You Cannot Download this book untill you login but you can read it .

---

Login Register

da Habib ke yi ne, yau kuma abin ya fad'o kan Hassana. Hakan yasa Hajiya Turai cikin jarumta, ta afkama Habib da ta gani kwance kan Hassana, Hassana kuma tana ta kwala ihu tana bige-bige tak'i ba Habib wata damar zai aikata wani abu kanta".

Hajiya Turai na , zuwa da k'arfin da bata san tana da shiba ta ture Habib daga jikin Hassana. Hassana kuma ta yi saurin yunk'urawa ta tashi. Nan fa aka fara guje kuje a Falon Hajiya Turai, duk inda Hassana ta ruga Habib ya fita da gudu,ita kuma tana ihu tana kiran Hajiya turai ta tai maka mata, dan Hassana gaba d'aya ta gama tsorata da Habib. Duk inda Hassana tai Habib ya fita, kuma Allah yasa har yanzu ya kasa kamata, da yake abin bacikin hankalinshi bane, babu dabara".


Hajiya Turai ko ganin haka jug d'in da ke gurin ta d'akko ta wurgama Habib. Aiki cikin sa'a tana wurga mai Allah ya taimaka ya sa Habib d'in ya yi wata muguwar fad'uwar da sai da ya ba Hajiya Turai tsoro".

Hassana ko naganin Habib ya fad'i ta afka bedroom d'in Hajiya Turai ta rufe tana nishin wahala".

Habib ko ya d'an dad'e a kwance gun yana nishin wahala dan sosai ya fad'i dan gefan bakin shi sai da ya fashe".

Hajiya Turai ko ganin Habib bai tashi da wuri ba, da sauri cikin damuwa ta k'asaro inda ya ke kwance. Hajiya Turai na juwa ta kamo hannun Habib da niyyarta ta ta da shi. Habib naji ana tab'a shi ya tashi da sauri, ya nufi bedroom d'in Hajiya Turai inda yaga Hassana ta shiga, sai dai kashh, yana tura k'ofar ya ji ta kam-kam. Haka Habib ya tsaya sai bugun k'ofar ya ke kamar zai karyata".

Hajiya Turai gudin kar Habib ya jima kan shi ciwo ganin yadda ya ke bugun k'ofar ya sa ta tashi ta zo zata kama hannun Habib d'in, ya kai mata duka, da sauri ta kauce bai sa metaba, ta zauna tana mai tausayama d'an nata guda, tare da mai addu'ar Allah ya bashi lafiya, ya dawo mai da hankalin shi".


Habib ya dad'e gun yana wujijjiga k'ofar kamar zai karya ta, yana wani irin nishi. Sannan zuwa can ya kwanta bakin k'ofar , ya dad'e yana malele kuwa agun, sannan wani wahalallan bacci ya yi awan gaba da shi".


Hajiya Turai cikin tausayama Habib ta zo gaban shi ta zuk'unna tana kallan k'asan leb'anshi inda ya fashe fad'uwar da ya yi. Hajiya Turai tanan zuk'unne hawaye na zuba mata kad'an-kad'an na tausayin d'an nata. Hajiya Turai ta dad'e gun zuk'unne kusa da Habib sannan ta tashi, ta lek'a ta window ta hango Hassana kwance akan love chair d'in bedroom d'in, sai malele kuwa ta ke. Hajiya Turai magana ta yi a hankali gudin kar Habib ya ji, ta ce, "Daughter zo ki bud'e min".

Hassana tashi ta yi ta bud'ema Hajiya Turai k'ofar. Hajiya Turai ko bayan tashiga kallan Hassana ta yi da ke ta juye-juye tana cije baki ta ce, "Daughter yaji miki ciwo ko? ". Hajiya Turai ta fad'i maganar da alamun damuwa".

Hassana cikin cije baki ta ce, "A'a Mommy ". "Haba daughter me yasa zaki b'oyemin bacin gashiinan sai cije-cije kiki, bari in kira doctor ya duba minke".


