You Cannot Download this book untill you login but you can read it .

---

Login Register

Pure water ta siya da ragowar kudin Dake Hannunta ta Sha tare da yin Alwala ta shimfida dankwalinta tare da Gabatar da Sallar Magriba da Isha Bata Saba da Addua ba ga matsala jimgim a kanta amma Bata iya tunawa ba ga inda ya kamata ta Kai kukanta wajen Allah Kawai tana Idarwa ta fada tunanin rayuwarta Wai cikin Bai fi wata Daya ba rayuwarta ta canja Haka,daga zuwa birni gidan mahaifinta wajen Kuma Dan uwanta,Sarkar Zoben Yazed ta shafa Hawaye ya zubo Mata wani zuciyarta ke zafi Kamar ta fashe bakin ciki yasa ta Mike a fusace tana cewa Wai Yaya Yazed da Annatu Basu Sanni ba Kai jama'a hodijam,yo idan ma Malam yace Bai Sanni ba ai bazan damu ba Amma kamar Annatu da Yaya Yazed Ni zasu manta? Aradu yaci ubansa ba Wani Yaya daga yau babu sauran mutunci tsakani na da su Kuma duniya Zan shiga Allah yasa wani yayi min Cikin shege kowa ya huta, Ghana must go dinta ta fisga ta Kara gaba garin sauri ta masge wata Dattijuwa me abincin siyarwa ta tashi da kwanikanta zata koma gida amma sabo da karfi irin na Manal tayi gaba da Dattijuwar Nan tare da kayanta gaba Daya Kuma ko kallonta Bata Yi ba bare ta Bata hakuri,Ran Me abinci ya baci ta Shiga durawa Manal Ashar da tsinuwa,Kaga tsinanniyar yarinya,baza kiyi albarka a duniya ba Shegiya gantalalliya,Manal tsayawa tayi tace yo na nawa kuma ko ance Miki dama Albarka na fito Nema?Ni da Zaki taimaka ma ki nuna min gidan karuwai shi nake Nema Dan Allah ki nuna min,Mutunci na ya isheni so nake naje inda Zan watsa shi,Dan Allah Naga kinyi Kalar Yan bariki nuna min Hanya zanyi amfani da damata ne wajen dai dai ta Kima ta da daraja ta wacce take ta ya mace,me abinci ta karewa Manal kallo yanda ta ganta wata muguwar kyakyawa ajin karshe tasan za a samu kudi da ita Tace yarinya Ni Kuwa nasan Gidan karuwai ai duk garin Nan babu bariki sama da gidana idan kika shiga to darajarki ta dagu,kin shiga wani kundin tarihi a rayuwarki,Manal tace bana bukatar dogon turanci muje gidan,Me abinci ta tattara kwanikanta tare da furta Sunana Hajiya Amaratu,Manal Fuska ba Rahma Tace Manal Bariki nake suna na kenan, Hajiya Amaratu ta dinga dariyar Sunan Tace Manal Bariki? Manal harda guntun turancinta data tsinta a birni Yassss...(Yes)

Hajiya Amaratu Tace bini muje to,Tiryan tiryan suke Tafiya har zuwa Wata kazamar kasuwa wacce Sam Bata da kyau,wani gida na bulon Siminti me Dan kyau Suka shiga,gidan karami ne Amma duk wani Abu na gidan na Yan gayu akwai shi a gidan,Gidan ya kayatu gaba Daya sai Manal ta koma Kamar yanzu ma ta shigo birni,Suna shiga Manal taga Yan Mata wajen su takwas duk sun girmeta da shekaru sama da biyar ko shida ita kadai ce yarinya,Kuma gaba dayansu daga Kauye suke Yan Kauye ne futuk.

