You Cannot Download this book untill you login but you can read it .

---

Login Register

zumunci a tsakanina da Samuel da abokanshi, ta haka nake samun guntattakin bayanan da muke turawa ofishin en sanda, duk da cewa ba yadda nake so ba bayanan suke zo mana. Ranar nan da kaina Ina sane na yanke shi da wuka, nayi amfani da bandage da plaster na musamman na nade mishi yatsa, dalilin su muke daukar duk wata hira da suke yi shi da abokan satar shi, na kuma yi kokari nayi planting bugs a cikin motar da yake hawa da cikin gidansu, inda kuma cikin Ikon Allah ta haka ne muka san zasu shiga gidan babban dan kasuwa Alhj. Tanimu su yi sata, kuma suna da plans na idan sun gama da can su fado nan gidan su yi sata, su mana fyade ni da Biebie.... " ta saki wani dan guntun murmushi mai kama dana mugunta kafin ta cigaba, "....sai muka yi amfani da wannan damar aka kamasu red handed, yanzu haka dai suna hannun en sanda ana cigaba da bincike akan su.... Da ace Uncle bai zo ba, da ina tunanin barin kasar nan da sati daya ne kwata-kwata, sai kuma muka ci karo dasu anan ashe kanin ki ne ban sani ba. Wannan shine takaitaccen dalilin daya kawo ni nan gidan....!". Falon ya dan dauki er guntuwar hayaniya da kus-kus game da labarin Ameenar, kafin kuma suka ci gaba da en hirarraki. 'Yan biyu da mamakin canzawar nannynsu a dare daya yaki sakin su har yanzu, suka matsa suna shafa fatar jikinta suna tambayar wai fatar tace? Sai da suka ba kowa na falon dariya. Sai bayan La'asar Faisal dan gidan Hajiya Tabari yazo daukanta, Ameenah tayi musu rakiya har inda yayi parking motarshi suna kara tattaunawa game da aikinsu, daga karshe dai suka yi sallama ta koma cikin gida.

Daki suka kule ita da Biebie da Anti Jamila suna ta hirarrakinsu yayin da Uncle da Faruq suka tafi xagaya gari, yara kuma suna falo suna ta wasansu da Al-Ameen.




©Jeedderh🐾
[5/2, 10:41 PM] ‪+234 816 492 9724‬: 💕🐾•°•° *BAYAN*•°•°🐾💕
💕🐾°•°• *RAI...*°•°•🐾💕




🐾°•09•°🐾


Karfe goma na safe Ameenah ta fito daga dakinta janye da trolley Anti Jameelah na biye da ita. Sanye take da doguwar rigar material yellow mai tashi ta yafa dan siririn bakin gyale a kanta. 'Danta Al-Ameen ma yana cikin shiga mai kyau yana rike a hannun Uncle Mukhtar.
Ameenah ta durkusa a gaban su Ummie tayi musu sallama, suka rungume juna ita da Biebie cikin jimamin rabuwa da juna da zasu yi, haka twins suka rungumeta suna kukan sai sun bita, da kyar ta samu suka saketa akan Alkawarin zata zo ta gansu. Gabadaya suka musu rakiya har bakin motarsu suna musu adduar a sauka lafiya. Faruq da yake zaune a seat din direba ya juyo ya kalli Biebie suka hada idanu dashi, kallon juna suka yi ido cikin ido na en wasu sakanni, ya sakar mata wani tattausan murmushi mai isar da wasu sakonni zuwa gareta na musamman, ya kanne mata idonshi guda daya tare da jan motar suka tafi fuskar shi na dauke da murmushin da yake kan fuskarshi still. Biebie tayi tsaye tana kallon motar har suka fita daga gate din cikin wani irin sanyin jiki, zuciyar ta na kara jaddada mata cewa ta kamu da soyayyar wanda bai san tana yi ba, sai dai murmushin da yai mata yanzu fa? Ita dai tasan ba irin murmushin data saba gani a tare da sauran mutane bane....!

