You Cannot Download this book untill you login but you can read it .

---

Login Register

ya sha tsinuwa, Hafsa da Habiba haduwa suka yi suka dinga zagin sa Jamila na dariya, daga karshe da Hafsa taga zagin yayi yawa gashi Habiba sai surfo wasu take, sai ta ɗan ji haushi kuma, ta sa hannu ta rufe ma Habiban baki.
__
Ashe ita Hafsa da ta fito kin tahowa tayi, da ta juya kuwa taga wani dan leda hakanan, nan ta fara kwasan ya'yan itatuwa yanda kasan abinda aka aiko ta da tayi kenan tana sakawa a ciki, idan ka duba ledar babu fruit din da bata ciro ba sai gwanda kuma dan shima tsayin ta bazai kai bane shiyasa, tana cikin tsinka kuwa sai ga daya daga cikin masu tsare gidan gonan, ji tayi yace "waye anan" ita kuma sai ta ranta a na kare. Shi kuma hango ta da yayi da leda ne yasa ya ringa fadin ku kama ta gashi tuliqi ba daman yayi gudu, Hansatu kuwa ina gudu take bilhaqqi, da ta taho fitowa kuwa taga su Habibah sunyi shirin gudun, shine fa suka gudu.

Bayan sun gama maida numfashi da hutawa sai Hafsa ta basu labarin cire ya'yan itatuwan da tayi suka dinga dariya, Jamila harda cewa wai a nemo leda a raba kowa ya kama gaban sa
Basu samu ledan ba kuwa, sai a hannu suka bawa Habiba ta tafi gida, dan lokacin har anyi kiran sallan la'asar. Hafsa baiwa Jamila ledan tayi wai ta dauka idan ba haka ba in sunje gida baza ta raba da ita ba.
Ilai kuwa Jamilan ce ta dauka har suka karasa gida, sai admiring din gidan simintin da aka gida a jikin gidan su suke, da suka zo shiga suka ga Lawan a zaune a kofar gida, gaida shi suka yi ya amsa suka shige, karewa Hafsa kallo yayi, shi gaskiya al'ajabi yake, yarinya mara jin nan ce za'a ce Yarima ya bata gida? Ai sai dai ya bata kashi ba dai gida ba kam, jiya jiya fa matar shi ta gama barbada masa tijara wai kannensa sun raina ta, musamman ma Hafsa, kuma shi kanshi yasan zata aikata, a hakan ma ai ta mata da sauki tunda a rashin kunya kaɗai ta tsaya.
Kamar daga sama ya ji sallama a kanshi, ya daga kansa kuwa sai idan sa ya fada akan injiniya Kabir, musabaha suka yi bayan sun gaisa injiniya ya barbado bukatun sa, na ya kalla Hafsa kuwa yaji ta kwanta masa a rai, idan babu hali yana neman iznin bashi daman yin hira da ita, dan shi da aure yake san ta, ba'a yi wata wata ba Lawan ya amince, abu biyu ne yasa ya amince, na farko in Hafsa tayi aure kila ta shiryu sannan zasu huta da fitinun ta, na biyu kuwa injiniya a wancan zamanin masu kuɗi ne sosai, injiniya gida yace yana san kanwar sa? Ai sun warke, ƙila idan ya tashi gina mata nata gidan ai sai yayi wanda yakai gidan simintin da aka ce a bata, ko ma fiye da hakan, dan a dan binciken da yayi da kuma yanayin injiniyan ya fahimci lalle dan babban gida ne
Shi kuma injiniya amincewar Lawan da wuri ya basa mamaki kuma ya burge sa, ko ba komai shi dama da niyyan auren ta yazo, sannan be san itace Hafsan da Yariman ya bata kyautar gida ba. Nan ya koma gidansu cikin matsanancin farin ciki har mahaifiyar sa na tambayan ta, ya fada mata, itama bata yi wata wata ba, ta taya dan ta farin ciki. İn Sha Allahu yau da dare ma zaije hira gurin ta.
Wannan kenan.
Hafsa kuwa da ta shiga gida aka ce mata yau ita ce da yin tuwo, dije miya, Azima wanke wanke, dan Malam Sule me Rini yaja kunnen su da kyau yace da ya dawo kowa ta fidda miji a mata aure wannan kenan.
Yau dai bata yi gardama ba tayi tuwo me kyau, su kuma su Mama Kulu gudun kar ta musu tuwo irin na ranan yasa basu yi mita ba har ta gama, da gamawarta tayi alola tayi salla. Suka ci tuwon daren su suka yi shirin fita gaɗa, nan da nan aka aiko wai ana sallama da Hafsa.
___________

