You Cannot Download this book untill you login but you can read it .

---

Login Register

kwaɗayi.

   Koda aka ce an sace Mahir basu damu ba, kawai abinda suke bukata ayi kome a gama. Dan haka suka mai da hankali akan yar su.

       ... A lissafin Mahir cikin Noorh wata biyar, dan haka yake kokarin ya gama abinda zai yi ya bazama nimanta, sabida rabon shi da ita wata biyu da wasu kwanaki kenan.

Dan haka ya sake kudi aka fara shirin baiko babu b'ata lokaci. Ana gobe baikon ma sai da aka zabga rikici da Nazzir da ita kanta Tasleem din domin ya d'ago tana dauke da cikin shi, dan haka ya fara mata maganar karta kuskura ta zubda mishi ita kuma tayi mishi maganar banza, ya kamata yayi mata dukar kawo wuka.

    Amma iyayen ta dake Mayun kudi ne tura masu kuɗi Baban Nazzir yayi suka yi shiru, amma duk da haka ransu ya b'aci dan tunda suke basu tab'a tunanin zasu daki yar Gwala ba. Sai gashi Nazzir ya mata dukar da sai da aka kwantar da ita asibiti, domin  aman jini tayi ta yi. Tun suna b'oyewa har suka gayawa Mahir abinda ya faru. Cikin ko in kula ta gayawa Ummi.

         Da kanta taje asibitin, ta sami yarinyar cikin mugun yanayi, bincinke aka yi aka gaya musu dukar da aka mata a cikin ta ya tab'a mata hantar ta, shi yasa take anan jini. Sanadin da ya sa Ummi bawa Mahir Umarnin a kama Nazzir da Mahaifin shi. Babu b'ata lokaci aka kama su,

      Iyayen Tasleem kamar zasu yi hauka,.sakamakon jin yar su zata iya rasa rayuwarta. Gashi nan dai basu sami yadda suke su ba, ga yar su a kwance. Dan haka suka tattara da ita suka nufa Algeria.

    Bayan an kama Nazzir da Mahaifin shi, aka garkame su. Inda ake tuhumar sun laifin shirya hatsarin jirgin kasa, sannan aka kuma fitar da sakamakon lalata sunan kamfanin Hamoud Boualem, sannan da kashe mutanen da basu ji ba basu gani ba. Suka yi ta bankado munanan aiyukan da suka aikata, tare da hana su bill din su. Sannan aka shigar dasu kara akan lokaci.

     Abin da mugun tab'a zuciya, Zoolfa da Mamar ta, guduwa suka yi bayan sun kwashe dukan dukiyar da yake nasu wanda zai taimaka musu yin karamin rayuwar da zasu fara nan gaba.
   •••
A can algeria kuwa, har saukar Alqur'ani ake dan Allah ya bayyana musu Noorh, kullum Dadah sai tayi kuka, Sabida damuwar halin da jikarta ke ciki.
*Sorry Guys! Wallahi zazzaɓi yake damuna Insha Allah zaku ganni gobe idan muna da nisan kwana*
[1/23, 11:09 AM] Addah Ramlat MANGA: https://www.wattpad.com/1010638382?utm_source=android&utm_medium=link&utm_content=share_published&wp_page=create_on_publish&wp_uname=MrsUsman400&wp_originator=t2vwVWQ6R91YNEa2KNee5i420PyN1JrEhumbRRqCRdz5YTOoQL1ZJLcrISZd7lMQcvWlnV4CA9a9pOvRLjzx5TfDagW0gPV2qQkotFhqHb6BOKq1Bu9MEnMI16fJUADn

MAH~NOOR✧✧
My First Wife♡
Chapter 3️⃣7️⃣
MrsUsman400

For You Jikar kulu

BISMILLAH RAHAMANI RAHEEM

_Alhamdulillahi nagode sosai, daga duk inda kuke ina mikawa Fans din Mahnoor gaisuwa na Nagode da addu'o'in ku_

  *Ina mika sakon ta'aziya ga Aunty Mami wacce tayi rashin yar uwarta, tare da Maman Sultan wanda ta rasa mahaifinta, Allah ya jikan rai ya kuma gafarta musu, ya kyautatta namu bayan su*
"Ummi don Allah ki rufa min asiri, wallahi zuciyata zata buga, nayi iya hakurin da zanyin please i need my wife" banza tayi dashi, ta cigaba da aikin ta,kamar bata san da abinda yake rokonta ba.