Suna fita daga cikin layin suka yi clashing da motar shi shi kuma yana kokarin zai shigo layin. Coincidentally idanuwanshi suka sauka a bayan motar, yayi sa'ar yin tozali da budurwar, tana yiwa wani kyakkyawan babe wasa. Hakoran ta farare tass masu kyau da tsari suka kara haska fuskarta. Bai san lokacin daya take birki ba zuciyarshi na racing, idanuwanshi sun rufe, bai ga kowa a cikin motar ba sai ita. Da gaske ita din ce? Ko kuwa dai mafarki ne yake yi?? Ko kuwa son ta har ya kai minzalin da zata dinga mishi gizo??
Wani wawan u-turn yayi da motar ya zabure ta cikin wani matsiyacin gudu ya bi bayansu sai dai ko kalar motar bai gani ba, ya dinga zagaye titin yana raba idanu amma inaa! babu su babu alamun su. Gefen hanya ya samu yayi parking yana shessheka kamar wanda yayi tseren kilometers dari, gabadaya kwalwanshi ta rikice, ta dauke daga aiki ya rasa tunanin me ya kamata yayi a lokacin. Shi dai yasan cewa babu tantama ita ce ya gani, amma yana cikin rudanin itan ce ko kuma wata mai kama da ita ce ya gani ko kuma aljana ce?
Ba tun yau ya sadakar kan cewa ya fada tarkon son jinnu ba, saboda yadda yarinyar da ko sunanta bai sani ba take shiga cikin rayuwar shi kuma ta bace bat bata barin ko kurar ta ya gani. Ya shiga gyada kanshi cikin yarda da abinda zuciyarshi ke rada mishi a kanta, ya furta a fili "yes! She must not be a human, yes of course!! Ba mamaki aljanar ce". Da haka ya ja motar cike da kwarin gwiwa ya nufi gida, sai ganin shi suka yi kwatsam kamar wanda ya diro daga sama don bai sanar dasu dawowar shi ba, nan suka shiga maraba dashi.



*****

Tafiya suke yi kan shararren titin da zai kaisu Gombe, Ya Faruq ya kure malejin motar kamar wanda yake so ya tashi sama. Hira suke yi cikin nuna kauna da fahimtar juna wanda har sun manta yaushe rabon da su yi irinta. Karfe biyu a cikin garin Gombe ta musu. Gidansu wani babban flat house ne dake cikin Wakili's Estate, babban gida ne wanda gabadaya cikin estate din babu mai girman shi. Estate din gari guda ne mai dauke da parts parts wanda manyan 'ya'yan marigayi Sani Wakili da kannensa suke zaune a ciki, tsakanin kowane gida akwai tazara mai dan yawa, hakane yasa idan mutum yaso zai iya share sati guda curr ba tare da yaga wani ba.





©Jeedderh🐾
[5/2, 10:41 PM] ‪+234 816 492 9724‬: 💕🐾•°•° *BAYAN*•°•°🐾💕
💕🐾°•°• *RAI...*°•°•🐾💕




🐾°•10•°🐾


Isarsu gidan ke da wuya, gida ya hargitse da murnar dawowar Auta-Ameenah, babu babba babu yaro. Da kyar ta samu ta yakice su ta isa ga Amminta dake zaune akan wata kujerar alfarma a tsakiyar falon su. Ta duka a gefenta ta kwantar da kanta akan cinyarta ta lumshe idanu a hankali tana shakar daddadan kamshin dake fita daga jikin mahaifiyar tata yayin da kewarta ke kara taso mata. Cikin kwantar da kai da kasalallen sauti tace "Ammie ki yafe min please, nasan cewa ban kyauta miki ba. M sorry, na saka ki cikin damuwa saboda son kai irin nawa, kiyi hakuri ba zan sake maimaita abinda nayi ba". Dattijuwar taji zuciyarta tayi sanyi sosai, taji dan fadan da tayi niyyar yi mata ma ya bace bat. Bata ce komi ba sai hannuwanta data dora akan autar tata tana shafawa a hankali. Cikin haka yayunta maza da mata suka shigo falon, ta tafi da murnarta ta dinga rungume su daya bayan daya tana gaishe su, sai da suka gama murnar suka zaunar da ita a tsakiyar falon suka rufu a kanta kowa da kalar fadan da yake mata akan tafiyar da tayi babu sanarwa ta barsu cikin zullumi da tashin hankali. Tun tana iya basu hakuri har tayi shiru, daga karshe kuma sai ta fashe musu da kuka, hakan sai kuma ya sanyayar musu da jiki suka sassauta da fadan suka koma lallashi da nasiha. Yara kanana da matasan dake cikin estate din suka fara shigi da ficin zuwa mata sannu da zuwa, abinci kuwa har sai da suka rasa inda zasu ajiye shi.

