You Cannot Download this book untill you login but you can read it .

---

Login Register

suka maida hankulansu gare shi. Yace "wato Alhaji Hamza, ko da ace baku zo ba nima dama ina da niyar zuwa. To amma tunda kun zo yanzu ina ga bari ayi komi a yanzu kawai. Maganar gaskiya na yaba kwarai da tarbiyar er ku Ameenah wadda ta zauna damu watannin baya, idan har baku yi mata miji ba ina rokon iri daga gare ku, na yiwa d'a na AbdulRasheed-Modibbo sha'awar ta., ina fatan bamu makara ba??!"
Shiru suka yi kowa yana saka abu a ranshi, ya kallesu lafiya Alhaji? Kawu Jazuli yayi gyaran murya yace "wannan kudiri ne mai kyau, sai dai ita Ameenah wadda muke magana a kanta yanzu BAZAWARA ce, ta taba yin aure har da D'a duk da cewa dan ba nata bane, zaku iya aurenta a haka? Kuma kuna ganin babu kwara a cikin lamarin duba da cewa Modibbo saurayi ne wanda bai taba yin aure ba??"
Alhaji Abbas yayi irin tasu ta manya yace "haba Alhaji! Banyi tunanin jin hakan daga gare ka ba. Dama don budurci kadai ake yin aure? Ina tunanin tarbiya, nasaba ma suna daga cikin manyan ginshikan aure? Idan dai don wannan ne to ba abun damuwa bane, Modibbo zai so zabin dana mishi koda wadda ta girme shi ce balle wadda ya girma. Ni dai ina bara....!" sai duk suka yi dariya suka ce "an baka!!"

Da wannan sai alkiblar auren ta canza daga daya zuwa biyu, sun bayar an basu! Exchange Marriage kenan! :)
Daga nan Yaya Al-Mustapha ya rufe taron da addu'ahr Allah Ya ba ma'auratan zaman lafiya, a ranar suka juya Gombe da niyar fara shirin bukukuwan da za ayi nan da wata daya!...


*** *♡♡♡* ***




©Jeedderh🐾
[5/2, 11:04 PM] ‪+234 816 492 9724‬: 💕🐾•°•° *BAYAN*•°•°🐾💕
💕🐾°•°• *RAI...*°•°•🐾💕




