You Cannot Download this book untill you login but you can read it .

---

Login Register

Toh bari kiji na gaya miki Roshan ko kamo ƙafar Razhdeen baiyi ba a yawan kuɗaɗe,
Ke kinsan adadin yawan motocin Razhdeen kuwa? kinsan adadin yawan gidajensa a nan Nigeria kuwa? kinsan adadin yawan gidajensa a ƙasar Australia kuwa? kinsan adadin yawan jirgayensa kuwa? kinsan adadin yawan gwalagwalen da yake dasu kuwa? kinsan adadin yawan dalolin da yake dasu kuwa? kinsan adadin yawan Nairorin da yake dasu kuwa?
Bugu da ƙari ga kyau ga ƙiran sura mai kyau, wallahi kin more yarinya idan kika Auri Razhdeen,
Shi Roshan bai kai Razhdeen dukiya ba,
toh bari in taƙaice miki ko Ni Razhdeen yazo yace zai Aure Ni a halin yanzu toh wallahi da gudu zan kashe Aurena na Aure shi......"

Zaro ido waje Ramlat tayi sannan ta ce "Mamy kina Auran Baffansa kuma kice zaki Aure shi? ai babu Aure a tsakanin ku tinda mai martaba kamar mahaifi yake a gurinsa ...."

Mamy tana turɓune fuska ta ce "yooo ina ruwana da wani tsarin addini, Ni kuɗi kawai na sani, ke wawuya Arziƙi na bin mu da gudu ke kuma kina ƙoƙarin kaucewa, inaso ki Auri Razhdeen mu ci Arziƙi mubar Arziƙi,
Mu tashi a cikin dukiya, mu ci dukiya, mu sha dukiya, mu kwanta a cikin dukiya, mu mutu acikin dukiya....."

Jinjina kai Ramlat tayi ta ce "ai kuwa Mamy yanzu ma baza kice a cikin talauci kike ba, tinda a koda yaushe bakya rasa kuɗaɗe manya-manya....."

Mamy ta ce "shuru dallah, bakya son mu cigaba ne?...."

Ramlat ta ce "shikenam Mammy ya wuce...."

Mamy ta ce "atoh ko naji dai....."



Mai martaba bayan ya fita a ɗakin Mamy kai tsaye part ɗin A'ishansa ya wuce,
yana shiga ya tarar da ita sai faman goge jeren kumbon ta take irin na sarakuna masu kyan gaske da sheƙi,
Sallama yayi mata tareda faɗin "kaga manyan mata Ƴar gidan sarki, jikar sarki, matar sarki! Amarya kenam Maman Reematu....."

Ɗagowa tayi da murmushi kan fuskarta ta ce "sannu da shugowa mai martaba, duk wannan yabon a Ni kaɗai?...."

Ya ce "kin cancanci hakan ne shiyasa...."

Ta ce "godiya nake mai martaba....."

Jinjina kai yayi yana kallonta cike da ƙauna ya ce "kiyi haƙuri yau ranar ki ce amma na shiga ɓangaren Mamy akan wani batu...."

Ta ce "Tabb lallai mai martaba yanzu akan hakan ne sai an bani haƙuri?
babu komai wallahi ...."

Yaja dogon numfashi tareda faɗin
"Allah ya miki Albarka....."

ta amsa cikin girmamawa ......

lokaci guda fuskarta ta sauya kamar zatayi kuka ta cigaba da goge kumbonta,
riƙe hannunta mai martaba yayi tareda juyo da ita suna fuskantar juna ya ce "meya faru dake Sarauniya?...."

ta ɗan sau murmushi ta ce "banaso na rinƙa ɓoye maka abu maganar gaskiya idan ana ambato mun sunan Reemah gaba ɗaya kaina juyawa yake,
sai na rinƙa jin bugun zuciyata yana ƙaruwa, inaji a jikina cewa Ɗiyata Reemah tana nan a raye domin inajin motsinta acikin zuciyata,
Bugu da ƙari ma tin daga kanta ban ƙara samun haihuwa ba, abun yana damu na a raina......"