Bayan sallar La'asar ta shirya ita da danta, ta shiga cikin estate din, sassa-sassa ta dinga shiga tana gaisawa da danginta, sai bayan magriba ta dire a gidan babban Yayansu Al-Mustapha tayi sallah taci abinci acan, a takaice dai sai wajen karfe goma na dare ta samu ta koma part dinsu.

Kwanansu Uncle Mukhtar biyu suka koma Mumbai cike da kewar Ameenah da babyn ta. Itama cike da jin kewar tasu suka rabu, sai dai tana so ta zauna cikin danginta ne yanzun don haka bata samu damar amsawa Uncle tambayarshi a gareta na cewa yaushe zata koma musu ba.

Kimanin satinsu biyu kenan a Gombe, sunyi fresh ita da babynta sun kara kyau, kowa tattalinsu yake yi, ta samu kwanciyar hankali irin wadda ta jima bata samu irin ta ba. Yau data tashi ko barcin asubahi bata koma ba, baby Al-Ameen ya hanata barci da kiriniyarshi da alamun yunwa yake ji. Da kanta ta shiga kicin ta hada mishi custard ta zuba wadatacciyar madara a ciki ta zauna tana bashi, yana gama sha kuwa barci ya dauke shi. Ta kura mishi idanu tana kallonshi fuskarta na cike da annuri tana jin kaunar yaron a cikin zuciyarta har ma da jinin jikinta. A hankali ta zame shi daga jikinta ta mike, hijabi ta zura ta tafi sassan kanin mahaifinsu Kawu Hamza domin ta gaida shi.
A babban falon shi ta same shi a zaune ya harde kafafu akan kujera yana sauraren labaran safe. Kawu Hamza mutum ne mai tsananin taurin kai da fada, kaifi daya ne shi wanda idan yayi magana to ta zama fakat! Don kuwa baya canzata kome za ayi, sai dai yana da tausasawa da taushi ta wani fannin. Ba kannenshi ba, har yayyen shima suna shakkarshi don kuwa bashi da sauki, shi yasa gabadayan yaran gidan suke matukar jin tsoron shi. Cikin dari-dari tayi sallama ta shiga falon ya amsa mata babu yabo babu fallasa. Ta durkusa a can nesa dashi ta gaishe shi ya amsa, tayi shiru a zaune kamar wadda take jiran yace wani abu, amma har ta share kimanin mintuna takwas a durkushe bai sake kallon inda take ba ma. Don haka ta tashi ta juya zata tafi cike da kwarin gwiwa, sai data kai bakin kofa ta jiyo sautin muryarshi a kaurare, "dan zo mana Ameenatu...!" gabanta yayi wani mummunan faduwa, taji kamar ta ruga da gudu ta ga hakan ma wata damuwar ce, bata da zabi daya wuce ta juya, ta fara tafiya a hankali kamar wadda take kan kaya tana hardewa, bata karasa kusa dashi ba ta zube akan gwiwoyinta kamar mai neman gafara. Kallonta yake yana sakace hakoranshi yana jifanta da wani irin murmushi, yayin da cikinta ya shiga kadawa......