Hassana rik'e wayar Hajiya Turai ta yi, ta ce, "Mommy karki kira doctor dan Allah, nina san maganin nan ne irin narannan akasa a abincin nan, dan iri d'aya da yadda nake ji ayanzu haka".

Hajiya Turai cikin mamaki ta kalli Hassana ta ce, "Daughter magani kuma?, wani maganinin?, waya zuba muku maganin?".

Hassana da sai yanzu ta ankara da barin zancan da ta yi, shiru ta yi. Hajiya Turai ko kuma maimaitama Hassana tambayarta ta yi, ta ce, "Daughter kimin bayani mana kinyi shiru?, bangane ta kan maganganunki ba, waya zuba muku magani?, kuma maganin me akazuba muku?, karki damu kinji daughter yi min bayani nima nasan wasu abubun da ke faruwa, amma ba duka ba, fad'amin waya zuba muku maganin?".


Hassana cikin sanyin muryarta, ta ce, "A'a Mommy ba wai ina nufin anzubamana magani bane, amma dai irin yanayin da Oga Habib ya ke a yau, da irin wanda ya shiga kwanaki iri d'aya, kuma nima iri d'aya da wanda na tab'a shiga". Shiru Hajiya Turai ta yi, sannan ta ce, "Shi maganin da ke magana wana irine? , kuma waya baki maganin?,".

Hassana cikin na tsuwarta ta cigaba da zuboma Hajiya Turai bayani kamar haka, "Mommy ranar da nafara ba Oga Habib maganin sha biyun dare, tom aranar Aunty Farida har na tafi sai ta biyoni da magani wai kince in sha in ba Oga Habib ya sha, sai na yi mamakin abinda Aunty Farida ta ce, jin harda ni, amma koda na tambayeta na ce, Aunty Farida ni kuma, sai ta ce min wai itama ta sha, kuma anba kowa yasha, wai ni na wane wannan zan sha, ta tsareni nasha agabanta, ta ban na Oga Habib in bashi, kafin in ba Oga Habib nashi maganin sai nake jina wani iri duk ba dad'i, kafin wani lokacin nakasa ba wanda taban inba Oga Habib. Washe gari ta ke tambayata wai me Oga Habib ya yi min nace mata ba komai ta ce min wai k'arya ne, nan dai da na rantse mata sai ta yarda, shine ta ce amma ban bashi maganin da taban ba in bashi, na ce mata Eh, amma yau zan bashi, nan tai ta min fad'a harda mari". Shiru Hassana ta yi, sannan ta ci gaba da cewa, " kuma Mommy ranar da aka d'aura auran nan ma haka abin ya faru,ranar ma ta kawo min magani wai injiki in ba Oga Habib, tom Wallahi Mommy da nabashi maganin ranar ma baki gani ba, Allah ne yakwaceni daga hannun shi. Washe gari shima tazo tana tambayata wai Oga Habib ya kusan... ". Shiru Hassana ta yi dan sai taji maganar tayi nauyi, bazata'iya maimai kalar tambayar da Farida tai mata ba".

Hajiya Turai ko tun kusan farkon maganar Hassana ta fahimci maganin da Farida ke ba Hassana ta ba Habib , sai dai abin sosai ya d'aure mata kai, da mamakin dalilin Farida nayin hakan. Hajiya Turai kallan Hassana ta yi, ta ce,".Daughter daga yau kikina jina ko, kar wanda ya k'ara baki abu ya ce injini kiba Habib ki amsa ki ka yi amfani da shi". Shiru Hajiya Turai ta yi, sannan ta ce, "kin iya girki? ". "Eh Mommy na iya". "Tom daga yau gudin samun matsala ki rik'a muku girkinku acan, kar wani ko wata ya kuma baki abu ya ce injini, ki amsa ki yi amfani da shi batare da sanina ba, yanzu jeki watsa ruwa ajikinki, sai in kira doctor ya dubaki ".

