You Cannot Download this book untill you login but you can read it .

---

Login Register

ɗosana mazaunenta a bakin gado tareda kai hannunta kan Ƴar Amana wacce take lulluɓe da mayafi, cikin sassanyar murya Baiwar ALLAH take ambatar sunanta
"Ƴar Amana! Ƴar Amana!! ki tashi ana ƙiran sallah, kinji koh?.." ganin Ƴar Amana bata motsa ba yasa ta haura saman gadon gaba ɗaya ta ɗagota tareda yaye mata mayafin data rufu dashi, jin yanda jikinta ya ɗau zafi ga rawar sanyin da take yi yasa Baiwar ALLAH tsorita ta zazzaro ido waje tana faɗin "Innalillahi wa inna ilaihi raju'un Ƴar Amana meya same ki? wayyo zazzaɓi ke samun ki bari na dubo miki magani...."
a ruɗe Baiwar ALLAH ta sauƙo ta nufi waran da jerin kayansu suke nan ta fara fitar da kaya daga cikin jaka tana faɗin "ina tunanin akwai sauran magani, ALLAH yasa na samu wayyo ƴar uwata ba lafiya..."

Ita kuwa Ƴar Amana tana kwance sai rawar sanyi take gaba ɗaya ta fita hayyacinta, Baiwar ALLAH tasowa tayi jiki ba ƙwari tana tsaye takai hannu ta riƙo kunkuminta tana sauƙe numfashi cike da tausayawa tace "Ƴar Amana ban samu maganin ba, gashi yanzu idan naje tambaya ba lallai mu samu ba saboda sau ɗaya ake bamu magani a wata idan ya ƙare kuma shikenam, amma ki kwantar da hankalinki zanje na gwada tambaya ..."
tana kaiwa nan ta juya ta nufi hanyar fita kai tsaye office ɗin shugaban su ta nufa, tana zuwa ta tsaya a gaban ƙofar office takai hannunta a hankali tana knocking, jin shuru yasa ta tura ƙofar ta shige ta kuma rufe ƙofar kar a ganta saboda doka ne wata ta shiga office ba tareda permission ba, anan duk wasu abubuwan da ake buƙata suke nan ta fara bincika ko ina tana neman akwatin maganinnuwa, har gari ya fara washewa daƙer ta samu akwatin ta buɗe a hanzarce ta ɗauki packet na paracetamol da maganin ciwon ciki da kuma maganin olcer domin gaba ɗaya daga ita har Ƴar Amana olcer na damunsu sakamakon rashin samun isasshen abinci,
tana gama jidan magani ta juya zata bar ofishin kwatsam ta tarar da Ogansu yana tsaye ta bayanta wanda yanzu zuwansa, zaro ido Baiwar ALLAH ta soma yi tana haɗiyar yawu daƙer ga wani zufa da yake gangaro mata, buɗan baki tayi zatayi magana a wahalce mutumin ya ɗaga mata hannu alamar tayi shuru, yana mata wani irin kallo yace "Baiwar ALLAH kin shugo hannu, barewar dana daɗe ina farauta yau gashi ta faɗo tarko nah, Baiwar ALLAH! Baiwar ALLAH!! shin kin san hukuncin yin sata acikin Office?..."
Baiwar ALLAH shuru tayi tana kallon ƙasi tana tunanin yanda zata kuɓuce a hannun wannan azzalumin mutumi, ya juma yana nemanta da lalata amma taƙi bashi haɗin kai, daman yana neman yanda zaiyi ya kamata da laifi yau kuma gashi ga ita...
katse ta yayi daga dogon tunanin data faɗa tareda cewa "duk wacce aka kama tayi sata to hukuncin ta shine ayi mata bulala hamsin sannan ayi mata tsirara daga ita sai pant da bra a zagaya da ita cikin wannan makeken gida na marayu kowa da kowa ya ganta..."
yana magana cikin izgilanci ya gyara tsayuwarsa sannan ya goya hannayensa a saman ƙirjinsa ya kuma cewa "toh ya kike gani! shin kin yadda ayi miki wannan tozarcin ne ko kuma dai zaki bani haɗin kai saina ƙyale ki..."

