You Cannot Download this book untill you login but you can read it .

---

Login Register

"tace meye haka nakeji Rashida? Waike wace irin yarinyace mai neman fitina? Ki biyota har dakin uwarta kina insulting dinta?" Rashida ta murguda baki cikin fitsara tace "babu ruwanki malama, muna abunmu iya yan gida kinxo kinsa baki, wannan aiba abunda ya shafeki bane" Anty safiyya ta nunota da yatsa tace "ke! Kikiyayeni, in kinsaba iskanci a kyaleki ni inkaimun Ali (mijinta) xansa ya casaki." Rashida najin haka tayi shiru dan tasan yaya Ali babu ruwansa ubanta zaici.



******** ******** *******

Kwana goma dayin sallah ta kuma tsintar kanta cikin jini, wanda ke maxaunin jini na biyu bayan sakinta. Kuma hakan ya nuna saura jini daya kenan ta tashi daga matar Badaru, tunda munsan cewa iddah jini 3 ce. Ba wata uku ba kamar yadda wasu ke fada, sabida ba kowace mace ke jini duk wata ba. Wata tanayin sati 3 wata kuma 25 dayz (kamar Mimi kenan).



Haka al amura sukaci gaba da tafiya, tasamu saukin rayuwa sosai saboda aikin da Baffa ya dora mata ya xamar mata jiki inbataiba batajin dadi. Sai dai surutun mutane akan mutuwar aurenta har yanxu abun be sauki ba, wannan kuma ta kance suyi su gama watan kwaram daya ne, na biyu sai gagara. Mutane kan bata mamaki, inbakai aure ba a dameka inkayi balain gidan auren ya hanaka xama nanma asaka agaba.


Duk magribar duniya fauxa kan shigo susha hira sai goman dare take tafiya. Wanda hakan kan yiwa Mimi dadi, kuma yakan debe mata kewa. Dan ita Baffa ya hanata fita ko kofar gida. A cewarsa kunya yakeji aganta ace yarsace kuma bazawara ce. Dan haka suka qara shaquwa sosai da fauxa. Duk wani abu da take buqata fauxa take bawa ta siyo mata.



Sati hudu dayin qaramar sallah katin bikin Badaru yazo gidansu. Kuma a lokacinne mate din Mimi suka fara registration din tafiya service domin an bude musu portal, ta dunga kuka saboda Baffa ya hanata. Sam bikin Badaru baya gabanta bata sansa balle tai kishinsa dan haka in mata 100 zai aura wlh baxata damu ba.



Ranar asabar data kasance ranar yinin bikin Badaru matan gidansu Anty da Umma suka shirya suka tafi duk kuwa da cewa ba wani xumunci ke tsakaninsu da Umman su Badaru ba, amma saboda a cuzgunawa Mimi suka tafi, mama kuwa dama ba a gayyaceta ba.



Ai kuwa suka dawo da lbrin irin gidan da Badaru ya qera domin sunje kai amarya, da kuma irin bushashar da yayi a bikin. Sukaita fadar magana wai ai yanxu yayi aurenso domin ya nunawa duniya yanason Nafee.



Ranar da aka kai masa Nafee a daren ya tumurmusheta, saboda yana yunwar abun. Amma ga mamakinsa a daren ya shigeta tsaf, sabanin Mimi da sai da yayi kwana biyu dan ma tagomashin maganin kuzari. Abun ya daure masa kai, gadai Nafee danya shataf (mai qarancin shekaru) amma Mimi ta fita qaramar halitta. Ashe abun ba shekaru bane. Amma duk da haka ya yaba mata kwarai tunda ya sameta cikakkiyar mace wacce ta kawo masa mutuncinta dan haka ta kuma samun gurbi sosai a zuciyar Badaru.


Itama ta bangarenta tasha wuya sosai, amma ta daure ne saboda soyayyar da takewa Badarun.



