You Cannot Download this book untill you login but you can read it .

---

Login Register

wanda ya saka gini kwanaki ba, bari zai sake bincike a kansa.
Sai da ya kwana biyu sannan ya hadu da Murja ya mata alaman tazo ta karba, daman ta dade tana zuwa sashen nasa ko Allah ze sa ya bata wasika sai ranan Allah yayi

Da taje ta karanta ta dinga murmushi
Nan da nan ta tafi dashi makarantar su na bayi, ta maida mata da amsa, da washegari ta kai sashen Yarima shi kuma ya baiwa Sulaiman ya bata.
Haka Yarima suka ci gaba da exchanging wasiƙu shi da Hafsa, wataran hadda na murja ma. in ya karanta wasiƙan ta ya dinga dariya kenan, har aka zo aka saka ranan auren sa da yammata guda biyun. Tare da na Sulaiman da Gimbiya Bilkisu na Samira ne aka dan samu canjin lokaci.
Wannan kenan


>>>>>>>>>>>>>🖋️💻







🤴*YARIMAN HAFSA.....!!*🤴
(A 1950's Royal Love Story)




Na Fatima Idriss Bello🖋️🖋️
Wattpad; fadrees_20


Page 26



Hakkin Mallaka nawa ne Ni Fatima Idriss Bello
Ban yadda a juyamin littafina ta ko wane irin tsiga ba, ko kuma ayı audio ba tare da izinina ba domin hakan ze iya janyo ma mutum matsala.
Dan haka a kiyaye.



Yau Hafsa da zazzabi ta tashi sam ta rasa meke mata dadi, ko dan auren da taji ance za'a yi ma Yarima ne oho, toh ita meye nata ma a ciki ita da take da injiniya Kabir guda? Cikin en kwanakin nan da suka shige sau biyu ta hadu da Yarima a gidan gona, duk sauran a wasika suke magana, sannan duk sanda ta shiga gidan gonan, sai ta kawo ya'yan itatuwa, Mama har ta gaji da mata magana, daga karshe sa Jamila tayi ta bi bayan Hafsan inda ita kuma Jamilan tazo ta fada ma Mama, aiko mama har da mata dundu daga nan ta hana ta fita, ta sha satan hanya ta fita amma sai mama ta kama ta, daga karshe sai ta dangana, sai kuma in hira zata yi da injiniya, yau watan baba biyu da satika har biyu kenan bai dawo ba, amma yana aiko musu da aike da wasiku shiyasa basu daga hankalin su ba.

________

A Masarauta kuwa Fada ne a cike da mutane ana fadanci, wani dogari ne ya fado cikin fadan a firgice ko sallama baiyi ba ya zube a kasa yace, "Allah ya baka nasara, yanzu yanzu aka aiko Ni da inzo in sanar Allah ya yi ma yar gidan ciroma wanda Yarima İdriss zai aura rasuwa.
Nan take fada ta dau salati dan babu wanda bai kadu ba a gurin, daga masu sakin baki sai masu mutuwan zaune, ba'a gama jimami ba aka ji wayan tarho dake cikin fadan yayi kara, nan da nan magatakarda ya miqe tsaye yaje ya dauki wayan, "layin masarautar Gombe" ya furta kapın ya amsa kiran ya saka a hansfree,
"Barka da warhaka magatakarda, magatakardan masarautar Gombe ke magana, Mai Martaba Sarkin Gombe yace a sanar da Mai Martaba Sarkin Bauchi kan Allah yayi wa yarsa wadda Yarima Mai jiran gado na Bauchi zai aura rasuwa, yanzu yanzu. Jana'iza da yamma".
Gaba daya sai fada ta kaure da hayaniya, salati kam har bata ƙirguwa.