    "Amma Maryam!"
"Hajiya don Allah karki saka baki akan wannan al'amarin, Ki kyale ni da MUH'D!" Ummi ta katse Hajiya,
Shiru tayi tana kallon yadda Mahir ya tara kasumba da uwar gemu.
"Kai dalla can, tashi kaje ka gyara kanka, ka wani zauna buzu buzu da kai sai kace me cutar hauka!"
Inji Hajiya, "Hajiya nifa ba zanje ko ina ba, kawai Ummi ta gaya min meye nufinta da aurena da Noor?"

Cak ta tsaya da aikin da take a kan laptop, ta juya tana kallon shi, bata ce mishi kome ba, ta juya tare da wurga mishi takardan.
"Ka aureta ba bisa son ranta ba, kayi ta amfani da ita ba bisa ka'ida ba."
"Yanzun Ummi Noorh dince ta gaya miki haka?"
Dakuwa tayi mishi, da hannu bibbiyu, tare da mishi alamar da yana kusa sai ta watsa mishi mari.
"Kaniyarka, da zaka zo kusadani sai na maka shegen duka, meye ba zata fada ba, kasan irin kukan da take yi idan ta tuna ta rasa duk wani abinda akewa yar gata sabida rashin hankalin da kayi mata?

           Kasan dalilin da yasa tayi ta maka borin bata son zaman nan, tunda taji labarin wacce aka yi aurenku tun farko, tuni kishin ka ya gama turmusheta, mara kirkin mutum kawai, yarinyar nan haka ka aureta ko dan irin abubuwan al'ada babu, ka gama rena mata hankali, da cewa mafarki take, toh Wallahi ta gaya min rabuwa zaka yi da ita na gaya maka."

       Mikewa yayi cikin jin haushi da b'acin rai ya ki kula takardan da zai saka hannu, ya saki Noorh.
"Wallahi indai ana daura igiyar aure sau dubu, toh na kuma damke auren Noorh akaina, naga wanda zai yi wannan aikin amma ba dai ni ba!"

Ya juya fuuuuu, kamar zai yi hauka sabida yana matukar son matar shi, kuma baya jin zai iya sake ta.

    Kallon ta Hajiya tayi, tare da cewa.
"Nasan yadda yarinyar ta koma gurin yan uwanmu, toh wallahi ina tausaya mishi, domin matukar ta isa hannun Hajiya Dadah toh wallahi ina tausaya MUH'D don kuwa."

    "Hajiya na fahimci haka shi yasa nake kokarin na koya mishi, yadda zai jure abinda zai biyo baya, domin bana manta lokacin da Ubaidullah yayi faɗa da Su'ada, yadda kowa ya juya mishi baya, gasu yanzun har da Yarinyar da ake shirin aurar da ita Dr Naaz, kuma ban san Baban Noorh ba sai shi kawai na sani da Abubakar da Dr Hisham Abdullahi keluarga."

    "Kin san Umar yaki zaman algeria ne, aiki da china da kuma turawa ya hana shi zama, rabon Noorh da yan uwanta ya dawo dashi daga china koda aka yi auren haka ya tafi ya barta, sai da yayi shekara biyu ya dawo ya tafi da ita,  ita tanka zo duba dangi, Kinga yaje algeria kenan yazo nigeria, dan shi Dr Abdullahi keluarga yaki ya bar yaran shi anan Nigeria, itama Dada da take yar Nigeria yaki barinta zuwa akai akai, kakan wancan Yarinyar masu shegen son abun duniya suka zauna anan din." Ta wani bi gefenta da harara, zaka zata Tasleem din tana gurin ne zunzurutun tsanar da tayiwa Tasleem din ne kawai.