Ranar da Mimi taga jini na uku (ranar cikar iddarta) har sadaka tayi saboda farin cikin sun rabu da Badaru har abada (abunda take fata). Mama kamar ta xuba ruwa a qasa tasha, ta dunga sallar Nafila tana roqawa Mimi da duk wata ya mace samun miji nagari da ingantacciyar rayuwa.



Daf ake da babbar sallah. Cikin wata guda da aurensu suka fara samun sabani da Badaru a dalilin yawan buqatarsa, ita kuma tagaji da juriya. Abunda kuwa ya faru shine: dake ance me hali baya fasa halinsa Badaru yaci gaba da bankar magungunan qara kuzari, wanda ya qara yawan buqata akan tasa, ita kuma Nafee taga sam bazata jura ba. Duk kuwa da cewar Badaru baya ware mata qarfi kamar yadda yakewa Mimi. Sabanin haka ita yakan yi romancing dinta ya lallabata kafin yakai gaci. Kuma yanayin hakanne saboda soyayya da kuma duba qarancin shekarunta.


A bangare guda kuma bata samun yacce takeso ta wajen cima, sabida ta gama sawa a ranta inta auri Badaru zaman jin dadi xatai saboda yana da kudi, ga kuma gida daya qera mata. Shi kuma Badaru baisaba siyan komai a gidansa ba, amma duk da haka yasan xaman da yayi da Mimi babu macen da xata yadda da haka. Dan haka yake sassauta wasu al amuran. Yana siyan komai na cefanen gida dai dai gwargwado saboda har yanxu gushirin yana kan kaxa. Sada nama da kayan shayi da bai taba saiwa Mimi ba yakan saiwa Nafee da sun qare, sai dai kudi ne kwandala bata taba shiga tsakaninsu ba. Wanda Nafee taga bazata lamunta ba.



Abunda ya fara kawo musu sabani kuwa shine : tara qawayen da takeyi danta nuna musu itafa yanxu ta kere sa a ta auri mai kudi. Wanda shi Badaru sam baya qaunar yaga anshiga gidansa, kuma in sukaxo inyananan sai tace ya basu kudin mota inma bayanan saita ciwo bashi a maqota inya dawo ya biya. Kuma duk wani nama da ya siya a gidan in qawayenta sukaxo sai sun cinyeshi. A irin haka wata rana qawayenta sunxo dayar ta buqaci Nafee ta bata always ta canja, Nafee da son gwaninta ta dakko ledar always ultra gaba daya ta bata. Wacce dakyar Badaru ya siyo mata ita domin cewa yayi bai taba siya ba, kuma tai masa kudi da yawa harda cewa abar da za asa ayar har sai ansa 500 ansiya? A taqaice dai sai da aka kai ruwa rana kafin ya siyo gashi Nafee ta bada ita lokaci daya.



Yana dawowa kuwa ko sannu da xuwa batai masa ba ballantana ta bari yaci abinci tace "kaje ka siyomun always" ta fada cikin sigar rashin mutunci dan kar yace bazai siyo ba. Ya kalleta a kaikaice yace "amma kyabari inci abinci ko" ta qara tsuke fuska tace "ai babu abincin domin nayi baqi sun cinye kuma kafin na dora wani ka dawo" ya jinjina kai cikin qosawa da halinta domin ba wannan ne karo na farko da tayi mai haka ba yace "ba shekaran jiya na siyo miki ba? Harta qare kenan?" cike da isa tace "na bayar da ita daxu, domin da kunya axo a ganni a wannan makeken gidan inkasa bada ledar always ai wlh kamata yayi ka dunga saimun sunqi guda saboda qawaye na" yace "ok haka ya dace kiyi? Kinyi dai dai"



Ala tilas yaje ya siyo mata always din, domin da yaqi siyowa xama ta dunga yi ko ina tana batawa da jini daga qarshe ma da taga bai dauki abunda tayi da mahimmaci ba saita zauna akan cinyarsa ta batashi da Jinin (su Nafee yan iska🤣) dan haka ya yi saurin tashi yaje ya siyo tun kafin ta haram ta masa xama a gidan saboda qazantar jini, domin shi Allah ya yi masa kyankyamin jini.



