You Cannot Download this book untill you login but you can read it .

---

Login Register

matsiyaciya."

Sororo nayi ina kallon Samin kenan zuwa yayi ya kashe D'an Nannah, bansan lokacin da nace masa.
"Sai dai in bana numfashi matukar ina raye sai dai ka mutu. Amma ba Sultan ba yarda yasa ya daukeka aiki ko dan wannan yarda bazaka taɓa cuta...."

Shake min wuya yayi cikin mugun ɓacin rai yace.
"Na lura baki iya da harshenki ba, zan baki mamaki."

Daga haka Bai kuma kulani ba ya koma bakin aikinshi, tun daga ranar nasaka ido sosai akan abinda yake, karshe idan yayi girki kifarwa nake, sultan yasa a zane ni. Tafiya tayi nisa inda na shiga renawa kowa hankali musaman masu zane. Idan suks ɗauƙe ni zasu ciks umarninsu, sai nayi tsagal nace.
"Kunga ni karku kaini wancan ɗakin wannan zaku kaini."
Ko sai an shigar dani nace.
"Gaskiya nan bai min ba can zaku mai dani."
Haka xasu dawo dani. Karshe dai sai an fasa hukuntani sabida renin hankalin da nake musu, sam na manta da mutanen da suke bibiyar alamarin. Ashraf kawai burina nasami shiga jikinshi.
***
Yau kwana uku kenan da bana ganinshi tawani fuska naji sauki tunda babu wanda zaisa a zane ni, tunda na fahimci har Samin baya nan take naji hankalina bau kwanta ba, tambayar ghaniyu nayi yace min ai sultan ya tafi dashi Germany, kamar zararriya haka ns koma. Burina na maidawa Nannah ɗanta gashi ya tafi da makashinsa.
***
*Germany*
Kofin Coffee da Samin ya kawo ya ajiye a gaban Ashraf, yayi nisa a karanta jarida. D'ago kai yayi yana kallon kofin, sannan ya juya ga Samin da yake tsaye, sannan ya juya ya kalli kofin.
Mikewa yayi ya fita can sai gashi rungume da yar magensa, zama yayi ya ɗauki kofin ya kai bakinta ta lashi coffee ɗin,

Tasha kaɗan sannan ya kalle Samin, da sauri ya ɗauki kofin yana jin haushin abinda ya faru. Yanzun ya fahimci wani abu wato tsabar rashin yarda irin na Ashraf ko abincin kowa baya ci ya gwamace ya ajiye kayan zaki a ɗakinshi yayita ci, dake shima ba me yawan ciye ciye bane dan tunda aka kai mishi hari sau biyu yake gudun cin abin hannun kowa.
***
*Bayan wata uku*
*Middle easth club*
Wani haɗaɗɗen club ne dake cikin garin Amman, shiga gun sai yaran wane da wane. Club ɗin ya cika makil da matasan larabawa da turawa kai har da tsirarun, gefe can yarima Nu'yam ne zaune tare da yan matansa, babban jikan Amir Ukshe, d'an Amir Marhum. Yana zukar shisha, wata yar kabilar Banu nazir tazo wuccewa ta bayanshi dake ya jima yana kwaɗaituwa da ita. Musaman shigar da tayi wani ɗan mini skirt da farin shirt, sai wata baby top da ta ɗaura kana ganinta kaga ma'aikaciya a cikin club ɗin, tazo wuccewa ya kai mata duka akan tuwaiyarta(bombom)
Juyawa tayi cike da kunya, dan yana kai mata duka mutanen gun suka fasa ihu da sowa dake larabawa sunfi yawa a cikin club ɗin, bakin ciki yasa ta kife shi da mari. Shiru gun ya ɗauka, sakamakon marin da aka mishi,ture yan matan da suka zagaye shi yayi, ya tunkareta inda ya rufeta da duka kamar mahaukaci. Ganin haka yan kabilarta suma suka rufawa Nu'yam, basu kyale shi ba sai da suka kashe shi, sannan suka fita da gudu. Cikik club ɗin duk aka watse.
Kafin kace me har larabi ya shiga cikin masarautar, Amir Ukshe da Marhum sai Amir Uzaifa. Kanin Marhum suka je club ɗin anan suka sami gawar Nu'yam, a yashe kamar gawan mara galihu.
Dake Yan sanda sun iso da wuri, ɗaukar gawan akayi zuwa Asibiti ana gama bincike aks basu. A daren suka kira Ashraf.

