You Cannot Download this book untill you login but you can read it .

---

Login Register

dame mu kije ki tambaya kiji yanda al'amari ya faru.''

"Babu wanda zan tambaya aini ba yarinya bace da zaki zaunar dani kina min wannan maganar na dauka wallahi idan nice na haifi Wasila sai nasa ta kunyata mijinki tunda bai san ya kamata ba."

Bitan! tace"Ai sai kije kiyi tayi mai dora 'yayanta kan turba mara kyau kece zakiyi nadama mara amfani." Uwani ta zura takalmata tana fadin" Ke da mijinki ne zakuyi nadama amma bamu ba aure kun daura saboda kuna samu kwabo da dari to ba zaiyu ba sai na kwance wannan auran wallahi."

Bitan! ta bita da kallo cikin tsananin mamaki! tabbas babu abinda yake damun Uwani sai jahilci a irin wannan zamani 'yarki ta auri mutum mai hankali kamar Ahamdu amma kice sai kin warware auran tabbas gaba tana tare da nadama.

Uwani na fita kai tsaye tsangayar malam mai allo ta nufa, tun kafin ta 'karasa ya hangota domun uwani ba bakuwa bace a gurinsa, Sai ya gyara zaman sa kan kujerar karfen da yake zaune yana sauraran isowarta,

Ganin ta iso inda yake tayi masa 'kerere a ka tare da fadin"Gurun ka nazo." sai ya fara kokarin mikewa daga kujerar ta daga hannunta "Dakata malam yi zamanka ba sai ka tashi ba." Ido ya zuba mata suma almajiran tun sanda ta fara magana suka dakata da karatun da takeyi suna kallonta.

"To an yanka ta tashi! duk wani 'kumbiya 'kumbiya da munafurcin da kuka kulla ya fito sarari Allah ya toni asirinka ni Uwani na samu labarin abunda kukayi wa yarinyata Wasila, Na farko dukaninku da kai da 'yan uwanka baku san ci da shan Wasila da Rashida ba tsawon shekaru goma sha, kwabonku bai ta'ba shiga tsakaninmu daku ba, Kuna katsina muna daura muyi aikatau muyi sirfau muyi daukau da duk da sana'ar data kama domin mu ciyar da kanmu kuna a matsayin iyayen Wasila da Rashida baku sani ba, to tur! da wannan zumunci naku Allah ya wadaran irin wannan zumuncin......Sai da na gama shan wahala da 'yayana suka girma suka kawo munzali sannan ne zaka nuna min iko a kansu! bai zai yiwu ba! Shin malam wane irin zagi ne ba kayi min ba wace irin kalma ce bakayi jefe ni da ita ba ! amma kuma saboda tsabar son zuciya katsaham! sai na tsinci labari a gari cewa ka daurawa 'yata aure saboda kwadayin abin duniya! Yanzu bakaji kunyar wannan abun da ka aikata ba."!? Ta kare maganar tana tsare shi da manyan idanunta.

Malam jikinsa yayi kwata'kes! tunda yake a duniya ba'a ta'ba tsinkashi cikin jama'a ba irin yau!!! amma babu shakka Uwani ta gawurta gurin rashin kunya da rashin arziki.....Ta sake tsareshi da ido tana fad'in"Kai nake jira ka bani amsa malam."? Gefan babbar rigarsa yasa ya goge gumin goshinsa, Yace."Idan kin koma gidana a nutse zanzo nayi miki bayanin yanda al'amura suka kasance."

"Babu wani gidanka da zan koma in koma inyi me? hukunci na riga na gama yankewa shine idan kana takamar kaine waliyin Wasila to nice nan na tsuguna na haifeta saboda haka ka kwana da shirin wannan auran da ka daura shi da niyar biyan bukatar ranka sunanshi lalatacce don ko sati biyu baza'a cika ba sai Wasila ta fito, mu zuba ni da kai." Tana kare maganarta ta kade zaninta ta kara gaba, zuciyarta wasai! yau ta rama irin rashin arzkin da malam yake mata shekara da shekaru.

