You Cannot Download this book untill you login but you can read it .

---

Login Register

yake da tashin kamshi. Lokacin dana fito su Anti suka ganni sai suka kama baki tsabar mamaki, don kuwa na koma sak kamar wata cikakkiyar ba'indiya. Suka saka ni a tsakiya har gaban motar da zata dauke ni zuwa wajen dinar, tasha adon roses masu kyau, na shiga ciki su kuma suka shiga dayar. A cikin motar na samu angon shima cikin saree na maza kalar nawa wato golden ash, ya saki baki yana kallona kamar ranar ya fara gani na. "kin yi kyau pa!" nace kaima haka. Yasa hannu ya sarkafo nawa yana matsawa a hankali har muka isa wajen dinar. An kawata wajen da kayan decorations sosai, kafin mu fita daga motar ya dauki gyalen saree din da suka dora min a kafadata ya dora min shi a saman kaina. Mutane muka samu dankam a wajen suna jiran isowar mu, muna fita daga motar en jaridu, gidajen tv da mutane suka biyo mu da ruwan flashes har zuwa mazauninmu. Nan aka fara gabatar da dinner ba bata lokaci, muka yanka cake, muka yi rawa, muka amshi gifts. Da aka tashi muka shiga gaisawa da jama'a suna taya mu murna. Kai wannan ranar nayi marking dinta as a very precious day to me, ganin yau gani gaban manya-manyan en wasan India tun daga Bollywood, tollywood, kollywood, da sauransu suna zuwa suna taya mu murna mazan su da matansu muna ta gaisawa, masu hotuna kuma nata aikin dauka. Bamu muka bar wajen ba sai karfe ukun dare, a gajiye kwarai muka bar wajen.

A cikin mota Marwan ya janyo ni jikinsa ya fara danna gabban jikina a hankali, na fara jin wani yarr a jikina. Abu ne da bai taba faruwa a tsakaninmu ba tunda muke dashi. Na fara kokarin janye jikina daga nashi, ya kara janyoni jikinsa na koma kan cinyarsa dangargar, a kunnena yake rada min relax mana! M just massaging your body, na ga kin gaji da yawa.... Ba yadda na iya haka na kara kwanciya a jikinsa ya cigaba da matsar sassan jikina. Kafin mu isa gida dai gabadayanmu mun fita a yanayinmu. Direban daya dauko mu yayi parking a kofar gidan da aka mana masauki, na zame jikina daga na Marwan na bude motar zan fita, hannu yasa ya janyo ni da karfi na koma cikin jikinsa, ya saka duka hannuwansa biyu ya tallabo fuska ta na kalleshi ido cikin ido. Gabana ya fadi sosai, kallon dake cikin kwayar idanun Marwan ban taba ganin irinsa a cikin idanunsa ba, kallonsa kallo ne mai tsabta amma na yau, it was full of lust. Na janye nawa idanun don ba zan iya jurewa kallon nashi ba. Ya fara matso da fuskata gab da tashi har sai da hancinsa ya fara gugar nawa, ya kawo bakinshi saitin nawa zai yi kissing dina, zuciyata ta fara daka tsalle kamar zata fado daga kirjina, na lumshe idanuna cikin yanayin dana kasa fassara irinshi. Komi ya tuna? Ji nayi ya dan saurara kafin ya sake ni ya koma ya jingina da jikin kujera yana sauke numfashi, tsawon mintuna biyu ya bude idanunshi ya kalleni idanunshi sun sauya launi, muryarshi ta zama rough cikin dan lokaci, yace je ki kwanta Meenah, sai da safe!, Kai kawai na iya gyada mishi na fita daga cikin motar. Ban bari tunanin komi ya shiga raina ba, na fada kan gado ko kayan jikina ban cire ba na hau barci.

