You Cannot Download this book untill you login but you can read it .

---

Login Register

jahilci yanzu zarginsa ya soma tabbata kan governor lawan rabo kwakwalarshi ta lalace shiyasa yake hauka a siyasan ce ya rasa akin yi da dukiyoyin jama'a yazo yana siyan manya manyan gidaje yana ajiye wai shi me wayo idan ya sauka a mulki su zame masa kadara, aikuwa ya dauki alwashin mutukar Allah ya bashi mulki a hannunsa sai ya had'ashi da hukumar Efcc sun binkiceshi duk wasu kud'ad'e da ya sata sai ya fito dasu, idan bai fito dasu ba sai yasha d'auri!

Ya kalleta sai wani 'kif!kif take da ido irin na marasa Yace."Wane banki kike amfani dashi."!? Da sauri ta kalleshi shin wai me yasa yake cin dunduniyar ta ne? me yasa dole sai ya san sirrinta."? Ganin ya zuba mata ido babu walwala a tare dashi yasa tace."Union bank ne." Gyada kanshi yayi yace."Zamuje tare dake domin kar'bar takardar gidanan sannan ina so nayi bunkice cikin asusunki."! bata san sanda tace"Kai!!!!!!!! da mamaki tafad'i maganar.

Girarshi guda ya d'aga mata yana sakar mata wani killer smile kafin yace."Ina so in kubtar dakene! dan bana so kisha wuya a gaba, ina me tabbatar miki da cewar ni *Ahmadu* mutukar Allah ya bani wannan jagorancin to duk wani 'barawo! mugu! mazanbaci! macuci! dake fad'in jahar nan sai nasa an kamo min shi na tuhume shi, kan zalincin da yayiwa jama'a cikin wadanda zan d'aure har dake mutukar kikayi min gardama kan abinda na umarce ki, zanyi mulki ne tsakanina da Allah babu sani babu saboda zaki futo da dukanin kud'ad'an da kika 'barnatar ba tare da bin 'kaida ba."! Gabanta ya dinga faduwa tana ta kallonsa lebenta na rawa, wai shin shi wann guy ba zai kyaleta ta sarara bane? ashe tsugune bata kare mata ba koda sun rabu ita dashi zai cigaba da bibiyarta da dukanin abinda takeyi.....Tsoro ne ya kamata lokacin data tuno da cewar har yanzu fa Pose dinta na hannunsa kuma muhiman abubuwanta na ciki ciki kuwa har Atm dinta, amma kuma dole tayi gaggawar zuwa banki domin ta rufe dik wata kafa da zata tona mata asirinta gurin shi......Ganin duk alamun rashin gaskiya ya bayyana a tattare da ita ne yasa yace."Kije ku gaisa ina nan ki fito mu koma gida." Sai abun yazo mata biyu! lallaima wato shi da yana nufin ta shiga su gaisa yanzu ta fito su koma gida, Wallahi ba zai yuwuba! Kuka tasa kariris! 'bakin ciki biyu ya had'e mata, Tace"Ni wallahi bazan koma ba sai dare! kwana nawa rabona da mahaifiyata da 'yar uwata sannan kuma kace na fito yanzu." Ta dinga kuka tana shashsheka! Zuba mata idonsa yayi yana kallo, to meye abin kuka anan kuma? Kawai tace yay hakuri sai dare yazo ya dauketa sai ta hau kuka mtsss! sangarta da shagwaba na damunta......."Ya isa." Yafada cikin sanyin murya....Shiru tayi tana kallonshi, Ya ciro hankicinshi mai kamshi ya shiga goge mata fuska, yace."Shikkenan na bari sai dare okey karfe! bakwai ko shirya ana idar da sallahr isha'i zan shigo mu tafi." Daga kai tayi! Yace."Ki gaishe min da momyn tamu." Kallonsa tayi Wai Uwani yake kira da momynsa, ai ita gani take ma ya girmeta ko kunya wai momyn tamu! Tace"To." Za taji." Bude mata motar yayi yace."Shikkenan."? Daga kai tayi tayi gaggawar ficewa." Kawai sai taga Uwani da Rashida a tsaitsaye idanunsu kan motar ashe tun bayan shigowar motar tasu cikin gidan sukayo waje suka tsaitsaya suna jiran ta fito.....Shima da ya juya motar ya gansu sai dai su ba zasu ganshi ba kasancewar motar mai duhun gilashi ce (tintac) baiyi tsammanin da Uwani a cikinsu ba dan ya dauka ko 'kawayenta ko dai wasu daban! Saboda idan ka kalli Uwani a yanzu ko kusa ko alama ba zakace itace ta haifi su Wasila ba, saboda Allah yayi mata kyawun jiki sosai dan kusan ita Wasilan ta gado, zaka fi tunanin ko yayarsu ce ita..... da gudu taje suka rungume juna suna murna kana suka wuce cikin gidan cike da farin ciki haduwa da junansu.