________
Kusan karfe sha biyu Hafsa ta fito cikin gida ta zauna Kamar daga sama suka ga Dije ta fado gida, daga ganin bakin ta zaka san gulma ta kunso, ilai kuwa tana shigowa tsakiyar gidan nasu tace, "yanzu naji wani labari daga fada, ance matan da Yarima zai aura dukkan sun mutu yau", nan da nan pah gida ya kaure, kowa ya fara tofa albarkacin bakinsa, daga Mama Lantana tace gwanda ma tun yaushe yakamata a masa aure anki, seda lokacin sa ya wuce, sai Mama Kulu tace shi yake kashe su kawai.
Ashe ba'a gidan nasu bane kaɗai ake ta jimamin ashe duka garin ne ya dauka, wasu cewa ma suke shanye jinin su yake yayi tsafi dashi, da abubuwa dai kala kala marasa dadin ji.
Ai nan da nan Hafsa taji zazzaɓin nata ya ware, da gudu tayi hanyan waje sai gidan gona, tana zuwa ta tarar bai kawo mata wasika ba, daman ita ta bada last, nan ta dawo gida gwiwan ta a sake, tana kwanciya kuwa zazzaɓin ya sake lullubeta, tunanin Yarima ta fara yi, tasan yanzu haka yana cikin tashin hankali, ga yanzu maganan da mutane suke tayi akansa, har sun manta alherin da ya musu, dakyar baccin wahala ya kwashe ta. Ba ita ta tashi ba sai yamma, haka tayi wunin ranar sukuku, da injiniya yazo ma bata samu daman fita ba.

_______
Bayan jana'izar yar ciroma, aka wuce Gombe akaje akayi na yar sakin kana aka dawo, rana na bakwai, babban malamin garin Bauchi yace ya bada auren yarsa ma Yarima İdriss. Idan ya'yan wayancan basa addu'a toh shi tashi tana yi, sannan shima zai dinga mata, aka saka rana daidai da na su Sulaiman, ya kama wata daya kenan, duk da haka mutane sai maganganu ake akan matan da Yarima zai aura.

Fulani mahaifiyar sa tafi kowa shiga tashin hankali, kusan wuni take tana kuka da tausayin danta, da cewa take natural death ne amma yanzu ta fara tantama, yanzu ta tabbata wani ne yake san ganin bayan Yarima shi yasa yake masa haka, sarauniya babba da kanta taje sashen nata tana ta rarrashin ta har ta samu kanta.

Yarima kam ba'a magana, shi baima san
Me yakamata yayi ba, Sulaiman ne ya raka shi sashen sa ya dinga tausar sa har Allah ya sa ya kwantar da hankalinsa dan wannan babban al'amari ne. Samira hadda kukan ta ita da Bilkisu.
Yanzu dai sun bar wa Allah komai suna jiran suga kuma ko yar Malam zata mutu ne eh ko a'a.
Wannan kenan.
___________

Kilishi ce durqushe cikin kogon boka Kapoor ta rabga masa kwanciya, da sunan girmamawa, bayan ta gama zayyano masa godiya, tana so ta masa tambaya amma ta rasa ta yadda zata fara, shi kuma da yake yasan tambayan me zata masa sai ya bata amsa kawai
"Muna ta kashe masa mata, kenan daman ƙaddaran sa ce ba zai yi aure ba?, ya maimaita mata tambayar ta a fili. Ɗaga kai tayi ta kalli sashen da yake, dan bata isa ta haɗa ido da shi ba, gudun kar ta rasa ranta
"Duk matan da zai aura sai sun mutu, sannan ƙaddarar sa ta tabbata din kenan, Indai har nine boka Kapoor toh ba shi ba aure har duniya ta naɗe". Ya karashe yana dariyar mugunta, itama kanta dariyar muguntan Kilishi ta sake, nan da nan ta masa godiya ta bace.

Kishingida tayi tana ta murnar abinda yake faruwa da Fulani, ko ba komai tasan dai yanzu an kusa shafe matsayin sa na Yarima Mai jiran gado, a bawa danta,  gaskiya taji dadi. Sannan tasan idan yar malamin nan ta mutu ba wanda zai sake basa aure, idan taga dama ma, haɗa husuma zata yi da masarautar nan da kuma masarautun da aka kashe musu yara.