Washegari aka kara zuwa aka shirya ni cikin wata shigar ta Saree ruwan gwaiduwar kwai, a cewar Marwan gidansu mahaifiyarshi za a kaini. Zamu yi sati guda a can ni da Hindu wai suna kula da yanayin zamanmu da tarbiyarmu, idan kuma satin ya cika zasu raka mu asali gidanmu dake Mumbai. A ranar muka yi sallama da dangina da suka rako ni, wasu sun koma Najeriya, Anti ta koma Mumbai yayinda Anti Rukky ta koma KL inda take karatunta. Motoci uku suka zo daukata, Kareemah kanwar Marwan wadda take zaune a Kano amma yanzu tana aure a Zamfara, ta kamo hannuna ta kaini har cikin mota ta zaunar dani. Ni kadai suka bari a cikin motar, ita ta juya ta shiga wata, direba ya ja motar muka bar gidan.




©Jeedderh🐾
[5/2, 10:53 PM] ‪+234 816 492 9724‬: 💕🐾•°•° *BAYAN*•°•°🐾💕
💕🐾°•°• *RAI...*°•°•🐾💕




🐾°•25•°🐾


Mahaifiyar Marwan da abokanan ta suka fito suka tarye mu da kansu, gidansu babban gida ne da dakuna manya manya, ga daki na ga na Hindu haka suka mana bayani. Ban taba haduwa da mahaifiyar Marwan da Hindu ba sai a ranar, dama dama mahaifiyar Marwan na gaisheta ta amsa babu yabo babu fallasa duk da cewa na fahimci fara'ar data dinga min ta yake ce saboda idon mutane, Hindu kuwa kallo daya dana mata ban sake marmarin maimaitawa ba saboda wata irin harara data dinga watsa min. Daya bayan daya suka dinga nuna mana gidan da yadda al'adu da dokokin gidan suke, suka ce daga ranar ni da Hindu zamu dinga girki da gyaran gida, suka raba mana girki ni da ita, idan nayi na rana sai tayi na dare, na safe kuma tare zamu dinga haduwa muna yi da ita, babu mu babu haduwa da mijinmu sai dai a waya, ba a yarda mu fita ko nan da kofar gida ba, dokoki dai kala-kala, muka amsa da zamu kiyaye da dokokin, daga nan suka hadamu suka mana nasiha akan mu zauna lafiya mu kuma bi mijinmu. Da suka gama abinda zasu yi aka watse aka bar ni da surukata da kishiya ta, gani na tsuru ni kadai a zaune, Hindu da Maah sun hade kansu a gefe suna ta yara yaren Malayalam yasa na silale daki na jiki na a sanyaye, na san cewa ba zamu yi zaman dadi da surukata da kishiyata ba.

Washegari tunda nayi sallar asubahi ban koma barci ba, kicin na tashi na shiga. Sai da nayi en share-share da goge-goge saboda kicin din ya danyi kura, na hau dube-dube har Allah yasa na gano food time table dinsu naga abinda za a girka na fara girki, thanks to Hanan, idan bangaren girki ne babu wanda ban iya yi ba na kabilu da yarukan kasar India daban-daban. Sai dana kusa gamawa Hindu ta shigo kicin din, na juya na kalleta da er fara'ata na gaishe ta cikin harshen turanci, ta juyar da kanta gefe, ganin haka sai na koma yaren Hindi, nan ma ta janye kanta, sai na tabe baki na juya ga girki na. Tana tsaye na kammala girkin na shirya komi a tsakiyar falo, na kimtsa kicin din na koma dakina na watsa ruwa na kimtsa jiki na na fita falon. Maah tana zaune Hindu na gefenta suna karyawa, na durkusa na gaisheta, ta dube ni ta watsar ta amsa da kyar, dan murmushi kawai nayi na koma gefen Hindu na zauna na janyo plate na zuba abinci nima na fara ci. Da rana ma haka nayi girki, na gyara falo da dakin Maah Hindu na zaune na kallona kamar wata er aikinta. Da dare kuwa da tayi nata girkin, cokalin farko dana kai bakina da kyar na iya hadiye shi saboda wani masifaffen yaji dana ji, haka na daure na dinga tsakura ina kaiwa bakina, ranar da matsanancin ciwon kirji na kwana.
Kullum Hindu zata yi girki to yajin da zaka ji cikin girkin sai ya wuce tunaninka, daga baya ne na fahimci cewa ni kadai ce nawa abincin yake yaji, babu mamaki da gayya ake saka min shi cikin abinci. Haka na daure na cigaba da jurewa har muka yi sati guda cif, a kuma ranar Marwan ya dira a gidan don tunda aka kawo mu bai zo ba sai dai muyi waya dashi. Maah ta hada mu mu duka ukun ta mana nasiha akan mu zauna da junanmu lafiya kuma tsakani da Allah, mu kuma kiyaye hakkokin aure dake kanmu don a ranar zamu bi jirgi zuwa Mumbai. Muka kimtsa kayanmu muka fito, da zamu tafi na ga ta ja Hindu gefe suna magana kasa-kasa, duk sai naji na tsargu musamman da yake suna maganar ne suna kallo inda nake. A haka dai muka yi sallama da ita muka tafi.

