You Cannot Download this book untill you login but you can read it .

---

Login Register

da sakandire tana da yawa sosai. Kafin ka fara sai ka sha wahala, idan zaka kare din ma dai wata wahalar ce!" Rayyah tayi murmushi tace to amma duka me ya rage miki ne? Duka pa bai fi wata daya da en kwanaki ba wahalar taki ta zama romo, Biebie tace da haka kuma. Suka mayar da hankulansu tashar BB for u (Body Building), suna gudanar da shirinsu akan yadda ake hada sinadaran da suke rage kiba da teba, hankalin Biebie ya karkata wajen kasancewarta er lukuta duk da cewa bata da teba, kuma yanayin yadda take maintaining jikinta ma yasa kibar tayi mata kyau, kuma tabi jikinta ta zauna das amma cewa take bata son kiba, ita tafi son irin yanayin jikin Rayyah er siririya da ita. Daga karshe ma jotter da biro da dauka tana rubuta muhimman tips, Rayyah ta shiga tsokanarta suna dariya.
Washegari da safe duk suna falo wajen karfe goma sha daya na safiyar ranar da yake weekend ne babu aiki, Rayyah na kan kujera tana yiwa kan Hauwa ado da beats da ribbons masu kyau irin na yara. Hankalinsu duk yana kan television suna sauraron labarai, wai jiya barayi sun shiga gidan kwamishinan ilimi na jihar Kano sun saci makudan kudi da gwala-gwalan matanshi da motoci sun kuma yiwa babbar diyar shi fyade, jikin kowa na falon yayi sanyi sosai. Ummie ta girgiza kai cikin jimami tace "satar da ake yi a Kano ta fara yawa a kwanakinnan, Allah dai ya tona asirin masu yi" gabadayansu suka amsa da ameeen.

Rayyah ta bi mai karanta labaran da kallo., wani irin hargitsattsen murmushi ya bayyana a fatar bakinta.....




Jeedderh🐾
[5/2, 10:40 PM] ‪+234 816 492 9724‬: 💕🐾•°•° *BAYAN*•°•°🐾💕
💕🐾°•°• *RAI...*°•°•🐾💕




🐾°•05•°🐾

Da dare tana kicin tana fereye kabewa wadda zata yi taushen funkason safe da ita taji an shigo kicin din, sau daya ya kalleta ya watsar, itama da taga shine sai ta juyar da kanta wajen cigaba da gudanar da abinda take yi. Fridge ya bude ya dauko limes manya guda uku ya koma gefe yana kokarin barewa amma ya kasa, bata san dalili ba. Kabewar hannunta ta ajiye ta matsa kusa dashi ta mika mishi hannu alamun ya kawo ta taimaka mishi, "can i??" wani lalataccen kallo daya watsa mata ba shiri ta matsa tana yiwa kanta Allah ya kara, shegen karambani irin nata ya ja mata. Bata kara ko tari ba har ya bare limes din yasa su a juicer ta markade su ya tace ya juye ruwan a dogon cup, ice cube ya zuba a ciki ya bar kicin din yana kallonta kasa-kasa, itama a kaikaice take jifanshi da harara har ya fita a kicin din. Tana gamawa da taushen ta bude fridge ta dauko tukudi da Biebie ta saka ta dama mata, yayi sanyi sosai kamar yadda take so kuwa. Ta nufi dakin nata rike da kofin a hannu. A bakin gado ta same ta a zaune ta dafe kai, ta ajiye kofin a gefenta tana tambayarta lafiya? Yanayin data ganta data dago kanta sai data firgita, fuskarta tayi jaa sosai da yake Biebie fara ce tass don ta biyo farar fatar mahaifinsu ne sabanin Modibbo daya dauko bakar fatar mahaifiyarsu. Ta zauna a gefenta cikin tashin hankali tare da dafa kafadarta, "Biebie lafiya? Me ya same ki?" ta dauko wata shesshekar kuka mai tsawo ta dire, "kin san Allah gobe sai na targada en biyu, sai dai Ummie nima ta karya ni!" Rayyah tace "calm down, cool.... Me suka miki??" ta janyo wani frame a kasa ta mikawa