🐾°•43•°🐾


*** *♡♡♡****


Kamar saukar guduma haka yaji maganar mahaifin nasa, ya dago a razane, tuni idanunshi suka canza kala cike da firgici da tashin hankali kala-kala, ya sauke su akan mahaifin nashi dake zaune fuskarshi cike da annuri, cikin doubting din abinda kunnuwanshi suka jiyo yace "Abbu, aure kuma??" ya kara fadada fara'ar shi yace kwarai aure, da Ameenatu yarinyar data zauna tare damu anan, kanwar Faruq ce! Na maka sha'awar ta zama matar ka, yarinya ce mai hankali da hangen nesa, though ta taba aure!!". Sai ya shiga kallon mahaifin nashi a gigice kamar wanda yayi gamo.....
Duk sauran bayanai da Abbun yayi Modibbo bai tsinci ko kalma daya a cikinsu ba, bai fahimci komi ba. Yayi nisa a nannauyar duniyar tunani wadda ta mayar dashi kamar statue. Abinda yaji kawai shine cewar da Abbu yayi, "zaka iya tafiya...." ba musu ya mike ya bar falon. Part dinshi dake can nesa da part din su Ummie duk a cikin gidan ya nufa yana hada hanya kamar bugagge, da kyar ya iya kai kanshi falo. Ya maida kofar ya rufe barammm da kafafunshi ya bita da makulli, kan kujera yaje ya zauna ya nutsa yatsun hannunshi duka goman a cikin tattausar sumar kanshi sai hada zufa yake yi duk kuwa da karfin split din dake falon. Ya 6ata wasu hadaddun mintuna talatin a wajen kafin ya tashi, da kyar yake daga kafafunshi har zuwa cikin bedroom dinshi. Ya janyo drawer dake gefen gado ya ciro kwalin cigarette din wrolp ya tsigo daya ya kunna lighter, kyakkyawan xuka ya mata ya fara fesar da hayakin cike da gwaninta. Nan da nan ya tada hayaki a wajen kamar wata er karamar gobara, sha yake ba sauki yana fesar da hayakin cikin kunar zuciya, idanunshi sun canza kala, "wa ce ce? Wace mai karar kwanan ce ake shirin aura mishi??"
Zuciyar shi ta kasa yardan mishi cewa wai wannan bakar yarinyar, wannan yarinyar daya tsana ce za a aura mishi ba, kai no way! It must not be her. But if, unfortunately happens to be ita dince, hmmm!! Ya ajiye numfashi yana girgiza kai. Yana tausayawa yarinyar kuwa, don kuwa ya tabbata gidan mutuwarta ne za a kaita, sai dai idan su wadanda suka kulla auren sun gaji da ganin halin da zai saka ta su zo su raba auren kamar yadda suka hada. Don dai shi ba zai taba daga baki yace da iyayensa bai yarda da hakan ba, iyayensu basu dora su akan wannan turbar ta musu dasu ba.... Ko ba wanna ba, lokaci tafiya yake yi, yanzu yana cikin shekarar sa ne na talatin da uku. Ya cancanci ace ya nemi wadda zasu gina rayuwa ta aure, rayuwa wadda addinin musulunci yace ayi, tun lokaci bai kure mishi ba, tun bai kai ga karya tubalin daya ginawa kansa ba, tun bai fara kai hannunsa ga 'yammatan dake kawo kansu gare shi ba, tun kafin hakuri da dauriyar sa su kare, tun kafin ya kai ga dorawa matan banza kirjin shi..... Da ace iyayen shi sun dan kara mishi lokaci basu mishi wannan shigar saurin ba, da ace basu zaba mishi waccan bakar yarinyar ba. Da da kanshi zai nemo yarinya wadda zata dace da yanayin matar da yake so a matsayin Uwar 'Ya'Yansa ya aura koda ace baya sonta. Zai iya rufe idon shi ya aure ta don kare kai daga Zinah, da kuma neman albarkar aure, zai daure yayi tarayya da ko wace mace koda kuwa baya sonta, amma banda wannan bakar yarinya, he can't even imagine how to live with her a karkashin inuwar aure....
Haka dai Abdul-Rasheed-Modibbo ya cinye tsawon daren shi cikin saka da warwarar yadda zai warware kullin wannan aure kafin a daura shi, ba kuma tare da sunan shi ya fita ba!


~~••••**••••~~

Amaryah Ameenah tana can Mumbai bata san kalar wainar da ake toyawa a Nigeria ba, hasalima ita neman aiki take yi acan tunda dai babu wanda ya bata goyon bayan ta cigaba da aikin 'yar sanda! Iyayenta da yayyenta sun ce basu yarda ba, wannan ai ba mutuncin su bane. Ya Faruq ne kawai ya goya mata baya, to dama shi Ya Faruq bashi da wani katabus in dai akan Ameenah ne, yana danne farin cikinsa akan nata, yana goya mata baya a duk wani decision data yanke, komi Ameenah zata yi to him, daidai ne. Kauna ce mai tsananin tsabta Allah ya sanya a tsakaninsu, Yaya Faruq shi ya zame mata Yaya, ya maye mata gurbin kawa, ya kuma maye mata gurbin kanwa, sannan ya zame mata abokin shawara. Saboda haka kaf cikin yayyenta daga mazan har matan bata da kamar FAROUQ, he's the least, but the best!!
Amma ai ance sarkin yawa yafi sarkin karfi, everyone is against it, su biyun ne kawai dai, don haka ta sanyawa zuciyarta salama ta mika resignation letter dinta, ko bata yi aikin ba tayi kararun dai, kuma tasan wanda tayi dominshi yasan tayi, har yau tana mishi addu'ar dauwama a gidan aljannar Firdaus. Wajen aikinta sun yi mamaki sun kuma ji babu dadi, ita din ma taji ba dadin to amma ya zata yi? She has no other option.

Ta fara aiki da wani art gallery studio dake acan Mumbai din, Uncle daya san halin da ake ciki game da zancen aurenta yayi kokari akan ganin ya hanata neman aiki amma bashi da wani kwakkwaran dalili da zai fada mata don baya so maganar auren ta fasu da wuri, yafi so ace koda zata sani sai auren ya matso sosai so that she wouldn't try to stop the marriage. Shi da so samu ne ma to ya zamana sai bayan auren zata sani... Don haka daga shi har matarsa Jameelah ido suka zuba mata, suna mata fatan samun sassautawar zuciya akan maganar aure.