Dole aka jinkirta yiwa Gawar Nu'yam sallah.
Karfe sha biyu na rana. Sultan ya iso, sannan aka sallaci gawar aka kaita gidanta na gaskiya. Bayan sun dawo aka fito masa da file ɗin abinda ya faru, matasan sun gudu sai Yarinyar, dan haka an kamo yarinyar dan har an yanke mata hukuncin kisa, umarnin Sultan ake jira.
Dukda bansan zai zo ba na gyara gidan, tunda ya hana a barni na koma shashin bayi.
Kuma dama kaman jiranshi sukr kowa ya ɗauko cuwa cuwarsa, ya kawo Sultan yasa mishi Hannu.

***
*Banu Nazir*
Zubewa a gaban Alexandra wani farin tsoho yayi yana kuka sosai yace.
"Ya Shugabana! Angela itace kaɗai ta rage min, kuma matukar aka kasheta bani da kowa a duniya, asalima yaron shi ya fara mata rashin d'a'a har yakai da ya rufeta da duka, badan su Thomas sun taimaka ba da gawarta zasu kawo min kuma babu yadda na iya."
Shiru falon yayi sai kuka Tsohon yayi, mikewa Shugaba Alexandra ya ficce daga falon yayi ya nufi can masarautar yaje dan su fahimci juna abun bakin ciki sam suka ki barishi ya gana da Ashraf. Karshe haka ya dawo da bacin rai wanda ya kuma tunzura zuciyarshi ga dole sai ya hamɓarar da Sultan Ashraf. Dan tsakani da Allah Ami Ukshe ya nuna musu kabilanci...
Kuma idan baku manta ba tun shafin farko na faɗa muku yadda Larabawa suke da nuna kabilanci......









*😂 "Anyan Kuna Fahimta kuwa Zauren Mai dambu nasan sunfi Yan Wattpad fahimta Musaman Fatima Da Maman Abba Kd jiya na hango ku Laaaa Sister Meeshaz da Queen Hafcy ku bar Harara na ko na tsuma kanku cikin ruwa😹"*

#MJ#Mai_Dambu#Vote&Share
[2/5, 7:51 PM] +237 6 72 92 59 08: _HAZAƘA WRITER'S ASSO_*

*_MASARAUTAR JORDAN!!!_*
_Jordan Historical_
*©2020*
*BOOK ONE*

   _Fatan alkhairi gareku yan team ɗin A koyar da ita yadda ake magana😂 Wato Sultan Ashraf....Sister Meerah Uwar ɗakin Sulfeena, da Kuma Yar ɗakin Ashrafeena Rukayya Abdul.... Ga kyautarku nan_