©Jeedderh🐾

[5/2, 10:41 PM] ‪+234 816 492 9724‬: 💕🐾•°•° *BAYAN*•°•°🐾💕
💕🐾°•°• *RAI...*°•°•🐾💕




🐾°•11•°🐾


Ta jima sosai a gabanshi ba tare daya kara ko kallonta ba har sai data gaji da durkuson, can dai ya mula ya mulmule yace "har kin gaji da gudun kin dawo ne?" ta dukar da kanta kasa bata ce komi ba, ya sake cewa "to ya zancen mu dake? Kin dai san ba wai canza maganar zanyi ba saboda wannan dan gudun watanni biyun da kika yi ba koh?" gabanta ya kara faduwa ta dago tana kallonshi, "Kawu....!!" ya zaburo mata dama cike yake da ita, "kawun me? iye?" ta girgiza kai idanunta cike da kwalla tace kayi hakuri don Allah Kawu ka janye zancen yin aure yanzu, wallahi ba zan iya ba!...
Kallonta yake kamar wata sabuwar mahaukaciya har sai data dasa aya, yace Ameenatu? Ta amsa. Yace "to bari kiji....., kin ga kwana talatin cis? To shi na baki ki fitar da miji, zan hada aurenku da Rukayyah, Faruq da Maimunah duk a rana guda in auras. Ina sanar miki ko bayan bangon duniya zaki gudu wannan karon ba zai dameni ba. Sai dai zaki je ne ki dawo ki tarar da igiyar aure a kanki, don haka zabi ya rage naki. Aure ne nan da wata daya ba fashi, idan kuma baki fitar da miji ba zuwa lokacin to ni zan samar miki. Tashi kije na gama magana!".
Tayi kamar ba da ita yake ba, sai daya sake fada a dan tsawace kafin ta mike ta fita kafafunta na hardewa, da kyar ta iya kai kanta sashensu.
Da yake ranar assabar ce babu aiki, kafatanin Yayyenta maza suna sashen sun zo gaida Ammie kamar yadda suka saba. Suna dakinta suna hirarraki game da al'amuran da suka dabaibaye rayuwarsu da kuma hirar duniya. Tana zuwa tsakiyar falo ta dora hannu a ka ta dage ta tsala ihu, a guje Ammie da sauran yayyenta suka fito daga daki suka rufu a kanta suna tambayar lafiya? Bata samu damar magana ba sai kuka data fashe da, da kyar Ya Faruq ya lallasota ta magantu "Kawu ne...!".

Ammie ta dubeta, me kawun yayi? Taja shesshekar kuka ta dire, "ni bansan me nayi wa Kawu ba baya so na... Wai aure zai min bayan ban shirya yi yanzu ba. Ni idan ya gaji da gani na ne ya fada min mana, Ina da wajajen da zanje in zauna shekara da shekaru ba tare da sun gaji da ni ba...!" Yaya Mustapha ya mata dakuwa da hannunshi, "gidanku Auta! Kawun ne kike cewa ya gaji dake don rashin ta ido? Haka kike so a zauna a zuba miki idanu kina yawo tsakanin wannan gida da wancan, wannan garin da wancan kamar wata marassa galihu??" jin haka sai ta dargwaje da kuka sosai, Yaya Bashir ya matsa ya dafa kafadarta, cikin muryar lallashi yace haba Auta! Shi fa auren nan da Kawu yake cewa sai kinyi kin dai san ba wai don baya sonki bane ko kuma ya gaji da ganinki ba, it's for ur own benefit Auta. Kin san duk wata kima da martaba ta diya mace na gidan aurenta, bayan wannan ma Auta it's high time. Shekara nawa da mutuwar Marwan? Almost 2 and half fa, kuma ki ce ba zaki yi aure ba yanzu alhalin you have the chance to? Kin fi so ne mu zuba miki ido kina yawace yawace barkatai da wani aiki marar fasali balle amfani wai aikin en sanda?"

Ganin alamun cewa babu wanda zai goya mata baya cikin yayyen nata yasa ta kara rushewa da kuka sosai, kuka mai karya zuciya. Yaya Faruq yayi saurin matsawa kusa da ita ya janyo ta jikinshi yana dan bubbuga bayanta alamun ban hakuri, ya dubi sauran en uwanshi yace "haba! Ku dinga tausaya mata mana! Ko gama farfadowa daga ciwon rasuwar mijinta bata yi ba sai ku dame ta da zancen aure? Ita dai bata ce ba zata yi ba, cewa tayi ku dan bata lokaci har zuwa lokacin da danta zai yi kwari koh? Kuma ni ban ga aibu a aikin da take yi ba ko kadan...!" Anti Rukky ta dan kalleshi, "ai kai dama kullum kana goyon bayan Ameenah ne no matter what, kai kake kara shagwaba ta kana sawa tana raina mutane pa!" Ammie tayi saurin tare Faruq daga yin magana don tasan yanzu zasu iya hawa sama, ta amshi Ameenah daga hannun Faruq ta kalleta cikin lallashi, "it's okay Auta na daina kukan haka nan kinji? Kyale yayun nan naki da basa son ki muje daki ki ji..." ta ja hannunta suka tafi Anti Rukky ta rufa mata baya... Yayin da mazan suka samu waje suka zauna suna tattaunawa game da matsalar Ameenah.

