You Cannot Download this book untill you login but you can read it .

---

Login Register

rudani da canki-cankar wanne zata bi, wanne zata kyale??
Hannunshi yasa yana kokarin balle dan tawul din nata, ta saka hannunta tayi saurin dafe nashi. Ya dago idanunshi da suka canza launi daga farare tas-tas zuwa reddish brown, ya saka idanun cikin nata yana watsa mata wani hargitsattsen kallo, sai ta maida nata idanun ta kulle gam saboda ta fahimci ma'anar kallon; he needs ha, very badly.
Cikin murya mai kama data mashayan da suka gama buguwa yace "Ameenah! Don't you need me??" ta dan dago da saurinta tana kallonshi, idanunsa na kanta har zuwa lokacin, sai tayi azamar dauke nata. Yace "idan ke baki yi ni ina yi Ameenah, baki ga kokarina ba? Watanni fiye da uku na zuba miki ido kawai ina kallo, kin san irin wuyar da nake sha kuwa wajen kokarin dauke kaina daga gare ki?? Naji baki so na..., amma don Allah kar ki hana ni morar kadan daga cikin baiwarwakin da Allah ya miki, ni fa mutum ne ba dutse ba Ameenah...." bai bata damar magana ba ya kamo lebbanta da bakinshi yana tsotsa, a lokaci guda kuma ya saki towel dinta yayi kasa, ya hada ta da faffadan kirjinshi wanda gashi yayi wa kawanya sauran damshin jikinsu ya hadu ya haifar musu da wani irin tashin tsigar jiki, wato wata irin salo yake caressing fatar bayanta. Akwai wani magic dake tattare da hannunshi dama shafar da yake mata gabadaya, ko waye tayi imanin baka isa kayi resisting tarkon shafar nan mai batar da hankali ba, don haka ba tare da kara wata shawara ba gangar jikin Ameenah ta sallamawa Modibbo kanta, tabi bayanshi suka lula duniyar Sama-Jannati.......

Sai da suka gama samarwa kansu nutsuwa reality strucks Ameenah, wani bakin takaici marar misali ya ziyarci Ameenah, ta rushe da kuka wanda ke bayyana zallan bakin cikin da take ciki. Yana kwance a gefenta idanunshi a lumshe, har zuwa lokacin bai gama regaining consciousness nasa ba, sai daya ji an kira sallar azuhur sannan ya mika hannu kasan gado ya lalubi towel din shi da yayi fatali dashi dazu ya daura, ya kai dubanshi ga Ameenah, ta gaji da kukan har barci ya dauketa, bargo ya ja ya rufa mata. Toilet ya fada ya kimtsa jikinshi ya fito, a dakin yayi sallah don tuni masallaci an sallame, ya fito ya leka dakinta Al-Ameen na kwance shima yana ta kwasar barci, sai ya sauka kasa. Abincin kari data hada na kan dinning a bude, ba mamaki Al-Ameen ya ci kuma bai rufe ba, ya tattara komi ya kai kicin ya hada sassaukan abinci wanda zai mata dadi a baki, ya gama ya hada komi a kan babban tray ya hau sama. Tashinta daga barci kenan tana tsaye gaban gado daure da dan tawul dinta, idanunta sun dan tasa kuma sun danyi ja saboda kukan da tasha kafin tayi barci. Ya maida kofar dakin ya kulle ya saka keys din cikin aljihun rigar sa, bandaki ya shiga bayan ya ajiye tray din hannunsa ya hada mata ruwan wanka, ya fito ya kamo hannunta ya kaita har cikin bandakin sannan ya fita, dakinta ya koma ya dauko mata jallabiya ta mata baka da hijabi da underwears ya kawo mata, lokacin ta fito wanka ta amsa ta saka ba tare data kalleshi ba ta tada sallah. Ya sake komawa dakinta ya dauko hand dryer dasu mayukan gashi ya dawo dakin. Tana gamawa yaja hannunta ya zaunar da ita akan stool, ya jona dryer a socket ya fara kafar mata da gashin yana yi yana tajewa yana shafa mai, daya gama ya dauko mayuka ya shafe mata kai yasa comb ya taje ya kawo tafkeken band ya tamke mata gashin, mamakinsa kawai daya cika ta sai ta kasa magana, tana dai tambayar kanta a inda ya koyi gyaran gashi haka.

