You Cannot Download this book untill you login but you can read it .

---

Login Register

ne Yaran manya Fuzail ganin za a takura Masa sai Kawai ya sulale kasa yayi suman karya,Kansa akayi gaba Daya har Sarki Ana yayyafa Masa ruwa Amma yaki farfadowa sai da Umminsa ta fashe da kuka zata rasa danta Guda Daya tilo,Sarki da masifa ya kalleta yace Taya Zaki ce Za'a daura Masa aure da wasu,tunda kince baza a kawo Manal Nan ba ki barshi Haka Mana,Ummi tana jijjiga Fuzail tana kuka Tace Wasa nake bazan maka auren Dole ba Kuma Amaryar taka zata tare Nan da sati biyu,Sai lokacin Fuzail ya farfado Yana tari kwal kwal,Ummi sai murna takeyi danta bai mutu ba.

Yana tashi ransa a bace ya fice ya barsu,Maimartaba yace da tsohuwar matarsa Ayusha ki sassauta fa kin takura da yawa,ganin Fuzail ya warke Tace wallahi baza ta yuwu ba Ina gidan Nan ko an kawo Yarinyar Nan baza ta haifar min jika ba, sabo da an Raina min hankali wani ne yasha wahalar rainar min yaro in haifi Dana wata tazo Tace zata min iko da shi,Sarki baiyi magana ba sabo da baiga laifinta ba shima,Ummi Tace har gidansu zanje na ci musu mutunci daga ita har iyayen nata sai na musu abinda baza su manta Dani ba a rayuwa ba.

Matan Sarki Kuwa zancen ma basa Yi sabo da Yarinyar Bata Yi musu ba,su a masarauta da Yaran masu kudi Wanda Suka shahara kusan auren Hadi ake musu tsakaninsu masu sarauta da manyan masu kudi,su Basu San ma ta Ina Fuzail ya hadu da Talaka ba har sukayi soyayya,Na'ima da su Fatima Gulmar sukeyi a gidan Taya ma Fuzail ya hadu da ita oho sabo da su Basu ga hanyar da zata hada talaka da Mai kudi ba,Tsabar munafunci har sun samu labarin ai Fuzail ne ma ya Gina musu gida shine yake tallafa musu abinka da Dangin Miji sai suka Kara Jin haushin abin.

Bangaren Fuzail Yana fita wajen Ameer ya wuce yace Ameer kayi sauri ka sanarwa su Yazed suyi Hakuri sai Nan da sati Daya ko biyu za a zo daukan Amarya,Ameer yace sabo da me? Labarin Ummi Ya bashi kaf,Ameer yace tab Aiki babba lallai Kar a kawo Manal yanzu,to yanzu Hotel za a kaita ko me? Fuzail yace Taya Zan ajiye matata a Hotel ai babu Security so kake wani abin tsautsayi ya sameta,Yazed da Malam Basu da matsala nasan zasu yarda ka fada musu a gidansu zata zauna kafin sati biyu,Ameer yace itama fa Manal Fushi takeyi da mu is better a barta kafin ta huce,yanzu Kawai a samu School me tsada a kaita a Bata Driver shike Nan kaga ta fara karatu zata rage damuwa..

Haka Kuwa akayi Ameer ya lallaba su Malam da kyar Suka yarda,Yazed yace Kun San da Haka kuka Bari aka Daura aure so kuke a Mana dariya,Ameer yace ayi Hakuri na Dan lokaci ne,Shike Nan tunda zai Sata a school ba damuwa Naga ita kanta Amaryar Fushi takeyi an Mata karya Kuma Banga laifinta ba,Dama Bata da laifi Dole tayi fushi cewar Ameer, bayan Haka Yazed Anna ya sanarwa yanda ake ciki,Tace dama Manal kuka take Yi ita baza a kaita ba shike Nan Allah ya gyara kaddara ce ba yanda za ayi,Manal tana Jin an fasa kaita sai murna,tuni ta daina Fushi ma yayin da Farida da Hajiya hankalinsu ya kwanta sai murna sukeyi.

