You Cannot Download this book untill you login but you can read it .

---

Login Register

mimin ke fada, ta durqusa a gabansu tace Mimi babu abunda za ai wanda ya wuce ki yarda da qaddara kinsan wlh auren nan babu mai hana faruwarsa sai Allah tunda baffa ya tsaya akai, kuma turjiyarki ga wannan lamari yana nufin tashin hankalina acikin gidannan. Ta share kwalla tare da cewa mama yanxu auren dole kike nuna goyon baya ayimun? Tai saurin tareta da cewa a a wlh Mimi ko maqiyina bazanso auren dole akansa tunda anyimun banji dadi ba, bare ke yar cikina, amma inaso kiyi haquri ki dauki wannan aure a matsayin qaddara mutum baya taba gujewa qaddararsa wlh tun kan nasan waye mijin da Baffa ya xaba miki naji Sam lamarin bai munba, MARYAM indai ni na haifeki bazaki kaucewa umarnina ba, umarnina kuma gareki ki karbi wannan aure, in shaa Allah bazaki danasani ba. Ta dafa mimin tare da cewa kin yarda xakibi umarnina MARYAM? Tai saurin kwada kai tare da cewa yar halak ce ni mama bazan taba kaucewa umarninki ba, naji nagani na yarda. Kukan da take yasa dady dan yaya Faty shima yasa kuka tare da xuwa ya rungume Mimi yana share mata hawaye da cewa Anty yi shiru ki dena kuka Anty, ta kalli yaron soyayya ce me qarfi tsakaninta da dady ko uwarsa be shaqu da ita ba yadda ya shaqu da Mimi saboda a hannunsu ya tashi, tayi dariyar yaqe cike da qaunar dady tace nayi shiru Baba na ta rungumeshi suka kwanta akan cinyar yaya Faty.

Badaru tsaye qofar gidan su Nafee, yafi 30 minutes a wajen yana dakon fitowar ta amma shiru, har ya fidda rai ya juya zai tafi sai kuma gata ta fito tana yatsina wacce take nuna dab take da tayi rashin mutunci.

Ya dan matsa kusa da ita tare da cewa ranki ya dade yana washe baki 😁. Tai far da ido 🙄 sannan tace meya kawo ka? Ai canake kanacan gurin masoyiyarka?

Yayi saurin tareta da cewa ai bani da wata masoyiya da ta wuce ki, ai ban zaci ma zaki fito ba kusan fa sati 2 ina xuwa bakya fitowa. Ta fallara masa harara sannan tace ai dole ce tasa na fito, tunda naga rashin fitowar tawa be hanaka abunda kake niyya ba wato auren Maryam. Ta fada tare da
fashewa da kuka 😪.

Tausayin Nafeesa da sonta ya qara qamari a xuciyarsa cikin sigar lallashi yace yi haquri Nafee wlh auren maryam qaddarace a guri..... Dakatamun ✋🏽 ta tsai dashi a hassale, Kullum abunda kake fada kenan a matsayin abunda xaka kare kanka a wajena kuma nagaji dajin hakan, ai wlh Badaru ka cuceni, ingama jiranka inbar karatuna sabida kai amma yanxu kaimun haka. Yanxu bani da ikon fita sai aita nunani ana zundena, wasu har cewa suke ka fasa aurena.

Nafee kiyi haquri wlh babu abunda xai hanani aurenki sai mutuwa, kuma duk masu yi miki dariya a sannu zasusha mamaki domin aurenmu na barshi daganan xuwa bayan sallah in shaa Allah.

Amma dai kasan bazan zauna da ita ba ko? Saboda haka ka nemar mun gurin zama tun wuri saboda na tabbatar bazan iya hada kishi da wata ba a kanka.

Nasani Nafee shiyasa ma na nemar mata gurin xama shi kuma wancan gidan dama nakine ke kadai keda yayan da zamu haifa.

Nafeesa ta dan sakko jin wannan furuci na badaru kuma ta tabbar har yanxu yana sonta, tace wai muga photon ta kyau ta finine naga kanata rawar kai a kanta? Yayi murmushin cin nasara yace wlh bani da photon ta amma wlh ko kama qafarki batai ba Nafeesa. Wai shin kinsan ma dalilin auranta? Nan ya kwashe abunda ke ransa game da Mimi ya fadawa Nafeesa ba tare da tunanin illar da hakan kan iya haifarwa ba nan gaba.