Uwani sai kallon 'yar tata takeyi bayan shigarsu palon suka zazzauna kan kujera Wasila ta gaisheta tana tambayarsu bayan rabuwa, Rashida kuwa kallonta takeyi sosai tana mamakin yanda ta kara cika da kwarjini ta kara haske fatarta tayi luwai, abin sha'awa, ashe ba ita kadai ba har ita Uwanin mamakin sauyawar yar tata take cikin sati biyu kacal wasila ta zama wata hamsha'kiya komai na jikinta abin kallone hutu da jin dadi ya bayyana a tare da ita..........Uwani tace"Bayan rabuwa sai alkairi Wasila munanan kewa da damuwa sun dame mu amma ke kina can hankalinki a kwance kin hada 'kiba abinki ijin dai ba ciki kika bari kika dauka ba dan ni na soma zargin wannan sauyawar da kikayi.

Wasila tace"Haba Uwani wannan wace magana kike ? wane irin ciki kuma ai tunda naje gidanan d'an yatsana ban bari ya rike ba. Uwani ta sauke ajiyar zuciya tana fad'in"Alhamdullhi to yanzu me muke ciki." Wasila tace "Mun riga mun gama magana da As insha Allah komai yazo karshe zan cigaba da rayuwa tare daku aurena da wannan mutumin ya kare daga yau." Uwani tace"Naji dadin hakan! Dan na lura bashi da mutunci bai daukeni a matsayin mahaifiya yana kallona a tsaye ya tuka motarshi ya tafi, ko ya tsaya ya gaisheni to idan nice nasha wahalar haihuwarki da rainon ki sai kin rabu dashi har abada mu zuba mu gani."

Rashida tace"Wallahi anti Wasila ki kiyaye kiyiwa kanki fad......"Zanci Uwarki! kika sake min wata magana anan gurin!!!! Rashida tayi shiru tana kallonta ta cigaba da surfa mata ashar tana fad'in"Banza mara zuciya da kishin kai! a gabanki fa ya kad'a kansa ya tafi ba tare da ya gaishe da uwarki ba, kudi hauka ne! ni wallahi duk wanda zai ta'ba min martabar Uwata sai inda karfina ya kare, na lura ke din 'Yar jam'iyyarsa ce shi da wancan tsohon me allo to wallahi zaki fice min daga gida dik sanda kika sake min maganar banza." Rashida ta ta'be bakinta ta mike ta shige daki tana 'kunkuni." Tsaki taja ta maida hankalinta kan Uwani Tace"Wannan yarinyar bata da hankali wallahi." Uwani tace"Haka nake fama da ita kullum zagina ne kawai ba tayi." Wasila ta dinga zaginta tana fadin"Aikuwa mutukar tace zata goyi da bayan Ahmdu da mai allo to zata bar mata gidanta in yaso sai ta koma can garkon da zama.......Uwani tace"Wannan hukuncin da kika yanke shine dai-dai.

Nan Wasila ta shiga warware mata abubuwan da suka faru da ita gidan Ahamdu da yanda ya dinga sumar da ita yana mata kamshin mutuwa amma kuma bata fada mata cewar mu'amular aure ta shiga tsakaninta dashi, ta fada mata irin bindiddigin da yake mata da furucin sa kan gidan da suke ciki cewar idan ya kar'bi mulki sai ya tuhumeta idan ya kama ma ya daureta sai ya daureta kan kud'adan mutane." Uwani tace"To ai kema baki sukayi ba sata Kikayi ba saboda haka kada ki wani damu duk barazana ce babu abinda zai iya yi miki, Amma kuma nafi so, gobe mu kama hanya mu wuce potsikum sai 'kura ta lafa sai mu dawo mu san abinyi, sai dai kawai yaji kira daga kotu." Tace."To shikkenan yanzu dai dole zanje banki in samu na ciro kudi masu dan kwari a hannuna kafin zuwa goben."