Farida Fitowa tayi tana Dariya tana kallon Manal Tace Amarya ta Ango yaushe za a shiga gidan Sarkin ne? Manal tayi banza da ita,Shukrah ce ta bada amsa Tace ai an Riga anyi me wuyar sabo da ta Riga da ta jefa ta Kuma Cafke,karki manta Amaryar Fuzail take har gobe,Farida ta juya idanuwanta tace sai mu gani a kasa idan an isa a kaita dakin mijinta mu gani,ke Shukrah kyaleta cewar Annatu,Hajiya Baki ta tabe tare da zuwa ta fisge Plate dinta a Hannun wata yarinya Yar Uwar su Manal da Suka zo biki,daki suka shige da Farida,Hajiya ta kalli Farida wacce ke Shirin Fara kuka tace karki Yi kuka akan me zakiyi kuka ai wallahi Indai muna Raye ko to

Yarinyar Bata Isa ta zauna lafiya a gidan miji ba tunda Bai aureki ba Itama Bata Isa ba,Yanzu tuggu zamu koma kullawa kafin Nan Gaba idan abin yaki mu koma wajen Malam Dan Haru Haru,Yanzu tunda a gidan Sarki Dangin Fuzail Basu San Manal a Fuska ba kece Zaki koma Acting Akan kece Manal,kafin ta tare kici mutuncin har Uwarsa a matsayin kece Manal,Kinga Dole su bashi Umarni ya saketa,nasan Dole wasu a ciki zasu Zo gidan Nan tunda naji ance Kafin a kaita za a kawo lefe Ke dai Kawai mu Zama cikin shiri.Zuwa dare Annatu da danginta maza da Mata fada Suka yiwa Manal da Nasiha sosai,washe gari da Sassafe Suka tattara nasu ya nasu Suka koma kauye sabo da Hajiya ta hanasu sakewa.

Shukrah Zama tayi tare da Amaryar Suka gyara inda su Annatu Basu karasa gyarawa ba a gidan ko Ina na gidan tsaf da Yamma itama Shukrah Tace Amarya sai munyi waya,kinji na fada Miki Dan Allah kibi komai a hankali Banda wulakanta Ango ki nutsu,a dage da Addua cewar Shukrah,Yamma likis Manal ta zunduma Hijab dinta tace muje na rakaki Titi,Rufa min asiri ai yanzu kin Zama matar aure sai da izinin Ango Zaki fita.

Manal Tace karki dameni Ni yanzu ba Wani sonsa nake Yi ba ya Gama sire min Yan karya sun min karya muje,Manal ta sa Kai Suka fita,suna fita taga galleliyar bakar Mota a Kofar gidansu,Hassan da Hussain ta gani Wani Dogari ya Bude musu mota sun fito suna ta washe Mata baki,Manal tagansu Basu fi 17yrs ba da Alama daga makaranta suke domin sanye suke da Uniform dinsu hadaddu,A tsaye Suka rusuna Aunty Ina yini? Manal tace lafiya Alhmdllh ta ganesu anzo da su jiya bayan daura Aure,Hassan Yace kannen Yayan Brazil ne Muka ce Bari mu biyo mu kwashi gaisuwa wajen Aunty,Manal tayi murmushi Tace na gode,Hussain yace Aunty Yar fillo ce gaskiya wannan Maganar Taki ,Dariya sukayi Manal Tace Bari na raka kawata na dawo,tafiya zamuyi daga school Muka yo nan kawar Taki tazo mu sauketa a gida,Shukrah Tace na gode kuje kawai,Tsoro take ji haka kawai,Su Kuwa Suka tafi,Farida tana labe a soro tana kallo,ranta ya baci,Manal tana shigowa gida Farida ta Mata wata wawar Hankada ta hankadata gaba Wanda Saura kadan ta fadi.

Manal Takaici ya kamata Tace Allah ya Isa wallahi ban yafe miki ba,Farida ta dura Mata ashar,Hakurin Manal ya Kare ta dauki Farida tare da makata da kasa,Farida ta hau kuka tana Kiran Hajiya,Ni na sa ki wulakantasu akan ya aureni Zaki gallabeni ,ai dama na fada Miki Dan Adam daraja gareshi baka San waye wani ba,ko ba me kudi bane shima Yana da baiwar da Allah ya Masa.

