You Cannot Download this book untill you login but you can read it .

---

Login Register

ƙofar bedroom ɗinsa bayan sun wuce ƙaton falonsa, kamar yadda suka saba haka sukayo kansa suna faɗin "Ogah sorry, what's wrong sorry sorry..."

Saida sukayi masa allurar da ake masa kullum kafin hankalinsa ya dawo jikinsa sai kuma ya wuce da yin bacci...

Daman kullum hakane da ihu yake tashi daga bacci na fitar hayyaci domin ba'a cikin hankalinsa yake ba, sakamakon mafarkin ƴan mata biyu da yake yi kuma sun gagara bayyana masa fuskokinsu wannan karan kuma sai sautin muryar ɗaya da kuma sautin kiɗan ɗaya sun bayyano masa a zahiri, idan ya tashi a wannan halin akwai allurar da ake masa wanda shi yake dawo dashi hayyacinsa daga nan kuma saiya wuce dayin bacci,
Har fargaban kwanciya bacci yake saboda wannan matsalar shiyasa yake so ya koma Nigeria ya samu Abbansu suyi magana akan lamarin ko za'a iya temaka masa,
Bayan ya koma baccinsa Sojojin ne suka fice masa a ɗakin kowa ya koma kan aikinsa.....


Baiwar ALLAH tana kammala waƙar daga nan haske ya ɗauke itama kanta ne ya fara juyawa ta rasa a wani duniya take, daƙer take ja da baya har ta faɗa saman gadonta tana dafe da goshinta nan danan bacci yayi awun gaba da ita.....


Ƴar Amana tana dakatar da kiɗan hasken wajenta ya ɗauke itama dafa kanta tayi sakamakon juyawar da yakeyi nan danan ta faɗi a ƙasin wajen daga nan ta nemi hankalinta ta rasa......


Wannan al'amarin daya faru Aljanun Ƴar Amana ne masu wannan aikin,
a iya mutum uku kawai suka bayyanar musu da wannan sirrin
Daga ƴar Amana sai kuma BAIWAR ALLAH da kuma Major general Razhdeen, bayan su babu wanda zai iya jiyo sautin kiɗa da kuma muryar Baiwar ALLAH, waɗannan hasken sune masu aika saƙo,
Sukan ɗauki sautin kiɗan Ƴar Amana su aikawa Baiwar Allah dake Nigeria sannan su ɗauki muryar Baiwar Allah su aikawa Ƴar Amana dake bakin Teku a ƙasar Misra, su kan ɗauki muryar da kuma sautin su aikawa Major general Razhdeen dake ƙasar Australia,

Kasar Misrah nan Aljanun Ƴar Amana suka kaita bakin Teku....


𝘁⃪𝘆⃪𝗽⃪𝗶⃪𝗻⃪𝗴⃪ 🤳𝗮⃪𝘀⃪𝗺⃪𝗲⃪𝗲⃪𝘁⃪𝗮⃪𝗵⃪ 𝗴⃪𝗶⃪𝗮⃪𝗱⃪𝗲⃪.



𖣔𖣔𖣔𝙈𝙔 𝙀𝙉𝙀𝙈𝙔𖣔𖣔𖣔
✰𝐌͢𝐚͢ƙ𝐢͢𝐲͢𝐢͢ 𝐍͢𝐚͢𝐡͢✰🤦‍♀️🤦‍♀️

𝐁͢𝐎͢𝐎͢𝐊͢ 𝐎͢𝐍͢𝐄͢ 𝐟͢𝐢͢𝐫͢𝐬͢𝐭͢ 𝐬͢𝐭͢𝐞͢𝐩͢

𝗗⃪𝗲⃪𝗱⃪𝗶⃪𝗰⃪𝗮⃪𝘁⃪𝗲⃪𝗱⃪ 𝘁⃪𝗼⃪ 𝗺⃪𝘆⃪ 𝘀⃪𝗲⃪𝗹⃪𝗳⃪.

