You Cannot Download this book untill you login but you can read it .

---

Login Register

Kara aure yasa Daya matar a sabon gidansa.

Farida sanye ta fito da English wear Riga da skert Suma na gwanjo ne sunji jiki,Da Gadara ta fito tana yatsina ga Uwar Izza tana ji,Alhaji Hamisu ya kalle ta tare da zuba murmushinsa yasha farar Shadda me kyau Yana kamshi yace tunda ba gaisuwa malama Farida Ina yini? Da kyar ta iya Furta lafiya tana Jin kanta wata princess,Murmushi ya sake Yi yace dama ba Wani Abu ne ya kawo Ni wajenki ba Kuma ba Wasa nazo Yi ba ko yaudara Farida na Dade Ina kaunarki,Kuma da gaske nake Yi aurenki zany.....kafin ya rufe Baki duk shekarunsa Farida babu Bata lokaci tayi tsalle tare da kwashe shi da mahaukacin Marin da yasa Alhaji Hamisu yayi mutuwar tsare tare da dafe kumatunsa.

Da yatsa Farida ta nuna shi cikin zallan bala'i tace baka da hankali? Kana hauka ne? Kasan Kuwa matar waye Ni? Idan baka sani ba ka sani da princess kake magana,Ni nafi karfin talaka irinka,Nawa ka Tara just Dan kana da Ordinary two Houses kana da one old car har ka Isa na aureka,ka kalleni unique color,real Chocolate cute girl like me kalleka Wanda ka kusa fara Tara katon tumbi ka kusa mutuwa lokacinka ya kare,kamarka kamata yayi ka tare a masallaci fadar ma'aiki ka Mika lamuranka ga Allah amma look at your fucking stupid life kana so na Ni kamata,Ni Farida nafi karfin kowa a garin Nan babu sa'an aure na a garin Nan ka hau Bishiya kasa speaker ka sanar Farida sai Birnin Tarayya Abuja Near National Assembly ko Opposite Villa House,idan ba Nan ba na tabbata my Charming Prince to Lagos zai zaba can kusa da gidan Wizkid ko Davido,Ko Kuma nayi makwaftaka da Naira merly ko Burna Boy Muna tare Ni da arna Amana ce,Duk wata Kuma Muna London,Paris, Turkysh etc Ni da turawa Amana ce,Sabo da Haka ka ja jikinka ka bar Mana Kofar gida ko wallahi nayi maka Atile da kasa,je kaja wannan gongonin da kake Kira da mota ka bar Mana gida Idiotic idiot ta juya ta shige gida abinta,Alhaji Hamisu ya rike Baki Yana maimata Idiotic idiot tab.

Tana komawa ta hau bawa Mahaifiyarta labarin irin duk abinda tayiwa Alhaji Hamisu suna ta dariya har da tafawa ita da Hajiya tana cewa kin min dai dai ai babu sa'an aurenki a Nasarawa state kaf gaba Daya,Shi Kuwa Alhaji Hamisu yau tunda Uwarsa ta kawo shi duniya Bai taba bacin Rai irin wannan ba,ya rasa mahaifiyarsa da Mahaifinsa Amma Bai taba Jin bacin Rai irin wannan ba,Kansa ya daga sama Idonsa yayi jajir ya furta abinda Yarinyar Nan tayi min Allah ka gani Allah ka saka min Yaja motarsa ya Kara gaba.
Bayan Kwana Uku tsakani Farida kaf unguwarsu an San yanda ta sake canjawa wajen yanga da iyayi sannan Bata kula kowa duk Kawayenta ta daina kulasu sai Guda Daya Rumasa'u,sabo da Ruma tare Suka taso da Farida Amma Ruma ita mutuniyar kirki ce tana da tarbiyya Kuma daidai gwargwado tana bawa Farida shawara sai dai Farida Bata dauka,Dan ma ba yanda zata Yi ne sun Shaku da Ruma Amma da tuni ta daina kula Ruma,Kuma Ruma ita Iyayenta suna da rufin asiri sosai ba karamin taimakawa Farida takeyi ba da kudi da kwancen sutura harda kayan abinci Mahaifin Ruma Yana Aiko musu musamman azumi da sauran Lokuta,haka zakka ma Yana Basu shi yasa ba yanda zata Yi da Ruma.