Bayan Kwana Uku da daura Aure Manal bata Kira Fuzail ba shima Fuzail Bai kirata ba sabo da Yana so ta Dan huce ne,Manal ma Bata neme shi ba Amma kullum tunanin Farooq dinta takeyi ta damu da shi kullum,yau tana zaune tana cin shinkafa da miyar data dafa sai ga Yazed da uban tarin Kaya a Leda a gabanta ya ajiye tare da furta gashi Nan kayan School dinki ne inji mijinki ki shirya gobe Zaki fara zuwa school 7:30am Driver zai zo ya kaiki ya dawo da ke,Allah ya kaimu cewar Manal Amma Ni Yaya Ina tsoron wulakancin Yan Birni azo a kaini makarantar masu kudi yanda bana Jin turancin Nan Yar Kauye Dani su dinga min wulakanci.

Ai sai ki tsaya kina saurarar mutanen Birni da Yan karya,Ana birge Dan Adam a rayuwa?idan kace Dan Adam zaka biyewa to baza ka tsinana komai ba a rayuwa,Sannan Ina laifi ma yanzu kin iya Dan rubutu da karanta wasu abubuwan,Kuma ai kullum Zan dinga koya Miki a gida ga Shukrah ma Haka ga su Sa'iha Baki da matsala,kayan ta Bude taga Uniform farar Riga da farin Hijab sai wandon Dark blue,sunyi kyau har kala biyar,takalma kala biyar,Haka school bags ma masu tsadar gaske na Yan gayu kala biyar sai littafa da duk wasu kayan karatu,Manal ta washe Baki tana murna tare da cewa Allah ya Kara arziki,Kayan ta hau gwadawa ta gansu dai dai ita sai ta koma wata Yar gayu da ita..Yazed yace sai ki Kira shi ki Masa godiya to Kawai tace amma a ranta Tace wlh Bai Isa na kirashi ba bare na Masa wata text.
Da dare Alarm ta saita sabo da Kar ta makara,tanayin Sallar Asuba wanka tayi da brush ta shirya cikin uniform dinta masu kyau ba karamin kyau yayi ba,takalmanta dark Blue da Farare Haka jakankunan ma,takalmin me kyau Sandal da canvas, ta saka da jakar Fara tayi kyau sosai,ba abinda ta shafa a fuskarta sai powder da lipgloss,7:30 driver yazo,Hajiya ji take Kamar ta mutu sabo da bakin ciki.

Manal ta fito dagwas Hannunta cikin aljihun wandonta tana fito da bakinta Wai su Hajiya take tsokana,Farida ta kamfato ruwa a cup ta taho da Niyyar watsawa Manal,amma Manal ta fice da gudu,Fuzail ya hakimce a Bayan motar yaga ta fito da gudu tana dariya,Farida ta biyota tana idan kin Isa ki tsaya ganin irin motar data Yi parking zata dauki Manal zuciyarta ta buga,Driver ne ya Bude Kofar gaba Daya ya fito da katuwar rigarsa ta Dogarai,Farida ta Bude Baki ganin Tanko ne,da Sauri ya karbi jakar Manal ya rungumeta a kirjinsa Yana Mata Kirari Allah Yaja zamaninki Gimbiya ta Yarima,Allah ya bada Ilimi me amfani,Takawarki Lafiya ya zaga da gudu ya bude Mata gidan baya,Manal Bata San da mutum ba ta fada cikin mota gaba Daya tare da rufe motar,Farida ta kalli Tanko,Tanko Kuwa yayi mamakin ganin Farida a Nan gidan dama Yar Uwar matar Fuzail ce,ganin Ba Wanda zai ji shi sai ya kalli Farida da sauri ya Furta

