccen wajen sauka kamar gidan Haiydar ba tare da munje hotel ba, kai tsaye muna kasancewa anamu a kowacce kasa."


Khaleel ne ya fara magana, "Bravo! Tabbas na ji dadin wannan hangen naka, kuma ya yi matukar gaske muna da bukatar waddataccen wajen zama a kowacce kasa zamu kasance, hangenka ya yi, nikam ina marhabun da shi."


Deejerh ta ce, "Ma sha Allah Aboki nima dai ina baya 💯."


"Nima gaskiya na ji dadin hakan." Cewar Zahra.


Haiydar ya ce, "Wait! ku dakata fa,wai hakan na nufin ni baza amun wani sabo bane?"


Dariya suka yi dukansu kafin Farouk ya ce, "Oh kai da tamu daban ina so muyi magana amman ba yanzu ba tukun,And Deejerh zan turo miki komai da komai ki duba kiga kudaden da Yakamata mu kashe a kowanne duka, sannan ki turawa Khaleel da Zahra suyi Aproving."


"Owk Sir." Cewar Deejerh


Haiydar ya ce, "ni fa ban yarda ba da sake."

Sai a lokacin tsilif Zeeyter ta yi tagging kan maganar Haiydar, "Gaskiya ba mu yarda ba fa,muma amana sabon gida."


Dariya suka yi Khaleel ya ce, "Iyee wato abun taron dangi ne kin shigarwa mijinki."


Zeeyter ta ce , "Eheen He Is My Sunshine."


Karaf Haiydar ya ce, "Yes Bright Eye."

Tsokanarsu Su Deejerh da Zahra suka fara.
Sunata kare juna kamar masu soyayyar gaskiya da arzik ana gama chatting kowa ya fito zai tafi office suna haɗa ido suka gallawa juna harara tare da sakin tsaki,kamar kullum harda bangaje juna.

Fita suka yi shi ya hau motarshi,ita kuma ta ɗane kekenta,kowa ya kama hanyarsa.


Tana tafiya tana kalle-kalle sai jinta tayi tim a ƙasa, da sauri ta tashi ta karkade jikinta kafin ta ci gaba da tafiya.

Ba inda ta nufa sai Police station

Tana zuwa ta wuce wajen Dpo.

Rike kwankwaso ta yi tana, "Wallahi wallahi wallahi ka ji sau uku na rantse ko? To in baka fita a harkata ba sai nayi sanadin barinka aiki, banza kawai,wawa mai katon ciki."



Wani kofir ne da ke wajen ya daga hannu da niyar dakatar da ita.

Tsawa Dpo ya masa yana, "Get Out,I said Get Out."

Ya karasa maganar yana nuna mai hanyar fita.

Matsowa ya yi daf da ita yana

"Tu seras surpris si dey c'était moi."
(Za ki sha mamaki in dai nine muje zuwa)



"Entre moi et toi on verra celui qui sera surpris."

("Tsakanin ni da kai ai za aga wanda zai ba da mamaki.") Karasa maganar tayi tana yin tsaki ta fice.


Binta ya yi da wata irin Dariyar mugunta har ta fice.

Cikin Bobiel ta wuce kai tsaye Makaranta sai da aka gama masu karatu kafin ta je gidan Marayu suka gaisa da Madame Ayshe da yaran kafin ta nufi gidan mai.

Tana zuwa Halliru ya ce, "Barka da zuwa Madame, Une bonne nouvelle (ga labari mai dadi)"


Da Murmurshi ta karasa tana, "Ma sha Allah, Tun da naga fara'a sosai a fuskarka na tabbata kam akwai labari me dadi meya faru?"


Halliru ya ce, "Mun cike Form din Humanitarian Award da za a gudanar a singafur kuma mun samu damar tsallakewa a takaice dai ana bukatar kasancewar mu a singafur."


Wani irin tsalle Zeeyter ta yi tana, "Me ma zan ce ne? Lokaci na farko da zan fita cikin kasata kuma sanadin nasarata, tabbas Allah baya barci,kuma maji rokon bawansa ne aduk inda zai kasance, Alhamdu Lillah, Halliru Allah kara basira da hazaka,ina jin dadin kasancewa da kai matukar gaske,babu hassada bare kyashi alamuranka,abubuwa da yawa sai dai inji labari daga baya ka aikata ba tare da sanina ba,in sha Allah indai ina numfashi bazaka zubda tawayen takaici ba sai dai na dadi."


Office din Haiydar ta shiga ta fara duba takardu.

Tunawa tayi kamar ranar taron nan ta bar takarda a Office dinsa.

Hakan yasata daukan kekenta ta nufi company.


Tana zuwa ta fara gaisawa da masu gadi tana Murmurshi

Suko sai kallon keken suke suna mamaki.

Office din Haiydar ta wuce kai tsaye zata shige,wani matashi ya yi saurin dakatar da ita.

"Excuse Mah, ki dakata ba a bada izinin shiga ba, a takaice ma yau ban jin cewa Oga na da wani ko wata bakuwa."
Ya fada.

Kallon shi tayi sama da kasa tana, "ko ba Ogan ba? Na ce ko ba Oga ba? Na bi Oga da gudu ba takalmi, dalla matsamun in wuce kana nan da kai kamar kwallon giginya."

Ta karasa maganar tana janye shi daga kofar.

Shima fara kokarin tureta ya yi yana, "Ke baki da hankali ne? Ba ki ji me na ce ba?"

Jin hayaniyar tayi yawane ya sa Haiydar fitowa.

Daidai lokacin da Zeeyter ta makawa wannan matashin mari.


Ya daga hannu zai rama kenan cikin zafin rai Haiydar ya rike masa hannun yana, "Wawa kawai."

Jan hannun Zeeyter ya yi,ya shigar da ita ciki sai da ya kulle kofa kafin ya fara ruwan bala'i, "me zai sa ki tsaya cacar baki da shi? Ba za ki kirani kice kina zuwa ba ko kinzo sai kin nuna halin naki kin bani kunya cikin mutane? Wai ke mahaukaciyar ina ne?"


Tsaki tayi tana fisge hannunta agunsa tana, "Mahaukaciyar gidanka mana,in ba ta gidanka ba ta ina ce,ko ince dukanmu ai mahaukatan ne."


Takardun ta fara daukowa tana dubawa .

Haiydar ya ce, "Ga Keyn Office dinki nan kije can ki gama dubawa kar ki takuramun anan ni."


Murguda masa baki tayi tana, "Ba zan fitan ba,anan zanyi,in ka gaji kai ka je nawan kayi."

Tsaki ya yi ya ci gaba da aikinsa a system kawai.

Tana aiki tana kallonsa, can ta ga