Yau da Yamma sun dawo daga Islamiyya ita da Ruma suna tafiya a hankali Farida tana ta yanga tana karairaya,Farida Allah ya Bata farin jini ba Wani kyau ne da ita ba Amma tana da masifar farin jini daga Allah,baka ce Amma tana siyen Mai me kyau shi yasa ta dole ta koma chocolate Kuma Dake ta iya shafa man Kuma me tsada ita da Hajiyanta suke take Tara kudi a siyawa Farida sabo da zata Zama matar Dan sarki kwana Nan ya kamata ta Kara kyau sosai,ai Kuwa Farida tunda ta Kara haske da kyau farin jininta ya karu,tauraruwarta tana haskawa tana Kan sharafinta.

Suna tafiya wasu matasa Yan gayu baza su wuce 27yrs ba Suka tare su Ruma,dama sun Dade suna son su furta musu suna son su,Daya Usman Yana son Farida Daya Kuma Abdulhakeem Yana son Ruma,wata Uwar Harara Farida ta balla musu tare da Jan Tsaki,tsayawa tayi tana kallonsu tana yatsina,Cikin karfin Hali Usman yace Malama ya sunanki Dan Allah ya furta Yana kallon Farida,Fari Farrrrrrrrrrrrr Farida tayi da idanu tana juyasu yanda taga Dama sannan tayi Dan tafi Tace Kara da DA,duk Basu Gane me take nufi ba,Suka ce me kike nufi Munga kinyi Fari da idanuwa kince mu Kara da DA me kenan,Ya sunan abinda nayi da idanuna? Abdulhakeem yace Fari Mana to idan ka hada da DA me kenan? Suka tuntsire da dariya Usman yace FARIDA kenan ko? Farida ba mutunci ta wani Bata Rai Tace Yeah sai akayi Yaya? Nan Usman ya furta abinda ke ransa Yana son Farida,Dariya Farida ta dinga kyalkyalawa ta maida su mahaukata karshe ta kalle su shekeke tace kunga nayi Kama da matar Yara irinku? Yan chatting ba Uwar da kuka sani sai Chatting da waya sabo da Rashin aikinyi talakawa,Baku da ko sisi sai son kula Mata ku batawa Yar mutane lokaci,ku lalata Yar wani,me kuka iya irinku in Banda kunzo zance ku laguda Yar mutane,jikina jikin prince ne,da Princess kuke magana,Hannun talauci baya taba jikin Farida.

Baka da kudin da zaka iya aure na bare ka dauki nauyi na,iya body lotion Dina kadai kudin cefanen gidanku ne na sati biyu,Ido ta zarowa Usman tace karka sake Ina tafiya a Hanya ka sake tareni wallahi wallahi sai na kunyataka Watarana,sai na tozartaka a idon al'umma,Ni ba class dinku bace,in Banda Kun rainani ma Kuna yawo a kafa ko keke Baku da shi har Kuna iya tare mace a zamanin Nan? Wannan ai karambani ne in ba Haka ba Ina ku Ina fara Neman aure dalla ku tafi kuci gaba da karatu ku nemi kudi,yanzu Abinda ya kamace ku kenan kuyi karatu ku nemi kudi matasa irinku sabo da tsaurin Ido ku kalleni ku tareni ga Ruma nan maybe ita zata iya da ku Ni Bari nayi Nan,Farida ta tafiyarta tana yanga da Izza tana tuna hadadden prince dinta na mafarkinta,Ruma Hakuri ta dinga Basu,Usman yace kyaleta ba komai Rayuwa ce gata ga duniyar Nan,Ruma ta tsaya ta saurare su ta Basu Address din gidansu sabo da taga suna da nutsuwa ba laifi.