𝗔⃪𝘀⃪𝗺⃪𝗲⃪𝗲⃪𝘁⃪𝗮⃪𝗵⃪ 𝗡⃪𝗼⃪𝘃⃪𝗲⃪𝗹⃪ (𝙂𝙞𝙖𝙙𝙚)
𝘁⃪𝗵⃪𝗲⃪ 𝘄⃪𝗿⃪𝗶⃪𝘁⃪𝗲⃪𝗿⃪ 𝗼⃪𝗳⃪ 👇
𝚃𝙷𝙴 𝚆𝙸𝙵𝙴 𝙾𝙵 𝙰 𝚃𝙸𝙶𝙴𝚁🐅
👉ᵐᵃᵗᵃʳ ᵈᵃᵐⁱˢᵃ👈
𝙰𝚗𝚍 𝚗𝚘𝚠 𝙼𝚈 𝙴𝙽𝙴𝙼𝚈
👉ᵐᵃƙⁱʸⁱ ⁿᵃʰ👈

ᶠʳᵒᵐ ᵗʰᵉ ᵇᵉᵍⁱⁿⁿⁱⁿᵍ, ᶠᵒˡˡᵒʷ ᵗʰᵉ ˡⁱⁿᵏ ᵗᵒ ʲᵒⁱⁿ ᵐʸ ᵍᵒᵘᵖ
👇👇👇
https://chat.whatsapp.com/CYC0vxQRZ269ISx36l1Dmt

ⁱᵈᵃⁿ ᵏⁱⁿˢᵃⁿ ᵇᵃᶻᵃ ᵏⁱʸⁱ ᶜᵒᵐᵐᵉⁿᵗ ᵇᵃ ᵏᵃʳ ᵏⁱ ˢʰⁱᵍᵃ ᵐᵘⁿ ᵍʳᵒᵘᵖ,
ⁱᵈᵃⁿ ᵏⁱⁿ ˢʰⁱᵍᵃ ᵇᵃⁿᵈᵃ ᵗᵘʳᵃ ˡⁱⁿᵏˢ..

𝙼𝚈 𝙴𝙽𝙴𝙼𝚈 𝙱𝙾𝙾𝙺 𝙿𝚁𝙴𝚂𝙴𝙽𝚃:

1--->𝙈𝘼𝙅𝙊𝙍 𝙂𝙀𝙉𝙀𝙍𝘼𝙇 𝙍𝘼𝙕𝙃𝘿𝙀𝙀𝙉 (M.G.R)ᵗʰᵉ ᵗʷⁱⁿˢ.

2---> 𝙎𝙐𝙍𝙂𝙀𝙊𝙉 𝘿𝙊𝘾𝙏𝙊𝙍 𝙍𝙊𝙎𝙃𝘼𝙉 (S.D.R) ᵗʰᵉ ᵗʷⁱⁿˢ.

3---> 𝘽𝘼𝙄𝙒𝘼𝙍 𝘼𝙇𝙇𝘼𝙃.

4---> Ƴ𝘼𝙍 𝘼𝙈𝘼𝙉𝘼.

𝗰⃪𝗵⃪𝗮⃪𝗽⃪𝘁⃪𝗲⃪𝗿⃪ 17 to 18



꧁꧂


Washe garin ranar Monday da safe Baiwar ALLAH tana kwance kan gadonta har zuwa wannan lokacin bata samu farfaɗowa ba, da ƙarfin gaske aka turo ƙofar ɗakin cikin zafin nama,
Hajia Kilishi ce ta tsaya tana binta da kallo tare da taɓe baki tace "iyeee ƴar hutu, yarinya an samu guri dole a wataya uhmm hakane...."
Dasauri ta nufi toilet taje ta ɗebo ruwa a bucket tana fitowa ta kwara ruwan nan gaba ɗaya akan Baiwar ALLAH dake kwance tana dafe da goshinta,
a ruɗe ta farfaɗo tana jan numfashi sama-sama, gaba ɗaya a firgice take, daƙer ta iya saita hankalinta ta tsaida shanyayyun idanuwanta akan Hajia kamar wacce tayi shekaru tana jinya duk ta rame ta zamo kalar tausayi,
bata ankara ba taji Hajia Kilishi ta zabga mata mari tare da faɗin "tashi dan ubanki, Ni zaki rinƙa yiwa irin wannan kallon? yau zan ga waye gatanki acikin gidan nan, General ya tafi yanzu kallo ya koma sama, dan haka ki biyo ni falo yanzun nan...."
ta ƙarasa maganar tare da jan dogon tsuka ta fice..

ita kuwa Baiwar ALLAH tana zaune hannu akan fuska, wasu zafafan hawaye ne suka fara gangaro mata, da haka ta tashi ta nufi toilet tayo alwala sannan ta fito tayi sallar asuba domin yau ta makara sosai ƙarfe 7 yanzu haka,
Bayan wasu mintuna ta kammala tare da jero addu'o'inta sannan ta miƙe zatayi hanyar fita da zureren hijab ɗinta saiga Minal ta shugo da bala'inta ganin Baiwar ALLAH yasa ta tsaya tana balbaleta da masifa "ke wato dan kin raina mutane tin ɗazu matar gidan tazo da kanta ta ƙiraki amma ki ƙi zuwa dan buro ubanki! saboda kin mayar mutane Mahaukata koh?....."