Rayyahr. Zane ne aka yi na wani lambu mai kyawu sosai, sai dai zanen ya riga ya baci saboda ruwa da aka watsa mishi alhalin bai gama bushewa ba. Ta kalle ta, "wanna pa?" tace "gifts din da zamu ba Dean din mune pa ranar convocation dinmu, wallahi baki san wahala da kudin da muka kashe ba kafin ayi zanen..., amma a dare daya en iskan yaran nan suka shigo har dakina suka watsa mishi ruwa ya lalace, ni kuma Allah...!" Rayyah tayi saurin dafe mata baki, "kinga idan wannan ce matsalar to baki da damuwa. Dauko min sauran kalolin zanen" Safeenah ta saki baki sauran kaloli?? Kin iya zane ne? Tayi murmushi "ke dai ki dauko mana" ta mike ta bude drawer ta ciro wani madaidaicin box da kayan zanen suke ciki. Rayyah ta bude ta dauki kala guda daya ta duba, ta dan girgiza kai "hava no wonder! Da ace da kalolin vimpyte da kuma takardar sacvytes aka yi amfani wajen zanen to ko da an watsa ruwa babu abinda zasu yi, sai dai suna da tsada ne Ina jin shiyasa ba a siye su ba.." Rayyah take yi mata bayanin yayin da take dora painting frame din akan karamin teburi dake gefen gado. Ta bude kalolin, ta dauki brush din zane ta sa cikin wani abu mai kama da farin ruwa, tana gogawa zanen ya fara gogewa kamar ba a taba zane akan farar takardar ba. Sai data goge duk wajen da yayi dameji tsab, ta fara maida zanen yadda yake. Safeenah kam baki da hanci ta ware tana kallon yadda Rayyah take zanen kamar wata expert, har ta gama Biebie bata samu bakin magana ba. Idan ba sani kayi ba ba zaka taba sanin shine bataccen zanen dazu ba. Ta mika hannu ta dauki frame din ta kara dubawa sosai kamar wadda take tantamar wani abu. "Rayyah... How...?" ta fada tana kare mata kallo cike da zargi, tayi er dariya tana maida sauran kalolin cikin akwatin, "kar ki damu. I was once an art student, kuma painter, so kinga ba abun mamaki bane ba koh?" ta tattara kayan ta mayar dasu inda ta ga Safeenah ta dauko su, ta dawo inda take har lokacin zanen na hannunta tana jujjuya shi cikin mamaki. Tace "ga tukudin ki nan nasan ma yanzu babu sanyin ma, sai da safe" ta juya zata fita, har ta kai bakin kofa Safeenah ta tsayar da ita ta hanyar kiran sunanta, ta juya ta kalleta. Murmushi ta sakar mata tace Thank u Rayyah!! Ta dan sakar mata murmushin itama ta karasa fita daga dakin tare da ja mata kofa.

~~~••••~~~

Tun da safe ya shigo sashen nasu da yake sashen shi daban yake a cikin gidan. Ita kadai ya samu a falon tsaye a gaban dinning tana kokarin hada abin kari. Bai san lokacin da yaja wani siririn tsaki ba, bai san dalili ba, shi dai kawai yasan ya tsani ganin yarinyar. Duk lokacin da zai ganta sai wani lamari daya jima da binnewa a zuciyarsa ya tonu, shi kuma ya tsani tonuwar abinnan fiye da yanda ya tsani mutuwarsa. Sai kawai ya juya ya fita ba tare daya karasa ciki ba, dama yazo ne ya gaida su Abbu saboda da wuri zai fita wajen aiki yau.




Jeedderh🐾

[5/2, 10:40 PM] ‪+234 816 492 9724‬: 💕🐾•°•° *BAYAN*•°•°🐾💕
💕🐾°•°• *RAI...*°•°•🐾💕




🐾°•06•°🐾


Gabadaya daya gidan yau sun tashi da shirye-shiryen taryar kanin Ummie dake zaune a Mumbai shi da matarshi ne. Don haka tun safe suna kicin har da Ummie din data dauki hutu wajen aikinta musamman saboda kanin nata, a soya wannan, a dafa wancan, a girka wancan, gida dai ya hade da hargitsattsen kamshin girki har ka rasa wanda zaka shaka.

