You Cannot Download this book untill you login but you can read it .

---

Login Register

"Ameenah, ita rayuwar nan da kike gani, mutane na yin ta ne kawai ba wai don suna jin dadinta ba, sai don yin bautar da aka halitto mu domin yin ta. Bari in fada miki wani sirri game da sarewar rayuwa, the more you lose hope, the more your heart will break, the more your dreams will fall. A hankali duk wani burinka zai fadi, ya ki cika, mafarkin ka ya zama ba gaskiya ba, y?? Bcoz kai a karan kanka baka da assurance na zamowar wannan mafarkan naka gaskiya, tell me, ta yaya mafarkin ki zai zamo gaskiya idan kina karya ta shi?" na girgiza mata kai a hankali alamun babu, tayi murmushi tace "then cheer up Ameenah! Ki tashi ki fuskanci rayuwar ki ta gaba, past is past, Marwan has gone to where he belongs to, ki gina rayuwar ki data danki cikin kwarin gwiwa. You can do it, ki sanyawa ranki hakan. See possibility in every impossibility sai ki ga komi yana zo miki da sauqi duk wahalarsa. In shaa Allah rayuwar ku zata haskaka, Allah kadai yasan dalilin da yasa ya dauke Marwan daga gare ku wanda ni na tabbatar da cewa hakan alkhairi ne. Don haka ki sake bude idanunki cikin wannan sabuwar rayuwar... Allah yana tare da ku, n we will always be...!!".

Zuciyata ta nutsu da kalamanta da ita kanta ma, she was right. Nasan cewa komi ta fada gaskiya ne, kawai zuciya ce idan ta karaya ta yanke buri to komi naka ma sai ya yanke. Cikin kwarin gwiwa na dauki bowl din da Ammie ta ajiye min, farfesun kayan ciki ne da yasha veggies, na fara ci a nutse. Ban san ya aka yi cikina ya bude ba, sai a lokacin nasan ashe ina jin yunwa, taste dina ya dawo. Na cinye na ajiye kwanon a gefe, Likitar nan ta tsiyaya ruwa a cup mara sanyi ta bani nasha tare da magunguna na. Sai lokacin ta mike ta mana sallama, Ammie ta raka ta har bakin kofa tana mata godiya. Ta maida kofar ta rufe ta dawo gare ni ta zauna a gefena ta cigaba da kwaurara min gwiwa da nasihun ta. Na tashi na shiga toilet na dauro cikakkiyar alwala, na zira doguwar riga da hijabi na fuskanci alkibla na fara jero dogayen nafilfili har sai dana ji kafafuna na niyar sagewa, na sallame sallar na daga hannuwana sama ina yiwa Allah kirari ina hawaye, ina rokawa Marwan gafarar Ubangijin Talikai, nima kuma na roki dauriya da jurewa rashin shi a kusa dani.

_[Sadaukarwar wannan shafin ga duk wata matar aure data rasa mijinta, mijin daya rasa matarsa, uwa data rasa 'ya'yanta, yara da suka rasa iyayensu, dama sauran 'yan uwa musulmai da suka riga mu gidan gaskiya. Allah ya bamu hakurin jure rashin wadanda muka rasa, Allah yasa mu cika da kyau da kuma cikakken imani, Ameen!!]_



©Jeedderh🐾
[5/2, 11:03 PM] ‪+234 816 492 9724‬: 💕🐾•°•° *BAYAN*•°•°🐾💕
💕🐾°•°• *RAI...*°•°•🐾💕




