You Cannot Download this book untill you login but you can read it .

---

Login Register

"My Man please...."

Razhdeen juyowa yayi yana kallon Roshan yaɗan sau murmushi a hankali ya furta
"Am so sorry my twins, please forgive me....."

Jinjina kai Roshan yayi tareda faɗin "na yafe maka My Man, please stay safe...."

Ɗaga masa kai Razhdeen yayi tareda juyawa yayi tafiyarsa....

Roshan kuka ne yake shirin kuɓuto masa tinin yayi saurin haurawa upstairs ya nufi part ɗinsa,
Shima Abbah yana huci ya nufi upstairs ɗinsa, anan ya tarar da Hajia Kilishi tana tsaye tana kallonsu, ba tareda yace mata komai ba yayi wucewarsa cikin bedroom....

Murmushi tasau tareda bin bayansa itama ta shige ciki..

Baiwar Allah tana sai zubda ƙwallah take gaba ɗaya ta rasa mai yake mata daɗi a duniyar nan,
bata ankara ba taji Pinky ta zunguri goshinta tareda faɗin "ai duk ke kika jawo hakan, munafukar banza kinsa an kori Yaro a gidan ubansa ke kuma da babu dangin iya kina Nam abinki ....."

Rukky ta ce "muma mu shafa wa kanmu ruwan sanyi domin nasan wata rana muma zata sa a kore mu daga gidan uban mu, daman haka take da buri a ranta, ta zama ƴar gaban goshin Abbah......"

Pinky ta ce "waima na kasa fahimtar komai shin daman akwai soyayya a tsakanin Yaya Roshan da wannan ƙazamar yarinya?...."
ta ƙarasa maganar tana kallon Rukky

Rukky ta ce "tambaya kike ko neman sani? ke tinda baki fahimci haka ba, ai saboda ita Yaya Roshan ya ƙwanta jinya,
Kuma idan hasashe na yazo dai-dai shima Uncle Deen kamar sonta yake....."

Pinky ta zaro ido tareda faɗin "Whattttttt? Kema dai kinsan Uncle Deen yafi ƙarfin wannan kucakar yarinyar....."

Rukky ta ce "idan ba haka ba mezaisa ya rufe kansu a ɗaki daga shi sai ita, nifah ina tunanin wani abu ya shiga tsakaninsu, domin ba yanda za'ayi ace Mace da namiji sun keɓe sheɗan bai shiga tsakani ba kuma tsawon sati guda,......"

Pinky ta ce "bana tunanin haka domin Uncle Deen bazai taɓa aikata hakan ba...."

Rukky ta ce "kenam shi ɗin dutsi ne?...."

Pinky ta kuma cewa "bana tunanin abinda kike konkonto akai zai iya zamo gaskiya domin kinfi kowa sanin waye Uncle,
Sannan in har Yaya Roshan shima sonta yake to kuwa za'a kwashi ƴan kallo domin bazamu taɓa yadda a shugo da wannan ƙazamar cikin jinsin mu ba, bamu san asalinta ba wata ƙil mayya ce tazo ta ciccinye mu ɗaya bayan ɗaya,
Kai bazama mu yadda a Aureta ba wallahi....."

Rukky ta ce "taya zaki iya dakatar da wannan al'amarin bayan ke ƙanwa ce ba uwa ba sannan ba Yayar miji ba...."

Pinky tana zunɓuro baki ta ce "ai wallahi ko ta hanyar malamai zan dakatar,
Saboda na tsani yarinyar nan...."

ta ƙarasa maganar tareda jan dogon tsuka tayi wucewarta,
Itama Rukky kallon Baiwar ALLAH tayi wacce tin da take tsaye tana sauraron su itama ta ce "banza kwartuwar banza, karuwar wofi, kariya mai bin mazaje....."
ta ƙarasa tana harararta itama tayi wucewarta duk suka haura upstairs....

Da gudu Baiwar Allah ta wuce room ɗinta tana kuka...

Duk halin da ake ciki Ummy bata nan taje school ɗinsu karɓo result.....