A can daki kuwa da kyar Ammie da Anti Rukky suka shawo kan Ameenah tayi shiru ta daina kuka, bayan Ammie tace zata samu Kawu da kanta tace mishi ya kara mata lokaci, sai lokacin fa ta danji sanyi a ranta har ta dan murmusa. Aikuwa kwananta biyu ta tattara kayanta ta tsere gidan Yayarsu Anti Fati da ke aure a Ghana don a cewarta ganinta da Kawu yake yi ne a gidan yake sawa yaji ya gaji da ganinta.....




©Jeedderh🐾
[5/2, 10:41 PM] ‪+234 816 492 9724‬: 💕🐾•°•° *BAYAN*•°•°🐾💕
💕🐾°•°• *RAI...*°•°•🐾💕




🐾°•12•°🐾


Ta samu tarba mai kyau daga gareta da 'ya'yanta, tarba fiye ma da wadda tayi tsammani. Daki guda aka ware mata ita da babynta wanda daga gani saboda zuwanta ne aka yi tsarin, komi wanda karamin yaro kamar Al-Ameen zai bukata an ware shi daban a cikin dakin. Gaskiya en uwanta suna matukar ji da ita kuma suna kaunarta, abinda ta dinga fada a cikin ranta kenan lokacin data shiga dakin, hakan ne ya kara saukar mata da natsuwa da farin ciki sosai. Wanka ta fara yi, ta yiwa babynta ma ta nado shi cikin towel tana yi mishi wasa yana ta bingira mata dariya, a lokacin jinta take yi kamar wata wadda bata da kowace irin damuwa a cikin duniyar.
Shirya shi tayi tsaf itama ta shirya suka fita falo, Anti Fati da yaranta suna jiranta akan dinning table. Ta zauna suka yi serving dinta lafiyayyun kalolin abinci, ta kuwa bude cikinta sosai ta ci abincin nan. Suna gamawa Anti ta hada su da direba da securities biyu suka shiga gari sai yamma likis suka dawo a gajiye tulis.
Wannan rayuwar farinciki data tarar yasa ta manta da wani zancen Kawu Hamza da batun aure, auren data tsana ta ki jini. Suna can abinsu taci biyar ta tsoma goma, babu aikin da take yi sai dai yawace yawacen wajajen shakatawa da parks.
Satin su uku a can matar Yayar su Abdul-Hadi ta haihu. Suka yi shiri har ma da Anti Fati suka taho Najeriya wajen suna, sunyi bul-bul dasu ita da babynta gwanin ban sha'awa, ba zaka taba musu kallo daya ka kawar da kai ba, ko kai waye ka gansu a lokacin sai sun tafi da imaninka.

Abin mamaki a can ta samu Safeenah tazo wajen suna, suka tari junansu cike da farinciki da nuna kewar juna. Sai da suka nutsu ne Ammie take fada mata ai ita Faruq ya tsayar a matsayin wadda zai aura. Ameenah ta hangame baki cikin mamaki, kafin tayi dariya kawai ta girgiza kanta, dama tasan za a rina yadda taga suna satar kallon juna lokacin da Faruq yaje Kanon. Ko bayan dawowarsu haka ya amshi lambar Biebie din a wajenta a cewar shi yana so ne su gaisa da ita, daga nan ta sha kama shi suna waya da ita, ta kuma sha tsintar hotunanta birjik a wayar Faruq din. Nan kuwa ta shiga tsokanarta, matar Yaya sama matar Yaya kasa sai da Ammie ta tsawatar mata don kuwa ta hanata sukuni a gidan wai ita kunya, tayi dariya da taji abinda Ammie tace, tace Ammie ba wani kunya wallahi tsegumi ne kawai ba wani abu ba, wannan matar har wani kunya ta sani? Ammie ta dauki filon kujera zata maka mata tayi waje da gudu, a bakin kofa suka yi karo da Ya Faruq. Ta kalleshi tana dariyar tsokana, "A'ah! Ka ga mijin kawata!" ai kuwa ya bita da gudu suka kwasa, nan suka shiga zagaye falon suna dariya. Ammie kam kai kawai ta iya girgizawa tare da furta "Allah ya shirya!" don kuwa tasan idan suka fara guje-gujen nan ba wanda yake hana su har sai sun gaji don kansu.