Page.٩
  Gabaki ɗaya ji yayi hankalinshi yayi mugun tashi, ranshine yayi masifar ɓaci. Badan karya saɓawa Ra'ees ba da..... Sai kuma ya mike daga zaman da yake yasaka kayansa dan dama zaune yake daga shi sai wani jan kwarjalle, (Wato kwarjalle daga yanki Asia aka amfani dashi zaku sai danfarin kyalle da yan kudancin india suke amfani dashi a film ɗinsu) shine a jikin Amir.
       Yana gamawa yafito, ta cikin uwar ɗakinshi. Waje ya fito tare da wasiwasin abinda Ra'ees ya faɗa mishi, kawai sai yaji bai amince da maganar Ra'ees ba karo na farko a rayuwarshi, mikewa yayi ya koma ɗakin ya buɗe inda Ra'ees yake ajiye masa abu nan yaga zoɓen ɗanyen azirfa. Dauka yayi yana kallon zoɓen wanda aka zagaye samanshi da jan Diamond, dan kyau zoɓen ya haɗu. Dauka yayi yasaka a cikin aljuhunsa sannan ya dawo falourn inda yasami Uzaif yana xaman jiranshi,
Kallon Uzaif yayi sannan ya zauna tare da mai da hankalinshi ga baki ɗaya kan Uzaif.
        "Abbie!"
   D'aga mishi hannu yayi cikin tsukewar fuska yace.
"Kacewa Marhum ya dakatar da abinda yake, in ba haka ba duk abinda ya dawo mishi yayi kuka da kanshi."
         Gyaɗa kai Uzaif yayi, sannan yace.
"Abbie maganar fidda kuɗin nan Sultan ya nemi hujja"
      Kurawa Uzaif ido yayi kafin ya janye, kamar bazai ce kome ba.
    "Me kace masa?"
      
"Abbie wallahi bansan me bakina yace ba dan Yaron akwai wani ɓoyayyen sirri a tare dashi."
    
   "Ba tambayar da na maka ba kenan me ka gaya mishi nake son sani.
     Shiru yayi sannan ya faɗa mishi yadda sukayi da Sultan.
   
    "Hmm" kawai Amir ya iya cewa, sannan ya sallame Uzaif.
Bayan fitar Uzaif juya alamarin Sultan, yake tabbas akwai matsala, matuƙar ya bari su Raziya sukai galaba akanshi har abada bashi da ikon akan Masarautar dan itama bata ki abata mulkin ba.
            ......
  Fitar Uzaif gidan Marhum ya wucce, gaisawa sukayi sannan ya gaya mishi sakon Amir, riƙe yake da kofi me ɗauke da taceccen inabi, bai san lokacin da ya maka kofin da kasa, sai da ya tarwatse baki ɗaya.
            Zubur ya mike ranshi a ɓace.
   "Wani munafukine ya gaya Abbie ina kaiwa Ashraf hari?"

          Juyawa Uzaif yayi yabar falourn, dan shi bai damu da mulki kaman yadda Marhum da Mahaifinsu suka damu mulki ba.
 