Razhdeen bayan fitarsa Motarsa ya shiga a fusace yayi tafiyarsa, Sojojin dake escort ɗinsa any way suna tambayarsa akan cewar zasu yi rakiya ne amma ko kulasu baiyi ba haka suka haƙura suka barshi ya yi tafiyarsa,
Kai tsaye ɗaya daga cikin jerukan gidajensa ya nufa wanda saika bi ta layin mabarata road kafin ka ɗau hanyar gidan,
Gudu yake da motarsa amma hankalinsa ba'a jikinsa yake ba, maganganun Abbah ne suke masa yawo a ƙwaƙwalwarsa, yana cikin wannan halin sauran kaɗan ya buge wata kuturwar dattijuwa tana shirin tsallaka kwalta tana riƙe da ƴar robarta,
Da ƙarfin gaske ya danna burki saida mutanen wajen suka tsorita sun ɗauka yayi kaɗa ne, dake wajen zallar mata ne nakasassu,
Goshinsa ne yayi matuƙar buguwa a jikin sitiyarin motar,
Saida ya ɗau mintuna biyar a haka bai ɗago da kansa ba, still yana nan a wannan halin, yana jin yanda mabaratan suka kewaye motarsa suna faɗin "a temaka mana dana Annabi...."
Dake motar mai baƙin glass ne basa iya gano wanda yake ciki,

zuciyarsa ce take magana "hakan na nufin yazo waran da yazo ranar har yayi rabon kuɗaɗe...."

Jin hayaniyar mabaratar ya ƙara jefa shi cikin wani hali, domin shi sam baya juran jin hayaniya,
jin ƙarar sautin sarewa yasa ya yi saurin ɗagowa sai faman sake nannauyar numfashi yake, jin har yanzu bai daina ji ba yasa ya shiga waige-waige ganin jerukan mabarata yasa bai iya ganin wacce take kaɗa jitar ba,
a tunaninsa mafarki yake, sautin da yake ji a cikin baccinsa ne yake ƙara hura masa ƙwaƙwalwa, a hanzarce ya buɗe murfin motarsa tareda sauƙar da ɗayan ƙafarsa ta dama,
a hankali ya ƙarasa sauƙar da ɗayan ma, yana jin yanda suke shashshafa shi duk a neman temakon amma haka yake sa hannu yana tutture su gefe tareda ratsawa ta tsakiyarsu yanaso ya bi yanda yake jin sautin,
Ita kuwa wacce take kaɗan jitar tana can zaune bayan wata ƙatuwar bishiyar dake kusa da bakin hanya tana ta kaɗa jitar ta,
domin ita koda wasa bata taɓa zuwa yanda mutum yake neman temako saidai a kawo mata har yanda take zaune,
a hankali yake nufan inda take, murɗi-murɗin zirin gashin ta kawai yake gani dake ta juya bayanta,
Haka mutane wajen suma suke bin bayansa saida yazo dab da ita sannan ya tsaya tareda ɗaga musu hannu alamar su dakata,
Ita kuwa Ƴar Amana bata san da mutum a bayanta ba, haka ta cigaba da kaɗa jitar ta hankali kwance ga ƙatuwar jakarta a gabanta na kuɗaɗe yanda ake bata sadaka,

zagayowa yayi ta gabanta yana binta da kallo,
cike da mamaki ya durƙusa a gabanta a yayinda ita kuma take lumshe da idanuwanta, jiki na ɓari yakai hannunsa kan haɓarta ya ɗago da fuskarta suka fuskantar juna,
jin an ɗago da fuskarta yasa tayi saurin buɗe idonta tana ƙare shi da kallo,
Still idanuwansa yakai kan sumar kanta wanda shi zai bada shaidar wacce yake nema ne, wacce yake yawan ganinta a cikin mafarkinsa,
babu abinda ya chanza a duk suffarta, sai dai abinda ya ƙara bashi mamaki kuma yaga yarinya ce,
Da hannunsa yake murza sumar gashin ta wanda ya kasance laushi futus ga wani irin murɗi-murɗi kamar wanda aka tsoma a ruwan zafi,
Ita dai kallonsa take ba tareda tasan ko shi waye ba,
Sai dai abinda ya bata mamaki shine sumar kansa kamar mace har kafaɗa dasauri takai hannu tana shafar sumar kansa da murmushi akan fuskarta,
Bata san lokacin data ajiye jitar hannunta ba.......