Bayan Kwana Daya tsakani Farida ta siyo salat da kayan Miya Amma sabo da tana Jin kanta ita fa matar Dan sarki ce sai Almajiri ta samu ta bashi naira Ishirin ya daukar Mata Yan kayan miyar a Yar Leda baka Yana binta a baya da shi Yana take Mata baya,tana hanyar komawa tana yanga da Izzarta wani matashi da gani kasan Dan Tasha ne zai Kai 33yrs ya tare Farida da gani yayi shaye shaye sosai,Yace ke ya Ana Miki magana kina share mutane? Yana ciccije Baki yace Naga kina wani Izza ne ko kece Izzatu ai Kya salalawa ranki har Ana Miki magana kina wani Shan kamshi kamar Kinga Kashi na rantse da Allah sai na mammake ki,Dan ma anganki Ana so shine Zaki Raina min hankali Dan Kan Uwarki,Farida babu ko tsoro sabo da karfin gwiwar prince dinta fa ya kusa zuwa ma ya dauketa gaba Daya Tace Kai dalla Rufewa mutane baki,idan kana Jin Kai Dan Tasha ne to wallahi Ni nafi karfinka,Kai ai baka cika Dan Iska ba tunda har yanzu idan dare yayi gidan uwarka kake kwana,idan dare yayi a bayan uwarka kake kwana duk dare baka kwana a bariki ai Kuwa baka je ko Ina a Iskanci ba tunda har dare zaiyi ka koma gida wajen Iyayenka,da Abu ya faru sai gida zaka koma ai Kai banza ne,a Yan Tashan ma baka ma San Yan kwaya ba kai ko kashin kadangare kake Sha Haka zaka ganni ka kyaleni Ni ba kalarka bace Kuma wallahi ka tabani idan har Prince yazo sai an kulleka an jefa mukullin a katon teku,Kai da Fitowa har abada,Shi dai Dan kwaya ma Dariya Kawai ta bashi da tunaninsa me hankali ce Amma yanzu ya gano Sam Bata da hankali ma ko kadan Bai ma dace a saurareta ba Kawai ya juya zai tafi sai Farida taja Tsaki,ai Kuwa ya juyo a fusace ya dinga kwada Mata Mari Kamar Allah ya Aiko shi sai da ya kumbura Mata kumatu duka biyun,Yace Dan Uwarki wallahi sai na kashe ki na kashe banza,ba irinmu akeyiwa Haka ba,sai na bar Miki tarihi yau.

Belt ya zaro yana cewa yau sai na kafa Miki tarihi a rayuwarki,Ina so na shiga record yau,ya dinga tafkar Farida tana ihu ganin ita ake jibga ba Wanda yayi magana ko ya Hana sai ma farin ciki da mutane Suka ji dama ta damu kowa a layin,ai Kuwa Dan kwaya Bai kyaleta ba sai da ya farfasa Mata jiki ya Mata ligif ya barta Nan,Almajiri Mai rike kayan Miya ya jefar da kayan Miya a gabanta ya fece da gudu da ragowar canjin Dari Uku na Farida data bashi ya rike Mata.

Sai kannenta su Alhaqatu da Falaqi sune Suka zo tare da tallafa Mata Suka jata gida,Yazed Yana gidan yaji duk abinda ke akwai Dariya ya dinga Murna Yana godewa Wanda ya Zane Farida yau,Yana Kallo Hajiya Kamar tayi hauka tana Bala'i da masifa za a kashe Mata Yarta,ta haukace a tsakar Gidan tana Bala'i Tace wannan ai hassada ce da bakin ciki sabo da kar Dan sarki yazo yaga Farida fes shine aka Yi makarkashiya aka turo Dan Daba ya tsokaneta tayi magana ya farfasa Mata jiki to wallahi Bari Allah ya kawo mijinta yazo zamu ga uban Wanda zai Hana mu warwasawa.

Malam Wanda ke Kan Wheelchair dinsa a tsakar gida Yana Jin radio ya kalle su Kawai Yace kunyi asara mahaukatan banza Ina kika taba ganin Ana yarda da mafarki abinda Baku da Tabbas,Farida tana kwance saman Tabarma ta harari Mahaifin nata tace wallahi da gaske ne munje anyi Mana duba,Kuma ko jiya sai da na Kara yin mafarkinsa yazo da motoci sunfi biyar yace min Sunansa FUZAIL Yana nufin Generous Dan Kai baka Yi boko bane baza ma ka Gane ma'anar turancinba Ni Kuma bazan Bata lokacina wajen fassara maka ba sabo da a yanzu na kusa Zama gimbiya,Ni Tarihinsa ma kusan na sani.