©Jeedderh🐾
[5/2, 11:04 PM] ‪+234 816 492 9724‬: 💕🐾•°•° *BAYAN*•°•°🐾💕
💕🐾°•°• *RAI...*°•°•🐾💕




🐾°•44•°🐾


Dawowar ta daga Dumpeen Art Gallery kenan a matukar gajiye, rungume take da Al-Ameen wanda ta biya ta makarantar yara da take kaishi ta dauko shi. Har yanzu babu maganar aiki, ta rasa dalili ko ina taje sai sunce ta dawo nan da kwanaki kadan idan kuma ta koma sai dai su ce tayi hakuri basu da wajen ajiye sabbin ma'aikata, bata kawo komi a ranta duk da cewa abin yafi karfin ace coincidence ne saboda taje neman aikin yafi waje biyar Anna kullum maganarsu daya ce; babu space. Amma tana kyautata zaton zata samu da Dumpeen Art tunda su sabon guri ne budewar last week tasan karya ne su ce suna da cikakkun ma'aikata. Tana fitowa daga cikin art gallery din ta nufi inda tayi parking din motar ta, a bayan motar ta taga motar kamfanin su Uncle, ta dan tsaya jimm tana tunani can kuma sai ta girgiza kai, no way! Me zai kawo Uncle nan?? Ta shiga motar taja ta tafi.

A galabaice kwarai ta isa gida saboda yunwa, a falo ta samu Anti tana amsa waya da alamun daga Najeriya ne, ta kwantar da Al-Ameen akan kujera saboda yayi barci, ta maida dubanta ga Anti data kashe wayarta tace da kyar, "Anti yunwa!.... Akwai abinci?" Anti tace "yana kicin, yanzu na sauke" da sauri ta shiga kicin din ta fito hannunta dauke da kula, plate, fork, cokali, bowl da goran ruwa da cup a cikin wani babban tray, ta ajiye su akan karamin table taja shi har kusa da kujerar da Anti take zaune. Wani hadadden kamshin farfesu ya daki hancinta lokacin data bude kular, ba shiri ta hadiye yawu ji kake mukut!! Ta figi cinyar kaza data dahu luguf ta fara ci tana lumshe idanu kunnuwanta har motsi suke kan dadi, taci iya cinta ta sha romon kazar sosai tayi gyatsa ta ture kwanon gefe, anti tace har kinyi me? Tace koshi mana of course. Anti tace Aikuwa sai kin cinye kazar nan tass! Ajiye ta zanyi anjima na miki warming dinta, Ameenah murmushi kawai tayi, ta bude plate din da aka rufe da wani kyakkyawan kyalle, wainar kwai ce aka yi sharbebiya ta sha veggies kala-kala, tana kaiwa bakinta tauna daya tayi ta dakata tana son tuno inda tasan taste din wainar kwan, ganin anti bata nuna komi a fuskarta ba yasa ta basar kawai. Hatta da ruwan data sha lokacin sai data ji ya canza taste.

Washegari da safe bayan ta kai Al-Ameen makaranta ta dawo, anti ta kai mata breakfast dinta har daki, farfesun kifi ragon ruwa da yasha ganyen spinach da Irish potatoes a ciki, sai kuwa wainar kwai irin ta jiya. Ta kalli Antin da mamaki, "amma ya abincina ya banbanta da naku? Na ga tea da fried Irish kuka karya dashi yau?" anti tace "ahhh, yayi kadan ne shi yasa na miki naki daban" ta dan gyada kai cikin doubting, ta janyo abincin ta fara ci yayin da anti ta fita ta bar mata dakin. Da dare kuma ba sai ta kai mata gashin nama ba? Ya sha tumatiri da farar albasa yayi ruwa-ruwa yana ta tashin kamshin spices. Ta kasa hadiye mamakinta tace "wai ko dai kun cire ni daga girkin kune Anti? Naga ba abnd kuka ci ba kenan yau da dare!" Anti ta danyi dariyar yake tace kusan haka, tace me?? Antin ta basar, "ke kici abincin ki kada ya huce..., bari in dauko Al-Ameen yayi barci a dakin su Asleem" tasa kai ta fita daga dakin.