Shima mai martaba ya damu sosai ganinta acikin wannan halin ya ce "ki kwantar da hankalinki insha Allahu komai zai dai-daita, kamar yanda kike tunanin cewar Reemah tana raye insha Allahu zata bayyano, ki cigaba da addu'a kinji...."

kai kawai ta ɗaga masa ......


✍️✍️✍️

Roshan yayi iya ƙoƙarinsa ganin ƙofar bedroom ɗin Uncle Deen ya ɓallu amma babu alamu, yayi bugawar har ya gaji, yana hawaye haka yabar ɗakin kai tsaye falo ya sauƙa ya nemi kujera ɗaya ya zauna tareda dafe goshinsa da hannaye biyu yana zubar da hawaye,
zuciyarsa ce take wani irin tafasa wanda tinda yake bai taɓa shiga yanayi irin na yau ba,

Shi kuwa Uncle Deen kwantar da Baiwar Allah yayi kan gadonsa shima ya nemi kujera ya zauna ta gefen gadon, yana jin yanda Roshan yake buga ƙofar amma ko motsi baiyi ba,
yana mamakin yanda Roshan zai iya ɗaukan hannu ya buge shi, yana ji a ransa cewa inda wani ne daban yayi mishi haka da za'a zo a ɗauki gawarsa ne.....

suna wannan halin har suka wuni a haka zuwa yamma dai-dai lokacin dawowar sauran mutanen gidan daga gurin aiki,
Roshan yana zaune a falo sallah ma a falo yayi shi, yana zaune kan sallayar Ummy data kawo masa, ita kuwa tana gefensa sai faman rarrashinsa take, ganin yanda idanuwansa sukayi jawur tsabar kuka yasa Ummy itama ta fashe da kuka,
A ranar yau babu wanda ya shiga kitchen domin girka abinci, Pinky da Rukky daman suma tin kafin a fara wannan al'amarin suka fita zasu je ziyara old school ɗinsu,

Hajiya Kilishi ce ta fara shugowa daman yanzu da wuri take dawowa gida,
Ganin Roshan a tsakiyar falo akan sallaya yasa gabanta yankewa a tsorace ta ce "waye ya mutu a cikin yarana?....."

Roshan kasa yin magana yayi sai Ummy ce ta ɗago tana kuka ta ce "ba mutuwa akayi ba, matsala suka samu shi da Uncle Deen....."

Hajia Kilishi zaro Ido tayi cikin yanayin farin ciki yau kamar anyi mata bishara da gidan Aljanna, acikin ranta ta ce "wonderful, wannan kyakkyawan albishir haka....."

harararsa tayi sannan ta ce "Allah ya sawwaƙe toh...."
ba tareda ta tambayi dalili ba tayi wucewar ta dasauri ta haura upstairs......

Bayan wasu mintuna saiga Pinky da Rukky suma sun dawo suna ƴar hirarsu ganin abun mamaki yasa suka tsaya baki a wangane
Pinky ta ce "Yaya Roshan lafiya kuwa, kuka fa kake yi? wannan wani irin mummunar rana ce haka?....."

Rukky cike da mamaki ta ce "tinda uwata ta haifeni ban taɓa ganin fushi matuƙa a fuskar Yaya Roshan ba balle Kuka innalillahi wa inna'ilaihi raju'un......"

Ummy tana jinsu bata kulasu ba kanta a ɗore kan kafaɗar Roshan,
suma ƙarasowa sukayi gurinsa suka zazzauna suna fuskantar sa kafin kace mai suma sun fara hawaye,
Suna cikin wannan halin saiga Ƴar Tiny ta dawo daga school tana goye da jakarta hannunta kuma yana riƙe da lunch bag ta shugo tana tsallenta,
Ganinsu yasa ta nufi yanda suke da gudu ta faɗa saman cinyar Roshan tana faɗin "Yaya Yocan Oyoyo...."
ɗagowar da zatayi taga fuskar Roshan yayi jawur tsabar kuka da ɓacin rai buɗe baki tayi tana kallonsa lokaci guda kuma ta fashe da kuka tana faɗin
"Wayyo Ayyah nahhh Yaya Yocan yana kukaaaaa, Yaya Yocan meya came kaaaa ....."