Yarima kuwa sai yamma lis, suka koma masarauta inda suna zuwa suka je suka gaida Mai Martaba da Waziri. Daga nan suka je suka gaida Sarauniya Babba sai kowa kuma yayi sashen mahaifiyar sa.
A hanyan sa na zuwa sashen Fulani yaga Murja kawar Hafsa, da ta gaida shi ga mata murmushi wanda tasan albarkacin Hafsa taci, daman sashen su na bayi zata tafi, nan ta koma tana hawayen farin ciki, can zuwa dare suka tafi makarantar su na bayi, tana tafe tana hawayen rashin Hafsa, kusan kullum sai tayi kuka, yau ma kamar kullum ta amso takadda ta rubuta wa Hafsa wasika, tasha alwashin se ta kai ma Yarima ya taimaka ya baiwa Hafsa, ko da zata ci duka ne ta amince. Nan da nan ta share hawayen ta ta fara rubutu...

_______
Shi kuwa Yarima da zaman sa a sashen mahaifiyar sa bayan miqa gaisuwa suka ɗan taɓa hira, Fulani har mamakin Yarima take, nan ta fahimci yana cikin farin ciki ne.
A nan yayi sallan sa na mangariba da yaci abinci ma yayi isha, nan aka aiko musu kiran gaggawa daga sashen Mai Martaba, suna isa suka kwashi gaisuwa suka ga kowa ya hallara a gun.
Abinda waziri ya fada ne ya matukar girgiza su, takadda ya dauka kamar wasika, ilai kuwa wasikan ne, da tambarin masarautar Adamawa a jiki.
Karantawa waziri ya fara yi kamar haka.

"Sallama bisa tsarin addinin musulunci,
Assalamualaikum Warahmatullah
Bayan sallama da so da yarda, muna mai fada muku Gimbiya Haulatu da ake shirin yi mata baiko ita da Yarima, Allah ya karbi ranta, jiya Juma'a aka mata jana'iza aka kaita gidan ta na gaskiya
Wassalam
Sarkin Adamawa
Daga Masarautar Adamawa".



>>>>>>>>>>>>>🖋️💻







🤴*YARIMAN HAFSA.....!!*🤴
(A 1950's Royal Love Story)




Na Fatima Idriss🖋️🖋️
09020588802
Wattpad; fadrees_20


Page 24



Ban yadda wani yayi amfani da wani sashe na littafin nan nawa ba, ba tare da amincewa na ba, domin zan dauki tsattsauran mataki akan hakan, dan haka a kiyaye.

Idan littafin nan kake nema, complete ko wani sashe toh ga nan numbern waya na a sama duk me san yayi min magana, ya min ta nan.

Da fatan an fahimta.
Nagode.