Uwani na barin gurun malam ya sunkuyar da kanshi 'kasa masifar kunyar al'majiransa yake yi babu shakka dukanin maganganun da Uwani ta fada a kanshi gaskiya ne, tun bayan rasuwar dan uwansa Yahuza da ya dauko su Wasilan suka bujere masa tsayin shekaru goma sha biyu bai sai waiwayar inda suke ba daga shi har sauran 'Yan uwanshi, Uwani ita ya kasance take dauki ba dadi da 'yayanta har Allah yasa suka kai munxalin girma.....Hakikanin gaskiya yanzu shima ya gano laifinsa, zumunci ba abun wasa bane a lokacin da su Wasilar suka bujere masa a kwai kuruciya a tare dasu bai kamata yace zai wofintar dasu ba a matsayinsu na wad'anda basu da kowa a garin kano Uwani tayi namijin kokari a kansu da rayuwarsu.......Yanzu ya gano abunda suka aikatawa yaran sam bai cancanta ba kuma duk abinda Uwani tayi masa a halin yanzu bata dai laifi tabbas hakane kamata yayi kafin daurin auran a sanar mata kome zatayi dai na lokaci kankani ne magana ta wuce amma ga yanayin yanda yaga ta dauki lamarin da zafi dole yayi wa tufkar hanci idan ba haka babu shakka tana iya zuwa ta girgid'e wannan auran da ya daura wanda yake sanya ran mutuwa ce zata rabashi.....Ya sake sanya gefan rigarshi ya goge gumi kana ya dago yana kallon almajiransa sai hayaniya suke! bulala ya d'aga Yace."To a cigaba a cigaba.''!!! Su rud'e da karatu ko wannensu da allo a hannunsa.

*****

Camas! na tsaye a bakin gate din gidan Ahamdu suna fafatawa da masu Gadi! Magiya take musu suna sake botsarewa "Kinga Hajiya Wanzu Mai gidan ya fita kuma bai sanar damu zuwanki ba, a 'ka'idar shiga wannan gida sai kana da shaida idan kina so mu barki ki shiga to ki nuna mana shaidarki."
Daya daga cikin masu gadin ne yake wannan maganar.

"Ni bani da wata shaida da zan nuna muku amma nace ku shiga ku shaidawa matar gidan cewar 'kawarta tazo Mai suna Hadiza 'Yar Camas! nasan kuka sanar mata da cewa nice zata baku Umarnin kan ku bude min kofa na shiga.

Wanda yayi magana da farko shine ya sake magana da fadi'n " Kinga Hajiya ita kanta matar gidan da kike magana a kanta bata da wannan power din Itama cikin tsaro take babu wanda ya isa ya bamu umarni mu bi idan ba mai gidan ba."

Camas! ta saki murmushi tana girgiza kanta, jakarta dake rataye a kafadarta ta fito da ita ta zuge zif din kudi ta dauko daure cikin kyaure ta lissafa dubu ashirin ta mikawa mai maganar....."Kar'ba na lura toshiyar hanci kake bukata babu damuwa idan kun kwantar da hankalinku ma yanzu zan fito."

Shiru yayi yana kallon kudin hannunta, Sai ya juya yana kallon sauran 'Yan uwanshi, Sundu'ki! ne ya d'aga masa gira alamun ya 'karbi kudin....Sai ya sanya hannu ya karba da fad'in"To ki shiga amma minti ashirin kacal muka baki kiyi ki fito domin yallabai na iya dawowa da ko wane lokaci." Camas! tace"To babu damuwa yanzu zan fito."

Suka bude mata 'karamar kofa ta shiga....Sundu'ki! ne ya tashi da kyar! dake irin mutanan ne masu masifar ki'bar tsiya shiyasa ma ake kiransa da suna Sundu'ki!!! Yace."Dan tsaya anan." Tsayawa tayi ya tafi tinkis tinkis yana duddubawa, Abdulmumini yake nema bai ganshi yaji dadin hakan yasan yaron munafiki ne zai iya fadawa Mai gidan abinda ke da akwai.....Ya dawo inda take tsaye yace muje na raka ki kofar da zata sadaki da cikin gidan....Tare suka jera ya nuna mata kofar daga can nesa godiya tayi ta 'kara gaba da sauri.......Wani abu ta dinga matsawa a jikin kofar......Wasila na takure kujerar palon ta mike zumbur!! bakin kofar ta nufa, "Waye."!? Tafada Camas! Tace" Yi sauri ki bude min Wasila." Jin muryar Camas! ya sanya da sauri ta bude mata kofar!! Tana shigowa suka rungume juna Wasila ta fashe da kuka ta jata suka nufi cikin palon