Gidan da aka min jere a Mumbai din nan muka dira tunda ita har zuwa lokacin bai samu inda zai ajiye ta ba, to zata zauna damu kafin a sama mata wajen zama. Ya nunawa kowa dakin da zata zauna, duk muka shiga muka yi wanka gami da dauro alwala muka fito falo kamar yadda ya umarce mu, nan yaja mu sallar magriba da isha'i. Bayan mun gama muka zauna muka ci abincin da yayo mana oda, muna gamawa na hada kan kayan na kai kicin na wanke su tass na mayar da su ma'ajiyar su. Falo na koma, Hindu na zaune a gefenshi kan kujerar da yake da yake 3-seater ce, nima naje na zauna a daya gefen.....




©Jeedderh🐾
[5/2, 10:53 PM] ‪+234 816 492 9724‬: 💕🐾•°•° *BAYAN*•°•°🐾💕
💕🐾°•°• *RAI...*°•°•🐾💕




🐾°•26•°🐾


Ya sake zaunar damu ya mana nasiha akan zaman tare, ya kuma kafa mana wasu dokoki game da zaman mu sannan ya raba mana girki, kowa zata dinga yin kwana biyu ranar girkin ta. Ya dinga kokarin hada mu muyi hira amma fir Hindu taki, sai ma ta juyar da kanta ga TV tana kallo. Karfe goma tana yi ya umarce mu da mu tashi muje mu kwanta, ya kama hannuna yaja ni zuwa dakina...
Kawai tsintar ta muka yi a gabanmu kerere ta kama kugu tana jijjiga jiki. Marwan ya dubeta, lafiya ke kuwa? Ta kalleni sama da kasa, lafiyar kenan. Naga kana neman shigewa da ita daki ne shine naga ya kamata in tunatar da kai kan cewa ba kwanan ta bane, nawa ne!! Shima ya kalleta sama da kasa, yace amma baki da hankali koh? Tace da hankali na rass... Ai koda ace ban girme ta ba, ni uwargidan ta ce bai kamata ka dauki kwana na ka kai mata ba. Yace look Hindu! Kina sane da cewa da Meenah aka fara daura min aure kafin ke, kenan a shari'ance a dakinta zan kwana yau, a al'adance kuma ta zamo uwargidanki, ke ba uwargida bace yanzu!" ta dura wata ashar, "wallahi ba ka isa ba Marwan! Nace daga kai har ita baku isa ba, babu shegiyar data isa ta lalata min daren amarci na wallahi....!" ya girgiza kai cikin gundura da zancenta ya kara janyo hannuna, dama ina gefe ina kallonsu ina mamakin karfin hali irin na Hindu. To karfin hali mana tunda ga gaskiya nan kiri-kiri amma tana takewa. Yaja ni muka shiga dakina ya barta anan tana zazzaga masifa.

Kan kujera ya zaunar dani, bai zauna ba ya kalleni, "1 sec" na gyada kai ina mishi murmushi, ya fita daga dakin. Minti daya ya dawo hannunshi dauke da kwalin tatacciyar madara mai kamshin inibi, ya ajiye akan center table ya tsiyaya a cikin dogon cup, ya zauna a kusa dani. Kafin ince wani abu sai jina nayi akan cinyar shi, ya saka hannunshi daya ya zagaye ruwan cikina dashi, ya dauko cup dinnan da daya hannun ya dora min akan bakina, kai na hau girgiza mai alamun na koshi. Ya dan harare ni cikin wasa, yace "come on baby, amshi ki sha mana. Ina kallonki fa tun dazu babu abinda kika ci bayan kuma nasan kina jin yunwa, oya haaaa bakin...!!" nayi murmushi ganin yadda ya hade rai, na bude bakin babu musu ya fara shayar dani madarar mai tsananin gardi da sanyi, aikuwa tass na shanye ta, ya kara tsiyayar wata yana bani....