🐾°•40•°🐾


Washegari ras na tashi ina jina cikin wani nishadi da jin dadi. Ina kan gado muna hira da Ammie su Uncle suka shigo dakin, sun ji dadin gani na a haka. Na tashi da murnata na karbi Al-Ameen daga hannun Anti, yaro dan kimanin wata biyar da kwanaki. Yayi bul dashi Masha Allah, alamun girman jiki da wayo sun bayyana a tare dashi. Ina daukar shi ya bingile da dariya, sai nima naji na sanya dariyar na rungume shi. Likitar nan ta jiya suka shigo tare da wani likita, ta duba ni tana tsokanata ana ta dariya har suka fita bayan sun tabbatar min da nan da en kwanaki za ayi discharging dina. Kwana biyu na kara a asibitin aka sallame ni, Nigeria muka yi haramar wucewa daga nan asibitin. Ammie ke aikin hada mana kaya tace ni in zauna in yiwa Al-Ameen wasa kamar tasan aikin da nafi so inyi kenan, don haka na koma gefe ni da dana. Likitar nan mai suna Rachna ta turo kofar dakin ta shigo, cikin dan lokaci mun yi sabo da matar sosai kasancewar ta mace mai kazar-kazar da faram-faram da jama'a. Ta shigo tana tsokanata wai yau dai gida ko? Na kalleta kawai ina dariya. Tayi rubuce-rubuce a jikin wani fayel ta ballo takardar sallama ta mikawa Ammie. Ta bani hannu muka yi musabiha da ita, ta juya zata fita na bita da kallo. Haka kawai nake jin matar a cikin jikina, naji bana son rabuwa da ita. Nace doctor! Daidai tana kokarin kama handle din kofa, ta tsaya cak kafin ta juyo tana kallona fuskarta dauke da murmushi, na taka a nutse na isa gareta muka rungume juna, na kara mata godiya game da irin taimakon data min, muka yi musayar lambar waya da ita sannan muka yi sallama ta fita. Ba ayi minti goma ba Ya Faruq ya turo kanshi dakin, na mike rungume da Al-Ameen na yafa gyalen riga da siket din dake jikina, Ammie da Ya Faruq suka kwashi tarkacen mu muka fita. A motar asibitin muka isa airport, muna zuwa babu bata lokaci aka yi aune-aune da checkings muka fada jirgi, mutane suka gama shigowa aka rufe jirgin, muka tasamma barin kasar India....

🇳🇬PROUDLY 9JA....!🇳🇬

Saukarmu a babban filin jirgin sama dake jihar Gombe da misalin karfe biyar da rabi ne a agogo gida Najeriya, na wulkita idanuwa na gefe inda cincirindon en uwana suka ja tunga, a cikin yayyena Yaya Abdul-Hadi da Anti Fati ne kawai ban gani ba, ga kuma sauran relatives dina. Na rasa irin kaunar da en uwana suke keyi mun, a kowane abu da za ayi cikin dangi nawa sai ya banbanta, suna girmama komi nawa, suna nuna son da suke min a fili karara, a zahiri. Kafin kace meye wannan? Sun yanyame ni kamar wasu kudaje, kowa so yake ya rungume ni. Al-Ameen kam tuni aka shiga wasa-re-re dashi daga hannun wannan zuwa wancan, a haka dai muka shiga mota muka tafi gida.
As always and expected, can gidan ma wata tara ta musamman na taras daga matan yayyena har ma da iyaye maza da mata, suka yi ta shigowa suna yi mun ta'aziya har dare ban samu na huta ba.

Sai washegari da muka yi wanka, muka karya tare dasu Ammie. Na dauki baby na muka shiga cikin estate din gaishe-gaishe. Rayuwarmu a Gombe gwanin dadi, tattalinmu ake yi sosai kamar wasu kwai. Lokaci zuwa lokaci Yaya Faruq ya kan fita yawo damu, watarana har wajen aiki yana zuwa dani. Duk dai abinda zai dauke mun kewa da tunanika Ya Faruq yana min su, haka idan muka fita ya dinga jidowa baby Al-Ameen kayan wasa dana makulashe kamar me. Ni da baby na munyi bul, gashi har ya fara koyon zama lokacin. Yayi wayo sosai don babu muryar wanda bai sani ba a sasan mu, kullum kamanninsa da Marwan kara fitowa suke yi, dalilin da yake kara min son yaron a raina kenan.

BAYAN WATA DAYA...!