        "Amma Amma Hajiya wacce irin dangantaka ce a tsakanin ku dasu Noorh?"
Ajiyar zuciya tayi sannan tace.
" Boualem Da Dr  keluarga, ya'yan mace da namiji ne kamar dan Mahir da Dan Hidaya, Ni bana son Boualem, aka bani shi domin Keluarga yaya nane uwa daya Uba daya, shima an bashi Kanwar Boualem Mai suna Hafsat amma ita basu jima ba Allah yayi mata rasuwa, dan haka yana cikin jimamin mutuwar ya sami aiki da gombe, ya anan ya hadu da A'isha, kasancewar yayi auren gidan yasa ba a mishi iyaka da auren A'isha ba, amma dukkan mu dangin juna ne, kuma Bama cika auren bare daga farko sai yan gidan, nima da zamana yaki da Boualem shine aka raba auren, daga baya shima Hamoud zaman cikin gidan su, ya hana shi sukuni ya tattara ya dawo nan kasar da zama, dan ya fahimci hankalin shi zai fi kwanciya, lokacin da ya gaya min ban hana shi ba, dan nasan babu mamaki Arzikin shi ne yake kiran shi, ashe har da rabon haduwa da mutuniyar Arziki irinki"

    Shiru Ummi tayi, sannan tace.
"Ikon Allah, kiga yadda Ubangiji yake alamarin shi, gashi kuma Allah ya hada wannan al'amarin cikin sauki"
Murmushi Hajiya tayi sannan tace.
"Tace eh mana, kuma Kinga abinda Noorh take haka Yayana yake yi akan gaskiyar shi, shi yasa yaki zaman Nigeria domin bai iya boye abu ba, asalima mutanen Unguwar mu shakkar shi suke."
  
  Gyara zama Ummi tayi tare da kallon hajiya, sannan tace.
"Toh takwaran Muh'd ga"
Shiru tayi sannan tace..
"Mutum ne me waddatar zuci, yana da hakuri sosai, sannan yana da matukar kokari wajen ganin ya bawa kowa damar yin abinda yake so, mutum ne me ra'ayin kowa yayi abin da yake so, shi yasa mutane suka yi ta mishi abinda zai b'ata mishi rai. Mutumin nan zan iya cewa bakin cikin mutane ya kashe shi domin ba iya yan uwan shi ka dai suka dauki alhakin shi ba!"

           Yadda take bada labarin Kakan Mahir sai ya baka tausayi,. Dukda kuwa auren kiyayya ce, amma ta fadi Quality na halayyar shi, mutum ne me matukar kirki da hakuri da jama'a, ta fadi abubuwa dayawa wanda tace kafin ya rasa yasa an kirata ya gaya mata fushin da Baban Mahir yake dashi dan ya gaza mishi adalci, yarinyar da zai aura, Dan uwan shi Hamid ya dauke ta ranar auren shi da  Safoor. Kuma mahaifin bai magana ba, shi yasa ya bar musu gidan gab mahaifin shi zai rasu ya koma gida.  Ta gaya mata abubuwa da yawa akan Familyn ta dana su kakan Mahir. Kafin suna tashi.
    •••
Yallabai mai kan mint kuwa da uwar kai kamar kusan yaki, yana barin gidan Ummi, gurin Usman Abokin shi ya nufa anan yake gaya mishi abinda Ummi tayi mishi, sai masifa yake, tare da cewa matukar ta raba shi da Noorh toh tabbas mutuwa zai yi.