Wayarshi ta fara kida cikin tattausan sauti, na mika hannu na dauka don tafi kusa dani na mika mishi ya amsa bayan ya ajiye kofin., 'Maah...' dana ji ya ambata ne ya tabbatar min da kiran mahaifiyar sa ne. Ban san me take fada mishi ba, na ga dai yanayin shi ya sauya, annurin fuskarshi ya bace. A can kasan makoshin sa naji yana amsa "to.... to...., naji..." daga haka ya yarfar da wayar kan kujera ya dafe kanshi yana furzar da hucin bacin rai. Na juya ina fuskantar shi, nasa hannu a hankali na dafa kumatunshi ya dago yana dubana da idanunshi da suka sauya launi, nace "Wat's up darling??" yace kin gani koh? Waccan shegiyar yarinyar har ta fara hada ni da mahaifiyata? Yanzu har ta mata waya ta shirya mata karya da gaskiya, gashi yanzu tace dole sai naje na kwana a wajenta!!".

Gabana ya fadi, raina ya baci sosai. Wannan wane irin rashin adalci ne? Ya za ayi a raba ni da mijina wanda naci burin kasancewa dashi a wannan dare mai dumbin tarihi? Mai yasa za a dauki kwana na a kaiwa wadda bata san daraja da dumbin muhimmancin da wannan dare yake a garemu ba?? Ya za ayi ga gaskiya a zane baro-baro amma a dinga take ta da gangan kawai don son zuciya irin na mutane???
_"ki taya mijinki yiwa iyayensa biyayya ko da ace ranki ko nashi basa so, ki bishi da 'Toh' a duk wani umarni da shi ko iyayensa zasu baki matukar bai kaucewa umarnin Allah da manzon sa ba. Auta, kada ki kuskura ki nuna bacin rai ko wani abu makamancin haka idan mahaifiyar sa ta saka shi yin abu wanda bai miki dadi ba, koda kuwa za a take hakkin ki ne!... Ki musu biyayya, ki dinga addu'ah, in shaa Allah zasu gane basa kyauta miki watarana, da sannu zaki ji dadin hakan., kuma zaki ga mijinki yana martaba ki kuma yana girmama ki.... Allah ya albarkaci rayuwar aurenki Ameenah!!"_
Nasihar da Ammie ta min ranar da zamu taho India ta fado min a rai. Take na tattaro duk wata natsuwa da dauriya na aza a zuciyata, na dora hannuwana akan kafadunsa na sanyaya murya nace "to menene a ciki mine?? Kaje kawai, kwana uku kamar yau ne, after all ma zan dinga ganinka kullum, dama shine abinda nake fata a rayuwata, na kasance da kai a kowane lokaci!" ya dora hannunsa bisa gwiwoyina yana kallona idanunsa cike da bacin rai, na dan murmusa. Yace "amma kinsan Maah bata mana adalci ba koh?" nayi saurin rufe mishi baki da hannuna, nace "ka daina fadin haka plss! Ita babbar mu ce kuma ta fimu hangen nesa da sanin abinda kaje yazo.., ka bi umarninta kaji? Kasan cewa ba zata ji dadi ba idan kaki bin umarninta, kuma ka fini sanin fushin da Allah yake yi da wadanda suka bata ran iyayensu..!".