Ranar alhamis suka tashi cikin tashin hankali, fada kacucur suke da Nafee yana fada tana mayar masa kamar ba sune masoyan da suka shafe shekaru suna soyayya ba. Dalilin fadan kuwa shine: Nafee tace ya siyo mata kaza domin ta dade bataciba a fadarta rabonta dacin kaza tun ta daren amarci, kuma wannan danqareren gidan kamata yayi ace Kullum da farfesun kaza ake breakfast 🤣. Shi kuma ya bata amsa da bazai siyo ba, domin a gidansu ma ai ba kazar take ciba, naman kasuwar ma da ta samu ta godewa Allah (abunki da wanda ya saba da fadar baqar magana) ai kuwa yana fadar haka Nafee ta taso masa kamar xata dakeshi tanayi masa warning din karya kuma sa gidansu acikin rashin mutuncinsa domin inya kuma xatayi babban rashin mutunci.



Da haka ya tarkata ya fita saboda karya zauna zuciya ta xugashi ayi batacciya. A kasuwa tunani ya yini yi na mamakin halin Nafee. Shidai a iya zamansu baisan haka halinta yake ba ashe lambu lambu tai masa, to kodai qawaye ke xugata? Wata xuciyar tace ba wasu qawaye halintane hakan ta boye makane sai daka aureta. Wannan shine ana zaton wuta a maqera ansameta a masaqa, yana zaton a gurin ruqaqqun yan mata masu ilimi irinsu MARYAM ake samun fitsara da rashin kunya wa miji ashe abun ba haka yake ba, sai gashi yar qaramar yarinya Nafee da ko secondry bata gama ba tanayi masa abunda bai taba tsammani ba. Ada ya dauka xai juya Nafee yacce yakeso ya koya mata irin aqidunsa sai yaga labari yasha banban domin tun kafin aje ko ina Nafee na neman fin qarfinsa.



Haka ya yini tunani a kasuwa, da dare ya dawo batai abinci ba. A cewarta wai ya bata mata rai saboda haka bazatai girki ba. Sai gurin me shayi yaje yaci indomie 😂.


Dake tsohon jarababbene, a wajen kwanciya sai ya nemi haqqinsa. Ai kuwa tace "kai ka isama? Bakaban nama naci ba kazo ka mutstsukeni? Aikin banxa jarababbe kawai bakasan komai ba sai dare yayi ka danne mace" qiri qiri ta hanashi abunda yakeso kuma dole ya haqura.



A daren ya gama yanke shawarar abunda zaiyi, domin ya gaji da rashin kunyar Nafee da iskancinta. Kuma gashi ta fara hanashi haqqinsa shi kuma bashi da juriya a wannan fanni. Dama kuma cikin yunwar abun yake domin sam baya samun gamsuwa da Nafee yacce yake samu da maryam, ya saba da xagaye daya ya gamsu amma itakam Nafee sai yayi biyu xuwa uku yake samun biyan buqata lamarin da Nafeen taqi yarda dashi domin tace ita ba shinkafa bace dazaita sasuqarta.



Dawo da MARYAM xaiyi domin ya fara gane kuskurensa na saurin rabuwa da ita. Saboda haka xai dawo da ita ta zabe masa ruwan kashe shaawarsa a duk sanda ya buqata. Ita kuma Nafee yaci gaba da ajiyeta a matsayin matar so ya kuma ci gaba da haquri da halinta domin har yanxu yana sonta, dan San tsakani da Allah ya ke mata itace dai ta rufeshi. Dan haka ko gida daya bazai hadata da Nafee ba kartaga irin abunda Nafee take masa itama tace xatayi, wani gidan zai kama mata haya anan kusa da Nafee.