Ummy ce ta darara mata tsawa da cewa "ke Dallah rufe wa mutane baki, murya sai kace gyare ....."

tashi tayi da gudu tana faɗin "bajanyi cuyu baaa kuma wayyayi tayyayi cena gaya wa mommy nahhh....."

ta ƙarasa maganar tareda haurawa upstairs yanda part ɗin Hajia Kilishi yake,

Itama Minal shugowa tayi ta same su a haka, abun yayi matuƙar bata mamaki ganin Yaya Roshan acikin wannan halin,
Ta tambaya akan meke faruwa Pinky ta ce "mu ma haka mukazo muka same su...."
Ummy ta sani amma sai dai taƙi cewa komai bare shi kuwa bashi ma da bakin magana, zuciyarsa ce take ta faman harbawa da ƙarfin gaske,

Turo ƙofa akayi da sallama a bakinsa ya shugo ganinsu a haka yasa Abbah firgicewa ya ce "innalillahi wa inna'ilaihi raju'un Allah yasa dai komai lafiya, amma da dukkan alamu ba lafiya ba....."

Zama Abbah yayi akan kujera yana facing ɗin Roshan sai tambayarsa yake meke faruwa amma sam yaƙi cewa komai,
Sai Ummy ce ta zayyanar masa da duk abubuwan da suka wakana dake a lokacin da abun ya faru tana bakin ƙofar Uncle Deen tana jin duk faɗan da sukayi.......

Abbah ya ce "yanzun shi ɗin Razhdeen yana ciki shi da Dota?....."

Ya tashi tareda haurawa saman upstairs ɗinsu kai tsaye part ɗin Uncle Deen ya nufa,
Dasauri Roshan ya miƙe tareda bin bayan Abbah ko za'a dace,

Minal jin akan Baiwar Allah ne duk wannan matsalar yasa taja dogon tsuka ta wuce part ɗinsu,
Suma su Pinky cewa suke "yanzun akan Baiwar Allah muma mukayi kukan? tirrrrrr....."
suma haura part ɗinsu sukayi domin abun bai dame su ba,
Amma ta wani ɓangaren mamaki suke meya haɗa Roshan da Baiwar Allah kuma? meye alaƙar dake tsakaninsu har ta kai ga haka?
waɗannan tambayoyin ne suke ta yawo akawunansu....


Abbah yana zuwa yasa hannu zai buɗe ƙofar falonsa yaji a ƙarƙame,
Roshan cike da mamaki ya ce "wahatttt? nan ma ya kulle? me yake nufi da hakan? Innalillahi wa inna'ilaihi raju'un....."

Ummy ta ce "Yaya Roshan ka kwantar da hankali Please banason ganin hawayen jarumin namiji ......"

Abbah buga ƙofar ya shiga yi yana ƙiran sunansa:
"Razhdeen! Razhdeen!! Razhdeen!!! kazo ka buɗe ƙofar nan tin kafin ranka ya ɓaci....."

Haka shima Abbah yayi yayi har ya gaji amma Razhdeen bai zo ya buɗe ba, kuma yana kwance a doguwar kujerar falonsa ya miƙar da ƙafafu yana facing ceiling idanu a lumshe kamar mai yin Bacci amma sai dai ba Bacci yake ba,
duk yana jin bugawar da ake ya sharar, ba ƙaramin ɓata masa rai Roshan yayi ba shiyasa gaba ɗaya zuciyarsa yake a hargutse......

Ita kuwa Baiwar Allah tana kwance a bedroom har zuwa wannan lokacin bata farfaɗo ba...


