You Cannot Download this book untill you login but you can read it .

---

Login Register

take jin abinda yake fadi. Bayan duk abinda yai musu.

So yake tace wani abu. Shi kanshi zuciyarshi ke magana.

"Sofi..... Ki karba"

Kai take girgiza mishi. Ganin hankalinshi nakan ta karbi wayar ne yasa ta yin saurin raba shi ta wuce.

Rufe idonshi yai ya bude su yana fadin.

"Damn it..... "

Binta yai. Ganin sun jera suna tafiya. Ta kuma tabbatar dasun kara gaba mutane na zaune majalissa.

Bayan hakan kowa zai iya zuwa wucewa yagansu. A koma ace an ganta ta jero da wani.

Tsayawa tai. Hawayen da take ta tarbewa suka zubo mata. Hannu tasa zata goge su.

Baisan yanda akai hannunshi yai kokarin kaiwa fuskarta ba. Sai ganin ta kauce da sauri yayi.

"Kar hannunka ya sake kokarin kawowa kusa dani"

Safiyya ta fadi tana share hawayenta. Jin yanda ranta ya baci yasa shi saurin cewa

"Kiyi hakuri..... "

Kalmomin ya sake maimaitawa a zuciyarshi. Yanda suka fitona saukake ya bashi mamaki.

Zai iya kirga mutanen daya taba ba hakuri a rayuwarshi. Amman yau gashi ta fito a saukake kan laifin da baiyi bama.

Ture wannan yai gefe. Yana cikin kananun abubuwan da basu bane a gabanshi. Kallonta yake. Wasu hawayen suka sake zubo mata.

Wani kunci yaji ya lullube shi. Baya son kukan nan. Bai taba zaton kukan wani zai dame shi ba sai yau.

Ba damunshi kadai yai ba. Tokare mishi zuciya yai.

"Ki daina. Ki bari. Banason ganin kukan nan..... "

Sai taji ma kaman dayai magana sake bude ma hawaysn hanya yai. Wasu nabin wasu haka suke zubo mata.

Dakyar cikin kuka tace

"Nace ka tafi. Sai wani yaganni tsaye dakai? Me kake so inyi?"

Ja yake da baya. Dan yanayin zai iya jure komai banda kukanta.

Da baya baya yake tafiya. Yace mata

"Na tafi. Na tafi sofi. Banda zabi ne...... "

Tana kallo ya juya da gudu ya tafi. Sai taji tana son ya juyo ko da sau dayane ta sake ganin fuskarshi.

Ko hakan zai zama na karshe a rayuwarta. Wani irin abu takeji da ta kasa samo masa kalma.

Waje ta samu jikin bango ta karasa. Hijab dinta tasa ta goge fuskarta. Tasan ba zata iya zuwa islamiyya ba.

Juyawa tai ta koma gida. Da sallama ta shiga muryarta a dakushe tana kokarin boye kome take ji saita shiga daki.

"Safiyya? Lafiya dai ko?"

Kanta a kasa tace

"Inna kaina ke ciwo sosai. Shine na dawo gida"

Cike da kulawa inna tace

"Subahanallahi. Sannu. Kije ki kwanta. Ko usman inya shigo yaje ya siyo miki magani"

Bata amsa inna ba ta shige daki. Jakarta kawai ta ajiye ta kwanta.

Dunkule jikinta tai waje daya. Ko hijab bata cire ba. Wani irin kuka marar sauti ya kwace mata.

Ji take yanda kukan ke fitowa daga zuciyarta kaman fu.ad ne zai fita.

Amman ina. Yau ya sake dasa mata abubuwan da tasan ba zasu gogu ba. Kuka tai har bacci ya dauketa.

*

Yana karasawa ya bude mota ya shiga. Yaja murfin ya rufe. Kanshi ya hada da gaban motar yana jin wani irin yanayi.

"Fu.ad menene? Lafiyarka kuwa?"

Lukman yake tambaya cike da kulawa. Batare daya dago ba yace masa

"Muje gida"

"Bangane muje gida ba. Me ya faru wai? Kaganta ne?"