Kwana biyu abubuwa suka cigaba da tafiya a haka, tana tunanin abin zai ragu amma inaa! Karuwa ma yayi. Yanzu hatta da ruwan wankanta sai Anti ta zuba wasu ganyayyaki da wani abu mai dan banzan kamshi. Haka duk bayan kwana biyu sai tayi tsuguno, Anti tace wai maganin sanyi ne. Kai daidai da ruwan shanta ya zama na daban, jin shi take zaki cauu kamar zuma. Ta tuna lokacin da zata auri Marwan irin wannan abubuwan Anti ta dinga bata sai dai bai yi yawa irin haka ba, zuciyarta ta kasa natsuwa da wannan abun nasu Anti, bata fahimce su ba. Sai dai bata son zarginta ya tabbata, shi yasa a duk lokacin data bude baki da niyar tambayar su tsoron irin amsar da za a bata take yi. Shi yasa tayi shiru kawai ta zuba musu ido.

Har ta kwanta amma bata yi barci ba idanunta a bude suke tangaras tana kallon ceiling zuciyarta na mata sake-sake, Anti Jameelah tayi sallama ta shigo dakin hannunta dauke da mug, Ameenah ta zuba mata ido yayin da bakinta kadai ya motsa wajen amsa sallamar. Ta mika mata mug din, Ameenah ta amsa. Tatacciyar madarar shanu ce sabuwar tatsa kila ma ta yanzu ce, ta kai bakinta da niyar sha sai kuma ta fasa, tace "Anti in tambaye ki mana don Allah!" anti ta dan sha jinin jikinta, tace ehh, ina jinki. Tace me yasa kike bani kayan karin ni'ima ne? Ko dai kina da wata masaniya akan cewa Kawu zai min aure??" ta fada cikin faduwar gaba da tsoron irin amsar da Antin zata bata, ta gaji da nuku-nukun da ake mata, idan ma auren ne za ayi kawai a fito fili a fada mata sai ayi ta ta kare.




©Jeedderh🐾
[5/2, 11:04 PM] ‪+234 816 492 9724‬: 💕🐾•°•° *BAYAN*•°•°🐾💕
💕🐾°•°• *RAI...*°•°•🐾💕




🐾°•45&46•°🐾


Aunty ta kalleta da mamaki, "ya aka yi kika sani??" a tsorace kuma a diririce ta kalli Antin cikin zaro ido, duk da cewa tayi tsammanin jin hakan amma kuma da taji sai taji abin yazo mata a bazata, unexpected as if Antin ta watsa mata dalma a kunne haka taji saukar maganar a kunnuwanta. Cikin kyarmar murya tace "kenan.... kenan.... Hakan yana nufin.... Da gaske aure za a min??" tausayinta ya cika Anti kamar zata fashe da kuka, tace kiyi hakuri Ameenah, muma waya kawai aka mana aka sanar damu zancen auren, kiyi hakuri ki rungumi zancen auren nan hannu biyu kuma da zuciya daya. Idan kika yi hakan zaki ga ribar biyayya ga magabata. Ki sanyawa zuciyarki salama Ameenah kin san halin Kawu Hamza sarai, ko ba tsoron abinda zai biyo baya idan kika ki amincewa da auren ba, kina ganin ya dace ki sa kimarsa da mutuncinsa su zube a idanun mutane??" taji jikinta ya danyi sanyi, gabadaya Anti ta daure ta da jijiyoyin jikinta. Ta sadda kai kasa tana kwararar da hawaye, bata damu wai tasa hannu ta share ba haka ta barsu suka yi ta zuba. Anti ta dafa kafadarta ta cigaba da mata magana cikin kwantar da murya, "kada kiyi fushi da zabin Kawunki Ameenah, Allah kadai yasan alherin dake ciki. Marwan is no more! You have to face the reality and move on with your life, nasan cewa ba zaki taba mantawa da Marwan ba. Amma Ameenah, ita 'ya mace kimarta da mutuncinta suna gidan aurenta, har zuwa yaushe ne zaki zauna a haka without a life partner? Shi auren nan yana da benefits da dama a gareki da Al-Ameen, ko babu komi zai bude ido ya ganku ku biyu and call you his parents! Zaki ji dadi ya bude baki da ido watarana yace miki Maah, wher is dad? Will u b fresh in it??" Ameenah tayi saurin girgiza kai, anti tace to ko don wannan, Ameenah na roke ki kada ki watsa mana kasa a ido, m begging youhh....!!
Sai kawai ta kece da kuka ta fada jikin Antin, kuka take ba kakkautawa. Anti ta dinga tapping bayanta a hankali cikin sigar lallashi, a ranta kuwa fadi take, "Ya Allah! Yaa Ladeef!! Rayuwar baiwar nan taka taga kaddarori iri'iri, ka tallafi rayuwarta data marayan d'anta kayi mata zabin miji nagari, Ya Allah ka albarkaci rayuwar aurensu Ameeen!" ta lumshe ido hawayen tausayin Ameenah na kwararo mata.