Sunansa FUZAIL Dan Sarkin Garin Nan ne Wato Sarki Usman Manu Lamido, Hajiya Babba Wato Balkisu tana da Yara biyar,Salman,Aliyu Saima,Naja'atu,Hassan da Hussain ,Sai Mata ta biyu itace Ayusha Yar asalin Algeria ce Sarki ya ganta a kasar Brazil ya aureta ya kawota Nigeria Bayan shekara Biyu ta Haifo Danta Kato kyakyawan gaske Fari Fari Haka yake Kuma shi ba Chocolate ba Kuma shi baza ace Fari Kal Kal ba,wani irin skin ne da shi Unique duk Wanda ya kalle shi yasan ya Gama kaiwa karshe,aka sa Masa Suna Fuzail.

Tunda ta haifeshi sauran matan Suka Mata caa da bakin ciki da hassada irin na gidan sarauta ganin za a kassara Mata rayuwa da danta sai ta tattara nata ya nata tare da danta ta koma Brazil inda suke rayuwa da iyayenta,Sarki ransa ya baci sabo da ba yanda baiyi ba akan ta zauna Amma Taki yarda,jinin Larabawan Algeria ce Bata kaunar talauci ita shi yasa ma ta iya auren sarki Usman sabo da tasan akwai kudi,rashin Hakuri yasa ta gudu da danta itama kanta Ayusha ba matar arziki bace,a can Fuzail ya girma Wanda shi Kansa sarki baifi sau Biyar ba ya taba ganinsa a duniya ba,Yana bin Dansa da Addua Kuma Yana Burin dawo da shi gabansa sabo da addininsa Yana tsoro Kar Dansa ya fada halaka.

Shi Kuma Fuzail Adduar Mahaifinsa ta bashi duk da baida wani ilimin Islama da yawan gaske amma yasan me yake halaye ne da shi masu kyau sai dai baza ka Gane Haka ba sai ka zauna da shi,Sarki Yana so ya dawo da Dansa ya zauna da shi a Nigeria shi da kasar waje sai dai da yawo,Kuma magana tazo karshe tunda Mahaifiyar Fuzail ta Amince Danta ya dawo Kasar Mahaifinsa amma Kar ya sake ya auro Mata wacce ba jininta na Larabawa ba Ko kuma Yar me kudi shine sharadin Ayusha,Kuma Fuzail ya Amince.

Salman a Yaran sarki shine Babba Kuma shine magajin sarki domin mutumin kirki ne Komai na sarauta Yana gaba,Yana da tarbiyya mutane suna kaunarsa,sai Mahmood,Ishaq sannan Fuzail sune manyan. Hajiya Raheena Ana Mata lakabi da me kallon Gabas, tana da Yara Biyar itama Na'ima,Fatima,Haisam,Rumaisa,sai Auta gaba Daya Ammar.

Sarki Usman Yana da kanne biyu Hajiya Zainabu sai Alhaji Ishaq Wanda shi sarauta har kala Uku yake rike da ita a Nan garin Nasarawa,Yana da Mata biyu da yaransa Mata da maza sun Kai goma,Hajiya Zainabu tana auren Sarkin Katsina yaranta Uku kacal duk Yan Mata ne sabo da Allah bai Bata Haihuwa da wuri ba,sai sauran Yan Uwa Wanda duk jinin sarauta ne duk sarauta ce da su,Haka Yaran sarki kaf maza duk hakimai ne da Karin wasu sarautun a kansu,Anyi anyi Fuzail yace Bai so shi,a rayuwa ya tsani Harkar Sarautar da akeyi a Nan kasar ayi ta wani girmama mutum Kamar za a bauta Masa shi baya so abin Bai birge shi.

Sabo da Haka Sarki ya kyaleshi yace ko ya dawo baza a takura Masa ba da Harkar sarauta duk abinda yake so shi zaiyi za a bashi Freedom sabo da duk Ana so ya zauna Kar ya gudu ya koma,yace part dinsa Kar yaga fadawa a ciki me Aiki maza biyu mace Daya tal yake so,Mace Kuma ta kasance Babba,sannan shi zai zaba wacce tayi masa,sai maza biyu Nan ma shi zai zaba,sarki yace ya Amince Masa sannan yace a dauke shi a Airport next week Kuma zai Shiga makarantar addini ya Kara Ilimi akan nasa,Fuzail Yana Jin Hausa amma shi Bai iya maida Hausar ba sosai hakan ma sabo da Ameer Dan Kanin Babansa Waziri Ishaq tare Suka Yi karatu a London har masters a wajen Ameer ya koyi hausa da Ilimin Addini.

