You Cannot Download this book untill you login but you can read it .

---

Login Register

gini ana wani hadadden gida na siminti. to tanan ya shigo, da yaga sadiqu yana nuna zaure sai ya tasamma gurin.
Yana ƙarasawa sai yaga Hafsa da wasu samari guda hudu, kayan jikin su kamar na ma'aikatan gona.
Iso ya musu, tare da kama hannun Hafsa ya shigo da ita cikin gidan, a lokacin ko wane mai rai na gidan sai da ya fito har da matan Lawan kuwa, Mama da bata jima da warkewa ba seda ta fito bayan ta kuwa Jamila ce a tsaye tun sanda sadiqu yayi ihu daman dukkanin su suka fito, su Mama Kulu ana gaban murhu ana dafa kunu, Azima tana wanki dije tana tankade, ko wannen su da yaga sadiqu ya taho ya tsaya cirko cirko.

Lawan suka gani ya shigo riqe da Hafsa a hannun sa, ai da gudu Jamila, dije da Azima suka je suka rungume ta, har sai da suka zube a kasa, sadiqu ma daya ga haka yaje ya runguma ta sai ihun murna suke tayi
Kamar hadin baki suka ji sallamar Malam Sule Mai Rini, kuma dawowar sa kenan daga tafiyar da yayi, can bayan an gama su murna, masu koke koke sunyi sun gama, da aka natsa Malam Sule Mai Rini ya sallame waɗanda suka rako Hafsa, Seda suka ajiye manyan jakunkunan da suka zo dashi kapın suka tafi.

Su Mama Lantana tun da suka kyallara ido suka ga jakunkunan hankalin su ya koma wurin, Mama Kulu tsabar kwadayin har dena marmarin dawowar mijin nasu tayi, ta karkata hankalin ta kan jakunkunan.
Sai can zuwa azahar aka miqe akaje akayi salla, har yanzu hankalin su Mama Lantana yana gun jaka, Sadiqu da ya ga haka ya zauna yaqi ya tashi ko sallan ma yayi.
Da shigan Hafsa dakin su Mama yazo ta riqe hanun ta ta bude wani sabon babin kukan, ita kada tasan yadda tayi kewar yarta, ta ringa nan nan da Hafsa, ita da kanta ta shimfida mata sallaya tayi salla ma, ita Hafsa abun har ya so ya bata dariya, dan seda ta murmusa, Jamila kuwa a jikin Hafsa tayi sallah, duk sai suke ganin kamar Hafsan ta canza musu, ta zama wata shiru shiru, Mama har ranta take roqon Allah ya sa Hafsan ta shirya
Bayan da suka yi sallah suka koma tsakar gidan nasu, lokacin har an aika su halime da Fati sun iso. Zama akayi a tsakar gidan aka ce Hafsa ta bada labarin abinda ya faru aka kaita sannan da dalilin dawowar ta, nan Hafsa ta bada labarin komai, amma ta cire inda Yarima yake dukan ta da dalilin da yasa aka kore ta, cewa tayi kwanakin da aka ɗebe mata ne suka kare. A hakan ma Yarima bai tsira ba seda su Dije su kayi ta zunduma masa ashar har hakan ya ɓata ma Hafsa rai.
Bayan an kira la'asar Malam Sule me Rini y miqe ya saka su Azima su saka kayan da aka aiko Hafsa dashi cikin dakin sa, shi kuma ya miqe yaje masallaci, daga nan zai wuce gidan yayansa Musa ya maida masa da batun in yaso ko gode suje su miqa gaisuwar godiya a fada.
Wannan kenan

__________

Da dare yayi su Hafsa suka fita gada, Seda suka yi kusan awa biyu suka dawo gida a gajiye
Can da ta nitsa mama tace ta basu labaran abinda ya faru a masarautar, nan ta dinga basu labarin irin damben da ta dinga yi, na dariya suyi dariya na kuka suyi kuka, a nan ne Hafsa take fada ma Mama kan ta hadu da wani wai Ibrahim dan masarautar Borno da kamannin da yace tana masa da wata, harma yace zai dawo, ita dai Mama bata ce komai ba, amma taji somewhat uneasiness a ranta.