Da misalin karfe biyar da rabi na Yamma Wasila da Camas! suka fito daga bakin union duk wasu kud'addanta ta sanya ankwashe mata su daga asusunta an maida accont din Camas kudin sun tasamma miliyan hud'u da d'aruruwa, Cikin rashin dubara da wayo ta barwa Camas! Atm din a hannunta suka wuce gida,

Sai gab da magariba suka isa, Uwani tayi musu girki mai dad'i da nama sukayi sallah tukkuna kafin su zauna zaman cin abincin, kira ya shigo Wayarta....Sabida tsabar yanda ta haddace numbarshi yasa ta gane, gabanta ya dan fadi sai dai ta dake! tayi masa sallama Ya amsa yana tambayar ta mutan gida tace"Sunanan kalau." Yace."Ina fatan kin shirya ko dan ganinan kan hanya." A kumbure tace"Abinci zanci." Murmushi ya saki wanda har sai da taji sautinsa a kunnanta, taji tsigar jikinta ta mike, yayi amfani da wata iriyar murya "Ki aje min nawa."! Ta sakejin wani bakon yanayi a jikinta jin muryar da yayi amfani da ita, Sai tayi saurin fad'in" To! ta kashe wayar dan bata so ya samu nasarar kashe mata jikinta....Uwani tace"Shine ko."? daga kai tayi kawai tana jujjuya abincin, Jin muryarshi kawai ya sanya mata kasala da mutuwar jiki!Uwani tace"Kiyi da azama yana zuwa ku tafi ni wallahi so nake inga komai ya faru na gaji da wannan abu." Wasila ta sakejin wani karfi da kuzari gami da dakiyar zuciya yazo mata, ta dan caccakali abincin ta ajiye cokalin kana ta 'kame kan kujera tana jiran zuwanshi.






Littafin na kud'i ne....!
Kika fitar min da book keda Allah! Kika karanta baki biya ba kema keda Allah! Whasap numbar
*07084653262*
*BINTA UMAR ABBALE*
[07/08, 10:55 pm] +227 98 36 59 34: *_Afuwa jiya nayi mistake gurin sa numbar a mai makon 46 sai na sake sanya 45 nasan dai babu matsala tinda book din na tafiya kan tsari.......VIP 'Yar Banga! sannu ku da 'kokari! ina 'kaunarku kuna fitar da book ina 'kara samun costomars😅🤝🏻 masu karantawa baku biya ba kuma sannuku da kokari 😎yawwa! guys mu cigaba da gashi!! ku d'auki abu mai amfani na cikin book d'in nan ku watsar da mara amfani......Muje zuwa_*

'Yr Bngr Sys
*47*
Kimamin mintuna goma sha biyar da kiran wayarshi, ya sake wani kiran yana sanar mata da cewar gashinan a bakin gate dan bai shigo ciki ba ma saboda yanayin akwai hadari sosai dan har an soma iska da walkiya yace maza maza ta fito su tafi. Ta mike da sauri tana gyara jakarta, Uwani tace"Kada fa kiyi da wasa kina samun kufcewa ki nemi mafaka ki 'buya idan ya bar gurin sai ki fito, Tace"Ai As ma yana gurin dan yayi min bayanin yanda zanyi." Camas dake danna wayarta tace"Ni kam inanan sai gobe ma had'u a gest house din As nasan dai can zaki kwana ko." ? Tace"E mana amma da wuri zan fito xamu wuce fataskum sai komai yayi normal kana mu dawo." Tace."To shikkenan." Rashida dai na zaune bata sanya musu baki ba cikin maganarsu duk haushi suke bata har Uwanin sam basu san inda yake musu ciwo ba, shiyasa tayi al'kawarin daina sanya musu baki a maganarsu idan ta kwa'be musu ita 'yar kalloce tinda ta fad'a musu gaskiya sun'ki ji.