               ***
    *NIGERIA*
      Abuja.....
Tashin hankali ya dadda samun mazauni a cikin gidanmu musaman da aka rasa inda Nake, dukda Ummi tana ɓoye damuwarta bai hana ranar da Labari yazo musu bana makarantar da naje yi a kasar waje sai da ta yanki jiki ta faɗi. Hajiya Nuratu ta sake dariya sannan tace.
"Eh k'uwwa bayan hari kuke, yarinyar da ta tafi karuwanci kuke damuwa da ita! Ku jira idan tazo muku d...."
           "Amma Nuratu baki da hankali, da kike faɗan haka meye ribarki. Kodan Allah bai baki mace bane, amma ai ga yaran da kika ɗauko riko kalamanki zasu koma kanki."
   Inji Hajiya Amnah.
      Dukkansu Ummi najinsu amma bata jin zatayi magana, ita fatan ta ɗ'aya na dawo gida lafiya,
              Shigowar Nannah shi ya tilasawa Hajiya Nuratu tayi shiru,  cikin mutuntawa suka gaisa. Sannan ta zauna tana tambayar ya Ummi taji da jiki, duk suka ce da sauki. Shiru ne ya gitta a tsakaninsu, can sai ga Matar Abdullahi da yaranta, hannunta ɗauƙe da basket ɗin abinci itama tashigo zama tayi ta gaishesu.
               Sun jima sosai kowannesu da abinda yake juyawa a ranshi...
  Da dare Anim yazo ya gaida Ummi bayan yafitane ya samu Abba da maganar yasa a bincika sosai dan an samu ganin kiran da nayi daga U.S zuwa dubai daga nan ba a kuma ganin wani wani motsi nawa ba...
           Sun jima suna tattauna batu akaina, kafin suƙayi sallama.
           ***
*JORDAN*
     Haɗin girki na fara hankalina kwance,
     Ina na fara kokarin dafa Felafel cikin kwarewa na fara haɗawa, ina gamawa na juye a cikin wasu manyan kuloli, sai lemonada. Shi kaman shaka yake.
        Sai Zarb bbq wanda nayishi da naman karamar daba.
       Fitarwa nayi, naje na jera akan dinner table, haka na ɗauki kwalɓar ruwa na kai, sannan nazo na fara cin abincina, ina ci ina jin wani iri a raina dan yau jina nayi a jikina ana nima na, gashi ina niman kusan wata bakwai, dan a yanzun wata huɗu a cikin masarautar, watana uku kafin shigowa cikin masarautar gashi bani da hanyar da zan samu labarin mutanen gidan tunda bani da y'ancin fita.
            ..... "Ke Yar African kizo Sultan zai ci abincinki."
     B'ata rai nayi cikin gatsali nace.
     "Idan banzo ba ya kwana da yunwa."
    Zaro ido mutumin yayi kafin yace.
"Ni bazan iya kai sakonki ba, dan ina da yara da kanne mata, ke zaki iya kaiwa da kanki ko kuma na ɗauke ki dan naga rashin aukinki yafi..."
     "Wato baka tsoron Allah sai wancar yaron?"  fita yayi ni kuwa na cigaba da cin abincina, ina gamawa na mike tare da wnke hannuna, na fita.
          Ina zuwa na same shi ya maida kujeran baya sannan ya ɗaura ɗaya aƙan ɗaya, idanunshi ɗauke da medical glass yana duba jarida.
           Zuwa nayi na tsaya a tsaye akanshi, yaji zuwana amma yayi kaman bai san da mutum a gun ba, nima kuma ina jin shariya ne dan haka na cigaba da tsuyuwa, ni a tunanina yunqa zata sashi min magana, karshe mikewa yayi yabar min jaridar a gun yafita.
              Kaii jama'a wallahi ban taɓa ganin ɗan renin hankali irin Sultan Ashraf ba, tsakani da Allsh cikinka ma sai ka nuna masa kai ɗan jan wuya ne.
    ...... Karshe haka na juyewa su Ghaniyu, dare ma haka da na gama na same shi ne a zaune ina gama jerawa ya mike, gyaran murya yayi su Ghaniyu suka shigo.
   "Umarninka muke jira."
   "Ku kaita gun Azrah."
       A gaba suka sani har shashin bayi, inda suka kaini gun tsohuwar nan, tsayawa sukayi a bakin kofa. Na shiga na samu tana sallah. Zama nayi ta idar sannan muka gaisa, kallona tayi tana murmushi tace.
   "Yau kece kika kawo min ziyara? Hmm anya ba Sultan bane ya aikoki."
          Gyaɗa mata kai nayi, alamar eh. Matsowa tayi kusadani ta riƙe hannuna tana kallona, tare da cewa.
   "Bansan me yasa nake jin bakin ciki idan naga yadda kome yake tafiya na rayuwar Sultan a hangunce bayan nasan kome amma bani da ikon yin kome akai, kodan nice nayi renonshi daga lokacin da aka kaini a matsayin me kula dashi ba, ina rokonki idan har biyanki akayi ki cutar dashi don Allah ki taf..."
   Shiru tayi can kuma tace.