İnnalillahi wa inna ilaihirraji'un
Duka falon ya dauka.
Dayan wasiƙan waziri ya bude sede shida Maimartaba ne kadai suka san meke kunshe a ciki. Kilishi har ranta ta so tasan meke cikin dayan, amma tasa a ranta ta zata tambaye Shugaba boka Kapoor, nan da nan kowa ya watse.
Yarima ya koma sashen sa, ya zauna yayi tagumi akan wani teburin shi dake dauke da su takardu, su allo da su tawada, da kuma pepopi. Tagumi yayi yana mai sake sake a ransa, shi har ga Allah daman ba son auren yar gidan Sarkin yake ba, sannan mutuwar ta, ta girgiza sa, saboda bai bata mutuwa ba, kuma yasan da bata mutu ba, da da ita zeyi rayuwar aure, sannan mutuwan matasa yana matukar girgiza mutane, ya jima yana jimami, kapın kuma ya tuno hajjaju makkatu shehiya Hansatu da abinda ta fada masa, lalle sai ya koya mata hankali, tsaya! Bari ma ya rubuta wasika ya bawa Sulaiman ya kai gidan gona, dan shi gobe baze iya fita ba, tunda ga abinda ya faru
Takadda ya dauka ya fara rubuta kamar wani abun arziki, sai kuma ya nannade takaddan ya dora tawada akai.
Yayi shigewar sa, uwar dakan sa ya kwanta, yana tunanin abinda ya wanzu dazu da rana a cikin gidan gona.

_____________
Kilishi ce durqushe a gaban shugaba, da shigowar ta aljanun cikin kogin nasa suka fara mata ihun nasaran da tayo musu bakiɗaya sai cewa suke "Eho Eho Eho Eho" a cikin wani irin sauti mai ban tsoro da firgitarwa.
Gama ihun su kenan Boka ya saki wata bahaguwar mummunan dariya.
Da muryar sa mai sauti uku uku, daya na mutum daya na zaki daya na aljanu ya kama magana
"Kinyo mana babban nasara da wannan sadaukarwar da kika kawo mana a cikin wannan matsafa tamu, daga yanzu har illa Masha Allah zamu dinga kashe matan da Yarima zai aura mu shanye jininsu, domin ko a cikin launukan jini, jinin sarakai daban yake. İdan aka ga yana ta kashe matan da zai aure zeyi bakin jini, domin farin jinin sa har yanzu gabagaba yake, sannan in ba ta hakan ba wahala ce kadai zai bamu, tunda ga hanya mafi sauki da inganci toh kinga sai mu bi ai, ita kuma baiwar sa har yanzu ana bincike a kanta da zaran an gama, za kiga aiki da cikawa.
Dayan wasiƙan da waziri bai karanta ba kuma, wayar tarho ce, Sarkin Adamawa ya basa shawarar da su siya tare, zaki iya tafiya".

Bude ido tayi, ta ganta a kan gadon ta, sai yanzu ta gane puzzle din boka, idan aka ga yarima yana kashe matan sa, kowa zeji tsoron ya basa auren yarsa, karshen ta ma a hana sa sarautar a baiwa daya daga cikin en tagwayen ta
Wannan kenan.
___
Mama Kulu ne ta kira yaron da yace ana sallama da Hafsa, tace "zonan Sa'idu ko dai baka ji da kyau bane, ka tabbata Hafsa aka ce maka kuwa"
Yaron da aka kira da Sa'idu kuwa yace, "Cewa yayi na san wata yarinya fara a gidan nan, sai ya siffanta min Hafsa shine nace masa Hafsa ce, shine yaban Kobo, sannan yace in aika ana sallama da ita" ya karashe da murmushi tuna sisin Kobon da aka basa
Mama Kulu bata daddara ba, tace toh ai Azima da Dije ma da hasken su, kawai Hafsan ta fisu haske ne"
Sa'idu ya sake cewa, "nidai Hafsa ya siffanta min"
Mama Lantana ce ta karbi zancen wannan karan, tace "waye ne shi da yace a masa sallama da Hafsan?"
Budan bakin Sa'idu sai yace "Wannan injin miyan ne, wanda ya saka yaransa suka gina gidan simintin nan" ya karashe tare da pointing din gidan simintin da ɗan yatsan sa
Da jin haka Mama Lantana tace "kaje kace tana zuwa"
Yana fita tace "ke Azima zo kije kila ke yake nema, injin miya kam ai Saide ke din kece kalar sa".
Mama Zainabu dai bata ce komai ba, suna a haka Azima ta fito an shafa hoda an ja gira, ga balbala kumatu, jambakin nan radau, tana taunar cingam tayi waje, can suka ga ta dawo ranta a mugun haɗe
Mamanta, Mama Lantana ce ta tambaye ta ko lpy ta ganta a haka, sai tace wai ko kallo ma bata ishe shi ba, shi cewa yayi Hafsa yake nema, nan da nan Dije tace "ba wata Hafsan da yake nema, Ni yake nema, kema ai kinsan mun fiki kyau kika fita, kuma bayan haka ai kinsan cewa kina da Saminun ki, wlh in baki yi a hankali ba se na fada wa Saminun abinda ya faru, sannan dama na jima ina son injiniyan nima amma shi ko kallo ban ishe sa ba, Yaya Lawan da shigowar sa kenan caa yayi, "ke Hafsa bawan Allah yazo gun ki ashe tun dazu yake jira shine baki fita ba, baki san cewa ba'a ma ya'yan babban gida haka ba?
Zaran mayafinta Hafsa tayi tayi waje. A cikin gida kuwa Mama Kulu ce take tambayan Lawan din "Kai Lawan kace injin miya ɗan babban gida ne? Toh waye babansa a garin nan?" Ta karashe tana dan hararansa, Lawan ne ya buɗi baki yace "Wallahi ɗan Hakimin garin nan ne, gashi yaron yana da hankali da sanin Yakamata Seda ya biyo ta waje na ma nace masa ze iya zuwa hira gun Hafsan, ya karashe tare da shigewa sashen sa, ya bar ko wacce tana saƙa da kullawa.