Biebie ta shigo kicin din a sukwane tana kwalawa Rayyah kira da gyalenta a hannu. Duk suka juya a firgice suna kallonta. Ummie tayi tsaki tace "ke kam ban san irin ki ba Safeenah, wannan uban kira haka kamar wadda taci miki bashi?" ta ja birki a gaban Rayyah tana er shessheka, tace Rayyah kin ga abun mamaki? Rayyahr tace na me? Tace wae ashe en fashin da suka shiga gidan kwamishina suka yi sata ranar nan ashe su... su.... Samuel ne da abokanshi!!"
Rayyah bata san sanda ludayin hannunta ya fadi kasa ba, Ummie ta fara sallallami cikin tu'ajjibi. Rayyah ta dafa kirji ta zaro idanu cikin kaduwa "me??? Da gaske kike Safeenah?" tace "wallahi kuwa, yanzu haka en sanda na can gidan su suna bincike. An fito da makudan kudade masu yawa da makamai. Wai jiya suka shiga gidan wani hamshakin mai kudi shi da abokanshi, anan en sanda suka yi awon gaba dasu bayan sun yi artabu dasu har suka harbi en sanda biyu!" jikin Rayyah ya shiga rawa sosai, ta hau salati da sallallami da tasbihi har sai data ji natsuwa ta saukar mata. Jiki a sanyaye ta duka ta dauki ludayin ta daya fadi ta cigaba da aikinta amma gabadaya ba a cikin natsuwarta take komi ba. Ummie da Biebie ne suka dinga tattaunawa akan lamarin amma ta kasa tsoma musu baki.


*****

Karfe bakwai na daren ranar baki suka sauka. Hajiya ta dinga ina-taka-saka-ina-taka-aje dasu. Da kyar ta samu ta yakice Hauwa da Adam daga jikinsu ta raka su sashen da aka gyara musu tace su yi wanka su dan huta sai su zo su ci abinci.

Bayan sun gama kintsawa sunyi sallar Isha'i, suka tafi bangaren su Ummie din, aka baza musu babbar ledar cin abinci a tsakiyar falon. Gabadaya mutanen gidan suka zauna suna cin abinci banda Modibbo da shi baya ma garin. Abincin su suke ci a nutse ba tare da wata hayaniya ba, baka jin komi a tsakiyar falon sai karan cokula, sai kuwa er hirar da Ummie take jan kanin nata da ita jefi-jefi.

Rayyah ta bullo daga dakinta da er sassafarta zata gaida baki. Lokacin da suka iso tana sallah, bayan ta gama kuma sun tafi su kimtsa, don haka ta tsaya har sai data sallaci isha'i kafin ta fito don yi musu sannu da zuwa. Taku daya biyu da tayi ta ja tayi turus ana ukun cikin faduwar gaba sakamakon ganin mace da namijin da tayi a gabanta un expected, ba kuma tare da ta shiryawa hakan ba, mamaki da al'ajabin dake ranta sun gaza boyuwa a fuskarta. Su dinma kallon mamaki da tsoro suke jifanta dashi, amma a cikinsu ba wanda ya iya ko motsi. Da kyar ta iya daga kafarta cikin sassarfa ta juya zuwa dakin da aka bata matsayin nata, Jameelah matar Mukhtar kanin Ummie ta mike da saurinta ta bita a baya tana kwala mata kira. Ga mamakin daukacin jama'ar gidan, maimakon RAYYAH, sai suka ji tana kiran AMEENAH!!! Abin ya matukar daurewa jama'ar wajen kai ba kadan ba. Mukhtar shima ya fara kokarin mikewa zai bi bayan matarshi. Ummie tayi saurin riko hannunshi ya koma ya zauna idanunshi na kan kofar dakin da suka shiga, cikin daurewar kai da lamarinsu tace me ke faruwa ne anan Mukhtar? Ni fa kaina ya kulle. Kun santa ne? Kai yake gyada mata kamar karamin yaro kafin ya sauke wata irin ajiyar zuciya yace "kwarai kuwa, na santa farin sani ma kuwa, Itace dalilin zuwanmu Najeriya ma karewa. Ameenah ce, diyar Alhaji Sani Wakili, yarinyar da nake riko!"