Suna ta hirarrakin su har barawon yazo ya sace su
On the other hand kuma, mama Lantana da Mama Kulu da kyar suka yi bacci, dan har sai da suka yi maganan jakunkunan akan Malam tsabar bakin hali ya biye jakunkunan a dakin sa. Nan dai suka rabu rai babu dadi.

Su Azima kuwa sunji dadin dawowar Hafsa domin ita ce mai tare musu fada duka da tana xin zalinsu, suma din kuma ba baya bane wajen rashin kunya.

Washegari Baba yayi sammako suka je fada shida Baffa Musa suka je yin godiya, sai a lokacin aka fada musu sanadiyyar koran Hafsan, nan suka dawo jiki a sanyaye, da Malam Sule me Rini ya koma ya qira Hafsa yaji ta bakin ta itama ta fada masa kamar yadda ya faru
Sede tace masa ita Babu laifin ta a ciki.
Wannan kenan.



Ban yadda wani yayi amfani da wani sashe na littafin nan nawa ba, ba tare da amincewa na ba, domin zan dauki tsattsauran mataki akan hakan, dan haka a kiyaye.

Idan littafin nan kake nema, complete ko wani sashe toh ga nan numbern waya na a sama duk me san yayi min magana, ya min ta nan.

Da fatan an fahimta.
Nagode.


>>>>>>>>>>>>>🖋️💻







🤴*YARIMAN HAFSA.....!!*🤴
(A 1950's Royal Love Story)




Na Fatima Idriss🖋️🖋️
09020588802
Wattpad; fadrees_20


Page 21


Hakkin Mallaka nawa ne Ni Fatima Idriss Bello
Ban yadda a juyamin littafina ta ko wane irin tsiga ba, ko kuma ayı audio ba tare da izinina ba domin hakan ze iya janyo ma mutum matsala.
Dan haka a kiyaye.



Yini sun lulluɓa zuwa kwanaki, kwanaki kuwa sukayi ta rikiɗa zuwa makwanni, makwanni kuma suma suka juye zuwa watanni , sede a cikin watannin akwai wata daya.
Yarima na hango ya fito daga sashen sa, shigar jikin sa kuwa riga ce da kuma wando mai zaiba, ruwan goro, yayi kyau abinsa, ya dora alkyabba ruwan kasa akai, takalmin nan nasa sai daukar ido yake. Gashi yasha rawani abinsa, sashen mahaifiyar sa ya nupa, bayan ya miqa mata gaisuwa ya wuce sashen Sarauniya Babba itama ya miqa mata gaisuwa budar bakin ta kuwa sai tace
"Ina zuwa Yarima"?
"Zan zagaya gari ne kamar yadda na saba" ya bata amsa Kamar baya san yin magana
Murmushin gefen baki sarauniya babba tayi, kapın tace "a dawo lapiya".
Mikewa Yarima yayi nan da nan ya kama hanyar fita daga cikin masarautar tare da hawa kan keken dokin sa, mai kalar ruwan sararin samaniya.
_____________________

Gidan Malam Sule me Rini a cikin kwanakin nan ya koma kamar dai yadda yake a baya, Hafsa ta zama shiru shiru ta rage fitina amma rashin kunya da dambace dambacen ta na nan musamman in an tsokane ta, dan sunsha yin cacan baki ita da matar yaya Lawan, dasu Dije sai mama ta sa baki take kyale wa, makwabta yan uwa da abokan arziki, ba wanda bai zo ya gaida ta ba, ta samu alheri sosai, musamman daga gidan mai unguwan su, dan su shiryuwar Hafsa gaba ta kai su, dan an dena dukan musu ƴaƴansu, hatta su garzali sai da suka zo suka taya yar uwarsu murna na dawowa tare da kawo mata tsaraba kala kala, fadin kalar tsaraban da Hafsa ta samu ma bata lokaci ne Malam Sule me Rini Seda yayi sati Uku kapın ya koma bakin aikin sa, ba tare da ya bude wannan jakunkunan da su Mama Lantana da Kulu suka kwallafawa rai ba, hakikanin gaskiya ransu sai da ya ɓaci da ya tafi, gashi makullin dakin nasa yana hannun Mama Zainabu. Shi kuma dalilin da ya sa yaqi bude jakan gani yake jakunkunan sunfi karfin su, sannan yana kyautata zaton za'a iya cewa su maida, to shi baya so ya taba a samu matsala.