Hafsa kuwa ko da taje taga waye ne, sai ta samu kanta da gaishe shi. Amsawa yayi cikin sakin fuska, nan ya ɗan fara janta da hira, idan kaga Hafsa wlh cewa zakayi baka taba ganin mai hankali irin taba, tayi shiru abunta sai sussunnad da kai take, ji tayi ta ma samu mijin aure wlh ko dan ta kuntatawa su Azima da mamannin su.
Tarihin shi ya bata, akan shi dan Hakimin garin ne, sannan a Chadi yaje yayo karatun sa na injiniya, yanzu shi yake zane zanen gidajen mafi akasari na garin.
Nan suka yi bankwana da Hafsa ya miqa mata ledan da ya kawo mata, ya tafi, ranan gaɗan da ba'a fita ba a gidan kenan. Ya kawo mata takalma da turaruka, da su madara da su alawa, dayawa, har saida ta tsamma su Sadiqu
Da tunanin shi Hafsa tayi bacci, an manta da Yarima dan anga abun duniya.
___
Kapın safiya ko wane lungu da sako Seda labarin mutuwar wacce Yarima İdriss zai aura ya karade, ciki kuwa harda cikin gari, ana rade raden mutuwan ne da safe Murja ta saci hanya taje sashen Yarima, Allah ya so ta yana dakin shakatawar sa, har ƙasa ta durqusa ta gaida shi, ta ciro wasiqan ta basa hannun ta yana mai karkarwa, da kaman baze karba sai kuma ya mata nuni da ta ajiye a kan teburin sa, nan da na ta ajje tayi godiya kan ta fice cikin tsananin farin ciki. Fitar ta kuwa keda wuya sai ga Sulaiman, shi kuma ya dauki wasikun ya basa yace yau bazai samu daman fita ba.

Zuwa da rana su Hafsa suka iski labarin mutuwar a bakin wata makwafciyar su wanda mijin ta yake aiki a barga a cikin Masarauta. Dajin haka Hafsa ta fice sai unguwar gonan su Yarima, tana zuwa tayi sallama da masu gadin, zasu fara mata rashin mutunci itama ta bude baki suka fara cacan baki, suna cikin haka sai ga Sulaiman nan suka zube suka kwashi gaisuwa, tambayan meya paru yayi kapın suyi magana Hafsa ta, cafe "wai pah Maigida Suleiman daga Nazo karban sako wadannan suka dinga zagin ubana, hadda cewa wai sai sun sa an wulakanta ni a garin nan, shi Sulaiman baya san hayaniya da rashin gaskiya, hakan da ta fada ya bata masa rai yace sai ya hukunta su, su kuma ganin irin karyar da ta gama shararawa ne yasa suka kasa magana bakin su ya mutu, cewa yayi ta biyo shi, tana zuwa ya dakko wasikun ya bata, ya sake ja mata kunne yace kar ta sake tsayawa tana rigima da maza, Hafsa kuwa kamar ta Allah sai gyada kanta take kamar wata ƙadangaruwa, tana karba tazo fita ta musu gwaliyo hada danƙwalin su, ta saka gudu sai gida, da ta shigo layinsu kuwa ta kama yanga abinta. Da ta shiga gida Mama take tambayan ta daga ina, sai tace kawai ta ɗan zagaye unguwan ne. Ajiye wasikun tayi a kasan kayanta, sai dare yayi zata karanta, duk da haka tayi mamaki da taga wasikun nan, ta dauka wlh wasa yake da ya fada mata zancen wasiƙan.