Baiwar ALLAH ɗagowa tayi da rinanan idanuwanta waɗanda tasha kuka dasu ta haɗe hannayenta biyu ta ce "Yallaɓai dan girman ALLAH kayi haƙuri wallahi ba komai nazo ɗauka ba illa magani, Ƴar Amana tana can bata da lafiya ka temaka mun..."
cikin rashin nuna damuwa ya ɗaga kafaɗunsa tareda cewa "i don't care about Damuwata shine ki bani lokacinki mu fake...."
kafin ya rufe baki Baiwar ALLAH ta tafo da gudu ta durƙusa a gabansa tare da riƙe masa ƙafafu tana kuka ta ce "dan ALLAH Ƴallaɓai ka temaka mun, bana son abunda zai zubar mun da mutunci na, inaso na haɗu da iyayena cikin ƙoshin lafiya, inaso na rinƙa alfahari daku koda bama tare saboda tin ina ƙarama kuke riƙe dani, kun zamo mun tamkar iyaye nah, dan ALLAH Yallaɓai Ni ƴa ce a wajenka bai kamata wannan al'amarin ya afku ba..."

Lumshe ido yayi yana sauƙar da numfashi a hankali game da cewa "wayyo daɗi cigaba da rungumar sawaye nahh.."
yakai hannunsa ya cabko nata hannun ya ɗora saitin AK-47 ɗinsa yana hura iskar bakinsa, Baiwar ALLAH ganin haka yasa ta fincike hannunta da ƙarfi tana ja da baya murya na harharɗewa ta ce "A'uzubillahi ALLAH Ubangiji ya toni asirinka yallaɓai...". ta tashi tabi hanyar fita zata gudu yayi saurin riƙota ya mannota saman ƙirjinsa yana zazzaro mata eyes tare da darara mata tsawa ya ce "Keee bari kiji a wannan lokacin ƙarya kike ki tsallake tarko nah, duk ƴan matan cikin wannan gidan babu wacce ban ɗanɗani kalar zumanta ba sai ke da kuma ƴar uwarki Ƴar Amana, don haka ba kowa kuka fi ba dole kuma saina kusance ku kota halin ƙaƙa...."
Baiwar ALLAH jin ya ambaci sunan Ƴar Amana yasa ta dakata dayin kukan tana masa wani irin kallo na ƙasƙanci ta ce "Yallaɓai duk abunda zaka yi kar ka ƙara sako sunan Ƴar Amana acikin maganarka domin banga abunda ta tare maka ba, ita ɗin yarinya ce ƙarama du Da du bazata wuce shekara sha biyar ba a duniya, na zamo mata tamkar uwa don haka kayi komai akaina amma banda ita ..."
Yallaɓai ganin ɓacin rai a fuskar Baiwar ALLAH yasa tayi masa ƙwarjini dai daita muryarsa yayi sannan ya ce "okay fine yanzu acikin biyu ki zaɓi ɗaya, shin zaki amince mun da buƙata ta in yaso duk abunda kike buƙata zaki samu a waje na ko nawa kike so ko kuma kin zaɓi a fitar dake bainar jama'a ayi miki bulala sannan a zagaya dake zigidir...."

Ajiyar zuciya Baiwar ALLAH tayi tana zubda ƙwallah ta ce "ban taɓa jin labarin gidan marayu ana musu wannan mummunan abu ba sai a wannan gidan, Ni bazan bi hanyar da zan saɓawa Ubangiji na ba domin da kunyar lahira gwara ta duniya, na Amince ayi mun hukuncin da aka zaɓar mun, insha ALLAHU idan hukuma taji wannan ƙazamar labarin bazata barku ba domin kunci amanar da aka baku na riƙon ƴaƴan marayu...."
kafin ta rufe baki Yallaɓai ya zage ya zabga mata mari yana huci ga baƙin cikin bata amince masa ba ga kuma ta tsaya masa a gaba sai gaya masa maganganu take...
Baiwar ALLAH kama fuskarta tayi tareda fashewa da matsanancin kuka,
cikin ɓacin rai Yallaɓai ya zaro wayarsa ya ƙira ma'aikatan gidan cikin lokaci ƙanƙani sai ga su sun shugo su biyar duk mata, ganin Baiwar ALLAH yasa suka ce "Baiwar ALLAH meya kawo ki cikin office da sassafe?..."
Yallaɓai ya sanar musu cewa "kuje ku rubuta wannan yarinyar ɓarauniya ce kullum saita shugo cikin office ta saci kuɗin tallafin da ake kawowa marayu, yau nazo na kamata tana kokarin buɗe akwatin kuɗi, saboda haka baza mu ƙyaleta ba, ku fitar da ita waje ku tara duk mutanen da suke gidan za'a yanke mata hukunci...."
duk maganganun da yake yi kuwa idonsa akan kyakykyawar fuskarta, ita kuwa kanta a sunkuye sai zubda hawaye take hannunta kuwa riƙe da maganin data ɗauka,
Acikin ma'aikatan nan kuwa duk basu yadda da abunda Yallaɓai ya faɗa ba dake sun san halinsa mayen mata ne idan mace taƙi bashi haɗin kai haka yake mata wannan sharrin, kuma yana sawa a cirewa mace kayan jikinta ne acikin mutane domin yaga surar jikinta sai yake fakewa da hukunci...
Duk gidan marayun nan babu maza iya zallar mata ne kuma babu mai fita daga gidan saboda kar akai ƙorafi akan yallaɓai duk abunda yakeyi a ɓoye yake yinsa, kuma shine shugaba mai kula da yaran marayu amma yake cin Amana...