*KUYI HAƘURI KUYI MANAGE DA WANNAN ZUWA GOBE DA SAFE DAN ALLAH.....*



𝘁⃪𝘆⃪𝗽⃪𝗶⃪𝗻⃪𝗴⃪ 🤳𝗮⃪𝘀⃪𝗺⃪𝗲⃪𝗲⃪𝘁⃪𝗮⃪𝗵⃪ 𝗴⃪𝗶⃪𝗮⃪𝗱⃪𝗲⃪.



𖣔𖣔𖣔𝙈𝙔 𝙀𝙉𝙀𝙈𝙔𖣔𖣔𖣔
✰𝐌͢𝐚͢ƙ𝐢͢𝐲͢𝐢͢ 𝐍͢𝐚͢𝐡͢✰🤦‍♀️🤦‍♀️

𝐁͢𝐎͢𝐎͢𝐊͢ 𝐎͢𝐍͢𝐄͢ 𝐟͢𝐢͢𝐫͢𝐬͢𝐭͢ 𝐬͢𝐭͢𝐞͢𝐩͢

𝗗⃪𝗲⃪𝗱⃪𝗶⃪𝗰⃪𝗮⃪𝘁⃪𝗲⃪𝗱⃪ 𝘁⃪𝗼⃪ 𝗺⃪𝘆⃪ 𝘀⃪𝗲⃪𝗹⃪𝗳⃪.

𝗔⃪𝘀⃪𝗺⃪𝗲⃪𝗲⃪𝘁⃪𝗮⃪𝗵⃪ 𝗡⃪𝗼⃪𝘃⃪𝗲⃪𝗹⃪ (𝙂𝙞𝙖𝙙𝙚)
𝘁⃪𝗵⃪𝗲⃪ 𝘄⃪𝗿⃪𝗶⃪𝘁⃪𝗲⃪𝗿⃪ 𝗼⃪𝗳⃪ 👇
𝚃𝙷𝙴 𝚆𝙸𝙵𝙴 𝙾𝙵 𝙰 𝚃𝙸𝙶𝙴𝚁🐅
👉ᵐᵃᵗᵃʳ ᵈᵃᵐⁱˢᵃ👈
𝙰𝚗𝚍 𝚗𝚘𝚠 𝙼𝚈 𝙴𝙽𝙴𝙼𝚈
👉ᵐᵃƙⁱʸⁱ ⁿᵃʰ👈

ᶠʳᵒᵐ ᵗʰᵉ ᵇᵉᵍⁱⁿⁿⁱⁿᵍ, ᶠᵒˡˡᵒʷ ᵗʰᵉ ˡⁱⁿᵏ ᵗᵒ ʲᵒⁱⁿ ᵐʸ ᵍᵒᵘᵖ
👇👇👇
https://chat.whatsapp.com/CYC0vxQRZ269ISx36l1Dmt

ⁱᵈᵃⁿ ᵏⁱⁿˢᵃⁿ ᵇᵃᶻᵃ ᵏⁱʸⁱ ᶜᵒᵐᵐᵉⁿᵗ ᵇᵃ ᵏᵃʳ ᵏⁱ ˢʰⁱᵍᵃ ᵐᵘⁿ ᵍʳᵒᵘᵖ,
ⁱᵈᵃⁿ ᵏⁱⁿ ˢʰⁱᵍᵃ ᵇᵃⁿᵈᵃ ᵗᵘʳᵃ ˡⁱⁿᵏˢ..

𝙼𝚈 𝙴𝙽𝙴𝙼𝚈 𝙱𝙾𝙾𝙺 𝙿𝚁𝙴𝚂𝙴𝙽𝚃:

1--->𝙈𝘼𝙅𝙊𝙍 𝙂𝙀𝙉𝙀𝙍𝘼𝙇 𝙍𝘼𝙕𝙃𝘿𝙀𝙀𝙉 (M.G.R)ᵗʰᵉ ᵗʷⁱⁿˢ.