Manal kallonsu tayi tace wallah Ashe ma na gida ne,Yan Uwa na sannunku bayin Allah mutanen karkara Yan Uwana,Cikin Yan Mata da su a tunaninsu sun fa fara wayewa,Wata aciki Jamila Tace kaji banzar yarinya ke da yanzu kika shugo birni to mu Nan satin mu Daya a birni,Manal dake Dan kulla hausarta da kyar wata a Gane wata ba a Gane ba Tace Yo Allah na tuba Ni Kin San tun yaushe nake a birni to nafi wata Daya yara Kuma Yasin ki min Shuru ko na Miki laga laga a gidan bani da kirki a cikin Fushi nake,ba Wasa ne ya kawo Ni ba,Fitowa nayi neman Wanda zai lalata ni,Su Jamila suka saki Dariya Harda tafi wata ciki tace karya kike Yi yarinya,Manal Tace Uwarki ce dai take karya Ni Kinga na Miki Kama da makaryaciya wallahi badan ta rayuwa ba Yar gidan Annatu Kanwar Yaya Yazed na rantse da girman Allah, wallahi,Ke Alqur'an kinji rantsuwar Yaron Musulunci Ni nafi karfin na Miki karya sai wacce baza a rasa ba,Hajiya Amaratu tana jiyo Muryar Manal tunda ta shigo ake bala'i da ita,a ranta Tace wannan kwai jarabar yarinya.

Jamila Tace ke da Alama masifaffiya ce Amma? Manal Tace ai Bala'i ne ya yaye Ni Sanda Ina karama,wurin Zama zata Nema a palon sai da ta samu kujera wacce Jamila ta zauna a Kai Tace matsa a Nan Zan zauna,Manal dagewa tayi sai ta zauna itama Jamila Tace wallahi Baki Isa ba baza kizo ki sameni a waje ba Sannan kice sai na tashi kin zauna Haifa ta kika Yi,Manal tace Allah sai kin tashi Ni Haka nake ko a Kauye duk inda na shiga sai nayi mulki sai dai a bini bana bin mutum ni,kokawa suka fara Yi tasa karfi tare da janye Jamila Kamar tsinke tayi jifa da ita kasa ta zauna a wajen tare da lumshe Ido Tace loyi (Laushi) wallahi Allah,Suka sheke da dariya Wai Loyi.

Hajiya Amaratu ce ta fito da Tsawa tace Enough is Enough,Manal ta washe Baki ta shiga tafawa Hajiya Amaratu tace kin birgeni tsohuwa dake Amma Haka kika iya turanci? ah wallahi Ni Kam sago wararas dani ko banza naji turanci inof is inof Yayi Alhmdllh cewar Manal, Hajiya Amaratu me aikinta ta umarta tare da zubo musu abinci a katon tire suka hadu gaba Daya Suka ci Jullof din taliya suka Sha ruwa sannan Hajiya Amaratu Tace to ke Manal kece sabuwa a gidan Nan dokata itace aiki zaku dinga tayani kullum Kama daga gyaran gidan Nan zuwa Girka abincin siyarwa ta,Manal tace Ni fa ba Bauta nazo yiwa wata katuwa ba Hanyar lalacewa nace a nuna min,Hajiya Amaratu itama Kamar yarinya Tace to ai a hankali ake lalacewar tunda kin matsu Naga sauri kike Yi idan muka Gama aikin sai muje wajen siyar da abincin dake a Haka Zaki samu dai dai dake ya Gama da ke,Manal Tace yanzu naji zance,a farko ma nayi tunanin Uwar karuwai ce Ashe aikin banza ma kema duk abin naki kame kame ne,idonki Bai Bude ba,Hajiya Amaratu ta jinjina Kai tace ke yarinya ki San Maganar da Zaki dinga fadawa mutane ba karamar Yar Iska bace Ni,karuwanci ba irin Wanda banyi ba,sutura ba wacce ban San ba,shinkafa ba Kalar da ban ci ba idan kika Yi Wasa har bindiga ce dani,Dariya Manal tayi Kawai sabo da Bata da tsoro.