Har bakin gate Camas da Uwani suka rakota, sai da ta fita tukkuna suka koma ciki.....Tana fita aka soma yayyafi da sauri ya bude mata motar ta shiga tana gyara mayafinta, ya kunna motar suka bar gurin, Sai da suka hau titi sosai ya d'anyi gyaran murya yana kallonta yace." Ya mutanan gidan ina fatan kin mi'kamin gaisuwa gurin momy kafin naje da kaina." babu yabo babu fallasa tace"Eh tace tana amsawa." Motar tayi shiru bayan maganarta ruwa ya soma yin 'karfi gabanta na cigaba da fad'uwa!
Saboda yanayin goslow din dake tsakanin tal'udu da goran dutse ya sanya yayi yanke hanya ya shiga ta wajan ma'kabarta zai bi ta 'yan rake yana ganin hakan zaifi masa saukin shiga unguwarsu tasu ta tudun yola, duk wannan yanke yanken da Ahamdu yake yi da mota, Motar su *Mada!* na biye dashi amma saboda tsananin taku mutum ba zai gane hakan ba, Sosai yake gudu sam baya son ruwa yayi karfi wanda zai tilas tashi yatsawa a kan hanya shiyasa ya kara karfin motar, Wanda ita kuma sai zazzare ido takeyi kamar kace kyat! ta ruga a guje tunani takeyi ko tana ina su *Mada!* zasu fito........Kasancewar ruwan ya soma 'karfi ya sanya masu siye da siyarwar dake kan titin kansakali mahad'ar 'yan rake ya sanya suka fara kwashe kayaiyakinsu kowa na neman tsira titin tayi shiru hanya tayi tsit! sai saukar ruwa sai kuma ababen hawan dake ta sharara gudu kan kwalta kowa na so ya isa gida.

Yana fitowa daga tsukin titin kansakali ya hau titi sosai, yana kara karfin motar! Kawai motar su *Mada!* ta daki tashi motar wanda ya sanya hannunsa ya goce daga kan sitiyarin motar ta gangara wani layi! Dake titin dama motoci basu fiye binshi ba ya sanya jama'a basu ankara ba, bayan haka kuma ga ruwan da akeyi babu kowa a gurin masu wuce wa a baben hawansu basu fahimci komai ba dan dik wanda yaga motar Ahamdu cikin layin zai dauka a fake take dan bata nuna komai ba da zai dauki hankalin jama'a.

Ya jima yana kiran sunan Allah kafin yayi gaggawar bud'e motar ya fito ruwa na dukanshi, Can ya hango motar su *Mada!* ta silalo gurin.......Ya tsaya yana kallon motar har tayi parking kafin ya ankara yaga sun fito su uku ko wanne fuskarshi rufe da ba'kin abu, dake namijin duniya ne bai wani razana ba sosai! suka durfafo inda yake! Mada ya fito da wata bindiga yana saita shi da fad'in"Kud'i ko kuma mu dauki ranka."! Yace."Ai babu mai daukar ran mutum sai wanda ya halliceshi! *Lauje* ya kai wa bakinshi duka da sauri ya rike hannunsa yana girgiza masa kai! Yace."Kuce kawai na baku kudi sune bukatar ku amma kada ka kuskura ka ta'ba min lafiyata."

Zuruf! ta bud'e motar ta fito, sai ta fashe da kuka tana wata makyarkyata sosai tsoro takeji gani takeyi anya su *Mada!* ne kuwa, ganin sun saita shi da bindiga yasa gabanta faduwa ta shiga kuka tana basu hakuri."