Karki ga ban kulaki ba yanzu a Kan aikina nake uban kowa sai dai ya hakura Dani Ina Busy yanzu kallon da kike min Nan a cikin lafiyayyen Office Dina nake nima,Farida ta kasa magana shi Kuwa Tanko mota ya fada da gudu ya ja mota ya bulbule Farida da kura,Farida tace yanzu Tankon ma ya Zama Yaron Manal ji Wai Manal ake rungumewa jaka a kirji Haka Ana Mata kirari,cikin gida ta koma jikinta a sanyaye ta fada ragwab saman kujerar girkinsu ta tsakar gida.
Manal Kuma sanyi da wasu kamshi ne na musamman suka daki Hancinta tana Juyawa zata ajiye Jakarta gabanta ya Fadi ganin Mutum a zaune ya hakimce tare da harde kafa Yana karanta News a jarida,Manal tsabar kyansa ta zaci Aljani ne sai da ta kalleshi sosai ta tabbatar Fuzail ne Kuma Farooq,Kwarjininsa da kyawunsa ga wani wanka Daya dauka ya tafi da Imanin Manal kana Nan kayan sun Masa kyau wasu arsh and Black da su,kamshinsa ta shaka duk sai Tsoronsa ya kamata da kwarjini,ga gabanta Yana faduwa Haka kawai,kasa magana tayi duk ta diririce,Manal sai lokacin ta tuna zagin sarakuna da tayi a Gaban Fuzail ta Shiga tuna Sanda yace Mata idan na fito Miki a mutum baza ki iya min magana ba,sannan ta sake tuno gadararsa da Izzar Farooq har tana Masa masifa ya daina,yanzu duk haukar data dinga Yi a gabansa Ashe wannan ne ba Farooq din nata ba,tunanin Farooq ta Lula da Kalar skin dinsa da jikinsa Daya tube ta ganshi hadadde Wai duk Fuzail ne ,tana mamakin wannan abu,Babu irin rashin kunyar da Bata Yi ba a gabansa duk a Farooq ne,Kunya ce ta sake Kama Manal Kawai sai ta rufe idanuwanta da hannayenta tare da kifa kanta a saman cinyoyinta,Fuzail Yana satar kallonta shi Yana Jin haushi ta daina sonsa gashi ta daina Masa magana bare Yar Soyayyar da Suka Saba da Kuma nishadin da jefa shi yanzu ya daina ganinsu.

Muryarsa ta tsinta Yana Mata magana,a ranta Tace wallahi Kuwa Farooq din Nawa ne ga muryar ma,I'm so Sorry ya Furta,Ki tsaya ki saurare Ni kinji please ya wani marairaice Kamar zaiyi kuka,nasan nayi Miki karya Wanda hakan Bai Dace ba amma duk abinda nayi nayishi ne da manufa me kyau Ina sake Baki Hakuri,ki yarda da ni,Nan take ya Bata labarin komai da irin matan da ake layin kawo Masa yaki zaba,Zuwan Shukrah ne Kawai Bai fada Mata ba sabo da Shukrah Bata Gama aikinta ba,Tsoron Umminsa da Yan gidansu ya Kama Manal yanzu duk basa kaunarta Taya zata iya Zama a gidansa,dagowa Manal tayi suna kallon juna Budar bakin Manal Tace to ka sake Ni Mana Kawai ka rubuta min takarda ta,Tsaki Fuzail Yaja tare da Mata wani kallo ba shiri tayi shuru,Kansa ya dafe tare da dauke wuta yayi Shuru shi Kam Ana sa masa ciwon Kai,gidansu an Hana shi sakewa itama Manal din duk kokarin da yake a kanta Wai ya sake ta,Kallonsa tayi ganin ya dafe Kai yayi Shuru sai taji ba Dadi a ranta,da shagwaba Tace to...to....Wai ni fa ba Dole nace sai an sakeni ba,shawara na baka,Harararta yayi tare da furta sai na Kai kararki wajen Annatu wallahi idan kika sake tunda bakya ganewa,Dan bakinta ta cokalo gaba tare da kallon Window ta gefenta,Tanko ya Dan glass din motar yanda zai kalli Manal sosai ya akayi Basu Yi kama da Farida ba, Yana ta Kara wuta saman kwalta Fuzail yace karka kashe min Mata fa Kai,Kuma ban manta ba Ina nan wallahi akwai Tamu da ku Dogarai ai na ganeku,Tanko Bai San Kan zancen ba,Bai San su Suka Zane Fuzail ba.