Camas! sai bin ta take da kallo tana bin palon da kallo........A cikin wannan daular Wasila take ita nacan tana yawon bid'id'i! da maza! Tab!!! ai kam ba zatayi yawo ita kadai ba duk yanda za tayi sai tayi ta turgud'e mata wannan auran sun taru sun zama d'aya. Shawarwarin da take tayi kenan da zuciyarta


A zahiri kuwa cewa tayi "Wasila ban ta'ba ganin yan iskan mutane ba kamar masu gadin gidanan shegu tsinannu zuwana uku sun hanani shigowa sai da na basu dubu ashirin tukkuna shima da sharadi kan minti ashirin kacal suka yarda nayi na fito......." Rabu da 'yan iska nima ranar sai na mari daya daga cikinsu ai ba laifinsu bane na ubangidansu ne babu babban mara mutunci irinsa."

Camas! ta cire karamin gyalan dake jikinta tana kallon Wasilan tace"Wai dan Allah da gaske kike aure ne tsakanin ki da Ahamdu."? Wasila tace."Wannan wace irin magana ce Hadiza? ko zanyi miki karya ai ba zanyi miki irin wannan ba Yau tsayin kwanaki biyar kenan da daurin auren inda yaje jan garinmu aka dauro."

Camas! tayi kwata'kes! itafa duk ta susuce! komai na gidan Ahamdu ya tafi da imaninta kai shi kanshi ma so take taji yanayin Jijiyarsa a jikinta sha'awarsa takeyi sosai da sosai.

"Tabdijam! amma mutumin nan ya karya miki alkadari sai da aski yazo gaban goshi sannan zai miki haka wallahi ki san yanda zakiyi ki fece! daga hannun wannan mugun mugunta zai miki Jiya da muka zauna metteng Governor yake cewa mutukar ya sake samun hawa kujerar mulki ke zai baiwa mukamin mai bashi shawarwari! saboda ya yaba da kokarin ki a wannan tafiyar shine dalilin da yasa ma nayi duk yanda zanyi na shigo gidanan domin in shaida miki abinda ke faruwa Governor da sauran 'kososhin gomnati hankalinsu ya tashi da faruwan wannan al'mari sunce kuyi kokari ku kufce daga hannun Ahamdu ya aure ki ne ba kyakkyawar manufa ba, kuma kema ki zauna kiyi nazari da kyau ki gani sai da dadin yazo sannan zai miki wannan wulakancin ai wallahi ki nemi mafita tun kafin dare yayi miki.

Wata zazzafar ajiyar zuciya ta sauke tace" Camas! na rasa yanda zanyi da mutumin nan Ahamdu! duk inda kike tubaninshi ya wuce nan wallahi! mugu ne! duk wata kafar mugunta da kika sani ya santa, tsakankanin kwanaki biyar din nan ni kadai nasan irin wuyar dana sha a hannunsa sau biyu yana sumar dani.......Har jinya na kwanta, yau ne kawai na dan samu sauki in kin lura zaki gani, babban tashin Hankalina Uwani da Rashida duk da nasan akwai kayan abinci a gidana babu wannan matsalar to amma nasan suna can hankalinsu a tashe saboda rashina."

Camas! tace"Gaskiya kam hankalin Uwani ya tashi sau biyu muna zuwa gidanan dasu bamu samu damar shigowa ba to amma jiya naje can gidan naki na kwantar musu da hankali nace yau zanyi duk yanda zanyi na samu ganinki, A nan take shaida min cewar itama taje Can garinku Garko tayi wa mai allo wankin babban bargo sam! itama bata maraba da wannan auran naki."