Yau bayan an gama karin kumallo su Mama Kulu an gama sana'ar safe, su Azima kuwa an fice yawo, Mama ne ta kira Hafsa tace taje gidan mai unguwa ta musu godiya daga bisani sai ta wuce gidan su kawarta Habiba, tunda tun sanda ta dawo take ziryar zuwa gidan nasu.
_____________________

Fitar Yarima kuwa keda wuya sai na hango wadannan samarin da suka raka Hafsa har gida dinnan, sun taho garesa sun zube sun kwashi gaisuwa.
Kallon babban cikin su Yarima yayi yana jiran ƙarin bayani daga gare sa
"Allah ya ja da ran Yarima, mun miqa saqo kamar yadda aka umurta da muyi, saidai alamu sun nuna ba'a bude saqon ba tukunna, idan da an bude da wani maganan ake yi ba wannan ba".
Matashin ya karashe maganar yana mai sunkuyar da kansa kasa
Sallamar su Yarima yayi, ya kama hanyan zuwa unguwan su Hafsa

Sallama aka masa a kofar gidan mai unguwa yana zaune a cikin keken dokin bai ko fito ba dogarawan da suka masa rakiya sai filfita suke masa, Mai unguwa ko dajin wa ke sallama ya saba babbar rigar sa bai ko jima ba sai gashi ya fito a rikice, yana zuwa ya zube ya kwashi gaisuwa a gaban sa
Nan da nan yasa aka ma Yarima iso cikin dakin shakatawan sa, cike da ƙasaita da tsantar sarauta yarima yake taka kasan, Seda ya shiga dakin shakatawar mai unguwa ya zauna, sa'anan mai unguwa yasa aka kawo abubuwan taba baki, da ya natsa, sai ya fara koro bayani kamar haka
"Ina so ka nemi Malam Sule me Rini ka aika masa da kiran gaggawa yanzu "
Ko gama maganan sa beyi ba mai unguwa ya zari takalmin sa yaje kofar gidan su Hafsan da kansa, kasancewar layin su daya dama, sannan gida bakwai ne ma a tsakanin su.

Da ya rabza sallama sai yaga Hafsa da Jamila sun fito, daga gani sunyi shirin fita ne zuwa wani guri, da ganin sa har kasa suka tsugunna suka gaida shi, shi kuwa ganin Hafsa yace "ja'ira" a ransa.
Sadiqu suka gani ya fito shima, nan da nan shima ya gaida mai unguwa sai a lokacin su Hafsa sukayi ficewar su daman Mama gidan mai unguwan ta aike su wai Hafsa taje ta musu godiyan sakonnin da suka aiko mata da ta dawo, Sadiqu kuma mai unguwa ne ya aike shi yaje ya ƙira masa Malam Sule me Rini, sai sadiqun yace masa ai Malam Sule ya koma bakin kasuwancin shi, sai ya tambaye sa ko Lawan yana ciki, shine yace bari yaje ya dubo, ko da zuwan sa, sai ya iske baya nan, wai yaje kasan layin su, shi kuma mai unguwa baya so ya koma Yarima yaga kamar ya kasa ne sai ya aiki Sadiqun da yaje ya kira masa Lawan din da hanzari, shine yaje ya samu Lawan ya kira sa, da ya zo ya miqa gaisuwar sa ga mai unguwa sannan mai unguwa ya fada masa abinda ke tafe dashi, shine shi kuma yace bari yaje ya canza kaya suje gun Yariman, a ƙalla an dauki mintina talatin kan mai unguwa da Lawan suka koma gidan mai unguwa, suka iski Yarima bisa kafofin sa yayi mutuwan tsaye.