Hakuri ya shiga bawa Fuzail,Fuzail yace na rantse bazan Kyaleku ba sai kowa jikinsa ya Gaya Masa Ina nan daku,Tanko yace Allah huci zuciyarka,sai lokacin Manal ta tuna Dogarai da kansu sun Zane Farooq Basu San Fuzail bane yarimansu Bata San Sanda Dariya ta kwace Mata ba ta dinga kyalkyala Dariya,da sauri ya shiga kallonta sai ta Masa wani kyau ta birgeshi an shiga wata Unguwa ta masu kudin gaske inda makarantar su Manal take Fuzail yace da Tanko Kai Yi parking ka fita a motar Nan so nake na gyara Yarinyar tunda Bata da kunya,Tanko ya zaro Ido a ransa ya dinga dariya yace shege Yarima zai kwashe yarinya harda wani Wai zai gyarata,Fuzail yace please sauri Mana ke Kuma zanyi maganinki tunda Naga kin rainani.

Parking Tanko yayi harda yin parking inda ba Wani Wanda zai ko wuce ta wajen can wani lungun munafukai dama ga unguwar ta manya ya fice tare da Kara Danna remote ya garkame motar gam yace Wai zaiyi maganinta Kai Yarima yau akwai harka wannan Amarya tasa ta hadu ai yau ko me Mata hudu bazai Kai Yarima Jin dadin duniya ba,shike Nan nasan ma a hotel zasu samu cikin farko tunda ance Umminsa ta Hana Amarya ta tare,ah Yarima Nifa Banga laifinka ba wlh irin wannan matar ai ba ta kyalewa bace,Tunowa yayi da Faridansa yace ikon Allah ya akayi Farida ita baka ba Fara ba Fuska Kamar Duwawun Dan garuwa, sai shafe shafen jaraba,Muni Kamar jikar Yarabawa,ba komai Tanko kaima ka samu ka rage zafi ya furta Yana gyara rigarsa katuwa.

Fuzail Kuwa Tanko Yana fita ya kalli Manal Suka hada Ido Kuwa da yatsa ya kirata Wai tazo sabo da takamarsa,Manal ta Bata Fuska Wai Kar a rainata gashi ba Hanyar guduwa,motar ta kalla Tasha Tint,ba zato taji ya fisgota jikinsa,da sauri Tace wayyo barawo jama'a ta matsa zata gudu ai hannayensa yasa tare da kama Hips dinta gaba Daya ya maidata saman cinyarsa ta zauna daram,Manal jikinta ya hau rawa tace Dan Allah Marainiya ce Ni Uwata ta tafi tun Rannan,Murmushi ya saki yace Wato Dariya ma kike min an zaneni,Dariya Manal ta sake saki tare da furta to Yi hakuri Kar Gugar Uniform Dina ta lalace na daina,gashi ma zamu makara,a kujerar ya kwantar da ita a hankali Yana karewa fuskarta kallo ya furta kinyi kyau,Bakinta ta turo gaba tare da kwabe Fuska,a hankali ya Kai Fuskarsa saman tata,wani kamshinsa me Dadi ya sake dukan hancita ta lumshe Ido jikinta sai rawa yakeyi gaba Daya sai wani Bari jikinta yake Yi,Hancinsa ya daura saman nata Yana gogawa a hankali,numfashinsu Yana haduwa Dana juna cikin salo da kwarewa ya daura lips dinsa saman na Manal,jikinta ya mutu ta kasa hanashi ya Mata kwarjini da yawa tana kallo ya shiga kissing dinta abinda a film din turawa ta taba kallo yau gashi Ana Mata itama.