Yo Ni yanzu Yan birni wani birgeni kukeyi abinda na gano Ashe duk karya ce abin,na dauka ci kukeyi Kuna koshi ashe duk yunwa ce a jikinki,Shuru sukayi Manal ta tsigale Hajiya Amaratu tas.
Washe gari Dukkansu suka hadu tare da gyara gidan Manal Kuwa tana bangaren girkin abincin Hajiya Amaratu Wanda zata Kai shagon siyar da abincinta,Manal tana soya Naman ta tuno da Yayanta Yazed tare da Annatunta Hawaye ne ya Shiga gangaro Mata ba tare data shirya ba,Hajiya Amaratu ko a jikinta sabo da ita babu ruwanta da wani me ya fito Dake daga gidan ubanki,sai da Manal ta Gama kukanta ta hakura,bayan sun Gama girkin sannan tayi wanka tare da saka wani katon skert dinta Dan kanti peach Amma irin na masu siyar da manja ga wata t-shirt dark blue me gajeren hannu,Dan gyale Baki ta daura a kanta tare da daukan wasu kayan Suka shirya a Napep sannan Hajiya Amaratu tace Da Manal to muje,Takawa tayi Suka fita tare abinsu.

Tare Suke siyar da abincin kowa ya kalli Manal sai ya kyasa,wasu maza da Suka zo gaba daya sun kasa komai sai kallon Manal sukeyi duk motsin da tayi,kunya ce take Kama Manal duk ta kasa sakewa sai soshe soshe take Yi,Hajiya Amaratu tana kallonta Tace Yar banza kika ce bariki kika fito,Manal ai sai Hannayenta biyu ta sa tare da rufe fuskarta tace na fasa.

Hajiya Amaratu a ranta ba Haka ta so ba taso ace Manal ta fara bariki ko banza zata samu kudi sannan zata Kara samun customers,sai Kawai ta fara Jin haushin Manal,fitarta da Manal sau Uku ta daina fita da ita sai dai suyi Mata aikin abinci Kawai Kamar jakai tukwicinsu a Basu su ci su koshi,satin Manal biyu kacal da Hajiya Amaratu Yau Hajiya Kasuwa ta Aiki Manal ta siyo Mata kayan abincinta da Sassafe Napep ya sauke ta a kasuwa tana tafiya tana siyayyarta sai da ta Gama kaf aka zuba Mata a taxi zata shiga kenan Kamar ance ta juyo Suka Yi Ido Hudu da Yaya Yazed dinta shima hannunsa da ledar kayan Miya da Alama cefane yayi shima,Kallon juna sukeyi ba Wanda ya iya janye Idonsa,kowa ya gansu yasan jinin juna nane sabo da yanda suke Matukar kama da juna,a hankali ya Bude Baki tare da Kiran sunanta Manal.....mamaki ya kashe Manal,Yatsa ta zura a kunnenta tare da karkade kunnenta ko ba dai dai taji ba,idonta ta Shiga murzawa tana kallonsa da Mamaki,Muryarsa ta sake ji ya furta Manal me kike Yi a Nan? Muje gida,kinje school Kuwa?

Manal Hawaye ne ya zubo Mata muryarta tana rawa Tace Ya...ya...ka Gane Ni ne? Da sauri ya daga Kai shima kamar zaiyi kukan tare da furta na ganeki Manal bayan barin ki gida da sati daya Muka dawo hayaccinmu Ni da Annatu,Bamu San dalili ba,Allah yasa Baki Yi nisa ba,babu irin Neman da Bamu Yi Miki ba,Malam fa? Shima ya dawo normal ya Gane wace ke Manal mu Bamu San dalili ba wlh,Kalli yanda kika rame Amma duk inda kike wahala kike Sha Manal? Manal tayi Dariya Tace Kai Yaya Ina ci ina koshi Kawai rashinku yasa na rame,Hannunsa ta rike Tace shiga Taxi muje na kai Mata kayan sai mu koma gida ko? Kayi Mata godiya Manal ta furta tana bashi labarin Hajiya Amaratu.

Godiya yayiwa Allah da kanwarsa Bata Shiga wata Hanya ta banza ba,Kafin ya Gama godewa Allah Manal tace Saura kadan Yaya na koma gidan karuwai Allah Bai sa ba,babu rabo da tuni kanwarka ta shiga duniya,Dariya Yayi yace Allah baya sa ba,suna zuwa Hajiya Amaratu tana ganin Yazed babu tambaya tasan Dan Uwan Manal sannan ita Manal Bata fada Mata dalilin barin gidansu ba Itama Dake ba wata ta kirki bace Bata tambaya ba,godiya Yazed ya mata sannan Manal ta musu Sallama tare da dakko kayanta zata tafi gefe ta ja su Jamila tace karku biyewa duniya ku koma gidan iyayenku yafi muku shawara ce,Da masifa Suka yo Kan Manal tace yo Ina ruwana kuyi ta Zama Nima Allah ya Kara min jarabar surutuna,Hajiya Amaratu ta galla Mata Harara tace dalla kuje,Yazed ya Kama Hannun Kanwarsa Suka tafi zuwa gida.