Shan soda drink Usman yayi sannan yace.
"Don Allah akwai wani guba, idan zaka mutu kazo na baka yana taimakon kashe mutum da wuri kaji"
Cikin masifa ya juya yana kallon shi baki sake yana faɗin.
"Meye nayi maka na rashin mutunci haka? Nazo da damuwa na kana gaya min maganar banza"

      Yadda yake magana zaka san zuciyar shi a harzuke yake da abinda Ummi tayi mishi, ya zo gurin shi domin ya fahimci abinda yake ji, ya kuma kara tunzura shi, mikewa yayi cikin fushi ya kuma fita daga Office din Kamfut, har ya kusan fita waje Kamfut yace mishi.
"Mijin Indo Indo! A kai zuciya nesa shugaban yan zafin rai, a sha ruwan sanyi don Allah kar ace."

"Wallahi zan danna maka ashari'a!"
"Toh jinin maguzawa, ALLAH ya kare ka don Allah ayi tuki a hankali, Noorh kan idan ka sheka lahira aure zata kuma yi miji gangariya wanda kunamar shi yake harbawa."

A fusace ya kuma dawowa ya shake wuyar Kamfut, jikin shi sai rawa yake, idanun shi yana cika da kwalla.
"Lion Man sauke ni, wallahi wasa nake maka, bana fatar ka mutu ma balle ka rasa Noorh, don Allah sake min wuya na." Sake shi yayi tare da barin Office din shi baki daya.

Girgiza kai Kamfut yayi yana girmama soyayyar da Mahir yakewa Noorh.

         Yadda Ummi ta kafe, tare da nacewa Mahir sai ya sake Noorh sai ya baka tausayi, yayi juyin duniyar nan tayi hakuri fir taki, ta kuma mishi gargad'in karta ji karta gani  ace ya bar ƙasar. Duk inda Noorh take tasan tana hannun danginta. Haukar da yayi ta mata babu iyaka. Tana sane dashi tayi banza dashi.

       Yan uwan shi kuwa, baya ta su, Shibha yake kulawa itace ke mishi hirar Noorh, itama ranar da Ummi ta kamata sai da taja kunnenta kamar zata cire mata shi. Dan haka ya kuma kowa cikin kaɗaici sosai. Tausayin kanshi da irin rayuwar da Noorh tayi ne ya kama shi, zai ci zai sha sai dai bai da nutsuwar zuciya.