Anti ta cigaba da rarrashinta har sai data ga ta nutsu ta daina kukan da take yi sai dai shessheka. Ta tashi jiki a sanyaye ta mata sai da safe ta fita. Madarar da Ameenah bata sha ba kenan ta koma ta kwanta. Ta rasa yanayin da zuciyarta ke ciki, ita dai tasan cewa bata na'am da zancen auren nan. To amma kuma wani sashe na zuciyarta yayi na'am da hakan. Da taci gaba da tarawa da debewa sai taga ai kashi sittin na sassan gudanar da tunani na jikinta sun fi kawo dalilan ya kamata ta amince da auren. Ta tashi zaune dangargar a tsakiyar gadonta tana sake-sake, me yafi dacewa tayi yanzu? 'Neman zabin Allah!!" Wani sashe na zuciyarta ya rada mata hakan. Tsam ta tashi kamar wadda aka tsikara ta je ta dauro alwala tazo ta fara nafilah.

Daya daga cikin manyan kyawawan halayen Ameenah kenan, sam bata barin zuciya tayi ruling dinta. Ta kan nemi zabin Allah a duk wasu al'amura da suka cunkushe mata. Bata samu ta runtsa ba sai data sallaci asubahi.


๛♥๛♥๛♥๛♥

Lambu ne mai tsananin kyau, yana ta tashin kamshin kyawawan nau'ikan furanni da aka shuka a wajen ga bishiyoyin fruits dangin su peach, strawberries, mangoes, guava, berries, dama wasunsu da dama sun nuna sosai. Hadari ne ya gangamo sosai aka fara walkiya mai karfi da rugugin tsawa, kafin kace me! An kece da ruwan sama kaman da bakin kwarya.....
Cikin sauri ta tashi daga kan kujerar da take ta ruga da gudu tana neman mafaka. Daga can nesa ta hango wani kyakkyawan farin mutum tsaye cikin furanni yana shafa su da kyawawan fararen hannayensa yana murmushi mai kayatarwa, inda yake sam babu ko dishin ruwa. Sai ta kara karfin gudunta har ta cimma shi...., cike da murna, tsantsar mamaki da tsananin farin ciki take kallon mutumin daya rikide ya dawo MARWAN!! Yayi fari sosai, yayi wani irin haske mai ban mamaki, gassu tausasa shimfide a kyakkyawar fuskarsa da kuma hannayensa, fuskarshi na fitar da wani irin sheki mai tattare da annuri... Sai ta fashe da kukan murna ta afka jikinshi gabadaya, yayi saurin kaucewa rungumar data kawo mishi yana girgiza mata kai a hankali, yace "A'ah Ameenah!! M not ur Muharram, m no more ur husband kin manta ne??" sai ta tsaya ta ta kura mishi ido a nutse, tace Marwannn....! Ya saki kyakkyawan murmushin nan nasa yace "nazo ne na miki godiya akan irin rikon da kike yiwa gudan jinina Al-Ameen, ki sani duk addu'o'in da kike yi mun suna zuwa gare ni kuma Ina jin dadin hakan. Sai dai ki sani bana farin ciki ko kadan da gudun aure da kike yi, me yasa kike yin haka Ameenah??" sai ta zube bisa gwiwarta tana kuka a hankali mai tsuma zuciya, tace "ina jin tsoron in sake yin wani auren in rasa damar sake haduwa da kai a gidanmu na gaskiya a matsayin ma'aurata!!" ya sake yin wani murmushin yace "Ameenah!! Kowane dan Adam da kike gani yana da kaddararsa, tamu kaddarar kenan muma don haka dole mu rungumeta da hannu biyu, kiyi hakuri ki daina kuka. Kin ga mata na sun zo, zan koma tare dasu..." ta daga kanta a hankali ta dubi wadanda Marwan ya kira da MATAN SHI! Duk iya kwatancen ta da lissafinta ta kasa kwatanta siffofin MATAN MARWAN! Abinda ta sani