Farida sabo da naci sai da ta kwakulo gidan su Fuzail Jin labarin ance ai yazo gari ya dawo da Zama Nan Nigeria,tunda ta ji labarin kullum tana Kan hanyar zuwa gidan Sarki,gidane na mutane har wani part din zaka iya Shiga sabo da gidan sarauta ne gidan talakawan sarki me Adalci,Cikin fadawa masu tsaron gidan Sarki Farida ta samu sai da ta Zama Budurwar wani bafade sabo da Kawai yayi Mata hanyar ganin Fuzail,Duk ranar da take zuwa Kuma sabani sukeyi da Fuzail ko ya fita ko kafin ta karaso ya shige part dinsa.
Bafaden me suna Tanko Yana bakin aikinsa Farida ta shigo ta Sha uban wanka cikin lace dinta pink na Sallah,Tanko ya kalleta yaji ta birge shi a rayuwa,tana zuwa ya ja ta can lungun wani part inda suka Saba haduwa Wanda ba kowa a wajen,Cikin Rada Tanko yace na gaji da aikin banza ya kamata Nima tunda kince na Zama saurayinki kafin kiga Dan sarki Fuzail ya Dace Nima a dinga Dan bani Ina Dan runguma ko Yaya ne,Farida tana kallonsa Tace amma ka tabbatar zaka shigar Dani har part dinsa Nan gaba? Tanko da sauri yace sosai ma ya fara kokarin rungumeta,Farida Bata son Tanko wani mugun wari ma yake yi Amma Haka tana gani Tanko ya rungumeta sosai,bakinsa Yana feso wani wari marar Dadi ya Miko Mata bakinsa Yana Ehemmm.....muje....muje....Yana magana Yana cinno bakinsa gaba,Farida tana kautar da Fuska gefe tana yatsina tace wannan sai ranar daka shigar Dani part dinsa,Tanko ya sake Kankameta tare da daura hannayensa a saman Kirjinta Yana shafa Manyan Boobs dinta Yana lumshe Ido,Farida tana gani sai da Tanko ya Dade Yana Shan Dadi sannan ya sake ta Jin Kamar motsin mutum na tahowa,ko yaushe Farida na zuwa ba a San me take aikatawa ba Kuma da Sanin Mahaifiyarta Hajiya komai tana Bata labari idan ta dawo,Haka jiki ba kwari ta dawo gida Bata samu ganin Dan sarki ba.

Kamar kullum yau ma tana Bata labari tare da kwanciya a Cinyar Hajiya Tace mafarki na ya kusa tabbata,Hajiya tayi murmushin Jin Dadi tare da cewa ai nasan idan ya Kalli jikin Nan naki bazai iya dauke Ido a kanki ba,Allah ya bani ya sankaceciya,Farida ta kyalkyale da dariya tana Jin Dadi tace yama Isa yaga hadaddiya kamata ya tsalle ke Ni sannan ya kasa cewa Yana so na ai karya ne nasan bazai taba faruwa ba,idan ya ganki ma bazai iya daina kallonki ba Faridata cewar Hajiya,suna dariya kenan sai ga Yazed rike da hannun Manal sun shigo dauke da Sallama,Kirji Hajiya ta dafe da Matukar mamaki a ranta,Haka Farida ma gaba Daya sai Suka gigice,Hajiya tace ko nisa ba ayi ba? Maganin Malam Haru Hatu sai kace kumfar Omo fuuuu Abu kamar gaske Kinga har ya karye.