Dagowa yai a kufule.

"Do me a favour. Shut the fuck up"

Dariya lukman yai.

"Easy sharukhan. Karka kawomun cizo. Daga tambaya. In masifa kake ji ka sauke ta wa zuciyarka ba lukman ba. I am just trying to help"

Kauda kai kawai fu.ad yai gefe. Baice komai ba. Kilan inyai banza ya kyale shi yagane cewar bayason magana ne gaba daya.

Aikam hakan akayi. Wakama lukman din ya saka. Da gangan yasa duk wakokin dayasan fu.ad na cewa baya so.

Ya kula baima san yanayi ba. Tunda ya jingina kanshi da kujera ya kalli gefe bai juyo ba.

*

Ko parking bai bari lukman yayi ba ya bude murfin motar ya fita. Da gudu ya shiga gida yahaura sama zuwa dakinshi.

Maida kofar yai ya kulle. Sannan ya zare takalmin dake kafar shi. Nan inda yake tsaye ya cire kaya. Daga shi sai boxers ya shiga toilet.

Ruwa masu sanyi ya sakarma kanshi. Yanajin yanda sanyin ruwan baya kaiwa inda yafi bukata.

Lumshe idanuwanshi yai. Zuciyarshi na wani irin abu. Fuskar safiyya na masa yawo cikin idanuwanshi.

Kunnuwanshi najin muryarta. Komai ya sake cakude mishi. Bai san iya minti nan daya dauka a bandakin ba.

Sanda ya fito ya sake kaya. Kwanciya yai dan ji yake kaman wanda akai ma dukan tsiya.

Wani ciwo ko ina na jikinshi yake yi da bashi da alaka da gajiya.

Kwankwasa kofar yaji anayi. Yai niyyar sharewa. Jin muryar haneef ya sa shi tashi dakyar ya je ya bude kofar.

Komawa yai ya zauna kan gadon. Haneef ya karasa ya zauna kusa dashi.

"Fu.ad?"

Muryarshi can kasa yace

"Haneef bansan yazanyi ba ni. Taki karbar wayar muyi magana. Kuma tace in tafi bata so in dawo. Bazan iya ba..... "

Yana maganar yana watsa hannuwanshi alamun komai ya kwance masa. Ganin haneef din ya nutsu yana saurarenshi ya sashi sauke numfashi kamun ya nuna kanshi da hannun shi yace

"Kalle ni. Kaman wanda ya zautu. Em' clueless....."

Gyara zama haneef yai hadi da fadin.

"Kamun magana yanda zangane fu.ad. Menene? Wacece?"

A hankali yace

"Sofi..... Safiyya. Yarinyar nan ta bichi....."

Hannu haneef ya daga mishi yana girgiza kai.

"Don't. Please fu.ad karka cemun son ta kakeyi. Karka fara......"

"Too late. Abinda nakeji yafi so"

Fu.ad ya fadi yana dafe kanshi cikin hannuwa. Haneef kam ya rasa abinda zaice.

Kawai abu dayane yake a bayyane. Ko shine a matsayin iyayen safiyya. Ko zata mutu ba zai bata yaron daya wulakanta su ba.

Sau wajen hudu yana bude baki zai magana. Amman ya rasa me zaice.

"Hmm... "

Fu.ad yace yana kauda kai. Dayake nuna cewa ya fahimci haneef kanshi na hango rikicin dake tattare da hanyar da kaddara ta dora shi.

A nutse yace.

"Munje dazun nida lukman. Kuma gobe ma zan koma saboda ina bukatar sake ganinta"

Sai lokacin haneef yace

"Karka yi fu.ad. karka sake zuwa ka kara complicating ma kanka abubuwa. It will not work and you know why"

Cikin idanuwa ya kalli fu.ad.

"Issue dina da ita ne ba da family dinta ba"

Kallon baka da hankali haneef yake mishi.

"Waye zai baka yarinyar? Kaga fu.ad ka hada kayanka gobe ka koma. Zaifi ma kowa kwanciyar hankali"

Fito da idanuwa yai.