_________________

Hafsa ce suka zo shiga cikin gidan mai unguwa dogarai suka hana su, gida dai gashi nan babban gida ne  mai dauke da zauruka har uku sun wuce zauruka biyu a na ukun da zai sada ka da cikin gidan taga su barau din a tsatsaye tayi tayi ta wuce suka ce ta koma, ai mutane dayawa sun zo ance su koma, Hafsa kuwa ranta ya ɓaci tace baza ta koma ba, Jamila sai jan hannun ta take tana fusgewa, daga hannu tayi ta shararawa barau mari, daman bata manta shi ba, shine dogarin da Yarima ya taba sawa ya zane ta da tana gidan sarki, sauran sai suka tsaya suna mamaki, a garin kallon mamakin da suka tsaya ne ita kuma ta janyo hannun Jamila suka fada a zaure na ukun, ganin haka sauran dogaren suka biyo su, Hafsa kuwa ta damqi hannun Jamila suka fada a cikin dakin shakatawan mai unguwa inda suka iske Yarima a zaune wani bafaden na masa filfita.
Zuciyoyin su ne suka buga a tare, Allah Sarki Yarima tun sanda Hafsa ta dawo gida da tunanin sa take kwana take tashi, idan lokacin cin abinsa yayi sai tace, ƙila Yarima yanzu haka yana cin abinci, ko tace ƙila ya gama, tafi yin tunanin sa idan dare yayi musamman taga su Mama sun yi bacci ita da Jamila, toh zata dauki matashin kanta ta rungume shi har sai bacci ya dauke ta, yanzu kuwa da take kallon sa nan take shima idon sa ya fada a cikin nata, aka fara kallon kallo. Shima gaskiya yayi missing nishadin da yake sha, idan ya sa ta aiki tana gunguni da mita, karan zubewar Jamila kasa ne ya dawo da hankalin su kowa ya janye idanunsa daga cikin na dan uwan sa.
Kwasar gaisuwa Jamila tayi, sai ya kasa ce mata komai kawai ya tsaya yana kallon ta, hakika tana matukar kama da Hafsa, gata itama kyakkyawa ce sosai, Hafsa kuma ta kasa motsawa, suna a haka ta jiyo alamun za'a shigo, shine ta damqi hannun Jamila suka yi waje suka fada a cikin gidan mai unguwan.

Su kuma dogarawan da suka biyo Hafsa ganin ta shige cikin dakin shakatawan ne yasa suka koma, domin sunsan dogarin dake ciki zai hukunta ta daidai gwargwado.
Su Hafsa kuwa suna fita suka je suka yi abinda ya kawo su, matan mai unguwa sai sa musu albarka suke, su kansu sunji dadin ganin ta haka, yaran su sun dena dawo musu gida da kuka da majina, dan Hafsa ba ruwan ta da yaran mai unguwa jibgansu take yi ba tausayi
Da suka fito, sai suka nupi hanyan gidan su Habibah.
Hafsa hadda ma dogarawa gwaliyo tare da zagin su



>>>>>>>>>>>>>🖋️💻







🤴*YARIMAN HAFSA.....!!*🤴
(A 1950's Royal Love Story)