kawai shine matane masu wani irin haske marar misali wanda bata taba ganin kwatankwacinsa ba. Suka matso gare shi kowace ta kama hannunshi ya dubeta fuskarshi na dauke da murmushi yace "bye Ameenah, sai watarana.... Kin ga mijinki can, wanda zai kula dake fiye dani yana jiranki, Allah ya albarkaci rayuwar aurenku!!" Ameenah ta shiga girgiza kai tana kuka tana rokon shi akan kada ya tafi, wata sansanyar iska mai ni'ima ta fara hura ta, ta lumshe idanunta kadan. Budewar nan da zata yi sai wayam! Babu Marwan babu Matan shi!! Ta tashi da sauri tana waige-waige tana kwala mishi kira, ruwa ya fara jigata amma bata yi yunkurin neman mafaka ba.
Tana cikin waige-waige ta hango wani giant mutum ya juya mata baya hannunshi rike da bazara, a gefenshi wasu kyawawan yara ne suna ta wasanninsu cikin nishadi. Kamar wadda maganadisu yake ja haka ta ji ta tunkari mutumin kamar ba kafafunta take takawa ba. Tun kafin ta karasa gare shi ya juyo fuskarshi cike da annuri. A tsaye yake sosai, mutum ne wanda ilimi da baiwarwaki suke baiyane akan kyakkyawar fuskarsa mai cike da kwarjini, kalar fatarshi kuwa za a iya kiranta baka. Bayan wannan babu abinda zata iya karaswa game dashi...
Mutumin ya tare ta da wata runguma mai laushi, suma yaran nan sai suka rugo da gudu suka rungumeta suna kiranta da MUMMY!! Mutumin ya dauki daya daga cikin yaran ya sumbaci goshinta, ya mikawa Ameenah yace "karbeta ta Ameenatu.... Hasken idaniyar mu ce, gudan jininmu!" sai ta samu kanta da sakin murmushi, yayin da taji kaunar yarinyar ta mamaye mata zuciya. Ba musu tasa hannu ta amshi yarinyar ta rungumeta, mutumin ya kamo hannunta suka juya suna tafiya a nutse, wani kyakkyawan kerarran gida suka nufa dake cikin lambun, sauran yaran suka rufa musu baya.....!!

*******

A hankali ta fara bude idanunta, maimakon cikin lambu, sai ta ganta a dakinta, kwance akan gado! Tayi-tayi ta tuno fuskar mutumin nan amma ta kasa amma jikinta na gaya mata cewa tasan shi. Anti data jima a tsaye akanta tun dazu tayi gyaran murya tace Ameenah lafiya? Tayi firgigit ta kalli wajen da taji sautin ya fita, ita din ce dai. Ta bude baki a hankali idanunta cike da kwalla tace "mafarkin Marwan nayi Anti" ta zauna a gefen gadon ta kamo hannuwanta duka biyun ta damke cikin nata tace Marwan kika ce? Ta gyada kai kafin ta bata labarin duk abinda ta gani a cikin mafarkin.... Anti tayi shiru tana kallonta cikin nazari, can kuma ta nisa a hankali ta dubeta tace "me kika fahimta game da wannan mafarki? Ta runtse idanu a hankali tace "na fahimci kara yin aure na yana daya daga cikin dalilan da yasa Marwan ya tafi ya barni! Kuma shi kanshi Marwan din yana farin ciki da kuma na'am wa auren da zan sake!" Anti tace bayan wannan da?! Ta girgiza kanta a tausashe alamun babu. Anti tace tabbas auren nan yana nufin abubuwa da dama ciki har da mutuwar Marwan. Rabo! Rabo ajali!! (Aysha Kurah) ,kuma wani baya haihuwar dan wani. Don haka ki kara hakuri Ameenah kina jina? Ta gyada kai a sanyaye, jikinta yayi laushi tubus tun daga mafarkin da tayi. Anti ta shafa kanta tana murmushi tace to tashi