Hajiya Turai Family doctor su ta kira ya duba Hassana. Magunguna kawai na kuzarin jiki ya bata, dan kafin yazo abinda ta ke ji ta ji sauk'in shi sakamakon ruwan da ta watsa. Hassana na fitowa Hajiya Turai ta bata wata abayarya ta saka, duk da ta yi ma Hassana yawa. Hassana na gama shiryawa ta tada sallar la'asar, tana idarwa a kan sallayar bacci ya kwasheta. Hassana ba ita ta farkaba sai gab da magriba ta tashi, tana tashi ta shiga toilet tai alwallar magriba. Hassana ta idar da sallar tana nan zaune kan sallayar Hajiya Turai ta shigo".

Hajiya Turai cikin damuwa ta kalli Hassana ta ce, "Daughter anya ko lafiyar Habib k'alau kuwa? , saboda tun d'azu fa bai tashi daga inda ya ke kwance ba". Hajiya Turai ta idasa maganar cikin damuwa".

Hassana ma cikin sauri ta tashi daga kan sallayare tana mai nufar hanyar falon ta ce, "Mommy muje in gani?". Hajiya Turai bayan Hassana ta bi".


Hassana na zuwa ta durk'usa inda Habib d'in ya ke kwance, Hassana a hankali ta rik'a kiran sunan shi, tana cewa, "Oga Habib! Oga Habib!! Oga Habib!!! ". amma shiru.Hajiya Turai da tafa rasa na tsuwarta kuka ta fara yi".

Hassana ganin Habib ko motsi bai yiba, ya sa itama hankalinta ya fara tashi, hakan yasa ta sa hannu tana bugun bayan Habib d'in da d'an k'arfi, tana cewa, "Oga Habib dan Allah katashi mana". Hassana d'ago kan Habib d'in ta yi da ya ke ak'asa ta d'ora a kan cinyarta, tana mai cigaba da girgiza shi hankalinta a tashe".


Hajiya Turai kallan Hassana ta yi, ta ce, "Daughter kawo min ruwa cikin fresh". Hassana tashi zata yi da niyyar d'akko ma Hajiya Turai ruwan, Habib ya rik'e Hassana ".

Daga Hassana har Hajiya Turai mamaki su kai . Hassana kallan Habib ta yi ta ga idonshi rufe ya ke, hakan yasa ta kira sunan shi, ta ce, "Oga Habib! ". Still idon Habib a rufe idan ka saurara zaka ji yana nishi kad'an-kad'an".

Hajiya Turai kallan Hassana ta yi, ta ce, "Daughter ko dai maganin nan ya yi mai 'illa ne? ". Shiru Hassana ta yi tana kallan Habib d'in da ke juya kan shi akan cinyarta da takwantar da kanshi. Hannu Hassana ta kai da niyyar ta garama Habib d'in kwanciya ajikinta, amma sai ta ji kanshi zafi rau. Hassana kallan Hajiya Turai ta yi da alamun damuwa ta ce, "Mommy Oga Habib baida Lafiya , ki tab'a jikinshi kiji zafi". Hajiya Turai tab'a jikin Habib ta yi taji zafi sosai, dan ko tab'a Habib d'in da ta yi kawai ya barta ta san ba lafiya, dan inda da da lafiyar shi ba kamar yau ba, ba ta isaba ta tab'a shi".


Hajiya Turai likitan da takira ya duba Hassana shi ta kira ya duba Habib. Yana zuwa ya yi ma Habib duk aune-aunan da suka kamata, amma shiru Habib bai hana ba, dai dai ya kallesu da ido sai ya koma ya kwanta. Likitan ko Magunguna ya je ya kawoma Habib d'in na zazzab'i da na ciwan kai. Babu yadda likitan bai yiba dan su d'auki Habib su mai dashi ciki amma yak'i, dan acewar likitan sanyin k'asan zai kara mai zazzab'in".

Bayan likitan yaba da Magungunan da za a ba Habib d'in ya tafi. Hajiya Turai kallan Hassana ta yi ta ce, "Daughter tom ya zamuyi mai da kwanciyar k'asan nan? ". Hassana cirema Habib kan shi ta yi da ke kan jikinta. Tom dama da yake jikin k'ofar bedroom d'in Hajiya Turai suke ta yi sauri ta shige bedroom d'in Hajiya Turai".