Wani irin lallausan murmushi ya saki a sanyaye, kyawun daya kara yi a lokacin was just unimaginable, naji wani sonsa ya kara mamaye ni, wasu irin feelings da ban taba ji a rayuwata ba suka fara min yawo a jiki.... Hannuna ya kama ya dan sumbata kafin yace "thanks for the reminder.... Allah ya miki albarka" naji wani sanyin dadi a raina, Ammie tayi gaskiya. Na murmusa sosai nace nagode dia.... Taho muje kada ka bata lokaci, ya kalleni "r u sure babu damuwa idan na tafi??" nayi leaning bakina a saitin kunnenshi na rada mishi, "u r mine now.... I wouldn't have any worries with me, as long as u will continue to stay by my side....!" ya rungumeni a jikinsa yana er dariya, "baki da matsala game da haka Meenah ta, m urs, n I'll always be!! I promise...". Ya mike na take masa baya har zuwa bakin kofa, har ya fita ina shirin rufe kofar naga ya juyo, na dan dakata ina kallonsa. Ya tallabo kumatuna da duka hannuwansa yana kallon tsakiyar idanuna, "r u sure u gonna be okay?" na gyada mishi kaina, yace OK! Sleep tight, with me in your mind n soul, promise?? Na jinjina kaina cikin wani irin yanayi, ban aune ba naji tausasan lebbansa akan nawa, naji wani yarr tun daga tsakiyar kaina har tafin kafata. Ya dago a sannu ya sake ni, ya fara tafiya da baya-baya yana murmushi yana min waving da yatsun shi uku, na maida masa martanin murmushin na maida kofata na rufe.... Sai dana shanye sauran madarar daya ajiye sannan nayi changing dress zuwa kayan barci, nayi dimming din wutar dakin na bi lafiyar gado na kwanta. Ban bari tunanika sun addabeni ba, daddadan barci nayi mai cike da mafarkai dadada. Sai da asubahi ya shigo da kansa ya tashe ni, nayi alwala na fita falo ya jamu sallah.




©Jeedderh🐾
[5/2, 10:56 PM] ‪+234 816 492 9724‬: 💕🐾•°•° *BAYAN*•°•°🐾💕
💕🐾°•°• *RAI...*°•°•🐾💕




🐾°•27•°🐾


Kwanaki uku suka zo suka wuce girki ya dawo hannuna, a tsawon wannan lokacin ko gaisuwa bata shiga tsakanina da Hindu ba, tsakanina da ita sai dai harara da tsaki. Wani irin bakin kishi gareta wanda ban taba gani ko jin kwatankwacinsa ba, duk da haka ina mata fatan Allah ya yaye mata shi. A daren bayan mun kammala dinner muka zauna muna kallon labarai, ni dai kamar kodayaushe karfe tara na bugawa na mike na musu sai da safe na shige dakina, ta bini da harara tana maganganu kasa kasa da ban gane abinda take fada ba. Toilet na fada na watsa ruwa sannan na dauro alwala zanyi shafa'i da wutiri. Ina fitowa na same shi zaune akan kujera, yana ganin na fito ta mike yace da fatan kina da alwala? Nace ehh, ya gyada kai, "good! Jira ni in fito mu yi sallah" shima ya fada bandakin. Kafin ya fito har na shirya na zura doguwar riga da hijabi a jikina na hau kan abin sallah.
Ya jamu muka yi nafila rakaa takwas muka rufe da shafa'i da wutiri. Ya jima sosai yana mana addu'a game da neman albarka a zaman aurenmu yayin da nake amsa mishi da Ameeen, daga karshe muka shafa addu'ar a tare. Ya mike ya fita, can ya dawo hannunsa dauke da gorar fresh milk da kofuna, na kula hakan yana daga cikin al'adun rayuwarsa shan tatacciyar madara a duk dare kafin ya kwanta. Ya zauna a gefena ya tsiyaya a cups ya miko min na amsa na fara kurba a hankali. Muna gama sha na dauke kayan na kaisu inda ya dace na ajiye na ajje. Kafin na dawo har ya mike akan gado, sai a lokacin ne naji wani irin nervousness ya lullubeni, wannan shine lokaci na farko da zanyi spending dare na tare da wani da namiji, da namijin ma Marwan, mijina!. A sanyaye na nufi gadon na haura ta can karshen gado na kwanta gabana yana dan faduwa, ya kalleni sosai "amma dai ba da wannan katuwar doguwar rigar zaki kwanta ba koh?" na kalli rigar kafin na maida kallona gareshi nace to menene aibunta? Ya girgiza kai, "nooo, ban yarda ba Meenah. Ba zaki sake a cikinta ba, tashi ki canza kaya" bana jin zan iya yin musu dashi a lokacin, dole na dira daga kan gadon naje gaban wardrobe na bude na lalubo wasu riga da wando na barci, na cire doguwar rigar jikina ya rage daga ni sai karamin siket ash color wanda tsawonsa ya tsaya min a gwiwa, sai half vest itama dai ash ce. Na fara kici-kicin saka kayan dana ciro, daga can kan gadon yace "kinga..." na juya na kalleshi, yace "ba sai kin saka su ba, wadannan ma sun ishe ki barci taho ki kwanta" ba musu na ajiye su na koma can karshen gadon inda na fara kwanciya na kwanta gabana yana dan bugawa, yasa hannu yayi dimming wutar dakin, fitila mara haske ta kunnu.
A hankali naji ya gangaro ta inda nake ya rungumoni ta baya, gabana ya buga rasss! Ina jin shi kanshi yaji yanda zuciyata ta dinga racing da sauri. Ya juyo dani muna fuskantar juna, wani irin fitinannen kamshi mai sanyaya rai yake fita daga jikinshi, ya min rada a kunne., "relax mana kid! U r still a child, babu abinda zan miki er shila na.... Rainon ki zanyi har sai kin zamo kaza kin gane? So feel free with me...." ya karashe yana shafar gashin kaina da tattausan hannunshi. Ban san sanda na kara nutsa kaina ba a faffadan kirjinshi, ya saka hannuwa ya zagaye bayana dasu yana shafawa a hankali. Wani daddadan barci ya sace mu don sai da muka makara sallar asubahi ranar. Tare muka fita falon ni dashi, akan sallaya muka samu Hindu a zaune daram idanunta kyamm akan kofar dakina. Mamaki ya kama mu, matar da kwanaki uku da suka wuce da kyar take fitowa sallah Itace da dako wannan uban sammakon? Lallai su kishi manya!!
Muna gamawa sallah muka koma barci. Kwananshi bakwai a tare dani ya koma ga Hindu. Mun kara samun fahimtar juna a tsakaninmu, soyayya da shakuwa ta kara habaka a tsakaninmu. A haka rayuwarmu ta cigaba da tafiya, ina zuwa school abuna, Shima Marwan ya koma wajen harkar film dinsa. Yanzu ya zama busy sosai saboda yana ta kokarin ganin ya tada kamfaninsu da yake a rufe, don haka yanzu bai cika zama a gida ba, daga baya ma tsayar da harkar fina-finan shi yayi har zuwa lokacin da farfado da kamfanin zai kammalu.