A daren ranar tana dakinta a tsakiyar gadonta tana kokarin shirya baby Al-Ameen cikin kayan barci lokacin da Biebie tayi sallama ta shigo dakin na Ameenah, tsayawa tayi tana kara kallon dakin kamar yau ne ta taba ganin hadadden daki irin wannan. Babban daki ne mai kyau wanda yaji saitin wani madaidaicin royal bed brown, haka daga wardrobe zuwa su dressing mirror da lockers din dakin duka browns ne. Labulayen dakin kuwa orange-red ne, gaskiya dakin nata ya burgeta sosai. A tsakiyar dakin an shimfida wani tattausan brown circled carpet, daga can gefen gadon ta dan karamin gadon yara ne da kayan wasan baby Al-Ameen. A jikin bangon dakin kuma babban frame ne na hoton duka family dinsu, sai dai daga gani drawing ne ba photograph bane, kai yawancin hotuna da frames din da suka manatee kowace gaba ta bangon dakin zane ne ba snapped photos ba.
Ta karasa gefen gadon ta zauna tana kallon Ameenah, tace waye yayi drawings dincan Ameenah? Bata dago ta kalleta ba ta amsa ni ce!! Ta kalleta cike da mamaki, ke kuma? Yaushe kika iya drawing?? Dai-dai lokacin ta gama daurawa baby Al-Ameen robe din jikin rigar shi, ta dago shi tana dan jijjigawa tana murmushi tace ba dai na iya ba zaki ce, cewa zaki yi yaushe na koya? Kwalin degree nake dashi akan zane!! Safeenah ta kama haba cikin mamaki tace da gaske?? Tayi dariya sosai da yadda tayi, tace Kina mamaki ne? Tace not even wondering, but doubting as well. Ta kalleta tana daga gira, kallo irin na 'au Allah?' kamar taji tambayar da tayi mata tace kwarai! How did u manage to train for police and at d same time studying arts&drawing? It's somehow difficult u know, u even confuse me wallahi.....
Ameenah ta danyi wani irin murmushi mai ciwo da tasowar wani abu mai kama da makaki da tokare makoshi, tace "umhhh... !" kawai. Biebie taso ta kara cewa wani abu, sai dai canjin yanayin data gani a fuskar kawar ta ta yasa ta mannawa bakinta kwado ba don taso ba. Sai ta dauko wata hirar ta daban ta fara jan ta da ita, sai dai ta kula da kyar Ameenah take iya daurewa tana amsa mata, don haka tayi excusing kanta ta tafi zuwa dakin da aka mata masauki.

A gabadayan ranar barci ya kauracewa idanun Ameenah, ta mike zaune dangargar a tsakiyar gadon, sosai take jin zuciyarta na suya. Safeenah ta taso mata da wani miki a cikin ranta wanda ya fasa mata wani tsohon kurji daya fara warkewa a zuciyarta gashi yanzu ya dawo mata sabo fil ya fashe, mugunyarsa ya fara azabtar da ruhinta.

Ta jingina kanta da allon gadon ta kurawa wani zane ido wanda aka zana shi da kala da takarda mafi tsada a duniya.
Kyakkyawa ne fari tass, duk da cewa ba duka ake ganin fuskarshi ba ma'ana dai ta gefe aka zana shi. Yanayinsa da kalar fatar shi tafi kama data mutanen Libya ko kuma