Yana kaiwa nan a tunaninsa wani farin ciki ya shigeshi, 😄 harya fara hangosu shi da MARYAM cikin yanayin auratayya. Yasan xuwa yanxu ta nemi maganin ciwonta na sanyi, sannan kuma gata da qaramin ciki yasan xai shana kwarai dan MARYAM yar baiwa ce ko babu ciki bare da ciki. Sai yanxu yaji yana son cikin jikinta kuma yanason ganinta da cikin yasan cikin zaiyi mutuqar kyau ajikinta dan komai nata me kyau ne (Dan rainin sense 😏) da wannan tunani bacci ya daukeshi cike da mafarkin MARYAM wanda ya kaishi ga wanka.



Ganin kansa a jiqe yasa Nafee fallara masa harara, tace ina ruwan dan anace mafarki kai kenan? Bai kulata ba saboda bayason ta bata masa mood, dan daga masallacin asuba gidansu zai tafi gurin Abbansa suje bikon MARYAM.



Mrs 😊
[9/30, 1:04 PM] ‪+234 706 296 6299‬: 🙆🏼🙆🏼🙆🏼AL 'AMARIN MARYAM 🙆🏼🙆🏼🙆🏼


Writing & story by rahman Mohammed (hajia)

Editing by mmn khairat
📝FANTASTIC STARS WRITERS {F S W }

Page 3⃣2⃣

Dedicated to
Sahura Musa Mohd (ina cigiyarki)



Bakwai saura kwata (6:45 AM) a gidansu tai masa. Yasha shadda fara sol yar ciki da babbar riga, ya dankwafa hula kamar kansilan qauye. 🤣



Har cikin dakin Abbansu ya shiga, ya samu Umma tana hadawa Abban shayi. Ya tsuguna har qasa ya gaishesu, Abba ya gama shirinsa tsaf da alama fita xaiyi.



Badaru ya qara sunkuyar dakai cikin sigar neman alfarma yace "Abba dama nazone dan Allah muje mu dawo da MARYAM, Na janye sakin da nayi mata. Naga gara ta dawo mucigaba da xama ta haihu a dakinta, na huce da fushin da nake da ita." Umma ta ware ido tace 😳 au dama MARYAM din ciki gareta amma ka saketa? Kuma shine baka taba fada ba? Wannan yaro ka jawo mana abun kunya wlh, ai da munsan da ciki da mun dunga xuwa dubata." yayi dan murmushin alamun samun nasara yace "Umma kuyi haquri lokacin rainane a bace shiyasa ban fada muku ba." tace " eh ai yayi kyau hakan, yaro yarone, yaro bakasan wuta ba saika taka. Yanxu kuma da xaka dawo da ita ka manta da xagin naka da kace tanayi? Ka sheqa kaji babu kwaya kenan.Hmmm to wlh bakayi
daya ba kaji dadi duk randa ka kuma sakin wata mace bama MARYAM ba daga ranar ka canja uwa domin ni bazan xama uwar mai auri saki ba"



Abba yayi gyaran murya yace "tunda dai yayi kuskure kuma ya gane kuskurensa shikenan, kuma itama MARYAM din nasan yanxu tayi nadamar abubuwan da tayi masa. Yanxu xanje Dawaki daurin aure amma in shaa Allahu bazan kai sallar juma a acan ba. Yanxu xanje insamu kawunka in fada masa, inyaso ina dawowa daga masallaci sai mu wuce dashi muje gidansu MARYAM din."



Badaru ya dunga murmushin farin ciki, sai yakeji a ransa kamar ta dawo ta gama. Dan haka yace "Abba inaga gobe kawai su dawo da ita, yanxu xanje inga inda xata zauna acan gurin Nafee kafin in samar mata gida" Abban yace to hakan yayi, bari intashi kar inyi rana.