A iya tsawon zaman da nayi da Hindu a gidana na tsayin wata uku, babu wani abun arziki da yake hada ni da ita sai zallar rashin mutunci da izaya kala-kala. Ita kadai muke bari a gidan idan muka fita, sai ya zamana duk ranar girkina idan na tafi makaranta to zan dawo in tarar da gidan da kicin kaca-kaca an bata su kamar gidan mahaukata, ko dai ayi girki a ki gyara kicin din, ko kuma ayi ciye-ciye na hauka a falo a barshi a haka, ni har mamakin yadda take bata gidan nake yi. Na dai yi imanin cewa ba ita kadai take wannan aikin ba. Abubuwa iri-iri dai wadanda babu dadin ji, haka nake fuskantar matsala daga en uwan Hindun, idan suka zo gidan nan har bana son in fita, habaici, zunde, bakaken maganganu babu kalar wanda bana gani. Wannan duk basa bata min rai akan irin yadda surukata take min, Maah ta sha daukar waya ta kira ni ta zage ni tass tace wai na hana Hindu zaman lafiya ita da mijinta, bayan kuma ita da munanan halayenta ne suke janyo mata. Sai dai ina iyaka kokari na wajen danne duk abubuwan da suke min, ba zaman su nake yi ba, wanda nake zama dominshi yana sona, yana tattalina, kuma yana girmamani, don haka duk abubuwan da suke min bana taba daga kai in kalle su. As long as wanda nake zaune dashi yana farin cikin kasancewa dani, to m fine!! Babu abinda zai dame ni da abinda zasu dinga fada!!!!.





©Jeedderh🐾
[5/2, 10:56 PM] ‪+234 816 492 9724‬: 💕🐾•°•° *BAYAN*•°•°🐾💕
💕🐾°•°• *RAI...*°•°•🐾💕




🐾°•28•°🐾