Fuzail Bai Shan komai,baya Neman Mata Bai taba yin ko Budurwa ba,Yana da hankalinsa dai dai gwargwado .
Fuzail kyakyawa ne na bugawa a jarida duk inda kuke Neman kyau da kyan sura to Fuzail karshe ne,Kuma Malam wallahi nice matarsa Ni zai Aura Ni Farida na fada maka na sake rantsewa Ni matar Dan sarki ce,har bikinmu da yanda za a gudanar da shi duk na rigada na sani a mafarki,Kuma Nan da 5days zai bayyana a gidan Nan zaku ce na fada muku Kuma,Ni Farida matar manya ce,Kwana Nan zaku ganni da Hajiya a private jet,Muna Hawa motoci na Alfarma,muna shiga da fita a cikin Gezna,tunda Malam Kai ka haifeni Zan sa ya kaika kasar waje ko za a Dace ka warke duk da nasan kaima ba sona kake ba,Zan Gina maka gida me kyau kaci albarkaci.

Tunda Farida ta fara labarin mafarkinta a Kan Fuzail Malam da Yazed suke Jin tatsuniya,Malam yace shashasha daga Jin sunan kasan na Aljanu ne Wai Fuzail to Aljani ne babu wannan sunan a Jibsin mutum,Kina mafarkin Aljani kina rantsuwa da gaske ne,Farida Tace zaku gani Kuma wallahi ba karya bane,Amma ko Kai Malam ai sunan Aljanun kake sa mana,ka sa Wa'qia,Falaqi,Masatura,Saiha,Amma Farida,Manal,Yazed mune kadai Allah ya taimakemu Iyayenmu Mata suka dage sai da aka canja Mana suna me Dadi,Amma ai gashi Nan ka sake maidawa a Kan kannenmu amma Fuzail ne zaka ce sunan Aljani....wata Tsawa Yazed ya daka Mata bafa Sa'anki bane Malam,Shi fa ya haife ki,kisan me Zaki fada a gabansa,Idan ma mafarkin naki gaskiya ne mu Ina ruwanmu ki auri Dan Sarkin Makkah ma,Hajiya caraf Tace Dan bakin ciki sabo da ba Kanwarka bace Manal Inshaallah aikin wanke wanke da shara zata tayi masu har gidan Sarauta Hassada aniyarku ta biku.









Sharhi fans pls











AsmaBaffa
[1/1, 10:23 PM] Sis Asma: 🧭🧭MAFARKIN FARIDA🧭🧭










BANA KUDI BANE








WANNAN NOVEL SADAUKARWA NE GA YAN GROUP DINA

DUNIYATA AAMNA FNS GP.









4-6









LITTAFAN DANA RUBUTA SUNE

GASKIYA CE
MA'AIKACIYAR GOMNATI
CIRANIN AMANA
DUK INDA TA FADI
KAMAR SU CE DAYA
KASUWANCI NA
JIN DADI SABO
ME MAGANI
TUBABBIYA
HADIN KAI
RASHIN SA'A
TA GYARU
YAR KWANGILA
ADDUAR KAWA
GIDAN GWAURO/DAN NAZIA
DANGIN RABI
DUNIYA TA AAMNA
MAFARKIN FARIDA....