Suka kwalalo mai idanuwa su duka cike da mamaki, Ummie tayi karfin halin cewa mai zai kawo ta nan? Kuma ma aikatau?? Ya girgiza kai "wallahi ban sani ba, na san dai wani dan hargitsi da suka yi da iyalan gidansu watanni biyu baya, daga nan ne aka neme ta aka rasa. Ashe tana nan" ya karisa fada yana danna wayar hannunshi, ya mike tsaye ya tunkari dakin da suka shiga dazu yana kara wayar hannunshi a kunne, "hello Faruq, gamu nan ga Ameenah yanxun nan muka ganta.... Idan da hali gobe kayo sammako kazo Kano....!" abinda yace kenan ya katse wayar ba tare daya jira amsar wanda ya kira ba.

Su Ummie suka juya suka bishi da ido suna jijjiga kawuna kamar wasu kadangaru har ya shige dakin. Fiye da awa guda kenan suna sandare a gun babu mai kwakkwaran motsi a cikinsu. Sai da Alhaji ya mike ya wuce dakinsa sannan fa suma suka samu kuzarin mikewa kowa ya nufi dakinshi zuciyoyinsu fal da tambayoyin da suka san babu mai amsa musu sai su Mukhtar kadai.


*Toh pha!!!*





Jeedderh🐾
[5/2, 10:40 PM] ‪+234 816 492 9724‬: 💕🐾•°•° *BAYAN*•°•°🐾💕
💕🐾°•°• *RAI...*°•°•🐾💕




🐾°•07•°🐾


*☆☆☆☆☆☆☆☆☆*

Karfe shida na safiyar washegari aka doka musu kofar falo, Safeenah data fito daukar ruwa a fridge ta tafi ta bude kofar cikin tunanin waye da safiyar nan? Wani kyakkyawan saurayi ya bayyana a bakin kofar, cikin murmushinsa mai kyau yace mata hiii! Taji wani yarrr har tsakiyar kanta, abinda bata taba ji ga kowane da namiji ba. Cikin rawar murya ta amsa fuskarta na nuna alamun rashin sanayya. Ya fahimci hakan, sai ya kara gyara tsayuwar da yayi yace "m Faruq. Jiya da dare Mukhtar ya kira ni yace yaga kanwata data bata anan gidan" sai lokacin ta dan saki fuskarta "ohh! Sorry. Shigo plsss" ta kauce daga bakin kofar. Daidai lokacin Mukhtar ya fito daga dakin Ameenah, gabadayansu a dakin suka kwana basu samu sun runtsa ko na sakan daya ba suna ta hirar yaushe gamo. Ya karaso da saurinshi ya rungume Faruq suka gaisa, a matukar kagauce yake daya saka er kanwar tashi a idon shi. Tare da Mukhtar suka koma dakin, lokacin har sun kwanta ita da Jameelah. A gefe guda kuma kayanta ne a hattame cikin trolleys suka hada yau da asuba don sun ce ayau zasu tafi da ita Gombe.
Jin maganar Faruq a dakin suna gaisawa da Anti yasa ta tashi a sukwane ta fada jikinshi tana dariya, ya dan janye ta daga jikinshi shima yana dariyar, yace "bar taba ni maras kunya kawai, shine kika wani tafi without even letting me knows koh? How dare u??" ya gama fada yana dan rankwashin kanta a hankali. Ta kara afkawa jikinshi ta rike shi tsam tace am sorry Yaya, ba zan kara ba. Ya zagaye hannayenshi a bayanta yana dan murmushi, a hankali yaji ta sakar mishi nauyin jikinta, yana dagota yaga ashe barci take yi. Dariya ya dan yi tare da ciccibarta a hankali ya dora ta kan gado ya gyara mata kwanciyar ta. Cikin mamaki yake kallon fuskarta, ya juya ga Mukhtar daya rabbe hannu a kirji ya jingina da kofa yana kallonsu cikin murmushi, yace mishi cikin nuna damuwa "wat happened to ha face?!" Anti Jameelah tayi dariya "nima kaina nayi mamaki dana ganta a haka, wai fa badda kama ce tayi!" su duka suka kwashe da dariya, Faruq yace amma me yasa? Uncle Mukhtar yace shine abinda bamu sani ba muma. Ya maida dubanshi gareta yana dariyar yadda ta maida kanta bakar karfi da yaji, sai lokacin ya juya suka gaisa da Anti Jamila, itama gadon ta hau ta kwanta, babu jimawa barci yayi awon gaba da ita, yayin da Mukhtar ya ja Faruq sashen shi don suma su samu su runtsa tunda Faruq yace mishi a hanya ya kwana yasan shima bai yi barci ba jiya kenan.