Ɗaya daga cikin matan ce ta riƙo hannun Baiwar ALLAH tareda jan ta suka nufi waje, kai tsaye harabar gidan aka fita da ita cikin sa'o'i aka ƙira duk yaran da suke gidan suka fito, lokaci guda har an hallaru a wajen ana son ganin hukuncin da za'a yiwa Baiwar ALLAH, domin har an sanar cewa tana satan dukiyarsu acikin Office, masu jin haushinta suna ji masu tausaya mata kuma har da hawayensu..,

Ita kuwa Ƴar Amana tana can cikin ɗakinsu bata san meke faruwa ba, ganin har yanzu Baiwar ALLAH bata dawo ba yasa ta yunƙura daƙer ta tashi ta nufi toilet, taje ta ɗauro Alwala tazo ta tada sallah, a nutse tayi sallar ta sannan ta jero addu'o'inta acikin zuciya tana zubda ƙwallah,
ganin har an ɗau awanni Baiwar ALLAH bata dawo ba yasa ta yunƙura ta fice daga cikin ɗakin, tafiya take bata ga kowa ba, dake a saman beni suke, saida ta miƙi dogon compound dake saman beni tukun ta fara taka matakala a hankali ta sauƙo ƙasin beni, anan ta fara ganin tarin mutane a cushe guri ɗaya, da gudu ta ƙarisa wajen ganin meke faruwa, abun da ya tada mata da hankali shine ganin Baiwar ALLAH a tsakiyar fili tayi kneel down ga kwantaccen sumar gashi a kwance saman gadon bayanta sai sheƙi yake, ga Kuma wata zankaɗeɗiyar dorina ajiye a gefenta, wata inyamurar mata ce Madam eniola itace mai yin bulala, tazo taza cire wa Baiwar ALLAH riga suka ji daga can bakin get an hura wutsur dake tsakaninsu da get akwai tazara mai nisan gaske, wannan wutsur ɗin da aka wura shine alamar tabbatar da anyi manya-manyan baƙi waɗanda suka kawo ziyara wa marayu,

Yallaɓai yana tsaye takaici kamar zai hallaka shi saboda yaso ace yaga kyakykyawan surar jikin Baiwar ALLAH, domin ALLAH ya yi mata wani irin baiwa ta halitta komai nata a tsare yake, kyakykyawa ce ta asali kamar ba ƴar Nigeria ba, ga surar jiki mai kyau domin ita ba siririya ba sannan ita ba ƴar lukuta ba amma doguwar mace ce fara tass kamar jini zai fito daga jikinta...

A fusace Yallaɓai ya ce "kashhh wayyo ALLAH banso anyi baƙi daga yanzu ba, ku ɗauke mun wannan yarinyar ku kaita can ɗakin duhu ku kulleta kuma kada wacce takai mata abinci da ruwan sha har sai tayi regretting...."