Bayan komawarsa gida, yana kashingide yana tunanin maryam har wani lumshe ido yake inya tuno sweet moment dinsu. Ya gama tsara cewa dakinsa da yake ciki zai bawa maryam din kafin ya samu gida ya sai mata, bazai qara sakinta ba zai zauna da ita saboda buqatarsa.



Yana cikin tunanin ne Nafee tazo ta dangwarar masa da baqin shayi (lipton) da breadi. Tace gashinan babu madarar.Bai ce mata komai ba, sai dariya da yake mata a xuciyarsa. Tanai masa kallon biri yana mata kallon ayaba, domin bazai fada mata xai dawo da maryam ba sai dai taganta. Ya qudure suna dawowa daga gidansu Maryam din zaije yayo mata shoping na komai da komai ita kadai, Nafee kuwa taji a salansa, dan yagaji da barnar da Nafee keyi masa.



Kamar yadda Abban Badaru ya alqawaranta tare sukayi sallah da Baffa a masallacin jumaar gidan sarki, kuma daganan yabi Baffa gida yace suje zasuyi magana me hamimmanci. Baffa dajin haka yasan maganar Komece farinciki ya cika zuciyarsa. Abba tare da qaninsa da Baffa sukaci abinci tare a gidan Baffa. Kuma dama ga al adar Baffa ranar juma a daga sallar juma a gida yake tahowa baya komawa kasuwa.



Suna gama cin abinci suka labartawa Baffa maqasudin xuwansu da kuma saqon Badaru na amaida maryam din gobe (kunji fa kamar wata yarsa) harda labarin cikin Mimi sai da suka fadawa Baffa. Babu wani nuna ja ko tauna tsakuwa dan aya taji tsoro ko kuma tsawatarwa dan kar Badaru ya kuma yin saki anan gaba Baffa ya yadda da komen maryam gidansa (dan Allah ku duba inda ake wulaqanta ya mace. Ba dole namiji yayiwa mace wulaqanci ba dan yasan inma ya saketa bazai sha estalar dawo da ita ba) suka sha hirarsu cikin nishadi ya basu tabbacin gobe ana magriba A dar uma yaxo ya dau maryam su tafi.



Suna tafiya Baffa ya shiga gida, a lokacin qarfe uku na yamma. Tunda tsakar gida ya dunga kwallawa mama da Mimi kira, har ya bude parlourn Sá ya shiga bai fasa kiransu ba. Mama ta fito ta bishi dakinsa, yace jeki ki rawomun maryam yana fara a. Taje ta taso Mimi take bacci, Umma da Anty jin kiran da Baffa kewa Mimi yasa suka fito suka shiga dakin Baffa kamar an gayyacesu. Dan Susan tunda ya kira Mimi watace ta taso dan inba haka ba sai yayi sati bai kirata ba. Ya jafar ma yanxu ya shigo gidan xuwansa kenan daga kaduna yazo weekend kuma yana xuwane saboda Mimi, jin kiran da Baffa yake mata yasa ya tsaya daga gefen kitchen kusa da dakin Baffa dan yaji dalilin kiran, babu wanda ya lura da xuwansa.



Baffa ya kallesu, Umma, mama, Anty sai kuma Mimi dake gefe daya. Ya fadada faraarsa tare da cewa "ALHAMDULILLAHI, Allah ya sani tunda abunnan ya faru nake adduar Allah ya sa a daidaita, to Allah maji roqon bawa yanxu Alh Inuwa da qaninsa suka xomun da xancen mayar da auren maryam da Badaru. Domin shi Badarun da kansa yau yace ya janye sakin ta koma dakinta. Dan haka maryam sai ki hada kayanki gobe zaizo da almuru ya daukeki, basai nace miki komai ba in aurenki ya kuma mutuwa karki dawomun gida"



Mimi ta kwalolo 👀, jin abunda Baffa yace wai Badaru ya maida ita. Ta juya ta kalli da nufin mama tayi magana, domin ita bazata iya cewa da Baffa ta gama iddah ba.