Hannayensa yasa a kasan kanta ta baya tare da dago kanta sama kadan ya tallafe ya shiga kissing din Manal Yana sarrafa harshenta da wani irin salo,Manal wani Iri take ji ajikinta da kyar ta iya Furta Zan makara Kamar zata Masa kuka,Hannunsa ya Kai saman Kirjinta yaji Bra tuntum,mene wannan Haka? Karfa a kawo Amarya Naga Abu kamar Popcorn ba mutunci Zan Miki ba,kina sa wannan bra Ana hango ku tun daga nesa za a ganshi kamar gaske Ashe Bra ce gaba Daya, a'a da sake Dole a gidana baza a dinga saka min wannan ba,Dariya Manal tayi tace wallah a'a, Bra din yake kokarin ja sama,Ganin da gaske yake zai janye Mata Bra sama Karya Manal tayi tace wayyo Irgan dangi na ban Dade da farawa zafi suke sababbi ne,Amma ake sa musu bra? Fuzail ya tambaya Yana gyara Mata Hijab yace ban son rabuwa da ke ko mu tafi a kafa?

Dariya Manal tayi Tace ae Allah muje dama an hanani fita na kwana Uku bana fita,Tanko ya Kira sai gashi da gudu ya bude mota ya Shiga,Fuzail yace muje an fasa tafiyar a kafa tunda yawo kike so,Baki Manal ta Bude har tana murna,Shuru tayi murna ta koma ciki, Manal taga Makarantar tasu wata hadaddiya kamar Hotel,cikinta ya duri ruwa tasan zata Sha wulakanci wajen Yaran masu kudi,Fuzail Yana satar kallonta duk ta tsure.
Bayan sunyi parking a ciki sai kallon motar akeyi,Ana ganin Dogari ansan Yan sarauta ne,Fitowar Fuzail ita tasa mutane Suka rude irin mugun kyawunsa da haduwarsa,Manal ma ta fito kwal kwal da ita gata fara itama kyakyawa,wasu Suka ce ai kanwarsa ce ya kawota,Tun kafin ya motsa kafarsa sai ga pc da kanta tana washe Baki tare da kwasar gaisuwa,Manal ta saita bakinta tare da cewa Good Morning Ma Kamar gaske,Morning How are you? Manal Tace I'm fine thank you,Pc babu Bata lokaci ta tunanawa Manal ajin da zata je ss1,Sabo da gargadin Student Fuzail yace da Kansa zai kaita har aji sabo da Kar a rainata da yawa.

School bag din nata ya karba tare da ratayawa Kamar shine student din Suka jera da Manal dinsa suna tafiya,Yan school ta window Ana ta leke Ana kallo Yan Mata da samari Ana kyasawa,Manal Bata Saba shiga mutane ba ita dai a tsorace take,Hannunta ya rike suna tafiya Yana ce Mata ki kwantar da hankalinki,ba abinda zai faru Inshaallah Zaki iya baza kiji kunya ba,Hmmm Manal ta nisa har Suka karasa ajinsu ta shiga ciki shi Kuma ya tsaya a Kofar class din Yana kallo har ta samu kujera ta zauna a baya,Hannu ya daga Mata tare da nuna Mata wata kujera a tsakiya irin ta dawo Nan,tasowa tayi tare da dawowa inda ya nuna Mata ta zauna abinta tana kallonsa tayi murmushinta,Harararta yayi da Wasa tare da Mata zancen kurame Wai ta daina murmushi akwai Maza a ajin student Kar su kallar Masa mirmushinta,biye masa tayi tare da cukulewa ta daure Fuska,Babban yatsa ya daga mata Wai da kyau,sai lokacin ya kalli kafadarsa yaga Yar Jakarta Tanko na kusa da shi sai ya bashi Jakar sabo da sarauta yace a Kai ma princess,Tanko ya karba da sauri ya afka class har Gaban Manal yace Allah ya bada Nasara ranku ya Dade ya ajiye mata,karba tayi tare da furta thanks Manal fa ta dage Bata yarda da raini ba.

Tanko Yana Fita Fuzail ganin teacher zai shigar musu ya dagawa Manal Hannu ya juya wajen Teacher din ya tambaye shi yaushe zasu Fara exam? Saura 1week sabo da First term ya Kare ai Kun makara Baku kawota da wuri amma a dinga Mata lesson ya Isa,ko ba tayi kokari ba next term zata Yi, Inshaallah cewar Fuzail ya Masa kyautar Kudi,Sannan Yan ajin su Manal kowa dari biyar aka raba musu kyautar Yarima ce,Haka Malamai duk kowa yasha kudi,Sai da ya kankarowa Manal girmanta sannan ya bar makarantar,ai Kuwa Manal a ranar ta Zama popular,sai Kama kafa ake a wajenta Mata da maza student tare da malaman kowa Manal,Mata sai kawance ake kullawa da ita,ita Kuma Manal ta dage ko Dan karamar word zata fada da turanci sai ta nutsu ta gyara bakinta sosai kafin ta fada.