Ƴar Amana ganin an ɗago da Baiwar ALLAH yasa ta tafi da gudu ta rungumeta tana kuka, itama Baiwar ALLAH juyowa tayi tana kuka ta rungumi Ƴar Amana, a ɓoye Baiwar ALLAH ta ware tafin hannun Ƴar Amana ta damƙa mata maganunnuwan sannan ta shafa sumar kanta tareda faɗin "ki kwantar da hankalinki komai mai wuce wa ne, nidai fata na ki kula mun da kanki, ganan magani kije kisha zaki samu sauƙi sosai...."
Ƴar Amana duk taji abunda Baiwar ALLAH take gaya amma saidai ba halin mayar da martani sai kawai ɗaga mata kai data yi...

Yallaɓai ne ya darara wani irin tsawa yana faɗin "ku janye mun wannan kurmiyar anan, kuma kowa ya kama aikin gabansa banason baƙin nan su fahimci akwai matsala...."
Duk suka amsa da TOH...

Baiwar ALLAH can ɗakin duhu aka nufa da ita wanda yake can nesa da bayan ɗaku na,

Ƴar Amana dake ta sulalewa zata bi bayan su Baiwar ALLAH anata riƙeta gaba ɗaya ta fita hayyacinta, saida Yallaɓai yazo har gabanta yasa hannu ya zabgeta da wani irin gigitaccen mari har saida ta faɗi ƙasi ta kife, ɗagowa tayi hancinta har ya fashe sai ɗigo da jini yake tana ta kar kaɗa masa hannu alamar magiya akan yayi haƙuri ya ƙyale Baiwar ALLAH, ta kama ƙafarsa tana girgiza masa kayi, haka yasa ƙafa ya yi filli da ita gefe nan ma dungura, bakinta yanata kakkarwa kamar zatayi magana amma babu halin yi, a wannan dungurawar da tayi har tsintsiyar hannunta ya karye sakamakon faɗuwar da tayi akan hannun, amma babu wanda yasan hannun ya karye sai mutsil-mutsil take tayi tana ƙoƙarin tashi sai ga wasu zankaɗa-zankaɗan motoci baƙaƙe manya-manya sai sheƙi suke waran motoci guda biyar sun nufo hanyar da zai kawo su har cikin harabar gidan...

wasu ɗirka-ɗirkan sojoji ne suka fara fito wa masu ƙwarjini wanda ko ido baza kaso ka haɗa dasu ba, saida sojojin nan suka gama fitowa duk suka jejjeru kowa da manya-manyan bindigunsu a hannu, ɗaya daga cikin sojojin ne ya buɗe murfin ɗaya daga cikin motocin bayan mintuna ƙalilan saiga ƙafar wanda aka buɗewa gwanin burgewa sai gashi ya fito gaba ɗaya mutumin yana sanye da wata danƙareriyar shadda sky blue da hula kalar shaddan, takalmin ma kalar kayan, yana sanye da wani ɗan siririn farin glass akan dara-daran idanuwansa, mutumin fari ne tass kyakykyawa dashi, dattijo yanada farin gemu amma akwai ɗaukar ido, fuskarsa kuwa yana ɗauke da kyakykyawan murmushi....


Wakilin gidan marayun wato Yallaɓai ganin Chief of Army's ne yau ya kawo ziyara yasa jikinsa ya ɗau kakkarwa, alamun rashin gaskiya ne suka bayyana mishi, yana tunani a ransa cewa "meyasa General zai zo amma ba notice, zuwan ba zata innalillahi, ALLAH yasa dai kar ya kama mu da laifi... "

cikin gaggawa aka kawo wa General gurin zama da lema, haka kowa ya rinƙa zuwa yana gaishe su, saida kowa ya isar da saƙon gaisuwa tukun Chief of Army's
General Muhammad Zaiduddeen Bature yakai idonsa kan yarinya dake zaune a ƙasin floor duk jini ya wanke mata fuska ta ƙura idonta akansa ko ƙibtawa bata yi,

General miƙa mata hannu ya yi alamar tazo yanda yake,
Ƴar Amana ƙoƙarin tashi ta soma yi jin hannunta a karye yasa ta koma ta zaune tana kuka,

General kallon yanda Yallaɓai yake ya yi shi kuwa ganin kallon da akayi masa ne yasa shi cewa "Am amm Ammm yarinyar Kurmiya ce bata ji sannan bata gani amma akwai rigima..."

General ya ce "bashi na tambayeka ba shin meya faru da ita?..."