____
Da Hafsa taji ance za'a masa aure da yar liman kuma yanzu har saura sati daya ba abinda ya faru, sai ta kwantar da hankalinta, a lokacin ne taje gidan gona ta amso wasikar sa, da ta dawo ta karanta, ta sake rubuta masa wani ta kai.

Yau saura kwana biyar ayi auren yarima da Sulaiman, tun ana saura kwana 15 aka fara su raye raye, kade kade da kuma bushe bushe. An gayyaci masarautu da dama kuma duk sun amsa gayyatar, hakika an sha wasanni daban daban. Kuma tun a lokacin aka saka amare a lalle

____
Yau ne ta kama ranar juma'a, ranar daurin auren yarima da Sayyada, yar gidan Malam, sai kuma Sulaiman da amaryar sa Gimbiya Bilkisu.
Bayan an hallara a cikin masallacin fadan ana shirin fara daura aure wani dogari ya shigo ya zube a ƙasa yana haki cikin tsananin tsoron abinda zai fada,
"An aiko Ni ranka ya dade daga gidan Liman akan in zo in sanar Allah yayi wa yarsa Sayyada rasuwa yanzun nan, nan da nan masallaci ya harzike, sai a lokacin aka lura ashe Liman baya cikin masallacin.
Yarima ne yayi mutuwar zaune, gaba-daya ya kasa motsi seda Sulaiman ya jijjiga ga, zuciyar Sarki Sulaiman saida ta buga tsabar firgici, waziri ma Seda ya tsorata, salati aka dinga sawa a fadan ana ta sallallami.
Sarkin fada ne ya tsawatar akan kowa yayi tsit, nan da nan kuwa fada tayi tsit, shi waziri tunanin da yake da yana da ƴa a yanzu zai bawa Yarima ita a daura musu aure, sede yarsa daya ce, kuma an mata baiko, nan da nan sarki da manyan fada suka shige daga ciki aka bar jama'a a cikin masallaci an yi tsit, kamar wanda mutuwa tazo ta gifta.

Galadima ne yayi magana kamar haka, "Hakika wannan al'amari ya daure min kai, menene dalilin da ya sa matan da Yarima zai aura suke mutuwa"
Waziri ne ya karbi zancen da fadin "Hakikanin gaskiya nima abun yana daure min kai, amma yanzu ba wannan bane a gaban mu, mafita Yakamata mu nema masa"
Ciroma ne yace "Wannan gaskiya ne Waziri, mafita yakamata mu nema, dole mu sake sa ma ma Yarima mata ya aura a yanzu yanzun nan, sai mugu idan an daura mai zai faru, Ni yanzu misali da ina da wata yar na rantse yanzu yanzu za'a daura mata aure da Yarima" ya karashe Muryar sa cikin yanayin damuwa
Mai Martaba kasa cewa komai yayi, idanun sa seda suka cika da hawaye, ashe daman mabiyansa suna san shi haka?.
Tsintar Muryar Waziri yayi yace "toh kawai muje a daura masa da yar uwarsa Samira tunda dai yanzu wa zai sake bada yarsa"?
Galadima ne yace "akwai alƙawarin aure tsakanin yarka da masarautar Borno, sbd haka wanin mu ne zai bada yarsa".
Nan da nan ido ya rena fata, falaƙi da wambai da garkuwa kowa yana da ya'ya mata amma yana tsoron badawa.

Afuwa ranka ya dade, mai unguwar wunti yana neman iso, da kamar su waziri zasu ce ya koma suna muhimmiyar tattaunawa sai kawai suka ce ya shigo, shigowa mai unguwa yayi tare da Malam Sule Mai Rini, suna shiga suka zube suka kwashi gaisuwa, malam sule mai rini ne yayi maganar da ta girgiza su dukkan su.

"Ni Malam Sule Mai Rini na bada ƴata ma Yarima İdriss, halak malak, idan an yadda da hakan, na amince yanzu yanzu aje a daura musu aure.

Fadrees 🖋️ 🖋️ 🖋️.