  "Kiyi hakuri na tsaya ina miki shirme, akan abinda bai shafeki ba. Zaki kiyayye abubuwa guda goma sha ɗaya, na farko idan kika gama abinci kika jera zaki tsaya a gun har lokacin da ya fito, na biyu zaki buɗe kwanonin abinci yaga abinda yake so, na uku zaki maida hankali akan abinda idanunshi ya tsaya akai, na huɗu baya cin yaji da gishiri, yafi son ganye da y'ay'an itace, na biyar baya cin abinci a kala d'aya inso samu ne kiyi sama da kala biyar, sannak yafi son ruwan kankana da abarba, na shida idan kika saka masa zaki fara ci, dukka abincin. Sannan na bakwai zaki tsaya akanshi gudu kar ya kware, na takwas zaki na bashi kananun labari wanda zaija hankalinshi yaci abincin sosai. Na tara dole ki zama me hakuri dashi dan koda yaci abincin in bai masa ba zai dole ki sake dafa masa sabo, na goma idan ya gama godiya zaki masa sabida cin abincinki da yayi abu na sha ɗaya idan ya shiga ɗakin motsa jiki zaki bishi da ruwa tare da karamin towel sai y'ay'an itace d'akinshi kam akwai masu kula dasu iyakarki falourn ɗinsa.. Wannan shine dokokin ciyar da Sultan Ashraf."
             Shiru nayi ina lissafo duk uban bayanin da tayi min, wanda nake jin babu ɗaya da zan iyayi tsallakewa, dan saura wata biyar na bar kasan koda ban same kanshi ba zanyi kokarin masa abinda dole wata rana ya nime ni. Toh meye kenan, mutum ba sakin fuska ba, ba hira....
Dafa kafaɗana tayi cikin tausassiyar murya tace.
    "Ban sanki ba! Amma tunda naga ya turoki akwai wani abu na daban, kiyi hakuri da zama dashi sabida. Ya tashi babu kowa a tare dashi sai ni, nima ɗin iyakata kula dashi amma an hananin shakuwa dashi, balle na nuna mushi muhimmanci rayuwa, akwai binannun abubuwa sosai, tashi kije."
          Mikewa nayi nasakai na fita dan jikina yayi mugun sanyi,
shi yasa yake abubuwa son ranshi bai tunina, toh me yasa Nannah taki gaya min kome, akwai abinda Azrah tasani na rayuwarshi amma tsoro da gudun faɗawa damuwa yasata yin shiru, meye yasa toh? Me take ɓoyewa akanshi, indai zata shiga damuwa akanshi tabbas akwai, ɓoyayyen alamarin da yafi karfinta. Dan haka kawai bazata tayi kokarin sanar min da wasu abubuwan da ke damunta ba,
         *Shin Meke faruwa ne A Masarautar Jordan?*
    Abinda na tambayi kaina kenan babu amsa, tunda ba wani na ajiye zai bani amsa ba.
       ***
Washi gari sai da na kusan makara, dan jiya da tunanin waye Sultan Ashraf na kwana, da gari ya waye na shiga haɗa mishi abin karyawa, banyi wani abubuwa ba dan babu lokaci..
          Ina gama jerawa yana fitowa, ina tsaye a gun yazo saka mishi nayi, sannan nabi kan abin karyawa na ci, ɗaukar fork yayi yare da karamin wukar cin abinci ya fara cin y'ay'an Zaitun da na dafa, sannan ya shiga cin sauran abincin a yangance yadda yake taunar kaman wadda bakinsa ke ciwo tsayuwa nayi ina kallon abin mamaki dan ina kallon maza a rayuwata karo na farko da naga wanda yake cin abinci a yangance kamar ba cikinsa zai saka ba, ita kanta ruwan da zai sha kurɓa ɗaya ake mata a ajiye, wato babu abinda mulki bai sawa mutum yayi. Kaɗan yaci yasha ruwan coffee mara madara shima kurɓa yayi yabar sauran. Sannan ya mike tare da barin falourn da uwar harara na rakashi, wallahi bani bin kowani dokarka, dan baga dalili ba.
         Haka na tattara abinci, nakai kitchen, sannan na dawo naga Ghaniyu a tsaye kamar bazance kome ba can nace masa.
"Lafiya?"
    Girgiza kai yayi sannan yace.
"Meye ya haɗaki da Sultan?"
        Zaro ido nayi ciki fargaba nace.
"Meye kuma nayi."
A raina nace.
*Muguntar sarki Zalimun ya motsa kenan yau*
      Shiru yayi ganin yadda na ke kokarin ɓoye tsorona, yace.
"Wai idan kin shirya akaiki kasuwar zamani ki duba abinda kike amfani dashi na yau da kullum."
    Boyayyen ajiyar zuciya na sauke sannan na koma kitchen ɗin na kintsa kome, na wanke hannuna, ina fitowa na kalle tulin takardun da suke kan table ɗinsa, page na ɗauka da biro na zauna akan kujeran shi na shiga, rubuta abinda nake bukata, kamshin turarenshi yasani ɗaga kai, yazo zai zauna kawai yaga na ɗare kujeran inata rubutu, shine ya koma gefe ya coge, tare da harɗe hannunshi a kirji,
     (Ina ruwan shiga uku fitar takaba da molo😂)