Baiwar Allah kamar zata fashe da kuka tace "kuyi haƙuri Sallar Asuba nayi....."
bata ƙarasa maganar ba taji Minal ta kamo kunnenta ta murɗa da ƙarfin gaske tana faɗin "sallo kinji koh, ƴar gidan akharami taho munafuka kawai...."
taja kunnenta suka fice falo, ba ƙaramin murɗe mata kunne tayi ba da haka har suka ƙarasa cikin falon yanda sauran mutanen gidan suke suna isa Minal ta wurgar da ita ƙasin carpet,

Ga Hajia Kilishi tana zaune ta ɗora ƙafa ɗaya akan ɗaya sai hararar Baiwar ALLAH take, sai kuma ƴan mata biyu twins suma suna zaune a kujera ɗaya ko wacce idonta akan wayar hannunta, sai Minal wacce zamanta Kenam akan kujera idonta akan Baiwar ALLAH,
Ummy ce kawai bata nan tana can ɗakinta bata farka ba ita da ƴar Tiny...

Hajia tana kallon Baiwar ALLAH tace "na ƙira ki shine zaki ɓata mun lokaci koh ?...."

Baiwar ALLAH ɗagowa tayi tace "Hajia Sallah.........". bata ƙarasa maganar ba taji an harba mata baki da ƙafa ɗagowa tayi da rinannun eyes ɗinta tana kallon Minal wacce ita tayi cankin, nan danan lips ɗinta ya fashe sai jini dake takalmi mai tudu ne a ƙafarta, su ko ina zasuje da takalmi a ƙafarsu, kwanciya ne kawai idan zasuyi suke cire takalmi...

"Idan na sake jin anyi magana kema kin buɗe wannan ruɓaɓɓen bakin ki kema kinyi Uhmmm kin san sauran...."

Hajiya Kilishi idonta akan Baiwar ALLAH tace "Meye sunanki?..."

A hankali tace "Baiwar ALLAH...."
cikin zafin rai Hajiya Kilishi tace "kowa ma ai bawan Allah ne dan ubanki..."
Baiwar Allah tayi shuru kai a ƙasi,

Hajia Kilishi ta cigaba da cewa "Inaso ki sani cewa wannan gidan bawai kin shigo shi saboda hutu bane, baccin safen nan dakatar dashi zakiyi saboda bakida ƴancin yin baccin safe sai masu gidan,
wacce take zuwa yi mana aiki a gidan nan yau na sallame ta saboda bana tara ƴan aiki, guda ɗaya nake riƙewa, saboda haka ki ɗaura ɗamaran yin aikin daya dace acikin gidan nan,
aiki na farko shine zaki tashi da asuba ki fara share-share da goge-goge su dinning table da kitchen, kujerun falo da plasman da frig gaba ɗaya zaki goggoge ba saina lissafo miki ba kema kinsan abinda ya dace,
daga nan zaki haura upstairs kije kibi ɗakunan yarana duk ki gyaggyara musu ki wanke musu toilet gaba ɗaya, sannan ki sauƙo ki haura upstairs saman ɗakina ki shiga nan ma ki gyara mun sannan ki wanke toilet,
ɗakin mijina kuma ban baki izinin shiga ba,
Bayan kin kammala sai ki shiga kitchen kiyi mana girke-girken abun breakfast, kuma kece zaki rinƙa mana girki kullum daga safe har rana har na dare sannan ki tattara ki wanke kwanuka,
Still idan kayan yarana sunyi datti zasu tattaro miki kije ki wanke musu tass ki goge musu, ƙarin ayyuka kuma sai matasan gidan sun dawo zakiyi bayani, Kinga can?......"
ta nuna Upstairs part ɗin su Razhdeen ta kuma cewa "wancan part ɗin duk ɗakunan gidan nan baya su girma domin ko wani ɗakinsu akwai falo da kuma bedroom da toilet duk sai kin shishshiga kin gyara musu da zaran sun dawo sannan kina kammala girki ko wanne zaki kai mishi ɗakinsa ne saboda su basa cin abinci acikin mutane, kowa da dining ɗinsa acikin room ɗinsa,
Ki shirya yarinya ba hutu kamar yanda kika tsara yi......."
Hajia Kilishi tana iddasawa ta tashi tayi hanyar fita tare da faɗin "Ni zan wuce gurin aiki saina dawo, sannan ke kuma Minal banaso kina makara a wajen aikin ki, ki samu ki shirya ki tafi....."