>>>>>>>>>>>>>🖋️💻







🤴*YARIMAN HAFSA.....!!*🤴
(A 1950's Royal Love Story)




Na Fatima Idriss Bello🖋️🖋️
Wattpad; fadrees_20


Page 27



Hakkin Mallaka nawa ne Ni Fatima Idriss Bello
Ban yadda a juyamin littafina ta ko wane irin tsiga ba, ko kuma ayı audio ba tare da izinina ba domin hakan ze iya janyo ma mutum matsala.
Dan haka a kiyaye.



27



"Ni Malam Sule Mai Rini na bada ƴata ma Yarima İdriss, halak malak, idan an yadda da hakan, na amince yanzu yanzu aje a daura musu aure".

Hakika sarki da waziri da ma duka manyan fada babu wanda bai girgiza da jin wannan batu na Malam Sule Mai Rini ba, mamakin karfin halin sa suke, Sarki ne ya zuba masa ido ko kyaftawa ba yayi
Can dai Galadima ya dubi Malam Sule Mai Rini, yace "Na so in wayi fuskar ka, amma na rasa a ina ne, sannan game da abinda kace, hakan ba mai yiwuwa bane,  akwai yar kanwata da take hannuna, duk da bata wuce shekara sha daya ba, sai a daura musu auren kawai".
Su garkuwa dai basu da ta cewa, tunda baza su bada ƴaƴansu ba ai basu ga bakin magana ba
Waziri ne yace "a'a baza ayi haka ba Galadima, tunda yace zai bada yarsa ai mai san mu ne, sannan kar yaga kamar be kai bane ba'a so a aurawa Yarima ƴarsa"
Daga nan ya dubi Mai unguwa yace, "Malam Kallamu me zaka ce game da hakan"
Mai unguwa ne ya buɗi baki yace "wannan mutumin makwafcina ne ,sannan da yayi aiki a cikin Masarautar nan, daga baya kuma aka sallame sa akan wani laifi da bashi ne ya aikata ba, yarsa kuma Hafsan da yake so ya baiwa Yariman itama tayi aiki a cikin wannan masarautar sannan Yariman da kanshi ya kawo ta, a lokacin har muka zo da shi da yayansa akan a bata sallama, sai galadima yace mu dawo bayan wata uku, in Allah ya yarda zeyi magana da Yariman a sallame ta daga bisani kuma en matsalolin da suka auku a cikin Masarautar nan tsakanin dan Sarkin Gobir da Yarima Hayatu yasa aka bata sallama. Toh bayan haka ashe shi Yariman yaje ya mata kyautar gida wai na hidiman da ta masa, shine mahaifinta gashi nan yanzu saukan sa daga zuwa sana'ar da yake yi garuruwa, da yaji labarin gidan da kuma abinda yake faruwa da matan da Yariman zai aura ne, ya sadaukar ma wa Yariman ita, shi yace koda Yarima yana da mata hudu, ze iya bashi ita a matsayin kwarkwara.
Sannan gidan da Yariman ya ba Hafsan ma har yanzu shi yaqi karba". Mai unguwa ya karashe yana mai fatan su amshi bukatar su na farantama Yariman, dan shi kanshi dakyar ya yadda Malam Sule Mai Rini ya bada yarsa.

Da jin haka sai Mai Martaba da kansa yayi magana kamar haka "Hakika kai ka cika mutumin asali, muna godiya da wannan karamcin naka, Kuma in Allah ya yadda baza kayi kuka da hakan ba, sannan kyautar gida an baku shi halal, bai kamata ka mayar da hannun kyauta baya ba, yanzu ita yarinyar ta san da batun auren ne"?
Malam Sule Mai Rini ne ya karba da "A'a Allah ya baka nasara, amma Hafsa yarinya ce mai biyayya, nasan baza tayi jayayya da Ni ba".
Da jin haka kuwa Sarki ya miqe nan da nan kowa ya miqe aka koma masallaci
Ana zuwa sarki ya harde, nan da nan Aka daura auren Yarima İdriss Sulaimanu bn İdrissa, tare da amaryar sa Hafsatu Sule, da kuma Sulaiman Jafar bn Idrissa tare da amaryar sa Gimbiya Bilkisu Sulaimanu bn Idrissa.
Kamar a mafarki Yarima yaji daurin auren da aka masa, kuma ma wai da Hafsa, shidai bai san farin ciki Yakamata yayi ba ko farin ciki, hakika yana san ya dinga ganin ta a kusa dashi, saidai yana mata tsoron mutuwan nan, amma kuma tunda har an riga an dauran, kila matar sa ce ta har illah Masha Allah.
Maroƙa da makiɗa kuwa kamar jira suke yi, nan da nan suka fara aikin su, masarauta gaba daya ta hautsine, har ma da cikin gari.
Sulaiman ne ya daga Yarima suka yi waje.