2---> 𝙎𝙐𝙍𝙂𝙀𝙊𝙉 𝘿𝙊𝘾𝙏𝙊𝙍 𝙍𝙊𝙎𝙃𝘼𝙉 (S.D.R) ᵗʰᵉ ᵗʷⁱⁿˢ.

3---> 𝘽𝘼𝙄𝙒𝘼𝙍 𝘼𝙇𝙇𝘼𝙃.

4---> Ƴ𝘼𝙍 𝘼𝙈𝘼𝙉𝘼.

𝗰⃪𝗵⃪𝗮⃪𝗽⃪𝘁⃪𝗲⃪𝗿⃪ 47 to 48



꧁꧂



A wannan lokacin yana shirin zaucewa domin gaɓa ɗaya tunaninsa baya jikinsa,
kallon Ƴar Amana yake kamar wanda ya yi gamo, ƙwayar idanuwansa ya wurgar kan jitar dake ajiye a gefe guda still ya sake ɗagowa yana binta da kallo, jikinsa har wani zaƙami yake daƙer ya iya buɗan baki ya ce "ke ce? why are you disturb my heart?...."

Cikin rashin fahimta Ƴar Amana take binsa da kallo ba tareda tasan ko shi waye ba, ganin yanda ya zuba mata na mujiya yasa ta gama tsorita, hannu takai kan jitar ta tayi saurin rarimo shi a zabure ta miƙe tsaye da gudu tabar waran, kai tsaye gurin tsohuwar da take kula da ita taje ta zauna kusa da ita tareda maƙala hannunta acikin na tsohuwar,
miƙe wa yayi shima idonsa agun yanda take zaune can bakin titi, yana mamakin yanda ya ganta acikin mabarata sam bata dace da mai neman TEMAKO ba,
yanayin jikinta ya nuna alamun ita ƴar gidan manyan mutane ne,
tin daga kan launin fatar jikinta mai launin madara zuwa kan sumar gashinta fesfes mai laushin gaske haɗi da ƙamshi,
Azo kan kayan jikinta irin na ƴaƴan masu kuɗi doguwar riga fari tas irin party gown, ƙafar ta babu alamun datti ko kaushi, ƙafa ne kamar na jarirai tsantsi da kuma laushi! tana sanye da white toes,
abunda ya ƙara bashi mamaki shine baiga wata nakasa a jikinta ba
"To meya zaunar da ita acikin nakasassu marasa gata?...."
abinda ya furta a cikin ransa kenam,
a hankali yake taku kamar mai tambayar ƙasa ya nufi yanda motarsa yake ya buɗe front seat ta gefen drive ya ɗauko wata baƙar leda mai ɗauke da maƙudan kuɗaɗe,
sannan ya dawo saida ya zaɓo wata daga cikinsu mai ɗan lafiya ya bata rabin kuɗin wanda shi kansa bai san adadin yawan kuɗaɗen ba amma a ƙalla zasu yi karo uku wato 3 millions, abinda ya rage a hannunsa kuma basu fi 1 million ba, nufan yanda Ƴar Amana take yayi,
Ganinsa yasa ta ƙanƙame tsohuwa domin a halin yanzu tsoronsa ne a bayyane saman fuskarta,
yana zuwa ya durƙusa tareda miƙa mata sauran kuɗin hannunsa, ƙin karɓa tayi sai faman girgiza masa kai take,
tsohuwar ce take faman rarrashinta game da faɗin "kar ki damu Allah ne ya turo mana wanda zai rinƙa temaka mana, kuɗin da yake bamu sun isa muyi shekara muna morar su, idan baki manta ba akwai wata rana dana ce miki wani yazo ya raba mana kuɗaɗe mai yawan gaske to ai wannan shine,
ba mai cutarwa bane ki kwantar da hankalinki....."