"Ai ki bari kawai Camas! babu babban wanda ya cuce ni irin mutumin nan ni nafi zargin kudi ya kuza masa shiyasa yayi min wannan wulakancin......Wai kamar ni budurwa a bani sadaki na dubu biyar wulakancin yayi tsanani."

Camas! tasa dariya tana fadin"Ta'b! amma gaskiya tsohon nan bai da *M* Yo ko ni da nake a fanko ai ba zanyi arha irin taki ba, Wallahi naci alwashin sadakin aurena sisin gold ne da katuwar mota da katon gida......hahahaha kina nan kina 'boye budurci an bada shi kan mafi karancin kudin hahahaha."! Camas! ta dinga shaka mata dariya har da kwanciya.

'Bata rai tayi tace"Kin ga Hadiza bana son iskanci da rashin mutunci! Ki bar dariya Budurcina nan yanda yake dubu biyar din sadaki nan a ajiye ai na fada masa da auran da babu duk daya suke a gurina kar ma yayi tunanin zai samu budurcina shi kuma mai allo duk sanda na kufce daga wannan gidan to ya kwana da shirin garin Garko sai anjimu dashi."

Camas! tace"Da kyau! kawata yanzu wane mataki kike dauka na kubutar da kanki daga hannun *Ahamadu Musa."?*





_*Yawo babu takalmi a cikin ruwa yakan jawowa mace babbar illah! 'Yar uwa ki lura da kyau! Sanyi na saurin shiga ta kafafu ba zaki gane haka ba sai ranar da ya soma yi miki illah! ki tsare jikinki idan zakiyi aikin ruwa kina kokarin sanya silifas domin kare kanki da lafiyarki*_



Littafin na kud'i ne.....!
Kika futar min da book ke da Allah kika karanta baki biya ba kema ke da Allah! Whasap numbar.
*07084653262*
*BINTA UMAR ABBALE*
[07/08, 11:50 pm] +234 803 238 4602: 'Yr Bngr Sys
*29*
''Kin san Allah Camas! na rasa wane mataki zan dauka na rasa wane tunani zanyi duk kaina ya kulle dana sa'ka wancan tunanin sai na warware yanzu ni ban san yanda zanyi na gudu daga gidanan ba, Ke da kanki kinga irin matakan tsaron daya zuba a gidanan da kyar suka barki kika shigo kuma ina jin sanda yake ce musu mutukar suka bari na fita daga gidan to a bakin aikinsu kuma sai ya dauresu.....Shiyasa jikina yayi sanyi na rasa wane mataki zan dauka a kanshi.

Camas! tace"Kina da kudi a accont dinki ko."? "Sosai kuwa ni ban san ma a dadin su ba." Shikkenan ai magana ta kare kud'inki zasu share miki hawaye.....Kin san abinda zamuyi yanzu."? Girgiza kai tayi, Ki bani Atm d'nki a ciro kudi masu kauri muzo mu yaudari masu tsaron kofar gidan na lura suna da bala'in son kudin tsiya tunda dubu ashirin kacal na basu suka amince su cuci ubangidansu ina mai tabbatar miki da cewar kika basu dubu dari ko dari biyu zasu san yanda za'ayi bi futa daga cikin gidanan ba tare da kowa yaji ya gani ba sai yasu yasu."

Wata ajiyar zuciya ta sauke mai sanyi a take taji zuciyarta tayi wasai! da jin wannan magana ta Camas! tace"Haka za'ayi wallahi ni ko nawa suka ce zan basu amma kin san inda gixo ke sa'kar tun sanda nazo ya dauke mim pose da wayoyina Atm dina na ciki yanzu ya za'ayi."? Camas! tace."Kinji wata matsalar kuma ko da yake babu damuwa nasan idan na sanar da As abinda ke faruwa ko nawa ne zai bayar saboda shima ya damu da rashinki wallahi baki ga yanda duk ya susuce ba."
Da sauri tace."Yawwa Dan Allah ki mai magana Camas! kuma ki shaida masa cewar wallahi ina fitowa to ya sanya ranshi cewa na zama tashi nayi masa wannan al'kawarin." Camas! tace"Kar ki samu damuwa kawata ni zan tafi, kinga har na wuce mintinan da suka bani." Mikewa tayi tana fadin"Don Allah ki gaishe min Da Uwani kice su kwantar da hankalinsu insha Allahu zan fito da wannan kurkun dana fada."