Habib haka ya tashi yana layi kamar d'an k'waya ya bi Hassana. Hassana gudin kar Habib ya fad'o mata ta yi sauri ta kwanta kan gadon Hajiya Turai, dan tasan in ba haka ba, zai iya cewa zai kwanta kanta".

Allah sarki Habib bayan Hassana yabi ya kwanta, yana mai rik'e ta da d'ayan hannun shi. Hajiya Turai bayan su tabiyo".

Hassana ko naganin Hajiya Turai ta yi sauri ta yunk'ura ta tashi zaune, dan sai taji kunya sosai yadda Hajiya Turai ta ganta kwance kusa Habib ga shi duk ya wani kananna d'eta. Hajiya Turai maganin ta mik'ama Hassana ta ce, "Daughter ga maganin shi ki bashi, bari inje site d'in shi in d'akko mai rubutunshi ki bashi, yau dai banda na safe duk bai ma shaba". Hajiya Turai fita ta yi ta nufi site d'in Habib ta d'akko mai rubutun shi".

Hassana kallan Habib ta yi, tana tunanin yadda zata yi taba shi magungunan, dan babu yadda zatai mai ya tashi. Hassana maganin ta d'akko ta ce, "Oga Habib bud'e bakinka ka sha magani". Hassana ta fad'i maganar tana nufar bakin Habib. Hassana tusama Habib maganin ta yi, ta tada kan shi ta zuba mai ruwan faron da Hajiya Turai ta had'a mata dashi, da kyar Hassana ta samu da dabara ta rik'a sakama Habib maganin tana zuba mai ruwa ahaka-ahaka ya shanye magungunan".

Hassana na gama ba Habib maganin Hajiya Turai ta shigo da rubun Habib d'in. Hajiya Turai kallan Hassana ta yi da ke gefan Habib zaune Habib kuma na kwance ya yi matashi da cinyarta. Hajiya Turai rubutun ta mik'ama Hassana ta ce, "Daughter ga rubutun ki bashi". Hassana cikin taushin murya ta ce, "Mommy Wallahi magungunan ma da kyar ya sha kibar rubutun sai gobe".

Hajiya Turai da tom da amsa ma Hassana badan ta saba, sai dan kawai ta lura da Habib d'in basha zai ba, dan ma Hassanar nada k'ok'ari. Hajiya Turai kallan Hassana ta ya, ta ce, "daughter karki bacci bari in kawo miki tea ki sha".


Hajiya Turai da kanta ta had'ama Hassana tea ta kawo mata. Sannan jamasu k'ofar ta baya tai masu good night".

Hassana sosai ta ji dad'in tea d'in da Hajiya Turai ta kawo mata. Bayan Hassana ta gama shan tea d'in ne ta cire kan Habib da ke kan cinyarta ta kwanta gefan shi".


Cikin dare zazzab'i sosai ya rufe Habib sai makyarkyatar sanyi ya ke, irin ta masu zazzab'i. Hassana cikin bacci ta ke jin yadda Habib ke kyarma yana k'ara shishige mata. Hassana farkawa ta yi, tana mai kai hannu kan jikin Habib d'in ganin yadda ya ke rawar sanyi, zafi sosai Hassana ta ji jikin Habib d'in, Hassana cikin tausayin Habib ta kuma rungume Habib ajikinta sosai, tana mai jan bargo ta rufe su, tana cewa, "Sannu Oga Habib Allah ya baka lafiya, nasan duk wannan maganin ne da kasha ya yajazama wannan zazzab'in , Allah yasakama, Sannu kaji. ".

Habib da ke kwance kusan rabin jikinsa ana Hassana amai ya ke sosai kusan ajikin Hassana. Hassana cikin rud'ewa da ganin halinda Habib ya ke ciki ta tashi zaune tana mai rik'e shi, tana aikin mai Sannu".


Hajiya Turai ko cikin bacci ta ji yo k'arar aman Habib. Cikin tashin hankali Hajiya Turai ta shigo d'akin. Hajiya Turai kan gadon ta hau, tana mai rik'e Habib d'in itama ".

Hajiya Turai da Hassana suna rik'e da Habib sai da ya amaye duk abinda ke cikin shi sannan ya koma ya kwanta yana nufarfashi".