Fita tayi tsakar gidan su, suka zauna ana hira, yanke shawara suka yi akan zasu je gidan yaya fati da anyi la'asar
Daga haka ko waccen su ta miqe, suka yi sallah suka çaba kwalliya dukda suna jin haushin Hafsa na samun injiniya da tayi.


>>>>>>>>>>>>>🖋️💻







🤴*YARIMAN HAFSA.....!!*🤴
(A 1950's Royal Love Story)




Na Fatima Idriss Bello🖋️🖋️
Wattpad; fadrees_20


Page 25



Hakkin Mallaka nawa ne Ni Fatima Idriss Bello
Ban yadda a juyamin littafina ta ko wane irin tsiga ba, ko kuma ayı audio ba tare da izinina ba domin hakan ze iya janyo ma mutum matsala.
Dan haka a kiyaye.



Suna gama shiri suka kama hanya sai unguwar da yaya fati take
A hanya su Dije Seda suka yi fada ita da Azima, dakyar Hafsa ta raba su, da suka je gidan yaya fati kuma suka dawo normal, Hafsa ne ta saci jiki dan taje gidan su Murja dan unguwa daya suke da yaya fati, da ta fita da tambaya ta gane gidan, ilai kuwa kowa sai zagin babar Murja yake wai azzaluma ce ta shanye mijin ta, sallama tayi taje ta zauna akan kujera, taji shiru ba'a amsa ba, hango wani rafkekiyar takunya tayi a cike da kunu akan wuta, juyawarta keda wuya kuma taga ƙullin ƙosai dayawa ga gishiri dayawa a ajiye a gefen, a take ta miqe ta dauki gishirin ta juye duka akan tukunyan kan wutan, ta debi mai da ta gani a gefe a cikin wani katon Samira ta juye shi shima a cikin kunun, daukan wani ludayi tayi, ta gauraya, shi kuma sukar din da Yakamata a zuba a kunun ta dauka ta juye a cikin ƙullin ƙosan, ta dibi ƙasa a ƙasa ta hada ta gauraya, gamawarta yayi daidai da fitowar wata makirar mata daga banɗaki, ganin abinda tayi yasa matan zambada ihu domin yau ta mutu, sana'ar ta da take dogaro dashi yau babu shi, fitowa wanda suke cikin dakin suka yi suna ashariya ganin abinda ya auku, ita kuma Hafsa ta sa gudu da iyakar karfin ta, tare da fadin "Na rama wa Murja" har tabar layin bata dena jin kururuwar matar ba, ita ko Hafsa ko a jikin ta, komawa gidan yaya fati tayi, kamar bata yi komai ba, suka ci gaba da hiran su ba sune suka bar gidan yaya fati ba, Seda aka kusa shiga mangariba, suna yin Sallah kuwa suka ci abinci, gamawar su keda wuya akayi isha, nan da nan kuwa suka yi ta, sai jin sallaman Sadiqu suka yi wai ana sallama da Hafsa, nan da nan kuwa Hafsa tayi waje su Mama Lantana suka bita da harara
Suna tsakiyan hiran su su Azima suka zo suka wuce gaɗa, bayan sun gama hira ya gama fada mata abinda yake so da wanda baya so, itama ta faffada masa, nan suka yi bankwana ya tafi, tare da ce mata gobe baze samu daman zuwa ba dan zeyi tafiya saboda haka ta saka shi a addu'a.
Nan da nan kuwa ya wuce, sai Hafsa bata shiga gida ba ta wuce wurin gaɗan itama, bayan sun gama wasannin su suna shirin tafiya, Saminu yasha gaban su, ya tsare Azima da ido wai sai ta fada masa uban me ya mata take shasshare sa, ita kuma tayi banza dashi, tunda taga injiniya taji ta tsane shi, ilai kuwa a gun suka yi baram baram, kowa ya watse, da suka dawo gida Dije ta bada labarin abinda ya faru, da mamakin su Mama Lantana bata tanka ba.