Muryar Yallaɓai ne ya soma kakkarwa yana faɗin "wallahi General a bishiya ta faɗo, taje wancan bishiyar mangoro ne saboda rigima ta hau ta faɗo, yanzun nan case ɗin da akeyi kenam kuka shugo..."

Jinjina kai General ya yi sannan ya ce "duk ina kuke kallo har yarinya zata hau saman bishiya bazaku dakatar da ita ba? wannan sakaci ne da rashin kula da yara..."

sunkuyar da kansa ƙasi yayi yace "sorry General lokacin babu kowa ata wajen..."

Duk sauran mutanen gidan sun jinjina irin girman ƙaryar da Yallaɓai ya zabga lokaci guda...
General ne ya tura wani soja ɗaya akan yaje ya dubo Ƴar Amana ko akwai ciwo a jikinta bayan fasuwar hanci da bakin...
Sojan saida ya yi checking natan sosai kafin ya gano cewar harda karaya a hannu nan kuwa ya sanar wa General,
General zare glass ɗin idonsa ya yi tareda faɗin "whatt! ta karye kuma? Oya kuyi hanzarin kaita hospital right now..."

Ɗaya daga cikin ma'aikatan ce tazo ta ɗago da Ƴar Amana, idonta kuwa akan General tana ta masa magana da ɗayan hannunta mai lafiya tareda girgiza masa kai tana nuna hanyar da aka kai Baiwar ALLAH...
Shi Yallaɓai ya fahimci abunda take gaya amma sai dai shi ɗin General bai fahimta ba amma shima idonsa akanta yana son gano wani abu acikin zancen zucin da take yi kuma tanata jujjuyar da hannu...

Yallaɓai cikin gidan marayun gudun kar General ya fahimci abunda Ƴar Amana take son aikar da saƙon yasa ya yi saurin cewa "Ammm General yarinyar bata son allura ne shiyasa take ta karkaɗa maka hannu, kuma ga dole za'a ɗora mata hannu zata sha azaba..."

"Okay" abunda General ya furta kenam, nan da nan yasa sojojinsa suka fara sauƙar da buhunan shinkafa da kayan abinci sannan yasa aka rabawa duk matan dake cikin gidan manya-manyan atampopi masu kyau da tsada da kuma kuɗaɗe haka yasa duk aka rarraba musu,
ya bayar aka ajiye wa Ƴar Amana tatan wacce tin ɗazu har sun tafi hospital da ma'aikaciya ɗaya,
saida aka gama rabo tass banda Baiwar ALLAH dake can acikin duhun ɗaki ba haske ko kaɗan sai tarin sauraye....

Suna kammalawa Chief of Army's General Muhammad Bature da sojojinsa suka tafi.....


𝘁⃪𝘆⃪𝗽⃪𝗶⃪𝗻⃪𝗴⃪ 🤳𝗮⃪𝘀⃪𝗺⃪𝗲⃪𝗲⃪𝘁⃪𝗮⃪𝗵⃪ 𝗴⃪𝗶⃪𝗮⃪𝗱⃪𝗲⃪.



𖣔𖣔𖣔𝙈𝙔 𝙀𝙉𝙀𝙈𝙔𖣔𖣔𖣔
✰𝐌͢𝐚͢ƙ𝐢͢𝐲͢𝐢͢ 𝐍͢𝐚͢𝐡͢✰🤦‍♀️🤦‍♀️

𝐁͢𝐎͢𝐎͢𝐊͢ 𝐎͢𝐍͢𝐄͢ 𝐟͢𝐢͢𝐫͢𝐬͢𝐭͢ 𝐬͢𝐭͢𝐞͢𝐩͢

𝗗⃪𝗲⃪𝗱⃪𝗶⃪𝗰⃪𝗮⃪𝘁⃪𝗲⃪𝗱⃪ 𝘁⃪𝗼⃪ 𝗺⃪𝘆⃪ 𝘀⃪𝗲⃪𝗹⃪𝗳⃪.