Daya gama wannan sai yaje ya dauko abincin daya hada ya kawo mata har gabanta ya ajiye, yace ci abinci Ameenah nasan babu abinda ya shiga cikin ki yau" wannan kulawa da yake nuna mata sai ta saka jikinta yayi sanyi, ta tsinci kanta cikin wani irin bakon yanayi data kasa tantance ko meye ne, da kansa ya dinga bata abincin a baki har ta koshi, sannan ne fa shima ya fara cin abincin cikin nuna rashin sassauci alamun yunwa yake ji sosai. Wani irin tausayin sa ne yayi mata kawanya a zuciya, bata tantance Ba sai gata tana xubda hawaye, hankali tashe ya dakata da cin abincin da yake yi yace Ameenah lafiya? Cikin murya irin ta wanda ke son rushewa da kuka tace ni dai ka bude ni in fita.... Yace matsalar kenan? Ta gyada kai, yace it's okay daina kukan. Ya mika mata keys din ta amsa da sauri ta tashi ta bude kofar ta fita.




©Jeedderh🐾
[5/2, 11:09 PM] ‪+234 816 492 9724‬: 💕🐾•°•° *BAYAN*•°•°🐾💕
💕🐾°•°• *RAI...*°•°•🐾💕




🐾°•61•°🐾


Kan gado taje ta kwanta a bayan Al-Ameen dake barci, ba wai don tana jin barcin ba sai don tana so tayi refreshing din kwalwarta ta kuma bata damar yin naxari. Ta lumshe idanunta tana tuno moments din dazu, idan ba kunnenta ne ya jiyo mata ba daidai ba kamar taji Modibbo yana ce mata yana son ta, yana kuma rokonta akan itama ta so shi, ta kasa gaskanta maganar, tafi dangana hakan da sambatu kawai. Sai dai me yasa ta kasa tunanin maganganun Modibbo a gareta? Haka ta cigaba da tunanika har babynta ya tashi, ta mike da niyar samo mishi abinci.
Yinin ranar da tunanin maganganun Modibbo ta yini, are the words genuine? Ko kuwa dai kawai sambatun ne kamar yanda take zargi?? Ranar har a cikin barcinta mafarkin Modibbo da maganganunsa ta dinga yi, wannan lamari ya matukar daure mata kai. Da safe ta gama shirya Al-Ameen, tana zaune akan resting chair dake cikin bedroom dinta shi kuma dan nata na gefenta yana bitar karatunshi, ta zabga uban tagumi da hannuwa bibbiyu cikin yanayin rashin cikakken sukuni, da taji alamun taba kofa sai tayi saurin kai dubanta ga kofar. Cikin wannan halin ne ya bayyana tsaye a bakin kofar, cikin shiga ta wata danyar shadda ruwan jinin kare, ya dora hular nan kamar don shi aka yi ta yanda ta zauna mishi das a goshi. Ameenah ta tsinci kanta cikin faduwar gaba, ta kuma samu kanta da kura mishi idanu kurr kamar mai son gano wani abu a jikinsa. Al-Ameen ya tafi da gudu ya rungume shi yana gaida shi, shi kuma ya dauke shi ya rike a hannu yana mishi en wasanni, wannan so da yake nunawa Al-Ameen shi yake kara tsuma zuciyar Ameenah. Ya kalleta yana dan murmushi, tayi saurin sadda kanta kasa, yace madam ina kwana?? Ba yau Modibbo ya fara gaida ta ba, amma irin kunyar da taji yau bata kadan bace, cikin rawar murya tace "eyhh?? Ina kwan....na..!" ya dubeta da dan mamaki, sai kuma yayi dan murmushi suka fita daga dakin shi da Al-Ameen. Tayi kokari ta dauki jakar Al-Ameen da lunch box dinshi tabi bayansu har gaban mota, bayan sun gama sallama da danta ya shiga mota da yake direban shi bashi da lafiya, sai ta duka tace "Allah ya kiyaye hanya!" Ba da Al-Ameen tayi maganar ba yau, dashi take. Yayi sararo yana binta da kallon mamaki mai kama dana tsoro, tambayar kanshi yake anya Ameenah ce kuwa? To abu ne wanda bai taba kuskuren fita daga cikin bakinta ba a tarihin zamansu. Yayi ta maza ya amsa da "Allah yasa" yaja motar suka tafi. Tana nan har suka fita tana kallonsu, ita kam ba karamin jin haushin kanta tayi ba da wannan katobarar da tayi, me ke damunta ne? Zuciyarta ta fara kawo mata abubuwa da dalilai iri-iri, ta dinga girgiza kai, "no Ameenah! Not so soon, please u can't fall in love again....!".