Official










By
AsmaBaffa










Page naku ne

AISHA
KHADIJA DANDAWAKI
MAMAN MURTALAH
YAHAJJA KAMSHI
BESTYN BEELAT
BASMAM GLAM










Yazed tashi yayi tare da tura Malam zuwa dakinsa Suka koma suna Hira abinsu,Suna Shiga Malam ya kalli Yazed Hawaye ya zubo Masa sabo da irin bacin ran da Hajiya ke cusa Masa tare da yaranta,Yazed ya rigada ya sani lallashinsa ya shiga Yi yace Dan Allah Malam ka kyale su ba su kadai Allah ya baka ba,gamu Manal ma jibi zata Zo ta tayani kula da Kai ka daina damuwa Dan Allah Malam, Malam ya jinjina Kai yace Hakika a baya na tafka kuskure gashi Ina girbar abinda na shuka Allah ka yafe min,Yazed yace haba Malam Kamar baka San kaddara ba kayi Hakuri,Malam ya kalli Yazed Dake goge Masa Hawaye yace abinda ya dameni shine Yan gonakina na Kauye da Suka rage Mana nake Dan tabuka wani abin da kudin noman nasu Wai Gomnati ta kwace su da wasu na mutane wajenta ne Wai yanzu wata University zata gina a wajen Kuma babu ko diyya da zasu biya mu,Salati Yazed Ya saki yace Malam waye ya fada? Tun sati biyu da suka wuce Kawunku ya bugo waya Suma harda wasu nasu ciki,Ni dama kasan layi biyu Suka rage min a can duk cuta ta cinye komai Nawa to yanzu gashi Dan abinda muke dogara da shi ya kare gashi Bamu da geron Koko,Gashi kaima Allah Bai baka wata sana'a ba ta kirki,Yazed ga Karatunka ga na sauran Yara,Yazed cikin karfin Hali yace karka damu Malam Allah zai rufa asiri,ai dama Allah keyi ba dabarar mu ba,yanzu ma shi zai mana mu dage da Addua,Malam yace Hakane Allah ka dafa Mana Dan girmanka ya Allah cewar Malam shima,Su Hajiya duk Basu San me ake ciki ba ta Shirin tarbar bakinsu sukeyi Dan Sarki Fuzail na cikin mafarki.

Manal ta Gama shirinta tsaf yau asabar yau zata taho Birni tun daga kauyen Bauchi,Yazed Yana Shirin zuwa Tasha ya taho da ita Yayin da Annatu da kanta ta kaita Tasha da kullin kayanta a daure cikin dankwalin atamfa,sabuwar Atamfarta ta saka ta salla wata ja da yellow dankwali Kuma irin Dan kanti ta daura tare da zamge kanta,goshinta Yana kyalli abinka ga fara sai goshin Nan yayi dau,Gaba Daya a firgice take yaune Karo na farko a rayuwarta da wayonta zata Yi tafiya me nisa zata bar Kauye,dara daran idanuwanta ta zazzago su Kamar zaka ce kyar ta zura da gudu,Manal zata Yi kuka tana Kallon Annatunta ta Glass din mota ta leka da kanta cikin yaren Hausar da baya fita sosai Tace Annatu ki dinga yin furarki kina kaiwa tallan da kanki ko Sabulun wanki sai ki dinga siye,idan naje Birni sana'a nikai Ina akko minki kuddin(Aiko Miki kudin)
Annatu tayi Dariya tace to Manal Dita Allah yasa Ameen ta furta tana murmushi Tace karki Yi kuka kinji Annata?Anna ta daga Mata Kai,Kaddara ce ta rabamu Annata shi yasa kike a ruga Ni Zan koma Burni wajen Yaya,Kinga yace karatu zanyi Nima Zan dinga Jin turanci karki damu Anna ga su Khairan Nan ko?Anna tace tabbas Haka ne Manal ki kiyaye kinji dai fadan da nayi Miki kina sauka ki sa Yazed ya bugo min waya,To Anna zak rakado Miki waya cewar Manal,Haka Annatu ta hau machine ta koma rugarsu ita Kuma Manal ta fashe da kuka ganin Bata San kowa ba ita Daya a mota sai passengers.