"Kana nufin in barta?"

Kai haneef ya daga masa.

"I can't. Bazan iya ba haneef. Ka tafi kabarni kawai...... Just go!"

Sanin halin fu.ad yasa haneef tashi ya fita. A yanayin dayake bazai saurari wani abu ba. Inya dan nutsu sunyi magana.

Yana fita fu.ad ya kwantar da fuskarshi cikin pillow yanajin gaba daya duniyar ta masa wani irin kunci.........!
[6/23, 7:18 PM] 🅰 "🅰 " D'🅱⭕Y🔛🔝: *_POST BY GROUP OF HYPE HAUSA NOVELS BOOK WHATSAPP 08064400100_ 📚📚_*
[6/23, 7:21 PM] 🅰 "🅰 " D'🅱⭕Y🔛🔝: AKAN SO 16
*💘💖AKAN SO💖💘*

~Written by~ :Luβπα Sufyαπ

16

*Ina godiya mai yawa ga masu mun fatan alkhairi. Allah ya biya muku bukatunku. Kuna zuciyar Luβπα ako da yaushe*

A daki yai sallar isha.i sannan ya fito ya sauka zuwa falo. Kujera ya samu ya zauna. Kowa nakan dining table suna cin abincin dare.

Hussaina ce tace

"Bro kazo kaci abinci"

Kai ya girgiza mata kawai. Baya son ko bude baki yai magana. Tasowa tai daga inda take zuwa tsakiyar falon.

Hannunshi ta kama tana kokarin janshi. A kasalance yace

"Hussaina ki kyale ni nikam. Em' not hungry"

Girgiza masa kai tayi cewar bata yarda ba.

"Ka taso kawai"

Kanshi yaji ya soma daukar chargy. A tsawace yace

"Wai bakyaji ne. Nace bana ci!"

A tsorace ta saki hannunshi tana matsawa. Kowa ma kallon shi yake. Yana da fada sun sani.

Amman su da wahalar gaske yai musu. Barshi can da yan aikin gidan. Balle ma hussaina da bayaso yaga ta bata rai.

Mikewa yai yanajin wani iri. Ko kallon inda suke baiba. Da gudu ya ke hada steps biyu a lokaci daya yahau sama.

Dakinshi ya shiga ya doko kofar da karfi kaman ita tai masa laifi. Kan gadon shi ya fada a kwance.

Ya rasa me yasa ya kasa controlling abinda yake ji. Bai kamata ace hussaina ta zama punching bag dinshi ba.

Wayar shi ya dauko. Ya nemo num din hussaina yai dialing. Ta dauka cikin sanyin murya tace

"It's okay bro. Kawai kome yake damunka ka fadama momma ko su yaya. Bama son ganinka haka"

Kai ya daga kaman tana ganinshi. Dan wani abu ya tsaya masa a wuya ya hana maganar fitowa. Yanaji tace

"Allah ya tashemu lafiya. Just be safe please"

Jin yai shiru yasa ta kashe wayar. A hankali ya saketa ta fadi gefenshi.

Yau ko kaya bayajin zai iya cirewa. Bacci yake jira ya dauke shi. Yasan mafarkinta zaizo. Zai dan ji sauki.

Amman yau baccin kanshi kokawa suke yi. Kokarin janyo shi yake yi yana kubcewa.

Har karfe biyu yana nan kwance. Juye juye kawai yake. Duk yanda ya kwanta yaki masa dadi.

Ga wani ciwon jiki da yakeji dabai san dalilinshi ba. Iskar dakin har wani kadan take masa. Saukowa yai daga kan gadon ya shiga toilet.

Alwala yayi. Yazo ya shiga sallah. Ita kadaice take samar masa da nutsuwa. Shima daya idar yake sake jin shi ba dai dai ba.

Nan kan daddumar bacci ya dauke shi wajen hudu. Kan kunnen shi aka kira asubah. Ya shiga yai brush ya sake yin alwala sannan ya fita zuwa masallaci.