Na Fatima Idriss🖋️🖋️
09020588802
Wattpad; fadrees_20


Page 22


Mai unguwa kuwa da suka shigo tare da Lawan, suka iske Yarima a tsaye yayi mutuwar tsaye, zubewa a kasa yaya Lawan yayi, ya kwashi gaisuwa
Nan da nan Yarima ya zauna, tare da daga masa hannu alaman ya amsa.
Guri mai unguwa ya nuna wa Lawan da ya zauna, shima ya samu guri ya zauna suka zuba wa Yarima idanu
Hannu Yarima ya daga wani saurayi ya shigo, Lawan ne ya lura da saurayin da kyau, sai yaga ashe yana yawan ganin sa a gidan simintin da ake ginawa na jikin gidan su.
Saurayin mai suna injiniya Kabir ne ya shigo ya zube ya diba gaisuwa kan ya fara magana kamar haka
"Ginin gidan ya kammala ranka ya dade, komai da komai an saka a ciki kamar dai yadda ka umurta da ayi shi saura kuma umarni na gaba"
Kallon jinjinawa Yarima ya masa, kamar da hadin baki sai ganin shigowar Sulaiman suka yi, nan da nan su Lawan da injiniya har ma da mai unguwa aka kwashi gaisuwa
Da ya natsa ne ya fara bayani kamar haka;
"Gidan da aka gama gina wa kyauta ce Yarima ya baiwa Hafsa domin irin jajircewar ta gurin aiki a Masarauta, idan ban yi kuskure ba ma, akwai saqon da aka rako ta da ita tun ranar da ta dawo, dayan makullin gidan yana ciki, sauran makullayen kuwa gasu a nan, za'a baku ku tafi dashi, wannan shine dalilin da ya sa aka nemi mahaifin ta sede baya nan, shiyasa aka nemi yayanta, sai kuma mai unguwa da aka biyo ta hannun ka dan ka zama shaida kai da Kabir gashi a nan.
Tun da aka fara bayani jikin Lawan ya kama karkarwa jin zancen yake kamar almara, haba inaaa, ai hakan baza ta sabu ba wai bindiga a ruwa. Da aka gama zance kuwa Lawan ya fada kasa yana mai fadin
"Kuyi min aikin gafara Allah ya baku nasara, wllh baza mu iya karban wannan gida ba, domin yapı karfin mu, sannan mutane zasu yi ta cece kuce ne, za'a ce ita Hafsan nawa take da za'a bata kyautan wancan dankareren gidan, sannan wane irin aiki tayi haka da mai girma Yarima zai bata wannan danqareren gidan"?

Da jin haka Seda Sulaiman ya murmusa, yasan za'a rina daman, wai an saci zanin mahaukaciya, can dai ya samu karfin halin budan bakin shi tare da cewa, "kenan bakwa san kyautar da Yarima yayi muku kenan" nan da nan Lawan ya kama karkarwa tare da cewa "tuba nake ranka ya dade, sam ba haka nake nufi ba, wane Ni in raina abinda ya fito daga fada, sam ba haka bane".
Budar bakin Sulaiman kuwa cewa yayi, "gidan nan dai kyauta ce Yarima yayi wa Hafsa, ga nan makullai, mai unguwa ka zama shaida, nan da nan mai unguwa ya fara koro godiya, tare da sanya alheri.

Miqewa suka yi, bayan sun ajje ma mai unguwa nasa rabon a wata jaka, budewa yayi yaga a cike suke da sisi ne, taro da kwabbuna, kudi kusan fam dari da wani abu, ai bai san sanda yabi bayan su ba, ya cigaba da surfo musu ruwan du'a'i.
Sai da suka shige keken dokin kapın ya koma gidan sa cike da matsanancin farin ciki mara misaltuwa. A nan ya tadda Lawan a rikice idanu ya firfito, nan yace ma Lawan ya dauki makullai ya tafi, Lawan yaqi dauka, karshe dai in takaice muku zance, barin makullan yayi yace ya bari idan Malam Sule Mai Rini ya dawo sai ya rako sa ya masa bayanin.
Wannan kenan