Sai bayan azuhur suka tashi, masallaci suka tafi sai da suka dawo ne suka shiga cikin gidan. Duk suna falon su duka suna hirar duniya banda Rayyah-Ameenah, Safeenah na gefen Anti Jameelah dake cin abin tana ta jefa mata tambayoyi game da Ameenah amma Antin taki amsa mata ko daya, cikin haka su Faruq suka danno kai falon. Jin sansanyar muryar Faruq a gefenta yana gaishe da Ummie ya saukar mata da wata irin kasala da sanyin jiki, ta matsa jikin Anty ta rabe kamar wata munafuka tana tambayar kanta me ke faruwa ne da ita haka?
Uncle Mukhtar ya dubi Anti Jameelah yace "Ameenah fa?" tace "wanka ta shiga, muma yanzun nan muka tashi daga barci" ya gyada kai, Ummie ta shirya musu abinci a gabansu, ba bata lokaci suka fara cin abincin. Safeenah ta samu kanta da satar kallon Faruq duk bayan wucewar sakanni, gani take a iya tsayin rayuwarta bata taba ganin kyakkyawan namiji wanda ya dauki hankalinta cikin lokaci kankani kamar Faruq ba. To ai ya cancanta yaja hankalin kowace macen ne, don kuwa Faruq kyakkyawa ne na gaban kwatance mai suffa da kira ta mazajen kwarai! Amma abin haushin a gareta shine yadda ko da wasa bata ga alamun ta dauki hankalin Faruq din ba.
Kofa aka yi knocking, Ummie ta umarci Safeenah data je ta bude. Ta tashi cikin sanyin jiki ta tunkari kofar, sai lokacin idanun Faruq ya sauka akanta, ya bita da kallo cikin birgewar da shigar jikinta ta mishi. Sai gata sun shigo tare da Hajiya Tabari aminiyar Ummie. Da sauri Ummin ta taro ta suka zauna aka gaisa, yayin da Biebie ta kawo mata abin jika makoshi. Ummie ta dubi kyakkyawan babyn dake hannunta tace Hajiya ina kika samo kyakkyawan yaro haka? Haj. Tabari tayi murmushi tana kallon yadda yaron ya lafe a jikinta kamar wanda yake tsoron a kwace shi tace "Al-Ameen??". Mukhtar, Faruq da Jameelah suka kalli babyn suna mishi dan murmushin nuna sanayya.

Suna nan zaune ana er hira kadan-kadan, Ameenah ta bayyana a bakin kofar......






©Jeedderh🐾
[5/2, 10:40 PM] ‪+234 816 492 9724‬: 💕🐾•°•° *BAYAN*•°•°🐾💕
💕🐾°•°• *RAI...*°•°•🐾💕




🐾°•08•°🐾


Ba wadanda basu santa ba, wadanda suka santa din ma idanu suka zuba mata suna kallonta kamar wata wadda ta diro daga wata duniya ta daban da wadda suke ciki, a can kasan zuciyoyinsu kuwa tasbihi suke ga Ubangiji mai Girmah, makerin wannan halitta...

A mike take gabadayanta, doguwa ce amma tsayin nata madaidaici ne. Bayan dara-daran idanunta masu tattausan kallo, wani siririn hanci ne daya zauna das a doguwa kuma zagayayyar fuskar ta. Dan madaidaicin faffadan baki dauke da siraran lebba jajaye wadanda suka kawata fuskar tata sosai, haka siririyar kakkaurar girar idonta da gashin idanu masu sheki. Duk da cewa dankwali ne a kanta, amma yanayin yadda wasu tausasan gassu suka yi luf a goshinta suna barazanar tabo girarta kadai ya isa ya tabbatar maka da cewa tana da wadataccen gashin kai. Kalar fatar jikinta kuwa fara ce amma ba kar ba, ja ce, jawur.