             •••
Algers..
A bakin wani gindin gada take kwana, da zaran taji karar motar yan sanda zata shige kasar gadar ta boya jikinta wani lokaci har rawa yake, zunzurutun tsoron karsu kuma kaita gidan mahaukata.
Tana kwance aka fara ruwan sama, dan haka ta tashi zaune tare da kallon gyambon kafatarta. A hankali taja wani tsuma ta shiga daure kafar, jin motsin a cikin ta yasata sake wani irin ajiyar zuciya, tare da dafe cikin da ya taso, sake motsawa cikin yayi ta kuma dafe shi tare da sake murmushin jin dadi.
  Cikin harshen larabci tacewa cikin.
              "Marhaab!"
      (Barka dai)
Sake motsawa yayi,
      "Kaifa anti?" (Ya kike)
Sake juyi cikin yayi tare da wani katon kutufu, aikuwa ta sake dariya tace.
"Lastu bikhair"
(Bani da lafiya)
   Ta faɗa cikin zubda kwalla, tana kallon ciwon kafarta,
Juyin da cikin yayi tace.
"Wa'anti?" (Kefa)
Juyi ya kuma tace.
"Alhamdulillahi!"
Dan karamin juyi yayi tace mishi.
"Laa Shukrah laki?"
(Ba sai kinyi min godiya ba)
Shiru cikin yayi bai kuma motsawa ba, ta tab'a cikin tare da dafe shi taji yaki motsi,
"Bint! Bint! Bint!!!" Ta faɗa da karfi amma cikin bai ko motsa ba, da sauri ta fito daga inda take ta nufi hanyar cikin gari tana ihu duk da dare ne, ita lallai sai Bint tayi magana.
  Dakyar ta tsaya a gurin wata mai sayar da abinci, ta isa gurinta cikin kuka tace mata.
"A yumkinunil julusa huna?"
(Zan iya zama a nan?)
Gyada mata kai tayi cikin tsoro, tare da niman hanyar arcewa.
"Bint!" Ta cigaba da kiran babyn cikin ta da kuma girgiza ta.
"Ma'usmiki?"
(Me sunanki) matar ta tambayeta?
"Ismi Noorh?"
(Suna na Noorh?"
   "Min aina anyi?"
(Daga ina kike?)
Kallon matar tayi cikin wani irin tsoro,
"Ana min...?"
Mikewa tayi da sauri ta bar shagon Matar, wacce take kokarin kiran yan sanda, ta bazama da gudu, ko gabanta bata gani, yadda take gudu akan titi ga uban ruwan saman da ake, ko gaban. Bata gani bata kuma san waye yake zuwa daga bayanta ba. Babban burinta ta koma maboyinta. Sai dai kash, taka birkin da kuma duke bayanta da driven shi yayi ya tsayar mishi da aikin da yake yi lokacin gudu, ya sanya shi d'ago kai.
Cikin sansanyar muryan shi yace.
"Fa'iz!"
"Ya sayid!"
"Ka kula me ya faru?"
"Sayid ina gani kamar hatsari ne muka yi!"
"Shi yasa bana son kana wannan gudun. Ka fita ka duba mana wa ka buge"
Lema ya dauka cikin sauri ya fita, hangota yayi tana ja da cikinta, da sauri ya juya cikin motar yana fadin.
"Na shiga uku na lalace, Ya sayid na na buge mahaukaciya ne"
Dafe goshin sa yayi tare da bude motar ya sauko da kafar shi daya sannan ya fito baki daya, hango yadda take ja da cikin ya matukar girgiza shi, cikin sassarfa ya isa gurinta, tare da ɗaukar ta, bakin shi kunshi da addu'a, driven ya bude mishi motar ya sakata, yarda kai kawai take, amma tana mugun jin jiki.... Har yanzun jikin da saura so kuyi hakuri, karfin hali nayi kawai...
[1/23, 11:09 AM] Addah Ramlat MANGA: https://www.wattpad.com/1011360729?utm_source=android&utm_medium=link&utm_content=share_published&wp_page=create_on_publish&wp_uname=MrsUsman400&wp_originator=mMrIqcxdapq%2FSE7USZjGsb%2FFB1MBG%2Fu4vRbhIbJT5ilQsppeHl47%2FrAaYr311ST49cjr6g20uEIISILnMabOLa4cfYyXh4JH%2F5zPAmCw7u06ldoVSzISbMMN%2FFR4QX8x

MAH~NOOR✧✧
My First Wife♡
Chapter 3️⃣8️⃣
MrsUsman400

For You Jikar kulu

BISMILLAH RAHAMANI RAHEEM

        Cikin tsananin tausayi ya kalli Driven, ya shiga gaban motar driven zai magana ya mishi wani irin kallo, dole yayi shiru ya dawo gefen shi, da gudu ya nufi Dr Abdullahi keluarga Memorial hospital.  Kamar zai tashi sama, jin yadda take kananun magana tana kuma tab'a shirmen, Allah kadai ya kai su Asibiti.

                        Allah ya kai su asibitin cikin ikon shi, yana shiga ko parking me kyau bai yi ba, driven ya rigashi fita, tare da kiran a kawo abin daukar mara lafiya.

   Sanin waye yake maganar yasa duk kusan nurse din asibitin suka shiga gaggawan kawo gadon, sabida sanin darajar driven a gurin masu asibitin, duk wanda yake aiki da Familyn Dr Abdullahi keluarga toh ko a cikin gari ne haka zaka samu yana da daraja, sakamakon familyn sun kasance mutane masu zuciyar zinari, masu taimakon na kasa dasu.