__________
Bayan da suka shige keken dokin, gidan gonan Sulaiman dake unguwar gaban na su Hafsa suka nupa.
A ciki akwai lambu babba sosai, akwai dabbobi kala kala, kama daga dawisu, jimina da agwagi da dai sauransu, a daya bangaren kuwa kayan marmari ne iri-iri, kama daga lemu, ayaba, kankana, tuffa da dai sauransu, sannan a ciki akwai shuke shuke kala kala, wanda in na tsaya zayyanowa, zan bata baki na ne.
Da isar su masu gadin gonan suka zo suka bude, kutsawa cikin lambun suka yi sai akayi parking din keken dokin a wajen ajje wa, aka bar dogaran suyi gadi, sai a lokacin su Yarima suka samu sukuni shida sulaiman daga su leqa nan sai su leqa can suna ɗan tadi jifa jifa, Sulaiman sai tsokanan shi yake na abubuwan da ya tsara lokacin da yake kulle na kyautar gida da kuma kudaden da yayi wa ahalin Hafsa, suna tsaye Sulaiman yace bari yaje ya samu babban mai gadin gidan gonan suyi magana ya fada masa me da me ake bukata, nan yabar Yarima Idriss a tsaye a gun yana karewa tsuntsaye kallo tare da lulawa duniyar tunani.

__________

Hajiya Hafsa na hango an fito daga gidan su Habibah, biye da ita Habiban ne da Jamila, suna tafiya suna ɗan tadi ita Hafsa tana bata labarin gidan sarki, ita kuma Habiba tana bata labarin an saka mata rana, Hafsa hadda ihun murnan ta, suna tsakiyan yadda zasu tsara abunsu ne, suka hango Zaliha a tafe, lokacin har sun yi nisa da tafiya, tsokanan Hafsa Zaliha ta fara, wai ta tafi yawon ta zubar da sunan wai masarauta, hakan da tace kuwa sai ya bata ran Hafsa suka kama dambe, suna tsakiyan dambe suka hango kura a tafe tana gudu, ga takunkumin da aka mata tana ta kokarin ɓalla wa, ƙafa mai Naci ban baki ba, nan suka ranci na kare har Zalihan, suka fada cikin wani babban gidan gona da suka gani a hanyan. Daga ta cikin gonan suka ga wani yabi kuran akan doki, shine suka samu daman kutsawa can ciki, a ranan tunda suke a rayuwar su basu taba ganin tashin hankali irin yau ba, kura fa? Yanzu kila da zancen wasu ake yi ba nasu ba. Saida suka gama maida numfashi kusan mintina har goma yasa suka dawo hankalin su, Ganin yanzu Zaliha ita kadai ce yasa suka mata taron dangi suka mata dukan tsiya banda Jamila da take basu hakuri akan su kyale ta kar su ji mata ciwo, su daga kai suka hango wani dogari na zuwa hannun sa dauke da dorina mai baki goma, nan da nan kowa yayi hanyarsa a cikin gonan suka bar Zaliha da dogari.

_____
Hafsa da ta ɗeba da gudu bata tsaya a ko ina ba sai cikin lambun ya'yan itatuwa, bata ankare ba taji ta fada akan abu har sun kusa zubewa kasa ma Allah ya takaita. Ta daga ido sama, sai taga Yarima ne, nan da nan jikin ta ya kama karkarwa sannan bata cika shi ba, hannun ta yaja suka kutsa cikin itatuwan gun da ɗan duhu gudun kar wani bafaden sa ya gansa ata nan ajin sa ya zube, gun kuwa harda kujeru a ajiye, zama yayi tare da zaunar da Hafsa itama.
Zaman nasu keda wuya hafsa ta harare shi tare da cewa "Barka dai, sannun mu"
Shikam mamaki ne ma ya cika shi ganin tsagwaron rashin kunyan Hafsa, wato sannun mu ma zata ce, tafi ƙarfin ta gaida shi kenan, lalle ma, kawai sai ya zuba mata ido.
Tsintar Muryar ta yayi tana cewa;
"Nasan tunanin da kake yi a ranka Allah ya baka nasara, sede nan ba masarauta bace, duk da nasan zaka iya sakawa a zaneni a nan dinma, sede wlh kapın a zaneni sai na cije ka, na dade ina so in cije ka Wallahi, idan na tashi cizon ka sai na raba fatar ka da jikin ka, kaji irin muguntan da kamin Nima" ta karashe tare da murkuda masu baki, hade da hararar sa.
Kallon toh ki ciza din ya mata
Ai kuwa ta kama damtsen hannun sa, ta sa hakori, ta gallaza masa wani uban cizo, inaga da shi ba namiji bane da sai ya suma dan kururuwa da zafi, sai da taga dama ta cika, shi kuwa ko gezau hakan da yayi ya matukar bata mamaki gashi gurin yayi bala'in ja dan har fatar shi saida ya ɗan fara ɗayewa.
"Kin huce"? Ya tsinci bakin shi da furta wa
"Ai wlh ban gama hucewa ba, duk sanda na hadu dakai sai na cije ka wlh, se dai kasa a daureni". Ta karashe tana murkuda masa baki, kuma akan idanun sa.