Duk yadda taso ta kaucewa tunanin Modibbo a wannan yinin abin yaci tura, komi take yi yana nan makale a zuciyarta, hotunan different events dinsu dashi ya dinga dawowa a idanunta. Ameenah fa ta susuce, kafin lokacin dawowarshi yayi ta gama galabaita, shi kadai take son gani. Lokacin data ji karan motarshi na shigowa gidan sai ganinta tayi a bakin windon ta tana lekensu kawai, suka fito daga motar, hannunshi na cikin na Al-Ameen dayan kuma ya riko jakar Al-Ameen din suka shigo falo suna ta hirarsu. Murmushinsa ya saukarwa jikinta wata irin kasala, ta koma bakin gado ta zauna dabas cikin rashin kwarin jiki. Yau ko fita tarar Al-Ameen din bata yi ba don bata da kuzarin tashi sam. Dare yayi suka kwanta barci amma atafau barci yace bai taba sanin idanun Ameenah ba, ta dinga birgima akan gadon tana juyi, abin mamaki fuskar Modibbo kawai take mata gizo a dakin, murmushin sa, dariyarsa, kirkinsa, kai komi nashi taji yana burgeta.....

Ga dai sheda a bayyane mai nuna cewa ta fada tarkon so, amma da gangan taki yardan ma ranta hakan, a ganinta babu space a zuciyarta na wannan abun yanzu.
Kwanaki suka cigaba da turzawa Ameenah ta cigaba da nutsewa cikin kogon son Abdul-Rasheed, a wadannan lokutan shi kansa ya lura da canzawar da tayi sai dai bai taba kawowa ransa wai so bane don ya riga ya gama fidda kanshi daga cikin masu wannan sa'ar.

Yau da dare har ta kwanta barci ta tuna Al-Ameen baya dakin, ta diro daga gadon ta dauki dogon hijabi ta zura ta tafi dakin Modibbo tasan yana can, sai tayi amfani da wannan damar taga wannan kamilalliyar muryar ta Modibbon, wadda ta hana ta samun lokacin kanta a yinin yau. Tun yau bata saka shi cikin kwayar idanunta ba, don haka a matukar dokance ta tura kai dakin zuciyarta cike da burin dora ido akan fuskar tashi.
Al-Ameen na kwance akan gadon shi yana barci kamar yadda ta zata, shi kuma yana tsaye ya juyawa kofa baya yana tsane sumar kanshi da dan karamin towel daga shi sai dan karamin towel a kugun shi. Ta daga idanunta a nutse tana kara kallon Surah da Suffa irin ta manyan maza masu kirar sadaukai. Bayan shi take karewa kallo cikin tsananin dukan zuciya, bayan kyawun hali da kyawun fuska na Modibbo ashe akwai wani boyayyen kyawun a tattare dashi wanda bata sani ba sai a yau dinnan da take kallonshi in his real Image?! Komi ake nema a wajen cikakkun maza da suka amsa sunan Isassun Mazaje to Modibbo ya tara fiye da nasu ya kuma zarta su, irin halittar su halitta ce mai wuyar samu, irin halittar da kowacce 'ya mace da tasan ciwon kanta za tayi fatan samu, ta kuma ji matukar haushi idan ta rasa irinsu. A yau ta daina karyata kanta akan son Modibbo, tana dai kokarin kare kanta ne game da yadda aka yi ta fada tarkon sonsa. Abdul-Rasheed namiji ne mai kyawun halaye da kyawun suffa, ta kowace fuska bashi da wata nakasa, bugu da kari yana sonta, tana hango matsanancin sonta a kwayar idanunsa duk da bai fada mata ba. Halayensa abin so ne, kuma ko kaki Allah ba zaka kushe shi ba don bashi da abin kushewar, ta kowanne fanni dai ya hadu dari bisa dari. Ita zuciya an halicce ta ne da son mai kyautata mata, Modibbo yana kyautata mata matuka, tunda tazo gidan bata ga rashin kyautawa daga gare shi ba daidai da kwayar zarra, kenan bata da laifi, kuma bata yi laifi ba idan taso MODIBBO-ABDULRASHEED a BAYAN RAN MARWAN????!.......
Sai ta samu kanta da juyawa ba tare data dauki Al-Ameen ba, ba kuma tare da tayi magana ba. Ta koma daki ta kwanta akan gado, ta yarda son Modibbo take, amma ta yaya zata sanar dashi halin da zuciyarta ke ciki game dashi a matsayinta na 'ya Mace? Me zata yi da zai karkato da hankalin Modibbo gareta???!