      Basu dauki duniya da fadi ba, shi yasa duk wani gwamnati idan aka kafa shi toh sai ya janyo daya daga cikin gidan yayi tafiya da shi.

         Dan haka driven ma ganin ake mishi kamar jinin gidan ne shima, da sauri suka fito da gadon, lokacin yafito da ita a hannun shi yana tafiya irinta asalin jarumai,  kwantar da ita yayi yana kallon Dr Habib.

        "Faruq!"
"Please! Bana son damuwa!" Zurawa gadon da Noorh ido yayi, cikin damuwa da jin wani irin motsi da ran shi yake, wani irin yaja, tare da jin zuciyar shi yana bugawa da sauri da sauri, dauke kai yayi daga kallonta.

     "Ka kira min Ita!"
Wani juya ido Habib yayi sannan yace.
"Wacce kenan?"
Zaro idanu Faruq yayi cikin takaici, sannan ya dauke kan shi tare da juyawa ya bar gurin, yana jin dariyar mugunta da Habib yake Mishi,

Ya fahimci Naaz yake nufi, dake takan shigo asibitin aikin gaggawa.

    Kiranta yayi tare da gaya mata, tazo ana nimanta, sannan ya koma kan Noorh da ake duba,

    Nufar Office din Dr Raliyah yayi,.Yayar shi ce, yana shiga ya gansu tsaye da mijinta suna soyewa ya juyo da sauri, dariya tayi sannan tace.
"Ruq! Ka shigo yanzun Baby zai koma gida"
Buge mata hannu Mijin yayi shima likita ne,.yace mata.
"Liyah! Yau zanje duba Nanah da da daren nan ciwon kafa na damunta."
"Kace mata ta rage shan coffee."
Jan kumatunta  yayi sannan ya sumbaci goshin ta, ya fita.
Gaisawa suka yi da Faruq, sannan ya shigo Office din ta.
"Liyah!"
"Ruq!"
"Liyah!"
"Ruq!"
"I found my heart!"
"Kamar ya?"
"Wallahi daga ganinta nake jin bugun zuciyata ya nunku!"
"Kai Ruq!"
Tayi maganar tana zaro ido, zama yayi tare da mika kafar shi saman table din ta.
"Raliyah, Wallahi ita nake so! Zan iya rushe wancan tsohuwar al'adar auren zumuntan nan domin yarinyar tayi min!"

"Faruq kai da aka maka baiko da Naaz!"
Kamar wani shine zama da ita ya mike kamar zai buge ta,
"Ba zan yi auren zumunta ba! Nace miki Yanzun na tsinci abinda Zuciyata ta jima tana nima Ni bana son Naaz yarinyar bata min ba, dan haka karki dame ni da wata naaz"

     Sake baki tayi sake tana kallon shi.
"Amma kasan Nana da Dadah sun gama magana, yanzun ka bijiro da wata shirme, sannan ita wacce kake so yar uban waye!"
Dafe goshin sa yayi tare da lumshe idanun shi, sannan yace.
"Bugeta muka yi."
"Ruq! Dama daga muje na ganta."
Ta fito a fusace, a bakin kofar suka gamu da Naaz da idanunta yayi jajjur, cikin fushi ta juya fuuuuu.
"Wallahi kika bar asibitin nan baki duba min mara lafiya na ba, sai na baki mamaki a dare nan."
Cak ta tsaya, sannan ta juya tana kallon shi, cikin wani irin takaici.
"Kai waye? Ce maka aka yi ina son wannan yanayin naka ne?