𝗔⃪𝘀⃪𝗺⃪𝗲⃪𝗲⃪𝘁⃪𝗮⃪𝗵⃪ 𝗡⃪𝗼⃪𝘃⃪𝗲⃪𝗹⃪ (𝙂𝙞𝙖𝙙𝙚)
𝘁⃪𝗵⃪𝗲⃪ 𝘄⃪𝗿⃪𝗶⃪𝘁⃪𝗲⃪𝗿⃪ 𝗼⃪𝗳⃪ 👇
𝚃𝙷𝙴 𝚆𝙸𝙵𝙴 𝙾𝙵 𝙰 𝚃𝙸𝙶𝙴𝚁🐅
👉ᵐᵃᵗᵃʳ ᵈᵃᵐⁱˢᵃ👈
𝙰𝚗𝚍 𝚗𝚘𝚠 𝙼𝚈 𝙴𝙽𝙴𝙼𝚈
👉ᵐᵃƙⁱʸⁱ ⁿᵃʰ👈

ᶠʳᵒᵐ ᵗʰᵉ ᵇᵉᵍⁱⁿⁿⁱⁿᵍ, ᶠᵒˡˡᵒʷ ᵗʰᵉ ˡⁱⁿᵏ ᵗᵒ ʲᵒⁱⁿ ᵐʸ ᵍᵒᵘᵖ
👇👇👇
https://chat.whatsapp.com/CYC0vxQRZ269ISx36l1Dmt

ⁱᵈᵃⁿ ᵏⁱⁿˢᵃⁿ ᵇᵃᶻᵃ ᵏⁱʸⁱ ᶜᵒᵐᵐᵉⁿᵗ ᵇᵃ ᵏᵃʳ ᵏⁱ ˢʰⁱᵍᵃ ᵐᵘⁿ ᵍʳᵒᵘᵖ,
ⁱᵈᵃⁿ ᵏⁱⁿ ˢʰⁱᵍᵃ ᵇᵃⁿᵈᵃ ᵗᵘʳᵃ ˡⁱⁿᵏˢ..

𝙼𝚈 𝙴𝙽𝙴𝙼𝚈 𝙱𝙾𝙾𝙺 𝙿𝚁𝙴𝚂𝙴𝙽𝚃:

1--->𝙈𝘼𝙅𝙊𝙍 𝙂𝙀𝙉𝙀𝙍𝘼𝙇 𝙍𝘼𝙕𝙃𝘿𝙀𝙀𝙉 (M.G.R)ᵗʰᵉ ᵗʷⁱⁿˢ.

2---> 𝙎𝙐𝙍𝙂𝙀𝙊𝙉 𝘿𝙊𝘾𝙏𝙊𝙍 𝙍𝙊𝙎𝙃𝘼𝙉 (S.D.R) ᵗʰᵉ ᵗʷⁱⁿˢ.

3---> 𝘽𝘼𝙄𝙒𝘼𝙍 𝘼𝙇𝙇𝘼𝙃.

4---> Ƴ𝘼𝙍 𝘼𝙈𝘼𝙉𝘼.

𝗰⃪𝗵⃪𝗮⃪𝗽⃪𝘁⃪𝗲⃪𝗿⃪ (3)



꧁꧂


Bayan tafiyar su General sauƙe ajiyar zuciya Yallaɓai yayi sannan ya ce "Nagode wa ALLAH, na tsallake rijiya ta baya..."
Ganin yanda matan wajen suka zuba masa ido yasa ya turɓune fuska tareda faɗin "me kuka tsaya gani munafukai kawai..."
kafin kace mai duk suka watse a gurin, domin ba ƙaramin tsoronsa suke yi ba.


Ƴar Amana tana hospital tareda ɗaya daga cikin ma'aikatan gidan, sai kumbura take tayi cike da tsanar Yallaɓai domin a yanzu babu mutumin data fi tsana irinsa, kuma ta ɗaura ɗamarar yaƙansa domin cikin ranta ruruwa yake tsabar takaicin abunda Yallaɓai yayi musu ita da Baiwar ALLAH,
Ga hannu an ɗaɗɗaura mata ƙarafuna ji take kamar daga asibitin nan ta gudu amma sai dai bazata iya guduwa tabar Baiwar ALLAH ba...

Baiwar ALLAH kuwa tana cikin ɗakin duhu a zaune ta kifar da kanta saman gwiwowinta tayi kukan har ta gaji, ga sauraye sun isheta ga kuma wani irin murɗa da take ji tsabar yunwa, a yanzu babu tunanin da take yi illa halin da Ƴar Amana take ciki, ta ƙagu tasa ta a