Haka su Abbah suka haƙura suka koma falo har zuwa misalin ƙarfe 12 na dare,
Abbah ba yanda baiyi da Roshan akan yaje ya kwanta a ɗakinsa amma yaƙi sai cewa yayi "Please Abbah zan zauna anan falo har zuwa Asuba nasan zai iya fitowa zuwa masallaci....

Abbah ya ce "shikenam Roshan mu zauna toh, domin bazan iya barinka anan ba cikin wannan halin,
Ka kwantar da hankalinka kar kayi fushi da ɗan uwanka, kai ma dai kasan halinsa bai kamata ka biye masa ba...."

Roshan kamar zaiyi kuka ya ce "toh Abbah ya zanyi? bazan iya juran ganin yana azabtar da ita ba, inasonta Abbah....."

Jinjina kai Abbah yayi sannan ya ce "Uhmmm! Roshan kenam ai na sani daman, tin farkon dawowarku da yanda kake shishshige mata duk idanuwana akanku yake, duk wani motsin ku na sani,
kayi haƙuri komai a hankali ake yinsa, duk abinda haƙuri bai baka ba toh rashinsa bazai baka ba ......"

A haka suka kai har sallar asuba babu wanda ya rimtsa, a falo duk sukayi sallar asuba amma basuga fitowar Razhdeen ba,

Shima Razhdeen acikin room ɗinsa yayi Sallah, yana zaune akan sallaya yaji motsin Baiwar Allah daga kan gadon sai faman juyi take, daƙer ta ɗan buɗe eyes ɗinta tana jero addu'o'i,
Ganin yanda room ɗin yake chanza haske kala-kala yasa tayi saurin buɗe idanunta sosai domin tasan ɗakinta babu irin wannan fitillu haka daban daban,
A razane ta tashi zaune tana faɗin "nashiga uku aina nake?...."

Idonta ne suka sauƙa akan Uncle Deen wanda yake kan sallaya ko kallonta baiyi ba,
A ruɗe ta ɗora hannu akai ta rausa wani irin uban ihu idanu kamar zasu faɗo....

Dasauri ya juyo yana kallonta cikin ɓacin rai,
wani irin tsawa ya daka mata agigice ta haɗiye ihun tana jan numfashi da ƙarfi....


A ruɗe Abbah da Roshan suka miƙe tsaye daga kan sallaya jin ihun Baiwar Allah,
Da gudun gaske Roshan ya nufi upstairs kai tsaye part ɗin Razhdeen ya nufa, shima Abbah bayansa ya biyo, jin har yanzu ba'a buɗe ƙofar ɗakin ba yasa Roshan fashewa da kuka yana faɗin
"Shikenam Abbah ya kasheni ya gama da rayuwata, daman nasan babu yanda za'ayi su kwana ɗaki ɗaya bai mata wani abu ba,
Abbah Razhdeen ya cuceni sannan ya cuceta na tsane shi Abbah,
I hate him! I hate him!! I hate him!!! ......"

Barin wajen yayi yana kuka ya nufi room ɗinsa shima,
Abbah tsabar takaici bai iya cewa komai ba, sai hannu yasa ya dafa jikin bango Kai a sunkuye sai faman girgiza shi yake.......



𝘁⃪𝘆⃪𝗽⃪𝗶⃪𝗻⃪𝗴⃪ 🤳𝗮⃪𝘀⃪𝗺⃪𝗲⃪𝗲⃪𝘁⃪𝗮⃪𝗵⃪ 𝗴⃪𝗶⃪𝗮⃪𝗱⃪𝗲⃪.