Hakuri Yan motar Suka dinga Bata Ana gaki katuwa Dake Amma kina kuka yarinya gari Daya fa zamuje Tasha Daya zamu sauka,Manal tana kuka Tace yo ai ban sanku ba Kawai na saki Raina Ina ruwana da ku dan zamu sauka gari Daya to Alqur'an bazan daina kukan ba,Mutane Suka dinga dariya taci gaba da kukanta a mota a Tasha,Me tallan gurasa ne yazo da tirensa Yana gurasa a sai gurasa yar Kano,a zo a siyi Yar Kano me Dadi ga sugar,Manal hawayenta ta share Tace Kai da gaske ta Kano ce? Yace kwarai kuwa,kudi ta zaro naira Hamsim Tace bani ta Hamsim naci ko ban taba zuwa Kano ba naci gurarsu wallahi,ba Wanda ya Isa ya min gorin Kano Nan gaba,Ana cewa Kano zance yo Ni Naga karshen Kano tunda naci gurasarsu,Wani Dan fillo da sandarsa yace Nima a bani ta dari Gurasar Kano Dadi gareta Yar Nan,Manal tace to Yasin Ni kadai zanci a motar Nan Baku Isa ba,Kai wallahi me gurasa ka siyarwa wani sai na fito munyi ta da Kai,Baki me gurasa ya Bude yace akan ta Hamsim Sai na fasa ciniki ke Yar uban waye? Manal tace Dan kaga dazu Ina kuka ance maka Ni saliha ce to aradu Ni ba kyaleka zanyi ba,Me gurasa ya Shareta ya Mika Mata ta Hamsim dinta yaci gaba da bawa mutane a motar masu siya sai kuwa Manal Tace Kai Karen mota daga min kujera na fita daga motarka dama ban biya kudi ba Matukar ba Ni kadai zanci gurasar Nan a motar Nan ba to bazan zauna a motar Nan ba,Ni ba a kwaikwayona Dan wulakanci daga na siya sai kowa yace zai siya ai ba ayi min Adalci ba,aka Bude Baki Ana kallon Manal ta dage sai ta bar mota,Driver wayo ya Mata yace zauna idan mun tashi duk Zan karbe gurasarsu babu me ci min gurasa a mota sai ke Daya Yar Anna,Manal ta washe Baki Tace laaaa kasan Annata? Me mota Yana ji da suna magana da Anna tana ta cewa Annanta sai yace ae mana na taba siyen nono a garken su,Tafi Manal tayi Tana Dariya Tace wallahi ka San Anna na yarda ai shanunmu kaga farar wata Saniya me katon kunne? Driver ya zaro Ido Yana dariya a ransa yace ai sai da na shafa Mata kanta ma, Lailahaillallahu aradu Sanuwa Tace to,Anna ce ta siya min ita idan na Isa aure za siyar ayi min kayan daki,wancan satin ma sabuwar tawa ta Haifi Yan biyu,Driver yace ai na sansu Yan biyun,Manal sai ta gyara zama Tace kowa yaci gurasarsa wallahi Driver yasan Sanuwa ta,Ana dariya Dake duk kusan Yan fulani ne a motar sai cin gurasa wasu fanke,wasu awara.

Manal tana ci Tace Shegu Yan Kano an Iya gurasa Allah yasa ba gumin gardi muke cinyewa ba,kasan idan suna kwabawa sai kaga gumin garada sharrrrrr Yana shiga cikin kwabin ,Wasu gaba Daya sai kyankyami ya kamasu masu tsamtsami Suka kasa karasa ci,Manal Tace kazantar da bangani ba tsafta gareta ta cinye a barta tas sannan Tace Driver kasan tinkiyata? Driver yace na ganta sau Daya ta fito Daga gidanku da katon cikinta wata Fara Yar budurwar tinkiya,Manal ta sake kwashewa da dariya Tace Allah ka santa Aradu itace Ina Bata dusar dawa kullum da ruwan Danwake,Driver yace ai ance kajinki ma cinye su kike Yi,Manal ta rike haba tana mamakin yanda Driver ya santa Haka Tace duk sati sai na Kama zakara ko kaza an yanka min na cinye abata kajina sunfi ashirin Amma duk na cinye su Saura Uku Yan kanana yanzu,Har mota ta tashi Manal Hirar Sanuwa da kaji takeyi da Driver wani ya amsa wani yayi Shuru Bai Santa ba,bacci ne ya fara kwashe Manal Tace Dan Allah idan anzo tashar ku tashe Ni Kar na bace,Ana ta dariya daga Fara tafiya,tafiyar da sai sun kwashe wajen 9hrs a mota.

Manal tayi bacci ta tashi ta koma bacci dare yayi suna mota,Basu sauka a Nasarawa ba sai 1am,Kuma sabo da gudun Matsala Yazed Yana irga time