Hoton Yarima idriss a yayin da ake daura masa aure da Hansai.

Ai sai yanzu ma na kare masa kallo dan Fadin irin kyan da yayi ma bata lokaci ne, yasha ja da farar alkyabba, ga Amawali da wando mai zina ga rawanin sa shima fari sai kyalli yake. Shi kansa Sulaiman yayi mugun kyau, da ka ganshi kaga sabon ango
Maroƙa suka dinga musu kirari, su kuma sai dadi suke ji, burikan su na aure rana daya ya tabbata, sai zagba murmushi suke, musamman Yarima, duk daure fuskan sa idan ka ganshi yau zaka san cewar yana cikin farin ciki.
Su Hayatu da Shamsu sai kyautar kudi suke ta badawa, ba tare da sanin Hayatu cewa Hafsan da yake muradı bane

Kwanakin baya ya aika aka nemo masa gidan su, ashe Kilishi ta gane, ta kira sa ta masa barazanar zata tsine masa, daga nan ne bai sake bi takan Hafsan ba, amma be janye kudirin shi ba, yayi alƙawarin zai shawo kan Kilishi har tazo da kanta ta bashi goyon baya.

________
Bilkisu ne cikin dakin Sarauniya Babba sai kukan shagwaba take ta ma Fulani da Samira da Sarauniya Babbar, wai ita ta fasa auren bata so, suna a haka suka iski mummunan labarin mutuwar yar Malam, Fulani da jin haka ta fashe da kuka Bilkisu tana taya ta, saida Samira da Sarauniya Babba suka dinga rarrashin ta, suna a cikin haka baiwar Sarauniya Babba, Shafa'atu ta doko sallama tare da neman izinin shiga, tana shiga ta sanar musu da an daura auren Yarima da wata wai Hafsa, nan da nan farin ciki ya game fuskokin su, sallamar ta sarauniya babba tayi, tace ta dawo anjima, ita kuma ta koma sashen bayi, ba tare da sanin cewa Yariman Hafsa ya aura ba.
Wannan kenan.

________
Kilishi ce ranta a matukar ɓace, har ma tana jin zata iya kisa in aka matso kusa da ita, yanzu bai jima ba, baiwar ta tazo ta sanar mata da albishir din da har seda tayi kyautan azurfa, yanzu kuma azo a same ta da banzan magana, ranta a hade ta ɓace kogon shugaba, dariya mai cike da razanar wa ya saka da muryoyi daban daban kan yace "Za'a daidai ta komai kinsan babu abinda ya gagari shugaba kap duniyan nan, za'a daidai ta koma tashi ki tafi" ya karashe da wani murya mai ban tsoro.
Ɓaco wa dakin ta tayi cikin rashin walwala amma sai ta kanne, tabar abun a ranta