Da sauri *Lauje* yaje ya bud'e motar ya hau dube dube a ciki a take ya bude wani gurin cikin motar ya fito da daurarrun kudi a hannushi, ya dinga jefewa ! 'Kwage! yana cafewa! Wasila ta isa inda yake a hankali tace"Lauje." Yace.'Yar gaske maxa ki fece daga nan.'' Data tabbatar da sune sai kawai ta silala ta bayan motar zata gudu, tana waigowa ta hangi Ahamdu da Mada suna kokawa! saboda tsabar tsaurin ido irin na *Mada* so yake ya lalube jikin Ahmadu, ya dauke masa wayoyinsa shi kuma ya hanashi, Sai kawai taga *Mada!* ya daddage! ya sakar mishi duka a 'kirji! Ihu! tayi da 'karfin gaske! wanda ya sanya shi saurin juyowa, yana goge ruwan fuskarshi, dan har lokacin ruwa ake me 'karfi! Can ya hangota tana 'kwarma! ihu zata tsallaka titi! Yayi nufin binta, *Mada!* ya tad'e kafafunsa, santsin gurin ya sanya ya zube 'Kas! cikin zafin nama ya rike kafafun shi shima ya makar dashi a gurin! a gaggauce! ya mike! da azama! ya murd'e? hannunsa ya 'kwace! bindigar dake hannunsa! ya saita wuyanshi......
*Mada!* ya hau 'kif'kifta ido! Yana kare fuskarsa da hannunsa!....A kausashe yace."Waye! ya aiko ku."? *Mada!* yayi shiru yana yi wa *'Kwage!* Inkiya da idanunshi, *Kwage!* ya lalla'bo ta bayan Ahamdu ya kir'ba mata wani irin duka! Ahamdu yayi taga taga zai fad'i! da sauri *Mada* ya tureshi ya mike a guje! sukayi inda motar su take suka shiga, Ahamdu ya saita bindigar hannunsa zai harbesu wayam! babu bullet sai da ya duba ta sosai sannan ya gane ashe ta gaibu ce! Can ya d'ago kanshi ya hangi motarsu ta fice daga layin......
Wata irin walkiya akayi mai hasken gaske! Walkiyar da ta zame masa madubi gurun hango Wasila tana kurd'awa wata hanya tanayi tana waiwayen bayanta, Da sauri ya nufi motarshi ya shige ya kunna da gudu yabi hanyar da bi, Ganin hasken mota yasa ta juya da saurin tana waigen bayanta, bata tantance cewar shine ko bashi bane, ta juyo da sauri tana cigaba da sauri aikuwa facal? ta fad'a cikin wata kwatuwar kwata mai zurfi! Kuka tasa tana kiran sunan Allah! ganin ruwa ya shanyeta har yuwanta shikkenan mutuwa tazo, sai kawai ta dinga kwarma ihu! tana fad'in"Azo acece ni! Azo! aceceni!" Jin wannan sautin ya sanya As dake cikin motarshi a can gaba ya fito a gaggauce! ya durfafi inda yake jiyo sautin muryartata, To shima Ahmadu hankalinshi ne yayi masifar tashi, dan gani yayi ma kamar motar bata guda ya bude ya fito ya soma gudu yana so ya cimma inda yake jin ihunta!
Had'uwa sukayi da As! d'in, sai suka shiga kallon kallon, Ga Wasila tsakiyar kwalbati ruwa na neman tafiya da ita dan ma ta rike wani karfe ne da tuni ruwan yayi gaba da ita!
Ahmadu na gane Waye baiyi wata-wata ba ya kir'ba! masa wani irin naushi a 'kirji! As ya ri'ke kirjinsa yana tari! Ahamdu ya sake kir'ba mishi wani naushin da yafi na farko! As ya zube a gurin yana jawo numfashi da 'kya!!! Facal! facal! d'in da yaji a cikin ruwan ne ya sanya ya dawo da hankanlinsa nan ya hangota tana d'ad'dago kanta sama! da hannunta guda! Da sauri ya afka cikin ruwan, dan har sai da yayi motsi saboda yawan ruwan da ya taru ! Daukota yayi a kafad'a ya daddafo ya fito yana kwantar da ita, ta sume a gurin......