Suna fitowa harabar gidan suka hada ido da Abdulmumini dake bawa shukoki ruwa yayi maza ya ajiye abinda ke hannunsa ya karaso inda take "Madam! akwai abinda kike bukata ne."? Harara ta watsa masa " Bakuwa nayi ko itama bani da damar yi mata rakiya."? Girgiza kansa yayi ya koma bakin aiki. Tsayawa tayi ta fasa raka Camas din bakin gate dan ta lura yaron kamar munafiki ne me yiwuwa idan mai gidan ya dawo ya fada masa ta fito yanxu har shakkarsa takeyi saboda tana jin tsoron kar ya kara yi mata sha'kar mutuwa shiyasa take kaf kaf dashi.

Abdumumini yana bawa shukoki ruwa hankalinsa na kansu amma sam ba zaka fahimci hakan ba......''Camas! Ina ganin da kaina zan fara aiwatar da wannan aikin kafin ki sake dawowa ni zanyi kokari gurun ganin na kar'bi pose dina a gurinshi zan fara yi musu bayani duk sanda na samu sarari."

Camas! tace"Yawwa kema kiyi kokarin yin haka nima mybe jibi ki ganni." Shikkenan ki gaida gida dan Allah kar ki manta da sa'kona gurin su Uwani." Camas! tayi gaba tana fadin"Insha Allahu daga nan can zan wuce domin na isar da sakonki."

Abulmumini na ganin Wasila ta koma ciki sai yabi Camas! da kallo har ta isa bakin gate yana kallon sanda ta dan tsaya suna magana da Sundu'ki! na minti biyar kana taga ya bude mata karamar kofa ta fita....Al'amarin sai ya shiga bashi mamaki ya akayi suka bar wannan 'yar iskar matar ta shigo gidan da kagani ba mutuniyar arziki bace amma babu shakka zai sanya ido sosai a kan lamarin domin shi ba zai yarda a cuci mutumin da ya rufa masa asiri ba.


****
Malam mao allo na komawa gida ya sanya babban danshi ya kira masa Kattime da Habibu domin ya shaida musu abinda ke faruwa.....Lokacin da ya gama zayyane musu irin tujarar da Uwani tazo tayi masa cikin almajiransa, dukaninsu sai suka hasala suka dinga zagin Uwani suna tsine mata, ganin yanda suka fusata yasa ya dakatar dasu da fadin"Ku saurara haka, sukayi shiru suna sauraransa sai mai da numfashi suke....Yace."Idan anbi ta 'barawo to abi ta mafi sahu! hakika muma muna da laifi babba kan wannan al'amarin da yake faruwa, Banga laifin Uwani ba akan abinda tazo tayi min na gane gaskiya kuma na amsa laifina da bamu wofintar da Yayan nan ba da babu abunda zai sanya ta samu damar zuwa cikin almajirai na ta fada mun magana, To d'an adam ajizi ne munyi kuskure sai dai mu kiyaye gaba kuma ni babban abinda ke daga mun hankali anan shine kada ta samu nasarar kashewa wannan yarinya auranta shine babbar damuwa ta."
Kawu Habibu yace."Insha Allahu hakan ba zata faru ba ni da kaina zan kira Alhajin a waya na shaida masa abinda ke faruwa." Malam yace."To alhamdullahi ga hanya mai sauki dama ina ta tunanin ya za'ayi mu sadu dashi tinda da numbar wayarshi kirashi yanzu sai muyi magana dashi.
Habibu ya fito da gudar dari biyu ya baiwa Musa babban yaron malam yace ya siyo masa kati can bakin kasuwa, Ba tare da bata lokaci ba Musa ya karbi kudin ya kama hanya ya tafi.