Hajiya Turai kallan Hassana ta yi cikin damuwa, ta ce, "daughter meke damun shi ne? ". "Mommy daga zazzab'innan dai shine fa ya kuma kama amai". Shiru Hajiya Turai ta yi, sannan ta ce, "ki shiga toilet ki wanke jikinki bari in ciro miki wata rigar saiki sa, inda ya amaye maki taki, kamarke kikai amman, shi babu komai ajikinsu, Sannu kinji daughter Allah ya biyaki da mafificin alkairinsa". Da ameen Hassana ta amsa, sannan ta tashi da niyyar shiga toilet ta wanke jikinta Habib ya rik'e hannunta". Hassana kallan Hajiya Turai ta yi, ta ce, "Mommy ban rigar in sa hakanan Oga Habib bazai barni in tashi ba". Hajiya Turai abayar irin ta maka single d'in nan taba Hassana, sannan ta yaye abuwan gadon da Habib ya b'ata ta fita da su, sannan ta d'akko wani bargon ta mik'ama Hassana, tai mata good night ta wuce".


Hassana koda ta sake tab'a jikin Habib sanyi ta ji sosai, alamun zazzab'in ya sauka, Alhamdulillah ta ce sannan ta ja masu bargon ta rufe su".


Washe gari Hassana sai 6:50Am ta farka, da sauri ta sako gado ganin gari ya yi haske, Hassana na sakkowa mutuminta ya biyota. Alhamdulillah dan yauma tare sukai alwallah duk yadda ta yi ya yi, Hassana ko ga yadda taga Habib na kazar-kazar d'in shi tasan sauk'i ya samu".

B'angan Farida ko tunda taji ihun Hassana tana nai man agaji, ta shirya ta bar gidan, dan cewar ta zatafi farin ciki tazo ta iske Habib ya yi ma Hassana irin wujijjigar da yake ma mutane, ala bashi sai ta taho maganin da malam ya ce zata bar gidan da kanta ba sai an koreta ba, indai aka zuba shi ta taka ko ta k'etare".


Washe gari Farida da wuri ta yi sammakon dawowa, sai dai abinda idonta ya gane matane ya tada hankalinta, Hassana da Habib zaune a derning space, suna break fast, hannu Habib rik'e da na Hassana, ga Hajiya Turai gefe guda. Farida cikin rud'u ta juya zata fita, Hajiya Turai kallanta ta yi, ta ce, "Farida zonan!! ........... .. ✍️


Idan kin karanta d'aure ki yi Comment sister 🤝


Share
&
Comment please 🙏.

📚 OGA HABIB 📚
💫💫
*🅙︎ARUMAI 🅦︎ WRITERS 🅐︎SSOCIATION📚🖊️*


https://www.facebook.com/108544471437073/posts/108546644770189/?app=fbl

_*Marubuta masu aiki da jarumta domin wa'azantawa ilimantarwa, nishad'antarwa tare da fad'akarwa da jama'a bisa harshen hausa💪*_

*💫(🅙︎.🅦︎.🅐︎)💫*
TSARAWA DA RUBUTAWA FADILA SANI BAKORI (Faddy baby).

Follow this link to join my WhatsApp group: https://chat.whatsapp.com/CrrZExGxsLSGblRVfxdnj7

https://m.facebook.com/groups/565235401564189/

Shafi na 44&45.





Farida gefan Hajiya Turai ta je, ta tsaya ta ce, "Mommy gani? ". Hajiya Turai ta dad'e tana kallan Farida sannan ta ce, "Farida daga ina kike? ". "Daga gidan Mommyna". Shiru Hajiya Turai ta yi, tana kallan Farida sannan ta ce, "Farida kina so ki canza hali,saboda da duk inda zaki kina sanar min, amma yanzu sai dai ki fita kai tsaye, tom kar hakan ya kuma faruwa kar ki sake fita kibar gidannan bada sanina ba,ke koda ban gari karki kuma". Hajiya Turai na kai haka ta ce, "zaki iya tafiya".