Hankalina ya kwanta sosai, ni da Marwan a yanzu sai addu'ah. Duk da hakan, sau tari idan na tuno shi baya hana in shige daki in shaki kuka na sosai, har zuwa lokacin ina jin Marwan a raina, ina jin mutuwarsa kamar a lokacin aka yi ta. Na tattara nawa-i-nawa muka koma Mumbai saboda makaranta, Ammie tayi-tayi dani akan in bar mata Al-Ameen amma na ki, saboda yanzun shi kadai ne sanyin idaniyata, kallonshi ya kan dauke min kewar Marwan a yawancin lokuta. A Mumbai dana shiga tsohon dakina na gidan Uncle wani kuka na fashe dashi, mutuwar Marwan ta dawo min sabuwa dal kamar a lokacin aka yi ta. Ranar da zan bar dakin kallon karshe na dinga mishi, ina ganin kamar idan na tafi kenan, har abada. Sai gani na sake dawowa cikin shi din da zama cikin wata hikima ta Ubangiji.
Washegari na shiga makaranta, Allah ya taimake ni kararun semester bai yi nisa ba amma duk da haka an yi min nisa kwarai, akwai alamun sai na dage sosai don kada a barni a baya. Daga makaranta central jail na mata na wuce wajen Hindu, na tsaya a hanya na mata sayayyar kayan bukata masu yawa. Tana ganin Al-Ameen a hannuna ta fashe da kuka, kukan daya karyar min da zuciya nima na shiga taya ta muka yi ta rerawa, muka yi muka gaji muka yi shiru. Daga nan muka shiga hirar duniya da rayuwarmu har lokacin da aka debar mana ya cika. Muka rabu da juna muna sharar hawaye. Daga ranar nan duk karshen sati na kan kai mata ziyara, muje mu yini a wajenta ni da Al-Ameen. Makaranta kuwa karatu nake yi babu kama hannun yaro, tare nake zuwa makaranta da Al-Ameen saboda gidan babu kowa. Wata tsohuwar ma'aikaciya na samu Ummu-Hani tana kula min dashi idan zan shiga class, na yarda da amanar matar da tsabar ta, gata kuma musulma. Duk karshen wata nake sallamarta.

Watannin Al-Ameen tara ya fara magana, ranar daya bude baki yayi magana ranar na fito ne daga toilet daure da towel bayan na mishi wanka, yayi rigingine yana ta en wasanninshi na yara. Ina tsaye a gaban mirror Ina goge danshin jikina, sai na jiyo er siririyar murya daga inda yake zaune ance "Mahm.....mieee" na juyo da sauri ina kallonshi kamar mai tantama, nace cike da kidima da murna "baby me kace?" ya sake cewa "Mahm....mieee!!"
Na saki karamin towel din hannuna na nufe shi da gudu na sure shi ina ihun murna, na janyo waya na shiga dannawa mutane kira ina musu albishir din baby na ya fara magana har gidan yari na kira aka hada ni da Hindu na fada mata, da dare kuwa sai ga Kabeer yazo gidan, muka hadu dasu Uncle dasu Asleem muka hada kwaryar liyafa ta murnar fara maganar Al-Ameen. Ban yi kasa a gwiwa ba na fara koya mishi sunayen Allah tsarkaka, dama tun kafin ya fara magana idan muna zaune haka kawai na kan kunna mishi irin wanda ake yi da er waka saboda yara. Da alamun zai yi surutu sosai, haka zai zauna yayi ta gwalantun hira ni kuwa in saka shi a gaba inyi ta tikar dariya....




©Jeedderh🐾
[5/2, 11:03 PM] ‪+234 816 492 9724‬: 💕🐾•°•° *BAYAN*•°•°🐾💕
💕🐾°•°• *RAI...*°•°•🐾💕




🐾°•41•°🐾


Ina cikin browsing akan wani assignment da aka bamu naci karo da wata makaranta da ake koyar da training akan binciken sirri. Ban san me yasa ba, haka kawai na shiga bincike game da makarantar, tsarinta, yadda zanyi registration, da sauran su. Ba tare da nayi shawara da kowa na naje mkrntr nayi register dasu. Marwan kawai na dinga tunawa a lokacin da nake registration din, lokacin da yace yana sha'awar ganin mace na aikin en sanda, duk da cewa ba irin wanda yake so bane amma shima ai aikin en sanda ne, kuma ma idan ta kama zan saka kaki, hakan ne ya bani kwarin gwiwar kai kaina makarantar. Na kai musu da takarduna na training din da nayi na watanni tara, suka ce bana bukatar wani dogon training saboda ina da experience a harkar, watanni shida kawai zanyi su bani takardar gama karatu, kuma da yake karatu da training din part time ne, ba bata lokaci na rattaba hannun amincewa. Dama sauran watanni bakwai na gama degree dina, abin was not easy ko kadan, gashi muna yawan halartar manyan cases da criminals da dama a ciki da wajen Mumbai, amma duk da hakan ban karaya ba, ban kuma sanyawa raina zan karayar ba, ina son cikawa Marwan wani buri daya daga cikin burirrikansa kafin rasuwar sa. Su Uncle kansu sun lura da yadda na zama busy a dan takin, kullum na fita da safe bana dawowa sai yamma likis ko kuma dare, suka yi juyin duniya akan in fada musu inda nake zuwa amma naki fada musu, kullum amsata daya ce; aikin project dina nake a makaranta.