Lamarin da yayiwa Nafeesa dadi kwarai da gaske, domin tasan halin Badaru baya qarya hasali ma ya tsani maqaryacin mutum, kuma tasan abunda ya fada mata harga Allah hakane a xuciyarsa. Shiyasa ta saki jiki sukaci gaba da hirarsu ta soyayya kamar ba abunda ya faru.

Mrs Muhammad 😊
[9/30, 1:04 PM] ‪+234 706 296 6299‬: 🙆🏼🙆🏼🙆🏼🙆🏼🙆🏼🙆🏼🙆🏼
AL AMARIN MARYAM
🙆🏼🙆🏼🙆🏼🙆🏼🙆🏼🙆🏼🙆🏼

📝FANTASTIC STARS WRITERS
{F, S, W}

Written by
RAHMTULLAH (Hajia)


Dedicated to
MARYAM BAITA


Page 1⃣6⃣

Kwanaki kadan bayan hakan Mimi tai wata irin muguwar rama ta fita hayyacinta, kallo daya xakai mata kasan akwai abunda ke cinta a xuci. Duk da ba fita tayi rabon i v ba, acewarta a turawa kowa ta waya inda hali ma a haqura da shagali a bikin a daura aure a kaita.

Abubuwa da yawa sun taru sun cudewa mama da yaya Faty da duk ma wani masoyinsu, ta bangaren mama dai abu da yawa na damunta, babban abunda yafi damunta kuwa shine damuwar halin da Mimi take ciki, na biyu kuma abunda Baffa Yayi mata. Abunda ya faru dai shine : abunda yayi a bikin Faty shi ya maimaita akan Mimi koma ince har gara Faty akan Mimi domin kuwa tunda ya sai set din kayan gado guda 1 da saitin kujeru yaja bakin aljihunsa ya tsuke daga haka ko tsinke be kuma siya ba, abunda yayi mugun baqanta ran mama da duk yan uwanta, domin a xaton mama Baffa xai saki jiki yayiwa Mimi kayan daki kamar yadda yake yiwa yayansa kodan albarkacin biyayyar da tai masa akan mijin da ya bata. Ita tunaninta abunda yasa yayiwa Faty haka a lokacin aurenta dan bayasan auren da Ahmad ne, amma sai taga sabanin haka domin har gara kayan Faty akan na Mimi, kenan Baffa ya na nuna mata yayan Al amin daban da nasa tunda ga banbancinnan yana nunawa qiriri, amma duk cikin lamarin Baffa wannan yafi bata mata rai fiye da rashin kai yayanta sauke farali kamar yadda yakewa yayansa domin a cewarta xuwa maka lokacinsu ne bayi ba. Ta kuma qudure a ranta cewa lokaci yayi da xata takawa Baffa burki akan yayanta.

Ita kanta Faty da bata cika daukan abu da xafi ba wannan karon taji zafin Baffa kwarai akan abunda yayi.

Da yake dangin mama ba matsiyata bane da ita kanta maman da Faty suka fidda kudi naqudai Adda halima da yaya Faty sukaje suka lafto siyayya daga kan kayan kicin da kayan qayata falo komai acan acan, sukaxo suka lafce kayan a tsakar gidan Baffa, duk girman tsakar gidan sai da kayan sukai ragowa aka dora wasu kan wasu. Cikin falon mama kuma danginta ne cike taf tunda da kan Adda halima (momy) har xuwa kan matan yayyensu da kuma yayansu, bakajin komai sai tashin hira da shewa cike da nishadi.

A dai dai wannan lokacin kuma matan gidan na cikin dakunansu cike da baqin ciki. Umma dai anata bangaren tun lokacin da aka kawo lefen Mimi har xuwa kayan auren da Baffa yayi mata tana cikin farin ciki, domin ita macece wadda bataso taga anfi yayanta, to ganin komai na Mimi tsiya tsiya yasa hankalinta mugun kwanciya, domin taga Mimi batafi yayanta ba, amma ganin wannan uban Kaya da dangin uwar Mimi suka kawo yasa murnarta komawa ciki.


Bangaren Anty kuwa kusan tafi Umma shiga tashin hankali akan wannan kaya, domin ita Sam batason cigaban wani koda kuwa dan uwanta uwa daya uba daya, bare kuma Mimi yar kishiyarta wacce tafi tsana a duniya.