Farida fita ta yi tana mai jin zafin Hajiya Turai ta na tuhumarta inda ta je gaban Hassana".


Hassana ko bayan sun gama break fast, kallan Hajiya Turai ta yi, ta ce, "Mommy bari in d'akko kayan da zan sa ina son zanyi wanka". "A'a ki kama Habib ku tafi tare, abu daga zuwa gaisuwa ai anyimin k'ok'ari nagode".


Hassana ta d'an jima zaune, sannan ta tashi ta kalli Hajiya Turai ta ce, "Mommy zan tafi, ina so zanyi wanka ne? ". "Tom daughter nagode sosai,dan Allah arik'a kulawa da rubutun Habib inda muna ta k'ara ganin sauk'i ". Cewar Hajiya Turai. "Insha Allah Mommy ".


Hannun Hassana cikin na Habib a haka suka jera suka koma part d'in Habib. Hassana na zuwa ta shiga wanka ita da mutu minta, inda ta cire mai shirt d'in jikin shi da dogon wandon jeans d'in shi, ta bar shi daga shi sai d'an garami na ciki. Suka shiga tare kamar yadda suka sabo, Hassana sai da ta gama wankanta sannan ta kalli Habib da ke ta famar jagwalgwalan wankan shi. Hassana amsar sosan ta yi daga hannun Habib ta wanke mai jikin shi tass, sannan suka fita".

Hassana lotion ta d'akko zata shafa, Habib ya mik'o hannu zai ta tsa kamar yadda yaga tana yi. Hassana d'akko ke man tayi tab'oye tana ta tsa kad'an-kad'an tana shafama jikinta, saboda Habib ko ta bar mai ba shafawa ya ke ba, wasa kawai ya ke yi da shi. Hassana sai da ta gama shafa man, sanna ta shafama Habib shima, tana gama shafa mai ta ciro mai wasu kayan ta sa mai kamar yadda ta saba sa mai tanayi tana rintse ido gudin kar tai mugun gani, tana gama sa mai kayan shi ta bashi rubutun shi yasha".


BAYAN SATI D'AYA.

Yau sati d'aya kenan da zuwan Hassana part d'in Hajiya Turai ita da Habib, kuma tun daga ranar bata k'ara zuwa ba, sai dai Hajiya Turai kullum zata shigo ta ga jikin Habib. Maganar abinci ko Hajiya sosai ta jama Maimaina kunne akan karta kuskura ta ka mata da aikata mata rashin gaskiya, Hajiya Turai duk da kunnan da ta jama Maimuna hakan bai mata ba, duk lokacin Maimuna zata yi girki takan je gun ta zauna. Farida ko Hajiya Turai ta hana ta fita gaba d'aya, dan tana jin tsoran fitarta gani ta ke kamar wani abun zata iya zuwa ta yima Habib".

B'angaran Farida ko, sosai ta shiga damuwa da fitar da Hajiya Turai ta hanata yi yanzu,Hassana sosai ta dage wajan kula da Habib, dan yanzu ta gama sabawa da mak'ale mata d'in da Habib ya ke yi, na duk inda zata ya ke binta, toilet ko ta gama sabawama da binta d'in da ya ke yi. Sosai Hassana ta ke kula da ba Habib maganin shi, duk da dai har yanzu babu wani cigaba da suka k'ara gani game da Habib d'in, sai dai yanzu babu ruwan shi da kowa. Yanzu haka Hassana zaune ta ke tana ba Habib magungunan shi, Hajiya Turai ta shigo, Hassana cikin jin dad'in ganin Hajiya Turai dan ta fara sakin jikinta ta ita, ta ce, "Oyoyo ga Mommy ". Murmushi Hajiya Turai ta yi, sannan ta zauna kusa da Hassana, Hajiya Turai waya ta mik'ama Hassana ta ce, "Daughter ga wayar nan kirik'eta a hannunki zan rik'a kiranki akoda yaushe inajin jikin Habib, gurin aiki sun matsamin da kira, yau zan tafi jirgin 6:00 pm zan hau"
.Numfasawa Hajiya Turai ta yi, sannan ta ci gaba da cewa, "Daughter zan sama muku kayan abinci a kitchen ki rik'a girka muku, kinga yanzu bananan, duk da dai na hana Farida fita ko ina, daughter ki kula sosai dan Allah,Farida kuma duk lokacin da ta kuma zuwa ta sa meki tai miki magana ki fad'amin, kuma karki yadda ta kuma baki wani abun ta ce injini kiba Habib ki amsa".