Hafsa ne tayi shirin kwanciya ta haye gadon mama, jira take su yi bacci ta dakko wasikun ta ta karanta, amma Mama taqi kwanciya, daga karshe ma ce mata tayi ta bata labarin injiniya, jin haka da Hafsa tayi seda tayi mamaki, yau Mama ne ke tambayan ta wani?
Nan kuwa ta saki baki ta fara zuba, "Mama injiniya yana da kyau, sede bekai Yarima ba" nan ta gane ashe subutar baki tayi, aikuwa ta doke bakin nata da kanta, ganin Mama bata ce komai ba yasa taci gaba, "Mama injiniya naga yana da hankali, da sanin Yakamata, sannan daga alama mamar sa zata so Ni, Ni dai Mama ko Baba ya dawo ki gaya masa Ni dai shi nake san aura" ta karashe, tana me kulle fuskan ta wai alamun kunya, da taga Mama bata tanka ba, sai ta leqa fuskan ta, se taga idon maman a rupe, ita dai sharewa tayi amma bata yadda mama tayi bacci ba.
Can da taji ba motsin komai sai ta tashi ta dakko fitila ta haska kasan kayan ta ta ciro wasiku
Tana budewa taga 'MURJANATU' a jiki da rubutun ajami, a take ta rungume wasiƙan hawaye na zubo mata, bude wasiƙan tayi ta fara karantawa kamar haka;

"Da sallama zan fara bisa addinin Musulunci
Yar uwa ta ya kike, ya gida, ya su Mama, ya Jamila, ya kowa da kowa, da fatan kowa yana cikin koshin lapiya
Hakika ina cikin matsanancin rashin ki, kullum sai nayi kuka idan na juya ban ganki ba, hakika kin zamto tamkar wani sashi ne a jiki na, ina tsananin kaunar ki Hafsa, na rasa ta yadda xanyi inyi magana dake shine na yanke shawaran in rubuta Miki wasika in roqi Yarima dan Darajar Allah ya sa akai miki, idan kinga sakon nan, ya sa an kawo Miki kenan, wanda ya nuna yana da kirki sosai, idan kin karanta ki rubuto min ki bada a kawo min kinji yar uwata?
Ubangiji Allah ya gama fuskokin mu, idan muna da daman gamuwar.
Taki ce har kullum
Masoyiyar ki kuma Aminiyarki
Murjanatu Sahabi.
Bissalam".

Nan da nan Hafsa ta fara kuka, sai da tayi me isarta kapın itama ta dakko takadda da tawada ta fara rubutu kamar haka itama cikin ajamin domin duk wasikun su cikin ajami suke yi.

"Assalamualaiki Murja yar uwata.
Bayan sallama da so da yarda
Hakika ban manta dake ba, kullum kina a cikin tunani na, in Sha Allah zan nema Miki hanyan kubuta daga cikin masarautar nan, ko kuma in roqi Yarima ya fito min dake sai ki dawo gidan mu da zama
Nayi matukar kewar ki, su Jamila suna gaida ki, sannan nayi saurayi wani injiniya yana sona sosai, na kusa aure kenan, amma sai kin fito zanyi auren Kinga sai amana tare ma, dazu naje gidan ku na rama miki muguntan da babar ki take Miki (nan ta zayyano mata komai sai ta kara da).
Ki cigaba da hakuri kinji masoyiya ta, in Allah ya yadda zan sama Miki mafita.
Masoyiyar ki mai matukar kaunar ki
Hafsatu Sule".
Wassalam.