Ana cikin hakanne saiga Baffa ya dawo diban wani katin daurin aure domin wanda ya fita dashi ya qare, ya tsaya turus ganin kaya sun cika gida ya kwallawa Umma kira suka fito tare da Anty (kamar ita aka kira), yace mata wannan kayan fa? Momy wacce ta fito daga dakin mama tace sannu Baffa ya juya tare da cewa haj halima ashe Kina ciki? Suka gaisa tai masa Murnar qaratowar biki sannan ta dora da cewa, dama kayane ta fada tare nuna kayan, muka kawo tamu gudumnawar babu yawa. Wata irin kunya ta rufe Baffa wacce tunda yake bai taba jiba, nan take ya fara nadamar abunda yakewa fadima akan yayanta, har yake tambayar kansa shin meyasa yayi haka kuma meye ribar nuna bambamcin da yake tsakanin yayansa da yayan dan uwansa guda daya da ya mutu yabar masa, gashinan dai abunda beyi ba danginta sunyi mata kamar yadda sukai a bikin Faty, yasan acikin matansa duk wacce za aiwa yarta aure ko cokali bata siya, amma fadima abikin Faty dana Mimi ta nunka abunda ya kashe wajan sau 3, baiji ragowar abunda momy take fada ba saboda tunanin da yake, sai dai kawai ya tsinci kansa da yi mata godiyar kayan da suka kawo.

Ba yanda yaya Faty batai da Mimi ba taje wankin kai da qunshi amma taqi, da kyar fauxa qawar mimin maqociyarsu ta lallami mimin suka tafi saloon akayi mata shampoo aka gyara gashin, qunshi kuwa qiri qiri taqi zuwa dole sai yaya Faty ce tasa me kunshin tazo har gida tayi mata. Duk da cewa Badaru be bada kudin event din yan mata ba, yan uwanta sun kama gidan dan hausa inda xa ayi luncheon kawai, domin ko sun qara wani event din Mimi bazataje ba, dan luncheon dinma cewa tai ba inda xata.

Ana gobe kamune akaje kafi (jere) gidan amarya ko 2 hours masu jeren basuyiba suka dawo jiki a sanyaye, domin kuwa wata yar qaramar gida Badaru ya kama haya a wani Geto area da nufin nanne gidan Mimi. Gidan dai yafi kama da gidan student wanda suke kamawa inbabu guri a hostel, domin dan qaramin tsakar gida ne sai qofa daya wacce inka shiga xaka tadda falon da ko Set din kujeru baxai ci ba sai bedroom daya da toilet aciki sai dan kicin dan qarami daga hagun falon, irin kitchen da in kin shiga bazaki iya tsgunawa ba saboda qanqantarsa.

Wannan gida ya faranta ran maqiyan Mimi na gida (irinsu Umma da Anty da kuma wasu daga cikin yayansu) da na waje. Anty ta dunga murna tana cewa yarinya dai ko FARHAN kitchen aka sai mata a banxa tunda babu gurin xubawa, domin kuwa ala dole aka juyo da kayan Mimi gida dan abunda ya samu shiga cikin gidan ba wani yawane dashi ba, don ko fridge da cooker gas basu samu shiga ba sai dan qaramin gas aka siya mata irin na yan hostel. Direct aka wuce da kayan gidan kakakannin Mimi (gidan mal SULAIMAN) aka jibge.

Matar babban yayan su mama (Umma) da momy suka dunga masifa akan wulaqancin da gidan su badaru sukaiwa Mimi akan gida kuma haka suka samu Baffa da xancen, shima da yake bayason harkar qaranta a take ya nemi mahaifin Badaru da zancen, har yana barazanar inbasu da wuri ajiye maryam a fasa auren dan ransa ya baci shima, alh inuwa ya dunga bawa Baffa haquri da cewa wlh suma sai a qurarren lokaci Badaru ya nuna musu inda zai saka maryam kuma basu so hakan ba, amma su kwantar da hankalinsu ya kusa gama gininsa. Wannan ne yadan kwantar da hankalin masoyan Mimi, amma duk da haka qananan maganganu sunyi ta kai kawo a tsakanin mutane akan auren.