         

#MJ#HZƘ#VOTE nd Share.......

Oum Muwadda.......
[2/5, 7:51 PM] +237 6 72 92 59 08: I just published "Page.١١" of my story "MASARAUTAR JORDAN!!!". https://my.w.tt/zCGf0qyIi3



*_HAZAƘA WRITER'S ASSO_*





*_MASARAUTAR JORDAN!!!_*
_Jordan Historical_
*©2020*
*BOOK ONE*


    *_Labarin yasha da sauran_*


Sadauƙarwa ga masu ruɗewa😂😝
Page.١١


         Washi gari aka tashi da shagalin musanman irin nasu na larabawa,shuwagabanin kabilu sun zo har cikin dakin taron masarautar. Tun safe da na gama abin karyawa yazo ya karya na goge mishi gashin kanshi, ya koma ciki ya sanya farar jallaɓiya, da alkƴaba ruwan zai ba.  Wato golden coloure. Takalmi kamfanin Gucci yasaka. Ina cikin gyara falon ya fito.
 
   
          Kallo d'aya nayi mishi a hankali na furta "Masha Allah."
           Yau kam fuskarshi a sake kana gani kasan akwai Burbushin mutunci.

            Zama yayi na zuba mishi aBinci. Yaci sosai sannan ya ɗago kanshi ya kalleni a sace sannan ya kauda kanshi yace.
  "Gyara min ɗakin"

     Ɓata rai nayi bansan lokacin da na tura bakina ba, ina magana kasa kasa.
   
    "Yau ina cikin jin daɗi bani da loƙacinki amna Irfan zai min maganinki."
     Shiru nayi dan natsani ya haɗini da Irfan ɗin nan. Ganin yadda na shiga hankalina yashi mikewa ya fita, da harara na rakashi cikin. Mita nace

"Yau anyi abin kai fitsari da kumfa."
  Ni ɗaya sai mita nake da na gaji na zauna akan kujeran gun cin abincin na shiga tunanin gida, dan nasan ban kyautawa iyayena ba. Da Anim me zance musu idan na ka gida, ina naje? A gurin wa na zauna? Wannam sune tambayar da suke hanani sukuni, musanman idan na tuna da halin da Ummina zata shiga, ko a wani hali taƙe oho?

            ***
"Karka bari wani ya raɓe shi, dan yin haka zai haifar da damuwa. Ukshe ka kiyaƴƴe maganata, na gaya maƙa ka kiyayye maganata, na kuma gaya maka ka kiyayye maganata.. Na rantse da abin bautana idan ka kiyeyya abinda na gaya mulkin kasar jordan ya haramtawa Ashraf ka kiyayye maganata, kuma kayi ɗamara dan yanzun jordan zata dawo karkashinka, amma sai ka fuskanci kalubale daga kabilarƙa."

         Gyaɗa kai Amir yaƴi cike da farin ciki yace.
"An gam..."
  
     "Ba an gama zaka ce ba. Ukshe rayuwata na bada sabida kai, ko min kashin ƙusƙure mutuwa zanyi,  ƙuma zan ɗauke hankali mutane akanshi yadda zaka manta da shi baki daya, Ukshe karka bari kowa ya raɓe shi."
 