Farida Tace kiyi kasa da Murya Kar suji mu Amma Ni kaina na Dade da ganewa maganin Nan ya Kai sati Daya da karyewa sabo da yanda Yaya Yazed yake yawan fita da Alama duba Manal yake Yi,Kuma na taba ji suna waya da Annatunsu itama ta warware Haka Malam da Ido na naga Yana kuka Yana tambaya Ina Manal ta shige.
Dundu Hajiya ta dirkawa Farida tana masifa Dan Ubanki Amma Baki fada min ba ai da komawa zamuyi baza mu Bari ta dawo gidan Nan ba Sam Amma gashi yanzu ta dawo Allah ya tsare Amma yanzu zamu barta tunda kin kusa haduwa da Dan sarki ma nasan Kuma Zaki ganshi Kuma zai so ki,Farida tayi dariyar Jin Dadi tace Dan Allah Hajiya kyale banza na gaba yayi gaba na Baya sai labari Yarinyar da har yanzu Dariya ake Mata a layi ta kasa Dan canjawa ma bare a sa Rai zata waye me Fuzail zaiyi da ita.

Manal Bata San me akeyi ba da sauri ta karasa tana washe Baki Tace Anty Farida na dawo,Baki Farida ta tabe tare da Furta to Sannu,Hajiya Kuwa Tsaki ta ja Tace banza karuwa kin dai tafi karuwanci Kawai dalla malama tafi ki bawa mutane waje,Manal ranta ya baci tace idan ban Kifar dake ba a Nan shegiya Uwata ta haifeni,ba ruwana da wani girmanki tunda bakya Jan girmanki wallahi ba abinda ya dameni sai na Daki gyatuma ba ruwana,Hajiya Ido ta zaro tare da dafe kirji tace Ni din? Manal tayi fari da Ido tare da furta Annatu ce ke da Zan daga Miki kafa? Kin haife Ni ne? Ko Malam ce ke? Hajiya Tace a'a,Ko Yaya Yazed ce ke? Manal ta tambaya,Hajiya ta sake furta ko daya,Kai Manal ta girgiza da karfi Tace to tunda Kuwa babu Daya a cikinsu wallahi kinji na rantse dama sabo da Malam nake daga Miki kafa,Karfi gareni sai nayi kasa kasa da ke in tatsile Miki wuya,Ni Jariri ma idan ya Bata min Rai ba tausayinsa Zan ji ba,Kuma Aiki sai Naga dama zanyi daga yau ai ba tsoronku nake ji ba,sai abinda Yaya Yazed yace ko Malam yawwa ku Gane,ba ruwana da wani mafarkin banzar ku Zaki auri Dan sarki Ko Sarkin Zaki aura ba abinda ya dameni dake da Sarkin Zan hada inci uba ba tarbiyya ce Dani ba.

Yazed Yana ji Manal ta birge shi Hannunta Yaja yace muje dakinki Sister bana son Rashin kunya bana son zuciyar Nan Taki da masifa Wai a Ina kika iya masifa Haka? Tafi Manal tayi da shewa Ahayye Ayyiriririri wallahi Yaya kaga Yasin Ina Jin dadin kaina,rashin mutuncin Nan nawa Yana birgeni,Ina birge kaina da kaina,idan Ina cin mutuncin wani har wani nishadi nake ji a raina,musamman Idan babban mutum ya zubar da girmansa na hau saman girman nayi dere dere na take shi woooo Allah Hodijam ai idan kasan Ina Jin wata Waka me shegen Dadi Haka nake ji a raina.

Ni Yaya nafi so kullum Inga Ana fada shi yasa ma nake zuwa kallon masu Shadi a Kauye ko wajen kokawa,Yazed Yana ta dariya Yace Sister akwai fa Wanda Zaki gani a birni ko tari baza ki iya a gabansu ba,Manal Tace Allah kiyaye wallahi ba ayi su ba babu su Kuwa,Sai dai idan mutum Bai min rashin mutunci ba,Matukar zai zubar da girmansa wallahi ko Sarkin Garin Nan ne sai zage shi,Yazed kallonta Kawai yayi Yana dariya yasan Dan Bata ga masu kudin bane da mulki, Shiga ki gyara room Dinki ko ki koma dakin su Farida ku dinga kwana tare,Da sauri Manal ta Furta Allah kiyaye naje dakinsu aradu gwara na koma Kauye Akan naje wannan Dan akurkin dakin yo Yaya idan ma naje ai ba wajen da Zan kwanta na sakata na Wala,sai dai idan kwanciyar kifi Sadine kake so muyi kifi na kankara Wanda ake zubowa a kwali,Dariya Yazed yayi yace to Kinga maza kizo kiyi Mana girki tunda kika bar gidan Nan Rabon da mu samu girkin rana,Manal ta karba kayan miyar ta shige dakinta.