Koda ya idar nan yai zamanshi. Ji yake kaman karya koma gida. Dan masallacin yana soothing mishi wasu wajaje da suke masa ciwo.

Har wajen shidda da rabi sannan dakyar yaja kafa ya dawo gida. Dakinshi ya shige ya kulle daga ciki.

Wanka ya shiga. Tunani ya masa yawa cikin kai. Yakai minti talatin cikin bathtub banda kafa babu abinda yake wankewa.

Sai da yaji ana kwankwasa mishi kofa sosai sannan ya dawo hayyacin shi. Da sauri ya karasa wanke jikinshi ya dauro towel ya fito.

"Waye?"

Ya tambaya.

"Malam ka bude kofa"

Cewar lukman. Kofar ya bude. Lukman ya shigo. Kallon shi kawai yai.

Idanuwanshi da wani dark circles alamun bacci bai wadace shi ba. Ga fuskarshi sam babu walwala.

Gaisawa sukai da lukman kamun yace

"Wai yane? Kasan ka rage tunani kar wani ciwo yazo ya kamaka"

Murmushi kawai fu.ad yai baice komai ba. Lukman bazai gane me yake ji bane. Daga Allah daya dora masa saishi da abin yake a zuciyarshi.

Ganin yai shiru yasa lukman jan numfashi yace.

"Hajiya ta aikeni katsina. Nace barin zo mu tafi"

"Kaje kawai lukman"

Karo na farko da indai yana gari yaki bin lukman wani waje. Ko ina daya zaije dayan na biye dashi.

Da mamaki lukman yake kallonshi. Fu.ad ya sake cewa

"Banajin dadine fa"

Mikewa yai yace

"Tam shikenan. Allah ya bada lafiya. Saina dawo"

Da sauri fu.ad yace

"You mad at me or something"

Kai lukman ya girgiza masa yai dariya sannan yace

"Kai haba. A.a fa. Nima ba jimawa zan ba in shaa Allah"

"Tam drive carefully. Allah ya tsare"

Ya amsa da amin yana ficewa.

Wani numfashi fu.ad ya fesar ta baki. Yaki bin lukman ne saboda yana son komawa bichi.

*

Sanye yake da 3 quarter loose milk colour. Sai riga fara ta kama jikinshi. Ya taje kanshi.

Sai kamshin turaruka yake. Ya fito. Batare daya hada ido da momma ba yace

"Ina kwana"

Ta amsa da

"Lafiya kalau.... "

Tana nazarin dan nata da ta rasa meke damun shi tsakanin jiya da yau. Gaba daya ya canza.

Ta ma haneef magana yace mata bakomai kawai yace bayajin dadine kuma sunje asibiti jiya da yammaci.

Bata ce sake cewa komai ba. Plantain ya zuba da soyayyen kwai. Da alama tura abincin kawai yake bawai dan yanajin dadin shi ba.

Yana gamawa ya kalli pha.iza yace

"Ki dauko mun akwatin dana zo dashi a dakina"

Bata ce komai ba ta ajiye abinda take ci ta tashi. Ta dauko mishi akwatin ta kawo.

Janshi yai zuwa tsakiyar falon ya zauna kan kafet. Sannan ya bude.

Pha.iza yaba ma system din dayai mata alkawari. Hp ne mai kyau sosai. Ta karba tana mishi addu.a.

Collections ne na turaruka ya kawoma abbah da momma. Ta amsar musu tana saka mishi albarka.

Hussaina sarkin shan zaqi. Wasu irin chocolates ne ya kawo mata. Hassan kuma takalma ne masu tsada da wata hoodie daya ce ma fu.ad din yana so.

Sai kaya masu kyau na yara yaba mama yce akai ma yaran su anty fatima.

Rolex din daya siyo ma lukman da haneef ya kwashe ya ce pha.iza ta dauki akwatin in tana so.

"Ina dasu har biyu fa. Sai dai ummie data ga irinshi a dakina tace mun tana so"

Dafe kai yayi. Sam ya manta da kanwar lukman. Ga yarinyar tana wani girmama shi. Mikewa yai yace

"Ina zuwa"

Dakin shi ya shiga. Samsung Galaxy din daya siya dan yai amfani da ita ya dauko ya dawo.