         Kusan kashedin da Ra'ees yayitawa, Ukshe kar asami matsala dan rayuwar ra'ees ne a cikin hatsari, sakamakon wani shirin da yayi na kawar da Ashraf daga mulkin ƙasar Jordan.
    

          ......... "Abu Zarri! Yaron nan yau zai shiga fadar can fa."
    
     Murmushi Amir Abu Zarri yayi sannan yace.
"Bani da matsala dashi, kuma ai dama ance yana cika ashirin da tara zai amshi mulƙinsa, kuma ya ciƙa gara ya amshi mulkinsa. Ko wasu zasu rage son zuciya."

  ..... Karamar dariya Amir Uƙshe yayi sannan, yace.
"Kana ƙoƙarin adana ɓacin ranka, nan gaba ma sai magana yafi karfinka, ka gya..."

   Shigowar Ashraf cikin ɗakin meeting, yasa shi yin shiru tare da mikewa tsaƴe. Masu kula da lafiyarsa suka ja masa kujeran.
     "Bismillah."
   Ya furta a hankali, idan baks lura da leɓɓansa da suka motsa, bazaka fahimci basmalla yayi ba.

          Ajiye masa yar briefcase ɗinshi akayi, ya kare musu kallo sannan ya buɗe jakar a hankali ya zaro takardun ya ajiye a gefe, sannan ya ɗago kai yace.
      "Gashi ku nemi sauran ku basu."
          Mika musu takardun irfan yayi, suka gama dubawa sannan Abu Zarri yace.
    "Doka ta goma da ta sha ɗaya batayi tsauri ba, sannan yaushe zamu yarda mu bawa Yahudawa dam.."

      "Dokata ce haka"
      Murmushi Amir Ukshe yayi sannan yace.
  "Banga wani abin d'aga hankali a nan ba, dan ni dokar tayi min."

   "Kace doksr tayi?" ya wurgawa Amir Ukshe tambaya,
    Gyaɗa kai yayi,  cikin gamsuwa Sultan ya ciro wani takarda ya turawa Amir Ukshe, yace.
  "Case ɗin Angela"
         Dauka yayi yana dubawa, sake tura mishi wani yayi cikin sanyin murya yace.
"Wannan kashedin Marhum ce"

    Dauka Amir yayi yana dubawa, cikin sakin fuska yace.
"Insha Allah haka bazai sake faruwa ba, yarinya taci albarkacin sarki ya shiga Fada, mun gode."

              "Sultan!! Ka janye bawa Banu Nazir muƙami, gwara Banu Hussein dukkansu musulmai ne." inji Amir Abu Zarri
    
    "Duk yadda kuka gani."
          Shiru sukayi Abu Zarri ya Amshi takardun ya suƙe, wannan sai na gomane ya bari dan shi an saka babu bambancin Kabila duk wanda aka kama da laifin ya kashe wani da gangan hukuncin kisane,
   doka ta farko ce idan aka kama wani yayi yunkurin kashe sarki hukuncisa shima kisace, doka tabiyu kuma, duk wani shugaban da aka kamashi yana bin bayan me laifi zai sauka a mukaminshi ne kowaye shi kuma ba iya sauƙa ba har sai ya ajiye taran kuɗi, sannan ana jan kunne da cire ƙuɗi a baitul malin masarautar.

      Daga ɗakin taron ɗakin shagali Amir Ukshe yajashi suƙa tafi. Inda yasamu mutane musanman attajirai da wasu daga kabilu guda biyun nan.

         ***
Bayan tafiyarshi akazo aka korani zuwa, shashin bayi, nayi mamakin faruwar haka. Amma ban d'aga hankalina ba, nasan kodan cikinsa zai nime ni.

  ....... Bazance me ya faru ba, sai dai naji kishin kishin ance yabar garin,  ya koma gun aikinsa.