Haka mintuna suka dinga wanzuwa suna shudewa su zama awanni da kwanaki zuwa sati sannan watanni. An sallami Hindu daga gidan yari da sati biyu muka kammala training dinmu, da takardun shaidar zamu iya samun aiki a koina, kuma zamu iya fadada karatun mu. Hankalina ya kwanta ta wani fannin. Sai na tattara duk wata natsuwata na mayar kan jarabawa dake tunkaro mu. Bayan wata biyu na gama kararun degree dina, sati na biyu ina warware gajiyar karatu da kujiba-kujibar projects, sannan na fara shirin tafiya Najeriya.

Kafin in tafi sai da naje Shimla wajen Maah na kai mata Al-Ameen. Dama lokaci zuwa lokaci ta kan zo ta ganshi ita da Kabeer, ni ce dai ban taba zuwa ba. Na samu tarbar karramawa daga gareta, sosai taji dadin ganin jikanta. Anan Hindu da mahaifiyarta suka zo suka same mu, suka ga yadda yaro na yayi girma na ban mamaki, gudu da yawo babu inda baya zuwa ga surutu caii a bakinshi kamar aku. Kwananmu biyu a can na sanar dasu kudirina na son komawa gida, anan kuwa na ga abin mamaki. Mahaifiyar Hindu tsalle tayi ta dire tace ba zai yiwu in tafi mata da jika ba, rikon da na mishi ma sun gode in basu jikinsu haka. Gabadayanmu ta bamu mamaki tunda a gabanta Marigayi Marwan ya furta ya bani Al-Ameen duniya da lahira, duk wani lallami da bayani daga bakinmu zuwa gareta a banza ya tashi. Sai da Kabeer ya shiga zancen sannan ta kyale mu. Aikuwa ban kara ko yini daya a India ba, ranar dana dira Mumbai da dare washegari da safe muka bi jirgi sai Najeriya.