Minal tace "toh Mommy sai kin dawo..."
itama tayi maganar tare da miƙewa tsaye zata haura upstairs idonta akan Baiwar ALLAH ta ce "Madam zaman mai kike yi? bazaki fara aikin bane?...."
Baiwar ALLAH tashi tayi tana girgiza kai alamar a'ah...

Dasauri ta miƙe ta fara karkaɗe kujerun falo tana goggogesu,
Suma su Pinky ne suka tashi tare da faɗin "ga can tilin kayan wankin mu idan kin kammala aikin gida saiki hau wanki kuma....". suka ƙarasa tare da haura saman stairs.

tinda Baiwar ALLAH ta fara aiki bata tsaya ba saida ta kammala share-share da goge-goge harda su kitchen da gyaran ɗakunan gidan gaba ɗaya dasu wankin toilet sannan ta shiga kitchen zata girka abun breakfast, tana cikin aikinta saiga Ummy ta shugo tana jinjina kai tace "kinsha aiki sosai Aunty Baiwar Allah, sannu da ƙoƙari...."

juyowa tayi da murmushi asaman fuskarta tana kallon Ummy tace "ai Ni aiki baya ban wahala, yanda kasan wasan yara haka na ɗauki aikatau, ai motsa jiki ne, yawan kwanciya ma illah ne....."

Ummy girgiza kai tayi sannan tace "Allah Sarki su kuwa suna ganin kamar horaki suke yi, so nake sai Abbah ya sauƙa daga jirgi idan ya huta saina ƙira shi na sanar masa duk abubuwan da suke faruwa..."

Baiwar ALLAH riƙo hannun Ummy tayi sannan tace "please sister kimun wata alfarma...."
Ummy dasauri ta jinjina kai tare da faɗin "Yes inajinki..."

Baiwar ALLAH tace "dan girman Allah duk abinda akayi mun acikin gidan nan karki sanar wa Abbah, haka duk abinda za'ayi mun, wahala ne na rigada na saba tin ina yarinya saboda haka babu abinda zai sha mun kai akan duk aikinda za'a sanyani nayi, wannan shine Alfarmar da zakiyi mun,
Banason Abbah ya rinƙa tayar da hankalinsa akaina naga kamar bashida lafiya, nidai indai zan samu ci da sha kuma idan dare yayi zanyi bacci Alhamdulillah, ki kwantar da hankalinki ki rinƙa kawar da kanki akan duk abubuwan da za'ayi mun...."

Ummy idonta acikin na Baiwar ALLAH cike da tausayawa take kallon ta tace "gaskiya kinada kyakykyawar zuciya kamar yadda fuskarki take da kyau da ɗaukar hankali especially idan cikakken namiji yayi ido huɗu dake....."

Baiwar ALLAH bata san lokacin da ta kwashe da dariya ba jin abinda Ummy take faɗi tace "ke dai kinada abun ban dariya wallahi....."

Murmushi Ummy tayi sannan ta ce "da zan rinƙa ganinki acikin yanayin farin cikin nan ai dana fi kowa farin ciki...."

Itama Baiwar ALLAH murmushi take ga dimple yanda yake lotsawa gwanin burgewa Lokaci guda ta ɗan sau fuska tana motsi da lips ɗinta idonta akan Ummy tanaso tayi magana amma saita fasa,
Ummy tace "ehen tell me, mai kike son cewa?...."

Da fara'a akan fuskar Baiwar ALLAH tace "Ni daman bayan ku akwai sauran ƴan gidan waɗanda basa nan?...."
Ummy tace "sosai ma suna nan tafe kwanan nan zaki gansu, jaruman gidan, su biyu ne amma tamkar mutane dubu suke,
Razhdeen da Roshan su ɗin twins ne, iya su biyu ne kawai basa nan...."

Baiwar ALLAH zaro ido tayi jin yanda Ummy take yabonsu ta jinjina kai sannan tace "nifah na ɗauka iya ku mata ne kawai babu yaro namiji, amma duk Hajia ce ta haife ku har su?....."

Ummy sauƙe numfashi tayi sannan tace "Kinga Aunty Baiwar Allah Ni yanzu yunwa nake ji, bari na tayaki yin girkin saboda mu gama da wuri munayi muna hirar mu...."

Baiwar Allah cikin nuna farin ciki tace "TOH shikenam...."

Ummy ta ɗauki blander ta fara niƙa kayan miya domin ferfesun chicken zatayi ita kuma baiwar Allah zatayi wainar masa,
Haka suka fara aikinsu gurin yayi tsit
Sai can bayan wasu mintuna Baiwar ALLAH tayi gyaran murya sannan tace "Sis baki bani amsa ta ba...."