A hankali a tashe ya ciro wayarshi da ruwa ya jika jagab! baiyi tunanin idan yay kira da wayar zatayi ba saboda yanda take digar ruwa, amma abin mamaki yana fara kiran yaga tana shiga ajiyar zuciya ya sauke, Stion ya kira yay musu bayanin komai da kuma kwatancan garun! Ya mai da wayar jikinshi bayan ya gama, inda take yazo ya tsuguna ya fara danna 'kirjinta a hankali a hankali ruwa ya dinfa fita ta bakinta da hancinta kafin wani ruwa yayi fit ya fito ta hancinta ta bude idonta a razane! ta mike tana zazzare! idonta! Ganinshi tsugune gabanta ya sanya ta fashe da kuka jikinta ya soma karkarwa shikkenan kashinta ya bushe! Bai ce mata komai ba, Ya mike tsaye tare da goya hannuwansa a bayansa ya nufi inda As ke sheme!!! Yana tsaye a kanshi yana nazarin shi motar Police ta shigo gurin.....suka fito su kusan biyar suna haske gurin da torchlight din hannuwansu, Ganin Sananniyar fuskar Ahamdu ya sanya su mamaki! sosai gaisawa sukayi yace."Yanzu babu lokacin bayani ku daukeshi kawai ku wuce dashi stion da safe zan shigo." Suna haska fuskar As suka razana! Ganin sanannaniyar fuskarsa Ahamdu yace."Kuyi abinda nace kawai."Sanin halin Ahamdun da rashin wasa ya sanya suka bi umarinsa, bayan haka kuma dama sun gaji da mulkin *Lawan Rabo* baya basu albashi kan kari babu promotion da sauransu wasu daga cikin ma'aikatansu ma duk ya koresu daga aiki acewarsa wai basa aiki shiyasa ya sallamesu, dama suna ciki dashi da masu bashi shawara, irin su As din dan haka suka ga su baza su 'ki bin Umarnin Ahmadun ba, suka fito da wani gadon karfe cikin motarsu suka dora As a kai suka haura dashi motar, kana sukayi wa Ahamdun sallama suka bar gurin.

Ya juyo inda take takure kanta tsakanin kafafunta tsananin razana da fargaba ya sanya jikinta maxari sai kace wacce aka kad'awa gangi tsoro nadama gami da dana sani duk sun baibayeta yanzu da badan Ahmadu ba da tuni ruwa ya cinyeta! hakika fadawarta cikin ramin kwatar yasa ta sare ta sadakar da cewa mutuwa zatayi sai gashi wanda take 'kokarin gujewa shine ya ceceta, wata irin nadama takeyi sai kuka takeyi ma'kogwaronta ya bushe 'kamas!!! Taga inuwarshi a kanta, Idanunta jage jage da hawaye ta d'ago tana kallonsa, ganin fuskarsa a daure ya sake fad'ar mata da gaba, kawai sai taji wani masifaffan fitsari ya matsota! Cikin ba'kin ciki da takaici ya buga mata tsawa "Tashi mu tafi."!!! Gurin sai da ya amsa da sautin muryarahi, Ta mike jikinta sai kyarma! yake tana d'igar da ruwa duk tabi ta 'kankame! hannuwanta a jikinta, ya nuna mata hanya da hannunsa,

Tana cire 'kafa da niyar tafiya fitsarin dake cinta ya kufce! sakin sa tayi kawai ta cigaba da tafiya tana kyarma! Bayanta yabi hannuwansa goye a bayansa yana jajanta al'amarin.

Gaban mota ta bude za ta shiga yace." Rufe min mota." Da sauri ta rufe! ta bude murfin baya ta shiga ta zauna tana kuka da nadamar rayuwarta.... ya shiga a gaggauce ya Kunna motar suka bar gurin.