Ranar alhamis itace ranar da aka fara bikin ko ince ranar luncheon, duk yanda aka kai da lallaba Mimi ta tashi tai shirin tafiya Gidan Dan hausa gurin luncheon Sam taqi anyi fadan anyi nasihar anyi waazin duk taqi ga dukkan alamu halinta na kafiya ya motsa, ala dole aka kyaleta ganin ciwonta na daukewar numfashi na alamun tashi domin qirjinta sai bugawa yake wanda shine alamun ciwonta yana gab da tashi, duk ta yankwane tayi wata irin migues rama duk wannan cikar jikin ta xube a 10 dayz, sai idanuwa xuru xuru da qasusun wuya.

Haka dai aka dade aka barta a gida daga ita sai kakarta (hajja maryam) wacce taci sunanta kenan sai kuma mama da tace ina xata yarta babu lfy? Hajja ce ketaiwa Mimi nasiha da falalar yadda da qaddara mama na gefe tana shafawa hajja mai a qafarta saboda wankan da tayi, nasihar ta shigi Mimi sosai saboda kwatancen da hajja tai mata da mama mahaifiyarta da kuma irin quncin da ta shiga a dalilin damuwarta, a fili hajja ke nuna San Mimi fiye da duk wasu jikokinta tanason yarinya fiye da tinanin me karatu.

Mama kuwa ko kallon Mimi batason yi saboda kwantsamewar da Mimin tayi, kuma sau tari in ta kalli Mimi sai taga kamar tana kallon hoton rayuwarta ne ta baya, domin itama haka ce ta kasance gareta lokacin aurenta na fari. Ta maida hankalinta kacokan kan kula da hajja ( mamanta) wacce tazo bikin Mimi da nufin sai angama xata tafi.

Bayan magriba yan bikin da babu amarya suka dawo, atsakar gida suka jiwo muryar anty na cewa wannan wane irin biki ne kamar na bagudajiyar qauye? Biki lami kuma dan abun kunya event daya? Neman kudi anan dai beyi rana ba wlh, shiyasa amaryar taqi xuwa ta qirqiri ciwon qarya 😄. Ai wlh ba a taba abun kunya a gidannan irin wannan ba domin ko taron suna ake a gidannan anayin shagalin da yaci uban wannan kai andaiji kunya wlh, lallai kwantai beyi ba, 😂 dama haka bikin yan kwantai yake komai tsiya 2 ? Allah ka cigaba da bawa yayanmu miji da wuri tun suna da quruciyarsu. Babu wanda ya kulata a dangin mama da suka cika gidan domin hajja ta hana a tanka mata a cewarta wanda ya tara jama a baya fushi ko fada in yayi fushi to ya bata taronsa.


Washegari juma a aka daura auren MARYAM AL AMIN da BADARU MOHD INUWA akan sadaki 50k, kuma a take Baffa ya kirata ya bata sadakinta kamar yadda addini ya tanada, tana shiga daki ta wullar da kudin sadakin ta sa kuka, sai mama ce ta dauke kudin. Washegari akai yini anan gidan babu wani armashi qarfe biyar aka tafi kai amarya kasancewar unguwar da xa a kaita da nisa sosai da kyar aka fito da ita daga gidan domin ta qanqame mama tana kuka da kyar momy ta banbareta daga jikin Maman tai waje da ita tasata a mota, momy da wata yar uwar su Baffa (qanwace a gurinsu baffan) mama saude suka shiga aka tafi kaita.


Mrs😊[9/30, 1:04 PM] ‪+234 706 296 6299‬: 🙆🏼🙆🏼🙆🏼AL 'AMARIN MARYAM 🙆🏼🙆🏼🙆🏼


Writing & story by rahman Mohammed (hajia)

Editing by mmn khairat
📝FANTASTIC STARS WRITERS {F S W }

Page 5⃣5⃣




Yayi mamaki kwarai daya tadda Mimi gidansu dake NNDC, ta gyara gidan qal komai need da taimakon sabuwar yar aikin da mumy ta samo mata. Kamar ta shiga xuciyarsa dama wanka yakeson yi yaje gidan mama ya dakkota sai gashi ya sameta gida, afili yace kai mace mai hankali da tunani tayi a arayuwa.




Ranar tasha aiki don gaba daya maxan wato qannansa da ishaq anan gidanta suka sha ruwa. Ta fuskanci a dabi ance Bature meson nasa yaxo kusa dashi ne don duk sanda yan uwansa sukaxo gidansa yakan rasa inda xai sakashi.



Ana gobe sallah aiki yai mata yawa sosai ita da Aisha sunan sabuwar me aikin ta kenan. Ansanar da ganin wata tun tuni, ta kwaba funkaso kana adaren tai miyar agushi ta soya naman kaxa da yawa tayi zobo tasa a fridge.