Dariya Ummy tayi ganin yanda Baiwar ALLAH take son jin labarin su Razhdeen da Roshan, tace "yawwa kin tambayeni akan cewar Hajia ita ta haifesu koh?..."
tayi ajiyar zuciya sannan ta cigaba da cewa "gaskiya ba Hajiya bace ta haifesu ba, suma mamansu daban Ni kaina bansan mamansu ba, kai ƙarewa ma a yanda naji su kansu twins ɗin basu san mamansu ba saboda a lokacin data haifesu a ranar Allah yayi mata rasuwa, bayan wasu shekaru kuma Abban mu ya Auro Hajiyar mu Kinga itama mommy bata san mamansu Uncle Deen ba....."

Baiwar ALLAH cikin rashin fahimta tace "Uncle Deen kuma du?...."

Murmushi Ummy ta kuma yi tare da faɗin "Uhm Uncle Deen shine Razhdeen haka muke ƙiransa dashi domin shiɗin ya cancanci sunan baya ɗaukar kansa a matsayin Yaya sai dai Uba hakan yasa ake ƙiransa da Uncle Deen shi kuma ɗayan sarkin Smiling Yaya Roshan muke ce mai, shi wannan a matsayinsa ya zauna na Yaya Kenam...."

Baiwar ALLAH jinjina kai tayi haka kawai sai murmushi take ta sauwa ta ce "amm kar kice na cikaki da surutu shin Yaya Roshan ɗin yanada yawan murmushi ne? Amma kuma zai iya kasan cewar kamar su ɗaya ko kamar yanda ake samun ƴan biyu masu kama ɗaya...."

Ummy ta juyo tana kallonta da murmushi akan fuskarta tace "suna kama amma ba sosai ba, shi Razhdeen yafi Roshan haske sosai kamar balarabe haka yake dake mahaifiyarsu Balarabiya ce ƴar ƙasar Makkah, toh Razhdeen ita ya ɗauko a kyau da farin fata sannan yana tara suma sosai akansa yanda kasan gashin mace macen ma ƴar India domin sumar kansa har gadon bayansa ga laushi kamar Audiga, sannan yanada ƙirar jiki sosai domin yafi Roshan tsayi da faffaɗan jiki da komai yafi Roshan, kasancewarsa shi ɗin Soja ne yana yawan motsa jiki,
Major general Razhdeen yanada matsayi sosai a ƙasar Australia....."
ta dakatar da maganar tare da juyowa ta kalli Baiwar ALLAH taga duk ta haɗa gumi sai faman zazzaro ido take,
Murmushi Ummy tayi sannan tace "jin yanayinsa kaɗai ya sanya ki cikin zulumi, TOH idan kika ganshi sai kinyi kamar zakiyi fitsari a jikinki saboda ganinsa yafin jin labarinsa firgitarwa,
Shi ɗin baya ra'ayin mace ko kaɗan, ko kallon mace baya son yi balle wai soyayya? kaiiiiii ko a mafarki ban taɓa jin ance ganan budurwar Uncle Deen ba, ƴan mata da yawa suna mararinsa amma sai dai suna shakkar kusantarsa, Uncle Deen baya dariya sannan baya son yin magana, baya son zaman cikin mutane bayason hayaniya, sannan baya son raini............"

Ummy bata ƙarasa maganar ba taji Baiwar ALLAH tana faɗin "dan ALLAH Sister ya isa haka, banason jin labarinsa just ki bani labarin Yaya Roshan nasan shi ɗin zamu fi jituwa domin na tsani mutum mai girman kai da jiji dakai....."

dariya Ummy tayi sannan tace "kodai kin tsunduma ne kema?...."

buɗe baki Baiwar ALLAH tayi da sauri ta ce "wa Kenam?..."

Ummy tace "shi Uncle Deen mana..."

Zaro ido waje tayi tana girgiza kai tace "waaaa koda wasa, wane Ni, dan Allah rufa mun asiri ina zaman lafiyata kar kisa na fara jin sauƙar ice a gadon baya na, zan tsaya a iya matsayina na ƴar aikin gidan babu ruwana ..."

Ummy jinjina kai tayi sannan tace "Allah sarki yanzu haka fuskar Yaya Roshan nake hasashowa da wannan kyakykyawar murmushinsa mai ƙayatarwa, shi ɗin na daban ne ga kyakykyawan zuciya ga asalin kyakykyawa ne shima na bugawa a jarida, fari ne shima tass amma bai kai Razhdeen ba, amma shi baya tara suma gaskiya yana yawan ɗora farin glass akan dara-daran idanuwansa masu kyan gaske......."