Ai kuwa mama ta magantu "Alh wani irin kome kuma? Ai aure ya qare, tunda yau kwanan Mimi 6 da gama iddar Badaru."



Baffa ya dakawa mama tsawa tare da cewa "Faduma karki kawomun zancen banxa mana, yarinya da akace tana da ciki itace xakice ta gama idda?"


Mama ta hade rai cikin shirin ko ta kwana😡. Umma tai saurin sa musu baki a maganar da cewa "a ciki kuwa akwaishi dan ko mu munsan dashi, sai dai in Faty ce ta jagoranci " maganar ta katse a dalilin hararar da mama ta watsa mata. Abun ya bata mamaki domin ko da wasa mama bata taba harararta ba, dan haka yau da taga fadiman na shirin canjawa taja bakinta ta tsuke saboda kar girmanta ya xube.



Baffa shima ganin mama tayi fuskar shanu tana hararar Umma yasa ya bar maganar ciki. Yace "to shikenan ai duk da haka akwai mafita bara in kirawo Alh inuwan suxo da daddare a daura aure ya wuce da matarsa"



Mimi da mama suka kalli juna a razane. Mimi ta dago kanta cikin dakiya tace "Baffa karka kirawoshi, nikam nagama auren Badaru in shaa Allah, Allah ya hada kowa da rabonsa na alkhairi"



Baffa ya taso mata cikin hargowa yace "ke ki kiyayeni kuma aure dole ki koma, kina zaton akwai wanda zai aureki inyaji abunda kika shukawa tsohon mijinki ya sakeki a wata 5? Kinsa ana zagina a gari kamar ni ace inada bazawara a gidana? Kin batamun record din gida. Saboda haka dole ki koma gidansa ayau basai gobe ba"



Ba tare da wani shayi ba ko shakka, domin xuciyarta ta gama bushewa. Ta dago kanta tace "Baffa bazan koma ba wlh, saboda ni kadai nasan irin wahalar da nasha a gidansa"



Baffa ya dauketa da wasu irin maruka guda 2, tare da cewa "ni xance kiyi abu maryam kice baxakiyi ba? Lallai na yadda Badaru yayi haqurin zama dake. Kuma wlh sai an mayar da aurenki ayau, inyaso ni dake aga wanda ya haifi wani"



Idonta jajur saboda zafin marin da Baffa yayi mata, ta kuma dagowa ta kalleshi tace "wallhil azeem bazan koma gidan Badaru ba, da inkoma aurensa gara inshiga duniya."


Umma da Anty dake gefe suna kallo tun abun na burgesu har ya koma basu tsoro, suka kwalalo ido dan yau Mimi ta shayar dasu mamaki.


Baffa kuwa baiyi wata wata ba ya tashi yasa hannu ya rufe mimin da duka kota ina. Nan take kuwa jini ya fara fita ta hancinta wato habo. Mama ganin jini na xuba a hancin Mimi ta runtse ido, xuciyarta na tafasa tana kai kawo. Mimi kuwa duk dukan da Baffa ke mata bata fasa fadar "wlh ko kasheni xa ai bazan koma gidansa ba" Baffa yaje ya ciro wayar receiver ya nufi Mimi da niyyar sake dukanta dan yagaji da dukanta da hannu, yana cewa "to ayau kuwa xaki barmun gidana bayan na gama fasa miki duk jikinki da duka dan ban haifi dan da zai fada in fada ba"


Mama tai saurin tashi tasha gabansa (ta shiga tsakaninsa da Mimi) tare da cewa Alh Buhari karka qara dukarmun ya, domin baka tayani naqudar kawota duniya ba. Haka kawai kasa marainiyar Allah a gaba sai jibga kakeyi kamar kana dukan namiji dan uwanka. Ai ko musulunci bai baka dama kai mata auren dole ba a matsayinta na bazawara"