Ina da wanda nake so yafi ka kome."
"Muje naga mara lafiyan?"
Dole ta hakura da masifar ko kallonta bai yi ba, kasa kasa yace mata.
"Abi wani sarkin ba dai ni ba."
Kamar ta fashe aka take ji, dan haka taje dakin da Noorh take daga nesa ta hango fuskarta.
"Laaaa!"
Da sauri ta ciro wayar ta, ta shiga kiran Number Dadah, ta gaya mata, ai ga Noorh. Tuni ta manta da fadar da take ji a ranta.

     Abin mamaki, su kansu tsayawa suka yi suna jin sai kiran  iyayen su take tana gaya musu ta samu Noorh, kafin minti talatin asibitin ya cika makil, Dadah na shigowa, daga nesa ta shiga gyada kai kamar kalangariya,.
"Na fada! Aka ce min wai ta mutu! Dube ta don Allah duk wanda yaga Fuskar Salha yaga fuskar yarinyar nan ya san nata ne, kamar ce ta Likita."

   Haka take kiran mijinta likita, kafin kuma ta fashe da kuka, ta matsa kusa da Noorh, tana shafa kanta, kuka anyi juyin duniyar nan tayi shiru taki, wai tana kukan mutuwar iyayen Noorh.

"Idan baki yi mana shiru ba! Zaki  bar asibitin nan!"

"Toh ja'iri mara kunya da idanu kamar na kifi, banza da uwar kai kamar uwar yaki, rankwal rankwal. Idan ka fasa kai Ni gida ka rena Ubayenka nan, dan banza da fuska kamar burodi, dama ina cike da kai rashin mutuncin da kayiwa Naaz wancan lokacin kasaka min yarinya a daki ka gama kwashe mata albarkacin jikinta dake kai din tantirin mara kunya ne kake gaya mata me zaka yi da ita?

               Ummaru kafita idanuna ko kaci kan Ubanka, aure da naaz kamar anyi an gama dan kan Uban a gurin kana zuru zuru da idanu kamar, wanda ya had'iye kunama."

      "Dadah Asibiti ne ba a son hayaniya."
"Gafara can, sakarai mijin tace. Dan banza mara kunya kai ma ina jiran na kama ka, wato har nice wancan matar taka me kugu kamar an sawa katako riga, shine ta ganni ta dauke kai Habibu Ni, Rafi'a taci mutuncina wannan yarinyar Allah sai na ci mutuncin ta a gaban Nana. Yar banza da idanu kamar tsitaka. Yar banza da dogon baki kamar shantu."

           "Hajiya Dada.."
"Rahila kike ki Rahiya, Raliya. Ke ohonku ko taliya kike ba zaki hanani magana ba, yau naga shegentaka, kai ba asibiti nake ba a mutuware nake, kar wani yayi min rashin kunya na ci mutuncin shi."

   Babu wanda yayi magana, Dr da sunga ana fama da Noorh, ana ta gyara mata ciwon dake jikinta, bai hana Dadah yatsina fuska ba tace.
"Kai Likita, haba wannan wani irin rashin Imani ne haka da rashin mutunci? Ka sami kafar yarinya sai darja mishi magani take, dan banza da fuska kamar fanke."

            Shiru tayi tana kallon, suna gurin wata Noorh ta fito da hanzari zata lab amso jini. Kallonta Dada tayi sannan tace.
"Ke zo nan! Nurse din ta tsaya.
"Na'am Hajiya gani!"
"Kinga yarinyar da take kwance! Toh jika na ce, yanzun shekaru goma sha kenan rabona da ita, kinsan me yasa na tsayar dake?"

Girgiza kai Nurse tayi,
"Ba sai kin girgiza min kai ko gyada min kai ba, domin naga kalangaru, idan kuma rantalelliyar kai ce baki kai wancan Jikar nawa ba, dube shi da kyau!  Toh abinda yasa na tsayar dake da Magana!"