Amma tana magana an San Yar Fillo ce ta gasken gaske,haka har zuwa kallonta akeyi ga Manal da kyau,wasu matan cewa suke mijinta ne,wasu suce saurayinta wasu Kuma kanwarsa ce,Kowacce mace sai tace tana sonsa,Yau Haka Manal Suka Gama daukan karatu Allah yasa Bata ji kunya ba yau Sabo da ba batayi ko sentence Daya ba har yau.

Lokacin Break nayi sai ga wani Dogarin daban da lafiyayyen take away na abinci, Chips and Egg,Ga plantain,da wani gasashen kifi yasha hadi an kawo daga Fuzail,Manal ta dinga Murna Dama Bata ci komai ba.
Ana tashi ta fito tana tunanin komawa gida sai Kuwa taji student suna ta labarin wasu motici Guda Uku,Ana fadar irin tsadarsu da kyansu duk mutane sun zauce,Wajen da ake nunawa Ana bi da kallo itama ta kalla sai ta hango Fuzail a tsaye yasha wata shegiyar Shadda Saaka metsada light arsh,Bai sa Hula ba gashin Nan nasa yaji gyara,dinkin dai dai jikinsa cif Hannun links,yayi kyau Matukar gaske ya tafi da Imanin matasan Mata,sabo da Manal ya sanya manyan Kaya yaga tana so,Yana tsaye a jikin Motocin nasa ga securities,tana karasawa inda suke ya karbi jakar tata Suka Shiga mota ya tafi da abarsa.

Kida na tashi a motar me Dadi Suka tsaya a wani Eatery,Wani na manyan mutane ne har lift sai da suka shiga sannan Suka Isa wajen Wanda ba kowa a ciki sai ka Isa kake zuwa Irin Nan wajen,Manal tana ta Shan kallo a ranta tace lallai ganin me kudi a wajen talaka tashin hankali ne,idan ba kaddara ba me zai hadani da Fuzail ta wacce hanyar Zan ganshi tunda bani da hanyar zuwa wajen da masu kudi ke zuwa,sai Yan Mata masu batawa kansu lokaci Wanda Basu San ciwon kansu ba sune yanzu idan dare yayi suke daukan wanka suna tafiya irin wannan wurare suna tallan kansu Dan su hadu da masu kudi Kuma basa samu sai Yan Iska Wanda zasu Bata musu rayuwa.

Zabi abinda Zaki ci,Manal taga harka iya harka Tace ko Mai nake so? Yana Mata murmushi yace yeah,da Hannu ta nuna ko wanne Yana fada Mata sunansa da turanci,wani lemo yasa aka kawo musu kowa Daya me shegen tsada duk Guda Daya 3k, Manal ta kalli lemon taji irin tsadarsa tace kaiiiiii tsada Haka sai kace wata Cocaine,Dariya ya saki Ina kika San Cocaine? a Radio mana, bayan sunci sun Sha yace ko na Kama Miki hotel Room ki huta,Manal sai ta fara kuka tana murza Ido da Hannu Allah Ni dai ba Yar Iska bace, Fuzail yace Haka kika koma dama? Na wuce Haka ma Tace tana Hawaye,yace Ashe Zaki jawowa kanki ma abinda banyi Niyya ba nayi,Duk soyayyar da kike min a gida sai yanzu kin Zama matata Zaki bullo da shirme,yo ai Ni Farooq na sani ba Kai ba,idan da Farooq ne ko me yace an Gama duk wahalarsa amma Kai Fuzail ne,Ni Nace sunanka ya Zama Fuzail Ni wallahi ba ruwana Farooq na sani Dan talaka na,Fuzail sai yaji kishin Farooq din duk da shine Farooq din sai yaji haushin zamansa Farooq,Fuska ya Bata