jin abinda tsohuwa ta faɗa ne yasa ta dawo hayyacinta, kallon kuɗin hannunsa tayi sannan tasa hannu ta karɓe tareda rungumar kuɗin akan ƙirjinta tana bin sumar kansa da kallo,
ta gagara tantancewa shin namiji ne ko mace, amma ta lura da damtsen hannunsa da kuma ƙirar jikinsa haɗe da faffaɗar ƙirjinsa irin na ƙarfafan mazan nan waɗanda ake nunowa a film ɗin India,

har zuwa yanzu jira yake tayi masa magana koda godiya ne kamar yanda sauran mabaratan suke ta zabga masa godiya da fatan alkhairi,
Ƴar Amana sai dai ido kawai, wani irin kallo take masa kamar mai harara, ba komai bane illah hararar domin a rayuwarta ta tsani yawan kallo, shi kuwa ya kasa ɗauke eyes ɗinsa akanta,
Ganin irin hararar da take wurga masa ne yasa ya dawo hayyacinsa, a ɗan zabure ya miƙe domin bayaso ya yi abinda zaisa a gano shi,
kai tsaye motarsa ya nufa ya buɗe drive seat ya shige yana kallonta ta cikin Black glass ɗinsa wanda na waje bazai iya ganin na cikin motar ba,
a haka yaja motar ya yi tafiyarsa zuciyarsa cike da tambayoyi game da nazarurruka, lokaci guda yaji ransa yayi sanyi duk wata damuwa ta yaye masa,
yana driving shi kansa bai san lokacin da yake sakin wata rikitacciyar murmushi ba,
maganar zuci ya fara yi
"ina ji a jikina wannan ce yarinyar da nake nema, domin babu abinda ya chanza daga launin ta, duk da ban taɓa ganin fuskarta ba but I known she is my dreamer,
but she's too young, yarinya ce ƙarama how comes zata iya kaɗa jita haka? can't believe....."
ya ƙarasa maganar zuci haɗi da girgiza Kai, yana mamakin al'amarin,
Da wannan tunanin ya isa yanda zaije.....

Ƴar Amana jujjuya kuɗin hannunta take tana tunanin ina zata kai waɗannan maƙudan kuɗaɗen...

Tsohuwar ce ta kalleta sannan ta ce "me kike tunani ne ƴata?...."

Ƴar Amana nuna mata kuɗin hannunta tayi tana girgiza Kai alamar bata san yanda zatayi dasu ba,
Dariya tsohuwar tayi har saida jajayen haƙwaranta suka fito ta ce "ƴata kenam waɗannan kuɗaɗen ai kashe su abu ne mai sauƙin gaske a wurin ki,
yanzu mu kuɗin da aka bamu sai suyi shekara basu ƙare ba amma ke a yau zaki ƙarar dasu......"

Ƴar Amana ɗagowa tayi tana kallon tsohuwar sam bata fahimci mai take nufi ba amma taji duk abinda ta ce....

Tsohuwa ta cigaba da cewa "a siyan sutura kaɗai zaki kashe fin rabin kuɗin nan, uwa uba Azo kan takalma da turarukan gashi
Shiyasa kullum sumar kan ki baya rabuwa da ƙamshi, amma baki damu da siyan kayan abinci ba kuma baki damu da yin kwalliya ba ke kullum kin ƙare a siyan kayayyaki....."

Kau da kai Ƴar Amana tayi jin abinda tsohuwar take faɗi,
Ƴar Amana sam bata son zama da ƙazanta kullum acikin gyaran jiki take gata yarinya ƙarama amma ta tsani ƙazanta,
ma'abociyar son tsabta ce da kuma son ƙamshi, da zaran ta samu kuɗi masu dama zata wuce super market ne, idan taje bata magana a kowa zata ɗauki basket ta kutsa ciki, ita da kanta zata zazzaɓo abubuwan da take buƙata sannan tazo su lissafa yawan kuɗaɗen kayayyakin su, haka zata ciro kuɗi ta miƙa musu idan akwai canji su bata,
amma yawan kuɗin da take kashewa sun kai kimanin dubu ɗari biyar ko fin haka....
shiyasa tsohuwa take faɗin "kashe kuɗi a gurin ƴar Amana babu wuya....."