Tana zuwa dakin da ba komai sai katifa shi ta gyara fes sannan ta fito ta fara aikin girki da gyaran gida,tunda Manal ta dawo shike Nan Aiki ya dawo gashi ba kudin ma da zata dinga zuwa school duk kokarin Yazed ya Gaza ta cikinsu ma sukeyi,tunaninsu Yaya zasu ci su koshi,ganin Sabulun wanki ma Yana gagararsu sai ta samu Yaya Yazed a dakinsa Yana karatu.

Da Sallama ta shiga yace Manal bana hanaki saka wannan shegen kayan sakin na Fulani ba,Nan fa ba a daji muke ba,yanzu kalli cibinki a waje ga wasu Yan iskan kayan ado kin daura a jikinki so kike sai Aljanu sun shafe ki,gashinki ba dankwali,yanzu wannan kayan sakin wa Zaki birge da shi? Manal a gefensa ta zauna tare da turo Dan karamin bakinta tare da furta Yaya nifa Banga amfanin karatun Nan naka ba,gwara ma ka daina yafi kullum sai kashe kudi Amma baka samun komai ta hanyarsa Allah Yaya asarar lokacinka kakeyi,wani katon banza ya zauna ya kirkiro muku littafi Kuna ta fama da shi Ni ba gwara ma ayi min aure ba,Ido Yazed ya zaro yace Ina tunanin sakaki a makaranta kiyi Ilimi ki Zama Yan Mata masu aji Amma shine Zaki ce a Miki aure kina yarinya Haka Manal har aure kike so?

Ido ta rufe da tafukan hannayenta tana Dariya Tace Ni dai Allah bana son karatun Nan Kawai gwara aure na,Ni Banga wani ci gaba da kuka samu ba ta hanyar Boko gashi kana ta karatu Yaya Kudin Sabulu ya Gagara ai wallahi bature macuci ne kamata yayi Littafan nan manya manya na Boko su dinga yo kashin kudi Amma sai dai a karanta a banza kullum,Yazed ya murza kyawawan Idanuwansa yace to wa Zaki aura? Manal Tace me Rabo Mana,murmushi Kawai yayi yace Alright yanzu Mene ya kawoki? Tace dama so nake idan ka saka Kati ka latso min Annatu mu gaisa,sannan Kuma ka samo min jarin Gyada ko kwano Daya ce Zan na soyawa Ina siyarwa ko na Sabulu sai mu samu,Kin iya Soya gyadar ne? Sosai ma Yaya na iya, shike nan wannan ma dabara ce ki fara kafin a saki a school.

Kai rabu Dani da Bokon Nan marar amfani Yaya gwara sana'a,naji tashi ki fita tunda ke ba a Hirar Ilimi da ke,Yo Yaya Allah na tuba Ilimi ba kudi ba ko sisi da me za a ji,fita tayi tana Dariya shi dai Yazed a duniya ayi karatu, Bayan Kwana biyu sai ga Yazed ya siyo Mata Gyada,Manal ta dinga Murna su Farida sai kyalkyala Mata Dariya sukeyi,Farida tana faman kwalliya tana kallon Mudubi tare da Furta Hajiya Body Lotion din Nan Yana Aiki Kinga yanda nake Glowing Dole na birge Fuzail,Hajiya rangada shewa tayi tare da Furta ai Malam Dan Haru yace Saura kwanaki kadan yazo Nan gidan,Ihun Murna Farida keyi tare da Kannenta Sa'iha da Masatura,Alhaqatu,Falaqi Kuwa Yana Jin Dadi yace Aunty nasan ma a London zanyi First Degree na ko? Farida tace tab sosai ma ai dama Falaqi Kai kana London,Masatura Kuma tana Dubai,Sa'iha tana Russia abinta Sai Alhaqatu ita a can Madagascar zata Yi nata.