A nutse kuma a hankali ta tako kanta a kasa har kujerar kusa da Yaya Faruq ta zauna, yayin da suka cigaba da kallonta kowa da abinda yake kissimawa a cikin ranshi. Baby Al-Ameen yana kyalla ido ya ganta, ya sauka daga jikin Haj. Tabari ya nufe ta da tafiyar shi ta en koyo mai hade da dan gudu yana cewa Mam-mmahh!!! har yana faduwa, ta mike da saurinta ta dauke shi ta cilla shi sama ta cafe tana dariya, ta fara mannawa kumatu da bakinshi kisses yana ta kyalkyala mata dariya. Ta koma kan kujerar data tashi ta zauna rungume dashi a jikinta, ya nanike ta sosai kamar wanda yake so ya koma cikinta. Su Ummie sai suka kama haba cike da al'ajabi da daurewar kai game da al'amuran Rayyah data rikide ta dawo Ameenah jiya, Who really is she? They were curious, (n so I was!).

Mukhtar ne yayi gyaran murya, wanda hakan yasa suka maida hankulansu kanshi, yace yana mai duban Abbu, "nasan cewa zuwa yanzu zuciyoyinku cike suke taf da sake-sake da tambayoyi akan Ameenah, qila ma har damu. Kamar dai yadda na fada muku ne tun jiya, wannan Itace Ameenah da muke riko. Watannin baya ne ta dawo nan Nigeria, kuma sai suka samu wata er matsala a can gida, daga nan aka neme ta sama da kasa aka rasa. Wannan satin nace yakamata dai mu zo mu bincika da kanmu tunda har yanzu babu wani labarinta, nace mu fara biyowa ta nan mu muku ko da kwana biyu ne tunda mun jima sosai bamu zo nan ba in yaso daga can Gombe sai mu koma. To kuma cikin hikima ta Ubangiji sai gashi muna zuwa muka ci karo da ita anan, duk da cewa bamu san dalilinta na yin hakan ba, nasan dai she must have a big reason". Yayi shiru yana sauke kallonshi a kanta.
Falon ma ya dauki shiru, kowa ma ita yake kallo. Kowa so yake yaji wai meye dalilinta na badda kamar da tayi, kuma a matsayin yar aiki! Yayin data sadda kanta kasa kamar mai tsoron yin magana, can kuma ta dago tana duban su Abbu tace,

"Da farko dai ina mai baku hakuri akan irin zuwan da nai muku na kuma boye muku asali na, ba wai nayi hakan da wata manufa bane ko munafunci, illa nayi ne a dalilin aiki. Det. Ameenah Sani Wakili, Ina aiki da kungiyar yan sanda ta fararen kaya na kasa wato SSS!" tayi shiru ta sadda kanta kasa, gabadayansu kallonta suke yi cikin tsananin mamaki, har su Uncle da Ta Faruq kuwa don dai sam basu san da wannan zancen ba. Ta cigaba, "ba tare da sanin kowa na gidanmu ba ba nemi aikin, ranar da aka sanar dani na samu aikin na dawo gida ne da niyar nayi surprising nasu, unfortunately sai na tarar ana wata hatsaniya ta dalilinmu ni da Al-Ameen wanda wannan ya danganci personal life dina ne. A wancan lokacin nayi niyar barin nahiyar ne gabadaya, nayi niyar in bar kasar in nufi wata can mai nisa inyi rayuwata ni da dana Al-Ameen kawai ba tare da takurawar kowa ba. To kuma sai wani umarni yazo min daga headquarter na SSS cewa ana bukatar na gudanar da binciken sirri akan wasu barayi da suka addabi nahiyar Kano, da kidnappers da suka addabi garin Ikko, aka bani zabin inda naga ya dace naje ni kuma na zabi Kano, saboda haka ne nayi badda kama domin nasan duk inda na shiga a fadin duniya sai dangina sun zakulo ni wanda ni kuma ban shiryawa hakan ba a yanzu. Na shirya na taho Kano kan cewa nan da watanni biyu zan kai cikakkun bayanai game da barayin nan don ana bukatar a cafke su cikin gaggawa.

Babban dan Hajiya Tabari Faisal, shi ya kasance abokin aikina. Bayan na iso Kano na sauka a gidansu muka fara shawarar ta yadda zamu gudanar da aikinmu ba tare da an samu wata tangarda ba, daga baya da muka samu bayanin inda suke zaune ne muka yanke shawarar zuwana unguwar a matsayin er aiki, tare da taimakon Hajiya Tabari. Anan na bar Al-Ameen a hannunta don bana son zargi ya dasu a zuciyoyin wadanda zan zauna dasu. Nayi kokari nayi creating