Bayan ta naɗe wasikar Murja ta dakko na Yarima ta fara karantawa kamar haka;

"Sallama bisa tsarin addinin musulunci.

Ya rashin ji da rawar kai, da fatan kina lapiya
Ki gaida min mai kama dake ɗinnan, sannan ki gaida Mama

Ni ne Ubangidan ki
Yarima Idriss".

Dariya ne ya suɓuce ma Hafsa da ta gama karantawa, wai ya rashin ji da rawan kai, amma Yariman nan ya ma raina mata hankali, wai Ubangidan ta Allah ya sa Uban ta ne ma ba Ubangidan ta ba
Tawwada da alkalami ta dauka ta fara rubutu kamar haka

"Sallama a gare ka mummunan Yarima
Ya masarauta ya jiji da kai, da fatan kana lapiya, ka gaida su Fulani da Sarauniya Babba, rashin ji kuma sharri kamin, amma zan rama ne, yauwa, naji ance matar da zaka aura Allah ya mata rasuwa, toh Ubangiji Allah ya mata rahama, kayi hakuri, Allah zai baka wacce ta fita, yauwa mummunan Yarima ina neman alfarma, dan Allah akwai kawata Murja ka taimaka a sallame ta, daman kaine kayi silan zuwan ta garin naku, amma bata da laifi, in ta kama a maido da Ni ne ma na karba hakan.
Zan dakata daga haka, ka tabbata kana cin abinci kar rasuwan nan, ya hana ka sukuni,

Daga fara kyakkyawar budurwa mai hankali da sanin yakamata
Hafsatu Sule".
Bissalam.

Da gama rubutawa ta haɗa wanda ta rubuta yanzu ta ɗora a saman kayan ta cikin gwangwaron ta, shi kuma wadanda suka aiko mata ta ajiye a can kasan kayan nata, kamar da farko.
Nan da nan ta kwanta cike da tunanin Yarima, an manta da injiniya
Da asuba tayi Hafsa ƙin tashi tayi, Seda Mama ta watsa mata ruwa.
Tana gunguni ta tashi tayi sallahn, can zuwa rana tsaka ta miqe ta tafi gidan gonan nan, da taje bata samu Sulaiman ba, se ta bama shugaban masu gidan gonan, wani tsoho, ta bashi tace ya baiwa Yarima idan bai zo ba ya baiwa Sulaiman.

Se da aka kwana hudu kapın Sulaiman yazo gidan gonan, a cikin kwana hudun nan kuwa kullum sai Hafsa tazo ta tambaye mutumin yace mata basu zo ba.
Ranan da wasiƙan ya shiga hannun Yarima, bai karanta ba ya ajje akan sai yazo kwanciya, ya wuce fada ana masa neman gaggawa, yana zuwa yaji ashe sake bashi mata akayi har biyu ma wannan karan, yar ciroman Bauchi da yar sarkin Gombe, saboda ɓacin rai da wuri ya kwanta ranan, bacci kuwa yaqi ɗaukan sa, can ya tuno da wasiƙan Hafsa nan, ya fara karantawa, da ya gama saiga Yarima yana murmushi, lalle yarinyar nan bata ji, wato shine ma mummunan, duk sanda suka hadu sai tayi bayani ne, gaskiya tasan hanyan da zata bi ta sa mutum nishadi, beyi wata wata ba ya maida mata da amsa, a karshe hadda sa mata, "sannu fara kyakkyawar budurwa mai hankali da sanin Yakamata". Yakai minti goma yana jin nishadi.
Wanda ta rubuta wa Murja ya gani, sai yayi kaman ya karanta, ya fasa, can har yaje ya kwanta, ya sake tasowa ya dauko ya fara karantawa, ji yayi ransa ya matukar ɓaci, an gudu ba'a tsira ba kenan? Wanene wannan injiniyan? Badai