*Ameenah fa ta shiga cikin cakudaddiyar kura, tana bukatar shawarar ku. Lol.... Godiya da jinjinar ban girma ga masu kokarin bibiyar littafin ba gajiya, ina alfahari daku a duk inda kuke, ina kuma godiya bisa dimbin kaunar da kuke nuna mun... I love you all* 😍😘




©Jeedderh🐾

[4/27, 6:58 AM] ‪+234 703 480 5764‬: 💕🐾•°•° *BAYAN*•°•°🐾💕
💕🐾°•°• *RAI...*°•°•🐾💕




🐾°•62•°🐾


Kwana daya, biyu suka wuce cikin nazari da tursasawa zuciya son neman mafita. Cikin wannan halin ya tafi wata seminar Abuja ta kwana biyar, daga sama kawai yaji maganar don sai a ranar tafiyar da safe aka bugo waya aka gaya mishi, ba tare da wani bata lokaci ba ya shiga shirin tafiya, ko babu komi yana son yin nesa da Ameenah na dan lokaci, yana so ya gaskata abinda ya fara hangowa a cikin kwayar idanunta, idan hakan ya zama gaskiya ya tabbata zai zama bashi da sauran wata damuwa a cikin ransa.

Ameenah sai tashi tayi daga barci da safe taci karo da takardar daya rubuta mata cewa yayi tafiyar sati daya zuwa Abuja. Modibbo daya san a ranar Ameenah tayi shirin confessing soyayyarta gareshi na tabbata da ba zai tafi ko nan da can ba. Da bakin ciki ya tokareta a makoshi ta rasa yadda zata yi, sai kawai ta dukunkune takardar ta jefa a baki ta taune, ta zauna dabas akan kujerar dinning inda anan ne ta samu takardar, ta nutsa duka hannayenta a cikin gashinta, yanayinta na nuna nan da kowane lokaci zata iya kwalla ihu mai karfi. Ta share wasu kyawawan mintuna ashirin a wajen, da kyar ta iya jan kafafunta ta isa ga fridge ta bude ta dauko gorar Mountain Dew ta bude ta kurba, sanyin lemun da dan gas da tsamin shi suka ratsa makoshinta zuwa cikinta, ta lumshe idanu a hankali tare da furta "Mashaa Allah!" sai data tashi lemun tas tayi jifa da goran, ta haura sama ta fara aikace-aikace zuciyarta na gaya mata ba zata zama sakara, kuma sukuku ta dalilin Abdul-Rasheed ba, sai dai duk kuri ne kawai take yi don kuwa komi take yi tunaninsa na nan makale da ita, duk yadda tayi don ta yakice shi abin yaci tura.
Data ga kadaici yana neman ya dameta sai ta dauki wayarta ta kunna data connection, rabonta da social medias har ta manta sai yau. Messages suka yi ta shigowa ta e-mail dinta da facebook daga mutane da dama wadanda ta sani suna taya ta murnar auren data yi, sai ta samu kanta da binsu tana karantawa daya bayan daya tana murmushi, tana jin farin ciki marar misaltuwa yana ratsa mata har cikin kokon kanta. Anan ta yini akan waya tana ta shiririta, ta shiga nan site din ta fita ta koma wancan har babynta ya dawo daga makaranta, shima yayi ta mata mitar ina daddyn shi ya tafi yayi kewar shi ta dai samu ta taushe shi kan cewa zai dawo kwanan nan, amma duk da haka da an dan jima sai yace Mummy ina daddy ya tafi? Mummy yaushe zai dawo? Mommy ki kira min shi a waya mu gaisa... Tun tana iya amsa shi har ta gaji ta daina.

Kwana biyu suka zo suka wuce mata cikin tsananin kewar Modibbo, kewa irin wadda bata taba jin kwatankwacinta ga kowace irin halitta ba. Har mamakin kanta take yi, bata taba zaton cewa zata so wani mutum ba, so irin wanda take yiwa Modibbo a bayan ran Marwan. Ba zata ce bata dandani irin sa ba a soyayyarta ta baya ba, amma zata iya cewa bata dandani rabin azabar da take dandana a yanzu ba.