>>>>>>>>>>>>>🖋️💻







🤴*YARIMAN HAFSA.....!!*🤴
(A 1950's Royal Love Story)




Na Fatima Idriss🖋️🖋️
09020588802
Wattpad; fadrees_20


Page 23

Hakkin Mallaka nawa ne Ni Fatima Idriss Bello
Ban yadda a juyamin littafina ta ko wane irin tsiga ba, ko kuma ayı audio ba tare da izinina ba domin hakan ze iya janyo ma mutum matsala.
Dan haka a kiyaye.


Shirin miqewa Hafsa tayi, taji ya riqe mata kafada
Zata yi magana taji yace mata "Duk sanda kika zo gonan nan, ki dinga zuwa kina duba Ni, idan bana nan, ki rubuta wasika ki bada a bani haka aka san bawan kwarai da yi ma uban gidan sa."
"Çapdi jam, meyasa zan sake dawowa gonan nan ma, sannan meyasa zan ajje maka wasika, a garin ajje wasika inje a hallaka ni ko en uwana? Sannan ma nipa duk duniya ba wanda naqi jinin sa kamar kai, tun sanda kasa aka kaini masarautar ku na riqe ka a zuciya, yanzu so nake insan mai zan maka ma da zan huce haushin ka da nake ji"
Ita kanta tsintar muryar ta tayi ta furta haka, Wayyo Allahnta, idan ma raga mata yake yau kam zeci ubanta ne, wayyoooo ta shigan gaɗa yau kam, ai nan da nan ta zube a kasa wai tana neman afuwa.
Shi kuma wlh mamakin kansa ma yayi, da ya tsaya wai yake hira da baiwarsa, baiwar sa fa fisabilillah, shiyasa ma ta samu daman raina shin. Sannan ma ya kasa mata komai
Tsintar kansa yayi da ɗago ta, tare da mata rada a kunne kamar haka "Nima zan dinga rubuta Miki wasikan, idan yaso duk sanda kika karba, sai ki mayar da amsar ki, kuma kin manta kince duk sanda muka hadu zaki cijeni ne?".
Kasa cewa komai tayi, ta kwace hannun ta, ta murkuda masa baki tayi tafiyar ta, samun kansa yayi da yin murmushi can ƙasan ranshi, kapın shima yayi cikin gonan.
Yana ƙarasawa kuwa ya hadu da Sulaiman, suka yi ta hiran su, masu aiki na ta musu hidima.

_____________
Jamila kuwa da Habiba, bangaren dabbobi suka sauka, da isan su kuwa talo talo suka biyo su, ba shiri suka kwasa da gudu suka rasa hanyar fita, ashe akwai wani kofa ta bayan lambun, da suka ga a rupe shine suka hau katanga suka dira dan bashi da tsayi, bayan sun dira suka zauna suna ta kwasar dariyan tseren da suka yi tare da maida numfashi, sai a lokacin suka tuno da sun bar Hafsa a cikin lambu, dole suka zagaya ta ainahin mashigar gidan gonan, inda suka tsaya suna jayayyar wanda zai shiga, can kuwa suka hango Hafsa ta taho a guje ga wani leda ta rungumo shi a cikin hijabin ta, tana isowa gunsu suka saka da gudu, sune basu tsaya ba se a gurin nan da aka ɗauki Hafsa aka tafi da ita masarauta.
Ai kuwa Yarima