_________

A gidan malam sule mai rini kuwa ko da ya koma yamma har tayi, ba abinda ya fara yi, sai ya tara dukkan iyalansa yace suxo suyi magana, da suka zo sai ce musu yayi zasu kaura daga gidan nan zuwa sabon gidan jikin gidan su gobe da safe in Sha Allah, sannan dama gidan gida ne mai matukar kyau dan na siminti ne ma ba ƙasa ba, bai fada musu asalin zancen ba sbd sam basu da math, sai kawai yace musu idan sun yarda su koma toh, duk wanda bata yadda ba toh sai tayi zaman ta a tsohon gida, nan da nan su Kulu da Lantana yan kwadayi suka ce zasu koma ita Zainabu dai bata ce komai ba, guri suka samu ya fara mata magana kamar haka
"Bana san kimin kallon kamar mai son abin duniya, gidan nan gidan Hafsa ƴarki ne, baki ga daga dawowa na ko gida ban shigo ba sai yanzu? Tun daga bakin kofa Lawan yace inzo muje gidan mai unguwa, koda naje, (nan ya bata labarin yadda Yarima ya baiwa Hafsa gida sannan ya dora da) Ni kuma sai ban karba ba, mai unguwa yayi yayi in karba sai naqi, da yaga naqi karba shine yaban labarin mutuwan da matan da Yarima zai aura suke, Ni kuma da naji haka sai na dauki alwashin zan basa Hafsa da muka je sai Mai Martaba yace lalle lalle in karba yanzu in takaice miki zance An daura auren Yariman da Hafsa dazu dazun nan, ihu suka ji a bayan su, suna juyawa suka ga Hafsa da Dije a bakin kofar dakin malam sule mai rinin, Ashe Hafsa ne ta saki kara tare da zubewa akan gwiwowin ta ita kuma Azima ta saki ihun tayi cikin gidan nasu da gudu, Hafsa dai gata nan a tsugunne kamar mutum mutumi dan kafarta kasa daukar ta suka yi, Mama Zainabu ma suman wucin gadi tayi, dukkan su wannan batu ba ƙaramin girgiza su yayi ba. Wai yanzu Hafsan ce take da aure akan ta? Kuma na Yariman gaba-daya Bauchi? Yariman ma mai jiran gado?. Unbelievable!.
Ba wannan ba ma, ita Hafsa injiniya ne yace tazo ta masa iso da babanta, tazo shiga gida ta hango Ibrahim din masarautar Borno a kofar gidan nasu, shine fa ta shigo dan ta fada wa Malam Sule Mai Rini, Azima kuma ashe tana biye da ita, sai kuma taji labarin ƙaddarar rayuwar ta.

Fadrees 🖋️


>>>>>>>>>>>>>🖋️💻







🤴*YARIMAN HAFSA.....!!*🤴
(A 1950's Royal Love Story)




Na Fatima Idriss Bello🖋️🖋️
Wattpad; fadrees_20


Page 28



Hakkin Mallaka nawa ne Ni Fatima Idriss Bello
Ban yadda a juyamin littafina ta ko wane irin tsiga ba, ko kuma ayı audio ba tare da izinina ba domin hakan ze iya janyo ma mutum matsala.
Dan haka a kiyaye.



Mikewa Malam Sule Mai Rini yayi, yace da injiniya da Ibrahim din su shigo zauren su su zauna su tattauna, bayan sun shigo sun gama gaishe gaishe ne shi injiniya ya fada bukatar sa, na neman izinin ya bashi daman turo iyayen sa dan ayi aure, shi kuma Ibrahim sai yace yazo ne da Yan garin su, suna so su gana da Hafsa, sannan shima yana neman izinin auren Hafsan. Abu goma da ashirin suka hade wa Malam Sule Mai Rini, nan take kuwa ya sanar dasu anyi ma Hafsa aure yau yau a Masarauta, ta auri Yarima İdriss, injiniya saida yaji hajijiya ta kama shi, Allah Sarki, dazu a gaban sa akayi auren bai dauka da Hafsan shi bace nan ya tashi sukuku zai miqe sai ya kasa, da yaga haka sai ya ɗan zauna, Malam Sule Mai Rini ne ya bashi hakuri tare da cewa ya bashi daman ya zabi daya daga cikin yaran nashi da suka rage, dan shi kanshi yasan Azima da Dije basu da tsayayyun samari, Jamila ma ta kai a mata auren, injiniya ce masa yayi zai yi shawara sai ya tafi, hawaye na zuba daga idanunsa.