𖣔𖣔𖣔𝙈𝙔 𝙀𝙉𝙀𝙈𝙔𖣔𖣔𖣔
✰𝐌͢𝐚͢ƙ𝐢͢𝐲͢𝐢͢ 𝐍͢𝐚͢𝐡͢✰🤦‍♀️🤦‍♀️

𝐁͢𝐎͢𝐎͢𝐊͢ 𝐎͢𝐍͢𝐄͢ 𝐟͢𝐢͢𝐫͢𝐬͢𝐭͢ 𝐬͢𝐭͢𝐞͢𝐩͢

𝗗⃪𝗲⃪𝗱⃪𝗶⃪𝗰⃪𝗮⃪𝘁⃪𝗲⃪𝗱⃪ 𝘁⃪𝗼⃪ 𝗺⃪𝘆⃪ 𝘀⃪𝗲⃪𝗹⃪𝗳⃪.

𝗔⃪𝘀⃪𝗺⃪𝗲⃪𝗲⃪𝘁⃪𝗮⃪𝗵⃪ 𝗡⃪𝗼⃪𝘃⃪𝗲⃪𝗹⃪ (𝙂𝙞𝙖𝙙𝙚)
𝘁⃪𝗵⃪𝗲⃪ 𝘄⃪𝗿⃪𝗶⃪𝘁⃪𝗲⃪𝗿⃪ 𝗼⃪𝗳⃪ 👇
𝚃𝙷𝙴 𝚆𝙸𝙵𝙴 𝙾𝙵 𝙰 𝚃𝙸𝙶𝙴𝚁🐅
👉ᵐᵃᵗᵃʳ ᵈᵃᵐⁱˢᵃ👈
𝙰𝚗𝚍 𝚗𝚘𝚠 𝙼𝚈 𝙴𝙽𝙴𝙼𝚈
👉ᵐᵃƙⁱʸⁱ ⁿᵃʰ👈

ᶠʳᵒᵐ ᵗʰᵉ ᵇᵉᵍⁱⁿⁿⁱⁿᵍ, ᶠᵒˡˡᵒʷ ᵗʰᵉ ˡⁱⁿᵏ ᵗᵒ ʲᵒⁱⁿ ᵐʸ ᵍᵒᵘᵖ
👇👇👇
https://chat.whatsapp.com/CYC0vxQRZ269ISx36l1Dmt

ⁱᵈᵃⁿ ᵏⁱⁿˢᵃⁿ ᵇᵃᶻᵃ ᵏⁱʸⁱ ᶜᵒᵐᵐᵉⁿᵗ ᵇᵃ ᵏᵃʳ ᵏⁱ ˢʰⁱᵍᵃ ᵐᵘⁿ ᵍʳᵒᵘᵖ,
ⁱᵈᵃⁿ ᵏⁱⁿ ˢʰⁱᵍᵃ ᵇᵃⁿᵈᵃ ᵗᵘʳᵃ ˡⁱⁿᵏˢ..

𝙼𝚈 𝙴𝙽𝙴𝙼𝚈 𝙱𝙾𝙾𝙺 𝙿𝚁𝙴𝚂𝙴𝙽𝚃:

1--->𝙈𝘼𝙅𝙊𝙍 𝙂𝙀𝙉𝙀𝙍𝘼𝙇 𝙍𝘼𝙕𝙃𝘿𝙀𝙀𝙉 (M.G.R)ᵗʰᵉ ᵗʷⁱⁿˢ.

2---> 𝙎𝙐𝙍𝙂𝙀𝙊𝙉 𝘿𝙊𝘾𝙏𝙊𝙍 𝙍𝙊𝙎𝙃𝘼𝙉 (S.D.R) ᵗʰᵉ ᵗʷⁱⁿˢ.

3---> 𝘽𝘼𝙄𝙒𝘼𝙍 𝘼𝙇𝙇𝘼𝙃.

4---> Ƴ𝘼𝙍 𝘼𝙈𝘼𝙉𝘼.