Suna tsaye tare da Khalifa cikin babban boutique dinshi mai suma *A M B* ma'aikata sun kai talatin ko sama da haka suna ta sauke kaya da alama an shigo da sabbin kaya....Shiyasa gurun ya hargitse da yawa, Wayarshi dake hannun Garba ta soma ringing, Garba Yayi saurin mika masa wayar ba tare da ya kalli mai kiran ba ya daga da sallama a bakinsa.

Jin muryar mai allo na amsa sallamar ya sanya ya dan risina kamar yana gabanshi ya gaishe shi kunya ce ta kamashi Tun ranar da aka daura aure bai sake waiwayar mutumin ba, Mai allo Yace."Ina magana da Alhaji Ahamdu ko."? Ahamd yace."Kwarai kuwa arrama ni ne ayi min afuwa arrama al'amura sun sha kaina wallahi ina ta so na kira waya nayi bangajiya Allah bai nufa ba." Malam mai allo yace."Ayya ai babu komai Ahamdu. ku da kuke da hurd'od'i da yawa ai dole sai na muku uziri, dama wata magana ce ta taso shine nace to tunda ka bamu numbar wayarka bari na sanar da kai."
Ahamdu ya dan bar cikin mutane ya samu ke'bantaccan guri ya tsaya yace."Ina sauraranka malam."! Mai allo yace."Alhaji ba wai zan raba Wasila da mahaifiyar ta bane a'a ina so Yarinyar nan Wasila ta tsira da auranta, mahaifiyar yarinyar nan ta dauki alwashi kan duk rintsi sai ta lalata wannan auran domin ba ta da'de da barin garin garko ba, tazo har inda nake ta tabbatar min da wannan maganar shine na gaza samu nutsuwa nace bari na kira ka na shaida maka ka sanya ido sosai kana kuma ka tsaurara matakan tsaro kan shige da fice a cikin gidanka."

Ji yayi jikinsa na tsatstsafo da gumi! Anya kuwa wannan Uwar arziki ce? Bashi da mai bashi wannan amsa, Dan haka sai yace."Gaskiya naji dadin wannan magana taka arrama zan kara kula sosai nima ba zan raba Uwa da 'Yarta ba amma mutukar naga tazo gidana da wata munufa to babu shakka zan sanya a hanata shigowa gidan." Malm mai allo yace."To masha Allahu Alhaji Allah yayiwa wannan auren albarka ka kula sosai insha Allahu zakayi alfahari da wannan auran." Ji yayi ya kara jin kaunar mutumin cikin ranshi bai san abinda yasa yake son auransa da yarinyar ba kullum adduarsa Allah yasa auran nan yayi albarka shi kuwa zai yi kokarin ganin ya rike yarinyar da kirki duk wani alwashin da ya dauka a kanta zai sauke su.....Sallama sukayi da juna cikin mutunci da mutuntawa.....Ya katse wayar sai yaji duk hankalinsa yayi gida ya iske Khalifa tare da Manager suna magana yace."Khalifa ka tsaya komai yayi Clearing ni zanje gida yanzu." Khalifa yace."Lafiya dai ko."!? Yace."Normal ba zan dade ba zan dawo insha Allahu." Yana gama maganar ya juya da niyar tafiya Garba da Hadi suka rufa masa baya.