Sai ya rage daga malam sule mai rini sai Ibrahim, shi kansa Ibrahim saida yaji hajijiya na neman kayar dashi. Daurewa yayi ya sanar dashi dalilin zuwan sa, akan tunda ya fara ganin Hafsa yaga tana masa kama da wata, yanzu da yaje garin nasu ne ya kara tabbatar da hakan, har ma ya taho da mutanen su biyu daga garin nasu.
Ce masa Malam Sule Mai Rini yayi da ya qira su, shima bari ya ma Hafsan da maman ta magana su fito, shiga malam sule yayi cikin gida yace wa Mama Zainabu su fito ita da Hafsa, sai tace masa zazzaɓi ya rufe Hafsan, nan ta saka Jamila a gaba suka yi zauren, Jamilan na riqe da hannun maman.
Suna shiga zauren, suka hango wasu matasa uku a zaune suna tattaunawa da Baba, suna ganin Mama suka miqe a tare cike da tsantar kaduwa, da basu bar dayar a can ba, da zasu ce itace ta nan, zama mama tayi tana kare musu kallo daga kasa har bisa, ji tayi zuciyan ta ya buga.
Baba ne yace zasu iya bayyana kawunan su, Ibrahim ne ya fara fadan alaqar sa da masarautar Borno sannan da dalilin da ya sa suka zo nan, sai ya kara da fadin "kamar yadda na fada, wadannan su biyun daga Borno muke dayan yaran mijin mama Maryamu ne, wadda take tsananin kama dake, itama tana da ƴa sa'ar Hafsa ce, saidai wancan din matar Galadiman Borno ce, wanda hakan ya nuna wannan shine ɗan Galadiman, wannan kuma dan Hakimin Bornon ne.
Mama ne take ta musu kallon al'ajabi, ita sam bata gane inda suka dosa ba, kallon dan Galadiman tayi me suna, Abubakar tace ya mata bayani
"Mama Ibrahim yana so yace Miki ne, akwai mahaifiya ta, a can Borno wacce kuke tsananin kama da ita, wanda bana kyautata zaton ƴar biyun ki ce ita, domin yadda kika gankin nan, haka take itama sakk, babu abinda ya bambanta ku, hatta yar kin, nan tana kama da kanwata". Abubakar ya karashe.
Mama al'ajabi ne ya kama ta, kamar tace karya suke bakin ta ya mata nauyi, inaga shiyasa da ta gansu zuciyarta ta buga.

Abubakar ne ya juyar da kansa kan malam sule mai rini yace
"Baba dan Allah ina neman alfarma, ka bani daman na tafi da mama da yar kanwata garinmu, ina so in yi wa mamata bazata ne dan Allah" ya karashe muryar sa da alamar roqo kamar ze fashe da kuka
Baba ne yayi shiru sai can yace "yaushe zaku koma garin naku"?
Ibrahim ne wannan karan yayi magana yace "gobe ko jibi da yardar Allah,
Baba ne yace toh Allah ya kaimu, in yaso sai a samu wadanda zasu biku ku tafi taren. Murmushi dukkanin su suka saka, Mama dai tayi shiru abin ya bata mamaki, abu biyu sun hade mata na farin ciki da na bakin ciki, dan tunda taji an ce matan Yarima suna mutuwa hankalin ta bai sake kwanciya ba amma tayi murnar zuwan samarin nan sosai da sosai.  ita kuma Jamila sai farin ciki take, Finally suma sun samu ƴan uwan mamansu.

Sallama suka ji an doka, Ibrahim ne ya miqe ya leqa, wani bafade ya gani a tsaye, tambayar sa yayi shin Malam Sule Mai Rini yana nan? Yace masa eh, sai bafaden ya basa wata wasika yace ya bawa Malam Sule Mai Rinin. Karba yayi ya koma zauren ya baiwa malam sule mai rinin.
Karantawa yayi, rubutu ne na ajami, sannan da tambarin masarautar Bauchi a jiki.
Abinda ke kunshe a ciki kuwa shine, "Gobe za'a aiko keken doki