Sosai Hajiya Turai taita ankarar da Hassana wasu abubun, duk da bata fito fili ba ta fad'a mata dalilin ciwan Habib d'in ba".


Hajiya Turai fita ta yi tasa aka shigomasu Hassana da duk wani abinda zasu buk'ata na girki, aka samu su a kitchen d'in Habib, sannan Hajiya Turai ta kalli Hassana ta ce, "daughter bari zan shirya nan da minti 30 zan tafi".


Hajiya Turai cikin k'ank'anin lokaci tagama shirinta ta, sannan ta shiga part d'in Habib, Hajiya Turai cikin sanyin muryar ta ce, "Daughter na tafi kirik'a aje wayarki kusa da ke ". Hassana cikin sanyin murya mai cike da rauni ta ce, "Tom Mommy Allah ya kiyaye hanya ya kaiki lafiya".

Haka Hajiya Turai ta tafi tana mai jinta duk ba dad'i, tana mai tunanin aje aikin kawai zatai ta zo ta zauna da d'anta".


Haka Hajiya Turai wannan karan ta yi tafiyar duk bata jin dad'in tafiyar, ko da Bilya ya kaita airport Hajiya Turai kallan Bilya ta yi, ta ce, Bilya dan Allah karka manta da amso rubutun Habib duk k'arshe sati". "Insha Hajiya bazan manta ba". Hajiya Turai kud'i ta ba Bilya sannan ta tafi".


Hassana ko jin abinda Hajiya Turai ta ce mata baza a kawo masu abincin dare ba yau, , ya sa Hassana na idar da sallar magriba ta shiga kitchen tai masu jolop d'in indomie".


B'angaran Farida ko tana ganin Hajiya Turai ta tafi, ta kira Mahaifiyarta awaya, dama kuma Hajiya Murja ce ta ce ma Farida ta yi hak'uri da fita kamar yadda Hajiya Turai ta hanata, sai ta tafi inda ta kusa ta fiya. Hakan yasa Farida yin hak'urin dole ba dan ta soba. Hakan yasa Hajiya Turai na tafiya Farida tashirya ta nufi gidan Mahaifiyarta".


Bayan Farida ta isa gidansu ne, Hajiya Murja kallan Farida ta yi, ta ce, "Farida ki ka ce min Yaron nan har yanzu bai kusanci yarinyar nan ba? ". Shiru Farida ta yi kamar ba za tai magana ba, sannan ta ce, "Mommy nifa banyi niyyar kuma mai mata maganarnan bama, na ce miki babu abinda ya shiga tsakanin su, kuma Mommy ni daga yau bazan k'ara zuwa gurin Malamin nan ba, wai shi mai biyan buk'ata dol..... ". Hajiya Murja saurin rufe ma Farida baki ta yi, ta ce, "Farida ki yi shiru mana, kibar fad'in haka, amma ni nasan Malam Mai biyan buk'ata dole ya iya aiki, kawai dai akwai kuskuran da aka samu, ki yi hak'uri ki tashi muje". "Kin san Allah Mommy bazan tafi ba na gama zuwa gun mak'ary.... ". Nan ma Hajiya Murja saurin k'ara rufe ma Farida baki ta yi, ta ce, "Farida kiban dama ta k'arshe daga wannan karan in dai mukaje gurin Malam buk'atarmu bata kuma biyaba, tom Nijar zamu tafi". Farida kallan Hajiya Murja ta yi, ta ce, "Kin d'auki alk'awari?". "Wallahi Farida dagaske nake miki, ni kaina nagaji da sab'anin nan da ake samu, yanzu tashi mu tafi, indai wannan karanma bai yi ba, sati mai zuwa Wallahi Nijar zamu tafi, kima kwantar da