Zaman mu a Gombe babu yabo babu fallasa, na samu makarantar kananun yara na kai Al-Ameen, ni kuma Ina zaune a gida babu abinda nake yi. Muna waya dasu Uncle suna fada min yadda Maman Hindu ta dame su da zarya akan su fito mata da jikanta ko kuma ta kaisu kotu, ni mamakin karfin halinta kawai nake yi, nace su barta ta kaimu kotu din bai dame ni ba tunda akan gaskiyata nake rike da Al-Ameen.
Zama hakanan ya ishe ni bana jin dadi, rabin kudin gadona na dauka na ba Yaya Al-Mustapha aka fara gina masallatai da bore holes a kauyuka, gyaran tituna da sauran sadakoki da niyar Allah ya kai ladar kabarin Marwan. Ban yi shawara da kowa ba na samu wani malamin training dinmu ta internet, da taimakonshi na samu aiki da kungiyar binciken sirri ta kasa anan rassan Gombe. A ranar da nayi niyar kai takarduna ranar Kawu Hamza ya kira ni har falonsa yace yana so a cikin manema na in cire miji inyi aure, maganar shi ta kidima ni kwarai. Haka na tafi headquarter zuciyana cike da sake-sake, abinda na sani kawai shine cewa ni bazawara ce yanzu wadda take da damar da zata zabi mijin aurenta da kanta, don haka Kawu bai isa yayi min auren dole ba. Ban shirya yin aure yanzu ba, ba kuma zanyi ba don ban ga wanda zai maye wawakeken gurbin da Marwan ya bari a cikin zuciyata ba.
A can headquarter dana kai takarduna, a ranar suka kaini ofis din da zan zauna har da dauko files aka jibge a gabana. Abin sai yazo min a wani iri, nayi murmushi yayin da nake daga files din cike da farin ciki, nasan a duk inda Marwan yake a yanzu yana cikin farin ciki kuma yana alfahari dani. Karfe hudu ne lokacin tashi na, na rufe files din gabana na dauki jakata nayiwa abokan aikina hudu dake cikin ofis din sallama na tafi. Da murnata na isa gida zan sanar musu da labarin wajen aikina, abinda ya bani mamaki bai wuce ganin Maman Hindu da tarin kawayenta a gidanmu ba, an taru a kofar sasan mu ana ta cece-kuce suna ta masifa da yaruka kala-kala su lallai sai an basu Al-Ameen sun tafi dashi ko kuma su sanarwa da hukuma. Ganin shigowata duk sai suka maida hankalinsu kaina, rigima ta dawo sabuwa. Ran yayyena ya baci sosai da wannan rashin mutuncin nasu, Ya Al-Mustapha yazo a fusace ya amshi Al-Ameen dake hannuna ya mika musu yana cewa in dai akan wannan abin ne kuke tashin hankalin wannan to gashi nan, kuma dauke shi ku tafi!! Na tafi da guduna na warce shi daga hannunshi gabannin ya mika mata shi, nace cikin daga murya, "ba zai yiwu ba ya'ya, Al-Ameen dana ne halak-malak, a gabansu aka bani shi don haka ban ga wanda ya isa ya raba ni dashi ba!!" aikuwa suka kara hayayyako min, ni kuma na rufe idona nace wallahi ba zan basu Al-Ameen su tafi dashi ba. Yaya Al-Mustapha ya zuciya, bai san sanda ya min barin makauniya da bayan hannunsa na hagu a fuskata ba, wuta ta dauke min na wucin gadi, na zuba mishi ido cike da mamaki ina kallonshi.. Abune da bai taba faruwa dani ba tun yarintata, daya daga cikin yayyena yasa hannu ya dake ni. A guje na nufi cikin gida ina kuka, ba a jima ba na dawo hannuna dauke da takardun shares din Al-Ameen na jefawa su Maman Hindu, nace "nasan saboda wannan ne kuke so Al'Ameen ya dawo hannunku, to ga dukiyar nan ku jikata ku shanye.... Zan kula da Al-Ameen da hannuna da kuma karfin aljihuna. Sauran bayani ku nemi Muhammad Kabeer domin har yau ban ga ko sisi daga cikin kudin gadon Al-Ameen ba, takardu ne kawai a hannuna...."
Sai suka fara borin kunya suna nade tabarmar kunya da hauka, wai su ina ruwansu da wata dukiya? Jikansu kawai suke so, ban kula su ba na koma cikin gida na shige dakina na kulle ina shakar kukan bakin cikin wannan al'amari. Daga karshe dai suka kwashi takardun suka tafi suna zage-zage....




©Jeedderh🐾
[5/2, 11:04 PM] ‪+234 816 492 9724‬: 💕🐾•°•° *BAYAN*•°•°🐾💕
💕🐾°•°• *RAI...*°•°•🐾💕