"Ki bata da wannan. Mantawa nai"

Momma da pha.iza suka tayata godiya. Danko hajiyar su lukman indai ta siya ma ummie wani abu takan hada da pha.iza.

Mutanene masu karamci da sanin ya kamata.

*

Dakinshi ya koma yai kwanciyarshi. Sai lokacin ya samu bacci ya dauke shi wannan karin ko mafarkin safiyya dake dan rage mishi kewarta baiyi ba.

Haka ya tashi ya duba agogo yaga karfe sha biyu har da mintina arba.in. Bai tsaya sake wanka ba.

Alwala kawai yayi. Ya fita masallaci ya tsaya lokaci ya karasa sukai sallah sannan.

Mota ya dauka ya fice zuwa bichi. Yanayi yana duba agogo dan jiya biyu da kwata ne bazai manta ba.

Baya so ta fito ta wuce bai ganta ba.

****

Uniform inna taga safiyya tasaka tace

"Da kin hakura da makarantar ban yau"

"Zanje inna. Ko karatu aka danyi naji sauki sauki"

Jinjina kai inna tayi.

"To ai naga bakici komai ba tun jiya. Gashi kinyi wani zuru zuru"

Murmushi ta kakaro tace.

"Da sauki sosai fa inna. Kuma yanzun ai sai inci ko kadanne"

Innna da kanta ta zubo mata. Taliya ce yar hausa da manja. Tadan ci ba laifi sannan ta wanke hannunta.

Ta sake gyara fuskarta ta saka hijab ta dauki jakarta.

"Inna saina dawo"

Cike da kulawa tace

"Allah ya tsare. Indai kina jin jikin. Ki dawo gida"

Ta amsa da

"In shaa Allah"

*

Tun jiya zuciyarta bata daina dokawa ba har zuwa yanzun. Kaman abinda take ciki bai isheta ba ta hango Ado.

Wani takaici ya sake lullube ta. Da saurin shi ya karaso.

"Safiyya.... "

Ciki ciki tace

"Ina wuni"

Ya amsa da

"Lafiya kalau. Har an fito makarantar kenan"

Bata daina tafiya ba. Ko zai gane cikin sauri take ya kyaleta. Ga mamakinta shima tafiyar yake yana mata magana.

"Umm"

Ta amsa a takaici. Surutunshi yake. Muryar da kunnuwanta ke jiyo mata daban.

*

Tsaye yake jikin motarshi dai dai inda sukai parking jiya. Yana kallon hanya. Yanda zuciyarshi ta wani doka abin har mamaki ya bashi.

"Sofi...... "

Ya furta a hankali. Wani ya hangota dashi yana mata magana harda dariya.

Jiyai zuciyarshi ta turnuke. Har wani duhu duhu yake gani. Takawa yai yana shirin karasawa inda suke.

Kafarshi har kara sauri take. Sai dai kamun yaje yana kallo harya saurayin daya ga yana mata magana ya juya.

*

Kaman ance ta dago da idanuwanta. Ta sauke su kan fuskar fu.ad dayake karaso inda take.

"Ya Allah.... "

Ta fadi komai na kwance mata. Dawowa yai. Ji tai kaman tasa kuka.

Wai me yake nema da ita ne haka. Saboda me zai zabi takurata da yawa ne.

Yana karasowa daf da ita maganarshi ta farko shine.

"Waye wancan dayai miki magana"

Yanayin muryarshi ya tabata har a zuci. Batare data kalle shi ba ta amsa da.

"Me ya dawo dakai? Bana ce karka sake zuwa........ "

A tsawace yace

"Dammit sofi. Tambayarki nai ki amsani. Waye shi?"

Duk da ya tsorata ta bai hanata dagowa ba. Idanuwanta da suke cike taf da hawaye ta sauke masa.