Manal tana jinsu ta kasa daurewa Tace Amma Dan girman Allah Dan Allah Sa'iha Kinga ance Rasha Basu da tarbiya Dan Allah Banda Shan giya da wiwi,Idan kika ga Barasa to kiyi arewa ita tayi kudu,ba ruwanki da shaye shaye kinji Sa'iha,Farida tana fari da Ido Tace woo Ni Ina ta yin sunan Nawa fari kana Kara DA ya koma FARIDA,ya kike da suna ma Manal ko?Hajiya Manal ki fito fili kice kina maula ko Chadi ko Cameroon a kaiki kema,Dariya Manal tayi tace ai wallahi gwara ki barni a Nigeria yafiye min Wata Chadi,Hajiya Tace to munafuka da kika samu ma za a kaiki banza Yar Kauye har abada baza ki waye ba,kalli kayan jikinki ko kunya bakya ji uban waye zai ganki a Haka ya so ki banza akuya,Manal taji haushi tace naji dama ai Ni bance a so ni Dan kyau ko Dan wani abin jikina ba.

Wata Dariya Suka kwashewa Manal da ita Hajiya tace Manal kike suna ko Dadi babu Dan Iyayin Yayanki harda wani canja Miki suna akan yaga na canjawa Farida shine kema ya canja Miki ai wallahi gwara sunanki na asali Waqi'a yafi Dadi ma Amma Mene wani Manal,tun daga Jin sunanki saurayinki zai gudu,Farida tana Dariya Tace Kuma Hajiya Wai Bata so a so ta Dan kyau wani Abu na jikinta to ki daina batawa kanki lokaci mazan yanzu sun daina soyayyar gaskiya Jerusalem naki ne Kawai burinsu gwara ma ki Bude idonki,Manal Tace ku kuka San wani Jerusalami ta ci gaba da Shirin soya gyadarta,tana aikin gyadar Tace ga me siyen Gyada marau marau me gishiri yau Zan fara duk kulli Naira Ishirin naira hamsim babu bashi bare kyauta,Farida tayi wata shewa tare da Furta wa zaici gyada? Allah kiyaye kuraje su fito min a Fuska tun Fuzail Bai zo ba,Hajiya Tace kwantai ma zata Yi mu Nan ba Kauye bane basa cin wata Gyada kayan wahala,Manal tana aikinta ko kulasu batayi ba.

Tunda Manal ta fara Gyada sai ta samu kasuwa sabo da yanda take soyata me Dadi,riba take samu sosai,idan ta soya ko kwana Bata Yi take karewa,ganin Haka yasa Yaya Yazed ya samo kudi ya Kara Mata kwano Daya take soya ta kwano biyu kullum duk da ya hanata talla a gida ake sintirin zuwa siya maza da Mata,a cikin ribar Kuma da ita yawanci ake cefane Ana ciyar da gidan,Ganin Haka sai Yazed ya auno Mata waken suya ta fara awarar siyarwa shi ya koya Mata yanda ake soyata da kwai sannan a yanka Mata su Albasa da kayan Miya harda cabbage,Manal sai kasuwar Awara ta Bude sosai ko Basu samu sunyi girki ba to awarar Nan ake ci kowa ya Sha ruwa,idan jari ya karye Yazed ya Dora jarin,Haka Malam masifar Jin dadin sana'ar Manal yakeyi,Kuma kullum itace take kula da shi idan Yazed Baya Nan,Haka ita da Yazed suke hada kayan Malam Dana Manal Dana Yazed su wanke abinsu tas su goge kullum cikin tsafta suke,Zuwan Manal gidan ya cire kazantar gidan komai ita take gyarawa shi yasa sai kaga ko Ina Kal Kal,jikinta ma fes matsalar Kawai rashin sutura,Sabanin su Farida da Hajiya tana da Yan uwa masu Dan Hali suna tallafa musu da kudi da sutura,idan Suka samu kudin Kuma a jikin Farida