Ya dad'e tsaye a harabar gidan nashi a tsaye yana nazarin ko ina da ina na gidan.....Har masu tsaron kofar shiga gidan suka soma shan jinin jikinsu mussaman Sunduki da yayi 'kas! da kansa yana Allah Allah ya bar gurin babu shakka Alamun mara gaskiya ko a cikin ruwa gumi yake domin dai Sunduki wani irin gumi ne yake karyo masa yana jin tsoron kar yallabai ya fahimci abinda ke da akwai!!!! AbdulMumini ya karaso inda yake tsaye hannunsa rungume da tarin kayansa wanda ya wanke su tas ya gogesu ya shiryasu cikin wata leda mai sheki! gaisawa sukayi Ahamdu na tambayarshi aikinsa. Abdumumini yace."Aiki alhmdullihi Yallabai." Ahamdu yayi gaba da niyar shiga cikin gidan Abdulmumini ya rufa masa baya hannunsa rungume da kayan wanki........Dan juyowa yayi yace."Dakata nan tukkuna."! Abdulmumini yaja ya tsaya, A hankali ya sanya hannunsa jikin kofar yana latsawa......Tana can cikin daki a kwance abin duniya ya taru yayi mata yawa taji alamun ana so a shigo da sauri ta diro daga gadon ta nufi kofar fita, Allah yasa tayi wanka ta shirya cikin wani les mai ruwan goro (orange colour) yayi mata kyau sosai yayin da dinki ya zauna das a jikinta, sai kace an gwadata bata daura dankwalin ba sai ta lullube jikinta dashi, tun kafin ta karasa bakin kofar palon ta hangoshi tsaye dake kofar tana nuna mutum amma shi wanda yake waje bai ganin na ciki sai dai na ciki yaga mai shigowa, Ta bude a hankali taja gefe guda ta tsaya, juyawa yayi kawai ya kar'bi kayanshi dake hannun Abdulmumini ya sallameshi da fadin"Jeka kawai." Abdulmumini ya bar daga gurin da sauri....Shigeta yayi ba tare da ya tanka mata ba ya nufi bedroom dinshi.....Yana shiga ya tadda shimfidar bed din a hargite duk pillows din sunyi d'ai-d'ai kasan kafet din ragowar abincin da taci ga plate da goran ruwa da lemo duk a ajiye ko ina yayi kaca kaca babu kyan gani.....Wardrobe dinshi ya bude ya ajiya kayanshi yana dan jan tsaki ya fito ya sameta zaune kan kujera ta zuba tagumi.

'Bata rai yayi yace."Tashi kije ki gyara min daki." Ta kalleshi cikin wani irin yanayi Yace."Ban son kazanta bana shiri da kazamin mutum ina amfanin kin gyara jikinki baki gyara makwancin ki ba to daga yau kar ki sake kwanciyar min a daki ki dauki daya cikin dakunan dake palon nan bana son kazanta."

Ranta ya 'baci dajin irin bakaken maganganun da yake ya'ba mata sai dai ta daure kawai saboda tana neman biyan bukatarta, ba tace masa komai ba ta mike a hankali ta nufi dakin....Bayanta yabi da kallo yana ayyana abubuwa da yawa a kanta kwana biyu yaga ta soma yin sanyi Allah yasa ta d'ore.....Yana kokarin shiga sukayi karo ta dauko plate din dazu zata fita dashi......Dauke kansa yayi ya wuce Lokacin kirjinsa ya gogi nata yaji wani irin yanayi a jikinsa sam! baya so yanayin da yake ji a jikinsa yayi tasiri kan yarinyar shiyasa yanzu ko kallonta bai fiye yayi dan yaji haushin Allah ya isan da tayi masa,

Tana shiga dakin ta ganshi ya sunce kayan jikinsa yana kokarin daura towel tayi saurin dauke kanta ta nufi toilet da sauri gabanta na wani irin faduwa! Manta abinda ya shigo da ita toilet din tayi sai ta hau duru-duru!!! can taji alamun zai shigo tayi saurin Kwance pampo tana wanke fuskarta sai sannan ta tuna abinda ya shigo da ita, can wani guri ta nufa cikin toilet din dai ta dauki tsinsiyar laushi da makwashin shara, kanta a 'kasa zata fita suka buga karo yana daure da towel iyakacin sa ku'gunsa kirjinsa a waje! gigicewa tayi har sai da yaso ya fahimci hakan! tayi saurin ra'bewa tayi zata wuce ya matse hanyar yana yi mata wani malalacin kallo....Kas da tayi da kanta kamar munafuka duk ta muxanta mutukar za taganshi a haka! babu suttura wata irin shakkarsa takeji da tsoronsa, "Yau waye yazo gidanan."!? Ya fadi maganar yana tsareta da idananunsa dake mutukar saukar mata da kasala da mutuwar jiki.





_*'Yar uwa ga shawara: Idan kina dauraye gabanki da ruwan sanyi bayan kun gama mu'amula ta aure da mijinki (sex) to ki daina domin yin hakan yakan iya janyo miki matsala babba, duk sanda kuka