"Ni kaina ba matsalarka bace ballanta na shi. Dan Allah ka kyale ni. Ka fita daga rayuwata ko zan samu sauki"

"Sauki..... "

Ya maimaita yana kwashewa da dariyar da baima san daga inda ta fito ba.

Maganar sauki take yi. Shi zai fita daga rayuwarta ta samu sauki ko ita zata fita daga tashi ya samu sauki.

Kallonshi take yana dariya da yanayin da bata taba gani ba. Sannan yace

"Ki kalleni sosai. Ki kalli idanuwana sofi. Nima saukin nake nema. Ni kaina so nake kibarni ko rayuwata zata koma yanda take..... "

Hannuwanta tasa duka biyun tana toshe kunnuwanta. Bata son jin kalamanshi.

Bata son jin duk wani abu dazai fito bakinshi. Wanda yake a mafarki ma bata da hanyar hana su ne.

Kallonta yake da mamaki yana girgiza kai. Bata son jin muryarshi. Bata son ganin shi.

Wani abu yaji yana zuba a zuciyarshi da baisan ko menene ba. Saidai yana da ciwo sosai.

Fuskarshi da yanayin shi yana neman sake karya mata zuciya.

"Dan Allah ka tafi. Ni dakai duniyarmu ba iri daya bace ba. Ka zauna a taka kabarni a tawa"

Hannu yasa cikin sumar shi. Sannan ya kalle ta sosai.

"Taki duniyar ta shigo tawa. Bani na janyo ta ba. Ban kuma san yanda zanyi da ita ba. Saboda me ba zaki bari in koyi zama da ita ba"

Sosai take kokarin tarbe hawayenta.

"Saboda zamansu waje daya bazai yiwu ba. Kana tambayar me wancan yakeyi tsaye dani ko?

Ka saurareni sosai. Ba damuwarka bane ba. Zan gaya maka ne saboda karka kara dawowa.

Shi zai aureni. Satika hudu suka rage. Saboda haka ka kyaleni"

Tana gama magana ta wuce da sauri. Ko juyawa baiba. Saboda duk budar bakinta.

Duk wata kalma da ta fito mayar dashi kaman kusa su kuma maganganun suka zama guduma.

Duk daya kara buga shi take ya shige ciki. Ya kasa motsawa. Ya kasa jin komai.

Wani abu ya lullube zuciyarshi da yake son kare sauran jikinshi daga fahimtar abinda ta fada.

Samu yai ya ja kafa zuwa motarshi. Ya bude ya shiga. Yanda yai corner zai daga maka hankali.

Safiyya dake tafiya gefe taga yazo ya wuce ta da wani irin gudu. Dafa kai tayi.

"Ya salam. Me na aikata...... "

*

Allah ne kadai yakai shi gida dan ko gani baya yi. Haka ya bude murfin motar bai ko rufe shi ba ya fito.

Falo ya shiga. Momma na zaune tana kallo.

"Momma........ "

Kallo daya tai masa. Ta mike. A hargitse yake. Duk yai wabi maiko da zufa. Saikace wanda sabon hauka ya kama.

Wajen da yake ta karasa. Jiri ke dibarshi ta kula. Ta riko masa damtsen hannu taba fadin.

"Fu.ad lafiyarka kuwa? Menene?"

Wani irin numfashi yake ja da alama baya kaimasa inda ya kamata. Dan kokawa take dashi.

"Momma aure zatayi. Ina haneef. I can't..... She can't...... Saboda me zata auri wani?"

Bata fahimtar me yake cewa. Kokarin janshi takeyi ya zauna. Amman kaman an kafe shi a wajen.

Kuma har lokacin kokawa yake yi da numfashin shi. Sai kace wanda yake fama da asthma.

Dai dai shigowar haneef da sallama. Ganin su yasa shi karaso da sauri. Kama fu.ad yai da kaman baya cikin hayyacin shi.

Momma da ta rasa me zatai tace ma haneef

"Wai me ke damunshi ne haka. Sambatu fa yake"

Haneef ya kalla yace

"Haneef kazo muje kai mata magana....aure fa zatai. Taki ta saurare ni. Ina sonta wallahi"

Sai lokacin haneef ya fahimta. Girgiza kai yake. Yau ga fu.ad na girbar abinda ya shuka.