Umma da Anty dake gefe abun ya basu mamaki kwarai, Anty ta kasa haquri ta miqe tare da cewa "amma kam kedai fadima baki da kunya baki da kara, yanxu sunan mijin naki kike ambata tare da yi masa tsawar ya daina dukar miki ya? Ai ab" kafin ta qarasa abunda tai niyyar fada mama ta dauketa da mari, tare da nunata "👉🏼 ke! Na kasa dake balle ki dauka? Da wanda ya ajiyeki nakeyi" Anty da tasha mari ta dafe kunci tana kallon mama cikin kidima, Umma kuwa nan take ta kuma shiga taitaiyinta.


Mama ta maida kallonta ga Baffa da ke tsaye nayi mata kallon mamakin abunda takeyi taci gaba da cewa "ni har a fadamun kara akan yayana? Nagaji nagaji da abunda kake jagorantar matanka kukemun haqurina ya qare. Kuma yau na tabbatar da AL AMIN baya duniya, domin da yana raye da ko cikin shege maryam tayi zai karba ya rufa mata asiri. Duk cikin yayanka wa kayiwa auren dole? Sai yata, saboda qasa ta rufe idanun ubanta ko? Nagaji da abunda kakemun nagaji da wariya akan yayana, ai koda ace ba yayan dan uwanka bane kayimun kara. A karatu ka fifita yayanka akan nawa, a wajen tarbiya da nuna soyayya ka fifita naka akan nawa, a wajen aurar da yayama salon auren yayanka daban da nawa, sannan ka debi yayanka ka dunga kaisu saudia kabar nawa, to shin ubansu bashi da gado a dukiyar da kake facaka da itane ko kuma sudin shegu ne? Duk abubuwan da kakeyi ina sane kuma ina ganewa domin ni ba mahaukaciya bace kamar yadda kuke xata. Sannan akan wani banxa Badaru ka mayarmun da ya baiwa me aikin gidanka, sannan kuma yanxu kana nema kasa yata ta shiga duniya saboda Badaru? Shin wai maryam yar dan uwanka ko Badaru? To tunda kana qaunar Badaru ka dauki daya daga cikin yayanka ka aura masa. Tunda anyi ruwa qofar dakin kowa ta jiqe (ma ana kowa yana da yaya) duk cikin yayanka wacece take maka biyayyar da Mimi take maka? Amma duk da haka kafi tsanarta kafi wulaqantata bansan abunda ta tsare maka da kai da yayanka da matanka ba kun tsangwamarmun ya kun takurata, to wlh duk wanda ya qaramun abunda bai gamsheni ba akan yayana sai yaga tashin hankali. Ko kasan cewa akan takurar da kaiwa Mimi har yunqurin kashe kanta tayi? To wlh Buhari duk randa maryam ta kashe kanta saboda takurar da kake mata wlh sai nayi sharia da kai daga nan har kotun duniya. Kamar yadda kasha fada kuma kake nunawa a aikace cewa Mimi ba yarka bace to yau na tabbatar maka cewa FATIMARYAM ba yayanka bane yayan AL AMIN da FADIMA ne. Saboda haka na yanta yayana daga barin yi maka bauta. Abu na qarshe dazan fada maka shine : kamar yadda kace Mimi tabar gidanka xata bari, amma ni da ita xamu barmaka gidan tare domin saboda su nake zaune a gidannan inkuma ankore su banga xaman da xanyi ba."


Ta juya ta kama hannun Mimi tare da cewa "taho maryamu daga yau na yanta ki" Baffa yayi sakato kamar an dasashi jikinsa yayi mugun sanyi wata irin kunya wacce bai taba zato akwaita ba yakeji. Ashe duk abunda