𝗰⃪𝗵⃪𝗮⃪𝗽⃪𝘁⃪𝗲⃪𝗿⃪ 41 to 42



꧁꧂



Kwance yake a falo kan 3 seater ya ɗora hannu akan goshinsa ido a lumshe kamar meyin Bacci,
Ita kuma Baiwar Allah tana bedroom yanda ya baro ta sai faman rera kuka take akan sallaya yanda ta idar da sallar asuba bata tashi ba har zuwa yanzu misalin ƙarfe 9 na safe,
Saida ta gama kukanta ta share tukun ta tashi ta nufi falo, a tunaninta Uncle Deen ya fita sai kuma ta tarar da shi akan sopa, ganinsa yasa gabanta yankewa, ta juma tana tsaye idonta akansa wanda ko motsi bayayi alamun yayi nisa a cikin baccinsa,
Kallon bakin ƙofa tayi nan ta fara taku a hankali ta nufi bakin ƙofa zata fice, cikin rashin sa'a tana isa ta riski ansa key a ƙofar, cikin ɓacin rai haka ta juyo tana kallon Uncle Deen kamar zata rausa ihu, zamewa tayi ƙasi ta zauna a bakin ƙofar tareda kifar da kanta kan gwiwa ta cigaba da rera sabon kuka....

kamar a mafarki yake jin ƙinƙishin kuka a hankali yake mutsil-mutsil da eyes ɗinsa har ya iddasa buɗesu gaba ɗaya, kallon yanda take zaune yayi daga bisani yaja dogon tsuka saboda hakane yasa yabar mata can bedroom ɗin amma saboda nashi ta biyo shi nan ma,
tashi yayi tareda miƙewa tsaye ya nufi waran frig ya buɗe sannan ya kalli yanda Baiwar Allah take a zaune fuska a haɗe ya ce "ke! tashi ki miƙo mun tray ɗin kan dinning can ...."

Tayi kamar bata ji shi ba kai a kife, saida yayi mata wani gigitaccen tsawa tareda faɗin "Ba magana nake miki ba?...."

A tsorace ta ɗago jiki na ɓari ta tashi ta nufi dinning ta ɗauko tray sannan ta kawo masa,
Hannu yasa ya karɓa sannan ya fara jido kayan fruits yana jejjerawa akan tray ɗin tare da Cake 🍰 da juice, ya rufe frig sannan yaje ya ajiye akan dinning, ya kalli yanda take a tsaye
Ya ce "ki zo Nam...."

Juyowa tayi ta nufi dinning itama yasa hannu ya gyara zaman kujerar tareda faɗin "zauna ga kayan breakfast....."

Girgiza Kai tayi tareda cewa "a'a na ƙoshi...."

Cikin ɓacin rai yake kallonta ya ce "kin san idan na fara dukan ki acikin ɗakin nan bamai ƙwatarki Koh?....."

Kamar zata fashe da kuka fuska ba annuri ta zauna tareda saka tray a gaba nan ta fara ɗaukan kayan fruits ɗaya bayan ɗaya tana ci, kuma daman da matsanancin yunwa ta tashi....

Shima zama yayi tareda kifar da kansa akan table ya zura dogin yatsunsa acikin sumar kansa yana caccakuɗa shi, alamun yana cikin damuwa over....

Baiwar Allah duk tana kallonsa amma sai dai ko a jikinta Ita dai tana cika cikinta ne....


Roshan gaba ɗaya ya rasa mai yake masa ciwo ajiki, abinda Razhdeen yayi masa sam baiji daɗin hakan ba, ya kasa zama guri ɗaya sai zarya yake acikin room ɗinsa, yana cikin wannan halin saiga Ummy ta shugo da sallama a bakinta tana riƙe da tray ɗin kayan breakfast, ajiye masa tayi a ƙasin bed ɗinsa domin a halin da yake ciki bazai iya zama a dinning ba,
Ummy ce ta tsaya a gabansa tareda faɗin "Dan Allah Yaya Roshan ka daina shiga damuwa haka, tinda har ba saceta akayi ba tana nan acikin gidan ai zata fito ....."

yana zubda ƙwallah ya ce "Uhmmm! Sau ɗaya naji ihunta ya daki dodon kunnena daga lokacin ban sake jin motsinta ba,