    Gabaki daya gurin babu wanda bakin ciki bai kama shi ba, domin ji suke kamar su mata mugun duka,
"Toh ba kome bane sai dan naga kin fito da sauri, karki yarda rawan kanki ya kwashe ki, ki tab'a min jika, domin zan saka a kwab'e min na miki shegen duka!  Ko kuma nasaka wancan me k'ugun kamar anyiwa sauro zanzaro!

              Yayi miki shegen duka, dan haka kiyi tafiya jantil, no pas."

      Dake taga duk familyn Dr Hisham Abdullahi keluarga, sai ta shiga gyad'a kai kawai.

          Har kusan asuba, babu wanda ya bar asibitin, wasu daga cikin familyn ma da suka ji labarin suma likitoci ne duk suka zo, Dada nakan abin sallah dake mace ce mai yawan ibada ce, dan haka ta raba daren tana kai kukanta gurin Ubangiji.

           Har suka tafi Sallah asuba suka dawo.
Suna shigowa, Naaz da sauran likitocin suna fitowa.
"Alhamdulillahi, tana barci yanzun haka."

Inji Naaz,
"Ke yar nan! Ya jikin nata?"
"Dadah da sauki fa, kuma ma cikin jikinta shima lafiya yake. Karkiga yadda yake juyawa."

               "Alhamdulillahi! Kai Jama'a yau gani ga Yar Umar dina." Jikin shi ne ya kuma sanyi dan tun jiya bai Fahimci me yasa suka tawo da wayar da aka yi da Dadah ba, sai ya kuma tambayar su.aka gaya mishi Noorh yar takwaran shine Kawun shi Omar da ya rasu da Aunty Kanwar Maman shi,.Salha, wani irin murmushin jin dadi yayi, zubawa kofar da aka fito da Noorh yayi yana murmushi tare da shafa kanshi.
"Toh cikin jikinta fa?"
"Tayu da aurenta!"
      "Eh domin ranar da zata bar asibitin naji kamar tana cewa. Sun dauke mata shi. Sun rabata dashi ta hakura dashi kawai"
Wani irin murmushi Dadah tayi cikin jin dadi,
"Kunga yarda aka haifa tsiya na barci bai rab'e ta ba, balle tayi mutuwar zuciya. Irin naso ooo namijin na miki tsiya ajiye mishi abincin shiki tawo abinki, babu dole shima dan banza zai zo ya same Ni......
Please And Please... Kuyi min Uzuri, naso sai monday  zaku ji ni,toh ga wannan ku tab'a babu yawa, muna hidimar sauka ne, gashi dole zaku yi min hakuri gaskiya sabida wallahi babban lalura ya tawo min ba zaku naji na na sai.bayan kwana biyu
[1/23, 11:09 AM] Addah Ramlat MANGA: https://www.wattpad.com/1012619907?utm_source=android&utm_medium=link&utm_content=share_published&wp_page=create_on_publish&wp_uname=MrsUsman400&wp_originator=%2F3Psbc8CzWLIt7nhOc%2Fefbq6TGO%2FoqXkdLl3tWqojpTg2slpkg41f2y3BNyNBTybBTJuuTrS0AdI0DareqPNPHmvNiA4X%2BuxvowSA2Z7n4iZx0w6%2BJj7HrArcFk40LE%2F

MAH~NOOR✧✧
My First Wife♡
Chapter 3️⃣9️⃣
MrsUsman400

For You Jikar kulu

BISMILLAH RAHAMANI RAHEEM

   Zama tayi a gaban Noorh cikin tsananin kaunar Jikarta, ji take kamar tana barin gurin zata samu mugun labarin an sace ta,shi yasa da Yaranta suka nemi ta koma gida wani irin kallo tayi musu cikin balokoko take kallon su, tab'e baki tayi sannan tace.
"Wato nayi saki reshe ku kama min ganye? Na tafi ku aiko min da cewa ƙaddara ce ta sani tafiya shine tafi ta baku sani ba, ko ba haka ba?"

   Duk suka yi shiru, kafin ta gyada kai sannan yace musu.
"Toh