Daren yau ko sau ɗaya Uncle Deen bai rimtsa ba, fuskar Ƴar Amana ce take masa gizo shi har yanzu bai yadda cewar mutum bace, ganin yawan tunanin bazai kai shi ba yasa ya tashi ya nufi bathroom ya ɗauro alwala sannan ya fito tare da zura jallabiyarsa ya ɗoru akan sallaya a nutsi ya tsaida sallar darensa,

𝕭⃤𝖆⃤𝖎⃤𝖜⃤𝖆⃤𝖗⃤ 𝖆⃤ 𝕬⃤𝖑⃤𝖑⃤𝖆⃤𝖍⃤


Baiwar Allah tana cikin mawuyancin hali domin itama a cikin daren nan bata rimtsa ba, wani irin zazzaɓi take fama dashi mai rikitarwa ga tunanin Uncle Deen,
wani irin zafi take ji acikin zuciyarta game da raɗaɗin tafiyarsa, duk wulaƙancin da ake mata acikin gidan saboda tafiyarsa sam bata damu ba, damuwarta ɗaya shine Uncle Deen ya tsaya mata a rai,
a halin yanzu ji take tamkar a cikin kabari take,
shaƙuwar da tayi da Razhdeen ya wuce misali, gani take inta buɗe idonta zata ganshi a gefenta, ko kaɗan bata taɓa jin tsanarsa acikin zuciyarta ba,
tana matuƙar jin wani abu akansa,
tana kwance ta fashe da matsanancin kuka haɗe da maganar zuci
"Uncle Deen ka dawo gare Ni dan Allah, meyasa zaka tafi ka barni cikin wannan mawuyancin hali, bazan iya samun nutsuwa ba tare da kai a kusa dani ba, meyasa? meyasa saida na gama sakaka acikin zuciyata lokaci guda zaka tafi ka barniiii......"
kuka take bana wasa ba, jikinta har wani ɓari yake,
haka ta kwana da wannan ciwon raɗaɗin son kasancewa da Uncle Deen,
Daƙer ta iya tashi ta nufi bathroom domin ɗaurowa Alwala anata ƙiraye-ƙirayen sallar asuba,
yanda taga rana haka taga dare....


Misalin ƙarfe 10 na dare Abbah yana zaune a falo ya tara duk mutanen gidan,
Hajia Kilishi itama tana zaune akan sopa ta ɗora ƙafa ɗaya akan ɗaya tana son jin dalilin da Abbah ya tara su gaba ɗaya,
Shima Roshan yana zaune a one seater yana sanye da blue jeans da blue t-shirt wanda ya kama jikinsa sosai kai kace saboda shi aka ƙero rigar sannan ya ƙara ɗora sweater a saman rigar mai launin Black and blue,
Sauran yaran gidan kuwa suna ƙasin carpet iya Baiwar ALLAH ce bata gurin,
Abbah ne ya kalli ƴar Tiny ya ce "Auta je ki ƙira Auntynki....."

Ƴar Tiny ƙura masa ido tayi haɗi da cewa "naga gashu nan jajjaune..."

"Aunty Daughter zaki ƙira a room ɗinta...."
a cewar Abbah.

tsayawa tayi tana turo baki ta ce "ita ɗim Aunty na ne?...."

wani irin tsawa Abbah ya daka mata saida ta gigita bata san lokacin da ta nufi ɗakin Baiwar ALLAH ba tana kuka,
suma duk waran ba wanda bai tsorita ba,
Roshan ne ya kalli Abbah sannan ya ce "Please Abbah cold down...."

kafin wasu ɗan mintuna saiga Baiwar ALLAH ta fito sanye da zureren hijab alamun tin sallar asuba bata cire ba, zuwa tayi ta durƙusa ta gaishe da Abbah, ya amsa mata cikin kulawa sannan takai idonta kan Hajia Kilishi itama ta gaishe ta,
kawar da kanta tayi gefe ba tare da ta amsa mata ba domin zuwa yanzu ba ƙaramin tsanar Baiwar Allah tayi ba, saboda ita duk yaran gidan basa jin daɗin zaman gidan, koda yaushe suna cikin antara....