Da yamma ta gama hada musu abinci sai ta hau sama dashi, tun kafin ta karasa take jiyo muryar Al-Ameen yana hira sama-sama, ta danyi murmushi tana girgiza kai. Ta land-line din dake falon yake amsa wayar, ya dago ya kalleta yace "Mummy daddy ne ya kira ni, yace he misses me alot" ta dan tsaya tana kallonshi, sai kuma tayi murmushi tace da gaske? Ta fada tana wucewa kan karamin dinning ta ajiye kayan hannunta. Ta bangaren sa kuwa gabadaya ji yayi yana shirin dauke numfashi saboda muryarta daya jiyo ta cikin wayar, ya lumshe idanunsa cike da wani irin shauki yana sauke ajiyar zuciya da sauri, gani yake babu wanda zai iya yin namijin kokarin da yayi. Kwana biyun nan da yayi jinsu yake kamar shekaru biyune, yana son Ameenah, yana kuma kewarta, sai dai yana son ya koyawa Ameenah son shi ne ta karfi da yaji, so yake ta zama tashi har abada, don haka zai jure komi don ganin burinsa ya cika....
Muryar Al-Ameen ta ratsa dodon kunnenshi, yayi saurin dawowa hayyacinsa ya amsa a hankali "yes baby... Let's hang up now, zan kira ka gobe da yamma war haka in shaa Allah kaji?" ya katse wayar ba tare da yaji ta bakinshi ba, Al-Ameen ya kalli telephone din yana tabe baki, tace yah dai baby? Ya kara tabe baki daddy ne ya katse wayar bamu yi sallama ba. Ta matso ta zauna gefenshi, tace yi hakuri kaji? Kila yana da abun da yake so yayi ne urgently kaji baby na? Ya gyada kai, "ai yace zai kira ni gobe wai" tayi saurin cewa da yaushe? Yace wai cewa yayi kamar yanzu. Tayi murmushi ta rungumoshi jikinta ta nutsa hannunta a tattausar sumar kanshi tana shafawa, tace it's okay baby, ka daina frowning fuskan ka kaji? Zai kira ka OK?? Ya gyada kai, ta kara murmusawa "good boy, zo muje muyi alwala an kusa kiran sallah" suka mike a tare suka tafi daki don dauro alwala.





©Jeedderh🐾
[4/27, 6:58 AM] ‪+234 703 480 5764‬: 💕🐾•°•° *BAYAN*•°•°🐾💕
💕🐾°•°• *RAI...*°•°•🐾💕




🐾°•63•°🐾


Ranar kuwa tun da yamma tayi ta kasa ta kasa ta tsare a falon taki matsawa ko nan da can, tana daidaitar lokacin daya kira jiya ta samu tayi dabara ta tura Al-Ameen bayan gida yayi wasa, shi tuni ma ya manta da zancen daddy yace zai kira shi. Bai jima da fita ba kuwa land-line ya shiga kara, ta zabura ta isa ga wayar a sukwane jikinta har wani mazari yake, sai data daidaita sautin muryarta kafin ta daga wayar a nutse ba tare data yi magana ba, "Hello baby Al-Ameen" ya fada cikin tsararriyar muryarsa mai cike da ginshira wadda take fita tar-tar tamkar ansa abin tace murya an tace ta. Ta kasa magana saboda yadda muryarsa ta ratsa ta tana kassara mata gabbai, shirun yaji yayi yawa ya sake cewa "Al-Ameen?? R u there?" duk yadda taso ta daure abin ya gagara, hakan nan ta samu kanta cikin rawar murya, "ba... ba Al-Ameen din ban.... ne....!!" ya runtse idanu da karfi yana jin wasu irin particles na mishi yawo a cikin jinin jiki, ya samu ya cije ya aro dauriya ya yafa a birnin zuciyarsa, sai dai sautin muryarshi ya canza zuwa muryar wani da matsananciyar kewa da so ke azabtar dashi sosai, yace "ohhh, ina Al-Ameen din yake?" yanayin yadda ya canza muryarshi ya saukar mata da natsuwa a cikin zuciyarta, tace yana bayan gida yana wasa. Yace "OK, idan ya dawo kya gaishe shi, m hanging up!" tayi saurin cewa ba ce... Ya dakata da kokarin kashe wayar da yake yi yace ina sauraronki. Sai data turza ta cije har da su runtsa idanu ta samu ta warto maganar da kyar ta furta, tace "yaushe zaka dawo ne??" cikin nuna halin ko in kula da kalaman nata, amma fa a can kasan zuciyar shi kamar farar takarda don a ganinshi ta fara damuwa dashi ne, zargin da yake yi kan cewa kila tana son shi zai tabbata, yace kin damu da in dawo ne?? Tayi saurin dawowa cikin hayyacinta, ta dauko in-ina tana son gyara katobarar da tayi, tace "a... a'ah... ko kadan... Akan me ma zanyi kewar ka.., kawai.. Kawai dama ina son zan fita ne... kuma baka nan". Ya saki murmushi mai sauti yace "it's okay Ameenah, na fahimce ki. In shaa Allahu zan dawo very soon, a gaida Al-Ameen!" ya kashe wayar yana murmushi. Tayi tsaye a gaban desk da wayar a hannunta tana jujjuyawa zuciyarta cike da takaicin maganar da tayi da maganganun daya gaya mata.