Tun hudu ta tashi ranar sallah ta dora tuwo, ta dafa shayi wanda yaji kayan qamshi sosai. Ta koma ta taya ya Bature shirin tafiya idi, 7:30Am ya gama ya fito cikin falon inda tagowar yan uwansa ke jiransa don tafiya idi. Fuskarsa ta nuna tsantsatsar farin cikin da yake ciki ganinsu kowanne da cup din tea din da Mimi ta dafa yana kurba, suka dinga gaisheshi yana amsa tare da yimusu barka da sallah. Ishaq kuma ya miqa masa hannu suka gaisa. Mimi ta miqa masa cup din nasa shayin, yana kurba da sauri don sunso yin late. Yana ajiye cup din ta matso ta dora masa hularsa ta gyara masa ita sosai kana suka tafi.




Kafin su dawo wadda ta bawa aikin waina (masa) da sinasir da kawo don ita aikin ya mata yawa shiyasa ta bada aikin ita kuma tai miyar.




Ta shimfida musu ledar cin abinci babba akan centre carpet ta jera musu duk nauin abincin da tayi akai sannan ta kawo ruwa da drinks na kwali ta hado da xobo da kunun ayar da tayi yanxu duk ta ajiye da isassun plates. Matansu suka dunga kawo nasu abincin sallar duk wacce ta kawo Mimi anan take ajiyewa. Farida ce ta karshen kawo nata girkin. Ita kuma yasmin uwar malalata snacks tayi da pepe chiken.



Ta xuba na na gidan mumy ta bawa Aisha kudin napep ta tafi kaiwa, na gidansu kuma mama tace ta turo huxaifa ya karba don bata da dan aike. Tanata sauri don tanason kafin suxo tai wanka. Faty ma dan aikenta ta bawa nata abincin ya juya mata dashi.




Ta koma daki ta gyarashi, dama shi kadai ya rage bata gyara ba. Tai wanka kwalliya sosai tayi don ta dade batai kwalliya ba sannan kuma koba komai ai tayi kwalliyar sallah. Ta danyi rama bamai muni ba sabida azumin wata daya ba wasa bane, acikin kayanta wanda ta dinka na biki ta dakko wani lace ta saka har yanxu bata gama sakawa ba don tafi saka qananan kaya. Ghana Weaving ne akanta shiku yayi tsam, ta kafa dauri mai steps ta fito da gaban goshinta inda aka dau kitson. Tasa turaren wuta a bunner na jiki ta turare jikinta kana ta saka na daki ta dunga bi dashi kusufa kusufa na gidan tana turareshi ta dire a kitchen.




Suna shigowa falon qamshin turare dana abinci ya musu maraba, komai tsaf gwanin shaawa. Suka zazzauna suna sabe riguna xaa kwashi girki shi kuma ya nufi kitchen don wanko hannu. Ya samu gumbiyar tasa a tsaye tana cire wayar bunner daga jikin socket din wuta. Ta bayanta ya lallaba ya zagaye hannusa a qugunta ya kwanto kansa akan wuyanta yana shaqar qamshinta. Kitchen din qal dashi kamar ba aciki akai aikin abincin sallah ba, sai qamshin turaren wuta yake.




Ta juyo tana kallonsa, tace "har kun dawo?" bai bata amsa ba sai kallonta da yake ya furta sunanta "MARYAM" ta amsa naam "ya Bature" ya zarce da fadar "Allah yayi miki albarka ya biya miki buqatunki na alkhairi ya bamu zuria ta gari, Allah yasa kedin ki xama uwar gidana a Aljannah" idonta cike da kwallah jin dadin adduar da yayi mata tace "ya Bature amin, amma me nayi akaimun wannan kyakykyawar addua?" ya kamo fuskarta dab da tasa yace "a cikin abunda baifi wata hudu ba da auren mu kin cikamun burikana da yawa, burina wanda kika cika yau shine hada mana abincin sallah da kikai ni da yan uwana da qannena, haqiqa na dade da wannan buri inga na hada taron sallah irin wannan sai gashi ba tare dana fada miki ba kinyi hakan. Gashi kinyi mun kwalliya kin gyaramun gida kinsani farin ciki maryam Allah ya biyaki da aljanna" ta amsa da amin. Ya kamota ya rungume tai saurin tureshi ya kalleta dason qarin bayani tace "xaka kwancemun daurin danayi da kyar" ya kamata ya cire dankwalin yana cewa "ai dama ban gama ganin wannan kyakykyawan kitson ba, saina saka anjiqashi xanji dadi" tana dariya tace ."ka makaro yaro babu way" shima dariyar yayi yace "ni xakiyawa wayo ai nasan qalau kike lokacinki beyi ba, haba Mimi luv nayi qoqari fa tun kan axumi a matsayi na na ango" ta kwashe da dariyar shaqiyanci tace "ango ko angogu?" ya kamota yace "xakiga angogu don ke xan goge in anjima" ya manna mata rafar yan hamsin sabbi yace "wannan ki sallami yara kana ya bata ta yan 200 ita sababbi yace wannan kuma nakine barka da sallah" ta sunkuya har qasa tana masa godiya yai saurin riqota yace 'adana godiyar ki in anjima kyamun a gado' ya wanke hannunsa ya fita cin abinci gurinsu ishaq falo.