Gwajab! gwajab! din da motar takeyi ne yasa As dawowa hayyacinsa ya mike zaune a zabure! yana fad'in' Karya kakeyi Ahmadu! Ba zan jima ina shuka ba ranar girbi tazo kace ban isa inyi ba, Wallahi sai ka saki yarinyar nan ko ni ko kai, a fad'in garin nan.""!! Daya daga cikin police din yace."Yallabai yi a hankali shin wai meke faruwa ne tsakaninka da Ahmadu Musa." As yayi saurin dawowa hayyacinsa yana bin motar da kallo sai ya ganshi tare da 'yan sanda, gabanshi ya fad'i! Yace."Kai ina zaku kaini."!? "Yallabai Ahmadu ne ya kiramu a waya ya shaida mana muzo gurin nan domin mu dauke ka mu kai ka stion mu rufe." Ya buga musu tsawa da fad'in"Ina ce dai bai fad'a muku abunda ke tsakaninmu ba."? Dan sandan yace."bai fada mana komai ba, amma kuma ga yanayin maganganun da kakeyi munso mu fahimci wani abun." As yaji gabanshi ya yanke ya fad'i! A duniya ya tsani mutuncinsa ya zube gurin mutanan gari da kuma iyalinshi, yanzu idan Ahamdu ya sanar da Media cewar yayi nufin daukar matarshi me duniya da mutanan cikinta zasu daukeshi, sai kawai gumi ya soma yanko masa daga ko wace kusurwa ta jikinshi, Yace."Maza ku saukeni a gida Ahmadu bai da hurumin daureni domin bai da wani mu'kami a siyance idan dauri ne ma nine zanyi masa." Babban cikinsu yace."Sam! ba haka dokar aiki take ba ku da kanku kuke fad'in cewar ba mayin aiki tsakani da Allah bama bin doka dan haka babu wani karin albashi da za'ayi mana, saboda haka daga yau zamu fara aiki tsakani da Allah a kanka." As ya shiga rarraba ido yana kallonsu ma'kogwaronshi ya bushe kamas! yace."Kunfi kowa sanin mukami na a siyasa me zai sanya kuyi min haka ku fad'i ko nawa kuke so zan baku ku kaini gidana kuma bana so kowa yaji wannan maganar." Mai maganar cikinsu yace."Yallabai alamu sun nuna mana kaine mara gaskiya tsakanin ka da Ahmadu, saboda haka dole ne muje stion dake domin yin aikinmu kamar dai yanda na fad'a maka da farko cewar kuna fad'in bama aiki kan 'ka'ida shine zamu fara ta kanka." As yayi kwata'kes! yana zazzare ido cikin motar.............
*_Tofaaa! Karshen tika tiki tik! 'Karya fure take bata 'yaya! Tsalle d'aya za kayi ka fad'a rijiya sai kayi dubu baka fito ba._*





Littafin na kudi ne.....!
Kika futar min da book! keda Allah kika karanta baki biya ba kema keda Allah! Whasap numbar
*07084653262*
*BINTA UMAR ABBALE*

Littafin na kudi ne.......!
Kika futar min da book keda Allah kika karanta baki biya ba kema keda Allah! WhatsApp numbar
*07084653262*alliya:
'Yr Bngr Sys
*48*
Shashshekar kukunta ne ya dameshi yana draving yana jan tsaki ya rasa ma wane irin mataki zai dauka kanta, domin tayi mutukar bashi mamaki! sam! bai ta'ba tsammanin za'a iya had'a baki da ita a cutar dashi ba, ashe dama ita da akwai abinda take shiryawa shiyasa tun jiya yaga ta saki jikinta tana ta zumud'i, to wai idan ta bi As din ina zai kaita? shi da kansa yake tambayar kanshi da kanshi, tabbas yarinyar ba 'karamar mara hankali bace wato ita tafi so tayi ta yawo a gari tana shiga cikin maza tana cakuduwa dasu! da auransa a kanta zata bi As suje inaaaa? Sitiyarin motar ya daka da karfi har sai da ya kufce daga hannunshi motar tayi wani irin abu!! Jikinta na bala'in rawa tace"Kay....hakuri dan Allah."! Ko kallonta bai ba ya kunna motar a guje yake janta yanayi kamar ma yace ta fice masa daga mota saboda tsabar haushi da takaici.......Lokacin da suka isa gida ruwa ya dauke ma'aikatan sa na katuwar rumfar da suka saba zama suna jiran dawowarshi. kafin ma yay parking din motar sun isa inda yake suna masa barka da zuwa, ba tare da ya bude motar ba ya amsa musu, kana kowa ya koma inda yake. Ya bude motar tashi ya fito itama ta bude ta fito jikinta na wani irin d'ari da karkarwa....Bin bayansa take simi simi har yanzu bata daina zubda hawaye ba.

Bai wani saurareta ba ya shige bedroom dinshi domin yay wanka ya sauya kayan jikinshi zazzabi zazzabi ma yake ji a jikinsa kasancewar dama