🐾°•42•°🐾


Kwana biyu muna rigima da en gidanmu, sun dage lallai sai na mayar musu da Al-Ameen alhalin su wadanda suka tado rigimar ma tun washegarin ranar da suka zo suka koma India, dama abinda ya kawo su kenan. Ni kuma na musu tsaurin ido nace idan har ba zasu taya ni rike amanar da aka bani ba to lallai zan bar musu gidansu, in tafi wata duniya can in rayu da dana. Duk a zatonsu burga ce kawai nake yi, ina tauna tsakuwa don aya taji tsoro basu san cewa da gaske nake ba, wen it comes to Marwan and Al'Ameen, i can do anything!, no matter what difficulties. Da naga sun takura min da zancen sai nayi niyar bar musu gidan for good, kai tsaye naje ofis nace ina neman alfarmar a sanya ni cikin wadanda za a tura Kano domin bincike akan kidnappers din nan, dama neman wanda zai je ake yi don haka babu musu suka bani bayanai.
Ban bi jirgi ba, mota na bi. Wannan shine karo na farko dana fara zuwa Kano, kuma wannan shine aiki na farko da zan fara gudanarwa. Duk da cewa ko acan akwai kananun bincike da muke yi da sunan assignments, don haka ban ji komi ba. Burina kawai shine in bar Gombe kuma kada in bar barakar da zata a gano inda nake da wuri. Faisal ne yazo ya dauke ni daga tasha, shine abokin aikina. Sai dana ganshi naga ashe ma dan uwan su Marwan ne amma alakar tasu ta nesa ce amma nasan shi don saboda yana yawan kai mana ziyara idan yaje can. Gidansu ya kaini a madadin hotel. Kwana biyu muna bincike har muka gano mafakar en fashin, muka yanke shawarar zanyi badda kama inje unguwar a matsayin er aiki. Saboda zuwana a haka kuma da da zai iya disa zargi a zuciyar mutanen da zan zauna dasu, don haka ne na maida kaina bakar karfi da yaji, na bar Al-Ameen a wajen Hajiya Tabari, dangin sa suna zuwa suna ganshi a can da yake da muka zo Kano sai dana kaishi family house din su Marwan din. A gareni kam tsuntsu biyu ne zan jefa da dutse daya... Wannan shine dalilin daya kaini gidan Hajiya Karima aikatau, kuma shine dalilin da yasa na bar gida na kuma canza kamanni na...!"


Ta ja ajiyar zuciya bayan ta dawo daga dogon tunanin data tafi, idanunta sun yi jazur saboda kuka, ga roll din used tissue kusan guda uku a gefenta wadda ta fyace majina da goge hawaye da ita.
*_Wannan shine cikakken tarihin Ameenah Wakili da d'anta Al-Ameen..._*

*☆☆☆☆☆☆☆☆*

Sai karfe goma sha daya na washegarin ranar Ameenah ta fito daga dakinta, tuni babynta ya kai kanshi ga Ammie tun da safe, ganin Ameenah tana barci yasa tayi duk wata hidimar shi. Yanayin da suka ganta a ciki bai basu mamaki ba, amma ya fadar musu da gaba. Idanunta sunyi luhu-luhu, fuskarta tayi jawur! Akwai alamun kuka da rashin barci a tattare da ita, ko basu tambaya ba sun san amsar daya ce; ta tuno Marwan. Don haka babu wanda ya tambayeta abinda yake damunta, suka shiga nan-nan da ita, Ammie take tausar ta da nasihu a siyasance. Da yammaci Ya Faruq ya saka amaryarshi a gaban mota Ameenah da Al-Ameen na baya suka shiga gari yawo wajajen shakatawa da manyan malls, sai bayan magriba suka koma gida.
Kwana biyu Biebie ta koma Kano cike da kewar daukacin jama'ar Wakili's estate, hakika su din mutane ne masu karimci ababen girmamawa, becoming one of them will b a great pleasure!

Ameenah kam dari-dari take yi da Kawu Hamza, jira take yi kwanakin daya dibar mata su cika taga yadda zasu kare dashi don dai ita babu wani aure data shirya yi yanzu.

Har kwanakin suka cika bata ji ya tayar mata da zancen ba, haka ne yasa ta shiga murna da tunanin kila ya daga mata kafa ne. Don haka ta tattara ta koma Mumbai, a cewarta ganinta da Kawu Hamza yake yi ne yasa ya tado zancen auren, amma idan ya daina ganinta a gidan halan ya sakar mata mara tayi fitsari.

Ranar da Ameenah ta tafi, a ranar Kawu Hamza, Kawu Jazuli da babban dan Kawu Hamza Idris da kuma Yaya Al-Mustapha suka tafi Kano don nemawa Faruq auren Safeenah. Sun samu tarba ta karimci daga garesu, suna falon Alhj.. Abbas wanda ya tanada musamman saboda manyan baki, bayan an gama cin abinci da raha, sai suka shiga gudanar da abinda ya kawo su, Alhaji Abbas yace idan dai Safeenah ce ya basu. Anan take suka fidda ranar aure, nan da wata guda. Daga nan sai hira ta barke, hira irin ta manya mai cike da fahimtar juna.

Alhaji Abbas yayi gyaran murya alamun akwai magana mai muhimmanci Da yake son yayi, duk sai suka yi shiru