Itadai tea kawai ta iya sha taje ta kwanta don gajiya, shi kuma suna gamawa ya fita shi dasu audu gaisuwar sallah gidajen yan uwa.




Baccinta baiyi tsaho ba tanayi ana tashinta sabida sai baqi take yan yawon sallah da masu kawo abinci. Qarshe ma sai falo ta dawo ta kwanta, sabida Aisha nata zaryar tashinta. Da azahar ta tashi dole tai sallah, ta fara yan ciye ciyen fruit da tasan xasu kawo mata niima ajiki har gumba ta dama da madara ta shanye. Wajen uku matan suka shigo su yasmin, Farida da sauran matan yan uwansu da suke layi daya suka cika falon anata hira cikin nishadi Mimi ta dakko musu kajin data soya da kunun aya suna ci ana maida yacce akai. Basu tafi ba sai magrib kowacce ta koma gidan mijinta don suma maxan sun dawo har sun wuce masallaci.





Wanka ta farayi kana tai sallah ta jira isha itama tayi, sannan tayi kwalliyarta cikin fitted gown ta atamfa mai dogon hannu budadde daga qasansa. Bata daura dankwali ba ta saki jelolin kitson.





Yana shigo falon da ita yayi arba a kame a falo, idonsa cikin nata yace "kai Mimi badai gayu ba, bari nai wanka naxo naga wannan wankan" ya shige ciki.





Tana nan zaune ya fito, ya xauna kusa da ita ya jawota ya dorata kan cinyarsa yana binta da ido. Tadanji kunyar kallon da yake mata tace "bari in kawo maka abinci" ya katseta "barshi ban tare da yunwa ai" tace "fruit salad fa? " yace "dakko musha" ta miqe tana takawa a hankali yabi tafiyarta da kallo yana murmushi. Ta dakko ta dawo ta xuba masa ya karba ya kuma maidata maxauninta akan cinyarsa yanasha yana bata yana kuma yan tabe tabensa. Hirar batayi wani nisa ba yace suje su kwanta.





Sosai yake nuna yana buqatarta tadan janye tace "ya Bature ka bari sai gobe mana nagaji" yace "haba mana Mimi luv kar muyi haka kinsan yadda nakeji kuwa? Kuma ai bamu tabayi a wannan garin ba ki bari mubar tarihi mana" dama itama jin baki ne don tanaso dan haka ta bada kai bori ya hau. Sambatu ya dunga yi mata sosai, lallai abun in anayi a marmarce yafi dadi kuma anfi riritaka 😜 tunanin Mimi kenan ganin yadda duk ya rude kamar yau farko.




Xamansu mai dadi ya dore a cikin kwanakin sallar, sai kace yau sukai auren bata da kewa ko kadan Kullum cikin baqi take ko yan uwanta ko nasa ko matan abokai. Duk wanda yaxo bata rasa abunda xata bashi.




Har sun fara azumin sittash shawwal, lokacin CDS dinsu yaxo tana kano ta shirya cikin kaki xata tafi ya kalleta yace "corper weeee" tana dariya tace "waaa" taje ta dawo har clearance ta samu. Sai sallah da kwana goma sukai shirin komawa. Su hudu suka tafi a mota ishaq da Bature agaba ita da Farida abaya. Farida da dai an harbu don kusan a cinyar Mimi taje Abuja duk kuwa da maganar da Bature ke mata na ta danne masa