Gashi ya samu matsala kan yarinyar da ya tabbata in a dane ko kallon wulakanci bata ishe shi ba.

Lallai Allah ya dora masa jarabta. Ya nuna masa yanda ya halicci dan Adam ya kuma daukaka shi da daraja mai girma.

Kamashi haneef yai. Yanata surutai. Dakyar yakaishi daki yace.

"Kai bacci. Yanzun zanje muyi magana. Wasa take maka fa"

Da wani yanayi yace ma haneef.

"Ka tabbata?"

Kai ya daga masa. Waje ya samu ya zauna yana kallon shi. A zuciyarshi yana nemar masa sauki wajen Allah.

Bai bar dakin ba saida yaga ya samu bacci sannan ya fito ya ja masa kofar.
[6/23, 7:21 PM] 🅰 "🅰 " D'🅱⭕Y🔛🔝: *_POST BY GROUP OF HYPE HAUSA NOVELS BOOK WHATSAPP 08064400100_ 📚📚_*
[6/26, 7:29 PM] 🅰 "🅰 " D'🅱⭕Y🔛🔝: AKAN SO 17
*💘💖AKAN SO💖💘*

~Written by~ :Luβπα Sufyαπ

17

*A ton of thanks to my big sister from another mother BABYN UF for being #1teamFu.ad. LVYONG*

"Inalillahi wa ina ilahi raji.un....."

Momma ta fadi bayan haneef ya gama gaya mata kome yake faruwa.

"Yanzun duka fu.ad din nawa yake? Hankalin kirki bashi da shi haneef"

Jinjina kai yai ya gyara zama yace.

"Nasani momma. Amman ki kalli fa abinda yake yi. Wallahi zai iya samun matsala. Nikam dai a taimaka aje aji"

"Hmm bayan tozarcin dayai musu kana zaton zasu saurare mu ne? Kafi kowa sanin halin abbahnku. Da wahala yaje"

Shiru haneef yadanyi kamun yace

"In yaga yanda fu.ad ke shirin zaucewa zaije. Nasan bashida wani hankalin kirki. Amman wallahi yana sonta. Kema kinga alama ai"

"Kai. Oh Allah na"

Momma ta fadi tana sauke numfashi. Wannan wacce irin kaddara ce.

Ita tunda take inba a film ko a littafi ba. Bata taba ganin irin wannan abu ba.

Bama tasan ta yanda zata fara tunkarar abbah da wannan maganar ba.

"Barin je sallah"

Cewar haneef yana mikewa. Kai kawai momma ta iya daga masa.

*

Da yammacin ranar abbah ya dawo daga abuja. Sai da yaci abinci yai wanka ya huta sannan momma ke fada masa fu.ad bashi da lafiya.

Dayake zamansu babu boye boye a ciki. Zata iya tunkarar mijinta da kowacce irin damuwa.

A nutse ta fada mishi komai da yake faruwa. Shima salatin yake yana mamakin lokacin da fu.ad ya zama haka.

"To nikam yazanyi maman fatima. Allah ne yake hora shi"

Dayake uwa daban ce a tausa she tace

"Alhaji nasani. Amman sai a duba halin da yake ciki. Ko neman auren yarinyar sai a je masa"

Girgiza kai yayi.

"Bayan abinda kika ce ya musu. Kina tunanin ko fu.ad ya isa aure zasu bashi yarsu ne? Ku rabu dashi kawai. In yagaji zai hakura"

"Allah ya kyauta."

Ta fadi tana mikewa ta fice daga dakin. Da alama ranta ya sosu da maganganu shi.

*

Haneef da lukman ne zaune dakin fu.ad. kallon shi kawai suke. Dan lukman ma da ba.ayi a gabanshi ba a tsorace yake.

Gani suke da sunyi magana zai kara shiga matsala. Tunda ya tashi dai baice musu komai ba.