Washegari take ji a bakin Al-Ameen wai yace gobe zai dawo, da gaske ta tsinci kanta cikin farin ciki marar misaltuwa. Washegari data kama juma'ah tana dawowa daga raka Al-Ameen ta shiga gyaran falo tun daga sama har kasa, har tsarin falon ta canza. Ta shiga dakin shi zata gyara, sai taga kamar wuce gona da irin zai yi yawa, sai kawai ta basar ta sauka kasa ta shiga kicin. Abincin gabashin en kasar India ta fara preparing sai dai kayan kawai ta tanada ta ajiye da niyar sai ya dawo zata dafa yanda zai ci shi da dumin sa.
Tunda taga an kira sallar la'asar bai karaso ba tace kila shigowar dare zai yi ko kuma ta yamma, tayi wanka ta fito tayi shafe-shafe a jikinta sosai na mayuka iri-iri da body sprays har da humra duk inda ta gitta sai ta bar kamshi, amma fuskar ba komi sai hoda data murtsika ta shafa lip gloss mai kyalli don bata son ta zake da yawa ne. Ta tsaya a gaban wardrobe tana karewa clothes dinta kallo, idanunta ya sauka akan wata atampa mai kama da Kampala orange mai ratsin purple dinkin bubu, ta janyo ta saka. Sosai rigar ta fito da shape dinta ta fito kamar wata er tsana, dan kwalin yafa shi tayi kawai don bata cika shiri da dankwali ba. Ta koma falon sama ta kame tana latsa waya sai baza kamshi take yi kamar wata first lady. Al-Ameen ya dawo daga school da yake karfe hudu suke dawowa ranar juma'ah, ta tare shi kamar yadda ta saba tana mishi oyoyo, ta mishi wanka yaci abinci suka zauna tana mishi bitar karatun da take koya mishi a gida.

Karfe biyar da en mintuna suka ji karar horn din mota, Al-Ameen ya tafi bakin taga yana leke. Tsalle yayi ya saka ihu, ko ta kanta bai bi ba ya sauka kasa da gudu yana ihun ga daddy! Ameenah taji ta wani irin tsamo-tsamo kamar wadda aka jefa cikin ruwa, taji kamar ta falla da gudu itama taje ta tare shi, sai dai ba zata iya hakan ba, sai taje bakin window tana lekensu, ya durkusa rungume da Al-Ameen suna dariya cike da dokin ganin juna. A jikinshi yaji kamar ana kallonshi, cikin dabara ya dago kanshi sama inda take aikuwa suka hada idanu, cikin wani irin zafin nama ta maida bayanta ta jingina da bargon dakin jikinta na rawa, zuciyarta na addu'ar Allah yasa bai ganta ba. Murmushi ya saki a tausashe yaja hannun Al-Ameen suka shiga falon yayin da maigadi ya biyo shi da kaya. Tun daga tsarin falon da yadda yake fitar da kamshi mai dadi ya gamsu da yadda ake dokin dawowar shi, zuciyar shi ta kara wankewa tayi tass, hai yake ya kalli kwayar idanunta yaga shin meye gaskiyar abinda yaji a muryarta ranar nan, shin da gaske itama tana kewar shi??
Tana