Suna kallo ya sauko daga kan gado yai hanyar kofa. Suka hada ido basu ce masa komai ba.

Kasa ya sauka ya nufi bangaren su momma. Karo yaci da ita ta fito dakin abbah.

"Momma kin masa magana?"

Ya tambaya. Ta kalli yanda ya wani fada ya kara haske.

"Na masa magana ka kwantar da hankalinka. Zasu je gobe in shaa Allah"

Wani murmushi yaji ya kwace masa yana sosa kai ya wuce abinshi.

Momma wayarta ta dauko ta kira yaya babba. Dayake dare yayi ta waya tai masa baya nin komai.

Tace masa kome yake yazo da safe su kara tattaunawa.

*

A gidan lukman ya kwana. Baccin shi ya sha hankali kwance.

Fu.ad ma ya samu bacci da nutsuwa ta wani bangaren tunda momma tace masa za.a je ai maganar auren shi da safiyya.

Haka ya kwana mafarkinta.

*

Babu yanda yaya babba baiba ya fahimtar da mama cewar fu.ad din ma duka nawa yake. Amman ina tsakanin da da uwa sai Allah.

Catai ma umarni ne ta bashi bawai neman shawararshi take ba. Haka dole ya shirya suka dauki hanyar bichi shi da haneef.

*

Fu.ad ya kasa zaune ya kasa tsaye sai kai kawo yake. Ya kagu yaga sun dawo yaji ya ake ciki.

Gashi jibi zai koma. Lukman ya kalle shi yace

"ka soma sakani jiri. Ka zauna waje daya dan Allah"

Dariya yai da tunda yazo lukman baiganta ba.

"Ina ruwanka dani. Wai su haneef sun awa daya da tafiya ko?"

"Ko minti goma basuyi ba"

Zaro idanu yai.

"Ni bana son karya. Kasan ko lukman. Allah ina son ta sosai"

Dariya lukman yai. Tun jiya yake fada musu yana son safiyya kaman wani cikinsu yace karya yake yi.

*

Lokacin da suka isa bichi. Suka aika ai musu sallama da babansu safiyya.

Akace yaje gona. Jin da inna tai sun aiko cewa daga nesa suke kuma magana ce mai muhimmanci ta aika usman ya kira shi.

Cikin soron gidan aka shimfida musu tabarma suka zauna. Harda ruwa aka kawo musu.

Yanda babansu safiyya ya karbe su a mutunce zaka rantse dama can ya sansu.

A nutse babban yaya yai masa bayanin cewar kaninsu yaga yarshi yana so.

Cikin taushin murya yace.

"Allah sarki. Gaskiya mungode kwarai da gaske. Saboda wanda ya nuna ma naka so har abada ya wuce wulakanci.

Sai dai kudin sadakinta yakai wata biyu a hannunmu. Yanzun haka bai shige sati hudu ya rage a daura mata aure ba.

Kuma gashi bata da wata kanwa ballantana"

Wani abu haneef yaji ya kulle a cikin shi. Murya a sake yace

"Yanzun baba babu yanda za.ai a dan duba mana. Wallahi yana sonta matuka"

Murmushi yai.

"Dan nan ka taba ganin inda akai nema cikin nema? Dama ace ba.a amsa su bane.

Mungode matuka"

Baki haneef ya bude zai sake magana yaya babba ya katse shi da fadin.

"Mungode muma. Ga wannan. Allah yasa hakan shi yafi alkhairi"

Sam baban su safiyya yaki karbar kudin da yaya babba ya bashi. Dakyar daban baki ya samu ya karba.

Suka tashi suka tafi.

*

Tabar mar ya shiga da ita gida. A tsakar gida ya ke nuna ma inna kudin yana labarta mata abinda ya faru.

Safiyya dake daki tana jiyo su. Tanajin baba ya kira sunan fu.ad zuciyarta ta wani doka.

Hade kai tai da gwiwa. Bata san kuma me zatayi ba. Kukane tayi shi harta godema Allah.

Wato saida ya turo neman aurenta gidansu. Taya zata samu ta manta dashi